اعلنها صراحة لست مع ما يسمى الثورة الثانية

[عصام أبوالفتح]

رقم 1 - المجلس العسكرى فى شهر فبراير قال ان هيفضل فى السلطة 6 شهور بس هيحصل فيها انتخابات مجلس الشعب والشورى وبعدها انتخابات الرئاسية ثم يتم عمل دستور,

نفسى قبل ما أموت اشوف مصدر للكلام ده والا هاتعمل زى الراجل ده

على الرغم من ان هذة المداخلة تفتقد لادب الحوار, انا هقدم المصدر على كلامى

شوف إعلان 13 فبراير 2011 ونصة فى الوصلة التالية, كمان اقراء المادة (41) من الاعلان الدستورى ليوم 30 مارس

الإعلان الدستوري في مصر 2011

يامحترم أول آداب الحوار بل وأهم شروطه ان تحرص على الصدق لا ان تتقول بكلام سمعته وكانك تماماً كشاهد مشفش حاجة

ها هو إعلان 13 فبراير 2011 الذى اكتفيت بوضع وصلته ولم تضع محتواه لانك تعلم انه يناقض ما تقول وما سمعته.

إن المجلس الأعلى للقوات المسلحة وعياً منه بهذه المرحلة الدقيقة من تاريخ الوطن ووفاءً بمسئولياته التاريخية والدستورية في حماية البلاد، والحفاظ علي سلامة أراضيها، وكفالة أمنها، وإطلاعاً بتكليفه بإدارة شئون البلاد يدرك إدراكاً واضحاً أن التحدي الحقيق الذي يواجه وطننا الغالي مصر يكمن في تحقيق عبر إطلاق كافة الطاقات الخلاقة لكل فرد من أبناء شعبنا العظيم، وذلك بتهيئة مناخ الحرية، وتيسير سبل الديمقراطية من خلال تعديلات دستورية وتشريعية تحقق المطالب المشروعة التي عبر عنها شعبنا من خلال الأيام الماضية، بل وتتجاوزها لآفاق أكثر رحابة، بما يليق بمكانة مصر الذي سطر شعبها أولي سطور الحضارة الإنسانية علي صفحات التاريخ. إن المجلس الأعلي للقوات المسلحة يؤمن إيمان راسخ بان حرية الإنسان وسيادة القانون وتدعيم قيم المساواة والديمقراطية التعديدية والعدالة الاجتماعية ، واجتثاث جذور الفساد هي أسس الشرعية لأي نظم حكم يقود البلاد في للفترة المقبلة، كما يؤمن المجلس الأعلي للقوات المسلحة ذات الإيمان بأن كرامة الوطن ما هي إلا انعكاس لكرامة كل فرد من أفراده والمواطن الحر المعتز بإنسانيته هو حجر الزاوية في بناء الوطن القوى ، وانطلاقاً مما سبق وبالبناء عليه ورغبة في تحقيق نهضة شعبنا فقد أصدر المجلس الأعلى للقوات المسلحة القرارات الآتية:

1. تعطيل العمل بأحكام الدستور.
2. يتولى المجلس الأعلى للقوات المسلحة إدارة شئون البلاد بصفة مؤقتة لمدة ستة أشهر أو انتهاء انتخابات مجلسي الشعب والشورى ورئيس الجمهورية.
3. يتولى رئيس المجلس الأعلى للقوات المسلحة تمثيله أمام كافة الجهات في الداخل والخارج.
4. حل مجلسي الشعب والشورى.
5. المجلس الأعلى للقوات المسلحة إصدار مراسيم بقوانين خلال الفترة الانتقالية.
6. تشكيل لجنة لتعديل بعض مواد الدستور وتحديد الاستفتاء عليها من الشعب.
7. تكليف وزارة د. أحمد محمد شفيق بالاستمرار في أعمالها لحين تشكيل حكومة جديدة.
8. إجراء انتخابات مجلسي الشعب والشورى، والانتخابات الرئاسية.
9. تلتزم الدولة بتنفيذ المعاهدات والمواثيق الدولية التى هى طرف فيها.

والله الموفق والمستعان

يتضح ان المجلس احتاط للظروف الغير طبيعية وحدد ان تنتهى مهمته خلال ستة اشهر او انتهاء انتخابات مجلسى الشعب والشورى ورئيس الجمهورية .. لم تكن ستة اشهر مطلقة كما تحاولون ان توحوا للناس

ولان هذه الظروف الغير طبيعية بدأت فى الحدوث مع مناقئشة التعديلات الدستورية والانقسام الذى حدث بعدها فقد آثر المجلس ان يتم التسليم للسلطة المنتخبة وفقا للاعلان الاول فى 13 فبراير ولم يخالفه عندما اصدر الاعلان الثانى

وهاهى المادة 41 التى اشرت لها

مــــادة 41 تبدأ إجراءات انتخاب مجلسي الشعب والشورى خلال ستة أشهر من تاريخ العمل بهذا الإعلان . ويمارس مجلس الشورى اختصاصاته بأعضائه المنتخبين. ويتولى رئيس الجمهورية فور انتخابه ، استكمال تشكيل المجلس بتعيين ثلث أعضائه ، ويكون تعيين هؤلاء لاستكمال المدة الباقيـة للمجلس على النحو المبين بالقانون .

وقد بدأت الاجراءات بالفعل فى اواخر سبتمبر

فأين ما تدعيه من ان الستة شهور ستتضمن كل الانتخابات ؟

أى انسان يفهم فى القانون يعلم تماما ان الصيغة كان يجب ان تكون ( ستة أشهر تتضمن اجراء الانتخابات البرلمانية والرئاسية )

أو ( ستة شهور ويتم اجراء انتخابات مجلس الشعب والشورى والرئاسة فيها )

أو ( ستة شهور تنتهى بانتخاب الرئيس )

لكن كل العقلاء الذين قرأوا اعلان 13 فبراير قرأوا بين السطور تحسباً لمخاطر قد تعطل تسليم السلطة .

ولما خرج اعلان 30 مارس لم يخرج أى من الأشاوس ليقول ان المجلس خلف وعده للناس .. تذكروها عندما لم تفلح خططهم.

