الأنتخابات فى الأهلى - قدوة لباقى الأندية

[Ahmed Mohsen]

في البداية أحب أن أسجل إحترامي لأسلوب إنتخابات النادي الأهلي .... مع إني زمالكاوي

لكن ..........

أريد أيضا أن أسجل إعتراضي علي شيئ شاهدته بنفسي وأثار ضيقي وغيظي في هذه الإنتخابات ......

اليوم وأنا سائر في مدينة نصر متجها لعملي .... وبداية من تقاطع مكرم عبيد مع شارع النصر (الأتوستراد) في إتجاه النادي الأهلي فرع مدينة نصر .... تنتشر اللافتات الإعلانية المتعددة المساحات والتي يصل أكبرها إلي حوالي 10 متر × 4 متر والتي يعلن فيها حسن حمدي عن قائمته الإنتخابية .......

إلي هنا وليس لي إعتراض ... فكل مرشح حر في أسلوب دعايته لنفسه وقائمته علي الرغم من إستغرابي لخروج هذه الدعاية خارج أسوار المكان المخصصة له ...... ولكن مش مشكلة

المشكلة الحقيقية في ما كتب علي هذه اللافتات ......

كل هذه اللافتات كان مكتوب عليها وبالفنط الكبير جدااااا "الأهلي فوق الجميع" !!!!!!! :o :o

كلنا نعلم أن هذا هو شعار مجلس إدارة النادي الأهلي ولكن داخل النادي الأهلي .... وأن المقصود منه بما إنه داخل النادي الأهلي أن الأهلي فوق جميع أعضائه وأن مصلحته هي الأهم والأعلي علي مصالح الأفراد .......

أما عندما يخرج هذا الشعار خارج نطاق أسوار النادي الأهلي فإن معني الشعار في هذه الحالة يكون غير مقبول علي الإطلاق rs:

أنا أرفض أن يكون الأهلي فوق الجميع في مصر ...... rs: :D

الأهلي أو الزمالك أو أي نادي أيا كان، ليس من المقبول أن يكونوا فوق الجميع في مصر ..... :D :D

واللا إيه يا جماعة .. الأهلاوية منكم قبل الزمالكاوية ؟؟؟؟؟

مستني أسمع رأيك يا س س ويا إسو ويا كفاية ويا محبط ويا أفيونة ويا كل افراد الشعب المحاوراتي

[عصام]

مستني أسمع رأيك يا س س ويا إسو ويا كفاية ويا محبط ويا أفيونة ويا كل افراد الشعب المحاوراتي

الحقيقة ليس عندى ما أضيفه لما كتبته ..

أوافق على كل ما جاء فيه ..

بل وأضيف .. لا يجب أن يكتب على اليافطة "الأهلى فوق الجميع" ولكن يجب أن يكتب عليها .....

مصر مبارك ..

(وصلت؟)

[afiona]

.....Je suis l'etat, et l'etat c'est moi .....

"انا الدولة ... والدولة هى انا ".......الملك لويس الرابع عشر

[se_ Elsyed]

الأهلي أو الزمالك أو أي نادي أيا كان، ليس من المقبول أن يكونوا فوق الجميع في مصر .....  htr::  ty:)

واللا إيه يا جماعة .. الأهلاوية منكم قبل الزمالكاوية ؟؟؟؟؟

مستني أسمع رأيك يا س س ويا إسو ويا كفاية ويا محبط ويا أفيونة ويا كل افراد الشعب المحاوراتي

وإنت ليه فهمتها كده يا أحمد ؟

طب ما هو الشعار ده موجود من زمان .. والكل عارف إن الاهلاوية يقصدوا به إن مصلحة الاهلي فوق مصالح جميع أعضاءة ومجلس إدارته .. بدليل الخلافات التي تظهر بينهم بيتم حلها في سهولة ويسر حيث أنهم يضعون مصلحة النادي فوق مصالحهم الشخصية وأظن إننا شوفنا إبراهيم المعلم عمل إيه لما لقى الخطيب هاينافسه على منصب نائب رئيس النادي ؟

ولا اعتقد إن حتى إدارة الاهلي ترى نفسها فوق مصر او فوق القانون ...

الموضوع بسيط ولا يجب أن فهمه بشكل أخر مغاير للحقيقة .

