بعد المجمع العلمى ... محطة الضبعة النوورية

[عصام أبوالفتح]

بعد حرق المجمع العلمى ... ينتظر مفاعل الضبعة النووى نفس المصير

حالة تجنب الصدام عند الجيش لابد ان تنتهى فورا ويواجه هؤلاء المبتزين بحسم وصرامة

هو الناس دى جبلات ولا دول متأجرين ولا ايه بالضبط ؟ .. هو يعنى ايه ممنوع الاقتراب او التصوير .. وليه عساكر الحراسة مبتضربش نار ؟ ... وازاى يسيبوهم جوه السور ... يعنى ايه نسكت على حاجة زى كده ؟

لو حد حاول يدخل بيتى بالعافية هاجيبه نصين على عتبه البيت .. ليه الجيش مبيعملش كده فى المنشآت الحيوية والممتلكات العامة من الأول ... ليه بيسيبهم يتمادوا ؟

هل أهل الضبعة حد فيهم اتملك ارض الضبعة دى من الدولة وبعدين استولت عليها؟

ولا كل مطروح وضع يد اصلاً ومنها الضبعة و لما الدولة تفكر تبنى مفاعل نووى يفتكروا ان لهم ارض هى اصلا ملك كل المصريين

حد يفهمنى انا تعبت خلاص

الرباط الخاص بي

تم تعديل 13 يناير 2012 بواسطة عصام أبوالفتح

[se_ Elsyed]

موضوع محطة الضبعة أو غيره متعلق تماماً بهيبة الدولة التي سقطت بالحكم العسكري اللي عامل خمس رجاله على الثوار والشباب الوطني

ومن سنة تقريباً سايب اللي بيقطع طريق يقطع . واللي بينام على خط السكة الحديد ينام .. فلحد اليوم اللي هو الجمعة 13 يناير . تقريباً كل خطوط السكك الحديدية مقطوعة نتيجة قطع الاهالي لخطوط السكك الحديد في العديد من المدن لان مافيش انابيب بتواجاز نهائياً .. خصوصاً ونحن في شتاء قارص بمصر يعني بيتم إستهلاك الغاز بطريقة كبيرة ... بالإضافة إلى شح البنزين بانواعه في جميع المحطات

وكان لا في وزراء ولا مسئولين بيشتغلوا .. وبالتأكيد كل دول تحت إدارة المجلس العسكري الفاشل

فكل ده بيخلي أي حد بيتجرأ ويعمل اللي هو عاوزه طالما مافيش حساب .. ومافيش مسئول بيشتغل .. ومافيش حد بيدير البلد عنده رؤية أو سياسة واضحة

[mfarag]

بعد حرق المجمع العلمى ... ينتظر مفاعل الضبعة النووى نفس المصير

حالة تجنب الصدام عند الجيش لابد ان تنتهى فورا ويواجه هؤلاء المبتزين بحسم وصرامة

هو الناس دى جبلات ولا دول متأجرين ولا ايه بالضبط ؟ .. هو يعنى ايه ممنوع الاقتراب او التصوير .. وليه عساكر الحراسة مبتضربش نار ؟ ... وازاى يسيبوهم جوه السور ... يعنى ايه نسكت على حاجة زى كده ؟

لو حد حاول يدخل بيتى بالعافية هاجيبه نصين على عتبه البيت .. ليه الجيش مبيعملش كده فى المنشآت الحيوية والممتلكات العامة من الأول ... ليه بيسيبهم يتمادوا ؟

هل أهل الضبعة حد فيهم اتملك ارض الضبعة دى من الدولة وبعدين استولت عليها؟

ولا كل مطروح وضع يد اصلاً ومنها الضبعة و لما الدولة تفكر تبنى مفاعل نووى يفتكروا ان لهم ارض هى اصلا ملك كل المصريين

حد يفهمنى انا تعبت خلاص

الرباط الخاص بي

هل يستطيع اى متظاهر فى المانيا ( حزب الخضر مثلا ) او امريكا او روسيا

او اى بلد من اكبر بلاد الحريات الى اسوء الديكتاتوريات

ان يقترب فقط و ليس يقتحم من محطة نووية

و طبعا لو الجيش تعامل بحسم مع المتظاهرين و المعتصمين السلميين - دول بيستخدموا ديناميت بس

