اعلنها صراحة لست مع ما يسمى الثورة الثانية

[raouf]

بصراحة موضوع الدعوة الى ثورة ثانية يوم 26 يناير لا اتفق معه على الاطلاق وليس فى المبدأ ولكن فى الموعد

للمرة الثانية سيتم جر مصر الى ماسبيرو اخر

الى محمد محمود اخر

الى حرائق اخرى

اتفق مع كل من يسمون انفسهم بالثوار ى بطء الاجراءات فى المحاكمات

فى كل ما يطالبون به ولكن اختلف معهم فى الطريقة والتوقيت

المجلس العسكرى غلط غلطة وحدد موعد انتقال السلطة

غلط غلطة وطلع بيان ان مجلس الشعب من سيتولى انتخاب لجنة اعداد الدستور

غلط غلطة لما عمل انتخابات نزيهة غير مزوة واعطى الشعب شرعية كاملة

كل ما فى اعلاه اعطانا الشرعية وسبب للانتظار حتى 30 يونيو

فقط اريد ان اعرف ماذا سيفيد اللى بيدعوا للثوة من انتقال السلطة من 1 فبراير مثلا الى يونيو هل هى 4 شهور ؟

ما تاثيرها

ولكن اى احداث شغب او مظاهرات الان ستدعوا العسكرى الى سحب كل وعوده

تدعوا العسكرى الى اعلان الاحكام العرفية

تدعوا العسكرى الى تعيين رئيس عسكرى

تدعو الشعب الى كره كل ما يسمى او يرتبط بشباب الثورة او من يقوم بها وستكون هذه الطامة الكبرىالتى سنعانى منها لاجيال

هاتكون الاجابة لعدة اجيال جربنا الثورة مجاش منها الا الخراب والقتل وانتشار السرقة

هذا ما سيقوله رجل الشارع الذى لا الومه

كواحد من الشعب اطلب تاجيل اى مظاهرات لما بعد 30 يونيو

او على الاقل لما بعد تاسيس لجنة اعداد الدستور واعلانه

ساعتها سنعلم من على حق

ساعتها سنعلم النيات المبيتة

ولكنى احذر من الان ان رد فعل الشعب والشارع ومعهم 80% ممن فى سن الانتخاب لن يسمحوا بالتظاهر وهم من سيقف اماممهم هذه المرة وليس الامن المركوى ولا الشرطة

اكاد اجزم ان كل من يدعون الى هذه المرة الى ما يسمى ثورة لا يعرفون معنى كلمة جيش

واكرر نتفق علىالمطالب ونختلف فى الطريقةة

لو ليك دين وفلوس عند واحد وقالك هاردها اخر الشهر الجاى اجى اول الشهر واخد بلطجية واروح اضربه ؟ ولا يحصل ده بعد ما يعدى الموعد اللى حدده بنفسه

سؤال كمان :

هل لو ربح حزب الثورة مستعمرة او العدل او الكتلة المصرية هل كانت ستقوم هذه المظاهرات ام الدعوات اليها

صدقونى هى بداية تقسيم مصر

هى بداية حرب اهلية

هى بداية لبنان او عراق جديد

تم تعديل 6 يناير 2012 بواسطة raouf

[عصام أبوالفتح]

أخيراً يا رؤوف .. شكرا على المقال والموقف الشجاع

[لماضة مصرية جدا]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

سبحان الله

طب ما نرفع التوبيك القديم علشان نشوف

في 25 يناير2011 يعني من سنة كااااااااااااااااااااملة يا استاذي كان اللي عمل الدعوة علشان الناس تنزل في الشارع و تقول "آآآآآآآآآه" بعلو الصوت

