حوار بين شاب ثوري ومواطن شريف ... الديمقراطية هي الحل!!!

[Alshiekh]

محاورات المصريين تمثل صورة مصغرة للمجتمع المصري

فمعظم الأعضاء إن لم يكن جميعهم من المصريين سواء كانوا موجودين على أرض الوطن أو مغتربين.

ومايدور هنا من نقاشات يمثل بشكل أو بآخر صورة لما يمكن أن يحدث في الشارع أو في الجامعة أو في جهات العمل المختلفة، نقاش حول الأمور الراهنة والمستجدات على الساحة ، وأعتقد أن نفس الحوارات تدور بين الأهل والأصدقاء.

لنستمع لحوار مماثل كتبه الكاتب علاء الأسواني ، ولنرى رأيكم فيه.

حوار بين شاب ثوري ومواطن شريف

كان المواطن الشريف جالسا كعادته بعد صلاة المغرب على المقهى وقد ارتدى جلبابه المريح.. راح ينفث دخان الشيشة باستمتاع ويرشف من كوب الشاى بالنعناع.. فجأة وجد أمامه شابا يرتدى بنطلون جينز وبلوفر ويضع الكوفية الفلسطينية.. ابتسم الشاب وناوله ورقة وقال:

- أدعوك يا حاج إلى التظاهر السلمى يوم 25 يناير حتى تتحقق أهداف الثورة

ألقى المواطن الشريف بالورقة على المنضدة وصاح بانفعال:

- يا أخى حرام عليكم.. كفاية بقى توليع فى البلد. إنتم عاوزين إيه..؟.. السياحة وقفت.. عجلة الإنتاج اتعطلت.. خربتم البلد الله يخرب بيوتكم

ابتسم الشاب فبدا كأنه معتاد على هذه الاتهامات وقال:

- بدل ما تشتمنى ممكن نتناقش بهدوء؟!

قال المواطن الشريف:

- اتفضل بس عاوز أقولك كلمة.. لن أسمح لك أبدا بإهانة الجيش المصرى، خير أجناد الأرض.

- الجيش المصرى ملك الشعب. كل بيت فى مصر فيه ضابط أو عسكرى.. أنا عمى ضابط وابن خالى ضابط.. أنا أحب الجيش وأحترمه زيك بالضبط.. لكنى أعترض على قرارات المجلس العسكرى.

هز المواطن الشريف كتفيه، وقال:

- إنت بتستعبط؟!. المجلس العسكرى هو قيادة الجيش لو اعترضت عليه يبقى أنت بتسىء للجيش.

- أنا لا أعترض على الجيش ولا أسىء إليه أبدا.. المجلس العسكرى يمارس دور رئيس الجمهورية يبقى من حقى أعترض على أدائه السياسى.

قال المواطن الشريف:

- أهو ده اللى انتم فالحين فيه.. الكلام الكبير اللى ماحدش يفهمه.

قال الشاب بهدوء:

- اسمع يا حاج.. نفترض إن أسنانك وجعتك ورحت تتعالج عند دكتور أسنان هو نفسه ضابط فى الجيش.. لو الدكتور ده كسر لك ضرسك وبهدل بقك مش يبقى من حقك تروح لدكتور تانى.

ــ طبعا..

ــ لما تسيب الدكتور ده يبقى انت بتسىء للجيش؟!

ــ لا طبعا.. مال الجيش ومال أسنانى؟

ـــ أهو ده نفس المنطق بتاعنا.. إحنا بنعترض على الدور السياسى للمجلس العسكرى ولا نعترض أبدا على الجيش نفسه.

جذب المواطن الشريف نفساً عميقاً من الشيشة، وقال بهدوء:

- يابنى إنتم عاوزين إيه بالضبط. مش حسنى مبارك انخلع وبيتحاكم؟!

- خلع مبارك لوحده ما يعملش تغيير.. مبارك كان ممكن يموت أو يحصل عليه انقلاب.. الأهم من مبارك تغيير النظام نفسه.. هدف الثورة إن بلدنا تبقى دولة محترمة وإن المصرى ياخد حقوقه وتبقى عنده كرامة..

