تتبع : سلسلة ترصد تكسير عظام الثوار قبل يونيو 2012

[احمد رضوان]

احمد دومة طبعا .... ممسوك واترفض استئنافه اليوم

محمد سعد محمد و محمد جمال الدين الاتنين اتمسكوا امبارح في السلام و هما بيرسموا جرافيتي

[احمد رضوان]

بعد إصابة الناشتطين سلمى سعيد وشيماء ندى لزم على إعادة التذكرة بما يحدث على الأرض وهذا كلام احد الثائرين

بدأت الاحظ موضوع معين ، فى كافة الجولات الدموية بداية من ماسبيرو ، هنالك اصطياد لعناصر ما ، بغض النظر عن ترتيب وجودها فى الميدان ، ساعات يبقا قدامهم واحد من الصفوف الامامية ، و مع ذلك يبقا الهدف واحد فى النص و لا حتى ورا خالص ، اعتقد ان الوجوه المألوفة فى التظاهرات بدأت تتعرف لهم ، انا كنت قريت نوت كتبها واحد تسلل الى صفوف البلطجية اللى بيضربوا الثوار مع الجيش فى احداث مجلس الوزراء ، و فهم من عساكر الجيش انهم فعلا معلمين الناس اللى بيشفوهم كتير ، فعلا ابو ظفيرة و البت فلانه اللى بتصور و ام شعر معرفش ايه اللى معاها البخاخة

لاحظ انه من ساعة ماسبيرو و اللى بيموت هم الثوار المحترفين ان جاز التعبير ، ناس نزلت من اول يوم او فى مرحلة تانية بتكون بالكتير قوي فى يناير او فبراير 2011 .. اعتقد بشكل او باخر اننا امام خطة ممنهجة لتصفية الجيل المؤسس للثورة ، الاجيال اللى بعد كدا كنا فاهمين انها نزلت تحتفل معانا بيوم خلع المخلوع

ربنا يستر