عسكر ....كاذبون

[shawshank]

ممثلو الشعب اللي نجحوا في انتخابات البرلمان صحيح لهم شرعية مستمدة من اختيار الشعب ليهم. لكن الشرعية دي لابد لها من قوة تحميها. القوة دي هي قوة السلاح. وقوة السلاح في ايد قتلة سفاكي دماء، تظاهروا بحمايتهم للثورة، واتضح أنهم يخدعون المصريين بعد أن قتلوا وعذبوا المئات، وكشفوا عذرية البنات وسحلوهم علنًا أمام العالم. ومن له وصول مباشر لتلك القوة يطيع أوامر رؤسائه، وتنتهي سلسلة القيادات بالمجلس العسكري (إلا لو حصل انقلاب داخل الجيش). يبقى اللي ماسك القوة الجبرية كذاب ومخادع وعايز مايستخدمش القوة (اللي هي ملك للشعب أصلا) في حماية الشرعية الشعبية، لأ عايز يستخدمها في فرض نفسه كسلطة وحيدة في مصر. يبقى ساعتها ايه القوة اللي هتحمي شرعية النواب؟ ولا حاجة! ونفس الكلام ينطبق على أية شرعية أخرى. الأمر في النهاية رهن قوة السلاح اللي بتحمي الشرعية.

الحل ايه؟ مش عارف. الاصرار على الثورة معناه سقوط آلاف الشهداء، والجيش لن يتورع عن استخدام الطيران والمدفعية في الشوراع عادي جدًا لأنها معركة بقاء، والمسألة هتطول وهتكون أسوأ من سوريا. وتوقف الثورة معناه بقاء النظام القديم، بل هيكون أسوأ. مصر في مفترق طرق. ومفيش إلا خيار من اتنين: يا مواجهة شديدة الخسائر، يا بقاء النظام القديم. حتى لو بدا على السطح حاجة تانية إنها خيار ثالث، لأنه لازم هيكون وراه المجلس العسكري بيحكم من خلف الستار. لأنه مش معقول هيسيب سلطة أعلى عشان سلطة أقل بلا مقابل، بعدما تبين خستهم ونذالتهم في قتل وتعذيب المصريين وتعرية نسائهم وسحلهن وكشف عذريتهن.

[نوران]

لو حصلت مواجهات وفوضي و....

يبقي دي فرصة العسكر عشان يأجلوا كل حاجة بسبب عدم ملائمة الأوضاع لتسليم السلطة

اللي بيقتل وبيعذب بالمئات بقوة السلاح اللي معاه عشان يفضل في الحكم يستحيل تكون عنده الإرادة لتسليم السلطة طواعية. مجلس كاذب (ومتنصل من وعوده بالفعل) وأيادي أعضائه ملطخة بدماء المصريين لا يمكن يؤتمن على تنفيذ رغبة الشعب. وفي كل الأحوال، هو مش هيستنى فوضى عشان يسوغ بقاءه. حتى لو مفيش فوضى، وفي قمة هدوء الأوضاع، هيفرض نفسه إن لم يجد سلطة مدنية موالية له تستره وهو يحكم من خلف الستار. وده بالظبط اللي حصل أول ثلاثة شهور بعد 11 فبراير 2011. هدأت الأوضاع وتلاعب المجلس العسكري بالشعب المصري متظاهرًا أنه مع الثورة وفي الحقيقة كان يخطط لاحتوائها ووأدها. ثم بدأت بالتدريج تظهر نيته للعيان. وبعد أن انكشف عنه القناع، وظهرت شواهد هذا التخطيط للاحتواء والوأد، بدأنا نفكر في إعطائه فرصة من الهدوء وعدم الفوضى لنعيد الكرة مرة أخرى!

لكن الطابور يصر على السقوط في نفس الحفرة التي سقط فيها أول فرد ... لا ننظر سوى أسفل أقدامنا

اذا كان تمني الخير للبلد نظر أسفل الأقدام

إذا كانت رغبتنا في تفادي دم ومصابين وتخريب وبهدلة في البلد أكتر ماهي متبهدلة نظر تحت الأقدام

إذا انتظار 5 شهور وبعدها لو حسينا بغدر من العسكر ، الشعب كله هينزل لنفاد رصيد العسكر عند كل الناس - وساعتها ،

لما نتوحد ، مفيش قوة في الدنيا بأمر الله تقدر علينا كلنا ، متوحدين والهدف واحد -نظر تحت الأقدام