- والكلام ده لسه ماحصلش؟

- لا طبعا.. نظام مبارك زى ما هو.. ما فيش حاجة تغيرت.. قيادات الشرطة هى هى.. اللى قتلوا المتظاهرين لغاية دلوقت ما فيش واحد منهم اتحاكم بجد.. القضاة اللى زوروا الانتخابات أيام مبارك لسه فى مناصبهم.. جهاز أمن الدولة زى ما هو.

- ما يمكن التغيير ييجى شويه شويه..

- إحنا بقى لنا سنة وماحصلش أى تغيير.

- طيب مش احنا انتخبنا مجلس شعب عشان يتكلم باسمنا.

- انتخابات مجلس الشعب لم تكن مزورة لكنها لم تكن نزيهة..

- ليه..؟

- الأسباب كثيرة.. المادة الرابعة من الإعلان الدستورى بتقول:

«ممنوع تكوين ممارسة أى نشاط سياسى أو تكوين أحزاب سياسية على أساس دينى»...

قل لى يا حاج.. هم الإخوان والسلفيين أحزاب دينية ولا مش دينية؟

- طبعا أحزاب دينية أمال إحنا انتخبناهم ليه؟ عشان ناس صالحين وبتوع ربنا..

- المجلس العسكرى خالف الإعلان الدستورى اللى عمله وتحالف مع الإخوان والسلفيين وترك لهم الفرصة لكى يرتكبوا كل المخالفات فى الانتخابات من غير ما يعمل لهم حاجة

ــ يعنى بذمتك الإخوان مكانوش هيكسبوا فى كل الأحوال؟!

ــ طبعا الإخوان كانوا هيجيبوا نتيجة كويسة لأن لهم شعبية لكن الانتخابات كانت معمولة عشان الإخوان والسلفيين ياخدوا الأغلبية.

- اسمع بقى.. أنا اتخنقت منك بجد.. مافيش حاجة عاجباك.. يعنى نعمل إيه فى مجلس الشعب.. نقاطعه هو كمان؟!

- من أجل مصلحة مصر لابد أن نتعامل مع مجلس الشعب المقبل لأنه برغم كل التجاوزات هو الهيئة الوحيدة المنتخبة.

نظر المواطن الشريف إلى الشاب كأنه لا يصدقه وقال:

- طيب.. عاوز تعمل مظاهرة يوم 25 يناير ليه.. ما تسيب مجلس الشعب يتصرف.

- يا سيدى مجلس الشعب غير مضمون لأنه تشكل فى ظل اتفاقات وصفقات.. مجلس الشعب ممكن يطالب بأهداف الثورة وممكن يتفق مع المجلس العسكرى علينا.. عشان كده لازم ملايين الناس تنزل فى مظاهرات سلمية يوم 25 يناير عشان تأكد إنها متمسكة بتحقيق أهداف الثورة.

- مش فاهم..

- بص يا حاج.. لو أنت موكل محامى فى قضية وأنت مش مطمئن له بتعمل إيه؟!

- ألغى التوكيل.

- لو فيه ظروف تمنعك تلغى التوكيل تعمل إيه؟! مش تروح معاه المحكمة عشان تتأكد إنه هيتصرف صح.

- طبعا..

- أهو أنا قصدى كده.. لازم نأكد تمسكنا بأهداف الثورة.

ابتسم المواطن الشريف وقال:

- لا مؤاخذة يابنى.. الكلام أخدنا.. أنا نسيت أسألك تشرب إيه؟!

بدا الامتنان على وجه الشاب وطلب فنجان قهوة مضبوط. قال المواطن الشريف:

- إوعى تفتكرنى فلول.. والله العظيم أنا مع الثورة..

- أمال ليه مش عاوز تدافع عنها؟!

- أنا خايف بلدى تخرب.. خايف مصر تبقى زى الصومال.. يعنى إنت عاجبك حالة البلد دلوقت؟!... بلطجة وقلة أدب وفوضى وكساد ووقف حال..

- مصر أيام مبارك كانت برضه فى الحضيض.. كانت الناس بتموت فى طوابير العيش والبوتاجاز.. إنت أكيد فاكر.. بالإضافة لأن الثورة ما حكمتش ولا يوم واحد.. المسؤول الوحيد عن تدهور البلد المجلس العسكرى اللى بيحكم البلد.. لو كان نفذ أهداف الثورة وغير نظام مبارك ما كانتش الحالة بقت كده.

- إزاى..؟!

