اذهب إلى المحتوى
محاورات المصريين

يوميات مشرف فى المنتدى ‍‍‍!!!

حشيش

بواسطة حشيش
في دعوة للأبتسام

 مشاركة

Recommended Posts

yasovinas عضو جديد

yasovinas

بتاريخ:
بتاريخ:

حشيش استاذ كوميديا وس س ما حصلش

ايه الحكاية هو العيد عمل فيكم ايه يا شباب

انا لسة النهارده فاتح الموضوع بعد الرجوع من مصر بصراحه مش ممكن اعجاز

اللي انتم فيه دي دماغ عالية انا لي ساعه ونصف بضحك مش قادر عضلات وجهي قفشت والله تعبت الله يسامحكم بس بصراحه علشان خاطر ربنا ما تبطلو كملوا

Yasso.gif

رابط هذا التعليق
شارك
  • الردود 97
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

سقراط المصري عضو جديد

سقراط المصري

بتاريخ:
بتاريخ:

س السيد وحشيش

nrd: :blink: f((: ty:) clwn:

سقراط

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
hamo90 عضو جديد

hamo90

بتاريخ:
بتاريخ: (معدل)
..يشير معاونوا الرئيس عليه بأن يبدأ بباب هدى الإسلام حتى تنقل الصحف ووكالات الأنباء نزعته الدينية التى تتسم بالإعتدال والفهم الصحيح للدين الإسلامى الحنيف بعيداً عن التطرف والإرهاب 

يدخل مبارك إلى باب هدى الإسلام ويقوم بأداء ركعتين شكراً لله ظناً منه أنه قد تخلص من الأعضاء المشاغبين ولا يدرى أن جميع الأعضاء محبوسين داخل باب السياسة الداخلية وأن من تم إعتقالهم هم المشرفين....يؤم الصلاة الشيخ طنطاوى داعياً الله عز وجل أن ينصر صاحب الضربة الجوية التى فتحت باب الحرية وأن يخزى الأعضاء الفاسقين على إختلاف مذاهبهم ومشاربهم وأن ينصره عليهم 

الجزء ده صراحة عجبني جدا

أحلي حتة أكتبت في الصفحتين الي فاتوا

وبصراحة برده الموضوع من أوله مالوش حل clwn:

وكمل علي بركة الله يا أمبراطوار الكصة الكصيرة :blink:

حمو

تم تعديل بواسطة hamo90

jihad_19.gif

أتمني أن يأتي اليوم الذي نعيش فيه الديموقراطية , لا أن نكتفي بالتشدق بها .......read.gif

<span style='font-size:21pt;line-height:100%'><span style='font-family:Times'>

خير الكلام ما قل ودل</span></span>

رابط هذا التعليق
شارك
c'est la vie عضو جديد

c'est la vie

بتاريخ:
بتاريخ: (معدل)

إمبارح كان عندى امتحان وقولت قبل ماانزل اريح دماغى شويه

واقعد خمس دقايق.. mfb:

مافيش خمس دقايق ولقيت ساعه عدت (راجع النظريه النسبيه :huh: ),مالقيتش فاضل ع الامتحان غيرساعه الا ربعmf-: والحمد لله وصلت ع المعاد بالظبط.. :blink:

بس ماشاء الله حضرتكم بتجيبوا الكلام دة منين mc:

بس ياجماعه اتمنى ان يتم وضع الاتى في جدول اليوميات:

1- تقريرهناء سمرى -قطاع الاخبار .. gt:

2-المؤتمر الصحفي الذي سيلقيه السيد الاستاذ الوزير السفير المتحدث الرسمى باسم رئاسة الجمهوريه.. :D

وربنا يستر trch:

تم تعديل بواسطة c'est la vie

ألقاك في عصف الذهول المر ..

تجتاز الفجاج السود , مخبولاً شقيا ..

مالذي سدد في قلبك سكيناً ..

وبعينيك سؤالاً .. أخرس الدمعة ..

وحزناً آبديا ..

{ فاروق شــوشة }..

رابط هذا التعليق
شارك
kfaya عضو جديد

kfaya

بتاريخ:
بتاريخ:

حشيش ..... س س

أنا ضحكت النهاردة كما لم أضحك من سنوات ....

ربنا يسعدكم و يخليكوا لينا ...

تمشيا مع رغبة سى لا صول فا ...