كان عارف انه راح يقولها لوحده

محدش كان متخيل ان حد ممكن ينزل معاه

كنا خايفين

لانها اول مرة

و اول مرة في كل حاجة بيبقي ليها رهبة

و احنا اتربينا علي الخوف

و اتربينا علي مبدا امشي يا بنت جنب الحيط

بصيت علي القاهرة

اخر مرة زرتها امتي

القاهرة بقت مش حيط نمشي جنبيه

القاهرة بقت جدران عازلة.....فصلت العسكر عن الناس

خليتهم يفتكروا انهم يقدروا يدارو عجزهم و فشلم في ادارة و حل اي مشكلة بانهم يبنوا حيطة

نفس المنطق

علشان الشعب يمشي جنب الحيط

طب في 25 يناير 2011 كنا خايفين....و كان عندنا الف مليون سبب

لكن لما الروح تصحي جوانا

و لما نحس ان لسه البلد دي فيها حاجة حلوة

و لما نحس اننا مش لوحدنا اللي عايزين نعيش و نموت فيها بس بكرامة

و لما نشوف ده قصاد عينينا بيتحقق....و هيتحقق باذن الله

احنا كنا فاكرين الثورة زي الافلام العربي المصري...اللي بتنتهي بنهاية سعيدة...(اقتباس من علاء عبد الفتاح)

للاسف

دي مش فيلم....اينعم هو مصري....بس مش فيلم

دلوقتي...خايفين ليه...و من ايه...و بتدوا الفرصة لمين

حضرتك قولت انك مش مع الثورة التانية

معاك حق

بلاش تبقي معاها

بس هو الحقيقة مافيش ثورة تانية

لانها الاولانية بس لسه مكملة

الانتخابات اللي الناس عمل تهلل و تزغرط عليها مش عرفة علي ايه....مكنتشي هي الهدف

و نقول تاني

اديني تغيير حقيقي حصل في مصر

اديني نظام حقيقي اتبني

اديني قرار واحدصحيح يقولنا ان البلد دي قامت فيها ثورة

للاسف

مش هتلاقي

مش هتلاقي غير دواير...خوف...عمالين نلف فيها....و للي ماسك كل خيوط اللعبة واقف يتفرج علينا بره الدايرة و يخوفنا زيادة علشان نفضل نلف....و نلف....و نلف....لغاية لما نتعب و نتهد و الثورة تموت...و الروح تنكسر

حضرتك مش مع الثورة...اللي سمتها ال "تانية" كل احترامي و تقديري لوجهة نظر حضرتك

بس متبقاش ضدها

تحياتي

و هتفضل سلمية....و مكملة

[raouf]

أخيراً يا رؤوف .. شكرا على المقال والموقف الشجاع

الله يخليك يا عصام هو مش مقال

انا كاتبه ومش ناقله من مكان

المهم ان ناس كثير دخلت الموضوع ومحدش حط رايه فى الاستطلاع

على الاق عايز اعرف هل غالبية الناس مع او ضد

وشكرا لك على اجابتك للاستطلاع

وشكرا لتيمور اول مشارك فى الاستطلاع

وعقبال باقى المنتدى

على فكرة دى بداية الايجابية عرض الراى

[الدكتور ياسر]

انا مع الثورة الثانية ولكن ليس الان .

ليس في 25 يناير القادم , لأن هناك بالفعل خطوات تجرى على الأرض لتسليم السلطة , اكتملت المرحلة الأولى منها

بانتهاء انتخابات البرلمان .

لن تجد تلك الثورة المتعجلة من يؤيدها في الشارع المصري الذى يترقب تسليما للسلطة عبر خطوات منظمة و ليس عبر

الفوضى المتوقعة إذا أصرت القوى الثورية على النزول هذا الشهر .

تلك الثورة المتعجلة ستعطى الفرصة و الذريعة للمجلس العسكرى المتخبط في فرض الأحكام العرفية ونسف وعوده التى قطعها

بترك السلطة لرئيس منتخب في يونيو القادم .

أنا مع الثورة الثانية و كل المصريين معها إن أتى علينا يونيو و لم يرحل العسكر , أرجو ان نقدم مصلحة مصر

فوق كل غرض , يجب أن ندرك ان بلدنا قد أوشك بالفعل على الإفلاس من جراء الإنفلات الأمنى و الفوضي التى تحدثها تلك

الإعتصامات الغير مبررة في الوقت الحالى .