- نفترض إنك ضابط أمن دولة وبقى لك عشرين سنة بتعذب فى الناس وتهتك أعراضهم.. نفترض إنك مسؤول كبير وحرامى.. يبقى مصلحتك إنه يحصل تغيير وتيجى حكومة محترمة تقوم تحاكمك على جرائمك، ولا مصلحتك إنك تعمل فوضى؟

- لا طبعا مصلحتى إنى أولع البلد.

- أديك قلت بنفسك.. السبب فى كل المشكلات إن المجلس العسكرى حافظ على نظام مبارك...

بدت الحيرة على وجه المواطن الشريف، وقال بصوت خافت كأنما يحدث نفسه:

- والله يابنى الواحد ما بقى عارف الحقيقة فين.. أنا لما أشوف التليفزيون أتأكد إنكم مخربين ومجرمين لكن كلامك بصراحة معقول.. بص.. أنا عندى سؤال محرج شويه..

- اتفضل..

- صحيح إنتم بتاخدوا تمويل من أمريكا؟!

قهقه الشاب، وقال:

- يا حاج بقى لو بناخد تمويل كانت تبقى حالتى زى ما انت شايف.. أنا أصلا مهندس كمبيوتر، وبعد الثورة الشركة اللى كنت شغال فيها قفلت.. دلوقت بآخد مصروف من أهلى لغاية لما ألاقى شغل تانى.. الحمد لله أنا مش متجوز وحملى خفيف.

- أمال إيه موضوع التمويل؟!

- فيه منظمات بتتلقى تمويل من الخارج لكن التمويل قانونى وبعلم الحكومة.

- قانونى يعنى إيه؟! إزاى ناس وطنيين ياخدوا فلوس من الخواجات؟!

- عندك حق.. أنا ضد التمويل من ناحية المبدأ.. عاوز أقولك إن كل الشباب اللى عملوا الثورة رافضين التمويل وما أخدوش جنيه واحد.

- أهو انت كده بتتكلم صح.

- مش بس كده.. من حق المواطن أنه يعرف مصادر التمويل لأى منظمة تعمل فى مصر.. ومن حق المجلس العسكرى إنه يفتش عن التمويل ويعلنه.

- كفارة.. أخيرا وافقت على حاجة عملها المجلس العسكرى؟! طبعا من حق المجلس العسكرى إنه يراقب تمويل المنظمات الأهلية، لكنه للأسف لا يراقب أبدا تمويل الإخوان والسلفيين..

- إزاى بقى؟ الإخوان والسلفيين دول ما شاء الله معاهم فلوس كتيرة جدا.. دول كانوا عندنا هنا بيوزعوا كل حاجة.. زيت وسكر وأنابيب بوتاجاز وقماش ولحمة..

- طيب مش من حقنا نعرف كل الفلوس دى جايبينها منين؟!

- من حقنا.. بس إيه الحل دلوقت؟! البلد تنقسم نصفين: إنتم فى ناحية، والمجلس العسكرى فى ناحية؟!

- إحنا مصممين على تحقيق أهداف الثورة وأولها المحاكمات..

- محاكمات مين؟

- إنت عندك أولاد يا حاج..

- عندى شيماء فى ثانوية عامة ووليد فى إعدادى.

- ما حصلش إن حد حاول يعاكس شيماء؟! حصلت مرة واحدة ونزلت عليه كسرته من الضرب..

- ضربته ليه؟!

- اللى ييجى جنب أولادى آكله بأسنانى.. فتح الشاب حقيبته وبدأ يعرض مجموعة من الصور على المواطن الشريف الذى بدا عليه التأثر وقال:

- إيه ده.. يا نهار إسود.. إزاى ده يحصل؟!

- دى بعض الصور للبنات اللى اتسحلت وأعراضهم انتهكت على يد أفراد الشرطة والجيش.. ده غير اللى استشهدوا واللى عينيهم راحت.. إنت ما شفتش الصور دى قبل كده؟!

- الحقيقة أنا مابقراش جرائد والصور دى ماجتش فى التليفزيون..

- تفتكر لما أهل الشهداء والمصابين يطالبوا بمحاكمة اللى قتلوا أولادهم يبقوا غلطانين؟

- من حقهم.