[theblackpirate2005]

السلام عليكم

اما بعد

فيما ورد فى رساله الاخ افيونه فانا اتفق معاك كليا وجزيئا فيما ورد فيها مشكلتنا فى مصر ان احنا فى دوله القطب الواحد

كل حاجه عندنا واحده لمعا لضد فى السياسه لمعا لضد وحتى فى الكوره لمعا لضد

الناقد اما يكون اهلاوى او زملكاوى على طول الخط بس نلاقى ناقد بمعنى ناقد متقليش

وزى مانتا قات نجيب المستكاوى لما الكلام للاهلى الله اكبر ويحيا المعهد

ولما الكلام للزمالك ايه معرفش المعهد اللى ملوش لازمه والمعهد ده يلعبوا بيه ده الفيفا مش معترف بيه

بس طلاما المعهد قال كلام على هواهم يبقى خلاص المعهد ده 10/10وكله تمام وسلملى على الرياده

حتى المعلقين لاهلاوى لزملكاوى وأخرهم مدحت بيه ده بعد ماتش الاهلى والاتحاد ازاى يزيع تانى اى ماتش

للاهلى ده اخره انبى والحدود

ده كان هيجراله حاجه لما الاهلى كان مغلوب 2/0 وحاسب ياوائل ميعديش يا وائل ويسلام قمه الحياد

ربنا يكتر منك يامدحت يا شلبى ده على المعلقين

اما عن الاعيبه فشوف مثلا ابراهيم سعيد لما كان فى الاهلى كان موهبه فلته زمانه امل مصر

دلوقتى قبل ميلمس الكوره اتريقوا عليه و بقوا يكتبوا عنوا فى الحوادث قبل ميكتبوا عنه فى الرياضه

شوفت ابراهيم طلق مراته شوفت ابراهيم رجع مراته كل ده عشان خلاص تجرأ وراح الزمالك وخالف التعليمات وقبل مايلعب دلوقتى فى ازمالك من اولها ابراهيم مستواه فى النازل ابراهيم عمره مهيرجع زى مكان وكمان مننساش مسانده لناقد الرياضى الاول ليه عصام بك عبدالمنعم ايقاف سته اشهر وغرامه مليون ونص اصل المليون بقى لعبه اصل بيتاجر فى المخدرات واحنا مش عرفين حتى حكم المحكمه لتنفذوا الايقاف للعقوبه ارسى مبدا احترام الاحكام وقلهم هنحول الموضوع للجنه التظلمات عشان تقرر ولايه النهرده لسه هتقرر معلش اصل القضايا كتير وهما مشغولين بس سوال برى هو لو كان لعيب فى الاهلى عمل كده كان هيحصل ايه طبعا عارفين تكريم من عصام بيه للعيب ده زى معمل فى اسلام الشاطر

من الاخر زى مسعد زغلول قال مفيش فايده

[Ahmed Mohsen]

الأهلي أو الزمالك أو أي نادي أيا كان، ليس من المقبول أن يكونوا فوق الجميع في مصر .....  bnd5::  gt:

واللا إيه يا جماعة .. الأهلاوية منكم قبل الزمالكاوية ؟؟؟؟؟

مستني أسمع رأيك يا س س ويا إسو ويا كفاية ويا محبط ويا أفيونة ويا كل افراد الشعب المحاوراتي

وإنت ليه فهمتها كده يا أحمد ؟

طب ما هو الشعار ده موجود من زمان .. والكل عارف إن الاهلاوية يقصدوا به إن مصلحة الاهلي فوق مصالح جميع أعضاءة ومجلس إدارته .. بدليل الخلافات التي تظهر بينهم بيتم حلها في سهولة ويسر حيث أنهم يضعون مصلحة النادي فوق مصالحهم الشخصية وأظن إننا شوفنا إبراهيم المعلم عمل إيه لما لقى الخطيب هاينافسه على منصب نائب رئيس النادي ؟

ولا اعتقد إن حتى إدارة الاهلي ترى نفسها فوق مصر او فوق القانون ...

الموضوع بسيط ولا يجب أن فهمه بشكل أخر مغاير للحقيقة .

يا سي السيد ياخويا ....

أنا لم أعترض علي شعار الأهلي ...... الأهلي حر يطلع الشعار اللي هو عايزه علي نفسه ... وغير كده فعلا الشعار ده له معني حلو وجميل

لكن إعتراضي كله هو خروج هذا الشعار خارج نطاق وأسوار النادي الأهلي

فكر فيها شوية صغنين .... إنت ماشي في الشارع عادي خالص ... ولقيت يافطة كبييييرة مكتوب عليها "الأهلي فوق الجميع" ..... هل ده صح؟؟؟

أعتقد أن مع عمومية كلمة "الجميع" مع وجودها في مكان عام يقصد بها جميع من يوجدون في هذا المكان .... وبالتالي وجودها في الشارع يقصد به جميع من يمرون ويعيشون ويتواجدون بالشارع .... ولا يقصد بها أعضاء النادي الأهلي فقط

