لا تتأخروا في الافصاح عن مشاعركم لمن تحبون

[عبير يونس]

ما فاتش على عملية ابني 3 أسايع

و النهاردة اتفاجأ ان اخويا دخل يعمل عملية في القلب !!

يومين ورا بعض اشوفه على النت قبل العملية

و انشغل و ما اكلموش

و النهاردة قدرا كنت ع الفيسبوك

لقيت قريبتي بتقوللي انتي مادخلتيش صفحة اخوكي ؟؟

و جريت على هناك

لقيته كاتب :

انا داخل عملية في القلب و اسألكم الدعاء

مش قادرة اوصف لكم نفس احساس الرعب اللي مريت بيه يوم عملية ابني

و الندم اني انشغلت عن السؤال عنه

طبعا اتصلت بيه و لقيته الحمد لله رجع البيت بالسلامة

و طبعا كنت بأعيط و اعاتبه انه ماقاليش

قد ايه بيكونوا غاليين عندنا ومش بنقول لهم

و بننشغل عنهم

مش عارفة ليه افتكرت توقيع زميلتنا الفاضلة جالاكسي

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

أحمد الله تعالى على سلامة أخي

وبجد ماكنتش حأسامح نفسي لو كان لاقدر الله ....

لا تتأخروا في الافصاح عن مشاعركم لمن تحبون

[م تيمور المراغي]

الحمد لله على سلامة اخيكي الكريم يا عبير

طهور ان شاء الله ,,

[raouf]

الف حمد الله على سللامته وسلامة ولدك يا مدام عبير

من الواضح انها عملية قسطرة ماتقلقيش منها

دى مجرد حاجة استكشافية ان شاء الله ومفيش منها خوف

اللهم اشفى كل مرضى المسلمين

[عبير يونس]

الحمد لله على سلامة اخيكي الكريم يا عبير

طهور ان شاء الله ,,

ميرسي يا تيمور ربنا يكرمك

ده تاني انذار في أقل من شهر

لازم نفصح عن مشاعرنا دايما لمن نحبهم ومانأجلش

و ما ناخدش وجودهم في حياتنا مسلمات

الحمد لله

ألف حمد وشكر ليك يارب

[elzahraa]

الف حمد لله على سلامة اخوك و ابنك يا عبير

و معاك حق اصعب حاجة فوات الاوان للتعبير عن المشاعر الطيبة

[عبير يونس]

الف حمد الله على سللامته وسلامة ولدك يا مدام عبير

من الواضح انها عملية قسطرة ماتقلقيش منها

دى مجرد حاجة استكشافية ان شاء الله ومفيش منها خوف

اللهم اشفى كل مرضى المسلمين

ميرسي يا أستاذ رؤوف

ربنا يكرمك

هو فعلا قال لي انها قسطرة

و انا طبعا ما فهمتش

اللي يهمني انه رجع بحمد الله و رد عليا في التيلفون

لحظات الرعب اني كان ممكن لاقدر الله ما اكلموش تاني

هي اساس موضوعي

مش لازم تكون حاجة خطيرة

وأصلا ممكن أحباءنا يغادرونا من غير أي سبب

بس بالنسبة لي المسألة كانت جرس انذار

[عبير يونس]

الف حمد لله على سلامة اخوك و ابنك يا عبير

و معاك حق اصعب حاجة فوات الاوان للتعبير عن المشاعر الطيبة

الله يسلمك يا حبيبتي

ما هو ده اللي رعبني

مش العملية في حد ذاتها

[الباشمهندس ياسر]

ربنا ينزل الشفاء علي اخيكي و سائر مرضي المسلمين

ربنا يرفع الالم عن كل موضع ف الارض

امين

[عبير يونس]

ربنا ينزل الشفاء علي اخيكي و سائر مرضي المسلمين

ربنا يرفع الالم عن كل موضع ف الارض

امين

ربنا يكرمك يا باشمهندس

و لا أراك الله مكروها في عزيز لديك

آمين

[نوران]

حمدا لله علي سلامة أخوكي يا عبير

ربنا يتم شفاه علي خير ويشفي كل مرضى المسلمين

ويحفظ لنا أحبابنا من كل مكروه . . . آمين

[pink rose]

الف سلامة على اخوكي يا عبير

و الحمدلله انه رجع بيته بالسلامة

ربنا يطمنك عليه و على كل احبابك و ما يحرمكوش من بعض

اللهم آمين

[rewsha]