إذا كانت الرغبة في تفويت الفرصة علي العسكر بفرض الأحكام العرفية لما هيتلككوا باللي ممكن يحصل يوم 25 - مش من الثوار ، من

اللي هيندسوا بين الثوار - نظر تحت الأقدام

فأهلا وسهلا بقصر نظرنا وبالطابور

وهنيئا لكم ببعد نظركم وفهمكم العميق للأمور

وشكرا علي طريقتك في الحوار مع مخالفيك

وما فيش في إيدي غير إني أدعي ربنا يستر ويعديها علي خير

[احمد رضوان]

بصي اخت نوران المجلس العسكري لو عايز يفرض أحكام عسكرية حيفرضها من بكره كفاية ينزل فرقة امن مركزي تكسر وسط البلد وهو مش محتاج إذن

إيه هي انجازات المجلس من فبراير حتى الان لو فيه حاجه إيجابية يبقى توقعي الفترة اللي جابه البلد حتزدهر

طيب إيه الوضع على الارض الان ، المجلس بتعقب كل النشطاء وبيهاجم منظمات المجتمع المدني وبالمعدل ده لو وصلنا ليونيو مش حيفضل حد علشان ينزل الشارع

افضل حل انتخابات رئاسة بعد المجلس لو فيه نيه لتسليم السلطة إيه يمنع ده .... لكن لو سوء النية متوفر مش حيأثر فيه غير الضغط الشعبي

ولعلمك كل مكاسب الماضي كانت من خلال الضغط ودم الشهداء ومش معقول بعد كل ده نتنازل بعد خط النهاية ما قرب جداً

مين مش عايز يحفظ ارواح الضعفاء لانهم في الصف الاول .... لكن الضعفاء والفقراء نفسهم نازلين علشان كرامتهم مين حيقدر يوقفهم قبل ما يرجعوا بالكرامة والعدل والحرية

تاني باعيدها المجلس في ايده القرار ممكن يسلم السلطة لمجلس الشعب ويعلن انتخابات الرئاسة وده اختبار نوايا لو مش عايز اتحداكم انه يسلمها في يونيو

[لماضة مصرية جدا]

السلام عليكم و رحمة الله و بركاته

أنا مش هقدر اكون حيادية في زي ده

لاني هقولها و بالفم المليان

يسلم ايدين اللي فكر و فتش و عري الكدب و نزل للناس البسيطة في الشوارع علشان يقدم ليهم اعلام بديل بدل من الاعلام المهلهل اللي كان اول مطلب من مطالب الثورة تطهيره...(مش بس انه يقعد يمسك ربابة و يغني لكل موجة طالعة و نازلة)

هو ده المجهود الحقيقي

و للاسف الاصعب و الاكثر تحديا

لان للاسف الناس البسيطة في الشارع....محتاجة تسمع من اكتر من مصدر

و للاسف متعودناش نشغل عقلنا

و لا نفلتر اللي بنشوفه او بنسمعه

متعودين عادة نبصم و دي عادة هتاخد وقت و ومجهود علشان نغيرها

قلبا و قالبا مع الحركة

و لو اني فاتني العرض بتاعهم امبارح

ليا تعليق بسيط علي مداخلة استاذنا الغريب لما قال

فرق بسيط بين أن يفهم الناس أن المقصود من الحملة مواجهة كذب القيادات العسكرية و ومواجهة أية محاولة لعسكرة الحكم في البلد ، وبين ، الطعن في مصداقية الجيش والقوات المسلحة وهي أحد العلامات المحفورة داخل الوجدان المصري شأنا أم أبينا.أخي يملك شركة كمبيوتر في أول شارع العريش بالهرم وشاهد رد فعل الناس على الحملة ، وهو ما نقله علاء عبدالفتاح على تويتر

الناس رفضت الحملة وهتفت الجيش والشعب إيد واحدة ، وفي أماكن أخرى الناس حطمت أدوات العرض

لعل الشباب يتحملون هذا الأمر ويحاولوا توصيل الأمر يشكل صحيح إلى الناس أن هذا الحملة نوع من مواجهة عسكرة الدولة ، هذا إن كانوا صادقين في ذلك بالفعل.

تحياتي...