نفسى ..... أشوف مدام سلوى بجوار ماما سوزان ( على فكرة هم الأثنتان أخر ديستانجية و ألا درنيير مود ) وهما جالستان على أثنين فوتيه لوى سيز فى باب المرأة و الطفل , يتحدثتان فى جلسة ودية عن صوفى خوان كارلوس و كيف كانت زميلة سوزان مبارك فى مدرسة سان مارك بالأسكندرية و صديقة شخصية لها .... و كيف أن مدام سلوى تتحدث الأسبانية بطلاقة و عضوة بعدة جمعيات خيرية و نسائية فى أسبانيا و ايضا على معرفة بالعائلة الأسبانية المالكة ..

كدا نبقى كسبنا سوزان مبارك لصفنا بالتأكيد .... بلا كتب , بلا تطعيم ..

ماما سوزان مفتاحها .... مدام سلوى ..

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

حقيقي مش عارف أشكر إزاي جميع الزملاء اللي شجعونا على إجتهادتنا المتواضعة دي .... والحمد لله إننا قدرنا نسعدكم .. على فكرة أنا ما عملتش حاجة غير إني جيت الموضوع أجامل أخويا وحبيبي حشيش مجاملة بسيطة في الموضوع الظريف اللي بدأه .. ومن هنا بأجدد العهد وأقوله إن قلمي وبرايتي وكراستي الصفحة وصفحة في خدمتك يابو الأحاشيش .

شكراً مرة آخرى لكم جميعاً وشكر خاص للأستاذ عادل أبوز يد اللي إتصل بي تليفونياً بالأمس مخصوص عشان يهنينا على الموضوع الجميل ده .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
sos عضو جديد

sos

بتاريخ:
بتاريخ:

بصراحة.....موضوع....به كثير من التعب....والذكاء ....ومتابعة الاحداث...والنقد اللاذع.....والكثير الكثير...كل هذا ومغلف بالابتسام...بل والضحكات.....

فشكرا حشيش (الاستاذ الفنان الصادق والاديب المفكر :blink: )

وكذلك س س(الذى اثبت انه ندا لحشيش)

:huh: mfb: mf-:

لا

==================================

كل شيىء لابد ان يكون بسيط ولكن ليس ابسط....من اقوال اينشتين

رابط هذا التعليق
شارك
حشيش عضو جديد

حشيش

بتاريخ:
  • كاتب الموضوع
بتاريخ: (معدل)
شكراً مرة آخرى لكم جميعاً وشكر خاص للأستاذ عادل أبوز يد اللي إتصل بي تليفونياً  بالأمس مخصوص عشان يهنينا على الموضوع الجميل ده .

وأنا أيضاً تلقيت العديد من الإتصالات من ملوك ورؤساء الدول العربية والأجنبية لتهنئتنا على الموضوع ويعكف حالياً سكرتيرى الشخصى الأستاذ أرنوب حسين على إرسال برقيات وفاكسات للرد عليهم لدرجة إن أرنوب هدد بالإستقالة من كتر الشغل اللى جه على ودانه قصدى على دماغه إلا إذا قمت برفع مرتبه الشهرى إلى حزمتين جزر وعدد 12 خساية ولكنى رفضت إبتزازه وحالياً ماسكه من ودانه ونازل خبط فى وشه فى الحيطة علشان يحرم :blink:

تم تعديل بواسطة حشيش

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
حشيش عضو جديد

حشيش

بتاريخ:
  • كاتب الموضوع
بتاريخ:

يخرج الرئيس ومرافقيه من باب هدى الإسلام متوجهين إلى باب السياسة الداخلية ... يتحين كمال الشاذلى فرصة تزاحم الحرس ليحيطوا بالرئيس أثناء خروجه من باب هدى الإسلام وينفصل عن الموكب ليدخل باب المطبخ pps:

كمال الشاذلى لنفسه : يا مشاء الله والحارس الله....إيه ده كله...إيه ده كله...بطة بالشاميل....لما ادوق كده....الله الله الله....وده إيه ده....بطاطس بوريه بفتة الكوارع....ياسلام سلم الحلة بتتكلم....وإيه اللى هناك ده...ورك غراب بالشامبنيون.....جميل جداً روعة....ودى إيه دى...مربة جزر بأعشاب البحر... حبيبى يسعد أوقاته......يأكل كيمو حتى لم يتبقى فى بطنه مكان لأى شئ أخر فيعود متسللاً لينضم لموكب الرئيس ليجدهم قد وصلوا إلى باب السياسة الداخلية wst::