[abaomar]

هدفها هو نقل كافة صلاحيات المجلس العسكري الى رئيس مجلس الشعب المنتخب

السلام عليكم

لا يا تيمور

هى كلمه حق يراد بها حريقه

من منا لا يريد نقل صلاحيات الحكم الى مدنيين

لا يزايد احد على ذلك و يريد ان يكون اكثر ملكيه ...المخلصون قطعا يريدون ذلك

لو ان الظروف مختلفه و السيناريو الذى عايشناه على مدار الشهور السابقه مختلف

لاتفقت معك و بصمت بالعشره ..و لكن

الكل مجمع على ان اكثر الخاسرين هم جبهه الفرقاء التى تضم كل اصحاب المصالح

بدء من ...بعض الليبراليين ..و المنتفعين من فلول و اصحاب التمويل المفضوووووح و نستطيع ضم

بعض المتعصبين من ايديولوجيات اخرى مع شويه اشتراكيين و يدعمهم قطعا و قلبا و قالبا امريكا و اسرائيل

كل هؤلاء بذلوا الغالى و الرخيص فى سبيل إفشال الثوره التى يقف خلفها جل الشعب المصرى

و حتى الأن و بفضل الله اولا و اخيرا و رغم كل الصعوبات و المشاكل التى يسببها هؤلاء

نمضى فى الطريق الصحيح رغم انوف هؤلاء جميعا و معهم المجلس العسكرى قطعا

الانتخابات تقريبا انتهت و لدينا بفضل الله اول مجلس نيابى منتخب بهذه الحريه و الروعه و لن اصفه

كما تفضلت ..الاسلامي.. لانى اعتبر ذلك عنصريه و تمييزا لمجلس النواب المصرى ..اكرر ..المصرى

الحامل على عاتقه مسئوليه تاريخيه و مهمه جليله الا و هى إعاده صياغه دور مصر و كتابه التاريخ من جديد

اى و الله كتابه التاريخ

يا ساده الكثير منكم لا يدرك حقيقه دور ثوره 25 يناير التى لم تغير نظام مبارك الفاشل فقط

بل إنها ستغير وجه التاريخ الحديث الذى نعيشه و انظروا الى المعسكر المضاد الذى تقوده امريكا

و السباق المحموم لاحتواء المشهد برمته و منذ بدايته سواء مع مبارك او من خلفه من مجلس عسكرى

ثم إخوان او سلفيين ..لكنها فشلت فشلا ذريعا و ما اعلانها انها تمول منظمات المجتمع المدنى و فضحهم

إلا علامه على ذلك الطريق ..ضرب المجتمع بداخله كاحدى الخطوات

..

متى اعتذرت اسرائيل لمصر عن حادث سابق

متى تحرك الجميع للمصالحه بين حماس و فتح و احتواء خلافاتهم

متى سارع الجميع بفتح باب المساعدات الغير محدوده و لما رأوا موقف مصرى مختلف تراجعوا

متى تأثر العالم بثوره اصبحت ماركه مسجله للثورات كثوره ميدان التحرير

..

احمد الله اننى عشت هذه الايام التى لم اصلها بخيالى الجامح يوما ما

النظام الفاشل رحل و سقطت جميع اصنامه من ليبراليه و علمانيه فاشله

اليوم الجميع مستعد لدخول عصر مصر الاسلاميه بحق

اول خطوات إعاده الخلافه الاسلاميه تتحقق على ارض الواقع

.

ابشر الجميع انهم سيرون مفاجأه مذهله يوم 25 القادم

حضور هزيل للفصيل المذكور اعلاه

حمايه قويه للبلد من تخريب هؤلاء من قبل الشعب المصرى الذى حمى الثوره الاولى

و صبر على الاذى و المكائد و انتخب مجلس نوابه بكل حياديه و قوه

و يرفض التمويل و العماله

إنتخاب رئيس بعد كتابه الدستور الذى سترتضيه الامه و فيه حفظ كامل الحقوق للكل .

..اخيرا إخوتى

ليس هناك ما يسمى الثوره الثانيه و التى سيقف فيها الشعب المصرى

و هو الاقوى من الكل بفضل الله

من الليبراليين و العلمانيين الفاشلين الممولين من امريكا و من الفلول و . و.

تم تعديل 7 يناير 2012 بواسطة abaomar

[se_ Elsyed]

و هو الاقوى من الكل بفضل الله

من الليبراليين و العلمانيين الفاشلين الممولين من امريكا و من الفلول

إنت مش بتزهق من الكلام المكرر ده ؟

قصدي يعني ما بيجيش عليك وقت تقول أنا هاغير يمكن لخمس دقائق فقط ؟

5 دقائق فقط .. إيه كتير في حياتك ؟

اه على فكره .. كنا حاضرين ندوة الدكتور عبد المنعم أبو الفتوح إمبارح في الرياض ... تخيل طلع بمبريال علماني ممول من أمريكا ؟ .. أصله بيقول نفس كلامنا وإن لا علاقة بين ثائر او متظاهر بيطالب بحقه وبين امن وبلطجة وكلام فارغ من ده ... وفي أثناء الندوة يمكن الزملاء اللي حضروها شاهدوه وهو يرفع شعار ثورة 25 يناير الثانية القادمة .

وبالمناسبة ... الشيخ حازم هو كمان طلع بمبريال وعلماني وبيتلقى تدريب من أمريكا .. أصله بيتكلم نفس كلامنا

اما مين اللي مش كده ؟

فهو من يلهث وراء كرسي برلماني ويساوم على دم الشهداء ز.

وهو من يصور له عقلة إنه مرسل من السماء لإصلاح أهل مصر الكفرة اللي بيلبسوا مايوهات وبيشربوا خمره ولا السفنجة .

[se_ Elsyed]

اللي ناويين ينزلوا يوم 25 يناير يا ريت ما يكرروش نفس الغلطة ويتمسكوا بالاعتصام بإعداد قليلة لان من هنا بتبدا المشاكل

و لازم يتحملوا مسئولية الحماية والتفتيش مش يسيبوا البلطجية بأسلحة في وسط الناس

وخاصة ان زي ما شفنا ان اللي بيتقتلوا عن طريق بلطجية مندسين في وسط المتظاهرين ما بنقدرش نحدد القاتل ويبقي دمهم راح هدر كدة

الداعين للمظاهرة لازم يتحملوا مسئولية التامين ومسئولية عدم الاعتصام لو الاعداد قليلة

مش معقول يعني مأساة محمد محمود واللا الوزرا تتكرر تاني الواحد المفروض يتعلم من أخطاؤه

أتحدى وتحدي علني يا ام سلمى أن يذكر لي أحد مثال في التاريخ يشير إلى إعتصام أو مظاهرة أو وقفة إحتجاجية معلن عنها .. وتطلع اجهزة الدولة تقول مع نفسكم ونحملكم المسئولية

إبتسم هذا يحدث في مصر فقط

[se_ Elsyed]

لن نزيد ونُعيد في كلام ما منوش فايده

لكن سؤال للاخوة المتحفظين

هو لما نزلوا الناس في مليونية 18 نوفمبر ... وكملوها بوقفتهم ضد تتار الشرطة في محمد محمود

وتم كسر أنف المجلس العسكري وطلع إعلان وبيان بإن إنتخابات الرئاسة خلاص هاتبقى في منتصف 2012

ألم يحن الوقت وتقولوا كلمة حق ... عشان خاطر ربنا مش اكتر وترجعوا الفضل لأهلة وتعترفوا مين اللي كان السبب .. ولا دي كبيرة على الكبرياء والخيلاء ؟.

