صبحي صالح : تكريم المجلس العسكرى '' واجب '' فى الذكرى الأولى للثورة

[eslam elmasre]

أكد صبحي صالح القيادى بجماعة الأخوان المسلمين وعضو مجلس الشعب أنه يجب تكريم المجلس العسكري فى الذكرى الأولى للثورة وقبل إنتهاء ولايته المؤقته وتسليمه السلطه للرئيس المنتخب .

وقال : '' أرفض الدعوات التى تنادى بتسليم السلطة في الذكري الأولي للثورة 25 يناير الحالى .

وأوضح صالح أن تكريم المجلس العسكرى واجب علينا ردا على الأداء الجيد له والألتزام بالإعلان الدستوري .

وأشار القيادى بجماعة الأخوان المسلمون إلي توافقه مع رئيس المجلس الإستشاري منصور حسن في رفضه مصطلح ''الخروج الآمن للمجلس العسكري'' والذي يراه غير لائق لما قدمه العسكرى .

وحول تحميل بعض القوي السياسية المسؤلية للمجلس العسكري في أحداث العنف التى شهدتها البلاد من ماسبيرو إلي مجلس الوزراء قال '' تلك الأحداث مازال قيد التحقيق، وقد فوجئنا باستدعاء بعض الشخصيات مثل ممدوح حمزة وأيمن نورويجب الإنتظار حتي النهايه''

وأكد عضو مجلس الشعب رغبته في إتمام انتخابات مجلس الشوري والالتزام بالإعلان الدستوري .

الرباط الخاص بي

قال افتكر لك ايه يا بصلة وانتي كل قطمة بدمعة

صبحي صالح بيحن لاصله والطبع غلاب

اصله كان صول في البحرية وربنا كرمه وانضم للجماعة وذاكر واجتهد واصبح شيء وشويات دلوقتي

[م تيمور المراغي]

بلاوي المعتقلات اثرها واضح اوي :happy:

[se_ Elsyed]

انا فعلاً ...

متفق مع مقولة إن " إكرام المجلس ... دفنه "

[م تيمور المراغي]

صحيح ايه ماسورة التصريحات الاخوانجيه اللي طفحت غزل في العسكر كل شويه !

انا ماشوفتش كده ,,

[Abu Reem]

برافو صبحي صالح

بانتظار المزيد ،،، خطوة موفقة ودراية بكيفية معالجة الامور....

وقريبا سيندثر مدعي البطولة ،،، مشعلي الحرائق المخربون

[م تيمور المراغي]

احكيلكم حدوته

عن ساعي بنجلاديشي غلبان عندنا شغال بوظيفة ساعي بقاله كام سنه

الولد ربنا كرمه والشركه عينته في منصب اداري بسيط وبقى ليه مكتب بعد ماكان بيقعد في الاوفيس

تخيلوا

لحد النهارده كل مايشوف المدير العام داخل الشركه

يجري يشيل له الشنطه ويدلدل كتافه وهو ماشي وراه

مغزى القصه

العبيد تشكر جلاديها

وعيب على اي اخواني انه ينسى اللي عملوه العسكر فيه وفي اسرته وفي ( جماعته )

ويجري يطبل كل خمس دقايق ليهم في كل مكان بالمنظر المقزز ده

احكيلكم تاريخ العسكر الاسود معاهم ولا انتوا اكيد عارفين ؟؟

[م تيمور المراغي]

استثني شباب الاخوان المسلمين اللي كانوا معانا من يوم 28 يناير ورفضوا اوامر مكتب الارشاد بالانسحاب من الميدان ليلة 3 فبراير و طلعوا البيان ده من كام ساعه

شباب «الإخوان»: مصر لن تقبل عقد صفقة بين الجماعة والمجلس العسكرى \\ الرباط الخاص بي

[الباشمهندس ياسر]

برافو صبحي صالح

بانتظار المزيد ،،، خطوة موفقة ودراية بكيفية معالجة الامور....

وقريبا سيندثر مدعي البطولة ،،، مشعلي الحرائق المخربون

لا اله الا الله

هو ليه معندناش غير يا يمين يا شمال

فيه 180 درجة نقدر نتكلم جواهم

يا اخي الفاضل

اتق الله

الناس اللي بتشتمها هي السبب الاصيل ف اننا قاعدين نتكلم بالطريقادي و بنتناقش في مصير الوطن و تحديد مسار العملية الديمقراطية

ياريت شوية تركيز

مش كده يعني