علي الرغم من اني مع الحملة...يعني مقدرشي اكون حيادية

بس اللي اقدر اقوله

ان الهدف منها عمره ما يكون الطعن زي ما حضرتك قولت

لان فيه فرق برضه بسيط بين اللي بيتعمديكذب علي شعب سلمه "ثقته" و بين انك تعرض الحقيقة مهما كانت مرة

فكرة الحركة مش دفاعا عنها

انك تشوف....اللي الناس التانية مش عايزينك تشوفه

و هو ده الاعلام المفروض

انك تشوف ده

و تشوف ده

و الكثير جدا جدا من اعمال العقل

علشان في الاخر توصل انت بنفسك للحقيقة...(حتي الحقيقة ده شيء مجرد ممكن يتغير....لكن علي الاقل توصل لقناعة تؤمن بيها و تدافع عنها و لا تلزم بيها غيرك)

ده اللي بشوفه و بصدقه

كل التحية استاذي

[عصام أبوالفتح]

حسبى الله ونعم الوكيل ... شاهدت الفيديوهات ولم أجد بها كذباً يشار اليه إلا كذب صانعيها.

اول كذبة كما تدعون هى دستور 71 والاعلان الدستورى .. هذا دائم وهذا مؤقت .. وليس كل 71 ملغى ..

شئ بديهى لان فيه مواد بالفعل تم نقلها بالحرف من 71 ( بما فيهم المادة الثانية ) ... أين الكذب فى ذلك ؟

الحاجة التانية القوائم والفردى كان تعديل قانون مجلس الشعب والشورى بينص فى الاول على النصف فردى والنصف قوائم وتحت ضغط الاحزاب الصغيرة تم تعديلها للثلث والثلثين حماية لاصوات ناخبيهم وحتى يستفيدوا من الاعداد الصغيرة... فأين الكذب فى ذلك ؟

وسياسة الدولة فى عدم الاعتداء على المتظاهرين شئ وانفلات مجموعة خارج التعليمات شئ اخر ...ده الرماة خالفوا تعليمات النبى أليس هؤلاء الجنود بشر يخطئون لنحاسبهم ..... فاين الكذب ؟ ...

ولما طلبة طب اسكندرية كلهم يدعوا فقأ أعينهم وكأنه لا يوجد حالات فقأ عيون الا من القاهرة ... أليس هذا كذب ؟

ولما تستغلوا البسطاء وتروجوا لهم هذه الفيديوهات المصنوعة باحترافية عالية لاستعدائهم على الجيش ... أليس هذا كذب ؟

حسبى الله ونعم الوكيل فيكم

حسبى الله ونعم الوكيل فيكم

[aimen]

نوارة نجم تكتب

كاذبون 3

«كاذبون» هو عنوان لحملة أسسها بعض النشطاء والائتلافات، لعرض الحقائق حول جرائم العسكر وأكاذيبه، ربما على أثر صرخة للناشطة الشابة لينا مجاهد التى كانت تبكى بهستيريا فى أحد المستشفيات وفى يدها آثار دماء أحد الشهداء وتردد: «مش ممكن الناس تبقى عارفة الحاجات دى ويبقوا مش معانا! أكيد مش عارفين! لو عرفوا حييجوا معانا.. الناس مش ممكن تبقى وحشة.. الناس مش عارفة.. لازم نقول لهم».

قد يكون من سوء الأدب أن تتحدث عن بعض ملامح الكوميديا السوداء فى المشهد المصرى، لكنها عادتى ولاّ حاشتريها؟ لا مانع من إساءة الأدب ولا بأس من الابتسام.. إحنا ف ثورة. القائمون على حملة «كاذبون» هم أشرف وأنقى مَن فى مصر، يصل نقاؤهم إلى حد البراءة الطفولية، وليس أدل على ذلك من عنوان الحملة «كاذبون». كأن أسوأ ما يرتكبه الإنسان هو الكذب، ويحضرنى فى ذلك الموقف بعض من ذكريات السطو على صحيفة «الدستور» قبيل انتخابات مجلس الشعب لعام 2010، حيث وقف الأستاذ إبراهيم عيسى فى نقابة الصحفيين غاضبا وقال بنبرة عنيفة مشيرا إلى السيد البدوى شحاتة ورضا إدوارد ومن ساندهما: «هؤلاء الكذابون.. كذابون كذابون كذابون». فصفق الناس، وأنا ضحكت بصراحة، وسأبرر موقفى: عارفين ماجدة الخطيب فى فيلم «نص ساعة جواز» وعقدتها من الكذب؟ أهو إبراهيم عيسى كده، عنده عقدة من الكذابين. يعنى يا أستاذ إبراهيم الجرنال اتقفل، وانت قعدت فى البيت، والعيال بيتها اتخرب ونايمة فى النقابة، ومافيش حاجة مزعلاك فى ده كله غير إنهم كذابين؟ طب ما همّ ناس وحشة لازم يكذبوا، أمال حيقولوا الحق؟

