سؤال للفاضل الاستاذ رؤوف عن رينو فلوانس

[Doctor style]

سيادة الاستاذ الفاضل رؤوف ،،شكرا على الوقت والمجهود ده ،،جعله الله في ميزان حسناتك ..عاوز نصيحة حضرتك في السيارة رينو فلوانس ..هل هي افضل ولا الفولكس فاجن جيتا ؟؟انا اتفرجت كمان على البيجو 3008 شكلها غريب شوية ،،حاسس انها معقدة ..

الحقيقة اللي داخلة دماغي قوي التويوتا راف 4 بس دي جمركها هيكون عالي جدا..

واشكرك جدا يا استاذ رؤوف ..

[raouf]

سيادة الاستاذ الفاضل رؤوف ،،شكرا على الوقت والمجهود ده ،،جعله الله في ميزان حسناتك ..عاوز نصيحة حضرتك في السيارة رينو فلوانس ..هل هي افضل ولا الفولكس فاجن جيتا ؟؟انا اتفرجت كمان على البيجو 3008 شكلها غريب شوية ،،حاسس انها معقدة ..

الحقيقة اللي داخلة دماغي قوي التويوتا راف 4 بس دي جمركها هيكون عالي جدا..

واشكرك جدا يا استاذ رؤوف ..

شوف يا دكتور

هاشرحلك شوية عن الرينو فلوانس

هى عربية رائعة وهى فى الحقيقة مش رينو هى سامسونج اس كيو5

وبتسوق تحت اسم رينو زى ما اوبترا ( الدايو ) مثا بتسوق تحت اسم شيفورليه لان سامسونج مملوكة لرينو

انا شفت العربية وجربتها من سنة اول ما نزلت

عربية حلوة وواسعة ومن افضل ما فى فئة ال1600

بس اللى موجودة هنا كورى للاسف ومش تركى زى مصر !!! مستغرب صح

اللى هنا بيختلف بس فى الفتيس المتطور اكثر

المشكلة باه ان التركى بياخد خصم وبيقل الحمرك كل سنة علشان اتفاقية التجارة الحرة مع الاتحاد الاوربى علشان كده شراءها هنا وتنزلها مصر فكرة غير مجدية ماليا لان كده هاتكون فى مصر ارخص بكتير

تمام كده ده بالنسبة للرينو

البيجو ماشوفتهاش ولا مرة لان وكيلها اتغير فى السعودية والوكيل الجديد لسه مش عامل اى شغل بس عموما البيجو لا انصح بيه هنا

الجيتا

للاسف الجيتا ال1600 تم ايقاف تنزيلها فى السعودية وبعض دول الخليح بضغط من وكيل مصر

الفئة اللى نازلة هنا 2000 سى سى يبقى ماتنفعش تنزل مصر

لو عاجباك الجيتا ممكن تجيبها كاش من البحرين وضمانها شغال هنا عادى

فيه حاجة فى نفس السعر وافضل من الاثنين

بى ام دبليو 316 جديدة ب99 الف ودى بتحل المعادلة

عربية اوربى فخمة و 1600

اتمنى ان اكون افدتك وتحت امرك فى اى استفسار اخر

[Doctor style]

متشكر جدا يا استاذ رؤوف ،،والله الرأي ده تمام وزي الفل ..

[waaaf]

أستاذ / رؤوف

شكراً على المعلومات القيمة وننتظر منك المزيد دائماً

تم تعديل 6 يناير 2012 بواسطة waaaf

[Ahmed Anwer]

أنا عندي رينو فلوينس في مصر :)

لو ممكن أفيدك

[عصام أبوالفتح]

رؤوف الفئة الثالثة من BMW كل سنة وانت طيب بح انتهى موضوع 316 تماما منها اللى نازل رسمى فى الخليح والعالم هو 328 و 335 محركات جديدة تماما واذا استمر انتاج 316 فيكون فى مصنع مصر كبواقى ومرتجعات وكده مانت عارف مصر سوق تصريف اكتر منها خطوط انتاج

[Doctor style]

سؤال للأستاذ الفاضل احمد انور ،،ايه رأي حضرتك في رينو فلوانس بما انك عندك واحدة ؟؟المميزات بالمقارنة بمثيلاتها مثل الفولكس فاجن جيتا أو الاوكتافيا ،،تويوتا كورولا مثلا ..وأشكرك جدا على النصيحة ..

[الفقير لله]

up