هل تقبل ان تكون وزيرا فى عهد حسنى??

[se_ Elsyed]

بصوا الحتة اللي كاتبها مفيد فوزي النهاردة في أخبار اليوم

" قال لي احد السادة الوزراء الذي خرج في آخر تعديل وزاري انه كان يتلقي في العيد وهو في المنصب الف برقية تهنئة بالعيد وضعف هذا الرقم مكالمات تليفونية وهذا العيد 'نوفمبر 2004' تلقي 7 برقيات تهنئة و3 مكالمات تليفونية منها واحدة من مدير مكتبه بالوزارة؟

قالها بحسرة واسي! 'متأمل في الحياة' "

وعايزيني أبقى وزير .. لأ يا عم مش لاعب ...

أنا فعلاً بأشفق على الناس دي اللي مش عايشه حياة طبيعية وكل اللي حواليهم بينافقوهم عشان يستفيدوا منهم ... بالإضافة إلى عدم قدرته على العيش عيشة طبيعية يُخرج او يروح أو ييجي مثلاً .. يقعد على القهوة مع أصداقاؤه يشرب حلبه حصى ويلعب طاولة .. كده يعني .

[مصرى]

يقعد على القهوة مع أصداقاؤه يشرب حلبه حصى ويلعب طاولة .. كده يعني

بس انت تعالى وزير ولا يهمك يا سيد بيه .. نعملك قهوة مخصوصة يا باشا mfb:

[moslema salafeya]

فعلا تجربة محافظ الإسكندرية أنا شوفتها بس تحسى أن البلد متذوقة من بره ناس وناس يعنى مش كل الأحياء بتعدى عليها حركة الإصلاح وسمعت عن تجربة تانية فى محافظة قنا ، بس لو نركز نلاقى مستوى الإصلاح المسموح بيه هو مستوى المحافظين لكن لو نعلى شوية لمستوى الوزراء أو رئيس الوزراء تلاقى هنا بقى مش مسموح والمصير يكون حل الوزارة ويطلع المسكين من غير ما يلحق يعمل حاجة وخصوصا بقى لو الناس بدأت تحبه يبقى يا ويله ;)

ويبقى جزاكى الله خيرا يا فيروز لو قلتيلى على إضافة الآية كتوقيع لأنى باخدها نسخ ولصق كل مرة

----------------------------------------

"ألم يأن للذين آمنوا أن تخشع قلوبهم لذكر الله ومانزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون"

تم تعديل 20 نوفمبر 2004 بواسطة moslema salafeya

[se_ Elsyed]

إلى الاخت الجديدة مسلمة سلفية ..

شكلك كده طيبة وبنت حلال .. تيجي تمسكي وزارة التأمينات والشئون الإجتماعية ؟

هاتكلي ملبن من وراها دي اغنى وزارة عندنا وبعدين دول بيسلفوا الحكومة ... بس إبقي أفتكريني ... الواد إبن اختي فاضل له 25 سنة ويطلع معاش .. فلو ممكن تذوقي العملية وتقربيها شوية وتطلعيه معاش مبكر .. يبقى جزاكي الله خير ...

[moslema salafeya]

شوف يا سى السيد وزارة التأمينات والشئون الإجتماعية دى بحس إنها وزارة كئيبة والمكان الوحيد المناسب ليها هو الأنتيك خانة وبعدين ابن أختك فاضل له 25 سنة ويطلع معاش وأنا فاضلى قول 32 سنة يعنى لو حاولت أعمل موضوع المعاش المبكر لنفسى ولأبن أختك هتبقى الحكاية مفقوسة أوى وممكن مشاركاتى فى المنتدى بعدها تكون من خلف القضبان ;) ، أنا عندى إقتراح أفضل وهو وزارة الإتصالات منها أنه نفس مجالى ومنها إنى هشوف الناس كده وأخليهم يتكلموا فى التليفون براحتهم من غير الفواتير اللى خلت الناس تبيع اللى وراها واللى قدامها واللى جنبها أحيانا عشان تدفع الفواتير من غير الغرامة :angry:

------------------------------------------------

"ألم يأن للذين آمنوا أن تخشع قلوبهم لذكر الله ومانزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون"

تم تعديل 20 نوفمبر 2004 بواسطة moslema salafeya

[METALLICA]

نعم أنا أوافق . . . على أمل أن أستطيع إحداث تغير إيجابي . . .

و إن لم أستطع فلا بد من التراجع والإستقالة . . ومين عارف يمكن ساعتها غيري يتنحرر و يقلدني . .

