أمام الملايين.. ''دعاء'' تطلب يد ''احمد حرارة'' للزواج

[eslam elmasre]

أمام ملايين من مستخدمي الـ'' فيس بوك''، قامت إحدى الفتيات المصريات، بطلب الزواج من الناشط السياسي أحمد حرارة، وقامت بنشر صورة لها بجواره.

وقالت دعاء عبد الروؤف، 26 عامًا، إنها لن تبالي تماما مما سيقال عنها، متحدية كل التقاليد والأعراف الاجتماعية، مؤكدة انه لم يأت ذلك التصرف منها نتيجة عطف أو شفقه، وقالت '' انك تشرف أي فتاة تتقدم إلى خطبتها.. تتجوزني .''

يذكر أن أحمد حرارة، طبيب أسنان مصري، في الثلاثين من عمره، تخرج من كلية الطب بجامعة 6 أكتوبر، و فقد عينه اليمني يوم جمعة الغضب 28 يناير، ليعود مرة أخرى إلى الميدان ويقدم عينه اليسرى في 19 نوفمبر الماضي.

واعتبرت صحيفة ''الدايلي تليجراف'' ''حرارة'' أحدث رمز على النضال من أجل الحرية فى مصر، موضحة أنه عاد إلى الميدان ليستأنف نضاله، واحتشد حوله المتظاهرون ليروا أحدث بطل مصرى، حتى لو لم يتمكن هو من رؤيتهم.

واختارت صحيفة ''التايم'' الأمريكية، حرارة، شخصية عام 2011 ضمن اختياراتها المتعددة لأبرز المتظاهرين حول العالم.

وكان أحمد حرارة، قال قبل حين " المجلس العسكرى خدعنا عندما قدم التحية لشهداء الثورة وقت تولية المسئولية، وأضاف أن مصابي الثورة واجهوا إهمالا جسيما فى علاجهم ولم يتم القصاص من قتلة الثوار حتى الآن" .

ودعا حرارة المصريين لنزول يوم 25 يناير للمطالبة بالقصاص لشهداء الثورة ومصابيها، وأشار خلال الاحتفال الذى أقيم لتكريمه في نقابة الصحفيين إلى أن الجندي المجهول في ثورة يناير هو جمعيات ومراكز المجتمع المدني الذي يقوم المجلس العسكري بتشويههم ومداهمة مقارهم حاليًا.

الرباط الخاص بي

شرف كبير لاي بنت انك تتجوزها يا بطل

[لماضة مصرية جدا]

السلام عليكم و رحمة الله و بركاته

مش موافقة

ايوة

مش موافقة خالص

و انبسطت لما لقيت الخبر دكتور حرارة مردش عليه...يعني علي الاقل لسه بيفكر و كده

فعلا مش موافقة

علشان كان نفسي اعمل الخطوة دي مش هيه

و كتبت لها الكومنت ده

==========================

طيب بعيد عن حالة الغضب الانثوي

لما البنت تلاقي راجل حقيقي....مش "أشباه" رجال

لما البنت تحس ان فيه راجل عنده مبدأ بيحميه بعينه اليمين...و بيثبت عليه بعينه الشمال

لما البنت تلاقي راجل عنده قضية مبيتفاوضشي عليه...مهما قالوله

لما البنت تحس ان الراجل مش ورقة في مهب الريح...اي عاصفة ممكن تاخده في الرجلين و يقعد يتكوم بعيدها جنب الحيط يعيط..(مع اني مش ضد بكاء الرجل...لكن انا ضدانه يستمخ ضعفه)

لما البنت تحس ان ده هيكون مش بس هيكون زوج....لا الاهم أب...عنده قيمة هيقدر يربيها في ولادهم

لما البنت تحس ان هيحيمها....اصله حمي بلد من قبلها

تفتكروا تطلب تتجوزه و بس

مش عارفة ليه افتكرت الحديث للرسول صلي الله عليه و سلم فيما معناه ان المرأة تسجد لزوجها...(الله يكرمكم محدش يسيب الحوار و يعلق علي ضعف الحديث و لا قوته)

شخصيا احمد حرارة

مش بس فكرة..."زوج"

طلب دعاء مش بس انبهار بموقف شجاعة اخيرا بيقول ان فيه رجالة مش انصاص و لا ارباع

ده امل....حقيقي...جدا....ان الجيل اللي الناس اتهمت شبابه بالرعونة...و بناته انها بتتمني تتجوز تامر حسني

الجيل ده محتاج لاعتذار اوي...اوي....اوي

الجيل ده....اوقات بحس انه خسارة في ناس كتير كتيرة عمالة تكسر في واحدة واحدة

لاحمد حرارة

كل التحية

كل الحب

كل الدعاء

ان احنا نكون زيه في اي حاجة