ومش هاعد وغيره وغيره قبلها بمطالب تحققت من هؤلاء اللي بقوا وحشين دلوقت

[abaomar]

و هو الاقوى من الكل بفضل الله

من الليبراليين و العلمانيين الفاشلين الممولين من امريكا و من الفلول

السلام عليكم

انا مش عارف ليه يا ابو حميد بتزعل لما بأجيب سيره :P البيمبرياليين العلمانيين الفاشلين

الممولين من امريكا و فضيحتهم بقت بجلاجل بعد ما امريكا نفسها جرستهم

هو إنت منهم لا مؤاخذه ؟؟

هو لما نزلوا الناس في مليونية 18 نوفمبر

الناس نزلوا فى مليونيه 18 بعد دعوه ابو اسماعيل و كانوا متفقين عليها و كان الحاجه ليها واضحه

و لما حققت الغرض منها الناس رجعت بيوتها على طول

و نفس الناس دلوقتى هم الذين يرون عدم النزول الان لعدم وجود حاجه لذلك ابتدأ و لوجود

تحقيق على ارض الواقع لشئ ملموس يتمثل فى الانتخابات التى قاربت على الانتهاء

و بعدها الدستور ثم الرئيس و لم يحدث ما يعوق ذلك حتى الان ..و لكل حادث حديث

عموما تعقيبك على سطرين فقط من المداخله كلها شئ طيب

و ارجو ان تكون استفدت من باقى المداخله

اخوك ابوعمر من الرياض - شارع الخزان ;) سابقا

تم تعديل 7 يناير 2012 بواسطة abaomar

[عصام أبوالفتح]

هو لما نزلوا الناس في مليونية 18 نوفمبر ... وكملوها بوقفتهم ضد تتار الشرطة في محمد محمود

وتم كسر أنف المجلس العسكري وطلع إعلان وبيان بإن إنتخابات الرئاسة خلاص هاتبقى في منتصف 2012

هؤلاء كانت مطالبهم مع مرشحى الرئاسة الذين تحضر ندواتهم الان ان تنتهى انتخابات الرئاسة فى 30 ابريل .. وان كنت ناسى أفكرك

وعجز تيمور تماما عن وضع تصور أو نسخة من اى مكان لجدول زمنى يحقق ذلك

وتم تحديد 30 يونيو بعد تفاوض على جداول تم وضعها من قبل مختصين بالتخطيط واشرف انى وضعت احدها وارسلته لمن يمثلنى وهو م ابوالعلا ماضى

فمن أتى بموعد 30 يونيو هو التفاوض والنقاش وليس طوب محمد محمود ولا تسلم يا باشا ولا اى كلام فارغ من ده انتم تتحملون مسئوليته .

اتحداك تلاقى اى علاقة بين تحقيق هذا المطلب والمحاولات المستمرة للهجوم على وزارة الداخلية

التى عندما يأسوا منها سارعت 6 ابليس لنقل موقع الاعتصام والمكان المخطط للاشتباك الى مجلس الوزراء لتعدد الاهداف هناك

[pink rose]

ضدها طبعا

و ضد اي اعتصام او مليونيات في الوقت الحالي

و ضد ان اي حد يتكلم باسمي غير اعضاء مجلس الشعب المنتخب انتخاب حر و نزيه لاول مرة في تاريخنا

ضد ان 6 ابريل تتكلم باسمي و تقول الشعب يريد

ضد الاشتراكيين الثوريين اللي عاوزين يهدوا مؤسسات الدولة و يبنوا على انقاضها

ضد اي حد عاوز يهد المؤسسة العسكرية و الشرطة و القضاء

ضد التهور و عدم الحكمة و القرارات الانفعالية في مصير بلد

ضد الطوب و المولوتوف و الشتائم و الالفاظ المقززة

[ssmaly]

السلام عليكم و رحمة الله و بركاته

مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011

سبحان الله

طب ما نرفع التوبيك القديم علشان نشوف

في 25 يناير2011 يعني من سنة كااااااااااااااااااااملة يا استاذي كان اللي عمل الدعوة علشان الناس تنزل في الشارع و تقول "آآآآآآآآآه" بعلو الصوت

كان عارف انه راح يقولها لوحده

محدش كان متخيل ان حد ممكن ينزل معاه

كنا خايفين

لانها اول مرة

و اول مرة في كل حاجة بيبقي ليها رهبة

و احنا اتربينا علي الخوف

و اتربينا علي مبدا امشي يا بنت جنب الحيط

بصيت علي القاهرة

اخر مرة زرتها امتي

القاهرة بقت مش حيط نمشي جنبيه

القاهرة بقت جدران عازلة.....فصلت العسكر عن الناس

خليتهم يفتكروا انهم يقدروا يدارو عجزهم و فشلم في ادارة و حل اي مشكلة بانهم يبنوا حيطة

نفس المنطق

علشان الشعب يمشي جنب الحيط

طب في 25 يناير 2011 كنا خايفين....و كان عندنا الف مليون سبب

لكن لما الروح تصحي جوانا

و لما نحس ان لسه البلد دي فيها حاجة حلوة

و لما نحس اننا مش لوحدنا اللي عايزين نعيش و نموت فيها بس بكرامة

و لما نشوف ده قصاد عينينا بيتحقق....و هيتحقق باذن الله

احنا كنا فاكرين الثورة زي الافلام العربي المصري...اللي بتنتهي بنهاية سعيدة...(اقتباس من علاء عبد الفتاح)

للاسف

دي مش فيلم....اينعم هو مصري....بس مش فيلم

دلوقتي...خايفين ليه...و من ايه...و بتدوا الفرصة لمين

حضرتك قولت انك مش مع الثورة التانية

معاك حق

بلاش تبقي معاها

بس هو الحقيقة مافيش ثورة تانية

لانها الاولانية بس لسه مكملة

الانتخابات اللي الناس عمل تهلل و تزغرط عليها مش عرفة علي ايه....مكنتشي هي الهدف

و نقول تاني

اديني تغيير حقيقي حصل في مصر

اديني نظام حقيقي اتبني

اديني قرار واحدصحيح يقولنا ان البلد دي قامت فيها ثورة

للاسف

مش هتلاقي

مش هتلاقي غير دواير...خوف...عمالين نلف فيها....و للي ماسك كل خيوط اللعبة واقف يتفرج علينا بره الدايرة و يخوفنا زيادة علشان نفضل نلف....و نلف....و نلف....لغاية لما نتعب و نتهد و الثورة تموت...و الروح تنكسر

حضرتك مش مع الثورة...اللي سمتها ال "تانية" كل احترامي و تقديري لوجهة نظر حضرتك

بس متبقاش ضدها

تحياتي

و هتفضل سلمية....و مكملة

اولا احب ان احييك على رأيك الرائع وكنت عايز اعطيك نقطة ولكن مش عارف ليه ردت على رسالة بتقول اكشن انفالد

المشكلة الاكبر الان ان الثوار الغير طامعين فى اى منصب ولا كرسى المجلس العسكرى الان يجيش لهم جيش من المصريين الى دعى للتطوع للعمل المدنى (مليون واحد)بالاضافة للتيارات التى تخشى من الثورة الثانية ان تجعل المجلس العسكرى يطيح بمكاسبها فى الانتخابات

كما قلتى ارجو من لايوافق على النزول(مثل ماحدث فى محمد محمود ومجلس الوزراء ) لايكون ضد من سينزل لان بذلك انتم ستجعلوها حرب اهلية ولايوجد اى مصرى بيحب مصر يريد ان بحارب مصرى اخيه المصرى وارجو من حلفاء الامس فى موقعة الجمل الا يكونوا هم اعداء الغد ويركبون الجمال

