آدي اخره اللي يقاوح في نفسه

[عطر الجنة]

الف سلامة عليكى

ما تشوفين شر

سيبك احنا ستات جبارين بندوس و لا بيهمنا

المهم فعلا مثلما اسمع من زوجى ان فى مسائل الضهر و الاشياء اللى بتخص العمود الفقرى لابد من الالتزام بتعاليم الدكتور حرفيا لتقليل الالم و عدم تفاقم المشكلة من اى حركة خطأ

و فى كمان نصائح ايضا لما بعد الشفاء

ان شاء الله خير

[pocy]

لالالالالايتهرجى حد يعمل كده ................

انا كمان ظهرى على طول مقطوم بس انا عكسك من الانتخه هههههههههههههههه

اه والله الدكتور قالى عندى شد فى العضلات وده ناتج عن حاجه من اتنين (يا مجهود زايد - او - راحه زايده ) حاولت ادعبس ايه ممكن المجهود اللى بعمله ملقتش فقلت الراحه الزايده وادانى شويه تمارين اعملها ومرهم وشويه حاجات كده والحمد لله الالم خف كتير بس للاسف رجعلى تانى من الاول

ولانى عملت زى الشاطره وقلت حمله نظافه على المطبخ يوم الخميس ..........يوم الجمعه والسبت كنت فى المستشفي مشرفه هناك وطلعت على مسئوليتى

هو الجيل ده بقي خايب كده ليه ..............

المهم حبيبتى لازم لازم تنفيذي تعليمات الطبيب بحذافيرها وابعدى عن اى مجهود او حمل اى حاجه حتى لو فى احساسك انها خفيفه لان الظهر مش بعزقه .............واللى جربته مش حابه حد تانى يجربه والله يعينك يارب ...........

[عنبو]

الف سلامه عليكى يا ام مريم وربنا يشفيكى ويجعله فى ميزان حساناتك

[الغريب]

شفاك الله وعفاك

خدي نصائح من مصاب (سابق والحمدلله) بالغضروف :

1- خلي الدكتور يعملك كورس مسكنات يتغير كل أسبوع تقريبا حتى لا يفقد فاعليته علشان يريح هيجان ألم الأعصاب الحالي.

2- أمتنعي عن شيل أي شئ ثقيل بشكل نهائي في الوقت الحالي حتى تعود الأمور لطبيعتها.

3- حاولي أن لا تثبتي على وضع ما أكثر من 20 دقيقة كوضع الجلوس والوقوف ، فلابد أن تغيري شكل الوضع كل 20 دقيقة ، أما وضع النوم فلا بأس.

4- أعملي عمرة وأشربي من زمزم بنية الشفاء من هذه الآلام ، ومتنسيش تدعيلي :)

تحياتي...

[طارق مصرى]

شفاك الله و عفاكى

و الحمد لله على سلامتك

[خالد شحاته]

الف سلامه عليكي يام مريم

وانتبهي من برشام العظم لانه متعب جدااا وبيترك اثر حتي لو بعد فتره

[pink rose]

الاخت العزيزه اولا الف سلامه ثانيا نتكلم طب مش منطقى المشوار والشيل والحط لازم يتعب ضهرك لكن انزلاق فقارى لازم يكون من الاول وده بيادى لضعف الفقرات واحتمالية انزلاق غغوفى وده اخطر لانه بعد الشر بيحتاج تثبيت للفقرات مش مجرد شيل للغضروف

االمهم هو الراحه فتره بسيطه مع العلاجات مثل الفولتارين ومرخى العضلات مثل الريلاكسون مع فيتامين ب مركب

اما بالنسبه للرنين فلاينصح بيه لانك مش بتشتكى من مده اجليه اما نشوف نتائج العلاجات

ومتقلقيش لتك انشاءالله بخيرومتناميش على الارض لكن كفايه مرتبه ناشفه شويه

الله يسلم حضرتك يا رب

مع حضرتك نتكلم طب

اكيد الموضوع مش فجائي

لان اللي باحكيه اني عملته دا باعمله بشكل دائم

يعني نقل العفش دا ممكن يحصل كل شهرين مثلا

ساعات اقلب اوضه و اغيرها و اكتشف ان شكلها ما طلعش اللي في دماغي اقوم اقلبه تاني و ممكن في ساعتها كمان

غير كده قوارير المايا الكبيرة ممكن اشيلها احطها على البرادة

او تصادف ان جوزي مسافر و المايا عندي خلصت انزل مدخل بيتنا و اشيل واحدة و اطلع بيها السلم و هكذا

دا الطبيعي عندي و باعترف انه غلط مني

بس اخر حاجه و دي من وقتها اللي حسيت فيها بتعب جامد فعلا

لما كنت في الحج كان في واحدة ست مصرية قاعدة على كرسي بعجل و ما شاء الله كانت مليانة اوي

طلعت بيها مطلع جامد مسافة كبيرة

من اليوم دا و انا حاسة بوجع في ضهري و كالعادة كبرت دماغي لاني و انا باعترف خوافة جدا و اخر واحدة ممكن تروح لدكتور الا لما يكون الوجع لا يطاق زي اللي حصل امبارح دا

فا الموضوع من فترة بس نقل السرير و القعدة الطويلة في مشوار قطر اظهروا الالم كله بقى

و المشكلة ان الوجع دا مأثر كمان على رجلي الشمال و فيها الم زي الكهربا كده نفس الوجع اللي باحس بيه في ضهري

فا لما قولت كده للدكتور قالي نعمل الرنين عشان يشوف الفقرة المتحركة دي ضاغطة على العصب و لا لأ

[pink rose]

بجد مش عارفة اشكركم ازاي على اهتمامكم و دعائكم ليا

[MohMohsen]

الأخت أم مريم شفاك الله وعافاك. وجعله الله فى ميزان حسناتك. معلش متأخرة شوية :blush2:

[Salwa]

سلامتك ياحاجة ام مريم الف الف سلامة عليكى .

