نتائج المرحلة الثالثة للإنتخابات البرلمانية

[se_ Elsyed]

مؤشرات الفرز لم تتغير

الحرية والعدالة قوائم .. إكتساح

يليها النور

ثم الوفد

ثم الكتلة

الخبر اللي مش هايعجب الكتير

اقول ولا لأ ؟

دائرة ميت غمر اللي فيها عوكشه على قائمة حزب مصر القومي .... بتتقدم ورا الحرية والعدالة والنور ... وده اللي كنت خايف منه .. لانه لو نازل فردي ... فكان هايطلع من أول قلم ... لكن للأسف طالما قايمة يبقى على الأقل هاياخدوا أول واحد وهو عكوشه

بس بجد ياريت يدخل البرلمان عشان نضحك عليه

[se_ Elsyed]

أحسن رجال المنصورة

الفرز يجري الان في ستاد المنصورة

الحرية والعدال منفرد ويغرد خارج السرب

يليه تكتل الثورة مستمرة بقيادة العظيم محمد غنيم ولثقة أهل المنصورة به وبعلمه وأنجازاته بوضع ميدنة المنصورة على خارطة الإنجازات الطبية

ويتقاسم المركز الثالث حتى الان مناصفةً حزبي النور والوفد

[se_ Elsyed]

أنباء عن سقوط مُدوي لبطوط

وأول تصريح له إنه واثق إن المجلس العسكري هايختاره من ضمن المُعينين هههههههههههههه

هاتوحشنا يا بطوط

[se_ Elsyed]

البيجاما المقطعة مستنية تيفه .. وشكلة هاينظم المرور قريب في ميت غمر

أول تعليق له بعد الهزيمة : محدش يسألنى عن اى فشل لقوائم حزب مصر القومى ، انا تحملت المسئولية بالعافية بعد المرحوم طلعت السادات من غير ما اعرف اى حاجة عن القوائم كلها

[ذهبية]

بصراحة المنصورة كانت حاجة تشرف بجد

كاننا كنا فى عيد و الله

طبعا الحرية و العدالة لة رصيد كبير هنا

وبالتالى التنافس هيكون بين حزبى النور و الثورة مستمرة اللى اشجعها بكل قوة

[waaaf]

تيفة بعد الجولة الأخيرة من تزغيط البط

.............

[ام سلمي]

مرتضي منصور شكله حيدخل في اعادة الفردي

مرتضى منصور يتجه للإعادة مع مرشح «الحرية والعدالة» بالدائرة الخامسة في الدقهلية

تصوير السيد الباز

أظهرت المؤشرات الأولية فى لجان الفرز بالدائرة الخامسة في الدقهلية، وتضم ميت غمر وأجا، تقدم مرشح الحرية والعدالة، على مقعد الفئات، خالد الديب، على المستشار مرتضى منصور، المرشح المستقل على نفس المقعد، وتزايدت احتمالية دخول الاثنين جولة الإعادة لتقارب الفارق بينهما، وعدم تمكن مرشح الحرية والعدالة من الحصول على 50%+1 من إجمالى أصوات الدائرة.

[Mr MAGED]

طبعا تحياتي لأها بلدي أهالي المنصورة الشرفاء .. اللي دايما مشرفينا في كل المحافل

انا بس سمعت ان قايمة عكاشة خدت عشر أصوات من المنصورة .. بجد نفسي أعرف مين دول !!

وبالمناسبة الحلوة دي خدوا النكتة الطازة دي

عكاشة : عارف يا سي البرادعى حزمة الجرجير فيها كام عود ؟؟

البرادعى : أكيد أكتر من الأصوات اللى انت خدتها فى الانتخابات

[hOuSsAm]

يليه تكتل الثورة مستمرة بقيادة العظيم محمد غنيم ولثقة أهل المنصورة به وبعلمه وأنجازاته بوضع ميدنة المنصورة على خارطة الإنجازات الطبية

عن نفسى اديت لتكتل الثورة مستمرة وكمستقلين للاخوان

فعلا محمد غنيم كشخص مميز وقدوة واى حد من المنصورة بيثق فيه كان سبب رئيسى ان الكتلة تاخد نسبة كبيرة

كتوقع شخصى

الحرية والعدالة

الثورة مستمرة

النور

[Alattar]