مش كده واللا إيه؟؟؟؟؟؟؟؟؟؟

عقلي الباطن بيقول .. فينك يا عم محبط؟؟؟ سايبني لوحدي ليه في المعمعة دي؟؟؟

[فــيــروز]

وإنت ليه فهمتها كده يا أحمد ؟

طب ما هو الشعار ده موجود من زمان .. والكل عارف إن الاهلاوية يقصدوا به إن مصلحة الاهلي فوق مصالح جميع أعضاءة ومجلس إدارته .. بدليل الخلافات التي تظهر بينهم  بيتم حلها في سهولة ويسر حيث أنهم يضعون مصلحة النادي فوق مصالحهم الشخصية وأظن إننا شوفنا إبراهيم المعلم عمل إيه لما لقى الخطيب هاينافسه على منصب نائب رئيس النادي ؟

ولا اعتقد إن حتى إدارة الاهلي ترى نفسها فوق مصر او فوق القانون ...

الموضوع بسيط ولا يجب أن فهمه بشكل أخر مغاير للحقيقة .

الله

طيب ومين قال ان كل اللى ماشيين فى الشارع اهلاويه عشان نعلّق مثل هذه اللافتات فى الشارع؟ B)

يبقى مفروض بقى كل فرقه تعلق لافتات شكر و تاييد لناديها و نعيش فوضى لافتات اكثر ما احنا عايشين bnd5::

مفروض الاهلى يضع هذه اللافته داخل منطقة نفوذه وهى ارض النادى حيث يفترض ان الجميع اهلاويه gt:

عقلى الباطن بيقول : فرصه اخلّص تارى من س.س. .. هو لمض كده ليه؟  gt:

[se_ Elsyed]

إنتوا عارفين يا جماعة إن أعضاء النادي الاهلي بالآلاف .. وبالتأكيد النادي الاهلي مش هايعمل اليافطات دي في كل شبر في مصر ...

وبعدين إيه اللي يخلي غير الاهلاوية يقرأوا هذا الدعايات مع إن الأمر ما يخصهمش ؟

الموضوع بسيط ومش محتاج كل القلق ده وبكره الانتخابات تخلص ويا دار ما دخلك شر .. والموضوع محسوم لحسن حمدي حتى لو حسام بدراوي وقف على راسه .. وحتى لو أستخدم أسلوب الحزب الوطني الفاشي في الإنتخابات .. فالأهلي غير ... وحالة مختلفة وما فيهوش 99.9999 % ..

حسام بدراوي فقد كل ذرة إحترام لدى الاهلاوية منذ أن سار في ركاب الحزب الوطني وأصبح يتحدث وينافق ويكذب مثلهم .. مع إنه مش محتاج ... وثالث الأسافي رايح يهدد الصحفيين اللي بيشيدوا بإنجازات حسن حمدي ... ياخي ده بعدك يا دكتور يا محترم - سابقاً -

[disappointed]

وصلت إلى العبد للّه أوراق الدعاية الخاصة بالمرشح وليد الفيل فى انتخابات الاهلى..و عند إستعراض ماتناوله المرشح من مساوىء داخل النادى الأهلى (نادى المبادئ و مجتمع المدينة الفاضلة :P B) ) تأكّد لى فى النهاية أن الفارق البسيط بين الأهلى و الزمالك هو أن الإعلام لايكشف الوجه القبيح لما يحدث داخل النادى الأهلى(إلى جانب خداع الرأى العام بصورة منهجيّة منظّمة)

المرشح وليد الفيل ذكر بعض الارقام الهامة ومتعلقة بالخدمات والمرافق وتناولت جوانب عديدة عن مساوىء المجلس الحالى بالنادى الأهلى وارتفاع اسعار الوجبات الغذائية والاشتراكات والرواتب

و قد وضع المرشح مقارنة بين الاهلى وبين نادييى الصيد ومدينة نصر من حيث المرافق والانشاءات واسعار ومستوى الخدمات التى تقدم للاعضاء ( و أجزم بأن الأرقام الخاصة بنادى مدينة نصر صحيحة نظراً لأننى عضو به) :

ثم تسائل المرشّح عمّا إذا كان ما يحدث فى النادى الأهلى إستثمار أم إهدار للمال العام

و قد أعد المرشح قائمة باسماء لاعبى الكرة الذين اشتراهم الاهلى واستغنى عنهم او باعهم واكد فى نهاية التقرير ان الخسائر بلغت اكثر من 25 مليون جنيه بعد خصم المبالغ التى حصل عليها الاهلى من بيع بعض اللاعبين وكذلك حسام غالى

ثم وضح المرشّح بيانا بمصروفات قطاع الكرة مقارنة بإيراداته :

ثم تسائل فى النهاية :

