انت تسأل..... و عضو المحاورات يجيب

[رضوي]

ماشي ماشي

حبيبتي عبير : يارب دايماً ايامك أحلى وتفرحي بكل اللي بتحبيهم

مدام هند : ربنا يوفقك ويبارك في اولادك وزوجك ويقر عينك بيهم يارب

دريم وز مي : ربنا يبعد عنك كل الشر ويوفقك في حياتك كلها يارب

كام سؤال كدة بقى ع الماشي ::::::::::::::::: ( شكلي أنا اللي هسأل لوحدي في التوبيك دة ولا ايييييييييييه )

القريبة جداً من قلبي نوران : لو انتي بتتميزي بميزة فريدة من نوعها في الزمن دة , وانتي فرحانه بيها ( نقول الطيبة مثلاً أو بتسامحي الناس اللي أساءت اليكي ........ ) وكل اللي حواليكي بيقولولك اتغيري علشان تقدري تتعايشي مع الناس والحياه .......... هتسمعي كلام الناس ولا هتخليكي زي ماانتي ؟

حبيبتي أم زيد : ياترى من وجهه نظرك الخاصة ....... الحياه اللي بنعيشها دلوقتي ....... سهل نربي اولادنا فيها على القيم والمباديء والفضيلة ؟

العزيزة لماضة مصرية اوي خالص : لو جاتلك فرصة جامدة جداً للاقامة في احدى الدول الاوربية ..... ولتكن السعودية مثلاً ..... لا بجد لو جاتلك فرصة كويسة للحياه في الغرب ....... وبفرض انك بتحلمي طول عمرك بالفرصة دي ....... ولقيتي معارضة من كل اللي حواليكي ,, هتعملي ايه ؟؟؟؟

لونا الأمورة : ايه أكبر حلم عندك نفسك تحققيه وبتدعي ربنا ليل نهار انه يحققهولك ؟

الاستاذ الفاضل : سي السيد / لو لقيت ابنك اللي لسة في بداية دراسته الجامعية جاي يقولك أنه مش هيكمل دراسته وهيهاجر امريكا ويتجوز امريكية اتعرف عليها عن طريق التليغراف قصدي النت ...... هتتصرف معاه ازاى ؟

باشمهندس تيمور : لو جاتلك فرصة تاخد أجازة لمدة 6 شهور وتسافر فيهم احدى الجزر البعيدة الهادية الجميلة وتاخد معاك اسرتك الصغيرة بس ,,, بشرط انك هناك تبقى معزول عن العالم ولا فيه اخبار ولا نت ولا جرايد ولاحتى تليفزيون ولا موبايل ....... يعني هناك هتعيش منفصل عن العالم ....... هتقبل ولا هترفض ؟

حبيبتي الغالية جدا مغتربة ...... المرة دي مش سؤال .... بس عايزة اقولك ان المحاورات من غيرك ناقصها كتير :(

[se_ Elsyed]

الاستاذ الفاضل : سي السيد / لو لقيت ابنك اللي لسة في بداية دراسته الجامعية جاي يقولك أنه مش هيكمل دراسته وهيهاجر امريكا ويتجوز امريكية اتعرف عليها عن طريق التليغراف قصدي النت ...... هتتصرف معاه ازاى ؟

هاعمل نفسي موافق وأقول له إديني الاكونت بتاعها .. واكلمها وأرسم عليها وأخطفها منه ... ( ما تفهمنيش غلط )... ده عشان أنقذ مستقبلة بس واخليه يخدم بلده .. مصر مصر مصر

[رضوي]

الاستاذ الفاضل : سي السيد / لو لقيت ابنك اللي لسة في بداية دراسته الجامعية جاي يقولك أنه مش هيكمل دراسته وهيهاجر امريكا ويتجوز امريكية اتعرف عليها عن طريق التليغراف قصدي النت ...... هتتصرف معاه ازاى ؟