[Ahmed Anwer]

فلنفرض إن المجلس العسكري صادق

فلنفرض إن البرلمان هينتزع حقوقنا إنتزاعا

ليه ما ننزلشي ندعم المجلس العسكري في صدقه المفترض

ليه ما ننزلشي ندعم البرلمان في معركته المقبلة

ليه ما نقفشي في ظهر الصادق و المخلص

ليه نقعد في بيوتنا و نستني نشوف مين اللي هينتصر من غير ما يكون لينا دور

الظهير الشعبي لأي مفاوض هوا أقوي سلاح و إحنا منعرفشي آيه اللي بيدور في الغرف المغلقة

و مادام مبنطلبشي شقة في دبي و عربية مرسيدس لنفسنا و بنطلب طلبات يستفيد بيها الإسلامي قبل الليبرالي

يبقي نقف جنب بعض أحسن

[ssmaly]

أنا مع مجلس شعب قوي .... يدعم قوته ضغط الشارع حتى كتابة الدستور وتسليم السلطة

ولا تسالوا الضحية عن سفك دمه لأنه لم ينزل ن بيته إلا لغير ذلك أو يعود بحقوقنا جميعاً من الكرامة والعدل والحرية ... وإنما إسئلوا الجاني كيف تجرأ على سفك دمه ولم يمنحة حرية الإختيار وأهان كرامته ولم يعدل في القضية

استاذ احمد اتفق معك ولكن نحن هنا لا نتكلم عن مليونية او ضغط

دعوات 25 يناير بعضها يدعوا لحمل السلاح !!!!!!!!!!!تصدق

دعوات لتظاهرات مستمرة بدون توقف

لو مليونية لدعم البرلمان يبقى هاكون اول الداعمين لها

انما دعوات مقاومة مسلحة وحرق وقتل يبقى يستاهل كل من يشارك بها ما سيحل به

ويستاهل دعوات الاجيال القادمة لانه فوت فرصة الحصول على رئيس شرعى منتخب

استاذ رؤوف منين الى بيدعوا الى حمل السلاح ؟ وحرق وقتل ؟كل الناس التى تدعوا الى النزول يوم 25 يناير تؤكد على سلمية الثورة

بلاش الكلام المرسل بدون دليل

[عصام أبوالفتح]

فلنفرض إن المجلس العسكري صادق

فلنفرض إن البرلمان هينتزع حقوقنا إنتزاعا

ليه ما ننزلشي ندعم المجلس العسكري في صدقه المفترض

ليه ما ننزلشي ندعم البرلمان في معركته المقبلة

ليه ما نقفشي في ظهر الصادق و المخلص

ليه نقعد في بيوتنا و نستني نشوف مين اللي هينتصر من غير ما يكون لينا دور

الظهير الشعبي لأي مفاوض هوا أقوي سلاح و إحنا منعرفشي آيه اللي بيدور في الغرف المغلقة

و مادام مبنطلبشي شقة في دبي و عربية مرسيدس لنفسنا و بنطلب طلبات يستفيد بيها الإسلامي قبل الليبرالي

يبقي نقف جنب بعض أحسن

خطأ فادح ان نسمح بهذا التصادم وأن نكون جزءاً منه .. فالقاتل والمقتول فى النار .. والأفضل منه تجاهل هذه الثورة الثانية والدعاة لها والتركيز على خطة سير الثورة الاصلية والتى ستحقق غايتها الثانية 30 يونيو بعد تحقيق غايتها الاولى وهى اسقاط النظام

[احمد رضوان]

كل الموجدين في الفيديو نازلين الميدان تاني .... وكل واحد حر في اختياره

وعلى الأقل الناس دي مش قابضة ذي العباسية لَا ناس فقيرة لكن لسه عندها مبدأ ومعندهمش غير عمرهم ثمن له

http://www.youtube.com/watch?v=85jGUFrfu3k&feature=youtube_gdata_player

تم تعديل 7 يناير 2012 بواسطة احمد رضوان

[ssmaly]

أنا مع النزول قلباً وقالباً

أنا مع إتمام كتابة الدستور وأنتخابات الرئاسة في ظل عدم وجود خيال واحد عسكري على كرسي الحكم .. ولو كان بيعمل شاي وقهوة حتى

مجلس الشعب يا سادة ليس نهاية المطاف ... فكل قصد وهدف المجلس هو أن يكون له موطأ قدم في الدستور وعلى كرسي الرئاسة

أيها السادة ... الـ 6 شهور المتبقين على إنتخابات الرئاسة هي بالظبط لا تزيد ولا تنقص عن مرثية وبكاء الديكتاتور المخلوع يوم 1 فبراير وتوسله إلينا للبقاء 6 شهور فقط حتى يُسلم السلطة .... قصدي حتى يظبط السلطة ويظبط نفسه

أيها السادة الأفاضل يا من تتابعون الأرقام ... البنك المركزي اعلن بالأمس إن الإحتياطي إنخفض كالمعتاد بمقدار 2 مليار دولار خلال شهر ديسمبر ووصل إلى 18 مليار دولار ...

18 مليار أي اننا على حافة الهاوية والأفلاس الحقيقي لما تعرفوا إن 5 مليار من دول لازم تكون محجوزه عشان نسدد فوايد ديوننا الخارجية

أيها السادة أصحاب العقول والقلوب الم تلاحظوا معي إننا ماشيين بخطى ثابتة ومدروسة في الأنخفاض المتعمد 2 مليار كل شهر ... بغض النظر عن مظاهرات ولا اعتصامات ؟ طب ظبطها شويه عشان تقنعني .. مره أثناء سخونة الاحداث وخراب البلد وحرقها خليها 4 مليار مثلاً .. وفي الهدوء والسكينة خليها إتنين عشان تقنعني إن العجلة والبسكلتة بتتدمر مع المظاهرات والمليونيات .. لكن بهبل كده تمشيها تارجت وكوته واحده ما بتتغيرش ... تبقى أهبل لا مؤخذه وأبقى انا أهبل لو صدقتك ولو للحظة .

من بيده الدفة وأدارة الإقتصاد والمصانع أيها السادة ؟

من بيده إستغلال ثروة مصر الداخلية خلال عام مضى ؟

سنة كاملة وانا شايف واحد مسجون في طره بيتحول لحسابة الشخصي 700 مليون جنية أرباح عن مصانع سرقها من الدولة ومن قوت الشعب والقضية متداولة حتى الأن وعيش يا حمار لو أتحسمت ... 700 مليون صافي ربح لحساب احمد عز .. يا حلاوه !!!!