لا نريد ان تتكرر أحداث محمد محمود وماسبيرو و مجلس الوزراء مرة أخرى .

أرجوكم ارحموا مصر وارحموا الشعب المصري .

تم تعديل 6 يناير 2012 بواسطة الدكتور ياسر

[عصام أبوالفتح]

على فكرة دى بداية الايجابية عرض الراى

أنا ضد الثورة الثانية منذ 19 مايو 2011 يا رؤوف وارجع لمشاركاتى وأحمل كل من دعى لها تحت مبدأ تخوين المجلس ذنب كل شهيد سقط وباحملهم مسئولية كل الوقت اللى اتأخرناه فى نقل السلطة .. وانا اخترت الاختيار الثالث لانه الاقرب لرأيى وهو ليس رأيى تماماً .. اذ يمكن اضافة شرط عدم وجود وقت مستقطع من الاعتصامات او المليونيات

[ماستر]

انا مع اكمال الثورة حتى النهاية

كتب لماضة:

اديني تغيير حقيقي حصل في مصر

اديني نظام حقيقي اتبني

اديني قرار واحدصحيح يقولنا ان البلد دي قامت فيها ثورة

للاسف

مش هتلاقي

تسلم ايديك يا لماضة انا مش لاقى كلام تانى اقوله زيادة غير

يسقط حكم العسكر,

ابنى لن يحكمة عسكرى

[egyptawy]

احيك يارؤف ورايى هو رايك طبعاوهذا هو العقل والصواب

[raouf]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

و هتفضل سلمية....و مكملة

لا يا لماضة

لو راجعتى التوبيك القديم هتلاقى عضوين ثلاثة كانو بيايدو الثورة تاييد تام قبل بدايتها

وانا ولله الحمد منهم وكان تيمور وكان ايمن

وتقدرى تراجعى المشاركات

[raouf]

احيك يارؤف ورايى هو رايك طبعاوهذا هو العقل والصواب

شكرا ليك

وارجو ان تضيف رايك فى الاستطلاع

تم تعديل 6 يناير 2012 بواسطة raouf

[وطني حر]

انا خترت الخيار الثالث . . الجيش اعطي وعد وحدد ميعاد محدد للانتخابات الرئاسه

واعتقد تغير الوضع وتغير موقف الجيش عن ايام الثوره الاولي .

فلنعطه الفرصــه الكامله . لتحقيق وعوده للوصول الي هدف الثوره .

فانا مع الانتظار والهجوم بعدها واساجماع القوي للعوده للميدان فيما لو اخلف المجلس وعــوده . فليكن بعدها البركان . فلا ايد الخروج علي كل امــر او التجاوزات البسيطه فالثوره كبيــره كبيــر فالنغض الطرف عن بعض التجوزات ولنستجمع قوي الاســد ليزار بقوه لطرد المجلس العسكــري . ليكون الخروح عليه مبرر ومقنع

ما يجول في خاطري هو لو حاول المجلس التلاعب ببعض الاوراق . مثل نزاهه انتخابات الرئاســه او بعض الافراج عن بعض الفلول بناءا على احكام قضائيـه ..الخ

[Abu Reem]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

سبحان الله

طب ما نرفع التوبيك القديم علشان نشوف

في 25 يناير2011 يعني من سنة كااااااااااااااااااااملة يا استاذي كان اللي عمل الدعوة علشان الناس تنزل في الشارع و تقول "آآآآآآآآآه" بعلو الصوت

