زيارة السيد البلوفر ( الشهير باحمد شفيق) الى امبابة وردود فعل الناس

[aimen]

صحيح من امن العقوبة اساء الأدب

لسه عندك دم تترشح

يا جدع امثالك المفروض يشوفوا اى مكان ويرحوا يدفنوا نفسهم فيه ؟

فاشل بكل معنى الكلمة

استقبل عددا من أهالي منطقة إمبابة , الفريق احمد شفيق أخر رئيس وزراء في عهد مبارك والمرشح المحتمل لرئاسة الجمهورية, خلال مؤتمره بمركز شباب إمبابة بهتافات تطالب برحيله .. وردد المواطنون هتافات ” ارحل ارحل زى مبارك ” , ” أهم اهم اهم رجالة مبارك اهم ” , ” ارحل بقى يا عم خلى عندك دم ” , بينما رفع أهالي المنطقة صور من موقعة الجمل في وجهه فور دخوله إلى المؤتمر .

ووقعت اشتباكات طفيفة بين عددا من حراس شفيق والمتظاهرين وأهالي المنطقة الرافضين لتواجده بإمبابة, وفيما وقف بعض الأهالي وهم يرفعون لافتات مكتوب عليها ” لا نرحب بصاحب موقعة الجمل “, و ردد الأهالي من البلكونات ” احمد شفيق باطل ارحل ارحل يا شفيق ” .

من ناحية أخرى قاطع الأهالي, مؤتمر شفيق وبعد مرور ما يقرب من 3 ساعات من الموعد المقرر لإجراء المؤتمر لم يحضر سوى العشرات فقط من أهالي المنطقة , فضلا عن تواجد العشرات من أعضاء حملته الانتخابية بالمؤتمر .

وكان من المقرر أن يبدأ المؤتمر الانتخابي لشفيق في تمام الساعة 5 مساءا , إلا انه نظرا لقلة الحضور, تقرر تأخير موعده حتى الساعة الثامنة مساءا .. وكما يبدو في مقطع الفيديو الذي تبثه ” البديل ” خلو المؤتمر من أهالي المنطقة سوى العشرات منهم , بالإضافة إلى انسحاب بعض أصحاب المحلات بالمنطقة المحيطة نظرا لتأخر موعده .

[moamana]

و يا ترى هيوزع بونبونى برده

[aimen]

البلوفر باظ هع هع هع RT ‎@mansourtalk‏: صورة لأحمد شفيق و هو واقف فوق ترابيزة المؤتمر بتاعه و اعصابه بايظة خالص ‎http://bit.ly/y5cYBl‏

سيارات امن مركز تؤمن مؤتمر احمد شفيق وقد تعتدي على المتظاهرين ضد مؤتمره.س 18 بجوارمركز الشباب

Lastoadri Eman AbdElRahman ✿ ارحل ارحل ‎:-D‏ "‎@ThirdSawra‏: أهالى إمبابة يهتفون ضد شفيق من نوافذ المنازل ‎#Imbaba‏ ‎#Egypt‏ ‎#Flol‏ ‎http://fb.me/1dv6sUFAE‏" ‎#fb‏

https://fbcdn-sphotos-a.akamaihd.net/hphotos-ak-ash4/376063_333237970029401_256331757720023_1280482_268790511_n.jpg

[aimen]

الجبان واقف ورا الناس

نفسى افهم هو رايح بالبلوفر ليه ؟؟

دا الناس اتريقت عليه للصبح

مدام مؤمنة بخصوص البونبونى

فعلا الشباب كانوا محضرين له شوية

[aimen]

"‎@Martian_Girl_Ar‏: ‎@malekadly‏ بن شفيق هرب بن شفيق هرب .. الشعب الامبابى مايموتش الحريه لشارع الوحده .. بن شفيق هرب"

الغول وعكاشة خسروا ومرتضي اعادة قدام إخوان يعني خسارة و15عرض ومسيرة لكادبون وتويت ندوة امبارح والنهارده بإقبال كبير وشفيق هرب #يا محبطين

[Alshiekh]

عاجبكوا كده

أهو مشي مكسور ودمعته على خده

[Om Zayd]

يا خوفي لتطلع صفحة .. احنا آسفين يا شفيق

أهالي امبابة الشرفاء لهم التحية

[ابو محمود]

سينجح مؤتمر شفيق فى مصر الجديدة فقط او بمدينة نصر ؟

[Ahmed Anwer]

سينجح مؤتمر شفيق فى مصر الجديدة فقط او بمدينة نصر ؟

Never !!!!