هاعمل نفسي موافق وأقول له إديني الاكونت بتاعها .. واكلمها وأرسم عليها وأخطفها منه ... ( ما تفهمنيش غلط )... ده عشان أنقذ مستقبلة بس واخليه يخدم بلده .. مصر مصر مصر

ودة مش علشاني دة علشان مصر :)

اكيد مش هفهم صح ........... بالسرعة دي بقت قضية وطنية ...... عجبت لك يازمن :)

[Howayda Ismail]

سؤالى لحبيبة قلبى مدام / سلوى

مش عارفة ليه فى اى ازمة بمر بيها الاقى تفكيرى متجه ناحية شخص واحد بس

الاقيه بيشاركنى تفكيرى واحساسى

الشخص ده حضرتك

وعارفة انك جاوبتينى قبل كده

لكن حبيت اوصل مدى تقدير وحبى واحترامى لحضرتك

بس والله بفتكرك برضه فى لحظات سعادتى كمان

مش عارفة يمكن احساسى انى اعرفك قبل كده او انك فهمانى

صدقينى لكن لحد دلوقت مش لاقية اجابة محددة

[لونا]

لونا الأمورة : ايه أكبر حلم عندك نفسك تحققيه وبتدعي ربنا ليل نهار انه يحققهولك ؟-h>

رضوى السكرة :

حلمي اللي فعلًا بادعي ربنا ليل نهار يحققه

هو إني أقدر أربي ولادي على الصراط المستقيم

لكن لو عايزة حلم شخصي خاص بيه

بجد لنفسي بادعي بحاجة مهمة بالنسبة لي ..

العتق من النار

تم تعديل 14 يناير 2012 بواسطة لونا

[لونا]

طيب أنا حاسأل بينك روز سؤال

هو نوع من الاطمئنان عليها

ماشية على تعليمات الدكتور بحذافيرها و لا لأ؟

مش حاوصيكي يا بينك

[لونا]

سؤالي التاني لرضوى :

لو حد من الأقارب عمل موقف وحش مع ماما أو بابا أو أخواتك

إنت حتتعاملي إزاي مع القريب ده ؟

حتعامليه عادي؟

و لا حتحسسيه إنه أساء لحبايبك؟

و لا مش حتعبريه أصلًا؟

ولو المواقف دي إتكررت ..يبقى إيه العمل؟

[نوران]

القريبة جداً من قلبي نوران : لو انتي بتتميزي بميزة فريدة من نوعها في الزمن دة , وانتي فرحانه بيها ( نقول الطيبة مثلاً أو بتسامحي الناس اللي أساءت اليكي ........ ) وكل اللي حواليكي بيقولولك اتغيري علشان تقدري تتعايشي مع الناس والحياه .......... هتسمعي كلام الناس ولا هتخليكي زي ماانتي ؟

:(

حبيبة قلبي رضوي

لو انا طيبة وبتسامح؟؟؟ :unsure:

عمري ما هحاول أتغير ، إلا لو فيه حد معين أساء لية إساءة بالغة أو متكررة ، الشخص ده ممكن معرفش أتسامح معاه

لكن غير كده ، مش هسمع كلام الناس إللي بتقوللي كده مش هتعرفي تتعايشي واتغيري

كل واحد حسابه عند ربنا ، وأكيد القلب الطيب ربنا هيكافئه ويعوضه خير إن شاء الله

ويكفي إن دي صفة من صفات الحبيب عليه الصلاة والسلام ، فقد كان ( ص ) غضبه بعيد لكنه يصفو سريعا

سؤالي بقي لحضرتك يا فندم

ليه حضرتك بتغيبي كتير عن المحاورات وبتختفي ؟؟؟؟

مش عارفة انك بتوحشينا ؟؟؟

في انتظار الرد يا قمر

[م تيمور المراغي]