كان عارف انه راح يقولها لوحده

محدش كان متخيل ان حد ممكن ينزل معاه

كنا خايفين

لانها اول مرة

و اول مرة في كل حاجة بيبقي ليها رهبة

و احنا اتربينا علي الخوف

و اتربينا علي مبدا امشي يا بنت جنب الحيط

بصيت علي القاهرة

اخر مرة زرتها امتي

القاهرة بقت مش حيط نمشي جنبيه

القاهرة بقت جدران عازلة.....فصلت العسكر عن الناس

خليتهم يفتكروا انهم يقدروا يدارو عجزهم و فشلم في ادارة و حل اي مشكلة بانهم يبنوا حيطة

نفس المنطق

علشان الشعب يمشي جنب الحيط

طب في 25 يناير 2011 كنا خايفين....و كان عندنا الف مليون سبب

لكن لما الروح تصحي جوانا

و لما نحس ان لسه البلد دي فيها حاجة حلوة

و لما نحس اننا مش لوحدنا اللي عايزين نعيش و نموت فيها بس بكرامة

و لما نشوف ده قصاد عينينا بيتحقق....و هيتحقق باذن الله

احنا كنا فاكرين الثورة زي الافلام العربي المصري...اللي بتنتهي بنهاية سعيدة...(اقتباس من علاء عبد الفتاح)

للاسف

دي مش فيلم....اينعم هو مصري....بس مش فيلم

دلوقتي...خايفين ليه...و من ايه...و بتدوا الفرصة لمين

حضرتك قولت انك مش مع الثورة التانية

معاك حق

بلاش تبقي معاها

بس هو الحقيقة مافيش ثورة تانية

لانها الاولانية بس لسه مكملة

الانتخابات اللي الناس عمل تهلل و تزغرط عليها مش عرفة علي ايه....مكنتشي هي الهدف

و نقول تاني

اديني تغيير حقيقي حصل في مصر

اديني نظام حقيقي اتبني

اديني قرار واحدصحيح يقولنا ان البلد دي قامت فيها ثورة

للاسف

مش هتلاقي

مش هتلاقي غير دواير...خوف...عمالين نلف فيها....و للي ماسك كل خيوط اللعبة واقف يتفرج علينا بره الدايرة و يخوفنا زيادة علشان نفضل نلف....و نلف....و نلف....لغاية لما نتعب و نتهد و الثورة تموت...و الروح تنكسر

حضرتك مش مع الثورة...اللي سمتها ال "تانية" كل احترامي و تقديري لوجهة نظر حضرتك

بس متبقاش ضدها

تحياتي

و هتفضل سلمية....و مكملة

با استاذتنا الغالية

المسألة ليست جبن او خوف ، ولكنها تروي وكر وفر وسياسة وحنكة

الثورات ليست لعبة ولا نزهة بل امر خطير ورهيب وقد يكون له نتائج كارثية لو لم تخلص النوايا ويتوحد الهدف...وهذه الاشياء ليست موجودة الان كما كانت موجودة ايام 25 يناير

لقد اكرمنا الله بان تنحى مبارك بعد 18 يوم دون خسائر كارثية كما كان متوقعا وصراحة تنحيه مبكرا كان افضل قرار اتخذه في حياته ،. ولكن لانه يعرف انه لو تحدى غضبة ال80 مليون فسوف كان من الممكن ان تسييل بحور الدماء وكان من الممكن ان يكون مصيره اسوأ من القذافي لذلك فهو فهم الموقف واتخذ القرار السليم

- فلماذا نريد ان نجحد بنعمة الله وندخل في متاهة الثورة ضد الجيش ....وستكون ضد الجيش ككل وليس المجلس العسكري حتما وحده

وطبعا ستكون ايضا ضد الشرطة والبلطجية والفلول......لماذا نريد ان نتعجل المعركة

- انت تقولين لم يتغير شيء ....وهذا صحيح ولكن ألم تلاحظي اننا لم ننتخب رئيس بعد ولم نضع دستور جديد ؟؟؟ فمنطقي ان تكون الامور كما هي فلا تستطيعي ان تتكلمي عن تغيير الا بعد ان يسلم العسكر السلطة ويكون لنا رئيس منتخب وحكومة ومجلس شعب....اذن هذا المبرر لا ينبغي ان نتكلم عنه الان