يابنتى كل ده بيظهر بعدين فعلا .

يعنى وقت ما تكونى عاوزة تعملى حاجة مش بتحسى انك تعابانة او ضعيفة لكن بعدها كله بيظهر .

لابد تباشرى العلاج وتسمعى كلام الطبيب ده شئ مهم جداا .

حكاية انك كنتى بتساعدى واحدة ست ف الحج ...فكرتنى باللى حصل معايا ( سبحان الله ) برضه ف العمرة وبالذات ف آخر عمرة من سنتين.

كانت معانا ف الاوتيل ست مصرية ومعاها اختها .......واختها تعبت وانا ( اتبرعت وقلت ) مفيش مشكلة انا معاها .

والصراحة كنت بجرى بيها ومش تعبانة ولا اى شئ .......وفرحت قوى قوى لما دخلنا الروضة الشريفة بدون مشاكل وده لأنهم بيوسعوا للى داخلين بناس على كراسى متحركة .....وصلينا وكل شئ تمام..

ورجعنا الاوتيل بقى ..

و..

لحددددد..........ما وصلت بيتى هنا..

ههههههههه

ايديا كانت كأنها متقطعة وكتفى زى اللى اتخلع...وفضلت فترة لحد ما بقيت كويسة .

يعنى فعلا .

كان ممكن اعرض خدماتى ......شوية .

مش كل اليوم؟؟؟

وده مطلع وده مش عارف ايه؟؟ ومسئولية ...!!

هو فعلا الدعوات كانت نازلة عليا زى المطر ....وربنا يجعله ف ميزان حسناتك.

بس الحقيقة لو كان بايدى .....كنت اتصلت بحد يجيب لها كرسى بموتور .كان بقى ميزان الحسنات اتقل ..

أجر وعافية ياأم مريم .

يارب تكونى احسن دلوقت ... :clappingrose:

[أبو يمنى]

لا بأس طهور إن شاء الله .

[Dreamwithme]

سلامتك ألف سلامة يا بينكي

شفاك الله وعفاك يارب

والحمد لله إنها جت علي قد كده ربنا يعافيكي يارب

[ابراهيم عبد العزيز]

شفاكي الله يا أخت pink rose

ولا بأس طهورا إن شاء الله

تم تعديل 11 يناير 2012 بواسطة ابراهيم عبد العزيز

[pink rose]

الله يسلمكم كلكم يا رب

ادعولي بجد من قلوبكم لاني فعلا تعبانة اوي

و سامحوني على الردود القصيرة دي

لاني مش فاتحة من جهاز كومبيوتر

تسلمولي كلكم

[بركة]

ألف سلامه عليكي

والله ما شفت الموضوع الا دلوقتي

وعلى العموم انا السابقون وحضرتك اللاحقون .. اه يا ضهري

[محمد عبدالعزيز]

سلامتك ألف سلامة

لو نزلتى اسكندرية وانتى لسه حاسة بتعب, عليكى وعلى الدكتور يسرى حماد, أيوه هو المتحدث الرسمى لحزب النور :happy:

مع إنى مش من مشجعى حزب النور, بس شهادة حق الراجل أستاذ وممتاز فى التخصص ده, ويارب السياسة ماتاخدوش من شغله لأن آخر مرة كنت عنده كان بين كل دقيقة ودقيقة يرد على تليفونات خاصة بالسياسة.

[pink rose]

ألف سلامه عليكي

والله ما شفت الموضوع الا دلوقتي

وعلى العموم انا السابقون وحضرتك اللاحقون .. اه يا ضهري

الله يسلمك يا بركة و الف سلامة عليكي

سلامتك ألف سلامة

لو نزلتى اسكندرية وانتى لسه حاسة بتعب, عليكى وعلى الدكتور يسرى حماد, أيوه هو المتحدث الرسمى لحزب النور :happy:

مع إنى مش من مشجعى حزب النور, بس شهادة حق الراجل أستاذ وممتاز فى التخصص ده, ويارب السياسة ماتاخدوش من شغله لأن آخر مرة كنت عنده كان بين كل دقيقة ودقيقة يرد على تليفونات خاصة بالسياسة.

الله يسلمك يا باشمهندس

انا للاسف لسا راجعة من اسكندرية من اسبوعين كده

و النزول بقى تاني هايكون في الصيف ان شاء الله

عموما لو لا قدر الله لسا التعب موجود هاروحله

تحياتي لحضرتك

[اثار]

الف لا بأس عليكي يا ريمو

ربنا يسلمك من كل سوء ويتم شفائك علي خير يا رب

وان شاء الله ترجعي احسن من الاول ..........ابقي طمنينا عليكي