سنة كاملة وأنا شايف غاز بيتصدر وبتستولي عليه شركة واحد كلب إسمه حسين سالم ... وشايف مدينة كاملة إسمها شرم الشيخ يملكها . وجيمع الأرباح بتتحول له بأستمرار وبدون توقف إلى حيث النعيم في أسبانيا

سنة كاملة وإحنا في عرض مليم وشايف صندوق أسود أشبه بالبالوعة إسمه الصناديق الخاصة ومليان مليارات تقترب ايها السادة من تيرليون جنيه ... تيرليون .. وثورة قامت عشان تنضف وعشان تحقق العدل للجميع ... ومع ذلك هما هما اللي كانوا بييحكموا زمان هما اللي بيحكموا دلوقت ومطرمخين على الصندوق وماسكين مفاتيحه بإيدهم وسنانهم زي زمان ... سمعتوا حد من المجلس أو من الحكومات المتعاقبة جاب سيرة المغارة دي من بعيد او من قريب خلال سنة ؟ .. تفتكروا ليه ؟

عشان هما نفسهم الحرامية اللي معاهم المفاتيح وهما اللي بيحكموا ويتحكموا ؟

بعد ده كله عاوزني أدي الحرامي مهلة 6 شهور عشان يظبط نفسه تاني ؟

ويهرب فلوسه تاني ؟ فاكرين أحمد شفيق وأحلى واجب عمله في تهريب اموال مصر للخارج .. وحرامية مصر للخارج ؟

وهذا يحدث الان .... خروج امن ... وحصانة .. وعفا الله عما سلف ... وأرجع كما كنت .. وولا تأذينا ولا نأذيك .. وحلال عليك ست الحلوين

وفجأة نلاقي مدير إدارة الأموال العامة بامن الدولة هوووووووووووب كت على بره . وهو إيه ... وهو فى الخدمة تخيلوا ؟.. زوغ على لندن بعد ان ادى عمله في عدة شهور بعد الثورة على اكمل وجه طيلة فترة حكومة احمد شفيق وسلك المليارات وسابنا على الحديدة وقالوا له : زوغ إنت يا حمو دلوقت ومتشكرين يا كبير على الواجب ده .. ونصيبك إتحول لك توتو على كبوتو .. عيش واتمرمغ في خير مصر ما احنا طيبين وساكنين فيها إيجار جديد .

تخيلوا حتى الان ماحدش خد باله او قال هو الراجل ده راح فين وساب الخدمة بتاعته ؟

عارفين : انا مش خايف إن البلد تُعلن إفلاسها أو الدول الأجنبية يبقى من حقها تحجز على هدومنا كمان شهرين تلاتة ..

لكن ده لو كان في ظل حكومة وحكم رشيد نستحمل معاه وندوق المر وناكلها بملح ونبقى عارفين إنه بيشتغل عشان البلد والظروف معكساه أو لسه بنبني نفسنا ..

لكن أتحدى حد يقنعني وبالأرقام إن المجلس أبو 19 او 30 عضو ده بيشتغلوا عشان البلد مش عشان نفسهم وحصانتهم وخروجهم الامن

تعرفوا إن الأرجنتين اعلنت إفلاسها الرسمي سنة 2004 ؟

لكن عشان هما محترمين أستطاعوا في أقل يمكن من 6 سنوات إنهم يبقوا من الأقتصاديات القوية جداً على مستوى العالم

تعرفوا إن البرازيل اللي لحد كام سنة يمكن ما يكملوش 7 سنوات مضوا كانت من أفقر الدول .. ومن أشدها خطراً في الامن والجريمة المنظمة والمخدرات ... عارفين التقرير الأقتصادي العالمي الأسبوع الماضي صنف البرازيل على إنها سابع اقوى إقتصاد في العالم وازاحت الامبراطورية التي لا يغيب عنها الشمس وهي بريطانيا من مكانها ؟

عشان ناس بيشتغلوا .. وعارفين قيمة الوقت ..

مش .. يا عم أدي له 6 شهور تاني وهو احنا خسرانين حاجه دلو بيعدوا هو يا بني ... يا عم إبقى انزل تاني والله وإحنا معاك .. هههههههه ده لو لقيتوا وقت ولا صحة ولا بلد تنزلوا فيها إساساً بعد 6 شهور

عارفين خسرانين إيه خلال 6 شهور ؟

خسرانين بلد بحالها

خسرانين ثروات بتُنهب بشكل منظم

خسرانين تخريب متعمد لمستقبل بلد

خسرانين تثبيت وتنويم فينا .... أوعى الـ 70 مليار اللي عند مبارك وعياله .. اوعى المليارات المتلتلة اللي هربها رجال الاعمال الحرامية العصابة على بره .. بس بُصوا إحنا نلبس سموكن ونعمل فيها من نبلاء القرون الوسطى .. فاكرينهم ؟ أيوه اللي كانوا بيلبسوا جوانتيات بيضا وبيتكلموا من طراطيف مناخيرهم .. وندخل بقى موسوعه جينيس ريكورد كاول ثورة محترمة وعبيطة قصدي مؤدبة وتحاكم 1 % من رموز الفساد امام محاكم عادية وكدهوت .. عارفين ليه ؟ عشان ناخد الحكم ده على يد محضر ونديلة للدول اللي فلوسنا متسلكه عندها وكدهوت يقوموا معيطين ومحولين لنا الفلوس المتلتلة دي عن طريق الويسترن يونيون وكل واحد ياخد حقه .. بشرع الله .. بشرعععععع الله ...

هههههههه مش بأقول لكم شعب طيب

ومش غريبة إني أسمع نفس النغمة حتى من رئيس وزراء المفروض إنه جاي يموت نفسه عشان البلد وينقذها وينتشلها من الازمة .. ما هي حكومة إنقاذ بقى لما يقول مين يومين : مستحيل تتم عملية تسليم السلطة لرئيس مجلس الشعب المنتخب ؟

على أساس إنه هايبىقى اهطل ولا مشلول يعني ؟

تقدروا تقولوا مين يقدر يحكم البلد لو المجلس قرر إنه يمشي اليوم ؟

هههههههه أنظر الكتاب صفحة أسود عهد شهدته مصر ومين يقدر يحكم مصر بعد مبارك .. و85 مليون بني أدم كلهم معوقين إلا هو

أيها السادة .. من يزهد في الحكم ... وانحرف عن واجبه الأساسي اللي حلف اليمين عليه وعايش في خيرة وهو الجيش والدفاع عن أمن البلد الخارجي ... وكذب وقال 6 شهور بس ووضع جدول لتسليم السلطة ثم أستحلاها وقرر يقعد وقال بعضمة لسانة إنه ده مش هايحصل إلا فى منتصف 2013 ... ولما ثورنا ضدة بمنتهى الأدب وبمنتهى السلمية عمل عيل وقال خلاص خلاص شهر 6 2012 ... ثم بمنتهى الدم البارد قتل أبناءنا في ماسبيرو ومحمد محمود ومجلس الوزراء ودمر اقتصاد البلد .. ثم يحاول الأن القفز على جثث الشعب كله وياخد حصانة بخروج آمن ...

اه قبل ما أكمل ... ومن غير تنظير ولا كلام كتير ولا إفتاءات .. على الصفحة الرئيسية لمجلس الوزراء أمس . وضعوا جدول لاهالي شهداء

واخدين بالكم شهداء ومصابي ماسبيرو ومحمد محمود ومجلس الوزراء إنهم لازم يذهبوا خلال اليومين تلاتة الجايين عشان يستلموا التعويضات كاش

شهداء ؟؟؟؟

تفتكروا الشهيد بيموت من نزلة برد .. أو بيقتله مجهول ؟ او هو بلطجي وكان بيحرق ومات فالدولة حبت تكرمه وهاتصرف له تعويض ؟

فوق ده كله .. تفتكروا مين اللي قتله ؟ واللي مش عارفينه لحد دلوقت

من يزهد في السلطة أيها السادة ويقول بنفسه انا لا أصلح للحكم لا يجب أن يترك الحكم وقت ما يحب هو ويشاء هو ... او يمارس علي سلطة أبوية لانه بيعرف كل حاجه وهو اللي عارف مصلحتي ....