- نحن لا يجب ان ندخل في مواجه مع المجلس العسكري الا في حالة واحدة. وهي اعلانه عدم تسليم السلطة او تسويفه في تسليمها

لان لو دخلنا في المواجهة بدون هذا الاعلان فلن يكون هناك طريق للعودة وصدقيني ستكون المواجهات في مصر اسوأ بمراحل كثيرة مما حدث في ليبيا او يحدث الان في سوريا

فجيشنا مختلف واكثر قوة وعددا من كلا البلدين.....وشعبنا طبيعته ايضا مختلفه

واريدك ان تاخذي بالك من شيء مهم ففي ليبيا وسوريا الثوار هناك لا يوجد بينهم اختلافات وصراعات كما يوجد في مصر فهم هناك قوة واحدة ضد النظام

اما في مصر فالثوار منقسمين بقوة بين قوى متصارعة ظهرت مع الانتخابات وبالتالي لابد قبل التفكير في ثورة ثانية ان تتوحد هذه القوى باخلاص الفترة القادمة حتى نهاية يونيو... وعندما يحنث المجلس بوعده ...هنا نكون كالمضطرين ولا يكون امامنا سوى الثورة وبعنف

- وما اخشاه صراحة ان تكون هناك بعض القوى الثورية التي قد يكون حدث توائم بينها وبين المجلس العسكري فتثير الامور وهي تعرف مسبقا رد فعل المجلس العسكري الذي سيكون عنيفا وبالتالي تحدث الفوضى ويضطر المجلس العسكري عندها للاخلال بوعده ...واخشى ان يكون هذا التدبير نكاية فى القوى الاسلامية

تم تعديل 6 يناير 2012 بواسطة Abu Reem

[عصام أبوالفتح]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

و هتفضل سلمية....و مكملة

لا يا لماضة

لو راجعتى التوبيك القديم هتلاقى عضوين ثلاثة كانو بيايدو الثورة تاييد تام قبل بدايتها

وانا ولله الحمد منهم وكان تيمور وكان ايمن

وتقدرى تراجعى المشاركات

ده رأى لماضة ... تماماً زى رأيها لما هاجمت المطالبة بخلع المجلس فى جمعة 8 يوليو

الرباط الخاص بي كوبى وبيست تقريباً من ردها هنا

وده رأيها فى موضوع ثورة الغضب الثانية

الرباط الخاص بي ويبدو انها لم تكن متحمسة لها فى البداية

لست أحاسبها وهى حرة فى أرائها كالجميع .. ولكنى ارى انها مع العديدين هم من يريدون السير فى دوائر وليس المجلس العسكرى

[ابو محمود]

هنزل لما الاقى الجيش بيحكمنا بعد الميعاد وان الدستور لم يعد او الجيش كان لة صلاحيات مبهمة فوق الدستور او مقيدة لة

هنزل لما عملى يتوقف والناس اللي بتشتغل معايا متلاقيش شغل

هنزل لما مجلس الشعب يتم حلة بسبب واهى والانتخابات تبقى مجرد حركة وصورة

هنزل لما الاقى مافيش تغيير بعد المدة المقررة سلفآ وان التغيير لايمكن يحدث

فقط عندما اشعر بكل هذا سأنزل كما نزلت فى السابق ولن اترك مكانى لكل متسكع وسارق للمجهود ولن اعود الى عملى واشغالى الا بعدما تتغير الصورة تمامآ

يقولون انها ثورة شباب نعم هي ! لكنى اتسائل اين من وقف بجوار الشباب من امثالى ؟؟؟

لماذا تم بتر وجوهنا من الصورة وكل ما اشاهدة شباب فوق العشرين فقط اما نحن فيطلقون علينا حزب الكنبة