باشمهندس تيمور : لو جاتلك فرصة تاخد أجازة لمدة 6 شهور وتسافر فيهم احدى الجزر البعيدة الهادية الجميلة وتاخد معاك اسرتك الصغيرة بس ,,, بشرط انك هناك تبقى معزول عن العالم ولا فيه اخبار ولا نت ولا جرايد ولاحتى تليفزيون ولا موبايل ....... يعني هناك هتعيش منفصل عن العالم ....... هتقبل ولا هترفض ؟

حقبل في حالة واحده بعد ما يبقى عندنا رئيس جمهورية :egyflag: وصل للسلطه بانتخابات نزيهه زي ما الحمد لله بقى عندنا برلمان نزيه و منتخب

غير كده يرجع اركيتكت و زنجا زنجا على طول :happy:

http://www.youtube.com/watch?v=658bXrh0KZs

[se_ Elsyed]

باشمهندس تيمور : لو جاتلك فرصة تاخد أجازة لمدة 6 شهور وتسافر فيهم احدى الجزر البعيدة الهادية الجميلة وتاخد معاك اسرتك الصغيرة بس ,,, بشرط انك هناك تبقى معزول عن العالم ولا فيه اخبار ولا نت ولا جرايد ولاحتى تليفزيون ولا موبايل ....... يعني هناك هتعيش منفصل عن العالم ....... هتقبل ولا هترفض ؟

حقبل في حالة واحده بعد ما يبقى عندنا رئيس جمهورية :egyflag: وصل للسلطه بانتخابات نزيهه زي ما الحمد لله بقى عندنا برلمان نزيه و منتخب

غير كده يرجع اركيتكت و زنجا زنجا على طول :happy:

http://www.youtube.com/watch?v=658bXrh0KZs

أنا متأكد إن تيمور هاياخد معاه في الجزيرة إنجي حمدي ومحمد عادل ... او على الاقل ياخد معاه حاجه من ريحتهم .. شرباتهم مثلاً عشان تفكروا بـ 6 إبريل

[Om Zayd]

حبيبتي أم زيد : ياترى من وجهه نظرك الخاصة ....... الحياه اللي بنعيشها دلوقتي ....... سهل نربي اولادنا فيها على القيم والمباديء والفضيلة ؟

(

رضوى الحبوبة

أنا جيت يا فندم

سؤال عوييييييص

:unsure:

اذا ابتدينا معاهم من بدري أوي ..ىيبقى ممكن و الله المستعان

بالذات لما نحسن الاختيار

كمان لازم نكون عارفين احنا بنعمل ايه .. الموضوع علم .. له قواعد من دراسات كثيييييير اتعملت

من بدري أوي لازم نبقى اصحاب .. بنسمع بعض .. بنتناقش .. بنحسسهم بقيمتهم و شخصيتهم

و في نفس الوقت بنحط حدود و ضوابط في هدوء و تدرج

نعلمهم باننا نبقى قدوة صالحة من الاول

اهم حاجة .. ضبط النفس .. بالذات لما يغلطوا او ميسمعوش الكلام .. او.. أو

مينفعش نسيبهم للتليفزيون مثلا و ما ناخدش بالنا بيتفرجوا على ايه

و بعد كده النت

نبتدي نعرفهم على الكتب و مبادئ بسيطة

نحط رجلهم على اول الطريق

نبنيهم .. و احنا عارفين ان حوالينا كثييير بيهد .. الشطارة اننا نبني عندهم "مناعة" و نساعدهم يقربوا من ربنا صح

نستعين بالله و مننساش الدعاء و تجديد النية

رغم ان زيد 3 سنين و شوية .. بس مش عايزة اقولك الموضوع ممتع و متعب قد ايه

"بيبقى منظر تحفة و هو بينقي هدومه مثلا في المحل و احنا ماشيين وراه و سايبينه يختار"..