من يزهد في الحكم أيها السادة لا يتربس مخه ويصمم يضيع وقت مصر في حاجه هزلية إسمها مجلس شورى أراهنكم من دلوقت إن 6 انفار بس هما اللي هايروحوا ينتخبوا في كل لجنة ووقت معدود ومحسوب علينا وكان اولى نستغلها في فتح باب الترشح لمنصب رئيس الجمهورية او نعمل حاجه خدمية تفيد البلد زي المحليات مثلاً

عرفتوا ليه لازم ننزل يوم 25 يناير ؟

عرفتوا ليه مافيش حد من اللي قاعدين على الكراسي وبيحموا الثورة يا فندم أعترف أصلاً إن في حاجه إسمها ثورة ولا عيد ثورة ولا وقفة ثورة حتى وكان عمل فيها كحكتين وضحك علينا أو إداهولنا نص يوم اجازة حتى ؟

عرفتوا ليه إن 6 شهور فترة كافية لتظبيط كل امور مصر وجعلها لقمة سائغة في فم العسكر ؟

عرفتوا الكذب والخداع والنفاق بتاع تحويل الصلاحيات لرئيس الوزراء .... إيه ما حدش خد باله إنه نفس خط مبارك بالمللي لما حب يأكلنا البالوظة ويحول السلطات لصبي من صبيان رئيس العصابة وهو عُمر سليمان ؟

طب طالما حولت السلطات ومش هاتحكم وانت راجل زاهد ولابس خيش .. ما تزق عجلك وتورينا عرض اكتافك وأرجع احمي الحدود .. ولا الكرسي مش تيفال ولازق فيك ؟

عرفتوا ليه لازم الدستور يتكتب والرئيس يُنتخب في ظل عدم وجود عسكري واحد على الكرسي ؟

اما موضوع يا عم ما هو عندنا مجلس شعب أهو عاوز إيه تاني ؟

لا إله إلا الله .. وهي الامور اختلطت علينا ؟ يا سادة مجلس الشعب جهة تشريعية وليست تنفيذية .... مجلس الشعب في ظل ديكتاتورية عسكرية لا هايهش ولا ينش .. كنت هاقول ما ننزلش ونقعد في البيت قدام الدفايات لو مجلس الشعب كان هايكون هو حكومة تنفيذية تبقى معبرة عننا ... لكن هذا لن يحدث وكله هايستمر على قديمة واخبطوا راسكم في الحيط ...

لازم الكل ينزل مرة أخرى يوم 25 يناير ... ولازم . مكسوف أقولها والله .. ولازم المجلس يضع قانون وشروط إنتخاب رئيس الجمهورية مش يفاجئنا إن الإنتخابات بكرة واجري يا عم وأسلق يا خال .. ويالا الوقت بيجري وولا نسمع ولا نشوف برامج إنتخابية وفجأة نلاقي حد نط على الكرسي ما نعرفش جه منين .

لا تعارض أيها السادة بين الثورة والأمن .... ومرة أخرى وكله بالدليل ... أعرضوا لنا يا معترضين مره واحده .. إيه كتير مرة ؟ بادر بها متظاهرون او معتصمون بالعنف

هايقول لك ما هم بيندسوا وسطهم و مش عارف إيه ؟

هما مين ؟ البلطلجية اللي تبع امن الدولة اللي صاحي وبيلعب ؟

ولا التأمين والامن ده من بديهيات مسئولية من يحكم وسايبها سلطة وبيكلمني عن صوابع وضوافر ومانيكير وباديكير وكأنه بيحكم من على كرسي متحرك ومشلول الاطراف ؟

كلمة اخيرة .. إذا كنت لا تقرا الأحداث فتلك مصيبة ... وإذا كنت لا تعرف مكان الزرار اللي بيدوسوا عليه يقوم يحصل أمن 100 % .. وفجاة يخبوا الزرار فيبقى منذ يومين

يومين فقط تخيلوا ... اه والله ... خط سكة حديد وجه قبلي مقطوع تماماً عشان مش عارف مين في سوهاج سقط في الإنتخابات فمن أول أمبارح مولعين في خط السكة الحديد كله ..

وخط وجه بحري مقطوع تماماً عشان في عمال لهم مطالب ونايمين على القضبان ...

وخط أسكندرية القاهرة الصحراوي مقطوع تماماً عشان اهالي طنطا معترضين على سقوط واحد منهم في الانتخابات فقطعوا الهاي واي

وخط القاهرة أسكندرية الزراعي مقطوع تماماً .. عشان في واحده ست وعيالها التلاتة بيعدوا الطريق الزراعي امام اخدى القرى الريفية فجت عربية مسرعة وقتلتهم جيمعاً فالاهالي قفلوا الطريق من بابه بلا وجع دماغ

وميناء نويبع .. طبعاً عرفتوا الكارثة اللي حصلت أمبارح ؟ البدو أقتحموه تحت وابل من إطلاق النار الكثيف وهروب الشرطة تماماً ... واحتلوا المينا

تفتكروا الأمن مسئولية مين ؟

تفتكروا من أولى بضرب النار والغاز المسيل للدموع والخرطوش وجدع يا باشا ؟

تفتكروا مين اللي له مصلحة يرعبنا وكل شويه يقول "تم العثور على عدد من مضادات الطائرات والأربيجيهات واجهزة لاسلكي حديثة ملقاة على شاطيء قناة السويس "

على أساس يعني إن اللي كان هايضرب السفن وهي معدية جهز كل حاجه وفجأة ضمبره صحي وساب الأسلحة والذخيرة دي ورجع لحياته العادية .