فهل كانو هم اصحاب هذة الثورة ؟

ثورة كانت بدايتها للصغار منا وانضجها نزول كبارنا فتحولت من وقفة احتجاجية الى ثورة عارمة شارك فيها الجميع كبير وصغير متعلم ودون ذلك فلا تسرقوها وتهدوها كذبآ الى فصيل واحد كما حدث فى ال52 فطمع فيها شباب العسكر فخسرنا بتصرفاتهم الحمقاء كل ارض سيناء ومعها اجيال كثيرة انتجت لنا اجيال مريضة نحاول جاهدين ان نتخلص من امراضها المستعصية

ان كنت مصري تحب مصر حقآ حاول ان تفكر جيدآ فى بناءها لا خرابها او هدمها

فكر بكل صدق فى فقراءها قبل اغنياءها فكر فى الفلاح فى الحقل والعامل فى المصتع فكر فى اجيال نستطيع ان نؤمن لهم حياة كريمة بتنازلنا عن اطماعنا فى مكاسب واهية تسمى السلطة واطماع الكرسي وبريق الاعلام

من هنا يجب ان نكون فى مواقعنا الحقيقية لرفعة هذا الوطن مواقع الانتاج والعمل الجاد لتحقيق النهضة لا للوقوف امام مدافع العسكر وبنادقهم والزج بشبابنا امام فوهات المدافع ومكر المخادعين

لابد ان نعمل جاهدين على حقن الدماء واستغلال الفرص السانحة لجنى اكبر المكاسب واعظمها وهو ان نكون بيدنا التشريع وتقليص صلاحيات الرئيس القادم ومعة المؤسسة العسكرية التى مارست الحكم علينا طيلة 70 سنة بالحكمة لا بالقوة حتى لا نخسر لاننا لانملك سلاح مثلها وأن كل مانملكة هو الارادة والعزيمة متمثلة فى الانتاج وعدم السماح لهم بزرع الفتنة فى صدورنا

تم تعديل 6 يناير 2012 بواسطة ابو محمود

[عصام أبوالفتح]

هنزل لما الاقى الجيش بيحكمنا بعد الميعاد وان الدستور لم يعد او الجيش كان لة صلاحيات مبهمة فوق الدستور او مقيدة لة

هنزل لما عملى يتوقف والناس اللي بتشتغل معايا متلاقيش شغل

هنزل لما مجلس الشعب يتم حلة بسبب واهى والانتخابات تبقى مجرد حركة وصورة

هنزل لما الاقى مافيش تغيير بعد المدة المقررة سلفآ وان التغيير لايمكن يحدث

فقط عندما اشعر بكل هذا سأنزل كما نزلت فى السابق ولن اترك مكانى لكل متسكع وسارق للمجهود ولن اعود الى عملى واشغالى الا بعدما تتغير الصورة تمامآ

يقولون انها ثورة شباب نعم هي ! لكنى اتسائل اين من وقف بجوار الشباب من امثالى ؟؟؟

لماذا تم بتر وجوهنا من الصورة وكل ما اشاهدة شباب فوق العشرين فقط اما نحن فيطلقون علينا حزب الكنبة

فهل كانو هم اصحاب هذة الثورة ؟

ثورة كانت بدايتها للصغار منا وانضجها نزول كبارنا فتحولت من وقفة احتجاجية الى ثورة عارمة شارك فيها الجميع كبير وصغير متعلم ودون ذلك فلا تسرقوها وتهدوها كذبآ الى فصيل واحد كما حدث فى ال52 فطمع فيها شباب العسكر فخسرنا بتصرفاتهم الحمقاء كل ارض سيناء ومعها اجيال كثيرة انتجت لنا اجيال مريضة نحاول جاهدين ان نتخلص من امراضها المستعصية

ان كنت مصري تحب مصر حقآ حاول ان تفكر جيدآ فى بناءها لا خرابها او هدمها

فكر بكل صدق فى فقراءها قبل اغنياءها فكر فى الفلاح فى الحقل والعامل فى المصتع فكر فى اجيال نستطيع ان نؤمن لهم حياة كريمة بتنازلنا عن اطماعنا فى مكاسب واهية تسمى السلطة واطماع الكرسي وبريق الاعلام