ــ طيب ولما يكون الأفراد اللى قتلوا تبع المجلس العسكرى مش المفروض اللى يقوم بالتحقيق هيئة محايدة برئاسة قاضى مستقل؟

- هو ده عدل ربنا.

- شيماء بنتك بتستعمل الكمبيوتر؟!

- طبعا دى شاطرة جدا.

- خد السى دى وخليها تفرجها لك عشان تعرف إحنا ليه بنطالب بمحاكمة اللى قتلوا الشباب وهتكوا أعراض أخواتنا..

تناول الحاج السى دى ووضعها بعناية فى جيب الجلباب، ثم وقف الشاب، وقال:

- أشكرك ياحاج على القهوة..

- أنا اللى أشكرك.

- ممكن تنزل معانا يوم 25 يناير؟!

- إن شاء الله أنزل معاكم..

احتضن الشاب المواطن الشريف، ثم صافحه بحرارة، ومضى فى طريقه.

الديمقراطية هى الحل

[abaomar]

السلام عليكم

الاخ الفاضل محمد جزاك الله خيرا

الاسوانى (سامحه الله ) كذاب ..كذاب ..كالعاده و خصوصا فى ما يتعلق بالتيار الاسلامى

و الذى اختزله بمكر فى الإخوان و السلفيين

رغم ان التيار برمته قارب اكثر من 70% فى نتيجه الانتخابات الحاليه

و باقى الليبراليين و... العلمانيين المساكين يلعبون فى الوقت الضائع

الشعب إختار التيار الاسلامى لرغبته الجارفه فى تحكيم شرع الله

الذى بغيابه وصلنا لهذا المستوى و لعلمه الشديد بمستوى تنظيم التيار الاسلامى

الذى اذهل الجميع بحسن إدارته للعمليه الانتخابيه

و الاهم إداره الصراع مع جبهه الرفض الممثله فى المجلس العسكرى و الليبراللين و العلمانيين الفشله و من ورائهم امريكا و اسرائيل ..

التيار الاسلامى ضارب بجذوره فى هذه الارض و الناس تعرفهم

و تعرف خلفياتهم و نزاهتهم و سوف تثبت الايام صدق ذلك بإذن الله

الاسوانى كاذب فى موضوع الصفقات مع المجلس و التمويل الخليجى

و التى قيلت عندما ظهرت فضيحه التمويل الامريكى التى زكمت الانوف

و الان يحاولون مداراه الفضيحه و لكن القضاء سوف يفضحهم بإذن الله

ايضا موضوع توزيع اللحوم و الانابيب و غيرها للدعايه الانتخابيه

و التى هى اكبر إساءه لهذا الشعب الذى سوف ينتخب من يملأ بطنه

فضلا عن إتهام الشعب بالجهل ايضا انه لا يعرف كيف يختار

و هذا للاسف حال النخبه ..كما يدعوا .. قليله الادب .

تم تعديل 10 يناير 2012 بواسطة abaomar

[طارق مصرى]

السلام عليكم

الاخ الفاضل محمد جزاك الله خيرا

الاسوانى (سامحه الله ) كذاب ..كذاب ..كالعاده و خصوصا فى ما يتعلق بالتيار الاسلامى

و الذى اختزله بمكر فى الإخوان و السلفيين

رغم ان التيار برمته قارب اكثر من 70% فى نتيجه الانتخابات الحاليه

و باقى الليبراليين و... العلمانيين المساكين يلعبون فى الوقت الضائع

الشعب إختار التيار الاسلامى لرغبته الجارفه فى تحكيم شرع الله

الذى بغيابه وصلنا لهذا المستوى و لعلمه الشديد بمستوى تنظيم التيار الاسلامى

الذى اذهل الجميع بحسن إدارته للعمليه الانتخابيه

و الاهم إداره الصراع مع جبهه الرفض الممثله فى المجلس العسكرى و الليبراللين و العلمانيين الفشله و من ورائهم امريكا و اسرائيل ..