لكن الحقيقة أن البقاء للأنقى، والأيام بيننا. لم يختر النشطاء اسما آخر للحملة يعبّر عن القتل وهتك الأعراض والتعذيب، وإنما اختاروا اسما يعبّر عن نقائهم وإنسانيتهم، ويخاطب ما يجده من نقاء وإنسانية فى الآخرين، هم، تماما مثل لينا، يستبعدون أن يكون بين البشر من يعلم بحقيقة تلك الجرائم ويصمت عنها، أو يرضى بها، أو يقبل بالسفسطة الفارغة المنحطّة على جثث القتلى وأعراض الحرائر، وبناء عليه فقد خلصوا إلى نتيجة بأن الناس لا تعلم، ربما لم يروا جثة الشاب الذى أُلقىَ فى المزبلة، ربما لم يشاهدوا صورة الفتاة التى كشف سترها جندى مصرى، ربما لم ينصتوا إلى صوت سميرة إبراهيم المختنق بالدموع وهى تروى تفاصيل تعرضها لكشف العذرية من قِبل الجيش المصرى، لذا فإن من واجبهم إعلام الناس بالحقيقة وعرضها عليهم بصدق وشفافية، يدورون فى الطرق والمحافظات لكشف الحقيقة مستعيدين تراث فرق خيال الظل التى كانت تجوب أرجاء المحروسة فى عهد المماليك، لكنهم هذه المرة يعرضون صورا ومشاهد حقيقية.

طيب، دعنا فى البداية نقرر أن حملة «كاذبون» قد آتت ثمارها بسرعة غير متوقعة، وعلى نطاق واسع، ولا أبالغ حين أقول إن الزفة التى أقيمت لأحمد شفيق فى إمبابة أسهم فيها الوعى الذى تقوم بخلقه حملة «كاذبون»، لكننى وبصدق، مش واكل معايا إن الناس مش عارفة، الناس عارفة ومستعبطة، وقد أكون سيئة النية، لكننى حتى الآن لا أفهم معنى أن يتم تضليل إنسان وهو يرى الجثة والجسد العارى بعينَى رأسه، قتيل ده ولا مش قتيل؟ عريانة دى ولا مش عريانة؟ ما المعضل فى فهم الصورة؟ ولماذا يُضطرّ بعض الناس إلى إجهاد أنفسهم بصناعة فيديو يعرضون فيه جزءا من المؤتمر الصحفى العسكرى ثم جزءا من المقتلة حتى تقتنع؟ إذن.. فإن كانت الناس تعلم وتستعبط، فلماذا كان تأثير حملة «كاذبون» عليهم بهذه القوة؟ بصراحة لأن الحملة أحرجتهم، ولم تدع لهم مجالا للهروب من الحقائق التى يعرفونها ويصممون على تجاهلها، ثورة دليفرى تأتيك فى شارعك أمام مقر عملك وبوابة بيتك لتقول لك: «انظر.. هذه جثة، وهذا رصاص حى، وهذه امرأة هُتك عرضها، وهذه دماء.. قول ماما.. قول بابا…»، ولأن القائمين على الحملة لا يحملون إلا الصدق والنقاء وحسن الظن بالطبيعة البشرية فقد زادوا من شعور الشارع بالحرج.

قاسية أنا، مش كده؟ حسنٌ، لا بأس من الاستمرار فى اسم الحملة «كاذبون»، وسأسميها أنا «مُحرِجون»، وعلى كل، فى حال ما إذا كنت تريد المساهمة فى الحملة برجاء إرسال ما لديك من معلومات أو فيديوهات أو صور إلى صفحة الحملة على «فيسبوك»:

‏

[عصام أبوالفتح]

نوارة نجم تكتب

كاذبون 3

.....................حسنٌ، لا بأس من الاستمرار فى اسم الحملة «كاذبون»، وسأسميها أنا «مُحرِجون»

‏

الله ينور يا نوارة .. وكمان بالتشكيل ... حسناً .. «مُحرِجون» أو «كاذبون» .. لا فارق فهم نفس الفاعلون

[MZohairy]

