أخويا يا ثاير

[الدكتور ياسر]

ليه مش صابر أخويا يا ثاير

بلدك بيفلس و بينزف

نكلم فيك تزعل وتكابر

وعامل فيها شهيد وبتحلف

راسك ناشفة ودمك فاير

فاكر أخوك جاهل متخلف

عايز تنزل تانى في يناير

وأنا و الله عليك متأسف

تقول سلمية ومعاك مولوتوف

وفاكرنا نايمين مش بنشوف

ارحمنا ياخويا واعمل معروف

دنا من غلبي خلاص متأفف

[الباشمهندس ياسر]

تصدق طلع صح و انا مش واخد بالي

مدعي الاسلام السياسي هم عمال المناجم هذه المرة

لكنها ليست رومانيا

[احمد رضوان]

يصل ويسلم للخال عبد الرحمن قناوي

بص يا خال على الأمر ... وأعقلها معايا

كنا بنمشى جنب الحيط ... قول كنا ولايا

كان الجوع ينهش فى الجته ... والجوع كافر

كنا نطاطي الراس للقمة ... كنا مطايا

عمرنا ما عرفنا معنى قول ولا طعم كرامة

وفي يوم زارنا الحلم ، يوم مش من أيامنا

وصحينا الصبح لقينا نبي بيخبط على بابنا

كان بينادي ... كرامة وحرية وعدل ياأهلي

ولا كان بيبعهم ... لأ كان بيوزعهم ببلاش

ويا خال كان يدفع هو تمنهم فرحان بينا

وتمنهم غالي يا خال مش حتصدق ، كان دمه

ونبينا يا خال قابل ربه بعد ما وزع بينا حمله

وفي يوم موته في عين الواحد فينا بص وقال له

انت نبي ازرع حلمك واسقيه حريه كرامه وعـدل

وزعلنا على موته بس فرحنا بطعم الحلم المولود

ودفنا نبينا يا خال ورجعنا كان الحلم دليلنا

جه مأمور القسم يا خال ... في ليله كحل ضلامـها

قال احنا حمينا الحلم بتاعكم لموا الأحلام كلتها

علشان احلامكم دي عهده مثبوته وللسلطان حنرجعها

بس انا حلمي يا خال كان روحي وحلفت ما أسيبـه

ويا خال الواد مسعد وخليل وأبو سالم وأبو دومه

بعد ما نهب العسكر حلم حياتهم اتجنوا وهجوا

لكن والله يا خال ما اهج ولا اسيب أرضى ولا اسيب حلمي

وأموت وأنا واقف باحميه وادافع عنــه بمالي ودمي

ولا تبكي لو زرت الكفر ياخال واوصيك حلمي وأمي

ويا خال اعلم إني لا سلمت ولا ضعفت الا على جسمـي

بس يا خال الدنيا عجيبه صمدوا شباب وعيال الكفر

والعسكر تضرب تقتل فيهم بغشامه وخسة وقلة أصــل

مات غانم وسليم وابن ابو دومة وهنيه وكمان عمرو

ولا كلٌوا الرجاله ولا ضعفوا واحتار العسكر في الأمر

بس المامور كان داهية قال الحلم ده برضه بتاعنا

وشيطانه الفاجر كانت حيله عجيبه طمعان في الحلم

قام خاطب في الجامع ويقول مبروك الحلم علينا

لكن لازم له إسم وياأهلى اختاروا إسم من اتنين

واتخانق اهل الكفر يا خال وقامت عركة على الإسمين

من يومها ياخال والكفر اتقسم والقسم الواحد ستين

والمأمور واقف يضحك ويطفي سيجارته في قفا حسنين

بس يا خال عاد مسعد وابو سالم وخليل وأبو دومه

واتلم الكفر ويوم الجمعه بعد الضهر قامت قومه

وراحت المخاليق للمأمور يزعقوا عايزين الحلم

واتلخبط شرق وغرب والعسكر هلكوا وتعبوا في يومها

من ضرب الناس ويا خال فاكر سلمى دول قلعوا هدومها

وقول يجي كده بعد كام عركه وكم هوجه المأمور سلم

وقال الحلم بتاعكم واحنا بس حنربيه ونرجعه ليكم

بس خلال كم شهر قولوا سته علشان موضوع شرعية الحلم

والله يا خال ولا خال قوله عليا هو انا ناسى قفى حسنين

ولا ناسي سلمى وولا مسعد وابو سالم لما هجـوا الاتنين

هو انا اسيبه يلعب بينا ويخطط ويشغل هجامته الملاعين

ويا خال اللى يزعل ان شيخ الجامع راضي مع انه امين

ويقول نديه فرصه يربى الحلم بتاعنا ما هو هما يومين

ويا خال اللى قتل ساجد وامير وعلى وقلع سلمى هدومهـا

ودخل الجامع بالجزمه ازاى ندية فرصة ونسلم تاني دقونا

هو احنا نسينا ان طمع في الحلم ازاى نأمن له يخونا

لا يا خال انا نازل ولا راجع غير بالحلم ومعايا كتير

لو مت يا خال وصى أخويا وإبنى يكملوا هم المشاوير

ويكونوا نبي الكفر الهادي ولا يستنوا هبة الغير

وبإيدهم ياخدوا الحلم بتاعهم بكرامة وحرية وخير

ومعادنا يوم 25 نرجع بالحلم المسروق ونقيم العدل

واللى يخاف يدعيلنا يا خال بس بلاش بلاش الغــدر

وسلامي للحلم يا خال وسلامي لكل الأهل

[الدكتور ياسر]