بمناسبة المنصورة

رصد | المنصورة | الدائرة الاولى : تم الانتهاء من فرز كافة الصناديق ما عدا بضع لجان من أصل 732 لجنه

#RNN #Egyelection

بعد تجميع نتائج 420 صندوق قوائم :

الحرية والعدالة 92035

... النور 58606

الثوره مستمره 42112

الوفد 14085

وبعد تجميع نتائج 350 صندوق فردي :

يسري هاني ( الحرية وعدالة - فئات ) 126094

طارق قطب ( الحرية وعدالة - عمال )78867

وحيد فوده ( فلول - عمال ) 37578

محمد عوض شباره ( النور - عمال ) 13988

[hOuSsAm]

مكرر

تم تعديل 5 يناير 2012 بواسطة hOuSsAm

[ذهبية]

اللى مستغرباة لو صح التقديرات دى ازاى ينجح طارق قطب بالرغم انة كان مترشح فى المجلس اللى فات

وناس كتيرة مضايقة منة و انة فعلا معملش اى حاجة لحد

وانة انطرد من الجامعة لما راحها

يبقى ازاى ينجح بالعدد دة اى حد من المنصورة يجاويبنى لا بجد السؤال دة محيرنى جدااا

الاعداد دى بيجى منين

[ام سلمي]

الوادي الجديد حزب النور تقدم علي الحرية والعدالة

رصد | الوادي الجديد | قبل قليل : اقتراب الفرز من النهاية #RNN #Egyelection

والنتائج حتى الآن :

النور 23114

الحرية وعدالة 18364

الكتلة المصرية 4279

[Mr MAGED]

اللى مستغرباة لو صح التقديرات دى ازاى ينجح طارق قطب بالرغم انة كان مترشح فى المجلس اللى فات

وناس كتيرة مضايقة منة و انة فعلا معملش اى حاجة لحد

وانة انطرد من الجامعة لما راحها

يبقى ازاى ينجح بالعدد دة اى حد من المنصورة يجاويبنى لا بجد السؤال دة محيرنى جدااا

الاعداد دى بيجى منين

أستاذه ذهبية ... أنا ماعرفش طارق قطب شخصيا بس هاقولك بما اني من المنصورة ومن خلال قرائتي للموقف

طارق قطب فعلا كان عضو بالمجلس في الدورة السابقة بس برضه كان تبع الاخوان مكنش حزب وطني

وكان له مواقف كويسة بالمجلس شأن شأن باقي أعضاء الاخوان

طارق قطب من مدينة صغيرة اسمها شها مش من المنصورة .. ودايما حجم التصويت في المدن الصغيرة بيكون أكبر

ثالثا وهو الاهم .. مين هو منافس طارق قطب في الدورة دي ؟؟ منافسه وحيد فودة وهو الأخ الأصغر للنائب السابق ممدوح فودة

اللي اكتشفه بالصدفة انه بعد ما قعد في المجلس تقريبا 3 دورات متتالية عن الحزب الوطني اكتشفه انه مزور شهادة الجيش

وطبعا ماعرفوش يلموا الموضوع بعد ما اتفضح .. ففصلوه من المجلس وعشان ميزعلهوش راحو مرشحين أخوه مكانه

وكانت الانتخابات التكميلية المفروض هتتم قبل الثورة مباشرة بس ربنا ستر وقامت الثورة

رابعا ان المرشح الأخر للاخوان بالمنصورة هو الدكتور يسري هاني .. وده يعتبر من اهم رجالات الاخوان واكثرهم شعبية علي الاطلاق

واقتران اسم طارق قطب مع يسري هاني في الدعاية الانتخابية أكيد بيزود كتير من شعبية قطب

[aimen]

[ماستر]

يظهر ان لتوف متابع عوكش وعارف كل حاجة عنة

تم تعديل 6 يناير 2012 بواسطة ماستر

[ماستر]

رسالة من لتوف الى عكاشة

[lovelyramy]

النتائج شبه النهائيه فى المنصوره بالنسبه للفردى

فئات فوز د.يسري هانى من الجوله الاولى

عمال اعاده بين طارق قطب (الحريه والعداله) و وحيد فوده (مستقل)