من هنا يجب ان نكون فى مواقعنا الحقيقية لرفعة هذا الوطن مواقع الانتاج والعمل الجاد لتحقيق النهضة لا للوقوف امام مدافع العسكر وبنادقهم والزج بشبابنا امام فوهات المدافع ومكر المخادعين

لابد ان نعمل جاهدين على حقن الدماء واستغلال الفرص السانحة لجنى اكبر المكاسب واعظمها وهو ان نكون بيدنا التشريع وتقليص صلاحيات الرئيس القادم ومعة المؤسسة العسكرية التى مارست الحكم علينا طيلة 70 سنة بالحكمة لا بالقوة حتى لا نخسر لاننا لانملك سلاح مثلها وأن كل مانملكة هو الارادة والعزيمة متمثلة فى الانتاج وعدم السماح لهم بزرع الفتنة فى صدورنا

اختارأن أنهى يومى بقراءة هذه المشاركة الرائعة .. لك كل التحية على وعيك يا ابو محمود

[نوران]

حرررررررررااااااام

كفاااااااااااية كده

مش هتعدي من غير خسائر جديدة

كفاية دم وتخريب في البلد ، المخربين والقتلة بيندسوا وسط المتظاهرين

المسألة مسألة شهووووووووووور بس

خلاص ، مش صابرين كام شهر لحد ما ييجي الموعد اللي ألزموا نفسهم فيه بتسليم السلطة للرئيس المنتخب

ما احنا كلنا بقالنا سنين طويييييلة في القهر والذل

دلوقتي مش قادرين تصبروا كام شهر بس !!!!!!!!!!

ليه نديهم الفرصة يتلككوا علي الأحداث دي ويفرضوا أحكام عرفية ويلبدوا فيها ، وحلني بقي

ليه نتسبب في دم جديد؟؟؟

لما يبقي يخلف وعده ، كلنا هننزل

كل الناس هتنزل

الملايين هتنزل وهنتوحد علي كلمة سواء ويا قاتل يا مقتول

بس ليه نتعجل البلاء قبل وقوعه ، لييييييييييييييه؟؟؟؟!!!!

تم تعديل 6 يناير 2012 بواسطة نوران

[لماضة مصرية جدا]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

و هتفضل سلمية....و مكملة

لا يا لماضة

لو راجعتى التوبيك القديم هتلاقى عضوين ثلاثة كانو بيايدو الثورة تاييد تام قبل بدايتها

وانا ولله الحمد منهم وكان تيمور وكان ايمن

وتقدرى تراجعى المشاركات

ده رأى لماضة ... تماماً زى رأيها لما هاجمت المطالبة بخلع المجلس فى جمعة 8 يوليو

الرباط الخاص بي كوبى وبيست تقريباً من ردها هنا

وده رأيها فى موضوع ثورة الغضب الثانية

الرباط الخاص بي ويبدو انها لم تكن متحمسة لها فى البداية

لست أحاسبها وهى حرة فى أرائها كالجميع .. ولكنى ارى انها مع العديدين هم من يريدون السير فى دوائر وليس المجلس العسكرى

السلام عليكم و رحمة الله و بركاته

اولا بشكر حضرتك استاذي انك فكرتني بالمداخلات القديمة ديت...لاني عندي جهل شديد ازاي اجيب اي حاجة بكتبها...تخياتي و تقديري

الحقيقة انا مش بلف في دواير....و موقفي من ثورة الغضب التانية اللي حضرتك ادرجتها في الرابط التاني لو تفتكر كانت في مايو...و ساعتها قولت عايزين نشوف آلية و تنفيذ علي ارض الواقع من قبل المجلس العسكري