لوقتي لو انا مقتنع انهم كاذبون و جيف مترممه كمان ...حد له عندي حاجه؟

ابدا

و لو انا مقتنع انهم قديسين و ملائكة ..محدش يقدر يقنعني بعكس اللي في قناعاتي

من غير نرفزه علشان النقاش يفضل نقاش بدون تدني

تحياتي

[الغريب]

علي الرغم من اني مع الحملة...يعني مقدرشي اكون حيادية

بس اللي اقدر اقوله

ان الهدف منها عمره ما يكون الطعن زي ما حضرتك قولت

لان فيه فرق برضه بسيط بين اللي بيتعمديكذب علي شعب سلمه "ثقته" و بين انك تعرض الحقيقة مهما كانت مرة

فكرة الحركة مش دفاعا عنها

انك تشوف....اللي الناس التانية مش عايزينك تشوفه

و هو ده الاعلام المفروض

انك تشوف ده

و تشوف ده

و الكثير جدا جدا من اعمال العقل

علشان في الاخر توصل انت بنفسك للحقيقة...(حتي الحقيقة ده شيء مجرد ممكن يتغير....لكن علي الاقل توصل لقناعة تؤمن بيها و تدافع عنها و لا تلزم بيها غيرك)

ده اللي بشوفه و بصدقه

كل التحية استاذي

وتحياتي لك يا أستاذة لماضة

وتقديري لكلامك وأتفق مع كل كلامك ، غير الكلمة الوحيدة المظللة بالأحمر

وهي أني "قولت" : أردت فقط أن أنوه أني لم أقطع بهدف الحملة وأقول أنه الطعن ، ولكني أتوقع وأحذر فقط

لأني دخلت على صفحة الحملة على فيس بوك ولم توضح هذه النقطة بوضوح عليها

تحياتي...

[aimen]

http://www.youtube.com/watch?v=2qQ_HnI_Lxk

من مسيرة المعادي بعد عرض كاذبون

..8 يناير...

مسيرة جبارة بالمعادي بعد عرض كاذبون وحفلة إسكندريلا في فاعلية عيون الحرية بميدان الإتحاد بالمعادي

[عصام أبوالفتح]

حسبى الله ونعم الوكيل ... شاهدت الفيديوهات ولم أجد بها كذباً يشار اليه إلا كذب صانعيها.

اول كذبة كما تدعون هى دستور 71 والاعلان الدستورى .. هذا دائم وهذا مؤقت .. وليس كل 71 ملغى ..

شئ بديهى لان فيه مواد بالفعل تم نقلها بالحرف من 71 ( بما فيهم المادة الثانية ) ... أين الكذب فى ذلك ؟

الحاجة التانية القوائم والفردى كان تعديل قانون مجلس الشعب والشورى بينص فى الاول على النصف فردى والنصف قوائم وتحت ضغط الاحزاب الصغيرة تم تعديلها للثلث والثلثين حماية لاصوات ناخبيهم وحتى يستفيدوا من الاعداد الصغيرة... فأين الكذب فى ذلك ؟

وسياسة الدولة فى عدم الاعتداء على المتظاهرين شئ وانفلات مجموعة خارج التعليمات شئ اخر ...ده الرماة خالفوا تعليمات النبى أليس هؤلاء الجنود بشر يخطئون لنحاسبهم ..... فاين الكذب ؟ ...

ولما طلبة طب اسكندرية كلهم يدعوا فقأ أعينهم وكأنه لا يوجد حالات فقأ عيون الا من القاهرة ... أليس هذا كذب ؟

ولما تستغلوا البسطاء وتروجوا لهم هذه الفيديوهات المصنوعة باحترافية عالية لاستعدائهم على الجيش ... أليس هذا كذب ؟

حسبى الله ونعم الوكيل فيكم

حسبى الله ونعم الوكيل فيكم

مشاركتى الوحيدة التى كانت عكس التيار ولكن لم يتقدم أحد للرد عليها . . فهل رأيتم الفيديوهات أيضا واقتنعتم بكلامى ام ماذا?

وانا مستعد لمناقشة وتفنيد هذه الفيديوهات الكاذبة لمن يريد

[احمد رضوان]

http://www.youtube.com/watch?v=2qQ_HnI_Lxk

من مسيرة المعادي بعد عرض كاذبون

..8 يناير...