رغيت كثير يا رضوى.. و مش حاسة اني جاوبت أوي

باختصار .. مش سهل طبعا و لازم نبقى ايد واحدة و متفقين (الام و الاب و اي حد تاني بيؤثر في التربية .. و الله الموفق و المستعان)

ملحوظة.. هذه المداخلة كتبت في عدة ساعات

و طبعا بسبب زيد

wst::

تم تعديل 14 يناير 2012 بواسطة Om Zayd

[pink rose]

طيب أنا حاسأل بينك روز سؤال

هو نوع من الاطمئنان عليها

ماشية على تعليمات الدكتور بحذافيرها و لا لأ؟

مش حاوصيكي يا بينك

صباح الخير عليكم اعزائي المشاهدين و المستمعين

وصلني الاستدعا و جيت جري اهو

تمام يااااااااااا فندم

بالنسبة لسؤال صديقة البرنامج صاحبة الاسم الرقيق و القلب الحنين

لونا

عاوزاني اقولك الحق و لا ابن عمه و لا ابن خالته

خالينا في الحق

و الله العظيم اقول الحق

انا مش ملتزمة بكل كلام الدكتور

لسبب بسيط اكيد الكل عارفه

اللي عنده طفل عمره ما هايرتاح

باحاول الوقت اللي مريم فيه في المدرسة انااااااام

الدواء ملتزمة بيه على اد ما اقدر يعني الدكتور كاتب 3 مرات في اليوم انا باخد مرتين بس

لاني عندي مشكلة مع اي دوا معدتي بتقلب على طول و مش باستحمل ادوية كتير

لكن الكريم مواظبه عليه فعلا مع انه مؤلم لاخر حد

بس ربنا يجعله بفايدة

و الحمدلله على كل شئ

دا التقرير الشامل يا فندم

و ما اتحرمش من سؤالك عليا يا جوميلة

[pink rose]

سؤالي للفاضل الاستاذ محمد

ممكن توصفلنا شعور حضرتك اول ما عرفت ان خط بارليف سقط

اول حاجه عملتها و قولتها ايه

شوفت ايه في وشوش زمايلك ساعتها

انا عارفه ان في لحظات استحالة تروح من الذاكرة و اكيد اللحظة دي منها

يا ريت حضرتك تسترجعها معانا

[Salwa]

الحبيبة الغالية هند على.

بصراحة يعنى صعب جداا اعبر لك عن مدى سعادتى بكلماتك الصادقة وأعلم بالطبع اننا سبق لنا واتناقشنا ف حكاية اننا ممكن نرتاح لناس معينة ونفتكرها ف اهم لحظات حياتنا ( مش شرط حزن او فرح لكنها لحظات مهمة ) .

وحتى نعاود قراءة ما سبق وكتبناه ...سوف اضع لك هنا بعض منه .

-----

ربنا يخليكى ياأجمل هند ف الدنيا بحالها ويكرمك ويبارك لك ف اولادك وصحتك وينور لك حياتك..

انا مش أد كل الكلام الجميل ده..

كفاية انك من ريحة اجمل بقعة على الأرض ..كفاية انك اسكندرانية وده لوحده يخللى لك معزة خاصة..

فمابالك بكل اخلاقك العالية وأدبك الجم؟؟

ما بالك بذوقك فعلا وتعاطفك مع الجميع؟؟

انتى كمان لكى عندى معزة خاصة يمكن حسيت بيها اكتر لما زوجك ربنا وفقه واستضافه ف البقاع المقدسة وذهب للحج..

ورأيت كيف كنتى قلقة عليه...!!!

وعلمت وقتها معدنك الأصيل ...ونعم الزوجة المحبة انتى ياهند..

وحاجات كتير كتيرررر قوى قوى ...كنت بنكونها عنك..

زى كدة حبات الرمل لما تجميعهم فوق بعض...

حباية حباية وبعدين كوم ورا كوم ...

لقيتنى شايفة تل صغير اصبح جبل امام عينى ..

جبل محبة وعطاء ..

وشفت بنتك وعرفت اد ايه انتى ام عظيمة ..

يشرفنى جدااا ...ان اكون ممن اختاره قلبك وارتاح له ..

انا ليا الشرف ياهند..

