تحذير هام لمحاورات المصريين إدارة وأعضاء

[محمد عبدالعزيز]

مش عارف بجد الموضوع ممكن يبان نكتة بس هو حقيقى مش نكتة

نقلاً عن الأستاذ جمال عيد المحامى, إن من ضمن التهم الموجهة لأيمن نور بعد التحقيق معه اليوم: ايهام الراي العام أن الفساد مستمر في مصر

ياريت بقى نقفل قسم محاربة الفساد ونبطل نتكلم عن الفساد نهائى لأنه اختفى من مصر -طبقاً لوجهة نظر المحقق- وإن الحديث عن إن الفساد مازال موجود فى مصر أصبح جريمة تستحق العقاب.

وأترك للإدارة حرية نقل الموضوع إلى قسم دعوة للابتسام أو أى قسم آخر تراه مناسباً.

واضحكوا يا ثورة

[se_ Elsyed]

لا استبعد ذلك لأن 4 من حركة 6 إبريل إتوجهت تهمة قلب نظام الحكم لما كانوا بيوزعوا منشورات تحض الناس عن المشاركة في ثورة 25 يناير القادم ..

والنهاردة الشيخ مظهر شاهين ونواره نجم وبعض الناشطين بيتحقق معاهم ... ووزراة الأوقاف احالت الشيخ مظهر للتحقيق .. وقبلها هجمت قوات الصاعقة البواسل على بعض منظمات المجتمع المدني وأمبارح وزير الداخلية بعضمة لسانة بيقول إننا بنتابع بإهتمام عن قرب الدعوات الموجهة لحرق البلد وتخريبها

إيييييييييه .. ما دايم الا وجه الله ... وخلونا نصبر يا جماعة ونقعد لحد شهر 7 اللي جاي ونصبر على المجلس ( لحد ما كلنا ننروح في حديد ) هههههههههههه

[احمد رضوان]

فاكرين مايكل منير ... تهمته كانت نشر أخبار كاذبه عن المجلس العسكرى في مدونته على الأنترنت ... معنى كده انهم بيتابعوا كل المواقع المصرية ومش بعيد يكون ليهم خلايا نشطة أو نايمه فيها ... ولا استبعد وجود بعضهم هنا بغرض خلق رأي عام مضاد او تضليل الرأي العام او او تعقب وتتبع مداخلات الأعضاء ... لمعرفة هوياتهم

وللأسف الناس لسه عايشه الوهم وفاكره ان فيه نيه لتسليم الحكم

تم تعديل 10 يناير 2012 بواسطة احمد رضوان

[نوران]

وللأسف الناس لسه عايشه الوهم وفاكره ان فيه نيه لتسليم الحكم

أيوة ما هم دول نفس الناس الجهلة المغيبة

هم هم حزب الكنبة اللي لا بيهش ولا بينش

هم هم اللي اختاروا الإخوان والسلفيين في الإنتخابات

هو الشعب اللي مابيفهمش وعايز يستقر وعجلة الإنتاج تمشي علي حساب الثورة

وكأن حضراتكوا اللي عملتوا الثورة لوحدكوا والشعب ده كان نايم في كوكب تاني

مش هم دول اللي نزلوا بالملايين في مصر بحالها مش التحرير بس

ولولاهم كان الشباب الثوريين اللي بيسخر منهم دلوقتي في خبر كان

الناس مش عايشة في الوهم ولا مغيبة

الناس عارفة إن فيه مخططات تحاك لأغراض أخري

وشايفين إن 30 يونيو مش بعيد

[Abu Reem]

يا استاذ محمد عبد العزيز

الخبر لا اجد به شيء ....يعني لما تتهم حد بالفساد تيجي تقدم ادلة قوية وتقدم مستندات لكي تستطيع ان تدين الشخص المتهم بالفساد لكي تستطيع المحكمة ان تحكم عليه

اما لو انا مثلا قلت ان استاذ محمد عبد العزيز مرتشي وقعد اردد ذلك دون دليل واضح يبقى انا كده بافسد اكثر من الذي اتهمته بالفساد

