خالد صلاح ( أكشن تاني مرة ) .. منع المنتقبات من الأندية جريمة

[عادل أبو عمر]

الشرط المؤسف الذى فرضه نادى وادى دجلة فى قواعد العضوية، بمنع الأعضاء المنتقبات من دخول النادى، ليس سوى عمل ضد الأخلاق، وضد القانون، وضد المنطق، وضد الليبرالية وحقوق الإنسان.. «اقرأ التقرير المنشور بالمستندات فى الصفحة الأولى لهذا العدد».

أنا شخصيا أنحاز إلى الرأى الفقهى القائل بأن النقاب فضيلة لا فريضة، لكننى فى الوقت نفسه، لا أستطيع أن أنكر حق المرأة المنتقبة فى أن تعيش فى بلادها بالملابس التى تريدها، وبالشكل الذى تختاره بحرية، وبالأفكار التى تؤمن بها لله أو للوطن، ولا يجوز أن تعترض أى إدارة حكومية أو أهلية على هذه الملابس، ولا يحق لأحد منعها بهذا التجاوز المشين.

اذا يحدث لو أن سيدة فاضلة من أعضاء النادى اختارت ارتداء النقاب، بعد أن حصلت على العضوية، ثم ترددت على النادى لاصطحاب أبنائها إلى أى من الأنشطة الرياضية؟ هل يقف موظفو الأمن لمنعها من الدخول أمام أبنائها لمجرد أنها اختارت بنفسها ما الذى تفضله لحياتها بإرادتها الكاملة؟

أفهم أن من حق النادى التحقق من شخصية الأعضاء عند الدخول، وهو عمل سهل تؤديه موظفة من السيدات، تتحقق من هويات العضوات، أما أن يصدر قرار بالمنع تحت أى مسمى، فهذا ليس من حق النادى، وهو عمل ضد مبدأ المساواة، ويؤدى إلى التحقير غير القانونى، وغير الدستورى أيضا.

على إدارة النادى أن تراجع هذا الموقف المعادى للحريات.

إذا كان البعض يطلب باسم الليبرالية ألا يتدخل الإسلاميون فى تحديد ملابس السيدات فى المجتمع، فإنه من باب أولى، وباسم الليبرالية كذلك، لايتدخل المجتمع فى ملابس المنتقبات بكل هذا التعدى والتجاوز.

مصر من وراء القصد.

المصدر

إيه موضوعك يا أبو صلاح .. و إيه حكاية مصر من وراء القصد دي ؟؟

في التسعينات وصلتني دعوة لحضور فرح واحد زميلي في العمل و كان الحفل في إحدى دور القوات المسلحة أعتقد الدفاع الجوي و لكني لم أذهب بسبب دعوة الفرح وكانت الدعوة مكتوب عليها "ممنوع دخول المنتقبات وذوي الجلباب القصير" احنا طبيعي رايحين لابسين بدل لكن كانت المشكلة في زوجتي أم عيالي المنتقبة .. و رغم إني مكنتش متجوز أصلا بس كبرت في دماغي وحسيت إن دي قبول الدعوة بالشكل ده إهانة فقررت ما اروحش الفرح .. و خرجت أتعشى مع العيال ... أصحابي

مش عارف إيه المنطق عند البعض في الأفراح لما تحضر المنتقبة تأدي واجب تطردها العيون بنظرات النفور .. في حين نفس العيون في نفس المكان و الزمان لا تنفر من كشف بعض النساء لأجزاء من أجسادهن عشان الفرحة حلوة ..

حد عنده تفسير !!

تم تعديل 6 يناير 2012 بواسطة عادل أبو عمر

[Ahmed Anwer]

عادي الموضوع ده من زمان خاصة مع الجلبايب للرجالة

أعتقد بقه في تساهل كثير مع المنقبات

و بتحصل في كل النوادي و منها نوادي النقابات و أكيد نوادي الجيش

أنا معترض بشدة علي منع المنقبات لأنها حرية ممارسة شعيرة دينية واضحة

لكن الجلبايب الرجالي أتقبلها نسبيا من قبيل حق إدارة المكان الحفاظ علي مظهر معين للمكان

[عادل أبو عمر]

عادي الموضوع ده من زمان خاصة مع الجلبايب للرجالة

أعتقد بقه في تساهل كثير مع المنقبات

و بتحصل في كل النوادي و منها نوادي النقابات و أكيد نوادي الجيش

أنا معترض بشدة علي منع المنقبات لأنها حرية ممارسة شعيرة دينية واضحة

لكن الجلبايب الرجالي أتقبلها نسبيا من قبيل حق إدارة المكان الحفاظ علي مظهر معين للمكان

تحياتي أخي الفاضل أحمد

هو الموضوع غريب أولا عشان خالد صلاح نفسه تاني مرة في أسبوع يكتب كلام يحسب له في صالح التيار الاسلامي ولازم يحشر كلمة الليبرالية في الكلام بداعي أو من غير داعي ..