يصل ويسلم للخال عبد الرحمن قناوي

بص يا خال على الأمر ... وأعقلها معايا

كنا بنمشى جنب الحيط ... قول كنا ولايا

كان الجوع ينهش فى الجته ... والجوع كافر

كنا نطاطي الراس للقمة ... كنا مطايا

عمرنا ما عرفنا معنى قول ولا طعم كرامة

وفي يوم زارنا الحلم ، يوم مش من أيامنا

وصحينا الصبح لقينا نبي بيخبط على بابنا

كان بينادي ... كرامة وحرية وعدل ياأهلي

ولا كان بيبعهم ... لأ كان بيوزعهم ببلاش

ويا خال كان يدفع هو تمنهم فرحان بينا

وتمنهم غالي يا خال مش حتصدق ، كان دمه

ونبينا يا خال قابل ربه بعد ما وزع بينا حمله

وفي يوم موته في عين الواحد فينا بص وقال له

انت نبي ازرع حلمك واسقيه حريه كرامه وعـدل

وزعلنا على موته بس فرحنا بطعم الحلم المولود

ودفنا نبينا يا خال ورجعنا كان الحلم دليلنا

جه مأمور القسم يا خال ... في ليله كحل ضلامـها

قال احنا حمينا الحلم بتاعكم لموا الأحلام كلتها

علشان احلامكم دي عهده مثبوته وللسلطان حنرجعها

بس انا حلمي يا خال كان روحي وحلفت ما أسيبـه

ويا خال الواد مسعد وخليل وأبو سالم وأبو دومه

بعد ما نهب العسكر حلم حياتهم اتجنوا وهجوا

لكن والله يا خال ما اهج ولا اسيب أرضى ولا اسيب حلمي

وأموت وأنا واقف باحميه وادافع عنــه بمالي ودمي

ولا تبكي لو زرت الكفر ياخال واوصيك حلمي وأمي

ويا خال اعلم إني لا سلمت ولا ضعفت الا على جسمـي

بس يا خال الدنيا عجيبه صمدوا شباب وعيال الكفر

والعسكر تضرب تقتل فيهم بغشامه وخسة وقلة أصــل

مات غانم وسليم وابن ابو دومة وهنيه وكمان عمرو

ولا كلٌوا الرجاله ولا ضعفوا واحتار العسكر في الأمر

بس المامور كان داهية قال الحلم ده برضه بتاعنا

وشيطانه الفاجر كانت حيله عجيبه طمعان في الحلم

قام خاطب في الجامع ويقول مبروك الحلم علينا

لكن لازم له إسم وياأهلى اختاروا إسم من اتنين

واتخانق اهل الكفر يا خال وقامت عركة على الإسمين

من يومها ياخال والكفر اتقسم والقسم الواحد ستين

والمأمور واقف يضحك ويطفي سيجارته في قفا حسنين

بس يا خال عاد مسعد وابو سالم وخليل وأبو دومه

واتلم الكفر ويوم الجمعه بعد الضهر قامت قومه

وراحت المخاليق للمأمور يزعقوا عايزين الحلم

واتلخبط شرق وغرب والعسكر هلكوا وتعبوا في يومها