لماذا لم يفعل المجلس مافعله هذا الموسم لتدعيم الفريق طوال السنوات الماضية (فى اشارة واضحة الى ان الانتخابات فقط كانت وراء اصلاحات الفريق الاول لكرة القدم):

و .... بس خلاص

ملحوظة هامّة : هذه الأوراق الدعائيّة هى ما تصرّ وسائل إعلامنا (خاصة مؤسسة الأهرام) على تسميتها بــ : "المنشورات القذرة" التى لا تتفق مع مبادئ النادى الأهلى , وقد شنت وسائل الإعلام حرباً ضروساً و هجوماً شرساً على هذه "المنشورات" بدعوى أنها وسيلة غير شريفة فى إنتخابات نادى المبادئ ( طبعا وسيلة غير شريفة طالما كانت تكشف أرقاماً و حقائق عن المجلس الحالى المتمتّع بإستخلاف القائد الرمز الأب الركن المهيب /صالح سليم له... واللى يعض فى المجلس بيعض فى صالح... واللى بيعض فى صالح بيعض فى الأهلى... واللى بيعض فى الأهلى بيروح النارbnd5:: )

مش بعيد أفتح الجرنان الصبح ألاقى خبر بيقول :

القبض على تنظيم إرهابى من بعض المارقين كان يخطط للإستيلاء على الحكم بالنادى الأهلى

المخرّبين خطّطوا لتهييج الجماهير و تم ضبط منشورات تدينهم بحوزتهم

محاكمات عسكريّة بإنتظار المجرمين الآثمين و عقوبات قد تصل إلى النفى و إلغاء العضويّة

gt: gt:

تم تعديل 5 ديسمبر 2004 بواسطة disappointed

[فــيــروز]

وبعدين إيه اللي يخلي غير  الاهلاوية يقرأوا هذا الدعايات مع إن الأمر ما يخصهمش ؟

هل أنت جاد فى هذا القول gt:

لا بجد كده الموضوع يبقى جد مش هزار gt:

يعنى كل واحد معترض على امر غير حضارى فى الشارع يجد من يقول له "دّور وشك بتبص ليه" وفى هذه الحاله لو واحد بيقبل صديقته فى الشارع -راجع موضوع شعنونه :P - يجد من يقول له وانت مالك يا بارد دوّر وشك bnd5::

عشان كده باسالك مره تانيه .. هل انت جاد فى هذا القول؟ B)

[Ahmed Mohsen]

وبعدين إيه اللي يخلي غير  الاهلاوية يقرأوا هذا الدعايات مع إن الأمر ما يخصهمش ؟

هل أنت جاد فى هذا القول mf(

لا بجد كده الموضوع يبقى جد مش هزار :P

يعنى كل واحد معترض على امر غير حضارى فى الشارع يجد من يقول له "دّور وشك بتبص ليه" وفى هذه الحاله لو واحد بيقبل صديقته فى الشارع -راجع موضوع شعنونه :) - يجد من يقول له وانت مالك يا بارد دوّر وشك bnd5::

عشان كده باسالك مره تانيه .. هل انت جاد فى هذا القول؟ :)

gt: gt: B)

نفس الكلام اللي كنت ناوي أقوله ونفس السؤال اللي كنت ناوي أسأله لسي السيد ....

وأضيف عليه سؤال لعمنا محبط ...

مالك مطنش النقطة دي ليه؟؟؟؟؟

[disappointed]

وأضيف عليه سؤال لعمنا محبط ...

مالك مطنش النقطة دي ليه؟؟؟؟؟

نقطة "الأهلى فوق الجميع"؟؟؟؟

أصل الشعار الفاشى المراهق ده بالذات ( وهو يكون كذلك عندما يتم التجعير به خارج أسوار النادى الأهلى) فاقعنى بصراحة و بيجيب للعبد للّه أرتيكاريا مبرقشة و شعور بالغثيان و تنميل فى قصبة رجلى و تهيّج فى الأحبال الصوتيّة....فلو علّقت على النقطة دى بالذات حيكون تعليقى ناشف و لاذع قوى و حيزعّل حبايبى الأهلاويّة فى المنتدى , فقلت يا واد إقصر الشر وما تفوّرش دم حبيبك داروين اليومين دول و ماتقلبش كيان سى السيّد اللى واخد الموضوع بجد من ساعة ما الأهلى شمّ نفسه

:lol: :D :P

تم تعديل 5 ديسمبر 2004 بواسطة disappointed

[egyptforever]

و الله يا عم محبط فلتت منك دي

انا ليا رأي بسيط جدا في مواضيع الاتهامات لاعضاء مجلس اداره الاهلي او اي نادي ( لحسن تزعله )

