موبايلي اتسرق شوفوا عملت ايه عشان ارجعه وايه رايكم

[سهران]

قلبتوا علينا المواجع ........... من أربع سنين كنت في أجازة قصيرة للقاهرة ..

اجرت عربية يومين الأجازة و يوم ما رجعتها للمكتب أخدت ميكروباس في طريق العودة ....

الموبايل كان في جراب بحزام البنطلون ...

و أنا داخل الميكروباس واحدة ست غيرت مكانه علشان تاخد الموبايل على(عدلتها

و انا بادفع الأجرة ما كانش معايا ( فكة ) قامت الست بمنتهى

الشهامة دافعالي و بقيت طول السكة محرج و باشكر فيها شكر بلا أنقطاع ....

نزلت ما لاقيتش الموبايل في الجراب ...

روحت الموقف بسرعة و فتشت الميكروباس ما لقيتش حاجة ..

و الست فص ملح و داب ... بعض المواطنين الشرفاء قالولي أوصافها

و اتضح انها مشهورة على الخط كله و دايما معاها بنت صغيرة في أيديها ...

أكتر حاجة( بتحز في نفسيتي )اني كنت باشكر فيها طول الطريق

و بقول لسة مصر بخير و الناس بتدفع لبعضيها في الميكروباسات bsh:)

[EsoWay]

برافو للاستاذ هشام وصاحب الموضوع

بس خلونا نعترف ان تساهيل ربنا كانت معاكوا وعرفتوا تلموا الموضوع فى وقتها

طيب لو محصلش والموبيل فص ملح وداب ايه الحل

-----------------

الخطوات القانوينية لاسترجاع اى موبيل مسروق فى مصر (معرفش الخليج ظروفهم ايه بس كفاية ان خدمة العملا عندهم زفت عالاقل فى السعودية)

1- تحتفظ بعلبة الموبيل اللى عليها السريال نمبر

2- لما الجهاز يتسرق منك تاخد العلبة وتروح قسم الشرطة تعمل محضر بالسرقة وتجيب اذن نيابة بتتبع السريال فى شركات المحمول الثلاثة

موبينيل وفودافون واتصالات

3- هو غالبا اذن واحد وبتودى صورته مش فاكر

4- بتودى اذن النيابة للادارة القانونية فى شركة الاتصالات و مع اول اتصال من الجهاز بيلقط رقم الشريحة الجديدة ومكانها وبالتبعية تفاصيل صاحب الخط (مهما كان) من واقع معلومات فاتورة الشراء والمرفق معاها صورة بطاقته

5- بيطبعلك خطاب رسمى من الادارة القانوينية بالشركة بتفاصيل صاحب الخط الجديد وبيانته وعنوانه

6- بموجب الخطاب ده تعرف تحبس صاحب الخط 3 سنين وتدفعه تعويض كمان (ممكن ميكونش اللى سرق الموبيل)

7- او ممكن تروحله مكانه وتحلها ودى معاه وهقولك ليه ودى

------------------

نفس الموقف ده حصل من حوالى 5 سنوات مع اعز اصدقائى موبايله اتسرق

هو بصراحة استعوض فيه ربنا قولتله اعمل محضر فى القسم بالسريال نمبر وجيبهولي

وديت المحضر لشركة فودافون فى القاهرة كبداية عن طريق صديق وفعلا خلال اسبوع جابلى الخطاب اللى فيه معلومات صاحب الخط

اديته لصحبى

اخد ظابط معرفة وراح لبيت صاحب الخط طلع طالب جامعى محترم وكان لسه شاريه من محل فى المنصورة (بالمناسبه هو من نبروه نفس بلد توفيق عوكاشة)

المهم اتفق معاه انه هياخد الموبيل منه عشان مش ذنبه وهيروح معاه لصاحب المحل اللى بايعه يعرفه انه مسروق ويتفاوض معاه بقى

--------------------

عشان كدة فيه ناس كانت بتنخدع وتشترى موبيلات من محلات من غير علبتها واللى بنسبة كبيرة بتبقى مسروقة (كل واحد يخلى باله بقى)