من ضرب الناس ويا خال فاكر سلمى دول قلعوا هدومها

وقول يجي كده بعد كام عركه وكم هوجه المأمور سلم

وقال الحلم بتاعكم واحنا بس حنربيه ونرجعه ليكم

بس خلال كم شهر قولوا سته علشان موضوع شرعية الحلم

والله يا خال ولا خال قوله عليا هو انا ناسى قفى حسنين

ولا ناسي سلمى وولا مسعد وابو سالم لما هجـوا الاتنين

هو انا اسيبه يلعب بينا ويخطط ويشغل هجامته الملاعين

ويا خال اللى يزعل ان شيخ الجامع راضي مع انه امين

ويقول نديه فرصه يربى الحلم بتاعنا ما هو هما يومين

ويا خال اللى قتل ساجد وامير وعلى وقلع سلمى هدومهـا

ودخل الجامع بالجزمه ازاى ندية فرصة ونسلم تاني دقونا

هو احنا نسينا ان طمع في الحلم ازاى نأمن له يخونا

لا يا خال انا نازل ولا راجع غير بالحلم ومعايا كتير

لو مت يا خال وصى أخويا وإبنى يكملوا هم المشاوير

ويكونوا نبي الكفر الهادي ولا يستنوا هبة الغير

وبإيدهم ياخدوا الحلم بتاعهم بكرامة وحرية وخير

ومعادنا يوم 25 نرجع بالحلم المسروق ونقيم العدل

واللى يخاف يدعيلنا يا خال بس بلاش بلاش الغــدر

وسلامي للحلم يا خال وسلامي لكل الأهل

بص معايا أستاذ رضوان

كلمة و حلقة في الودان

بس ياريت تسمع وتركز

أصلى زهقت من الكلام

1 يوليو الكل هينزل

ملايين تهتف في الميدان

يسقط عسكر وحرامية

بنفس واحد بالمليان

ولا قوة هتقدر قدامهم

تحرك واحد من الميدان

لكن يا صاحبي تكلم مين

دي يخويا قربة و مقطوعة

بنفخ فيها بقالى زمان

[ماستر]

تصدق طلع صح و انا مش واخد بالي

مدعي الاسلام السياسي هم عمال المناجم هذه المرة

لكنها ليست رومانيا

ملعوبة يا باشمهندس

كلامك فى الصميم, بس ان شاء الله كلى امل انهم مش هيخزلوا الشعب يوم 25

[ماستر]

بص معايا أستاذ رضوان

كلمة و حلقة في الودان

بس ياريت تسمع وتركز

أصلى زهقت من الكلام

1 يوليو الكل هينزل

ملايين تهتف في الميدان

يسقط عسكر وحرامية

بنفس واحد بالمليان

ولا قوة هتقدر قدامهم

تحرك واحد من الميدان

لكن يا صاحبي تكلم مين

دي يخويا قربة و مقطوعة

بنفخ فيها بقالى زمان

خلا ص يا دكتور ياسر يبقى لينا نزلتين واحدة فيصل والتانية الهرم (قصدى 25 يناير والتانية يوليو)

ونقول فى الاثنين يسقط حكم العسكر, ومحدش يزعل

تم تعديل 10 يناير 2012 بواسطة ماستر

[ام سلمي]