اللي قدم الاتهامات دي عندنا ليه حاجه من تلاته و خصوصا اذا كان صحفي او مرشح لرئاسه النادي او العضويه او عضو في مجلس الشعب او النيابه و القضاء :

1- يا اما يقدم بلاغ للنيابه يقدم فيه كل مستنداته – ان وجدت – لان هذا في القانون يسمى شبهه استغلال مال عام و هذا لم يحدث لا من الفيل ولا غير الفيل

يا اما يعتبر مشارك لهم في هذه الجريمه و هذه لا يمكن والا ما كان فضحها

3- ياما يعتبر كاذبا و يختلق الاتهامات

يا عم محبط اكيد عارف ان البلطجي اسف المحامي مرتضى منصور عضو عامل في النادي الاهلي و علمت من بعض اعضاء النادي انه يذهب الى النادي في بعض الاحيان فهل تظن لمجرد الظن و اقول مجرد الظن ان مرتضى منصور لو وجد شئ في الاهلي اقل و لو بنسبه 1 في الالف من الزمالك و لا اقول نادي مدينه نصر او هليوبوليس هل تظن انه كان هيقعد ساكت ؟؟؟؟ ده كا فضح الاهلي و الاداره فضيحه اللحمه في السوق و الاهلي مالوش حجه خصوصا بعد ما المحترم ما ردح للاهلي في المحكمه و شتم الاهلي باعضاء مجلس الاداره .

حتى الاتهامات اللي ذكرها طاهر ابو زيد في اجتماع الجمعيه العموميه ضد الاداره و طلعت اشاعات انها راحت النيابه طيب سؤال فين تحقيقات النيابه ؟؟؟ هتقولوا الاعلام الاحمر هأسال و اقول ميقدرش طاهر ابو زيد ينشر خبر في الجرايد مدفوع الاجر عن اي نتيجه لتحقيقات النيابه ضد مجلس اداره الاهلي ؟؟؟؟

نيجي بقى على النقطه الثالثه و هي مهمه جدا

يقدر الفيل ده يكتب اسمه على المنشور بمعنى انه يتحمل مسئوليته القانونيه ؟؟؟؟؟ مستحيل والا هنرجع للنقاط الثلاثه في الاول يبقى اللي ميقدرش ياكد كلامه يقع تحت طائله قانون العقوبات سب و قذف .

اما نادي الزمالك العريق ( بتاع الصفوه ) فمرتضى منصور طلع في قناه دريم و في رمضان و مع منى الحسيني و قال بالنص : يا كمال يا درويش انا باقولك يا حرامي انت و اعضاء مجلس اداره النادي طلع راجل من الاعضاء الموقرين و قدم حتى بلاغ للنيابه علشان يحاسبه على الكلام اللي قالوه ؟؟؟؟؟

اخيرا جميع من يعمل في الحقل الرياضي من المدربين المحترمين ( الزملكاويه ) بلاش الاهلي علشان الاهلي وحش زي جمال عبد الحميد و حسن شحاته و طه بصري ارجعوا تفوق الاهلي على مر العصور الى نزاهه ادارته و سوء اداره نادي الصفوه و على فكره طه بصري عضو في الاهلي و حماده امام عضو في الاهلي هل تكفي شهاده هولاء ام هم ايضا مغيبين بفعل الاعلام الاحمر

[se_ Elsyed]

أيوه طبعاً جد جداً يا فيروز ..

وهل نادي الاهلي هو نادي سياسي يسلب حقوق الأخرين ويتجاوز القانون ويعتبر نفسه فوق القانون .... وعلى فكرة ما فيش وجه مقارنة بين ذلك وبين الأفعال الفاضحة التي يقوم بها البعض في الشارع ...

وبعيدن هاتي لي واحد من مواطني مصر المحروسة فهم الشعار - القديم اللي من زمان على فكره - على إن الاهلي فوق مصر وفوق القانون وفوق البشر ...

- اما عن ما يقوله محبط .. فهي كلها إشاعات هدفها الأنتخابات ... وصدقني يا محبط أنا لا متعصب ولا يهمني لا أهلي ولا جمهورية شبين .. بس أنا بأتكلم الحق .. والمتعصبين هم من يرون بإن العالم كله يقف ضدهم من إعلام احمر وبطيخ احمر وتليفزيون احمر

وهاقولك على حاجة ظريفة قوي :

- كان فين الأخ وليد الديناصور .. قصدي الفيل قبل النهاردة ، وليه ساكت ده كله وكاتم في قلبه يا عين امه ؟