يفتح الحرس الباب ليجدوا مئات الأعضاء المحبوسين داخل زنزانة حديدية ضخمة وقد بلغ بهم الإعياء مبلغه

يتساءل مبارك: مين دول f((:

سى فود: إحنا الشعب...أرض بلدنا ملك الشعب...إحنا الشعب

أخناتون: كان نفسى أشوفك من زمان ياغراب الخراب gsm::

يتحرك أحد معاونى الرئيس تجاه أخناتون لإعتقاله ولكن مبارك يمنعه قائلاً....دول مفيش منهم خوف مدام ما مفيش معاهم سلاح....الناس دى التعب والفقر هد حيلها....سيبهم يتكلموا براحتهم....خليهم يعبروا عن رأيهم....المهم الكلام اللى حيقولوه هنا محدش يسجله...يعنى لا الإذاعة ولا التليفزيون ولا الصحافة تسجل أى حاجة من الكلام اللى حيقولوه دلوقتى

سمير رجب: يلا ياولاد...قولوا اللى فى نفسكم....أوكازيون...كلنا سامعينكم....أظن ده أكبر درس عملى ليكم إن مصر بتعيش أزهى عصور الديموقراطية....سمعونا ياجماعة تسقيفة للزعيم الرمز مبارك

يقوم مرافقى الرئيس بالتصفيق لمبارك الذى رفع يده لتحيتهم بينما يرفع الشيخ طنطاوى يديه إلى السماء داعياً للرئيس بالنصر على الأعداء

يكرر مبارك...خايفين ليه ياولاد....إتكلموا....أنا سامعكم

تلمح سوزان مجموعة من عضوات المحاورات وقد بلغ بهن الإعياء مبلغه ...تقول سوزان يتهيأ لى نبتدى بالبنات والستات الأول...ليدز فيرست... وبعد كده نستمع للولاد... تنادى على إحداههن....تعالى ياشاطرة ما تخافيش....إسمك إيه ياحلوة

فيروز: إسمى فيروز :P

سوزان: إسمك حلو أوى...مش عايزة تسألى عن أى حاجة يافيروز

فيروز: هوه مفيش فى مصر أمراض يا أبلة غير شلل الأطفال...مسمعناش حضرتك إهتميتى بأمراض تانية كتير موجودة ومنتشرة فى مصر زى إلتهاب الكبد الوبائى أو البلهارسيا أو الربو والأمراض الصدرية نتيجة تلوث الهوا اللى بنشمه shn::

كمال الشاذلى مقاطعاً فيروز: بنتتتتتتت cr((: .....مش كويس كده يافيروز

يأمر كمال الشاذلى الحرس الخاص قائلاً: خدوها تتفسح شوية....أكيد نفسك تشوفى أنور وجدى يافيروز مش كده ياحلوة....أنا حبعتك ليه ولا يهمك

تنادى سوزان عضوة أخرى.....تعالى ياشاطرة قربى.....إنتى إسمك إيه

كليو: إسمى كيلوبطة ...تقدرى تقولى لى كليو على طول kis)-

سوزان: وانتى ياكليو مش عايزة تقولى حاجة

كليو: ليه ياطنط ما بتدوش الفرصة للشباب فى مصر إنهم يتنافسوا مع إبنك جمال منافسة شريفة فى الحياة السياسية...ليه هوه بس اللى فى الصورة و......

الشيخ طنطاوى مقاطعاً كليو بحده cl:: إيه يابنتى اللى إنتى بتقوليه ده....إستغفرى لذنبك....اللهم أحصها عددا...واقتلها بددا....ولا تجعل فينا أو مثلها أحدا

يشير كمال الشاذلى إلى معاونيه بأن يأخذوا كليو إلى المعتقل.....يقتاد الحرس كليو بالقوة إلى خارج باب السياسة الداخلية وهى تصيح.....وااامعتصماه ......واااامعتصماه .... يرد عليها كمال الشاذلى بسخرية لبيك يا أختاه....يضحك الرئيس ومعاونوه كما لم يضحكوا من قبل....يقول الشيخ طنطاوى لكليو وعلى شفتيه إبتسامة عريضةً... طب قولى وااااامباراكاه مش واااامعتصماه :lol:

يتبع

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

ياللا يا حشيش بقى بسرعه

فين باقى القصه الله يعمر بيتك

انت بجد استاذ كصه كصيره

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

حشيييييييييييش

هو كورال الفتيات مش هيغنى غنوة "انا بنت مصريه" !! cr((:شريف صبرى ماجاش مع الجماعه؟ gsm::

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:

ماشى يا حشيش...