يا شبابنا يا اللي ثاير

يا اللي حالف يا اللي نادر

تبتدي ثورة ف يناير

لاجل ما المجلس يغادر

ما احنا برضه مش حنقبل

زيكوا بحكم العساكر

بس بنقول ننتظر

مش عشان شهرين نخاطر

شعب مصر عزيز علينا

ليه بارواحهم نغامر

ليه ما تتفقوش معانا

ليه ما حدش فيكوا صابر

لو صبرتوا نكون معاكوا

بس كام شهر اللي فاضل

ليه نعاند ليه نكابر

لو فرضنا ان انتوا نخبة

احنا برضه ولاد اكابر

لو وصلنا لاتفاق

لو نسيبنا م العداء

ننتصر علي اي غادر

حتي لو كانوا العساكر

حتي لو كانوا العساكر

تم تعديل 10 يناير 2012 بواسطة ام سلمي

[احمد رضوان]

يصل ويسلم لإبن أخي الغالى محمد

وصلنى يا وليد المكتوب وجريته لكن ... حزني

حزني لحالي واني مش قادر اكون بينتكم يا ابني

حسيت بالجهر وبقلة حيلتي وده يا ابني بيجتلني

عمري ما شوفت الحلم بتاعكم ... ولا يوم زارني

مرارة الغربة وعجزي يا محمد سكاكين تنهش لحمى

لكن ... اجولك يا وليد على حاجة واسمع جولي

انهي الأصعب يا محمد ... انك تحلم حلم رجولي

ولا انك ترعى الحلم وتشوف زهرة ايامك يا ابني

جاني جوابك يا محمد ... وانا عارفك راجل حـر

لا تخاف من مأمور ولا من عسكر حتى لو دقت المر

دمك فاير يا رجال لا بتقبل هتك العرض ولا الذل

اوعى من غدر المأمور ... هو انت ما وعتش الدور

مش جتل اخواتك قدام الجامع بعد ما صلى الفجر

مش من يجي اكتر من 60 سنة عشم جدك بالحلم

واسأل ناعسه وستك فاطنة عن جدك كيف شنقوه

واسأل أهل الكفر كلاتهم عن عرضك كيف هتكوه

وأسال كل النخلات في الغيط عن جووتنا كيف سرقوه

وأسأل شيخ الجامع نفسه عن جده العالم كيف جتلوه

هو نسي اياك ولا خرف شيخ الجامع مش برضه اعتقلوه

وبعد الهوجه والعركة لما مات الشهدا ... سابوه

وأهو دلوقتي يجي حول من فبراير قولى كم شاب أذوه

كم أب وكم أم بينوحوا على ضناهم اللى فقـــدوه

كم عيل لسه في بطن امه ما شاف دنيا ... ظلموه

لا يا وليدي اياك تشرب خمر كلامه والعقل يتـووه

ده قسم كل الكفر ، وهتك العرض ، وشبابنا حاكموه

وقفش كل ولاد الكفر الثايرين ع الظلم يا هوووه

وجوع اهالينا وسلط رجالته والمطاريد ساعدوه

وشبابنا ضحوا بعيونهم لأجل العدل يا وليد تشفوه

ياك عايز تستنى لم تروح عينك انت كمــان

فاكر نفسك مين غيرك دفع دمه ولا يوم خــان

ولا مد الكف يسلم على يد خسيسيه يد جبــان

واوعى تكون فاكر ان المأمور حيسلم دواره

ده يا ابني يموت ولا يعملها ده بيقتل جاره

واحمي الحلم بتاعك بدراعك وعافيتك وحيجي زهاره

واوعي تأمن للتعبان وتلفه على رقبتك ولو ساعه

واعلم يا محمد ان الحلم يعيش لو وسط جماعــه

ويموت لو تتفرق ايدكم يا ابني يتقتل بوضاعه

احموا الحلم بتاعكم ... احنا خلاص ملناش حلم

ولا عمرنا دقنا حلاوته ولا شمينا ريحه فى العلم

وسلامي لكل الأهل ولسلمي انت شريفه وعرضك متصان

وارفعي راسك فوق حنموت كلاتنا ولا نرض عرضك يتهان

وابعتلى يا ابنى وطمني لما يصلح ربي الحال

وانشف يا محمد خليك عود ناشف عزمك عزم رجال

خالك عبد الرحمن قناوي

تم تعديل 10 يناير 2012 بواسطة احمد رضوان

[الباشمهندس ياسر]