- وأظن أن في مبدأ بسيط جداً بيعلموه لنا وإحنا في كي جي 1 وبيقول " البينة على من إدعى واليمين على من انكر " طب يا عم طاهر يابو زيد ياللي إحنا بنحترمك وبنحترم نجوميتك وياللي كنت عضو مجلس إدارة ولسه لمدة عدة أيام باقية ويمكنك ان تحصل على أي مستندات تُدين مجلس إدارة الاهلي بمنتهى السهولة ، ويا عم وليد الخرتيت إنت شايف إن مجلس الاهلي هليبة وشلة حرامية ومعاك مستندات توديهم في داهية .. طب ما عندك 100 جهة تروح لها ... واظن الاهلي بقى هنا مش فوق الجميع ... صح ولا لأ ... وبعدين هو بيقول ان الاهلي خسر من بيع وشراء اللعيبة ... والخطيب طلع في كل وسائل الإعلام المرئية والمسموعة وقدم مستندات تفيد بعكس ذلك .. حلو قوي .. طب يالا ورينا شطارتك يا وليد وإفضح الخطيب وحسن حمدي والكل كليلة .. وساعتها انا أول واحد هايفرح لنصرة الحق وكشف تكل الجرائم ....

وهل يعتقد احد هنا يقرأ هذه الكلمات .. إن نادي الأهلي بلغ من السطوة التي تجعل أي واحد لديه شيء ضد ان يخاف على نفسه من التصفية او ما إلى ذلك ؟

وكما قال أخونا إيجيبت فوريفر ... بالنسبة للمستثار مرتضى منصور اللي كل ما يطلع في برنامج نلاقي معاه شوية ورق مش عارف جايبهم منين وبيقول ده دليل على إن كمال درويش حرامي .... هأ هأ هأ ... طب تحب نشدلك محامي يا سيادة المستثار ياخدلك حقك ولا انت كفتجي ولا إيه نظامك ؟

بذمتكم ده كلام يدخل العقل ولا هو فقط هلفطة من ناس حاقدين ومفلسين وهدفهم الإثارة والأضواء واغراض إنتخابية خايبة ؟ ...

[فــيــروز]

يا س.س. :)

انا مش باتكلم عن فيل او ديناصور او حتى العجل فى بطن امه :P

انا باتكلم عن مبدا أن كل واحد او جهه تضع ما تشاء من لافتات وحين يعترض البعض يكون الرد "بتبص ليه يا كابتن"؟ :D

هذا مبدا عام ولا ادرى لماذا تظهر الاستثناءات و الاعذار حين يتعلق الامر بما نتعصب له :lol:

[se_ Elsyed]

يا فيروز الإنتخابات هاتتم في مقر الاهلي في الجزيرة وفي مقر مدينة نصر .. طب يضعوا اللافتات الدعائية فين ؟ في سوهاج ؟

وهل دي بدعة طب ما كل الدنيا بتعمل كده وفي ناس بتنزل دعاية في الصحف ...

[فــيــروز]

جميل جدا :)

اذن لان الانتخابات ستتم داخل النادى

ولن يستطيع ان يشارك فيها سوى اعضاء النادى

يبقى المكان الصحيح للافتات هو داخل النادى

والا يعنى هل يمكن لى وانا لست عضوه بالنادى و ارى هذه اللافته ان اذهب لترشيح زيد او عبيد؟ :unsure:

على العموم كونها بدعه او غير بدعه لم يكن ما تساءلت حوله من البدايه .. وطبعا ناس كتير بتعمل كده لكن هذا لا يعنى انه الشئ الصح

[disappointed]

وأضيف عليه سؤال لعمنا محبط ...

مالك مطنش النقطة دي ليه؟؟؟؟؟

نقطة "الأهلى فوق الجميع"؟؟؟؟

أصل الشعار الفاشى المراهق ده بالذات ( وهو يكون كذلك عندما يتم التجعير به خارج أسوار النادى الأهلى) فاقعنى بصراحة و بيجيب للعبد للّه أرتيكاريا مبرقشة و شعور بالغثيان و تنميل فى قصبة رجلى و تهيّج فى الأحبال الصوتيّة....فلو علّقت على النقطة دى بالذات حيكون تعليقى ناشف و لاذع قوى و حيزعّل حبايبى الأهلاويّة فى المنتدى , فقلت يا واد إقصر الشر وما تفوّرش دم حبيبك داروين اليومين دول و ماتقلبش كيان سى السيّد اللى واخد الموضوع بجد من ساعة ما الأهلى شمّ نفسه

tot:: wst:: :blink:

بالأمس كنت أشاهد أحد برامجى المفضّلة على شبكة قنوات

وهو برنامج "فـُرجَه" الذى يقدّمه "إبراهيم عيسى" على قناة

حلقة الأمس كانت عن فيلم "مصطفى كامل"