كنت هتلاقى دعاة الفتنة و الفوضى و محترفى برامج التوك شو

دعوة لمليونية الضبعة

و هكذا

المطلوب هو اسقاط الدولة

و من يعتقد ان تنحى الجيش عن السلطة فى يناير او فى يونيو سيوقف ما يحدث هو مخطى

المجلس العسكرى هو الحجة الحالية

و حال تنحية سيتم ايجاد حجة بديلة

مش مهم مصر تولع /تتقسم / تدخل حرب اهلية

المهم اطهر من فى مصر

المهم البلطجية و اصحاب السوابق و اطفال الشوارع

[أحمد سيف]

خلط للأوراق لتمرير مواقف مبدئية ضد الثورة ولمصلحة الاستبداد.

ايه علاقة المعتصمين والمتظاهرين في التحرير بمحطة الضبعة النووية؟

ولماذا لم نسمع تلك النغمة التحريضية عندما قطع الإرهابيون خط سكة الحديد في قنا لمدة اسبوعين اعتراضا على تعيين محافظ قبطي؟

أي كلام وخلاص علشان نبرر سحق وسحل المتظاهرين المطالبين بتسليم السلطة الى المدنيين وتحقيق مطالب الثورة.

[mfarag]

خلط للأوراق لتمرير مواقف مبدئية ضد الثورة ولمصلحة الاستبداد.

ايه علاقة المعتصمين والمتظاهرين في التحرير بمحطة الضبعة النووية؟

ولماذا لم نسمع تلك النغمة التحريضية عندما قطع الإرهابيون خط سكة الحديد في قنا لمدة اسبوعين اعتراضا على تعيين محافظ قبطي؟

أي كلام وخلاص علشان نبرر سحق وسحل المتظاهرين المطالبين بتسليم السلطة الى المدنيين وتحقيق مطالب الثورة.

طيب سيبك من خلط الاوراق

و جاوب لو سمحت

ماذا كانت قوات الامن فى كندا / امريكا / الهند /لبرازيل/ ايران

لو حاول المتظاهرين استخدام الديناميت و اختراق محطة نووية؟؟؟

ماذا لو قامت قوات الجيش باستخدام القوة لمنع الاعتداء على المحطة النووية ؟

لماذ لم يستخدموا القوة؟

ماذا كان سيحدث من جماعات الفوضى لو كان ذلك حدث؟ - ممكن حضرتك ترجع لواقعة مسرح البالون

الموضوع ان للاسف البعض توقف تفكيرة عند 25 يناير الماضى ؟ و لا يريد ان يرى الفرق؟

قطع طريق مرفوض انما لا بستوى مع استخدام ديناميت لاختراق محطة نووية ؟

[أحمد سيف]

المطلوب هو اسقاط الدولة

فعلا المطلوب هو إسقاط الدولة ... دولة العسكر والمباحث والمخابرات ... دولة الظلم والاستبداد والفساد

و من يعتقد ان تنحى الجيش عن السلطة فى يناير او فى يونيو سيوقف ما يحدث هو مخطى<br style="font-size: 18px; line-height: 27px; ">المجلس العسكرى هو الحجة الحالية<br style="font-size: 18px; line-height: 27px; "><br style="font-size: 18px; line-height: 27px; ">و حال تنحية سيتم ايجاد حجة بديلة <br style="font-size: 18px; line-height: 27px; ">

هريحك وأقولك على الحجج البديلة من دلوقتي

الحجة هي انتزاع المميزات الاستثنائية للعسكر في الدستور

الحجة هي مراقبة ميزانية الجيش بواسطة نواب الشعب المنتخبين

الحجة هي الجدية في استرداد ما تم نهبة من مصر عبر سنوات

الحجة هي تطهير مؤسسات الدولة من الفاسدين والمفسدين واللصوص

الحجة هي ضمان استقلال القضاء وهيئاته المساعدة

الحجة هي بناء جهاز أمني يعمل لمصلحة الوطن والمواطن لا لمصلحة الحاكم

الحجة هي تطهير الإعلام الحكومي من المنافقين والطبالين والكاذبين

الحجة هي محاسبة من قتل وسحل وسرق وأفسد

عند حضرتك مانع؟؟؟؟؟؟؟

[se_ Elsyed]

خلط للأوراق لتمرير مواقف مبدئية ضد الثورة ولمصلحة الاستبداد.