التيار الاسلامى ضارب بجذوره فى هذه الارض و الناس تعرفهم

و تعرف خلفياتهم و نزاهتهم و سوف تثبت الايام صدق ذلك بإذن الله

الاسوانى كاذب فى موضوع الصفقات مع المجلس و التمويل الخليجى

و التى قيلت عندما ظهرت فضيحه التمويل الامريكى التى زكمت الانوف

و الان يحاولون مداراه الفضيحه و لكن القضاء سوف يفضحهم بإذن الله

ايضا موضوع توزيع اللحوم و الانابيب و غيرها للدعايه الانتخابيه

و التى هى اكبر إساءه لهذا الشعب الذى سوف ينتخب من يملأ بطنه

فضلا عن إتهام الشعب بالجهل ايضا انه لا يعرف كيف يختار

و هذا للاسف حال النخبه ..كما يدعوا .. قليله الادب .

متشغلش بالك فى ناس تحب تكدب الكدبه و تصدقها زى الطالب الفاشل اللى كل ما يسقط يقولك اضطهاد

المدرسة ولا ادارة الجامعة حطاه فى دماغها

اذا كان الشعب مش مثقف و فقير و بيجرى ورا الانبوبة و كيلو السكر و زجاجة الزيت امال اكتساح انتخابات النقابات و على راسها المهندسين و الاطباء ليه ؟ و ازاى ؟ برضه علشان السكر و الزيت !!

عموما ارجع و اقولك متشغلش بالك بهذ النقطة كتير

اما بالنسبة لكلام علاء الاسوانى و غيرهم من النزول يوم 25 انا شايف لو نزول للتذكير بمادىء الثورة و تذكير المجلس بان الشعب لن يرضى بغير تسليم السلطة فى الموعد المحدد و لن يقبل التسويف فى قضية مبارك والفاسدين و غيرها من القضايا المهمة فلا باس اما ان يتحول اليوم لاضرابات و شلل لاركان البلد و بلطجة و قله ادب فلا و الف لا

[لماضة مصرية جدا]

السلام عليكم و رحمة الله و بركاته

عجبني الحوار استاذي محمد...زي ما حضرتك قولت لانه حوار حقيقي و بيدور في كتير من مفرداتنا اليومية في البيت و النادي و الجامعة و علي المحاورات

عجبني اكتر في الحوار

ان عنوانه و سياقه...شاب ثوري و مواطن شريف

يعني مافيش اي لهجة من التخوين او التقليل من شأن اي طرف آخر في الحوار مهما اختلف معايا

عجبني في الحوار الرهان الحقيقي علي وعي و ارادة الناس

لان الناس لما بتعرف الحقيقة صدقني بتعرف تميز بين الغث و بين السمين

عجبني في الحوار انه بسيط و متسلسل و منطقي و الاهم بيفكرنا ان احنا مش لازم الثورة الرائعة اللي اذهلت الناس نخفض سقف توقعاتها و نرضي بجزرة الانتخابات و لا بمحاكمة السائح مبارك

احنا محتاجين حوارات زي دي كتير

من غير تخوين

من غير تجهيل الاخر

ديمقراطية من غير حوار

من غير وعي

من غير ارادة حقيقية مش مزيفة

هو ده الهدف اللي الثورة بتقوم عليه

حرية

عدالة

كرامة

تحياتي لحضرتك

[لماضة مصرية جدا]

السلام عليكم

الاخ الفاضل محمد جزاك الله خيرا

الاسوانى (سامحه الله ) كذاب ..كذاب ..كالعاده و خصوصا فى ما يتعلق بالتيار الاسلامى

و الذى اختزله بمكر فى الإخوان و السلفيين

رغم ان التيار برمته قارب اكثر من 70% فى نتيجه الانتخابات الحاليه

و باقى الليبراليين و... العلمانيين المساكين يلعبون فى الوقت الضائع

الشعب إختار التيار الاسلامى لرغبته الجارفه فى تحكيم شرع الله

الذى بغيابه وصلنا لهذا المستوى و لعلمه الشديد بمستوى تنظيم التيار الاسلامى

الذى اذهل الجميع بحسن إدارته للعمليه الانتخابيه

و الاهم إداره الصراع مع جبهه الرفض الممثله فى المجلس العسكرى و الليبراللين و العلمانيين الفشله و من ورائهم امريكا و اسرائيل ..