ربنا يديم المعروف بيننا يانور عينى ...

-----

كل مودتى واحترامى وتقديرى لشخصك ياهند .

واسمحى لى بدورى اسألك ....الست معى أن تكوين ابناء ( البحر ) يختلف بعض الشئ ؟؟ وانهم دائما على استعداد (( للتفاؤل ) ؟؟

سؤالى موجه لك وللأبنة الغالية الحاجة ام مريم ..

سؤال فعلا اتمنى اسمع منكما اجابته ....(( حتى ازيل ما لدى من وهم ...ان كان وهم ))

صباح الرضا.. :clappingrose:

[Howayda Ismail]

الحبيبة الغالية هند على.

بصراحة يعنى صعب جداا اعبر لك عن مدى سعادتى بكلماتك الصادقة وأعلم بالطبع اننا سبق لنا واتناقشنا ف حكاية اننا ممكن نرتاح لناس معينة ونفتكرها ف اهم لحظات حياتنا ( مش شرط حزن او فرح لكنها لحظات مهمة ) .

وحتى نعاود قراءة ما سبق وكتبناه ...سوف اضع لك هنا بعض منه .

-----

ربنا يخليكى ياأجمل هند ف الدنيا بحالها ويكرمك ويبارك لك ف اولادك وصحتك وينور لك حياتك..

انا مش أد كل الكلام الجميل ده..

كفاية انك من ريحة اجمل بقعة على الأرض ..كفاية انك اسكندرانية وده لوحده يخللى لك معزة خاصة..

فمابالك بكل اخلاقك العالية وأدبك الجم؟؟

ما بالك بذوقك فعلا وتعاطفك مع الجميع؟؟

انتى كمان لكى عندى معزة خاصة يمكن حسيت بيها اكتر لما زوجك ربنا وفقه واستضافه ف البقاع المقدسة وذهب للحج..

ورأيت كيف كنتى قلقة عليه...!!!

وعلمت وقتها معدنك الأصيل ...ونعم الزوجة المحبة انتى ياهند..

وحاجات كتير كتيرررر قوى قوى ...كنت بنكونها عنك..

زى كدة حبات الرمل لما تجميعهم فوق بعض...

حباية حباية وبعدين كوم ورا كوم ...

لقيتنى شايفة تل صغير اصبح جبل امام عينى ..

جبل محبة وعطاء ..

وشفت بنتك وعرفت اد ايه انتى ام عظيمة ..

يشرفنى جدااا ...ان اكون ممن اختاره قلبك وارتاح له ..

انا ليا الشرف ياهند..

ربنا يديم المعروف بيننا يانور عينى ...

-----

كل مودتى واحترامى وتقديرى لشخصك ياهند .

واسمحى لى بدورى اسألك ....الست معى أن تكوين ابناء ( البحر ) يختلف بعض الشئ ؟؟ وانهم دائما على استعداد (( للتفاؤل ) ؟؟

سؤالى موجه لك وللأبنة الغالية الحاجة ام مريم ..

سؤال فعلا اتمنى اسمع منكما اجابته ....(( حتى ازيل ما لدى من وهم ...ان كان وهم ))

صباح الرضا.. :clappingrose:

صباح الفل والياسمين على عيونك

دايما كلامك بلسم يطيب خاطرى ويشفى صدرى

وطبعا شرف كبير لى انا كمان

وعن سؤال حضرتك لى

فعلا عندك حق

من صغرى ارتباطى بالبحر ده شئ غريب جدا

بينى وبينه سر , بينى وبينه عشق مش عارفة بالضبط

كل اللى اعرفه انى اكتسبت منه كثير من صفاته تقلباته , هدوءه , صفاءه , لونه الدافى , رومانسيته