دا الكلام الصحيح و فيه ناس كتير مش بيهمها إسترداد الموبايل بقدر ماعليه من معلومات ممكن حد يوصلها

وأحب أضيف نقطة مهمة فيه برامج ممكن تنزلها على موبايلك وقت الشراء البرنامج يكون مهمته يمسح البيانات في حالة تعرض موبايلك للسرقة

أو تتغيير بطاقة SIM بيبعتلك على طول إنذار على إيميلك أو نمرة تانية إنتا محددها

فبتبعت له كود مدخل فيه مسبقًا يمسح كل البيانات وبيرسلك مكان الجهاز و معلومات الـ SIM الجديدة ولو موبايلك حديث بيلتقطلك صور وصوت كمان

لكن تعرض نفسك للخطر و تتفاوض مع سارق ممكن يتهور معاك عشان موبايل أخره 4 الالف ليه يعني ؟!

من أمثلة برامج الحماية عن بعد Advanced Device Locks تمنه 16 دولار بس

موقع البرنامج http://melonmobile.com/ProductDetailsOverview.aspx?product=205

[ornatepeacock]

شكرا لكل الناس الللي اعتبرت تصرفي شجاعة و شكرا لكل اللي اعتبروه تهور

الحمد لله ربنا ستر

و كانت الامور ميسره و عدت على خير

هو فعلا كان فيه بعض التهور بس الموقف فرض نفسه

لأني شايف الموبايل قدامي

ازاي اسيبه وامشي

وخصوصا اني في شغلي متعود ادي اوامر

و اتعامل بسلطويه بعض الشيء

و اتحطيت في الشغل في مواقف صعبة و مواقف مسئوليه

واخدت قرارات ضد رغبة رؤسائي لاني شايف انها صح

فده كان له تأثير على شخصيتي

وخلاني اتكلم مع الحرامي و انا مش خايف

بس انا فعلا كنت ممكن يحصلي حاجه مش كويسه

او يمكن هي ثورة 25 يناير اللي علمتنا محدش يسكت على حقه

او الشباب اللي بنشوفهم بيموتوا ويصابوا عشان يدافعوا عن افكارهم و مبادئهم خلو الواحد يحس ان حياته ملهاش قيمه

قدامهم

ودي حاله نفسيه بتحصل فعلا في زمن الحروب و بتخلي الانسان معندوش رغبة في الحياه

انا فعلا مش عارف اللي عملته غلط ولا صح

بس انا ساعتها مفكرتش خالص و اتصرفت بعفويه

و لو مكنتش شوفت الموبايل معاهم كنت حسبهم و امشي

بس كنت هبقى متضايق قوي

رغم المخاطره إلا اني مبسوط

على فكره احساس المغامره ده احساس جميل

و بيخلي الواحد يتحرر من حاجات كتير جواه

انا كنت بين اختيارين

اني اخسر كرامتى و احترامي لنفسي وده كان شئ مؤكد لو سبت حقي و خفت اطالب بيه

او اني ممكن اخسر حياتي او اصاب

وبرده مش كنت هرجع الموبايل :)

و الحمد لله ربنا ستر

[الغريب]

من مات دون ماله فهو شهيد . . اخشى ان يكون الموقف مقدمة لسرقة الناس بالاكراه تحت مسمى الاسترزاق

بعد كل ما فعلناه بالشرطة لا زلنا نخونهم ونتفاوض مع البلطجية

!

على الاقل كان ينبغى عليك عمل محضر وابلاغ اوصاف الولد والبنت للشرطة

شرطة مين يا بشمهندس !!؟؟

أخويا أتسرق منه موبايل قبل الثورة ، وكان مهم جدا بسبب أرقام العملاء عليه

أخويا أجتهد وعرف يوصل لسارق الموبايل وكان شاب صغير من أسرة محترمة وساكن في مكان محترم ، ولكن أصدقاء السوء علموه السرقة

المهم أخويا راح القسم وعرفهم بالتفاصيل وقالهم محتاج حد يخرج يجبلي الموبايل بس علشان الموضوع ميكبرش

أمين الشرطة خده على جنب وقاله بدل ما تدخل في موال هات 200 جنيه وأنا أطلع معاك بدورية !!

