ايه اكتر تمثليه بتحبها?

[Cleo]

عمر بن عبد العزيز...

عبد الرحمن أبو زهرة كان عامل دور الحجاج بن يوسف الثقفى هاااااااااااااااااااااااااااايل rs:

[Set_Amina]

اذا كنت انا فهمت الموضوع صح وهو ان كل واحد يقول اي تمثيلية عجبته فانا اكتر حاجة كنت باشوفها باستمتاع غير عادي هي تمثيلية : حديث الصباح والمساء لنجيب محفوظ

بالنسبة لي عبلة كامل ممثلة ماحصلتش والاجواء العامة للاحياء القديمة والعائلات في ذلك الوقت اثرت فيا قوي وكنت باشوفها واسرح كأني عايشة معاهم، كمان في ممثل رائع قوي مش عارفة اسمه بس ده انا مسمياه عبلة كامل الرجالي من شدة اتقانة في الاداء وهو كان الاخ الأكبر للشخص اللي كان متربي في فرنسا

حد يعرف اسمه ايه؟؟

[Ahmed Mohsen]

كمان في ممثل رائع قوي مش عارفة اسمه بس ده انا مسمياه عبلة كامل الرجالي من شدة اتقانة في الاداء وهو كان الاخ الأكبر للشخص اللي كان متربي في فرنسا

حد يعرف اسمه ايه؟؟

توفيق عبد الحميد

[Farida]

القط الاسود كان مجرم هارب ..تصور الضابط انه قتل منذ زمن فى حريق شب فى مكان كان نفس الظابط يبحث فيه عن هذا المجرم

و فى الحلقه الاخيره عندما خلع القط القناع كان وجهه مشوها نوعا ما

و الله انا كل ده فاكره ان محمود المليجى هو القط الأسود كل مرة ما شوفش الحلقه الأخيره

[masria]

[

السلام عليكم

أنا عضوه منذ فتره ليست بقصيره وهذه أولي مشاركاتي

لا أدري لماذا نسي الجميع مسلسل الضوء الشارد

أما افضل المساسلات التي نسيها الكثير مسلسل كان اسمه "علي عليوه" وده كان بطوله كمال الشناوي و عبد العزيز مخيون

أحداصه تدور خلال فتره الانفتاح وعقده المسلسل كلها ان كمال الشناوي الأب ورث المكتبه عن أبيه و التي كان يديرها ابنه عبد العزيز مخيون fsh::

والأب يريد تحويلها الي معرض للادوات الصحيه ويرفض ابنه ويفتتح مكتله أخري فيسعي شريك الاب سعد اردش للاستيلاء عليها wst::

ويموت الاب تاركا كل ثروته لزوجاته والابن يحاول تسدسد ديون ابيه

الحوار كان في منتهي الرقي بين الابناء المثقفين والاب والابناء الجهلاء wst:: و المغزي السياسي للمسلسل كان رائع

[Cleo]

[<div align="right"></div>

السلام عليكم

أنا عضوه منذ فتره ليست بقصيره وهذه أولي مشاركاتي

معلش سؤال بره الموضوع....

إنتى مصرية بتاعت شئون؟؟

[masria]

شؤن اىه بالضبط شؤن اجتماعية مثلا

[Cleo]

<div align="right"></div>

شؤن اىه بالضبط شؤن اجتماعية مثلا

قصدى منتدى شئون مصرية....

ولا يهمك دى كلها مسائل ثانوية.... ثانوية عامة مثلا... wst::

[Farida]

كان فيه مسلسل جميل اسمه سفر الأحلام بطوله محمود مرسى و اثار الحكيم و صلاح السعدنى و نجاح الموجى كان جميل و خصوصا عبد العزيز مخيون لما ضرب و كان بيمشى ينظم اشارات المرور فى الشارع

كمان مسلسل الأيام و مسلسل أديب لنور الشريف كان رائع

[emmyyy]

عائلة الدغوري

والتمثليه بتاعة حيرام حد فاكر اسمها??? :huh:

[egyptforever]

اسم التمثيليه بتاعه حيرم

عيون

[Set_Amina]

كمان في ممثل رائع قوي مش عارفة اسمه بس ده انا مسمياه عبلة كامل الرجالي من شدة اتقانة في الاداء وهو كان الاخ الأكبر للشخص اللي كان متربي في فرنسا

حد يعرف اسمه ايه؟؟

توفيق عبد الحميد

شكرا يا احمد

بس انت ايه رأيك في تمثيله خصوصا في مسلسل حديث الصباح والمساء؟

[theblackpirate2005]

طبعا المسلسل الى اثر فيا وفينا كلنا مساسا من اعظم المسلسلات اللى اتعملت خصيخا للعالم التالت اللى هو احنا مش منه طبعا مسلسل زيييييييييينا me0:

[se_ Elsyed]

كان فيه مسلسل جميل اسمه سفر الأحلام بطوله محمود مرسى و اثار الحكيم و صلاح السعدنى و نجاح الموجى كان جميل و خصوصا عبد العزيز مخيون لما ضرب و كان بيمشى ينظم اشارات المرور فى الشارع

كمان مسلسل الأيام و مسلسل أديب لنور الشريف كان رائع

فريده .. إسمحيلي أحترمك وأرفع لك الطربوش كنوع من انواع الإحترام على ذوقك الروفيع ..