حمد الله على سلامة اخوكي يا عبير

انا فعلا حصل معايا موقف امبارح

كنت متنرقزه وعصبيه لسبب ما

ورحت مشوار ورجعت ,لقيت بنتي الوسطانيه مع الصغيره قالبين لي البيت اللي لسه انا مروقاه

روحت طالعه فيها زعيق زعيق زعيق (لاني كنت متنرفزه اصلا)

لدرجة ان البنت بقت مذهوله من شكلي وانا بازعق

وبعد شويه لما هديت قلت لازم اعتذر لها واقول لها اني كنت اصلا متنرفزه والموضوع جه فيها

وطلبت منها انها ماتزعلش مني

تقريبا هيه نفس الفكره بتاعتك

كان ممكن اسكت وخلاص

والبنت تشيل في نفسها وتقول ماما بتعاملني كده ليه؟

ومره عل مره ممكن تتعقد مني

انا قلت قبل فوات الاوان ,لازم اعتذر لها واقول لها حقك عليه

[بركة]

ربنا يديم علينا نعمه

ونعمة الاحباب والمقربين لا يملكها كثيرون

ادام الله فضله ورحمته عليكم جميعا .. امين

[عبير يونس]

الغاليات

نوران

ريم

روشة

بركة

جزاكم الله كل خير

و حفظ لكم أحبابكم من السوء كله عاجله وآجله

آمين

آمين

آمين

[Howayda Ismail]

حمد لله على سلامة اخوك وابنك ياعبير

الف الف سلامة

وربنا يزيد لهم فى الشفا ان شاء الله

ويطمنك دايما على كل حبايبك

[عبير يونس]

حمد لله على سلامة اخوك وابنك ياعبير

الف الف سلامة

وربنا يزيد لهم فى الشفا ان شاء الله

ويطمنك دايما على كل حبايبك

ميرسي ياهند

ربنا يكرمك

و يحفظ لك كل أحبابك يارب

[Dreamwithme]

ألف سلامة يا عبير لأخوكي ... ربنا يباركلك فيه ويحفظهولك

بالنسبة لموضوع الأفصاح عن المشاعر أنا في جملة كانت بتأثر في جدا لعبد الوهاب مطاوع

مش فاكرة نص الكلام ...لكن ما معناه أستغل الحياة صح ولا تؤجل الافصاح عن مشاعرك

لمن تحب فاليوم هم معك وغدا لا تدري إذا كنتم سويا أو لا

الجملة دي قرأتها وأنا في إعدادي وأثرت في جدا وأخدتها منهج حياة بصراحة

ويمكن اللي حواليا بيقولوا عليا رومانسية زيادة عن اللزوم وبأدلع اللي بأحبهم بزيادة

لكن أنا مقتنعة إني صح ...خاصة إن الحياة علمتني إن فجأة بتفقد الشخص اللي بتحبه

وأكبر ندمك بعد فقدانه بيبقي علي إنك ما قلتلوش أد إيه كنت بتحبه

أنا فقدت جدتي فجأة وبرضه جدي وأنا صغيرة وده أثر علي لدرجة إن كان بينتابني شعور

لما أودع حد إني مش هأشوفه تاني ومش هألحق أودعه الوداع الأخير

عشان كده بقيت أخد بالي من الموضوع ده جدا

وبالرغم من كده بعد فقداني لوالدي أكثر حاجة بتضايقني إني يمكن ما عبرتش له عن مشاعري بصورة كافية

ففعلا يا جماعة لازم نأخد بالنا ومانسيبش زحمة الحياة تجرفنا عشان ما نندمش وقت لا ينفع الندم

[الدكتور ياسر]

حمدا لله على سلامة ابنك و اخيك يا مدام عبير .

ولايزال البلاء بالمؤمن حتى يمشي على الأرض بلا خطيئة .

[elzahraa]

عارفة يا عبير

في صورة كانت بتأثر فيا جامد بتحاكي الموضوع دا

و يا رب نعيش كلنا مع الناس اللي بنحبهم بود و محبة لاخر العمر

تم تعديل 13 يناير 2012 بواسطة elzahraa

[ام سلمي]

اختي عبير حمد الله علي سلامة اخوكي.

وربنا يتم شفاه ويبعد عنكم كل سوء