مدينة نصر و مصر الجديدة قلب الثورة النابض

تعال شوف مسيرات كاذبون في مدينة نصر و مصر الجديدة مرتين أسبوعيا

و أعداد كبيرة

خاصة مدينة نصر أول مسيرة كانت تستحق لقب مليونية

[محمد كيبيك]

فوز احمد شفيق بالرئاسة هو شهادة وفاة للثورة المصرية

[abdulmuttaleb]

أحمد شفيق من إمبابة: الشعب يريد راجل وياه ونبني مصر

http://www.youtube.com/watch?v=zTAY_VB6Sp0

الشعب يريد أي راجل والناس تمشي معاه في ايد بعضيها ونبني مصر، أحمد شفيق وللا غير أحمد شفيق

والله ما ح نختار أحمد شفيق ولا غير أحمد شفيق إذا كان هذا هو الأسلوب و الطريقة اللي ح ندور بيها بلدنا بعد كده

عايزين نبني البلد عشان نشغل المصانع، عايزين نرجع المرور صح، عايزين نرجع الناس كسيبة، عايزين نرجع البيت بفلوس أكتر لأولادك، مش عايزين نضيع وقتنا، كلنا غلطانين وكل الغلطان غلطان، ومفيش طرف صح وطرف غلطان.

كل الأطراف غلطانة، احنا مش عارفين نتعايش مع بعض.

أعلاه تفريغ للفيديو وجزء من تصريحات منفعلة للفريق أحمد شفيق رئيس وزراء مصر الأسبق والمرشح المحتمل لرئاسة الجمهورية في مؤتمر انتخابي في منطقة إمبابة الشعبية في القاهرة إثر مشادات خارج سرادق المؤتمر أثارها بعض الشباب المعارضين للفريق شفيق

نرجع بقى للمشاركات وتعليقات الزملاء هنا في محاورات المصريين

أنا بجد مستغرب من حضراتكم، واللـه مع احترامي أنا شايف إن جزء كبير من تعليقاتكم لا يفيد مصر في أن تتقدم للأمام..

يا جماعة اسمعوا الرجل، شوفوا برنامجه، ناقشوه في أفكاره،

تحفظاتكم عليه يا ريت تشوفوا الأول كلامه في أيام مبارك

وحواره مع خيري رمضان يوم 4 فبراير ومنشور على قناة مصر النهاردة ع اليوتيوب

http://www.youtube.com/watch?v=VHRHBKx-qIg

قد ايه كانت نظرة الفريق أحمد شفيق بعيدة المدى لميدان التحرير

وأن يجعله فعلا هايد بارك لكل مشكلات مصر ويكون ميدانا مفتوحا للتظاهر والاحتجاج

وهو ربما ما يسبق رؤية لاحقة نشرتها على هذه المدونة (تفاصيل خطة السيطرة على ميدان التحرير بعد الثورة)

http://notegpresident.blogspot.com/2011/07/tahrir-square-security-interior.html

الأهم ازاي كان حريص في مجلس الوزراء على استعادة الأمن في ظروف صعبة

وعلى ردع الاعتداءات على الأراضي الزراعية وغيرها

وبعدين كده وللا كده مش فيه صندوق انتخابي؟

ايه بقى وفاة الثورة والكلام العجيب ده

يا إخوانا ناقشوه، أو نزلوا حد ينافسه واحشدوا له كي يفوز على شفيق

مفيش مشكلة خالص

إنما التريقة على البلوفر والهتافات أمام المؤتمرات

لا هي طريقة تعبير حضارية ولا تؤدي لشيء إيجابي

شوفوا الفريق أحمد شفيق كان جايز متعصب في الفيديو أعلاه في إمبابة

الراجل يا عيني كان محروق على البلد في كلامه

مكنش فارق معاه المؤتمر أو صورته الإعلامية قد ما كان بيتكلم ع الاحتياطي والاقتصاد والحوار واحترام الآخر

وبعدين واحد تاني غيره كان بلاها مؤتمرات أو يرتب له مؤتمرات ظريفة لطيفة وتعدي بسلام وكله فلة شمعة منورة

يا ريت حضراتكم تعيدوا التفكير في موقفكم

ليس لكي تؤيدوا أحمد شفيق،

ولكن لإعادة النظر في آلية تقييمكم لمرشح رئاسة

تم تعديل 6 يناير 2012 بواسطة abdulmuttaleb

[abdulmuttaleb]

مكرر

تم تعديل 6 يناير 2012 بواسطة abdulmuttaleb

[aimen]

http://www.youtube.com/watch?v=RGRJscz631s

بالفيديو.. أهالي إمبابة يطردون شفيق ويجبرونه على إلغاء مؤتمر ترشيحه للرئاسة

زفة بلدي تمهيدا لطرد شفيق من إمبابة

محمد سليمان

نظم عدد من شباب منطقة إمبابة وقفة احتجاجية مساء اليوم الخميس، اعتراضا على زيارة الفريق أحمد شفيق رئيس الوزراء الأسبق والمرشح المحتمل لرئاسة الجمهورية وعقده لمؤتمر جماهيري بمركز شباب إمبابة، ضمن حملة الدعاية الانتخابية الخاصة به.