- وتذكر حادثة الافك التي اتهمت فيها السيدة عائشة رضي الله عنها ، لقد راها شخص ترجع بعد قضاء حاجتها ووجد رجل اخر تم تكليفه بالعودة للبحث عنها بعد ان تخلفت عن الركب فاتهموهم بابشع تهمه ..والرؤية قد تجعلك تسارع بالقاء اتهام ولكن هذا لا يكفي لا بد من دليل واضح وقاطع

لكي لا تصبح فوضى...وعندما اتهمك بالفساد دون دليل فاعتقد انه من حق النيابة ان تقدمني انا للمحاكمة

فكر بعقلك ولا تنشغل بمن يحاولون ان يخلطوا الحابل بالنابل...ولا تفعل كمجاهدي الكيي بورد الذين يملؤن المنتدبات فيدوهات ومقالات ثورة ,,,ويحمسون الشباب حي على الجهاد...اذهبوا لاسقاط المجلس الخائن...وبعد ان نطالبهم بالدليل القاطع...وبعد ان يذهب الشباب لكي يضحوا بارواحهم تجدهم

يتراجعون ويقولون .بعد ان تخرب البلد

عفوا

انتظروا حتى نتأكد من الدليل وتتضح الحقيقة

ثم يأتي بعد ذلك ليتهم غيره بانه يعمل لحساب المجلس

وأظنك شفت هذه العبارة في احد الموضوعات المفتوحة الان...

طيب انا متنازل عن ادانة المجلس بالفيديو ده الى ان تتضح حقيقته

تم تعديل 10 يناير 2012 بواسطة Abu Reem

[لماضة مصرية جدا]

فاكرين مايكل منير ... تهمته كانت نشر أخبار كاذبه عن المجلس العسكرى في مدونته على الأنترنت ... معنى كده انهم بيتابعوا كل المواقع المصرية ومش بعيد يكون ليهم خلايا نشطة أو نايمه فيها ... ولا استبعد وجود بعضهم هنا بغرض خلق رأي عام مضاد او تضليل الرأي العام او او تعقب وتتبع مداخلات الأعضاء ... لمعرفة هوياتهم

وللأسف الناس لسه عايشه الوهم وفاكره ان فيه نيه لتسليم الحكم

السلام عليكم و رحمة الله و بركاته

الحقيقة كتبت مداخلة بنفس المعني بس النت فصل

من فترة بتابع بعض اللجان بتسمي نفسها اللجان الالكترونية لحماية الثورة

احنا عارفين ان كل الافكار و المبادرات دلوقتي بتطلع يا من ع الفيس يا من ع تويتر و بعدين بتنزل علي الشارع

السؤال

المنتدي هنا ممكن يكون فيه محاولات لاختراقه

و للاسف اكتر ناس بتتدعي انها بتحمي الثورة....ممكن تكون هي نفسها اللي بتشوهها....(و خاصة لمافيه دعوات لحمل سلاح او عنف)

بتعرفوا ال اختراق ازاي؟؟؟

[م تيمور المراغي]

طيب انا المواطن المصري تيمور عبد المنعم المراغي بطاقة رقم قومي 27304192102171

باعلن عدم اعترافي بالمجلس العسكري الغير مؤهل لتولي اي سلطه سياسية او عسكرية في البلاد

وادعوا جماهير شعب مصر للخروج يوم 25 يناير 2012 لاسقاط المجلس العسكري الفاسد كما اسقطنا المخلوع محمد حسني مبارك وتسليم الصلاحيات الرئاسية و السلطه التنفيذية بالكامل لرئيس مجلس الشعب المنتخب

[ماستر]

مش عارف بجد الموضوع ممكن يبان نكتة بس هو حقيقى مش نكتة

نقلاً عن الأستاذ جمال عيد المحامى, إن من ضمن التهم الموجهة لأيمن نور بعد التحقيق معه اليوم: ايهام الراي العام أن الفساد مستمر في مصر

ياريت بقى نقفل قسم محاربة الفساد ونبطل نتكلم عن الفساد نهائى لأنه اختفى من مصر -طبقاً لوجهة نظر المحقق- وإن الحديث عن إن الفساد مازال موجود فى مصر أصبح جريمة تستحق العقاب.