فمسلسل الأيام مثلاً التتر اللي غناه علي الحجار كان حكاية ..وكان نقطة إنطلاق لأحمد زكي وحاول محمود ياسين يقلده ويعمل فيلم لكنه كان سخيف وكان بيستعمانا ... :P

وسفر الاحلام كل اللي كانوا فيه عمالقة بقيادة الديناصور محمود مرسي ...

اما مسلسل القط الأسود وأديب .. فمعليش إنتي عارفه اني مواليد 72 ... والحاجات بتاعت الخمسينيات دي ما أوعاش عليها .

أما الحق أستخبى واخد لي ساتر .... يا ساتررررررررررررررر

[فــيــروز]

مسلسل رمضان قبل الماضى على قناة النيل الدوليه "يوميات زوج معاصر" من بطولة اشرف عبد الباقى .. كان مسلسل لطيف فعلا ويبدو ان اشرف من الممثلين الكوميديين بالفعل لكنه مش واخد حقه

[Farida]

فريده .. إسمحيلي أحترمك وأرفع لك الطربوش كنوع من انواع الإحترام على ذوقك الروفيع ..

كده حلو الكلام شكرا على الكلمتين الحلوين دول انا اصلى ما كانش يحلالى المذاكرة الا على التليفزيون لدرجه واحده قريبتى كانت بتخلى ابنها يتفرج ع التليفزيون و هو بيذاكر علشان ييجيب تقدير زى بس الواد للأسف ما فلحش ....بس عايزة كمان اقول ان يوميات زوج معاصر فعلا كان جميل

اما مسلسل القط الأسود وأديب .. فمعليش إنتي عارفه اني مواليد 72 ... والحاجات بتاعت الخمسينيات دي ما أوعاش عليها

كده مش حلو الكلام ليه كده انا مش كبيرة قوى كده ع العموم التليفزيون اصلا اخترعوه سنه 60 يعنى ما فيش مسلسلات من الخمسينيات ....ممكن نصحصح بقه المحاورات دخلها ناس جديده و مش عايزين احراج مع الأجانب :P :lol:

[فــيــروز]

كده حلو الكلام شكرا على الكلمتين الحلوين دول انا اصلى ما كانش يحلالى المذاكرة الا على التليفزيون

الجمله دى بتفكرنى بجمله كانت جدتى تقولها لابنائها "الى من ضمنهم والدتى" .. هى كانت تقول لهم "افتحوا لنا التليفزيون عشان ننام" الطريف ان ماما بيحصل معاها نفس الشئ بس من غير ما تطلب نفتح التليفزيون يعنى بتنام قصاده لوحدها ربنا يستر على الجيل الصاعد

[ناصر الملك و الملكية]

بنت أفندينا :P

[مهيب]

احياءا لموضوع قديم .. و جميل حقا

كان هناك مسلسل "وكسبنا القضية" .. أنا فاكر انى كنت بحب المسلسل ده جدا .. و كانت رجاء الجداوى و العبقرى عبد المنعم مدبولى و عمر الحريرى عباقرة بجد .. كمان فاكر وحيد سيف .. كان دوره غاية فى اللذة .. و حتى يوسف داوود واللى جذب الناس بدوره و خلاهم يقولوا "مين ده" .. كمان الغنوة كانت تحفة بجد ..

وكسبنا القضية .. كسبناها كسبنها

دى قضية كانت فى متاهة

كمان كنت بحب مسلسل بكيزة و زغلول و هو بالمناسبة بيتعرض على الأولى اليومين دول .. موسيقى التتر بتاعة حسن أبو السعود و دخلة الأوكورديون المشهورة .. تخيلوا ان المسلسل ده قصة و سيناريو و حوار اسعاد يونس ؟؟

كمان كنت بعشق مسلسل ذئاب الجبل .. و تمثيل عبدالله غيث الأكتر من رائع و دور أحمد سلامة الجميل جدا .. وكنت بحب قوى رحلة ابو العلا البشرى .. و انا فاكر انى كنت و انا صغير بخاف من المشاهد اللى كان بيظهر فيها صديقه التخيلى ده .. صبرى عبد المنعم على ما أذكر و كان دايما يضحك ... بس موسيقى عمار الشريعى و كلمات سيد حجاب ماركة مسجلة لأى نجاح

حد فيكم اتفرج على تمثيلية فى السهرة كان اسمها ليلة القتل الأبيض .. كانت بطولة مصطفى فهمى و عبدالرحمن ابو زهرة و اسامة عباس و رشوان توفيق و محمد ناجى .. كانت رائعة بجد ..

كفاية كده المرة دى علشان لو سبت نفسى للذكريات مش هتخلصوا

مهيب

[الرافعي]

الوريــــــــــــــــــــــث

تم تعديل 9 مايو 2006 بواسطة حلاوة العنتبلي