التيار الاسلامى ضارب بجذوره فى هذه الارض و الناس تعرفهم

و تعرف خلفياتهم و نزاهتهم و سوف تثبت الايام صدق ذلك بإذن الله

الاسوانى كاذب فى موضوع الصفقات مع المجلس و التمويل الخليجى

و التى قيلت عندما ظهرت فضيحه التمويل الامريكى التى زكمت الانوف

و الان يحاولون مداراه الفضيحه و لكن القضاء سوف يفضحهم بإذن الله

ايضا موضوع توزيع اللحوم و الانابيب و غيرها للدعايه الانتخابيه

و التى هى اكبر إساءه لهذا الشعب الذى سوف ينتخب من يملأ بطنه

فضلا عن إتهام الشعب بالجهل ايضا انه لا يعرف كيف يختار

و هذا للاسف حال النخبه ..كما يدعوا .. قليله الادب .

السلام عليكم و رحمة الله و بركاته

حيث ان حضرتك القيت بيان تخاطب فيه "الشعب"

و حيث أني واحدة من الشعب ده

احب اقول لحضرتك انا و اسرتي و لله الحمد و الفضل و المنة نحتكم لشرع الله...بس انا اخترت حاجة و اسرتي اختارت التيار الاسلامي لسبب بسيط اوي....(مهندسين و يعرفوا بعض مش اكتر)

عجبتني اوي جملة حضرتك اللي عملتها بالفونت العريض

معبرة جدا

و اتمني من كل قلبي ان التيار الاسلامي المكتسح يسيب الدين بقي علي جنب و يحاول يمارس سياسة...مش فاز في انتخابات...مبروك عليه

عايزين نشوف بقي اللعب الاحترافي علي اصوله

و تأكد...ان احنا معاكم....(احنا هنا مش الخونة معاذ الله....احنا...اقصد بيها الناس التانيين الوحشين اللي منتخبوش الحرية و العدالة و لا النور)

كل التحية

استاذنا محمد...معذرة علي التطرق لنقطة الانتخابات مع انهامش موضوع التوبيك....بس ده فعلا يشبه بشكل غريب الحوار علي ارض الواقع لما تيجي تكلم حد عن النزول يوم 25 يناير او عدمه و تلاقيه رد عليك و قالك و الانتخابات عاملة ايه دلوقتي.بالمناسبة الناس كانت بتروح تنتخب و بترجع تعتصم في الميدان....مش فاهمة ايه قمة الامل و المنتهي يعني الانتخابات....و كأن الناس اللي ماتت دي كانت بتموت علشان تصوت....!!!!!!!!!!!!!!!!!!!!!!!!!!!!!!!!!!!!!!!1

تم تعديل 10 يناير 2012 بواسطة لماضة مصرية جدا

[ام سلمي]

انتخابات مجلس الشعب لم تكن مزورة لكنها لم تكن نزيهة..

- ليه..؟

- الأسباب كثيرة.. المادة الرابعة من الإعلان الدستورى بتقول:

«ممنوع تكوين ممارسة أى نشاط سياسى أو تكوين أحزاب سياسية على أساس دينى»...

قل لى يا حاج.. هم الإخوان والسلفيين أحزاب دينية ولا مش دينية؟

- طبعا أحزاب دينية أمال إحنا انتخبناهم ليه؟ عشان ناس صالحين وبتوع ربنا..

بالنسبة لموضوع التشكيك في نزاهة الانتخابات لان احزاب الاخوان والسلفيين تقوم علي اساس ديني ، فده رد الاستاذ ابو بركة المستشار القانوني للحرية والعدالة:

أكد الدكتور أحمد أبو بركة " المستشار القانونى لحزب الحرية والعدالة " أنه ليس هناك مشكلة قانونة أو تشريعية بشأن تشكيل أحزاب سياسية على أساس دينى طالما ان هذه الأحزاب لا تميز وتقبل كل القوى والتيارات المختلفة .

وقال أبو بركة فى حواره مع الإعلامى عمرو أديب على فضائية أوربت أن المادة التى قالها المشرع بأن لا تكون هناك أحزاب على أساس دينى لا تفهم بهذا المعنى , بدليل وجود مواد فى الوثيقة الدستورية تؤكد أن الدين الإسلامى المصدر الرئيسى للتشريع والعديد من المواد التى تدل على ذلك السياق .

وأضاف الدكتور أبو بركة أنهم كحزب إسلامى لا يعارضون وجود حزب سياسى مسيحى طالما لديهم فكرهم ومرجعيتهم الخاصة ويريدوا أن يعبروا ويدافعوا عنها .