كل ثورة وإنتم طيبين

يسلم فومك وصح لسانك

انا معاك مائة بالمائة

هل من العقل ان تعطى واحد فرصة سته اشهر كاملة يوضب اوراقه هو وجميع عصاباته ويجهز من يخلفه ليغطى على جرائمه(من قتل وتعذيب وفساد مالى)

الى كل من يؤيد المجلس العسكرى :المجلس العسكرى بشر وليسوا ملائكة وهم يقودون الجيش ويوجهونه وليس هم الجيش المصرى وهناك من هم افضل منهم لادارة الجيش (فاكرين التصنيع الحربى الذى تحول الى تصنيع دشات وبوتجازات) ولابد من محاسبتهم على اخطائهم مثل اى مصرى وهم لسوا فوق القانون (الكلام ده اتقال على مبارك ومصدقتوش الا لما شفتوه فى المحكمة(التمثلية)

المجلس العسكرى ادار البلاد لمدة سنه كاملة ولم يحقق اى انجاز (طبعا غير استفتاء الفتنة وانتخبات مجلس الشعب المكافاة على عدم النزول الى الشارع)

هل تحقق الامن؟لأ ورجال الأمن الان بدأو يرجوعوا بصورة اكثر بشاعة من قبل

هل تحسن الاقتصاد؟لأ بالعكس هناك فرصة كبيرة لهم لسرقة الاحتياطى من الدولارات بسبب مشكلة عجلة الأنتاج التى ناسين مفتاحها فى ميدان التحرير

انتوا عارفين ان الدخل القومى لمصر فى هذه السنة لم يتأثر كثيرا (دخل السياحة انخفض وعوضها ارتفاع دخل قناة السويس وزياده التحويلات) وكذلك المصروفات لم تزيد طوال السنه طيب انخفاض الاحتياطى راح فين ؟فيه حوالى 12 مليار دولار اتسرقوا خلال هذه السنه

هل نترك لهم الفرصة لكى يشفطوا الباقى؟

[ماستر]

كتب عصام ابو الفتح:

يامحترم أول آداب الحوار بل وأهم شروطه ان تحرص على الصدق لا ان تتقول بكلام سمعته وكانك تماماً كشاهد مشفش حاجة

يبدو ان ادب الحوار ليه معانى كتير الايام دى, عامة انا مش هدخل معاك فى جدل لا فائدة منه فى الزوق العام والادب,

الكلام عن ان المجلس العسكرى حدد 6 شهور لتسليم السلطة واضح فى اعلان 13 فبراير بعدين غير كلامة متقعدش تحور الموضوع وتعمل اعزار ملهاش معنى, كان فية ظروف ومش عارف اية, الكلام حصل وغير كلامهم ولا لأ, انا مش عارف اية حكاية شاهد مشفش حاجة دى الكلام كان قدام الجميع ومش انا بس دة الشعب المصرى والعالم كله وكلنا شوفنا ازى الجنرالات بيطلعوا كل شوية فى برامج التوك شو يقولوا كلام بعدين يغيروا

كتب عصام ابو الفتح:

مــــادة 41 تبدأ إجراءات انتخاب مجلسي الشعب والشورى خلال ستة أشهر من تاريخ العمل بهذا الإعلان . ويمارس مجلس الشورى اختصاصاته بأعضائه المنتخبين. ويتولى رئيس الجمهورية فور انتخابه ، استكمال تشكيل المجلس بتعيين ثلث أعضائه ، ويكون تعيين هؤلاء لاستكمال المدة الباقيـة للمجلس على النحو المبين بالقانون .

وقد بدأت الاجراءات بالفعل فى اواخر سبتمبر

فأين ما تدعيه من ان الستة شهور ستتضمن كل الانتخابات ؟

أى انسان يفهم فى القانون يعلم تماما ان الصيغة كان يجب ان تكون ( ستة أشهر تتضمن اجراء الانتخابات البرلمانية والرئاسية )

أو ( ستة شهور ويتم اجراء انتخابات مجلس الشعب والشورى والرئاسة فيها )

أو ( ستة شهور تنتهى بانتخاب الرئيس )

لكن كل العقلاء الذين قرأوا اعلان 13 فبراير قرأوا بين السطور تحسباً لمخاطر قد تعطل تسليم السلطة .

سوف اسأل سؤال بديهى جدا "هل تعلمون اللغة العربية؟" الاجابة طبعا وبطلاقة

يا استاذ: كلمة خلال معناها ان تبدأ العمل من اليوم التالى لا ان تنتظر الى اخر المدة حتى تبدأ العمل بمعنى ان سوف تنهى عمل ما فى خلال 6 اشهر اى انك سوف يبدأ من اليوم التالى حتى تنتهى قبل نهايه الستة اشهر

اما ما حدث فى موضوع انتخابات مجلس الشعب بدأ التفكير فيها بعد 6 شهور من اعلان مارس يعنى فى شهر سبتمبر وبدأت الانتخابات فى شهر نوفمير اى متأخرة شهرين عن الموعد المحدد دة على اساس انا شعب مبيعرفش يعد ولا يعرف يعنى اية 6 شهور

اما انتخابات الرئاسية لم تكن مححدة اطلاقا وكان الكلام فى برامج التوك شوا ممكن فى منتصف 2013 وممكن لأ على حسب الظروف والمزاج ولم يتم تحديد موعد منتصف 2012 غير بعد مليونية 18 نوفمبر واحداث شارع محمد محمود

[se_ Elsyed]

هو لما نزلوا الناس في مليونية 18 نوفمبر ... وكملوها بوقفتهم ضد تتار الشرطة في محمد محمود

وتم كسر أنف المجلس العسكري وطلع إعلان وبيان بإن إنتخابات الرئاسة خلاص هاتبقى في منتصف 2012

هؤلاء كانت مطالبهم مع مرشحى الرئاسة الذين تحضر ندواتهم الان ان تنتهى انتخابات الرئاسة فى 30 ابريل .. وان كنت ناسى أفكرك

وعجز تيمور تماما عن وضع تصور أو نسخة من اى مكان لجدول زمنى يحقق ذلك

وتم تحديد 30 يونيو بعد تفاوض على جداول تم وضعها من قبل مختصين بالتخطيط واشرف انى وضعت احدها وارسلته لمن يمثلنى وهو م ابوالعلا ماضى

فمن أتى بموعد 30 يونيو هو التفاوض والنقاش وليس طوب محمد محمود ولا تسلم يا باشا ولا اى كلام فارغ من ده انتم تتحملون مسئوليته .

اتحداك تلاقى اى علاقة بين تحقيق هذا المطلب والمحاولات المستمرة للهجوم على وزارة الداخلية

التى عندما يأسوا منها سارعت 6 ابليس لنقل موقع الاعتصام والمكان المخطط للاشتباك الى مجلس الوزراء لتعدد الاهداف هناك

منى أتى بموعد 30 يونيو هو التفاوض وجدولك وأبو العلا ماضي اللي سقط امبارح في إنتخابات مجلس الشعب ... آه

أقعد بالعافية

[ام سلمي]

اللي ناويين ينزلوا يوم 25 يناير يا ريت ما يكرروش نفس الغلطة ويتمسكوا بالاعتصام بإعداد قليلة لان من هنا بتبدا المشاكل

و لازم يتحملوا مسئولية الحماية والتفتيش مش يسيبوا البلطجية بأسلحة في وسط الناس

وخاصة ان زي ما شفنا ان اللي بيتقتلوا عن طريق بلطجية مندسين في وسط المتظاهرين ما بنقدرش نحدد القاتل ويبقي دمهم راح هدر كدة

الداعين للمظاهرة لازم يتحملوا مسئولية التامين ومسئولية عدم الاعتصام لو الاعداد قليلة

مش معقول يعني مأساة محمد محمود واللا الوزرا تتكرر تاني الواحد المفروض يتعلم من أخطاؤه

أتحدى وتحدي علني يا ام سلمى أن يذكر لي أحد مثال في التاريخ يشير إلى إعتصام أو مظاهرة أو وقفة إحتجاجية معلن عنها .. وتطلع اجهزة الدولة تقول مع نفسكم ونحملكم المسئولية