ايه علاقة المعتصمين والمتظاهرين في التحرير بمحطة الضبعة النووية؟

ولماذا لم نسمع تلك النغمة التحريضية عندما قطع الإرهابيون خط سكة الحديد في قنا لمدة اسبوعين اعتراضا على تعيين محافظ قبطي؟

أي كلام وخلاص علشان نبرر سحق وسحل المتظاهرين المطالبين بتسليم السلطة الى المدنيين وتحقيق مطالب الثورة.

وهانروح بعيد ليه .. ده نفس الأخوة المتحمسون لفكرة إن ده كله بيهدف لسقوط الدولة هما هما أنفسهم لم ينطقوا بحرف واحد تلميحاً أو تصريحاً عندما حاصر بعض اهالي دمياط الميناء لمدة تزيد عن أسبوعين محققين خسائر للبلد لاكثر من نصف مليار جنية

وهم لا يعلمون ان الأيدي المرتعشة لا تعمل ... وعندما تضيع بوصلتك ولا تُفرق بين البلطجي والثائر ... وبين من يحرق ومن يُعمر .. وبين من يمسك بيده مولوتوف وبين من يمسك في يده لافته تندد بالظلم ... يبقى أفضل لك ان تجلس في بيتكم وتترك الحكم لمن يملك الشجاعة على إتخاذ القرار ولا يخاف في الحق لومة لائم

أتحدى أي مجرم إتقبض عليه بحق واتحكم عليه بحق إن يكون هناك صوت خرج يندد بذلك ..

أتحدى حد من المجلس أو غيرة يطلع يقول لنا إيه اللي بيحصل في سينا وهل لو قبضوا على العيال المجرمين اللي بيفجروا محطات الغاز أو اللي خطفوا ظباط الشرطة الثلاثة منذ أكثر من 6 شهور أو اللي بيطقعوا الطرق يومياً او اللي من خيبتهم الثقيلة تم هجوم مسلح على فندق يقيم فيه سياح إسرائيليون منذ 3 أيام وتم الطرمخه على الموضوع أو أو أو

هل كل هؤلاء لو إتقبض عليهم وأتحاكموا محاكمة عادلة ناجزة عاجلة .. هل حد يقدر يطلع يدافع عنهم ؟

حتى الان يا سادة 1800 شاب فقدوا أعينهم عشان بيقولوا لأ للظلم ...

تفتكروا كام مجرم إتقلعت عينه حتى الان ؟

تفتكروا كام مجرم أنضرب عليه غاز ؟

تفتكروا كام مجرم إتحاكم عسكرياً ؟

تفتكروا كام فاسد من عصابة مبارك إتحاكم محاكمة عاجلة وخلوه عبرة لمن يعتبر ؟

[أحمد سيف]

ماذا لو قامت قوات الجيش باستخدام القوة لمنع الاعتداء على المحطة النووية ؟ <br style="font-size: 18px; line-height: 27px; "><br style="font-size: 18px; line-height: 27px; ">لماذ لم يستخدموا القوة؟<br style="font-size: 18px; line-height: 27px; ">

أنا لا أعترض على استخدام القوة لمنع اقتحام المحطة النووية

لكني أعترض على الربط غير المبرر لهذه الحادثة مع الثورة ومحاولة استخدامها لتبرير حوادث الاعتداء على المتظاهرين السلميين في التحرير

[mfarag]

المطلوب هو اسقاط الدولة

فعلا المطلوب هو إسقاط الدولة ... دولة العسكر والمباحث والمخابرات ... دولة الظلم والاستبداد والفساد