وأكد أبو بركة أن البعض يفهم النصوص والقوانين بشكل خاطئ , فالحزب الدينى غير مرفوض لكن الجميع يرفض التمييز على أساس دينى أو عقائدى , وهم كحرية وعدالة لا يفعلون ذلك بدليل دخول مسيحيين على قوائم الحزب فى الإنتخابات .

http://www.elbashayer.com/news-170282.html

[Alshiekh]

السلام عليكم

الاخ الفاضل محمد جزاك الله خيرا

الاسوانى (سامحه الله ) كذاب ..كذاب ..كالعاده و خصوصا فى ما يتعلق بالتيار الاسلامى

و الذى اختزله بمكر فى الإخوان و السلفيين

رغم ان التيار برمته قارب اكثر من 70% فى نتيجه الانتخابات الحاليه

و باقى الليبراليين و... العلمانيين المساكين يلعبون فى الوقت الضائع

الشعب إختار التيار الاسلامى لرغبته الجارفه فى تحكيم شرع الله

الذى بغيابه وصلنا لهذا المستوى و لعلمه الشديد بمستوى تنظيم التيار الاسلامى

الذى اذهل الجميع بحسن إدارته للعمليه الانتخابيه

و الاهم إداره الصراع مع جبهه الرفض الممثله فى المجلس العسكرى و الليبراللين و العلمانيين الفشله و من ورائهم امريكا و اسرائيل ..

التيار الاسلامى ضارب بجذوره فى هذه الارض و الناس تعرفهم

و تعرف خلفياتهم و نزاهتهم و سوف تثبت الايام صدق ذلك بإذن الله

الاسوانى كاذب فى موضوع الصفقات مع المجلس و التمويل الخليجى

و التى قيلت عندما ظهرت فضيحه التمويل الامريكى التى زكمت الانوف

و الان يحاولون مداراه الفضيحه و لكن القضاء سوف يفضحهم بإذن الله

ايضا موضوع توزيع اللحوم و الانابيب و غيرها للدعايه الانتخابيه

و التى هى اكبر إساءه لهذا الشعب الذى سوف ينتخب من يملأ بطنه

فضلا عن إتهام الشعب بالجهل ايضا انه لا يعرف كيف يختار

و هذا للاسف حال النخبه ..كما يدعوا .. قليله الادب .

شوف انت بقوة إيمانك عملت ايه؟

وصفت الرجل بالكذب ، ووصفت مخالفيك بالفشلة ، وبالعمالة وبالخيانة وبقبول المال ، ووووو قلة الأدب.

قوى الله إيمانك وبما أنك أصبحت ممثلا للتيار الذي تدافع عنه، فأنت خير مثال لرجاله.

وعلى فكرة قبل ما أنسى ، كل أفراد أسرتي نزلوا انتخابات الإعادة نكاية في الشحات وصوتوا لواحد لايعرفوه اسمه دويدار بالطبع ليس حبا فيه فمعظم الفردي غير معروفين ولكن لإبعاد الشحات وأمثاله عن البرلمان علشان لسانه.

[الغريب]

حوار بين شاب ثوري ومواطن شريف

- انتخابات مجلس الشعب لم تكن مزورة لكنها لم تكن نزيهة..

- ليه..؟

- الأسباب كثيرة.. المادة الرابعة من الإعلان الدستورى بتقول:

«ممنوع تكوين ممارسة أى نشاط سياسى أو تكوين أحزاب سياسية على أساس دينى»...

قل لى يا حاج.. هم الإخوان والسلفيين أحزاب دينية ولا مش دينية؟

- طبعا أحزاب دينية أمال إحنا انتخبناهم ليه؟ عشان ناس صالحين وبتوع ربنا..

- المجلس العسكرى خالف الإعلان الدستورى اللى عمله وتحالف مع الإخوان والسلفيين وترك لهم الفرصة لكى يرتكبوا كل المخالفات فى الانتخابات من غير ما يعمل لهم حاجة

ــ يعنى بذمتك الإخوان مكانوش هيكسبوا فى كل الأحوال؟!

ــ طبعا الإخوان كانوا هيجيبوا نتيجة كويسة لأن لهم شعبية لكن الانتخابات كانت معمولة عشان الإخوان والسلفيين ياخدوا الأغلبية.