إما غمزت سى السيد بقرشين عشان يخللى نهايتك فى القصة دى على إيدين حبيبك العادلى...!!!! gsm::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Lighthouse عضو جديد

Lighthouse

بتاريخ:
بتاريخ:

حلوة قوي قوي ياحشيش

فين الباقي

ماتتأخرش

انت مصيبة كصصية زعيع gsm::

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك
حشيش عضو جديد

حشيش

بتاريخ:
  • كاتب الموضوع
بتاريخ:

تشير سوزان إلى فتاة تبكى بحرقة....تعالى ماتخافيش... مين ده اللى مزعل ست البنات....إسمك إيه ياحلوة

لايت هاوس: إسمى لايت

سوزان: بتعيطى ليه يالايت

لايت: دخلت المطبخ ياأبلة لقيت كل الحلل مفتوحة والطبيخ مسروق...حتى ورق الفويل اتاكل...إلهى ماتتهنى بيه ياللى سرقت تعبى وشقايا :P

يرتبك كمال الشاذلى ويدير ظهره بسرعه حتى لا تلحظ لايت بقع الصلصة على قميصه وبدلته ويقول بغضب...إيه التخاريف اللى بتقوليها دى يابنت...حلل إيه وطبيخ إيه...إحنا جايين نهرج هنا...يالا امشى ما تضيعيش وقت سيادة الريس....لو عندك سؤال عايزة تسأليه إتفضلى...لو ماعندكيش ورينا عرض كتافك sbx:

لايت: أمرى لله...ممكن أسئل الريس عن الجراد

مبارك وهو يبرطم بكلمات بصوتٍ منخفض لم يسمعها إلا الجالسين إلى جواره: يادى الجراد وسنين أم الجراد...الله يخرب بيتك يافقرى ياإبن الفقرى ياللى فى بالى....ثم يتحدث إلى لايت...ماله الجراد يابنتى

لايت: إزاى الحكومة تعلن إن الموقف تحت السيطرة ونصحى من النوم نلاقى الجراد فى بيوتنا

مبارك: شوفى يابنتى...أنا يمكن بقول الكلام ده لأول مرة....الموضوع إبتدى من شهرين فاتوا...كنت فى زامبيا بحضر الجلسة الإفتتاحية لمؤتمر القمة الأفريقى....بعد الجلسة طلعت الجناح المخصص ليا علشان أنام...فؤجئت برئيس كينيا (مومباسا) نايم فى السرير بتاعى...طبعاً للإنصاف هوه عمل كده بدون ما يقصد...يعنى غلط غير مقصود من ناحيته خلاه دخل الجناح بتاعى على إنه الجناح بتاعه...الحقيقة أنا أول ما دخلت الجناح لقيت ريحة الأوضة تقرف الكلب الجربان...فزغدته بعنف وقولت له قوم فز من على سريرى **************....الحقيقة الراجل قام واعتذر ومشى من سكات بس حسيت إنه شالهالى....مفيش شهرين يابنتى إلا وأسراب لا أول لها ولا أخر من الجراد بتجتاح مصر.....إتصلنا على الفور بالوزير عمر سليمان وبعد تحريات مكثفة أكد لنا إن مومباسا عمل لنا عمل وربطه فى رجل سحلية سودة....الشيخة أم صباح العمشة ربنا يكرمها عملت لنا حجاب (وأخرج الحجاب من جيبه) وزعنا ملايين النسخ منه على جميع الإدارات الزراعية فى مصر وجارى حالياً إلقاء الحجاب بطائرات الرش على كل المحافظات المنكوبة ;)

لايت: ومكتوب فيه إيه الحجاب ده

مبارك: الشيخه أم صباح العمشة أخدت العهد على الجراد إنه لا يإذينا ولا نأذيه ...ومن ساعتها يابنتى بطلنا نرش... ولا إيه ياشيخ طنطاوى

طنطاوى: وإن جنحوا للسلم فأجنح لها....طالما أن الجراد قد كف يده عنا فلا يجوز لنا قتاله mfb:

سوزان: مين القمر اللى واقفة تدندن هناك دى :D ...تعالى ياأمورة...إسمك إيه

شعنونة: شانااااااااااااااااا

سوزان: كنتى بتغنى بتقولى إيه ياشانا

شعنونة: يادبلة الخطوبة عقبالنا كلنا....ونبنى طوبة طوبة فى عش حبنا

سوزان: إنتى مخطوبة

شعنونة: أأأأأأيوه

سوزان: وبتحبى خطيبك

شعنونة: لالالالالالالالالالالالا

سوزان: أمال بتحبى مين

شعنونة: لا بحبه....ولا بحبك....ولا حتى بحب نفسىىىىىى

سوزان: لقيتوا شقة

شعنونة: لالالالالالالالالالالا

سوزان مخاطبةً جمال مبارك: شوف لها شقة عندك فى الجمعية يا جيمى

جمال: ولو إن الشقق كلها محجوزة لكن طلباتك أوامر ياماما.....عدى عليا بكره فى الجمعية ياشانا ومعاكى ألف جنيه مقدم حجز.....فيه عندى شقة اوضة وصالة وحمام مساحتها 12 متر

شعنونة: مفيش مطبخ :P

جمال: ولزومه إيه المطبخ...محلات الوجبات السريعة ماليه البلد....بعد ما تكونوا نفسكم خصصوا مساحة من اوضة النوم واعملوها مطبخ

طنطاوى: يابنتى ما ملئ ابن آدم وعاءً شر ُُ ُ من بطنه

يخرج فجأة من الزنزانة الحديدية المحبوس فيها الأعضاء شاب لحيته غير مهذبة وشعره منكوش يمسك فى يده ورقة كبيرة ويتقدم نحو الرئيس....يستعد الحرس الخاص بالرئيس ويشهروا أسلحتهم...تصرخ بنت مصرية وتقول لا تقتلوه...ده زميلنا أسامة يس كان محضر قصيدة ترحيب بالرئيس وجاى علشان يلقيها...ده شاعر موهوب ولعله أفضل من قرأت لهم خلال الخمسين سنة الماضية :).....من داخل الزنزانة تتعالى صيحات الأعضاء مؤكدين على كلمات بنت مصرية

مبارك: سمعنا ياسيدى

اسامة يس: لا تسئلينى من أكون....خفقات قلبى فى سكون...لا تخدشى ذاك السكون...لا تسحقينى....ادفعينى....احرقينى....لكن لا تسلمينى للجنون....فمداد قلمى لن يهون...حشرجة صوتى لن تكون...لا تخدشى ذاك السكون....لا تخدشى ذاك السكون

يقف فاروق حسنى ويصفق بحرارة لأسامة يس

مبارك مخاطباً الشاذلى: بيقول إيه ده !!!؟؟؟

الشاذلى: كلام ثقافة ملناش فيه إحنا ياريس...المهم سقف وخلاص علشان ما يقولوش عليك ****:P .....يقف مبارك ويصفق بحرارة لأسامة يس.

يتبع

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
yasovinas عضو جديد

yasovinas

بتاريخ:
بتاريخ:

حشيش اقول ايه ما حصلتش فكاهه موجعه يا ابني اجمع الموضوع ده وابعته لمنتج سيما ولا للتليفزيون وطبعا غير الشخصيات على انها في ايام الملك ولا عبد الناصر ولاحتى السادات وهتمشي معاك حلاوة الله يفتح عليك

Yasso.gif

رابط هذا التعليق
شارك
حشيش عضو جديد

حشيش

بتاريخ:
  • كاتب الموضوع
بتاريخ:
حشيش اقول ايه ما حصلتش فكاهه موجعه يا ابني اجمع الموضوع ده وابعته لمنتج سيما ولا للتليفزيون وطبعا غير الشخصيات على انها في ايام الملك ولا عبد الناصر ولاحتى السادات وهتمشي معاك حلاوة الله يفتح عليك

خلاص ياعم ياسو شوف لى منتج يتبنانى ويقوم بتمويل أعمالى الفنية وليك 25% من الأرباح :P

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
خلاص ياعم ياسو شوف لى منتج يتبنانى ويقوم بتمويل أعمالى الفنية وليك 25% من الأرباح  :P

ومنتج غريب ليه ياخويا .. مانت عاملهم على قلبك قد كده .. وماتخليناش نتكلم .. وحياة الخاتم السوليتير بتاع الخطوبة وشهر العسل اللي قضيته في قبرص ومالطه .... بلاش نتكلم بقى ..