وأترك للإدارة حرية نقل الموضوع إلى قسم دعوة للابتسام أو أى قسم آخر تراه مناسباً.

واضحكوا يا ثورة

يا راجل يا طيب حد طايل يدخل برتو طورة ويعيش يومين,

دة كدة مية مية smk:

[ماستر]

طيب انا المواطن المصري تيمور عبد المنعم المراغي بطاقة رقم قومي 27304192102171

باعلن عدم اعترافي بالمجلس العسكري الغير مؤهل لتولي اي سلطه سياسية او عسكرية في البلاد

وادعوا جماهير شعب مصر للخروج يوم 25 يناير 2012 لاسقاط المجلس العسكري الفاسد كما اسقطنا المخلوع محمد حسني مبارك وتسليم الصلاحيات الرئاسية و السلطه التنفيذية بالكامل لرئيس مجلس الشعب المنتخب

تيمور انت مش محتاج تكتب كل البيانات دى لانها اكيد عندهم من زمن :)

[م تيمور المراغي]

طيب انا المواطن المصري تيمور عبد المنعم المراغي بطاقة رقم قومي 27304192102171

باعلن عدم اعترافي بالمجلس العسكري الغير مؤهل لتولي اي سلطه سياسية او عسكرية في البلاد

وادعوا جماهير شعب مصر للخروج يوم 25 يناير 2012 لاسقاط المجلس العسكري الفاسد كما اسقطنا المخلوع محمد حسني مبارك وتسليم الصلاحيات الرئاسية و السلطه التنفيذية بالكامل لرئيس مجلس الشعب المنتخب

تيمور انت مش محتاج تكتب كل البيانات دى لانها اكيد عندهم من زمن :)

ماهو برضوا ملفاتهم وجرايمهم موثقة عندنا من زمان

ومش حنسكت الا لما يشرفوا جنب المخلوع ويلعبوا في مناخيرهم زيو

[Abu Reem]

:angrycop:

طيب انا المواطن المصري تيمور عبد المنعم المراغي بطاقة رقم قومي 27304192102171

باعلن عدم اعترافي بالمجلس العسكري الغير مؤهل لتولي اي سلطه سياسية او عسكرية في البلاد

وادعوا جماهير شعب مصر للخروج يوم 25 يناير 2012 لاسقاط المجلس العسكري الفاسد كما اسقطنا المخلوع محمد حسني مبارك وتسليم الصلاحيات الرئاسية و السلطه التنفيذية بالكامل لرئيس مجلس الشعب المنتخب

طيب صورة البطاقة بس

بدل ما ندور في الملفات :angrycop:

متنساش

[محمد عبدالعزيز]

عفواً يا أبوريم

لو الموضوع زى مانت بتفكر كده, كنا سمعنا عن طرف تانى - مش تالت ;)- مقدم بلاغ ضد أيمن نور, اللى هو زى مانت افترضت اتهمه بالفساد, وزى مانت قلت فى الموضوع التانى المتضرر هو اللى يروح يقدم بلاغ, ولا الموضوع كوسة ولا إيه.

وأعتقد فى الحالة دى -إن أيمن نور اتهم حد معين بالفساد بدون دليل- حتبقى التهمة حاجة تانية, سب وقذف مثلاً, أو بلاغ كاذب, إنما أكيد مش التهمة الجديدة لانج دى.