وثانيا لأنه زي ما بتقول الكلام ده بيحصل من زمان إيه الجديد اللي خلى خالد صلاح يتكلم دلوقتي !!!

ومتفق مع رأيك بخصوص المنتقبات

و بمناسبة الجلابيب الرجالي .. مش هاوصيك بقى و إنت جاي م العمرة بإذن الله

[الغريب]

على فكرة خالد صلاح كان "جهاديا" وتم إعتقاله من قبل لمدة ثلاث سنوات

[عادل أبو عمر]

على فكرة خالد صلاح كان "جهاديا" وتم إعتقاله من قبل لمدة ثلاث سنوات

تحياتي أخي الفاضل الغريب

ممكن تشرح أكتر

عن نفسي شايف كلامه داخل في سكة حق يراد به باطل ..

ومش فاهم برده ليه حاشر الليبرالية و الليبراليين 3 مرات في الموضوع .. هل عاوز يصلح و لا عاوز يشعللها ..

عدم ثقتي في الاعلاميين زي خالد صلاح بتخليني أفكر أكتر من ظاهر الأمور ..

[الغريب]

تحياتي أخي الفاضل الغريب

ممكن تشرح أكتر

عن نفسي شايف كلامه داخل في سكة حق يراد به باطل ..

ومش فاهم برده ليه حاشر الليبرالية و الليبراليين 3 مرات في الموضوع .. هل عاوز يصلح و لا عاوز يشعللها ..

عدم ثقتي في الاعلاميين زي خالد صلاح بتخليني أفكر أكتر من ظاهر الأمور ..

هي المداخلة لا تحتمل الشرح أستاذ عادل

أنا أحببت أن أضيف معلومة فقط لا غير ، وهي أن خالد صلاح كان ينتمي لجماعة الجهاد وأعتقل على أثر ذلك لمدة ثلاث سنوات خرج بعدها صاحب توجه مختلف

أما عن مقالاته فأنقطعت عن قرائتها منذ زمن بعيد عندما ترسخ لدي أنه يأكل على كل الموائد (شوية هنا وشوية هناك)

[لماضة مصرية جدا]

السلام عليكم و رحمة الله و بركاته

الحقيقة لفت نظري في المقال جملة كاتبه

"النقاب فضيلة لا فريضة"

و مبقتش عارفة هو عايز يدافع عن حق مواطنة مصرية دفعت فلوس مش قليلة في نادي

و لا عايز يخوف الناس من فكرة النقاب.....(يا حرام اللي هتروح نادي وادي دجلة راح تتحرم من الجنة مثلا)

و لا عايز ينصب نفسه مدافع عن حقوق الانسان في دولة أمنية من الطراز الأول

مش عارفة

بس اللي اقدر اقوله

فكرة جت في دماغي

ابعدوا عن ستات مصر بالتي هي احسن

احسن لو قمنا عليكو....متقبات بقي و لا مش منتقبات....هنضرب كورسي في الكلوب

مش واخدين بالكو ان كل الزوابع الاخرانية كانت محورها الستات

بنت تتعري علي النت.....يلا يا جدع افضح ليبرالية

بنت تتسحل في الميدان...نقعد نتكلم هي العباية بكباسين و لا مقفلة؟؟؟

بنت تتخطف من بيتها...نقعد نقول...ايون.....اهي رجعت و كأن عصابة القناع الاسود هي اللي كانت خطفاها مثلا؟؟؟

الي المقالات

اللي هتلعب علي وتر الدين

الي الكتاب و العسكر اللي هيستهدفوا "بنات" مصر

بلااااااااااااااااااااش احسن

الطيب مافيش احسن منه

و قد اعذر من انذر

تحياتي

لماضة

حقيقي مش منتقبة

و حقيقي مش ليبرالية

و حقيقي مقرتشي قبل كده لخالد صلاح

بس "بنت" من مصر و وبحبش الحال العوج