كنت كتير زي ملايين غير كان لسه عندهم ثقة في المجلس العسكري و زي غيرنا اللي ساب الميدان و روح بيته فرحان لما اتنحي مبارك و سلم السلطة للجيش....كنت فرحانة...اول مرة في حياتي اشوف ثورة و اعيشها يا ناس..(و غالبا مش راح اشوف غيرها)

لكن لما بنبقي بنتكلم في فاصل زمني عمره سنة....و محسش ان فيه حاجة حصلت

خلاص رايي و انا اتحمله

الموضوع مش لماضة

و الناس مش راح تنزل علشاني

و لا هتاخد قرار انها متنزلشي علشان حد تاني

الموضوع مبدأ انا شايفاه كده

متحاولشي تغيره

و لا تكسره

و لا تشكك فيه

و لا تخوفني

و مش هجبر حضرتك انك تنزل

رايك و احترمه

و لا هجهز قايمة سودة احط الي هيخالفني فيها

مش مستاهلة

كل واحد بياخد موقف

و بيتحمل نتيجة موقفه

تحياتي و احترامي

[لماضة مصرية جدا]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

و هتفضل سلمية....و مكملة

لا يا لماضة

لو راجعتى التوبيك القديم هتلاقى عضوين ثلاثة كانو بيايدو الثورة تاييد تام قبل بدايتها

وانا ولله الحمد منهم وكان تيمور وكان ايمن

وتقدرى تراجعى المشاركات

السلام عليكم و رحمة الله و بركاته

الحقيقة يا استاذي رءوف انا مقصدتش اني "اتهم" حضرتك بشيء

من حيث تأييد الثورة او عدمه

معنديش مهارة تتبع مواقف الناس....معرفشي اعملها و الحقيقة متهمنيش

لاني اللي اعرفه ان احنا هنا في المحاورات بناقش الفكرة...مش بناقش يا تري مين اللي قالها او مين اللي ايدها و مين الل هدها

لما اشرت الي التوبيك القديم كان اشارة الي نفس منطق "التخويف" من ....."فوضي"

سيناريو يتطابق حد الدهشة

بس اذا كان السيناريو تم احباطه المرة التانية...مشتغربة ليه بنصر عليه باستماتة مرات كتير قدام

حبيت اوضح لحضرتك

و اعتذر عن اي خطأ قطعاغير مقصود لشخص حضرتك الكريم

انا حطيت اختياري فوق في الاستفتاء و كان رقم واحد

و باذن الله متواجدة في مصر و ننفذه ان شاء الرحمن

و يمكن انا غلط

و يمكن انا صح

مش هجبر حد يشوف اللي انا شايفاه

تحياتي و احترامي

[rewsha]

انا مع الثورة الثانية ولكن ليس الان .

ليس في 25 يناير القادم ,

أنا مع الثورة الثانية و كل المصريين معها إن أتى علينا يونيو و لم يرحل العسكر , أرجو ان نقدم مصلحة مصر

لا نريد ان تتكرر أحداث محمد محمود وماسبيرو و مجلس الوزراء مرة أخرى .

أرجوكم ارحموا مصر وارحموا الشعب المصري .

دكتور ياسر

اسمحلي اقتبس من كلامك ,الكام جمله اللي فوق دول

واقول

ان هو ده راْيي انا كمان

[eslam elmasre]

الثورة لها فهمين

الفهم الاول وهو فهم اللذين تم ترضيتهم بمقاعد مجلس الشعب وهؤلاء بالنسبة لهم الثورة انتهت بمجرد حصولهم على مقاعد مجلس الشعب

الفهم الثاني وهو فهم الثوار الحقيقيون الذين كانوا اول من اشعل شرارتها وهؤلاء بالنسبة لهم الثورة لم تنته لانها لم تحقق اي هدف من اهدافها

ومافيش حاجة اسمها انتظار لان الثورة قامت على النظام الحاكم ومازال النظام الحاكم القديم هو اللذي يحكمنا فما هو الجديد الذي اؤجل نزولي في المظاهرات من اجله