[محمد عبدالعزيز]

طيب انا المواطن المصري تيمور عبد المنعم المراغي بطاقة رقم قومي 27304192102171

باعلن عدم اعترافي بالمجلس العسكري الغير مؤهل لتولي اي سلطه سياسية او عسكرية في البلاد

وادعوا جماهير شعب مصر للخروج يوم 25 يناير 2012 لاسقاط المجلس العسكري الفاسد كما اسقطنا المخلوع محمد حسني مبارك وتسليم الصلاحيات الرئاسية و السلطه التنفيذية بالكامل لرئيس مجلس الشعب المنتخب

وادى واحد طرف تالت قلة مندسة خاين عميل مخرب بيوهم الرأى العام إن الفساد مازال يتوغل وينتشر ويستمر...ويستمر...ويستمر

[محمد عبدالعزيز]

مش عارف بجد الموضوع ممكن يبان نكتة بس هو حقيقى مش نكتة

نقلاً عن الأستاذ جمال عيد المحامى, إن من ضمن التهم الموجهة لأيمن نور بعد التحقيق معه اليوم: ايهام الراي العام أن الفساد مستمر في مصر

ياريت بقى نقفل قسم محاربة الفساد ونبطل نتكلم عن الفساد نهائى لأنه اختفى من مصر -طبقاً لوجهة نظر المحقق- وإن الحديث عن إن الفساد مازال موجود فى مصر أصبح جريمة تستحق العقاب.

وأترك للإدارة حرية نقل الموضوع إلى قسم دعوة للابتسام أو أى قسم آخر تراه مناسباً.

واضحكوا يا ثورة

يا راجل يا طيب حد طايل يدخل برتو طورة ويعيش يومين,

دة كدة مية مية smk:

لا ياعم ماستر ولا أعرفكم

أنا عندى عيال عايز أربيهم وأطلعهم مواطنين شرفاء مش زيكم قلة مندسة.

[se_ Elsyed]

تم منع أيمن نور من السفر ... والتهمة إن في واحد سمع واحد بيقول إيمن نور حرضه على حرق المجمع العلمي ... ولما واجهوا الواد اللي حرق بأيمن نور طلع ما يعرفوش .. ههههههه

طبعاً مافيش حد فيكي يا بلد فوق القانون

لكن مش ملاحظين إنهم بيسابقوا الزمن عشان يشوهوا كل ما يتعلق بالثورة والمشاركين بها عشان فاضل أسبوعين على 25 يناير وبالتالي لحد ما ييجي اليوم ده يخلوا الناس تقول إخييييييييييييييييه دول فعلاً شوية عملاء وخونة ومجرمين اللي عملوا الثورة

[elzahraa]

ملخص اللي بيحصل دا اكلت يوم اكل الثور الابيض و الدور جاي على الكل

اجابة ما يحدث الان هو المقارنة بين الاعداد اللي نزلت الثورة في 18 يوم و الاعداد دلوقت

الناس دي راحت فين

اقولكم انا راحو فين

من يوم اافبراير و بدا الاستقطاب الحاد و التعالي يبان

و كانت النتيجة ان الشعب انسحب من تأيده من تعالى عليه ووصفه بالكسل والركود

و انضم الى المجني عليه او من تم الاستقطاب ضده وهو التيار الاسلامي

و جه الاستفتاء ووضح خريطة الطريق اللي الشعب ارتضاها

لكن رفضها و تكرار كلام احمد عز و عمر سليمان عن جهل الشعب كره الشعب في الصوت العالي اكتر و اكتر

لغاية ما وصلنا للي احنا فيه شخصيات محترمة جدا و ما اشتركتش في استقطاب ولا اي شئ وقعت تحت قبضة العسكر و الناس مش راضية تتعاطف لانها تعبت من الصوت العالي

ايمن نور شخصية محترمة ودفع كتير جدا عشان البلد و اتسجن ظلم و مع كامل اخترامي للبرادعي هو نادى بالتغيير قبليه من جوة البلد ودفع التمن غالي جدا

نوارة نجم من زمان وهى بتعارض و بردو اعتقلت و اتعذبت وامنت بالديمقراطية و احترمت الشعب

بجد لما الشخصيتين دول يجي عليهم الدور لازم الكل يفوق و يتضامن معاهم

و بفكركم تاني اكلت يوم اكل الثور الابيض

اكلت يوم ما هاجم الاعلام السلفيين و تعالى الجميع عليهم فخرجو من الاجماع

وحصلهم الاخوان لانهم كانو بيترضو من الميادين

و بفكركم ان ساعة الاستقطاب قلنا بكرة يا يسار و يا يمين تقولو اكلنا يوم اكل السلفيين

