وماذا بعد اللاندنج،،راحت السكرة وجاءت الفكرة!!!

[Doctor style]

السلام عليكم جميعا..ومع اقتراب موعد طلب الميديكال ..احب اسأل الاخوة اللي عملوا لاندنج والاخوة اللي في كندا دلوقتي(وخصوصا الاطباء) السؤال المتكرر داااائما..ايه المجالات اللي ممكن الواحد يشتغل فيها أذا لم يتمكن من ممارسة وظيفته الاساسية واللي بقالو سنين شغالها؟؟او بمعنى اخر اذا اضطر يغير الكاريير بمهنة جيدة ،فكيف يكون ذلك ،،ولا المتاح للمهاجرين مهن مثل حارس امن ،غسيل اطباق ...فقط ..انا لم اذهب الى هناك بعد ،،علشان كده يا ريت اللي عنده معلومات يخبرنا بها وجزاكم الله كل خير..

[Doctor style]

ولا رد واحد ،،ولا تعليق واحد حتى..هو الموضوع مش مهم ...

[novocaine]

معلش يا دكتور...المنتدي نايم شوية

إذا لم تتمكن من ممارسة وظيفتك الأساسية هتشتغل إيه ده علي حسب المجهود اللي هتبذله..يعني ممكن تدرس حاجة جديدة..الحاجة دي ممكن تكون مهنية(كهرباء و كده) دي هتدرس حوالي سنة أو 2 بالكتير...أما لو عايز تدرس مثلا" هندسة أو إدارة أعمال..الموضوع هياخد وقت أطول شوية..بس الفكرة لما بتكون دارس هناك الشغل بيبقي أسهل لأنهم مبيبقوش خايفين من ضعف مؤهلك الأساسي اللي حضرتك مش واخده من عندهم.

أما لو مش عايز تبذل مجهود خالص....فوظائف الأمن و مثيلاتها هي الطريق.

ملحوطة: أنا كلامي عام شوية و ياريت الأعضاء الأعلم مني يفيدوك

تم تعديل 7 يناير 2012 بواسطة novocaine

[هيشو]

أنا ليا استفسار هو الميديكال هيتبعت فين؟

و لو العنوان غلط هيحصل اية؟

و لو انا اتنقلت من العنوان اللي كان موجود ازاي اصلح المشكلة دي

[Doctor style]

لو انت غيرت عنوان المراسلات يبقى لازم تبلغهم بالعنوان الجديد اللي انت فيه ..وبالنسبة للابديت (Update)وخلو السوابق السعودي (اللي هو في مصر اسمه الفيش)فقد طلبوه على البريد الالكتروني..لسه مش عارف لما يطلبوا الميديكال حيرسلوا تحويل عن طريق البريد الالكتروني ولا ايه ؟؟

[alaashabana]

بالنسبة للوظائف المؤقتة على حسب علمى وعلى حسب ما قرات من الاخوة الاعضاء ممكن تاخد كورس حراسة امن وتشتغل حارس امن ب 13 دولار فى الساعه والله اعلم .. سلام عليكم

[Doctor style]

طيب هو الواحد حيسيب الكاريير بتاعه علشان يشتغل حارس امن !!! وبعدين 13 دولار مش حاجة جامدة على فكرة .. يا ريت الجماعة اللي هناك أو اللي عملوا لاندنج وشافوا الوضع هناك يفيدونا ..لأن الموضوع ده مهم جدا..

وبعدين علشان اغير الكاريير ده هيحتاج دراسة ،زي مثلا ال ITأو ادارة الاعمال ،الجودة... ،،طيب للا لتحاق و البدء في دراسةالمجال الجديد،، ده بيعتمد على ايه ؟

هل ممكن الاخوة اللي عندهم معلومات عن الجانب ده يفيدونا

وجزاهم الله خيرا ..

[Soprano]

تسجيل للاهتمام والمتابعة :)