والاهم انه مصرف همومى ومحطة احلامى

كفاية نظرة واحدة له فى الحالتين اشعر بمدى ضآلتى

امام اتساعه وعظمة ربنا فى خلقه

وقتها بس احس بصغر حجم همومى وكبر حجم احلامى قدامه

واتشحن جرعة تفاؤل عجيبة تقوينى

وتغير مجرى احداث يومى كله

يعنى مش وهم دى حقيقة ساكنة جوا كل قلب كبير وحساس زى قلب حضرتك

صباحك مزيد من التفاؤؤؤؤؤؤؤؤؤؤؤؤؤؤؤل واصل من موجة اسكندرانى لموجة اسبانى لحد عندك

تم تعديل 16 يناير 2012 بواسطة Hend Ali

[رضوي]

السلام عليكم ورحمة الله وبركاته

وحشتوني كتير كتير كتير اوي

بداية كدة بقول لبينك روز الف مليون سلامة عليكي ياقمر وبعد الشر عنك ........ ( واضح اني غيبت كتر عن المحاورات واول مرة اعرف انك تعبانة ربنا يعافيكي يارب )

ولازم سيادتك تهتمي بصحتك كتير جدا لأن حضرتك غالية علينا اوي ومش مستعدين نسمع ان حضرتك بتشتكي من اي حاجة مفهووووووووم سيادتك ؟؟؟

وبجد ياحبيبتي الف بعد الشر عليكي وانا آسفة لو اني ماسألتش واطمت عليكي ودة لأني لسة عارفة حالاً من التوبيك دة :(

[رضوي]

سؤالي التاني لرضوى :

لو حد من الأقارب عمل موقف وحش مع ماما أو بابا أو أخواتك

إنت حتتعاملي إزاي مع القريب ده ؟

حتعامليه عادي؟

و لا حتحسسيه إنه أساء لحبايبك؟

و لا مش حتعبريه أصلًا؟

ولو المواقف دي إتكررت ..يبقى إيه العمل؟

حبيبتي لونا

اللي يزعل حد من حبايبي يبقى قلبه مات ومستغني عن عمره :)

لا بجد لو حصل ان حد عمل موقف وحش مع حد من حبايبي المقربين ....... في البداية هسأله عن السبب واتناقش لأني مش هقدر اعامله عادي ابداً

لو لقيت ان حصل سوء تفاهم - ودة وارد جداً - هلطف الجو واصلح الدنيا

أما بقى لو لقيته متعمد يسيء الي حبايبي ........ يبقى الصمت القاتل ....... هزعل جدا طبعاً ومش هتعامل معاه خالص وهتبقى مشكلة ........ وصحيح الحمد لله أنا هادية ورزينة وبعامل الناس كويس جدا والحمد لله بتمتع بقبول عند الناس ,,,,,,,, الا اني لما بزعل بجد من حد مش سهل ابداً اتراجع ولا اعامله عادي ....... وخاصة اللي يسيء للناس اللي بحبهم

[رضوي]

سؤالي بقي لحضرتك يا فندم

ليه حضرتك بتغيبي كتير عن المحاورات وبتختفي ؟؟؟؟

مش عارفة انك بتوحشينا ؟؟؟

في انتظار الرد يا قمر

القريبة جداً من قلبي نوران

ربنا يخليكي ليا ياقمر وربنا يعلم إن اهم سبب مخليني لسة بتابع المحاورات ان فيه ناس كتير فيها بحبهم وبعتبرهم اخواتي واسرتي التانية

صحيح أنا بغيب وبختفي كتير بس والله غصب عني ....... شغلي بقى مرهق جداً وعندي مسئوليات ربنا وحده اللي يعلم بيها ...... يعني كل يوم كدة اخرج قبل 7 ص علشان لازم اكون 8 في الشغل واخلص شغلي على 5 اكون في البيت 6.5 ببقى راجعة مرهقة من المجهود الذهني طول اليوم ,,,, خاصة الاجتماعات اللي بقيت بكره مجرد اسمهما ,,,,,,,, دة غير اني مرتبطة بكورسات لازم انجزها في مواعيد محددة ,,,,, غير المسئوليات الاسرية