[بنت شعنونة]

فيه مثل بيقول

كل واحد بيتعلق من عرقوبه..

تصور لو انك ها يتعلق في رقبتك عراقيب 60 مليون نسمة!!!!!!!

لالالالالالالالالالاءءءءءءءءءءءء طبعا

لا في عهد حسني ولا في اي عهد اصلا

"ادي العيش لخباااااااااااااازة ولو ياكل............"!!!!!! ( باينهم حرفوا المثل مؤخرا ;) )

[afiona]

طب سؤال:

البلد تتغير ازاى ? ومع التسليم بكل الاسباب التى تفضل المشاركون بعرضها لرفض هذه المهمة التى قد تتيح لهم فرصة للتغيير....

ماالحل ?

محافظ الاسكندرية احدث تغيير فى المدينة بفرض نظم وقواعد للتعامل بالرغم من ان عروس البحر المتوسط كانت قد انهارت فى عهد فوزى معاذ ..

الجنزورى حقق نجاحات معقولة و احمد رشدى كذلك ....

وماذا عن المناصب الاخرى المؤثرة كوكلاء الوزارات او مثلا عمداء الكليات ? اصل الفساد حالة مستشرية ومش قاصرة على منصب الوزير..

هترفضوا كل حاجة و اى حاجة ?

[Gharib fi el zolomat]

اعتقد ان حركه رفض شعبيه على مستوى مصر او فى القاهره فقط كافيه لتغيير الاوضاع فى مصر

تخيل لو عشر الشعب اعلن العصيان

النظام فى مصر اضعف كثيرا مما نظن

تم تعديل 20 نوفمبر 2004 بواسطة Gharib fi el zolomat

[الطاحونة الفكرية]

أنا أوافق... لأنى لو ملحقتش أسرق دلوقتى و أعمل قرشين و الدنيا تزهزه معايا... مش هايتبقى حاجة بعد تتسرق فى عهد أى حد تانى..  ;)

انا معاكي vmp:

[فــيــروز]

كنت كاتبه رد طويييييييل جدا بس يا خساره :angry: النور قطع وضاع الرد قبل ما اكمله .. خلاصته كما يلى عشان ماطولش عليكم ..

إذا تراجع الشرفاء فى كل مكان عن اداء اى دور .. سواء عن عدم اقتناع بجدوى وجودهم فى هذا المكان او حرصا على المكانه و الكرامه وخوفا من اى مخاطره قد يتعرضون لها بوجودهم

فى هذا الموقع او ذاك ..

اذن ليس من حقنا ان نتعجب ان الفساد استشرى وانه ينتشر كالجراد فلا يجد الشرفاء لانفسهم اى موضع لقدم .. فنحن بهذا التراجع من يفسح للفساد ان يحتل كل مكان يتركه الشرفاء خلفهم .. وساعتها ساتعجب فعلا من التباكى على الحال الذى ننحدر اليه كل يوم عما سبقه ..

بالطبع لكل انسان كامل الحريه ان يختار لنفسه ما يناسبها !! ولا يمكن لومه اطلاقا على اختياره ايا كان .. لكن سيكون من العجيب ان يبكى نفس هذا الشخص على حال الامه لانه لا ينبغى ان

يتوقع من غيره ما لا يمكن توقعه منه هو شخصيا ..

شكرا يا افيونه يابنى :angry: .. انا على بال ما وصلت ردك كان خلاص اليأس ملانى وقلت خلاص مالناش امل فى وزراء غير من عينة ابراهيم سليمان .. ;)

عزيزتى مسلمه .. ارجوك استنينى بس لحد بكره و ان شاء الله ابعت لك الطريقه مفصله من الشغل احسن الجهاز عندى هنا يلفظ انفاسه الاخيره .. :ph34r:

[hamo90]

أولا شكرا ياغريب علي الموضوع

بس أنا عندي سؤال تاني كان دائما بيدور في ذهني

علي أساس يتم أختيار الوزير ؟

هل الكفاءة أم الخبرة أم الولاء

أنا عن نفسي أعتقد الولاء هو المعيار في أختيار الوزير في بلدنا

والسبب بسيط هل في وزير واحد من الوزراء ليس عضو في الحزب الوطني

لا أعتقد

طيب . أنا راحل دكتور أو رجل أعمال أو أي حاجة

ايه هيخليني أبقي عضو في الحزب الوطني

أكيد حب السلطة يعني مش مصلحة الشعب ولا أن أنا عايز أخدم الشعب

طيب حاجة تانية فرضنا أنه تربية الحزب الوطني يعني عضو فيه من هو صغير وفضل يتدرج في المناصب لغاية ما بقي وزير هل حد فيكو شاف بيتعاملوه مع بعض ازاي في الحزب أو حد عارف الي عايز يوصل فيهم لمكانة معينة بيعمل ايه ؟