مسيرة جبارة بالمعادي بعد عرض كاذبون وحفلة إسكندريلا في فاعلية عيون الحرية بميدان الإتحاد بالمعادي

رائع العرض يا استاذ ايمن وخصوصاً اني عرفت ان كان هناك احمد حرارة ومالك ... والناس فعلا البسيطة جميل رد فعلها لما يشوفوا الحقيقة من اكتر من مصدر ... الرد الفطري بدون رتوش

كمل الموضوع وحط جداول الفاعليات هنا علشان اللى يحب يحضر العروض من الأعضاء

[aimen]

http://www.youtube.com/watch?v=vrtO-sXwHZg

فيلم وثائقي عن انتهاكات العسكر في مصر

http://www.elgomhoreya.tv

http://www.facebook.com/elgomhoreya.tv

[aimen]

رائع العرض يا استاذ ايمن وخصوصاً اني عرفت ان كان هناك احمد حرارة ومالك ... والناس فعلا البسيطة جميل رد فعلها لما يشوفوا الحقيقة من اكتر من مصدر ... الرد الفطري بدون رتوش

كمل الموضوع وحط جداول الفاعليات هنا علشان اللى يحب يحضر العروض من الأعضاء

طلباتك اوامر يا استاذ احمد

حدور عليه وانشره ..فى اقرب فرصه

[aimen]

http://www.youtube.com/watch?v=AJ-Q1_Po62o

Egypt: Anti-SCAF kazeboon campaign held in Imbaba

تم تعديل 10 يناير 2012 بواسطة aimen

[aimen]

والقطنة ما بتكدبش

http://www.youtube.com/watch?v=zFmKAxEDGrQ

اخيرا ظهور الطرف الثالث دليل ادانه المجلس العسكري

[Abu Reem]

دليل كاذب يدل على انخداعك للاسف اخي ايمن ..

ودليل اخر على ان ليس كل ما نراه من فيديوهات...قد يجعلنا نرى الحقيقة كاملة

دليلك هذا هوة دليل على ان المصدر الذي تتلقى منه هذه الفيدوهات هو مصدر مشبوه

وساتركك لتفكر قليلا في هذا الفيديو لعلك تصل الى الحقيقة

ثم تستغفر ربك بعدها لانك تشارك في عمل قد يؤدي الى انهيار دولة وسقوط الاف القتلي

قد افتح موضوع خاص لتفنيد كل فيديوهاتك وكلام انت والاخ احمد رضوان وقد اكتفي بالتعليق هنا او في موضوع لقاء مرشد الاخوان مع مبارك...

لولا ثقتي فيك وفي انك مصري مخلص لكان كلامي سيكون مختلف

وحاول ان تعرف من هؤلاء الذين تصفهم بالبلطجية...لعلك تصل الى الحقيقة

...

تم تعديل 10 يناير 2012 بواسطة Abu Reem

[احمد رضوان]

ادي المواطنين الشرفاء فوق مجلس الشعب بيكسروه ويحدفوه على المتظاهرين في الشراع في حماية الجيش وبمباركته ... يا ريت يا ابو ريم تقولنا هم ليه كسروا مجلس الشعب ورموه على الناس في الشارع في حماية قوات الجيش

لو ده ينفع دليل اوكى ... او اجيبلك ادله للصبح

http://www.youtube.com/watch?v=DrQH77cS7ac&feature=player_detailpage

[Abu Reem]

امامك ربع ساعة لكي تقول لنا دليلك الاخير

حول حقيقة الفيديو الذي تزعم فيه بانك اكتشفت السر الخطير للطرف الثالث الذي يستخدمه المجلس العسكري للاعتداء على المتظاهرين

لا تحاول التهرب من اجابة سؤالي.....وتحاول تداري....!!!!! ولا بلاش

اقول لك امامك نصف ساعة لكي تصف لنا من وجهة نظرك من هم الذين ينزلون من عربات الامن ليدخلوا المتحف...؟؟

من هم ؟؟؟

مين دول...ومع من يعملون...وماذا يدبرون ....؟؟

بعد النصف ساعة ساضطر الى فتح موضوع خاص حول هذا الفيديو..وباقي اتهاماتك للمجلس العسكري الذي تدعي فيه انه يحرض لقتل المتظاهرين السلميين لكي...اظهر لك مدى كذبك وافترائك ؟؟؟

[Abu Reem]

على فكرة دليلك الاخير بالفيديو ده

ممكن يلبسك تهمه...معتبره.....

ونصيحتي الاخيرة لك..انك تصحح مفهومك حوله....أو تقول انك مش عارف حقيقة من الفيديو دول ايه..وتعتذر عنه...بدلا من أن تورط نفسك

باقي 28 دقيقة