- طيب.. عاوز تعمل مظاهرة يوم 25 يناير ليه.. ما تسيب مجلس الشعب يتصرف.

- يا سيدى مجلس الشعب غير مضمون لأنه تشكل فى ظل اتفاقات وصفقات.. مجلس الشعب ممكن يطالب بأهداف الثورة وممكن يتفق مع المجلس العسكرى علينا.. عشان كده لازم ملايين الناس تنزل فى مظاهرات سلمية يوم 25 يناير عشان تأكد إنها متمسكة بتحقيق أهداف الثورة.

- كفارة.. أخيرا وافقت على حاجة عملها المجلس العسكرى؟! طبعا من حق المجلس العسكرى إنه يراقب تمويل المنظمات الأهلية، لكنه للأسف لا يراقب أبدا تمويل الإخوان والسلفيين..

- إزاى بقى؟ الإخوان والسلفيين دول ما شاء الله معاهم فلوس كتيرة جدا.. دول كانوا عندنا هنا بيوزعوا كل حاجة.. زيت وسكر وأنابيب بوتاجاز وقماش ولحمة..

- طيب مش من حقنا نعرف كل الفلوس دى جايبينها منين؟!

كالعادة لازم علاء الأسواني يحشر "الإخوان والسلفيين" ويدس السمّ في العسل

في الوقت اللي الشعب أختارهم فيه.

وفي الوقت اللي الشباب بكل إنتمائتهم بيطلقوا فيه مبادرة "تسليم السلطة لمجلس الشعب".

لسه علاء الأسواني عايش في الوهم.

موت بغيظك يا علاء الأسواني

فأنت وأمثالك الوجه القبيح للثورة

ستظلوا تنفخوا في نار الفتنة بين الشعب ، وسيخذلكم الله

مع نفسك أنت واللي زيك

شوف كدة الناس وهي بتزفه وتطرده وتتهمه بالعمالة

http://www.youtube.com/watch?v=H1blI0C5UF4&feature=player_embedded#!

تم تعديل 10 يناير 2012 بواسطة الغريب

[Alshiekh]

شوف كدة الناس وهي بتزفه وتطرده وتتهمه بالعمالة

لو على الطرد ياريت تشوف الطرد في الفيديوهات دي وتقول لي رأيك إيه

http://www.youtube.com/watch?v=x6csqGe_wUs

http://www.youtube.com/watch?v=oFDcPOq4ln4

[Alshiekh]

طبعا أنا لم أضع الفيديوهات السابقة لموافقتي على تلك الأساليب،

ولكن فقط لآوضح للأستاذ الغريب انه بدلا من الإستشهاد بعمل مثل هذا ونعده من أعمال البطولة ، وجب علينا أن نستنكره وأن نشجع على الحوار المهذب وليس الهمجية في التعامل مع المختلفين معهم.

تحياتي للجميع

[م تيمور المراغي]

اما بالنسبة لكلام علاء الاسوانى و غيرهم من النزول يوم 25 انا شايف لو نزول للتذكير بمادىء الثورة و تذكير المجلس بان الشعب لن يرضى بغير تسليم السلطة فى الموعد المحدد و لن يقبل التسويف فى قضية مبارك والفاسدين و غيرها من القضايا المهمة فلا باس اما ان يتحول اليوم لاضرابات و شلل لاركان البلد و بلطجة و قله ادب فلا و الف لا

متفقين ..

ضيف اليها تسليم السلطه لرئيس مجلس الشعب المنتخب

وخليني اسالك لو لم يستجب العسكر لمطلب تسليم السلطه سواء في يناير او يونيو باي حجج كانت ايه حيكون رد فعل الشخصي او الآليات اللي تقترحها للتصعيد ؟؟

تحيتي .,.

[م تيمور المراغي]

وبيني وبينكم عشان الحق ماكانش ليها اي لازمه الاسواني يلمز الاخوان والسلفيين مش وقته خلاص الانتخابات مرحلة وعدت وتركيزنا بالكامل دلوقتي على طرد العسكر

حركه غير موفقه منه فرقت بيننا ولم توحد

و كل الاسلاميين ابو عمر وغيره الا من رحم ربي زي طارق المصري مسكوا فيها ونسيوا او تناسوا الهدف الرئيس وهو الحشد لطردا لعسكر من السلطه