ملعوبة يا باشمهندس

كلامك فى الصميم, بس ان شاء الله كلى امل انهم مش هيخزلوا الشعب يوم 25

ياريت يا ماستر

المشكل انهم وصلوا و مشوارهم خلص خلاص

[ماستر]

ياريت يا ماستر

المشكل انهم وصلوا و مشوارهم خلص خلاص

عزيزى الباشمهندس/

تفائل بالخير يارجل حتى تجدة ان شاء الله, وبعدين كل الظوهر السابقة بتقول انهم لما بيلقوا التيار مشى فى اتجاة معين بيغيروا البوصله, فى احيان 180 درجة وسعادتك اكتر العارفين

تم تعديل 10 يناير 2012 بواسطة ماستر

[ssmaly]

ياشباب وياشيوخ كنا فى يوم ايد واحدة

دلوقتى شيوخكم بتقول هادوا واحدة واحدة

وبعد ست شهور ننزل مرة واحدة

دلوقتى يبقى فوضى وضد الجيش وحدة وحدة

وقتل وحرق وسحل وتعرية حلال لاى واحدة

طيب ايه الفرق يوم 25 ولا يوليو والمطالب واحدة

بتقولوا خليك وراء الكداب ليه و الكدبة دى مش اول واحدة

انتوا عارفيون انه ما نفذش من المطالب ولا واحدة

ومايستاهلش انه يحكم ولا ساعة واحدة

حيرتب اموره اكتر وحيجكم على طول بأيد واحدة

وحتكون خيانة وخدعة ليكم ومش اول واحدة

والمؤمن يلدغ من الجحر مرة واحدة

كراسيكم اتحجزت خلاص ومش حتيضع ولا واحدة

سموا باسم الله وخلونا نرجع ايد واحدة

[الدكتور ياسر]

هنكرر و نعيد من تانى

التكرار ينفع ويفيد

احنا ما خلصناش أحلامنا

بنفكر و نشوف لبعيد

بص معايا أخويا يا ثاير

دنا والله عليك زعلان

شايفك متهور بتكابر

ده كل نزولة و ليها أدان

بتقولى مش فرقة ياصاحبى

ومادام كدة نازلين نازلين

انزل ياله معايا و جنبي

نمشي العسكر منهزمين

عارف إيه الفرق ياصحبي

إن الدم ده غالى ثمين

ولما يكون في فرصة يا خويا

ليه حبايبنا مش صابرين

هاتقولى نازلين بصدورنا

ياحبيبى هتضحك على مين

ماهى ماتت خالتك سلمية

وشايفين بينكم مندسين

بندمر ونهد بلادنا

والله حرام يا أسيادنا

ولو نصبر يمكن ياخوانا

يمشوا العسكر مضطرين

ماهي كلمة قلوها وفاكرينها

ولو نسيوا نفكرهم بيها

والثوار يبقوا ملايين

[ماستر]

الثوار دلوقتى ملايين

وحلفين على الميدان نزلين

ومش رجعين غير بكرامة مصر يوم خمسة وعشرين

العسكر قالو وعادو كتير وهما شكلهم مش مشيين

خايف على الكرسى دة يااخى دام لمين

كمان بقولك متخفشى دة الشعب اختارك بالملايين

ولا خايف على الدم ماهو سال قبل كدة وانتم نايمين

دم الشهدة دة هو الى صحى الملايين

كلنا نزلين يوم خمسة وعشرين

كلنا نزلين سلميين

لية بتلومنى وانا حقى ضايع وانتم عرفين

تم تعديل 11 يناير 2012 بواسطة ماستر

[ماستر]