طبعاً إبراهيم عيسى بتعليقاته اللاذعة قام بتشريح الفيلم و إبراز سذاجة الإخراج البالغة (كان من إخراج أحمد بدرخان) و كيف ان الفيلم تم عمله بأسلوب مسرحيّات المدارس الخطابيّة ناهيك عن التناقضات المنطقيّة الرهيبة (على فكره .... أنا كنت أعرف من الأوّل إن والد بطرس غالى كان أحد أعضاء هيئة المحكمة التى أصدرت أحكام إعدام محاكمة "دنشواى"... بس أول مرّه كنت أعرف من خلال إبراهيم عيسى فى البرنامج بالأمس إن الأخ الشقيق للزعيم الوطنى "سعد زغلول" كان أيضاً احد أعضاء تلك المحكمة التى أصدرت أحكام الإعدام - وهو ما يجعلنى أعيد التركيز على نقطة أن المخزون المعرفى يتنامى تراكميّاً بأسلوب التجميع من كل حدب و صوب-)

ماعلينا...

مش ده الموضوع اللى عايز أتكلّم فيه

الموضوع هو إن "إبراهيم عيسى" لمّا كان بيتكلّم عن شعار "لو لم أكن مصريا لوددت أن أكون مصريّا" و كان بيقول إنه من الناحية المنطقية و العقلانيّة البحتة شعار خطابى يخاطب المشاعر بأسلوب تحميسى مجازى غير واقعى لأن مصطفى كامل لو كان "موزمبيقيّا" لأحب موزمبيق ولم يكن ليود أن يكون مصريّا... و إذا بإبراهيم عيسى يفاجئنى بوجهه و قد إرتسمت عليه علامات الحدّة و الضيق و تنتفخ عروقه ليقول التالى (و الذى سأعرضه دون تعليق منّى) :

"الحقيقة إحنا كشعب مصرى تعوّدنا على أن نلوك و نجترّ شعارات صيغت لنا كأنها أحد المسلّمات , ونقعد نستدعيها و نرددها فى الفاضية و المليانه و فى موضعها و فى غير موضعها...رغم إننا ممكن مانكونش فاهمين أساساً إحنا بتكلّم عن إيه.... زى مثلاً الشعار اللى بيستفزّنى جدّاً اللى بيقول "الأهلى فوق الجميع".... مش فاهم أنا يعنى إيه "الأهلى فوق الجميع" دى... طب أنا أتحدّى اللى بيقول الشعار ده يكون فاهم حقيقته و كيف صيغ... ده شعار نازى قبيح و يثير الإشمئزاز.... الشعار أساساً بيقول "ألمانيا فوق الجميع" و أطلقه هتلر عن طريق حزبه النازى... أنا بس عايز أفهم إيه اللى يخلّى نادى رياضى بيلعب كورة و العيال الصغيّرة بتروح تركب فيه مراجيح يستعير الشعار النازى ده و يشيل كلمة ألمانيا و يحط كلمة الأهلى...... كلام فاضى طبعاً و يدل على إننا مش فاهمين أى حاجه عن أى حاجه"

إنتهى إقتباسى من كلام إبراهيم عيسى.... و لن أعلّق على كلامه... فقد قال الرجل مافيه الكفايه ( و زيادة الحقيقة.... بصراحه لسانه لاذع وعامل زى الفارقيلاّ و لمّا بيسلخ ما بيرحمش.......ممممممم.... تفتكروا زملكاوى و بيكره الأهلى والاّ بيتكلّم من منظور غير كروى من الأساس؟؟؟ ksh:: bsh:) tot:: )

تم تعديل 8 ديسمبر 2004 بواسطة disappointed

[فــيــروز]

بس أول مرّه كنت أعرف من خلال إبراهيم عيسى فى البرنامج بالأمس إن الأخ الشقيق للزعيم الوطنى "سعد زغلول" كان أيضاً احد أعضاء تلك المحكمة التى أصدرت أحكام الإعدام - وهو ما يجعلنى أعيد التركيز على نقطة أن المخزون المعرفى يتنامى تراكميّاً بأسلوب التجميع من كل حدب و صوب-)

ماعلينا...

مش ده الموضوع اللى عايز أتكلّم فيه

الموضوع هو إن "إبراهيم عيسى" لمّا كان بيتكلّم عن شعار "لو لم أكن مصريا لوددت أن أكون مصريّا" و كان بيقول إنه من الناحية المنطقية و العقلانيّة البحتة شعار خطابى يخاطب المشاعر بأسلوب تحميسى مجازى غير واقعى لأن مصطفى كامل لو كان "موزمبيقيّا" لأحب موزمبيق ولم يكن ليود أن يكون مصريّا...

هذه المعلومه -الخاصه بشقيق سعد زغلول- وردت ايضا فى مسلسل "قاسم امين" على ما اتذكر .. ويبدو انه كان "مشتاق" لمنصب ما ..