فعلشان كدة فيه ايام كتير مابقدرش اتابع فيها المحاورات خالص ولا الانترنت كله ,,,,

بس من وقت للتاني واول لما احس اني عندي مساحة وقت فاضية على طوووووووول بجري على المحاورات علشان اطمن على اخواتي واسرتي التانية

ربنا يخليكي ياحبيبتي ومايحرمنيش ابداً من سؤالك عليا

[نوران]

سؤالي بقي لحضرتك يا فندم

ليه حضرتك بتغيبي كتير عن المحاورات وبتختفي ؟؟؟؟

مش عارفة انك بتوحشينا ؟؟؟

في انتظار الرد يا قمر

القريبة جداً من قلبي نوران

ربنا يخليكي ليا ياقمر وربنا يعلم إن اهم سبب مخليني لسة بتابع المحاورات ان فيه ناس كتير فيها بحبهم وبعتبرهم اخواتي واسرتي التانية

صحيح أنا بغيب وبختفي كتير بس والله غصب عني ....... شغلي بقى مرهق جداً وعندي مسئوليات ربنا وحده اللي يعلم بيها ...... يعني كل يوم كدة اخرج قبل 7 ص علشان لازم اكون 8 في الشغل واخلص شغلي على 5 اكون في البيت 6.5 ببقى راجعة مرهقة من المجهود الذهني طول اليوم ,,,, خاصة الاجتماعات اللي بقيت بكره مجرد اسمهما ,,,,,,,, دة غير اني مرتبطة بكورسات لازم انجزها في مواعيد محددة ,,,,, غير المسئوليات الاسرية

فعلشان كدة فيه ايام كتير مابقدرش اتابع فيها المحاورات خالص ولا الانترنت كله ,,,,

بس من وقت للتاني واول لما احس اني عندي مساحة وقت فاضية على طوووووووول بجري على المحاورات علشان اطمن على اخواتي واسرتي التانية

ربنا يخليكي ياحبيبتي ومايحرمنيش ابداً من سؤالك عليا

ربنا يهون عليكي مشقة الشغل

ويوفقك ، وييسر لك كل أمورك حبيبتي

ويفرحنا بفرحة كبيرة ليكي .... آمين

تم تعديل 17 يناير 2012 بواسطة نوران

[لونا]

سؤالي التاني لرضوى :

لو حد من الأقارب عمل موقف وحش مع ماما أو بابا أو أخواتك

إنت حتتعاملي إزاي مع القريب ده ؟

حتعامليه عادي؟

و لا حتحسسيه إنه أساء لحبايبك؟

و لا مش حتعبريه أصلًا؟

ولو المواقف دي إتكررت ..يبقى إيه العمل؟

حبيبتي لونا

اللي يزعل حد من حبايبي يبقى قلبه مات ومستغني عن عمره :)

لا بجد لو حصل ان حد عمل موقف وحش مع حد من حبايبي المقربين ....... في البداية هسأله عن السبب واتناقش لأني مش هقدر اعامله عادي ابداً

لو لقيت ان حصل سوء تفاهم - ودة وارد جداً - هلطف الجو واصلح الدنيا

أما بقى لو لقيته متعمد يسيء الي حبايبي ........ يبقى الصمت القاتل ....... هزعل جدا طبعاً ومش هتعامل معاه خالص وهتبقى مشكلة ........ وصحيح الحمد لله أنا هادية ورزينة وبعامل الناس كويس جدا والحمد لله بتمتع بقبول عند الناس ,,,,,,,, الا اني لما بزعل بجد من حد مش سهل ابداً اتراجع ولا اعامله عادي ....... وخاصة اللي يسيء للناس اللي بحبهم

طيب و صلة الرحم ؟

الحقيقة إن فيه ناس بتصّعب عليكي إنك تعاملي ربنا فيهم

و بجد بيكون ما فيش حل معاهم

و طول الوقت تفضلي حاسة بالذنب بسببهم

ربنا يهدينا إلى ما يحب و يرضى