و من يعتقد ان تنحى الجيش عن السلطة فى يناير او فى يونيو سيوقف ما يحدث هو مخطى<br style="font-size: 18px; line-height: 27px; ">المجلس العسكرى هو الحجة الحالية<br style="font-size: 18px; line-height: 27px; "><br style="font-size: 18px; line-height: 27px; ">و حال تنحية سيتم ايجاد حجة بديلة <br style="font-size: 18px; line-height: 27px; ">

هريحك وأقولك على الحجج البديلة من دلوقتي

الحجة هي انتزاع المميزات الاستثنائية للعسكر في الدستور

الحجة هي مراقبة ميزانية الجيش بواسطة نواب الشعب المنتخبين

الحجة هي الجدية في استرداد ما تم نهبة من مصر عبر سنوات

الحجة هي تطهير مؤسسات الدولة من الفاسدين والمفسدين واللصوص

الحجة هي ضمان استقلال القضاء وهيئاته المساعدة

الحجة هي بناء جهاز أمني يعمل لمصلحة الوطن والمواطن لا لمصلحة الحاكم

الحجة هي تطهير الإعلام الحكومي من المنافقين والطبالين والكاذبين

الحجة هي محاسبة من قتل وسحل وسرق وأفسد

عند حضرتك مانع؟؟؟؟؟؟؟

على الرغم من ان السوال يبدو من اسلوبة انة ليس للاستعلام

لا يوجد مانع لدى لكل ماسبق ولا حتى لرحيل العسكر

و غير مويد ان يكون رئيس مصر القادم - على الاقل - من العسكر

ما نختلف علية ليس الهدف

انما الوسيلة

[mfarag]

ماذا لو قامت قوات الجيش باستخدام القوة لمنع الاعتداء على المحطة النووية ؟ <br style="font-size: 18px; line-height: 27px; "><br style="font-size: 18px; line-height: 27px; ">لماذ لم يستخدموا القوة؟<br style="font-size: 18px; line-height: 27px; ">

أنا لا أعترض على استخدام القوة لمنع اقتحام المحطة النووية

لكني أعترض على الربط غير المبرر لهذه الحادثة مع الثورة ومحاولة استخدامها لتبرير حوادث الاعتداء على المتظاهرين السلميين في التحرير

ربما انت لا تعترض و لكن اى استخدام للقوة كان بعض المرتزقة سيستغلوة لمزيد من النار

ما منع الامن من استخدام القوة؟؟

و ماذا حدث عندما حاول البعض اقتحام مسرح البالون و الحجة انهم من اهالى الشهداء لم يتم تكريمهم

و عندما حاولت الشرطة التصدى

مليونية بعديها فى التحرير و الشرطة رجعت لسابق عهدها

اعتقد ان ارابط و اضح ؟؟؟

[ماستر]

خلط للأوراق لتمرير مواقف مبدئية ضد الثورة ولمصلحة الاستبداد.

ايه علاقة المعتصمين والمتظاهرين في التحرير بمحطة الضبعة النووية؟

ولماذا لم نسمع تلك النغمة التحريضية عندما قطع الإرهابيون خط سكة الحديد في قنا لمدة اسبوعين اعتراضا على تعيين محافظ قبطي؟

أي كلام وخلاص علشان نبرر سحق وسحل المتظاهرين المطالبين بتسليم السلطة الى المدنيين وتحقيق مطالب الثورة.

رد فى الصميم, اسمحى اضيف حاجة بسيطة:

كمان علشان باقى الشعب يخاف ويقول كما كنت احنا عيزين الامن والحماية,

نقول كمان الكلام دة معدش بيأكل عيش ومش هيجيب النتيجة المرجوة وان شاء الله 25 يناير نهاية حكم العسكر

[raouf]

انا هارد رد سريع على ما افضى بكره

يا جماعة الشعب اختار ناس معينة ووثق فيهم لتحقيق اهداف الثورة - للقضاء على الفساد - لانتزاع الدولة المدنية من العسكر

ادوهم فرصة ونشوف هايعملوا ايه

طبعا اذا لم تثقوا فيهم دى حاجة تانية واقدر اقول اللى لن يثق فى مجلس الشعب وبراى الاغلبية ولا يقتنع ان