لازم التخوين ينتهي و الثوار يرجعو الفصيلين دول للصف

و شكرا

تم تعديل 10 يناير 2012 بواسطة elzahraa

[ماستر]

السلام عليكم و رحمة الله و بركاته

الحقيقة كتبت مداخلة بنفس المعني بس النت فصل

من فترة بتابع بعض اللجان بتسمي نفسها اللجان الالكترونية لحماية الثورة

احنا عارفين ان كل الافكار و المبادرات دلوقتي بتطلع يا من ع الفيس يا من ع تويتر و بعدين بتنزل علي الشارع

السؤال

المنتدي هنا ممكن يكون فيه محاولات لاختراقه

و للاسف اكتر ناس بتتدعي انها بتحمي الثورة....ممكن تكون هي نفسها اللي بتشوهها....(و خاصة لمافيه دعوات لحمل سلاح او عنف)

بتعرفوا ال اختراق ازاي؟؟؟

شوفى يا لماضه المخترقين دة لفظ يطلق على اتباع الامن (مبارك و من بعدة العسكرى) علشان تعرفيهم صفاتهم كالتالى:

1- ديما يحلل كل حاجة لمبارك ومجلسه العسكرى حتى لو غلط

2- بيعارض كل فكرة بنائة

3- بيشتت كل موضوع جد فى مصلحة للبلد

4- ديما يعمل بلبلة وفتن وتهييج للناس على بعضيها

5- بيسأل اسألة زى وكيل النيابة

6- لما تردى على كل طلاباتة وتضحدى كل حججه يدخل ليكى من زاوية انسانية ويطبق نظريات علم النفس

7- ميصدق يلقى غلطة كتابية فى كلامك ويقعد يعيد فيها

8- بيحط مصادر مجهولة لموضوعاته

9- بيقول كلام على لسانك انت لم تقوليه

10- بيحط موضيع سمك لبن تمر هندى المهم انها تخوف الناس وخلاص

11- ديما عكس اتجاة الثورة

[ماستر]

طيب انا المواطن المصري تيمور عبد المنعم المراغي بطاقة رقم قومي 27304192102171

باعلن عدم اعترافي بالمجلس العسكري الغير مؤهل لتولي اي سلطه سياسية او عسكرية في البلاد

وادعوا جماهير شعب مصر للخروج يوم 25 يناير 2012 لاسقاط المجلس العسكري الفاسد كما اسقطنا المخلوع محمد حسني مبارك وتسليم الصلاحيات الرئاسية و السلطه التنفيذية بالكامل لرئيس مجلس الشعب المنتخب

تيمور انت مش محتاج تكتب كل البيانات دى لانها اكيد عندهم من زمن :)

ماهو برضوا ملفاتهم وجرايمهم موثقة عندنا من زمان

ومش حنسكت الا لما يشرفوا جنب المخلوع ويلعبوا في مناخيرهم زيو

مصر لسة عايزك يا تيمور, بعد 25 يناير ان شاء الله كله هيتغير :egyflag:

[متعب]

يسقط يسقط حكم العسكر

ميت مرة

ومليون مرة

ومش هعترف بيه كحاكم للبلاد لانه حكمها كده بالبلطجه

لانه انا كمصرى لن انتخبه اواخوله وبالتالى ليس له حق محاكمه احد ايا ان كان لانه غير مخول من قبل الشعب كسلطه حاكمه . والشعب فى الشارع مش معترف بيه

وكمان الانتخابات دى مزورة واتزورت عن عمد لخلق النظام من جديد على ايدى التيارات الاسلاميه التى تعهدت بعوده النظام كما هو والتضحيه برئيسه فقط

عاوزين دليل على تزوير الانتخابات

حاضر من عنيه الاتنين

هنزل موضوع حالا موثق

[ماستر]

لا ياعم ماستر ولا أعرفكم

أنا عندى عيال عايز أربيهم وأطلعهم مواطنين شرفاء مش زيكم قلة مندسة.

كدة من اول قلم بتعترف, دة برد كلام