القوائم

الحريه والعداله 3 مقاعد مؤكد

النور 2 مقعد مؤكد

الثوره مستمره 1 مقعد مؤكد

الوفد 1 مقعد مؤكد

يتبقى مقعد واحد ليكتمل ال 8 مقاعد للدائره الاولى التى تشمل المنصوره ويلقاس ونبروه وطلخا

هذا المقعد اختلفت عليه الاراء كثيرا وينتظر حسم اللجنه العليا للانتخابات له

فهناك من يقول ان الثوره مستمره ستحصل عليه وهناك من يؤكد انه للنور والبعض الاخر يتحدث عن حصول مصر القومى على 54 الف صوت بعد فرز كل الصناديق تقريبا ومن ثم احتماليه فوزه بالمقعد

هذه هى النتائج المؤكده حتى الان

تم تعديل 6 يناير 2012 بواسطة lovelyramy

[aimen]

أعلنت اللجنة المشرفة على الانتخابات بقنا فجر اليوم، نتائج الفردي بالدائرة الشمالية بقنا، والتي أسفرت عن الإعادة على مقعد العمال بين كل من: عبدالرحيم الغول (مستقل)، وفتحي قنديل (مستقل)، وعلى مقعد الفئات بين كل من: خالد خلف الله (مستقل)، والدكتور أحمد ضبيع (حزب النور).

من جهتها رفضت الجماعة الإسلامية بنجع حمادي النتيجة، وجاء في بيان أصدرته الجماعة صباح اليوم "أن ما حدث هو تواطؤ لا نقبله"، وأكدت الجماعة أنها ستقوم برفع قضية لإلغاء النتيجة. قال أحمد كامل "أبو سلمى المصري"، المتحدث باسم الجماعة في نجع حمادي، إننا متأكدون من سقوط الغول، وصعود أصوات التيار الإسلامي مشيرا أن القضاء هو الفيصل.

في سياق متصل، أصدر حزب الحرية والعدالة بقنا بيانا رافضا فيه نتيجة الفردي ونتيجة قوائم بالدائرة متهما لجنة الفرز بانحيازها لمن أسماهم "فلول الوطني" لإسقاط مرشحين التيار الإسلامي

[ام سلمي]

رصد | متابعات | إسلاميو مصر يحصدون معظم مقاعد المرحلة الأخيرة

أعلن حزب "الحرية والعدالة" المنبثق عن جماعة الإخوان المسلمين فوزه بـ35,2% من أصوات الناخبين في المرحلة الأولى من الجولة الثالثة والأخيرة لانتخابات مجلس الشعب المصري.

وأكّد الحزب في موقعه على شبكة الإنترنت أنه حصل على 35,2 % من أصوات الناخبين في الاقتراع على القوائم بينما فاز أربعة من مرشحيه على المقاعد الفردية في الجولة الأولَى من هذه المرحلة ويخوض 30 مرشحًا آخرين دور الإعادة في 10 و11 يناير الجاري.

من جانبه أعلن حزب النور السلفي أنّ قوائمه حصدت 27 % من أصوات الناخبين في الجولة الأولى للمرحلة الثالثة ليؤكّد بذلك حفاظه على المرتبة الثانية في ترتيب الأحزاب الفائزة في الانتخابات بعد حزب الإخوان، فيما فاز أحد مرشحيه بمقعد فردي بينما يدخل الإعادة 17 مرشحًا آخر.

... وحصد الإخوان والسلفيون خلال المرحلتين الأوليين من الانتخابات التشريعية قرابة 65 % من الأصوات، إلا أنّ هذه النسبة قد ترتفع بعد المرحلة الثالثة

ومن المنتظر أن تعلن رسميًا النتائج النهائية لانتخابات مجلس الشعب قرابة العشرين من يناير الجاري ويعقد المجلس الجديد أولى جلساته في3 الثالث والعشرين من الشهر نفسه.

وتبدأ في التاسع والعشرين من الشهر الجاري انتخابات مجلس الشورى التي ستجرَى على مرحلتين لتنتهي في 22 فبراير المقبل.

وتعهد المجلس العسكري بتسليم السلطة التشريعية إلى البرلمان بعد انتخابه والسلطة التنفيذية إلى رئيس منتخب في موعد لا يتجاوز 30 يونيو المقبل. وستكون المهمة الأولى للبرلمان بمجلسيه إعداد دستور جديد للبلاد