ما هو بربع المصاريف اللي مالهاش لازمه دي كنا زماننا عبينا فيلم انا وإنت وننزله على العيد الكبير ونلم ونقب بقى على وش الدنيا بلا غُربه بلا كفيل بلا قرف ...

وممكن كمان يبقى فيلم عائلي .. يعني مش هانعتمد على أبطال من بره .. كله من المحاورات ...

العنصر الرجالي عندنا ... العناصر النسائية موجودة .. الكومبارس ( اللي هما الزوار المخفيين .. ) برضوا موجودين ... والأشرار ( اللي هما المشرفين ) برضوا موجودين ....

والموسيقى التصويرية .. فيولنجكنج يشتغل شوية بالكمنجة بتاعته بمصاحبة المايسترو الدكتور رجب وعوده الرنان ... ونشوف حد صوته حلو ويديها كام اغنية ( نفسي حد يستكشفني يا ناس ... هاموت واغني اغاني حزينة ) .... والإخراج هايبقى لشريف عبد الوهاب أهو بيعرف شوية فن مش بطالين .... وأهو يبقى ماناقصش حاجة على الفيلم غير التعبية في الشرايط والسي ديهات الأصلية والمضروبة .. وخلي بالك هانضمن التوزيع الخارجي .. واهم حبايبنا بتوع المحاورات كتير وكل واحد نازل أجازة نشيله شوية شرايط يوزعهم ماطرح ما هو عايش ... وتبقى قشطة وميت فل و إتنين وعشرين .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
وليد صفوت عضو جديد

وليد صفوت

بتاريخ:
بتاريخ:
والموسيقى التصويرية .. فيولنكنج يشتغل شوية بالكمنجة بتاعته بمصاحبة المايسترو الدكتور رجب وعوده الرنان

و الله فكرة .....

بس انا باخد حقى مقدم ... :)

زائد خدمة التوصيل للمنازل md2:

و ألفين جنية تبرع لجمعية جيل المستقبل :D

و ألفين جنية تبرع لمشروع مكتبة مبارك :D :P

و باقى التبس حيكون تبرع لصالح ترميم الواجهة بتاعة بيت الريس ....أصل يا عينى بقاله 6 شهور بيلم فلوس عشان يدهن الواجهة ... و مكسوف من الامراء و الرؤساء اللى بيجوله لما يشوفوا منظر الواجهة ! حاجة تكسف ! :P :P :P

44489_10151097856561205_1288880534_n.jpg

رابط هذا التعليق
شارك
وليد صفوت عضو جديد

وليد صفوت

بتاريخ:
بتاريخ:

عمل فنى رائع بلا شك يا سى السيد ...و يا حشيش ....

يا ريت تعملوا الجزء التانى و التالت و الرابع من اليوميات دى ....و تخلوها فى كل أول شهر ... عشان - لا مؤاخذة - تربطوا الاعضاء عالمحاورات ليل نهار ...

فى الشغل يفتحوا المحاورات .... فى البيت يحلقوا لأهل بيتهم و يفتحوا المحاورات ...... فى الشارع يدخلوا على اى نت كافيه و يفتحوا المحاورات .....قبل النوم ...... بعد النوم ..... قبل الاكل .... بعد الاكل ....

دا انتم حتبقوا إدمان .....!

44489_10151097856561205_1288880534_n.jpg

رابط هذا التعليق
شارك
حشيش عضو جديد

حشيش

بتاريخ:
  • كاتب الموضوع
بتاريخ:
عمل فنى رائع بلا شك يا سى السيد ...و يا حشيش ....

يا ريت تعملوا الجزء التانى و التالت و الرابع من اليوميات دى ....و تخلوها فى كل أول شهر ... عشان - لا مؤاخذة - تربطوا الاعضاء عالمحاورات ليل نهار ...

فى الشغل يفتحوا المحاورات .... فى البيت يحلقوا لأهل بيتهم و يفتحوا المحاورات ...... فى الشارع يدخلوا على اى نت كافيه و يفتحوا المحاورات .....قبل النوم ...... بعد النوم ..... قبل الاكل .... بعد الاكل ....

دا انتم حتبقوا إدمان .....!

شكراً جزيلاً ياأخى العزيز فيولينكنج md2:

نداء إلى الأديب والمفكر الشاب سى السيد: انته رحت فين !!؟؟...ليه بطلت تكمل معايا الحلقات ؟؟؟ :)

أَلا إِنَّ نَصْرَ اللَّهِ قَرِيبٌ

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...