أنا عن نفسي شفت الي بيحصل في دائرة صغيرة وعرفت بيعملوا ايه عشان يوصلوا أنهم يبقوا ممثلين في الحزب عن المحافظة تخيلوا بقي بيعمل عن عشان يبقي ممثل للحزب علي مستوي الجمهورية كلها

حاجة تانية في ناس كتير تستحق المنصب أكتر من الموجودين فيه حاليا

وأنا عن نفسي شفت راجل بقاله أكتر من عشر سنين وكيل وزارة وأتغير عليه 3 وزراء والتلاتة كان بيعملو له ألف حساب وبياخدوه رأيه في الصغيرة والكبيرة بسبب خبرته الكبيرة

بس للاسف لم يرشح ولا مرة لمنصب الوزير

ليه . لانه ليس عضو في الحزب الوطني ولا يحبه بالاضافة لحزمه في العمل

وده رأيي

حمو

[Gharib fi el zolomat]

استاذ Hamo90

سيادتك جبت المفيد

الحزب الوطنى اناء ينضح بمن فيه

[Seafood]

اذن ليس من حقنا ان نتعجب ان الفساد استشرى وانه ينتشر كالجراد فلا يجد الشرفاء لانفسهم اى موضع لقدم

الأستاذة فيروز ..

من يقرأ كلامك يعتقد بأن حالات رفض المناصب على مدى الخمسين عاماً الماضية لا تعد ولا تحصى , وأن كل شخص في البلد يفكر مرة ومرتين قبل أن يوافق على القبول ..

واقع الحال يقول أن العكس هو الصحيح , وأن الناس تنتظر على شوق أن يتم إختيارهم أو حتى ترشيحهم , وأن حالات الرفض أو التفكير قبل القبول , أو حتى الإستقالة بعد أن يظهر عدم الجدوى من الإستمرار , هي الإستثناء الذي لا يكاد يذكر .. وعلى ما أذكر فلم يستقيل من منصب الوزارة غير الشيخ الشعراوي وبعض الوزراء في عهد السادات رداً على عقد إتفاقية السلام , وإن كان هناك حالات أخرى فهي إقالات في شكل إستقالات ,.

لذلك لا يمكن أن يُعزى سبب الفساد إلى هذا العامل بأي حال من الأحوال , ولا حتى يرقى لأن يكون أحد أسباب الفساد , بل العكس هو الصحيح وهو أن تكالب الناس على المناصب هو الذي يجعل الحكومة تختار من بينهم الأكثر ولاءاً لها , والأقدر على التفاني في خدمتها والمداراة على الفساد فيها , وإن لم يفعل فهناك طابور بالآلاف خلفه على إستعداد أن يقوم بالمهمة وعلى أفضل وجه .. حتى أننا أصبحنا نشك في كل من يتم إختياره لمنصب حكومي , لأنه لو كان عنده ضمير يقظ ومبادئ يلتزم بها , فربما ما كان ليتم إختياره خوفاً من أن يفضح الباقين ...

أما أن نقول نشارك لنغير ونحن نعلم أن إمتيازات المنصب قد تجرنا إلى تنازلات للحفاظ عليها , وندخل في سلسلة من الأخطاء تجر بعضها بعضاً , والمبررات التي ستريح ضمائرنا كثيرة , هذا بالإضافة إلى أنه من السهولة إن لم يكن الإنسان منتبه لكل صغيرة وكبيرة أن يتم تلفيق مخالفات له , يتم إستخدامها ضده في حالة ما إذا بدر من المسؤول بادرة تدل على أنه سيسبب متاعب للباقين ..

ولذلك فرفض المناصب هي السياسة الأسلم , إلى أن يتم تغيير النظام كله إلى نظام يكون فيه المسؤول في أي مكان هو صاحب رسالة , وواجباته وأعباؤه هي أكثر من إمتيازاته ومخصصاته وبدلاته , ويتم حسابه حساباً عسيراً على كل تقصير يحدث في وزارته سواء كان مسؤول عنها مسؤولية مباشرة أو غير مباشرة, ساعتها سيختفي الفساد إن وجد أصلاً , وستكون مسؤولية وواجب على الفرد أن يقبل المنصب , وتركه وهو يعلم أنه كفؤ له هو ذنب في حق الشعب ..