ب أيدى وايديك هنصلح سوا

لو سيبنا العسكر ست شهور كمان يبقى مسكنا الهوا

خلى بالك جدك قال كدة بردة من سبعين سنة وركب الهوا

انا عارف خوفك على حيطة وكتاب او يكمن كام مليار بس دول بردة هوا

قولى مرة واحد العسكر عمل حاجة من سنة غير الهوا

قتل وعذب وسحل وسجن وعرى وكمان طورائ دة كله مباشر على الهوا

تعالى معايه لية قاعد ساكت دا احنا كنا سوا

انت نسيت من غيرى كان زمانك فى سجن او معتقل وكله متذاع مباشر على الهوا

اخيرا اقولك خليك قاعد مكانك بس بلاش تنفخ على الهوا

رد عنى وسيبنى اخد حقى بعدين يمكن نحتفل سوا

[الدكتور ياسر]

فين ملايينكم دية يا ثاير

إذا كان الأغلب مش نازلين

دول كام ألف كبيرهم باين

على كام بلطجى مندسين

بص يا خويا من غير حلفان

من سنة كنا إيدينا في إيديكم

ملايين تهتف في الميدان

والعالم بيبص عليكم

شافوا إرادة الإنسان

بهدف واحد وإرادة واحدة

نتحرك الله يخليكم

لكن الفرقة ياخويا دى أزمة

حريقة وفوضى مالهاش لزمة

لو استنينا هنخسر إيه

أخويا حبيبى مش صابر ليه

بتقول مش واثق في العساكر

كلنا صاحبي مش واثقين

ومصمم تنزل شهر يناير

واحنا في يوليو يا خويا نازلين

كلامنا واحد كلنا ثاير

لو غدروا وقالوا مش ماشيين

تم تعديل 11 يناير 2012 بواسطة الدكتور ياسر

[التونسى]

أخويا يا ثاير .. يا رمز الفِـدا

يا عاشق لوطنك.. لأبعد مدى

بحــق الإخــوه.. بنادى عليك

ياريتك يا خـويا .. تلبى النِـدا

بنادِى .. وبقُلَك.. بِصِدق .. وضمير

بـــحـــبـــك ... برغم اختلافنا الكبير

ولكن سامحنى.. معاك مش حـَ اسير

الوضع فـ بلدنا .... ياخويا .. خطير

وخايف عليها :egyflag: تـضيـع..تنكـسـر

و دمــك مـعـاهـا .. كـده يـروح هدر

وطبعا .. كــلامــى .. دا وجهة نـظـر

بـقـولها .. وبَعِيدها .. بـكـل الصــور

وتِفضَل أخــويا .. كِدا .. أو كِدا :give_rose:

ونِفضَل حبايب .. ومحناش عِدا :clappingrose:

أخــويـا يا ثاير .. يا رمــز الفِـدا

تم تعديل 11 يناير 2012 بواسطة محمود البصيلى

[ماستر]

قول لى يا دكتور

مين يغسل العار

مين لمصر غير شباب احرار

مين يبنى غير احرار

مين يروح الميدان غير ثوار

مين هيمشى العسكرى لو غدر ويكمل المشوار

لية يونيو مش يناير ولا انتم بقيتوا تجار

مش محمد (ص) نبى مختار

مش فى مؤتة كانوا صغار قدام عسكر جبار

مش جعفر اصبح طيار

لية محمد (ص) بعت اصحابه فى مؤتة وهما صغار

من امتى الاحرار كانوا كتار

فى بدر كانوا كام وكنا كام وقالوا هما كتار

من امتى كنتم اول ثوار

طيب سينى انزل يناير وبلاش تكابر وسلامى للاحرار

تم تعديل 11 يناير 2012 بواسطة ماستر

[ssmaly]

أخويا يا ثاير .. يا رمز الفِـدا

يا عاشق لوطنك.. لأبعد مدى

بحــق الإخــوه.. بنادى عليك

ياريتك يا خـويا .. تلبى النِـدا

بنادِى .. وبقُلَك.. بِصِدق .. وضمير

بـــحـــبـــك ... برغم اختلافنا الكبير

ولكن سامحنى.. معاك مش حـَ اسير

الوضع فـ بلدنا .... ياخويا .. خطير

وخايف عليها :egyflag: تـضيـع..تنكـسـر

و دمــك مـعـاهـا .. كـده يـروح هدر

وطبعا .. كــلامــى .. دا وجهة نـظـر

بـقـولها .. وبَعِيدها .. بـكـل الصــور

وتِفضَل أخــويا .. كِدا .. أو كِدا :give_rose:

ونِفضَل حبايب .. ومحناش عِدا :clappingrose:

أخــويـا يا ثاير .. يا رمــز الفِـدا

احتراما لقدرك وقدراتك الشعرية اسمحلى ان ارد عادى (بدون رص كام قالب طوب واقول انه بيت شعر وادعاء انى بعرف فى الشعر)

انا شايف معظم الناس اللى رافضة النزول يوم 25 يناير حتنزل اول يوليو

معظم الناس المعارضة بتقول خليينا ورا الكداب ومعظمهم متأكدين انه لن يسلم السلطة كالاتفاق

ممكن نعمل مقارنة بسيطة بين النزول يوم 25 ولا اول يوليو

الهدف من النزول يوم 25 :تسليم المجلس العسكرى الحكم الى سلطة مدنية

الهدف من النزول اول يونيو:تسليم المجلس العسكرى الحكم لسلطة مدنية

وسيلة تحقيق الهدف : الثورة او المظاهرات السلمية فى الأثنين

المكان :ميدان التحرير وميدان مصر كلها :برضه هما الأثنين

الخطورة :هناك خطورة من العنف من طرف القوة الحاكمة ممكن ان يستشهد ويصاب الكثيرون فى من سينزل فى 25 يناير او يوليو

من الناحية القانونية:خروج على الشرعية الدستوريةوالتحويل الى قضاء عسكرى ومدنى بتهم كثيرة :فى اليومين برضه

من الناحية الشرعية الخروج على الحاكم فى الاثنين

يعنى هناك اشياء مشتركة كثيرة لاتعطى الحق للمعترض على الثورة الثانية وموافق على ثورة يوليو ان يشكك او يتهم او يحكم شرعا ولا قانونا على من سينزل لى يناير لانه ببساطة سيحكم على من سينزل يوم واحد يوليو

والى كل من يذكر ان هناك مؤامرات يوم 25 احب اقولله انا معاك ان هناك مؤارات عالمية للضرر بمصر يوم 25 ويوم واحد يوليو برضه

[الدكتور ياسر]

أخويا يا ثاير .. يا رمز الفِـدا

يا عاشق لوطنك.. لأبعد مدى

بحــق الإخــوه.. بنادى عليك

ياريتك يا خـويا .. تلبى النِـدا

بنادِى .. وبقُلَك.. بِصِدق .. وضمير

بـــحـــبـــك ... برغم اختلافنا الكبير

ولكن سامحنى.. معاك مش حـَ اسير

الوضع فـ بلدنا .... ياخويا .. خطير

وخايف عليها :egyflag: تـضيـع..تنكـسـر

و دمــك مـعـاهـا .. كـده يـروح هدر

وطبعا .. كــلامــى .. دا وجهة نـظـر

بـقـولها .. وبَعِيدها .. بـكـل الصــور

وتِفضَل أخــويا .. كِدا .. أو كِدا :give_rose:

ونِفضَل حبايب .. ومحناش عِدا :clappingrose:

أخــويـا يا ثاير .. يا رمــز الفِـدا

أهلا بيك أستاذنا الفاضل

مستنيك وبقالى يومين

أخويا الثاير نشف ريقي

أروحله شمال ويجيلى يمين

أقوله استنى فاكرنى جبان

هى الجرأة دى يعنى تهور

ودم يسيل من غير حسبان

لو مش همك نفسك ماشي

بس انا همى في بلدى كمان

أنا مش عايز حرب شوارع

ودمار يسرى فى كل مكان

شكرا ليك أستاذى الفاضل

و سلامى لأخويا الثاير

ولا يزعل منى ولا يغضب

هدعيله في كل اوان

تم تعديل 11 يناير 2012 بواسطة الدكتور ياسر

[ماستر]

و سلامى لأخويا الثاير

ولا يزعل منى ولا يغضب

هدعيله في كل اوان

المحترم/ الدكتور ياسر,

اسجل اعجابى وامتنانى بالمناقشة معك بطريقة الحوار الراقى فى عرض وجهة النظر