رايه اذا خالفهم يعتبر اقلية ومعارضة يخبط دماغه فى الحيط ويشوف دوله يمثل رايه فيها الاغلبية

فى اى دولة قانون يوجد ما يسمى معارضة وما يسمى اغلبية و لكن دائما راى الاغلبية هو اللى بيمشى

بصرف النظر عن رايكم او راينا ولكن الاغلبية الان لحزب او اثنين وهم من اعطاهم اغلبية الشعب صوته

ويجب على الاقلية احترام راى الاغلبية

عارفين اكثر ما يقلقنى ايه ؟

بعد 4-5 شهور تندلع مظاهرات تانى لاسقاط الحكومة

وكل جماعة ما يعجبهاش الحكومة او الرئيس تعمل مظاهرات وتعتصم

يجب ان نبدأ تعلم معنى كلمة معارضة ومعنى كلمة اغلبية

وهافكركم

الاسلاميين هايعملوا وزارة مثلا عند او حادث كبير او مصيبة هاتندلع مظاهرات واعتصامات ممن يخالف الاسلاميين مطالبين بسقوطهم والاعلام يشبع لطم

طيب الليبراليين مثلا يعملوا الحكومة عند اول كارثة ولا مشكلة حشد اسلاى وعمل مظاهرة للمطالبة باسقاط الحكومة

يجب ان يتحمل الشعب نتيجة اختياره

يحب ان تتعلم المعارضة انها الاضعف وان فيه قصور عندها وتعالجه

الانتخابات ليست نهاية المطاف ولن يحتكرها تيار واحد فهى كالساقية تدور على الكل

من فضلكم من فضل كل المصريين

الشعب اللى هو انا وانت وابويا وامى وكل اهلنا اعطوا تفويضا للاغلبية لاسترداد حقوقهم وادتارة الدولة

هذا التفويض صالح لمدة خمس سنوات

اعطوهم الفرصة ليقوموا بعملهم اللى رشحوا نفسهم ليه

دور المعارضة ان تقوم بمراقبتهم وعدم السماح بالخروج عما هو مطلوب منهم

هاضرب مثال ضربته قبل كده

فى فرنسا خدع ساركوزى الشعب الفرنسى بجمل ووعود رنانة واول ما مسك الكرسى لحس كل كلامه وعكسه وشعبيته الان اقل من7% يعنى حتى حزبه تخلى عنه

ولم نسمع مظاهرات تنادى بسقوطه ولما تسال شخص انتخبه يقولك احما غلطنا واخترناه نتحمل نتيجة اخنيارنا

دى الديموقراطية الصح

تم تعديل 13 يناير 2012 بواسطة raouf

[se_ Elsyed]

و ماذا حدث عندما حاول البعض اقتحام مسرح البالون و الحجة انهم من اهالى الشهداء لم يتم تكريمهم

لا إله إلا الله

من الواضح يا عزيزي إنك ما تعرفش تفاصيل ما حدث بالمرة ... وهو من خلال تحقيقات النيابة ومن الناس اللي إنضربوا

يا عزيزي ما حدث ان ناس من اهالي الشهداء الغلابة بالذات جميعهم تلقوا إتصالات تليفونية تخبرهم بأن هناك حقل تكريم لهم في مسرح البالون

وما كانش في لا حفله ولا غيره

وأول ما وصل الناس فجأة لقوا هجوم عليهم من جميع الجهات من البلطجية - كمين يعني - في غياب تام للشرطة اللي لما وصلت جت لمت اهالي الشهداء وما فيش ولا بلطجي إتمسك ...

بالمناسبة .... هل تعلم إن ده إتكرر الأسبوع الماضي ؟

فبعد ان امر الجنزوري بتشكيل هيئة لشهداء ومصابي الثورة .. اعلنت الهيئة عن جدول زمني لتسجيل بيانات المصابين والشهداء واعلن عنه في وسائل الإعلام ..