إبتسم هذا يحدث في مصر فقط

الاستاذ الفاضل سي السيد

ده مش وقت تحدي مين اللي عليه مسئولية التأمين المتظاهرين واللا الدولة

الدولة حتنفض ايدها وتقول ماليش دعوة ، نعمل احنا ايه ؟ نسيب الناس يموتوا زي كل مرة ونقول مش مسئوليتنا؟

مين اللي قتل الشيخ عفت ؟ او طالب كلية طب عين شمس ؟ ما نعرفش ، وممكن عمرنا ما نعرف ،

حرام كل مرة يحصل نفس الشئ

انا مايهمنيش مسئولية الدولة تأمين المظاهرة واللا مسئولية المتظاهرين ، انا اللي يهمني ان المظاهرة تتأمن

ومش كل واحد يرمي المسئولية علي التاني والناس تروح ضحية

واهم حاجة مش عايزين اعتصامات باعداد صغيرة ، يا الكل يروح بيته يا الكل يعتصم

تم تعديل 7 يناير 2012 بواسطة ام سلمي

[raouf]

ردى على اسالتك يا تيمور

غيرك يا رؤوف يلقي الكلام ولا نلقي له نحن بالا

طيب

فسر لي بعد اذنك المفردات اللي وردت على لسانك دي :

- اهداف شخصية ّ!

- كسر الجيش !

- تقسيم مصر !

- لاتوجد طلبات للثورة الثانية !

- يستاهلوا اللي حيجرى ليهم !

ايه اللي جرى لك يا رؤوف !!

تيمور انت عارفنى على المستوى الشخصى كويس وعصام ابو الفتح عارفنى ايضا

وعارف انى مش الشخص اللى يتضخك عليه وانى بابنى ارائى بعد تفكير ودراسة

انا اتفق معك فى الاهداف تيمور ولكن اختلف فى طريقة معالجة الامور

وهاجوبك على اسالتك

- اهداف شخصية ّ!

طبعا ولو كان حزب الثورة او الكتلة المصرية فاز ولا كان حد اتحرك وكنتوا وقفتوا وراهم وقولتوا هايجيبوا حقنا

لكن بعد الانتخابات خسرتم مجلس الشعب والنقابات وايضا كرسى الرئاسة اللى قلت فيه فرص مرشحينكم اللى طبعا لن يحزوا موافقة الاخوان ولا السلفيين

بالتالى ماخدتوش حقكم بالانتخابات عايزين تاخدوه بالقوة واكرر تيمور كلامى مش على 6 اكتوبر بل على كل من يدعم هذه الثورة

- كسر الجيش !

طبعا انت عايز تطرد الجيش وقياداته وتعامله مثلا زى ما هاتعامل مبارك وتقولى مش هاتخسره ولا تكسره ؟ انت شفت اللى بيحصل فى ظباط الشرطة بعد انساحبهم وطردهم ؟

والله باكلم اخويا بيقولى الظباط كانوا بيستخبوا من الناس وبيخافوا ينزلوا من بيوتهم ودى داخلية

اكسر الجيش واتوكل على الله قابل اسرائيل بقى

- تقسيم مصر !

طبعا الحاجة الوحيدة اللى واقفة امام تقسيم مصر الى 3 دول هو الجيش دولة نوبية ودولة مسيحية ودولة مسلمة وقولى اول مرة نسمع الكلام ده

- لاتوجد طلبات للثورة الثانية !

طبعا طلباتكم تسليم الرئاسة الى رئيس مدنى وهايحصل مفيش اى انسان قال لا مش هايحصل او قال عايزين عسكرى يمسك وماتقوليش توفيق عكاشة مثلا هو والبط اللى معاه

وباقى الطلبات محاربة مبار

- يستاهلوا اللي حيجرى ليهم !

طبعا مش عارف اللى هايجرالكم وده بيدل على جهل بقوة عدوكم المفترض

وباقولها ليك هاتتسحلوا ومش هايبقى فيه ديه وهايتم معالجة الامر بطريقة الجيش وهى انه يخلص مرة واحدة وصدقنى اللى خدم فى الجيش عارف طريقة التفكير ومعنى كلمة تنفيذ الاوامر

وعلى فكرة لن تجدوا اى دعم من غالبية الشعب اللى مضحوك عليه فى نظركم

[Om Zayd]

لله الأمر من قبل و من بعد

هتكلم عن نفسي فقط .. لان كل واحد مسئول عن قراراته و مينفعش يقول ضحكوا عليا و حرضوني

هفكر بصوت عالي

شخصيا لا أثق في المجلس العسكري

قلقة من ان انتظر حتى 30 يونيو ثم أفاجأ بمن يدعونا للصبر مرة أخرى و انها هانت

قلقة من ان النزول الآن قد يدفع الى مواجهة بين السلطة المنتخبة و قطاع من المصريين قرر النزول

قلقة من أن تخذلنا السلطة المنتخبة او على الاقل لا تتعامل معنا بشفافية و وضوح

الثورة مستمرة؟ .. بالطبع

لا زلنا في حالة ثورة .. حتى المعترضين عليها جذوتها في قلوبهم لكنهم يمنون النفس أن يتمها الله على خير و يكفيهم القتال

لاحظتم اننا جميعا مع النزول و نختلف حول التوقيت؟

أخشى من هذا الخلاف رغم ان وجهه الآخر اننا جميعا مستمرون في الثورة

لكن ديني علمني ان التوقيت في أحيان كثيرة يكون عنصرا حاسما

كنت أتمنى أن نبني حول ما نحن متفقون عليه .. نبحث سويا عن طريق نتفق عليه للوصول للهدف النهائي

و أهم شيء .. التنسيق مع البرلمان المنتخب

شخصيا لن أستطيع النزول و لا زوجي "ظروف شخصية قاهرة في الأساس

أسأل الله العظيم أن يهيئ لنا من أمرنا رشدا

و أن يرينا الحق حقا و يرزقنا اتباعه

و الباطل باطلا و يرزقنا اجتنابه

أسأله تعالى أن يحفظ البلاد و العباد

و أن يصرف عنا كل سوء

مواطنة قلقة جدا .. لكن رجاءها في الله لا ينقطع

[ssmaly]

الى كل من يقول ان ما حدث فى محمد محمود ومجلس الشعب وما سيحدث فى 25 يناير بسبب خسارة الأحزاب فى الانتخابات

الأحزاب كلها ليس لها تواجد فى المظاهرات خاصة ابتداء من محمد محمود(ومن قبلها)وان كل الأحزاب حاولت بعد صمود الثوار فى محمد محمود لمد ثلاث ايام ان تركب الموجة وحاولت التواجد فى التحرير وطردت (وكانوا قد قدموا الاعتذار لخزلانهم للثوار ) ومنهم عمرو حمزاوى والبلتاجى وبعدها زى كل مرة اجتمعوا مع المجلس ليحصدوا ثمار دماء الثوار ويظهروا البطولات فى التفاوض (على فكرة كانوا متفقين مع المجلس على تنازلات كثيرة من المجلس والمجلس حلقلهم واكتفى بتحديد يوم 30 يونيو لتسليم السلطة)