وحدثت مشادات كلامية بين المؤيدين لشفيق والمعارضين له، حيث حاول مؤيدو شفيق وأنصاره منع وصول المعارضين لسرادق المؤتمر، مما أدى لإنهاء المؤتمر سريعا وخروج شفيق في حراسة الأمن المركزي.

وردد المعارضين هتافات معادية لشفيق ومنها "ارحل ارحل زى مبارك" و "إمبابة لسه حرة وشفيق يطلع بره" و"والشعب يقول يسقط الفلول".

بالنسبة لموضوع نسمع الأخ الشفيق ونشوف برنامجه ..اعتقد قبل كل شئ نشوف ايه مصير البلاغات المتقدمة ضده

وبعدين الشعب يبقى يفكر...نقدمه له بونبونى ولا لأ

تم تعديل 6 يناير 2012 بواسطة aimen

[aimen]

[ماستر]

اذا لم تستح فاصنع ما شئت

شفيق اتشال من الوزارة بمليونية فى كل ميادين مصر ازى يعنى هيرشح نفسة

احلى رد من اهالى امبابة "إمبابة حرة شفيق برة"

[ابراهيم عبد العزيز]

أستغرب بكل صراحة من مجرد تفكير أحمد شفيق في الترشح للرئاسة

أحمد شفيق الشعب لم يقبله كرئيسا للوزراء , وخرج بالملاين للمطالبة بإقالته بهد ثورة 25 يناير

هل يعتقد أن الشعب سينسى أنه كان رافضا لرحيل لمبارك حتى اللحظات الأخيرة , وظل يدافع عنه بإستماتة في الوقت الذي كانت فيه دماء الشباب تكسو ميدان التحرير ؟؟

هل يعتقد أن الشعب نسى إقتراحه ( المبدع ) بتقديم البنبوني والحلوى للثوار في التحرير وتحويله لهايد بارك ؟؟

فأي جرأة هذه التي تجعله يترشح للرئاسة !!

بمناسبة ما حدث لشفيق في منطقة إمبابة :

بلال فضل :

تحطم طائرة عنطزة أحمد شفيق في مطار إمبابة الشعبي

نوارة نجم :

شفيق : انا طردت واطردت قبل كده

تم تعديل 6 يناير 2012 بواسطة ابراهيم عبد العزيز

[ماستر]

حملات ''الفيس بوك '' تلغى زيارة شفيق للشرقية

تسببت الحملات التى شنها شباب محافظة الشرقية عبر الموقع الاجتماعى الفيس بوك فى إلغاء زيارة الفريق أحمد شفيق المرشح المحتمل لرئاسة الجمهورية، للمحافظة التى كان مقررا لها اليوم

[se_ Elsyed]

حملات ''الفيس بوك '' تلغى زيارة شفيق للشرقية

تسببت الحملات التى شنها شباب محافظة الشرقية عبر الموقع الاجتماعى الفيس بوك فى إلغاء زيارة الفريق أحمد شفيق المرشح المحتمل لرئاسة الجمهورية، للمحافظة التى كان مقررا لها اليوم

بلد أحمد عرابي ... ما يدخلهاش بلوفرات أبداً .. انا أفتخر إني شرقاوي ... ورمز محافظتنا هو الحصان العربي الأصيل

حصان طيب ... كريم ... كله خير .. عدل وما يقبلش العوج ولا الخبث ...

وأستغرب والله ... ولا أستغرب ليه إذا كانوا القائمون على الامر متورطون في جرايم ضد الإنسانية ... كنت عاوز أستغرب إزاي بني أدم زي ده حراً طليقاً وهو مشارك في معركة الجمل وفي تهريب الفاسدين بره مصر

حسبي الله ونعم الوكيل

[ماستر]

بلد أحمد عرابي ... ما يدخلهاش بلوفرات أبداً .. انا أفتخر إني شرقاوي ... ورمز محافظتنا هو الحصان العربي الأصيل

دة ابلغ رد يا سي السيد على كل واحد بيقول انتم بتعملوا اية خلف الكي بورد, دلوقتى وان شاء الله فى 25 يناير هيشوف النتائج

[ابراهيم عبد العزيز]

علاء صادق :

في مصر الثورة : أحمد شفيق أحد أبرز فلول النظام والإبن المُدلل لمبارك في الطيران يترشح للرئاسة والبرادعي ينسحب !

كبدي وقلبي على ثورتنا العظيمة المخطوفة

http://www.youtube.com/watch?v=6aqJ_DX6fh8&feature=related