اما عبارة "لو لم اكن مصريا لوددت ان اكون مصريا" و تعليق ابراهيم عيسى عليها .. التعليق مكتوب على خلفية مجموعة قصص قصيره من تاليف علاء الاسوانى مؤلف الروايه الشهيره "عمارة يعقوبيان" و هذه المجموعه القصصيه اسمها نيران صديقه .. وفيها تقريبا نفس تعليق ابراهيم عيسى بالحته

وعلى راى ياسو .. نرجع لموضوعنا clp::

تم تعديل 8 ديسمبر 2004 بواسطة فــيــروز

[se_ Elsyed]

إبراهيم حجازي قتل حسام بدراوي في جريدة الأهرام النهاردة وفضحة فضيحة اللحمة السوداني - اللي ماشوفنهاش - في السوق المصرية يوم جمعة والناس ملمومة :

جزء من المقال

‏1‏ ـ د‏.‏بدراوي في مطبوع الدعاية الخاص به كتب تحت عنوان‏'‏ من هو د‏.‏حسام بدراوي‏'‏ العديد من نقاط التعريف وأتوقف أمام النقطة الأولي منها وتقول‏:‏ أستاذ بكلية الطب جامعة القاهرة وحاصل علي الماجستير والدكتوراه من جامعات القاهرة ـ واين ستيت بولاية ميتشجان وجامعة بوسطن بولاية ماسوشوس بالولايات المتحدة‏.‏

هذه أول نقطة في الكتيب الإعلامي الدعائي الذي أرسله د‏.‏بدراوي لأعضاء الأهلي‏.‏ وللأسف هذه المعلومة الموجودة غير صحيحة لأن د‏.‏بدراوي حصل علي الماجستير من كلية الطب جامعة القاهرة وحصل علي الدكتوراه من كلية الطب جامعة القاهرة‏!.‏ تلك هي الحقيقة التي أغفلها هذا الكتيب الإعلامي ولا أدري ماهو العيب في ذكر الحقيقة وأنا لا أريد تفاصيل الحقيقة إنما فقط عناوينها‏..‏ أما وقد حدثت هذه المغالطة فلابد من طرح الحقيقة‏!‏

الحقيقة أن د‏.‏بدراوي سافر إلي أمريكا لعمل رسالة تمهيدية للحصول علي الدكتوراه وليست رسالة دكتوراه وهذه الرسالة جزء تمهيدي للتمكن من الحصول علي الدكتوراه وتمت الرسالة التمهيدية تحت إشراف مشترك من الأستاذ الدكتور محمد فياض في القاهرة والأستاذ الدكتور سعد حافظ الأستاذ بكلية زراعة في أمريكا وبعد أن انتهي د‏.‏بدراوي من هذه الدراسة التمهيدية عاد إلي مصر‏.‏ المهم أنه دخل امتحان الدكتوراه في يونيو‏1982‏ ورسب بإجماع الآراء وهذا نظام امتحان الدكتوراه إما النجاح بإجماع الآراء أو الرسوب بإجماع الآراء ودخل امتحان الدكتوراه مرة ثانية في ديسمبر‏1982‏ ورسب بإجماع الآراء‏!.‏ وتقدم د‏.‏بدراوي لامتحان الدكتوراه للمرة الثالثة في عام‏1983‏ إلا أنه أجري الامتحان التحريري في لجنة خاصة عقدت له نتيجة إصابته في حادث سير‏!!!.‏ وكانت المرة الأولي وأيضا الأخيرة في تاريخ طب قصر العيني التي تعقد فيها لجنة خاصة في امتحان الدكتوراه لأن هذا الامتحان يعقد مرتين في السنة بما يلغي فكرة الاستثناء ويضمن مبدأ تكافؤ الفرص لمن يتقدمون للحصول علي درجة الدكتوراه في الطب‏!‏

والاستفسار الطبيعي الذي يدور في الذهن الآن‏..‏ كتابة معلومات في كتيب إعلامي المقصود به إعلام الناس‏..‏ هل يجوز تحت أي ظرف أو مسمي أن تكون هذه المعلومات غير صحيحة ولاتستند إلي واقع رسمي؟‏.‏ البعض قد يري المسألة شكلية وبسيطة وأنا أراها مضمونا لا شكلا وأري أنه لاموقع لها من شعار الشفافية الذي رفعه د‏.‏بدراوي ويتكلم عنه د‏.‏بدراوي لأن الشفافية المقصود بها الصراحة والوضوح بينما المكتوب في كتيبه معلومات لا صراحة فيها ولا وضوح ولاشفافية‏!‏

إقرأ وإتسلى عن فضايح بتوع الحزن الوطني