نفس الشيء حصل .. إتصالات تليفونية قالت للناس : إحنا هيئة ولا لجنة رعاية المصابين والشهداء وتعالوا

خد بالك

تعالوا خدوا التعويضات بتاعتكم بكره

وذهبوا بالمئات ليفاجئوا إن الموضوع هو لتسجيل أسماءهم فقط وبقى الجميع يضرب اخماس في أسداس

تفتكر مين بقى عنده الداتا دي وإزاي حصل عليها أساساً ؟

[mfarag]

و ماذا حدث عندما حاول البعض اقتحام مسرح البالون و الحجة انهم من اهالى الشهداء لم يتم تكريمهم

لا إله إلا الله

من الواضح يا عزيزي إنك ما تعرفش تفاصيل ما حدث بالمرة ... وهو من خلال تحقيقات النيابة ومن الناس اللي إنضربوا

يا عزيزي ما حدث ان ناس من اهالي الشهداء الغلابة بالذات جميعهم تلقوا إتصالات تليفونية تخبرهم بأن هناك حقل تكريم لهم في مسرح البالون

وما كانش في لا حفله ولا غيره

وأول ما وصل الناس فجأة لقوا هجوم عليهم من جميع الجهات من البلطجية - كمين يعني - في غياب تام للشرطة اللي لما وصلت جت لمت اهالي الشهداء وما فيش ولا بلطجي إتمسك ...

بالمناسبة .... هل تعلم إن ده إتكرر الأسبوع الماضي ؟

فبعد ان امر الجنزوري بتشكيل هيئة لشهداء ومصابي الثورة .. اعلنت الهيئة عن جدول زمني لتسجيل بيانات المصابين والشهداء واعلن عنه في وسائل الإعلام ..

نفس الشيء حصل .. إتصالات تليفونية قالت للناس : إحنا هيئة ولا لجنة رعاية المصابين والشهداء وتعالوا

خد بالك

تعالوا خدوا التعويضات بتاعتكم بكره

وذهبوا بالمئات ليفاجئوا إن الموضوع هو لتسجيل أسماءهم فقط وبقى الجميع يضرب اخماس في أسداس

تفتكر مين بقى عنده الداتا دي وإزاي حصل عليها أساساً ؟

الفاضل س س

هافترض صحة ما تقول على الرغم من ما شهادات الموظفين بالمسرح - و تدمير اجزاء منة

ما علاقة استغلال ما حدث بعدها مباشرة و الدعوة لمليونية فى التحرير

ليس لتكريم اهالى الشهداء

و ليس للدعوة للقبض على البلطجية

ولكن

الشرطة رجعت لسابق عهدها

و كان المطلوب هو ان تمتنع الشرطة عن الدفاع عن موسسات البلد

و ما علاقة ذلك

بالتبول على وزارة الداخلية فى احدى المليونيات

بلاش الاحداث الاخيرة

ما علاقة القبض او حتى تعذيب احد المعتصمين

بالدعوة للنزول و الهجوم واحراق مبانى الدولة

و هل لا تملك الدول حق فض الاعتصام بالقوة كما ان الاعتصام و التظاهر حق مكفول

و حتى عندما تحدث اخطاء عند فض الاعتصام

هل يكون الحل هو الدعوى للاشتباك مع القوات بالحجارة و الماتوف

وسقوط مزيد من الضحايا

و نرجع نقول شهداء و مصابين

و الاهم

ما هو الضامن ان لاتحدث شرارة / حدث / مندس / بلطجى

فى 25 يتاير القادم

و مع حجم الاعداد المتواجدة

ستصبح كارثة

و طبعا نرجع نقول الشهداء و المصابين

تحياتى

[mfarag]