تم تعديل 21 نوفمبر 2004 بواسطة Seafood

[se_ Elsyed]

محافظ الاسكندرية احدث تغيير فى المدينة بفرض نظم وقواعد للتعامل بالرغم من ان عروس البحر المتوسط كانت قد انهارت فى عهد فوزى معاذ ..

الجنزورى حقق نجاحات معقولة و احمد رشدى كذلك ....

مين فوزي معاذ ده ؟

ده حارس مرمى الأولمبي ؟

المحافظ اللي كان قبل المحجوب وقعد فترة طويلة إسمة المستشار / السيد الجوسقي ..

وكمال الجنزوري واحمد رشدي بالرغم من إجتهادهم ورغبتهم في عمل شيء إلا أن الرئيس إستطاع بكل حنكة ومهارة ان يؤدهم في مهدهم وقضى على فتنة الإصلاح بدري بدري .

[فــيــروز]

أستاذ Seafood

المقصود من كلامى هم الشرفاء الذين يرجى من توليهم و تقلدهم مناصب قياديه انصلاح احوال البلاد و العباد وليس باى حال من الاحوال المشتاقين المتلهفين على المنصب للاستفاده الشخصيه من ورائه !!

اذا كنا سنتناقش فى ضوء ان من يرفضون المناصب قليلون او انهم لا يتواجدون اصلا يبقى الموضوع من البدايه لا محل له من الاعراب لو تعاملنا مع الجميع من خلال هذا المنطق <_< ويبقى السؤال عن قبول او رفض مثل هذا المنصب ليس له اى داع ..

لقد قلت بالفعل ان لكل انسان الحق كاملا فى ان يختار لنفسه خاصة وهو يعلم ان الاختبار سيكون صعبا ولن يكون نزهه !! وعلى قدر الهموم تكون الهمم كما يقال .. فمن كان يرى فى نفسه القدره على خوض هذا الاختبار فليتقدم ومن لم يستطع واشفق على نفسه لاى سبب من الاسباب له كل الحق بالطبع لكن وقتها سيكون غريبا ان يتخيل ان يشغل اى منصب انسان شريف ولن يكون مفهوما لم نحن تعساء ان كل من بمواقع المسئوليه مشكوك فى نزاهتهم .. وبالمناسبه انا هنا لا اتحدث عن منصب الوزير فقط .. لكنى اتحدث عن اى منصب فيه مسئوليه لانه لم يعد احد بعيدا عن موقع يختبر فيه !! من عامل الحراسه وحتى رئيس الدوله .. فاذا تراجع كل انسان شريف عن تولى اى مسئوليه و آثر السلامه لا ينبغى ان نستغرب ان يحتل الفاسدون ما تركه الشرفاء من اماكن

ولذلك فرفض المناصب هي السياسة الأسلم , إلى أن يتم تغيير النظام كله إلى نظام يكون فيه المسؤول في أي مكان هو صاحب رسالة , وواجباته وأعباؤه هي أكثر من إمتيازاته ومخصصاته وبدلاته , ويتم حسابه حساباً عسيراً على كل تقصير يحدث في وزارته سواء كان مسؤول عنها مسؤولية مباشرة أو غير مباشرة, ساعتها سيختفي الفساد إن وجد أصلاً , وستكون مسؤولية وواجب على الفرد أن يقبل المنصب , وتركه وهو يعلم أنه كفؤ له هو ذنب في حق الشعب ..

وما الذى يمنع اى انسان فى موقع المسئوليه الآن من ان يكون صاحب رساله !! انت تقول ان الاعباء ينبغى ان تكون اكثر من الامتيازات .. وانا شخصيا افترض انها كذلك بالفعل لكن المشكله هى فى التقصير فى تولى هذه الاعباء بشكل صحيح او القيام بها كما ينبغى فى الوقت الذى يتم فيه اقصى استفاده من كل الامتيازات ..

وكمال الجنزوري واحمد رشدي بالرغم من إجتهادهم ورغبتهم في عمل شيء إلا أن الرئيس إستطاع بكل حنكة ومهارة ان يؤدهم في مهدهم وقضى على فتنة الإصلاح بدري بدري .

لكن فى النهايه ادى كل منهم ما استطاع ان يؤدى !! ولانزال حتى اليوم نذكرهم بالخير !! واعتقادى ان الانسان انما يؤدى واجبه دون اى ضمانات من اى نوع سوى ان ينهى حياته وهو مستريح الى انه قد قدم كل ما يستطيعه

أقدام متعبة وضمير مستريح خير من ضمير متعب وأقدام مستريحه...

تم تعديل 21 نوفمبر 2004 بواسطة فــيــروز