أخويا أداله بسبب إحتياجه الشديد للموبايل

وبعد ما راحوا ومسكوا الولد الحرامي وأخذوا منه الموبايل طبعا أهله مكنوش مصدقين ، راح أمين الشرطة قال لأبو الولد هات 500 جنيه علشان أحللك الموضوع بشكل ودي هنا وأبنك ميدخلش القسم والراجل طبعا متأخرش

آدي حال الشرطة !!

طبعا انت مخطئ لانك لم تغض بصرك واسترقت النظر لما تحت العباءه :closedeyes:

ولو شافوك بتوع الهيئه المزمعه كانو سابو الموبايل اللي اتسرق وقعدوا يناقشوك في غض البصر

فحاول تصلح غلطتك وتروح تتجوز البنت اللي بصيت علي عبايتها

ومش مهم الموبايل اتسرق ولا لأ .....المهم غض البصر ياأخي

ربنا يهديك ، الواحد مبقاش يدخل موضوع من غير ما يجد فيه أي تريقة أو غمز ولمز

تم تعديل 11 يناير 2012 بواسطة الغريب

[se_ Elsyed]

من مات دون ماله فهو شهيد . . اخشى ان يكون الموقف مقدمة لسرقة الناس بالاكراه تحت مسمى الاسترزاق

بعد كل ما فعلناه بالشرطة لا زلنا نخونهم ونتفاوض مع البلطجية

!

على الاقل كان ينبغى عليك عمل محضر وابلاغ اوصاف الولد والبنت للشرطة

شرطة مين يا بشمهندس !!؟؟

أخويا أتسرق منه موبايل قبل الثورة ، وكان مهم جدا بسبب أرقام العملاء عليه

أخويا أجتهد وعرف يوصل لسارق الموبايل وكان شاب صغير من أسرة محترمة وساكن في مكان محترم ، ولكن أصدقاء السوء علموه السرقة

المهم أخويا راح القسم وعرفهم بالتفاصيل وقالهم محتاج حد يخرج يجبلي الموبايل بس علشان الموضوع ميكبرش

أمين الشرطة خده على جنب وقاله بدل ما تدخل في موال هات 200 جنيه وأنا أطلع معاك بدورية !!

أخويا أداله بسبب إحتياجه الشديد للموبايل

وبعد ما راحوا ومسكوا الولد الحرامي وأخذوا منه الموبايل طبعا أهله مكنوش مصدقين ، راح أمين الشرطة قال لأبو الولد هات 500 جنيه علشان أحللك الموضوع بشكل ودي هنا وأبنك ميدخلش القسم والراجل طبعا متأخرش

آدي حال الشرطة !!

طبعا انت مخطئ لانك لم تغض بصرك واسترقت النظر لما تحت العباءه :closedeyes:

ولو شافوك بتوع الهيئه المزمعه كانو سابو الموبايل اللي اتسرق وقعدوا يناقشوك في غض البصر

فحاول تصلح غلطتك وتروح تتجوز البنت اللي بصيت علي عبايتها

ومش مهم الموبايل اتسرق ولا لأ .....المهم غض البصر ياأخي

ربنا يهديك ، الواحد مبقاش يدخل موضوع من غير ما يجد فيه أي تريقة أو غمز ولمز

إنت فلول على فكرة يا غريب

إوعى تقول كده على الشرطة ..

الشرطة احسن ناس

الشرطة أشرف ناس

وهانحتفل بيهم كمان يوم 25 يناير ... والوقفة هاتبقى 24 .. وممكن ندبح حاجه كمان

على فكرة .. قسماً بالله العظيم ده حصل معايا عدة مرات في محاضر مختلفة ... لحد ما عرفت اللعبة .. ما بأروحش إلا بواسطة أو محامي واللي يتكلم في حاجه زي كده باديله بالجزمة ..