بعد 4-5 شهور تندلع مظاهرات تانى لاسقاط الحكومة

وكل جماعة ما يعجبهاش الحكومة او الرئيس تعمل مظاهرات وتعتصم

دا المتوقع حاليا

ازالت ثورة يوليو فاروق ليتولى العسكر

فتوة الحارة تم استبدالة باخر

و المطلوب ان يتكرر السيناريو الان

لنستبدل المخلوع باطهر من فى مصر

و كلة باسم الديمقراطية

اقامة حياة ديمقراطية كانت احد اهداف ثورة يوليو

و المطلوب حاليا

اصبح استبدال انزة عصور الديمقراطية بتاعة مبارك

باطهر من فى مصر بتاعة اطفال الشوارع

اما الديمقراطية

فمدام مجابتش اطهر من فى مصر يبقى مالهاش لازمة

و البرلمان يبقى البرطمان

و الشرعية تبقى من الميدان حتى لو 300 واحد نصفهم بلطجية و اطفال شوارع

و يبقى الملايين اللى انتخبت و صوتت دول شوية غنم من الشعب الجاهل الغبى اللى بيضحك علية بالزيت و السكر

[shawshank]

هل يستطيع اى متظاهر فى المانيا ( حزب الخضر مثلا ) او امريكا او روسيا

او اى بلد من اكبر بلاد الحريات الى اسوء الديكتاتوريات

ان يقترب فقط و ليس يقتحم من محطة نووية

كلام حضرتك مظبوط وأنا متفق معاه تمامًا.

لكن أنا معلوماتي إن دي ماكانتش محطة نووية. دي فقط الأرض اللي كان مخطط ينشأ عليها محطة نووية. فمش عارف معلوماتي دي صح واللا ايه. وهل الدولة شرعت في الإنشاء وانتهت من القدر اللي ممكن معاه نقدر نقول إنها فعلاً "محطة نووية"؟ مش عارف.

عميق تحياتي لحضرتك

[عصام أبوالفتح]

هل يستطيع اى متظاهر فى المانيا ( حزب الخضر مثلا ) او امريكا او روسيا

او اى بلد من اكبر بلاد الحريات الى اسوء الديكتاتوريات

ان يقترب فقط و ليس يقتحم من محطة نووية

كلام حضرتك مظبوط وأنا متفق معاه تمامًا.

لكن أنا معلوماتي إن دي ماكانتش محطة نووية. دي فقط الأرض اللي كان مخطط ينشأ عليها محطة نووية. فمش عارف معلوماتي دي صح واللا ايه. وهل الدولة شرعت في الإنشاء وانتهت من القدر اللي ممكن معاه نقدر نقول إنها فعلاً "محطة نووية"؟ مش عارف.

عميق تحياتي لحضرتك

هو نظام اللى يلحق يقعد قبل الثانى !!

الموضوع من ايام جمال مبارك اطال الله حبسه من اكتر من سنتين . . والارض ملك الشعب المصرى

ليه شويه البلطجية دول افتكروها دلوقتى ولا هو ابتزاز وخلاص ?

اه ماهو كده كده كسبانين يا اما الارض يا اما ثمنها أو الاصابة والتعويضات وكارنيه مواصلات مدى الحياة . .

الحكاية اللى ذكرتها بينك عن الاعتصام اللى بيطالب بحوافز 1983 وحط 29 علامة تعجب! ماهوبرضو هدفه كده . . يا إما صرف الحوافز اللى ممكن تطلع 2 جنيه و45 قرش يا إما نشتبك ونتعور أو نضرب تقرير طبى اننا أصبنا وادينى احلى كارنيه مواصلات . . ونوط الواجب كمان !

والله مهزلة

[متعب]

انتوا عاوزين الحل من الاخر يعنى

هو اسقاط هذه الدوله عن بكرة ابيها

دوله العسكر لازم تسقط

اذا لم تسقط هذه الدوله فاشربوا بقى للسنين القادمه فوضى

وعشاق العسكر يروحوا هناك عندهم يطوفوا حواليهم بعيد عن مصر . يعملوهم كعبه ليهم ويفكونا

وكفايه كلام عن مصر والصاق وطنيه فى النص والخوف على البلد المزعوم ده

نغمه الصبر على وعلى مش هتاكل تانى تلاتين سنه اذا كان الصبر على العسكر او على البرلمان

والبرلمان حاليا اذا لم يحقق طلبات الثورة كامله فعليه الرحيل فورا وبدون كلام صبرا وشتيلا

وكون ان الشعب هينتظر تانى انهم يدورا على الاصلاح الاقتصادى ال محدش عارف طريقه ده كمان تلاتين سنه