دي كانت مافيا يا عزيزي . وما زالت ... ولن ينصلح حالها إلا لما جميع المصريين يعرفوا إنه جهاز مدني لخدمة الشعب فقط مش تأليبة أو تأديبة أو تأنيبة .... وده بالمناسبة تعريفة في الدستور إنه جهاز مدني ...

ويوم ما يوصلوا للمرحلة دي هايلاقوا الناس كلها بتضحي بحياتها عشان تقف جنب الشرطة وتساعدهم وتساندهم

[HanaaOsama]

ابن اختي كان من سنتين بعد ما نجح في الثانويه العامه باباه جابلوه موبيل جديد و غالي و بعدين كان واقف علي محطه مسنتي صاحبه و بيشتغل علي الموبيل جه واحد يكلمه يقوله انت ضربت اخويا ليه !! لسه بيقوله اخوك مين راح خطف الموبيل منه و جري ,,, اين اختي جري وراه و كل ما يقرب منه يديله بالمطوي في ايده و بطنه و رجله كدا يعني ,,, يجري منه يقوم يجري وراه و هو لسه واخده مطوه و هكذا لغايه ما نط من سور مترو الانفاق ابن اختي نط وراه بس ملقهوش راح رجع عشان الدنيا كانت ضلمه و ملقاهوش رغم ان كان عنده استعداد يكمل !!! و طبعا عمل محضر و كل حاجه و كمان خالي لواء في الجيش بس علي المعاش راح معاه بس طبعا هيتعبوا نفسهم علي موبيل يعني !!!!

كمان من اسبوع كدا حرامي يجي كل يوم في المحلات الي في الشارع بتاعنا و يسرقها و الغريب انه بيسرقها الصبح !!! من الساعه 6-7 الصبخ تقريبا بتسلي بقاله اسبوع كل يوم محل و منهم واحد في العماره الي ساكنه فيها ,,,

ربنا يستر و بعد ما يخلص علي المحلات ما يفكرش في الشقق :)

و برضه عملوا الناس محاضر و كل حاجه

[شيدوان]

سلوك رائع احييك عليه ..فيجب على الانسان الا يبخل على نفسة بأية محاولة يستطيعها كى يسترد حقه.. لابد من المحاولة مهما كان ضعفه وخوفه وتوقعه فشلها

تحياتى

[abdulmuttaleb]

بعد كل ما فعلناه بالشرطة لا زلنا نخونهم ونتفاوض مع البلطجية

وعندك شوية سم في طبق العسل يابني عشان الناس تاكل بالسم الهاري

ما فعلناه بالشرطة !!!!!!!!!

فعلاً شعب ظالم ولا يطمر فيه النفخ

إحنا أسفين يا شرطة

حجك علينا يابا الحج عادلي وإحنا فعلاً ظلمناك وأتهمناك زور

حقكوا علينا يا أمن دولت

إرجع بقى كما كنت لقبل يوم 25 يناير .. وفرجني مسليل " ومازال النفخ مستمر "

أخلاقى لا تسمح بالرد على هذا الاسلوب .. تم تقرير المشاركة للادارة

أستاذ عصام تحية طيبة

أنا من المتابعين لحضرتك وللأستاذ سي السيد

وأكن لكما كل احترام في الحقيقة

أستاذ سي السيد أحيانا كتير تعليقاته بتكون حادة شوية

خصوصا بعد الثورة وناس كتير أصبحوا كده من شدة غيرتهم ع البلد

مش معنى كلامي إن حضرتك أو شخص آخر أقل انفعالا أنه أقل وطنية

وأنا ليس لدي شك 1% في أن أستاذ سي السيد يحترم حضرتك

عذرا للتطفل لكن دخلني بعض الشجن خصوصا وأننا كلنا استفدنا

من هذا الموضوع ومشاركات الجميع ولم نحب أن نرى عتب من شخص محترم على شخص محترم آخر

حفظكما الله أعمدة لهذا المنتدى المحترم

[عادل أبوزيد]

ترى ما هو الوضع الآن