ده كلام مش هياكل بشلن مع الشعب

العدل اساس الملك

مفيش عدل فى فوضى الى مالا نهايه . اقامه العدل تمنع الفوضى

اما حكايه نصبر ونصبر ونصبر

دى يغنيها سبايدر هو عكاشه وحياه اخته مع نفسيهم

طيب متصبروا انتوا على الثورة ولا هو الصبر بس على دوله الدعاره والقواده دى

هتولى مؤسسه فى مصر مش فاسده . واحده بس . مرورا بالازهر نفسه

الثورة قامت عشان اعاده هيكله الدوله كامله مش قامت عشان الشعب يطوف حولين العسكر

ويبقى السؤال

هل ال حصل فى الضبعه حاليا لو حصل فى التحرير كان العسكر سكتوا

الطبيعى لاء طبعا . لان التحرير عليه كخه

وطالما التزموا الصمت يبقى ده مخطط من مخطاطهم وتحت رعايتهم

دول بيضربوا السلميه بالاسلحه المحرمه دوليا . ملتزمين الصمت ليه هنا

مش قادرين يسيطروا على الشويه ال فى الضبعه دول

امال سيطروا على الانتخابات فى جميع ربوع مصر ازاى وحموها من تلاتين مليون فلول على اتباع ليهم !!!!!

يبقى كل ده مدبر منهم لمسلسلات الفزاعات المستمر . واذا فشل بالفعل ومكنتشى تمثيليه يبقى عليه تسليم البلاد فورا نتيجه فشله ويترك البلد لناس تقدر تسيطر عليها

ثورة الجياع قادمه لامحاله اذا استمرت هذه الدوله. قادمه لامحاله .

وكل المؤشرات بتقول ده

وساعتها بقى اى كلام مش هيفيد

يبقى المطلوب حاجه من اتنين لتفادى القادم من غير لف ولا دوران

1. تنفيذ طلبات الثورة كامله والعداله الاجتماعيه بين فئات الشعب

2. يا أما اسقاط هذه الدوله التى فشلت فى تحقيق اهداف الثورة

أختاروا الان

[متعب]

بورسعيد - محمد فرج

نظم مساء الجمعة نشطاء سياسيون فعاليات حملة "كاذبون" على رصيف المجمع الإسلامى بمنطقة الزهور ببورسعيد، وعرضوا مجموعة من الفيديوهات عبر شاشة عرض تكشف انتهاكات قوات الأمن فى استخدام العنف ضد المتظاهرين فى أحداث شارع محمد محمود ومجلس الوزراء التى حدثت مؤخراً.

أثناء العرض الذى شاهده بعض المارة فوجئ النشطاء السياسيون من حركة 6 إبريل وكفاية وائتلاف شباب الثورة باعتداء مجهولين عليهم بالصواعق الكهربائية، وأجبروهم على الرحيل بعد تحطيم أجهزتم ومكبرات الصوت.

وأكد بعض النشطاء لـ"اليوم السابع" استمرار مسيرتهم وتواصلهم فى كافة الميادين من أجل حملة "كاذبون" التى تهدف إلى كشف وفضح انتهاكات حكم العسكر وسط الانفلات الأمنى الذى تشهده البلاد، مؤكدين أن 25 يناير القادم سيشهد حشداً جماهيرياً من أبناء مصر للتنديد بحكم العسكر والمطالبة برحيله.

المجهوليين دول تخصصوا المسيرات السلميه . بس احداث الضبعه ملهمشى فيها

وصواعقهم بس على مسيرات سلميه اما المخربين وال بيعتدوا على منشأت الدوله . عادى بقه

طيب ما يروحوا المجهوليين دول على الضبعه ويورونا الهمه هناك والضغط العالى

ولا الضغط العالى ده اتخصص للتحرير وسقط من حسابات قطع الطرق بالاسابيع وتعطيل الحياه العامه

وعرقله سير السخام

هو مش المعلن والمفروض برده ان الجيش نازل عشان يحمى المنشأت العامه ولا دى اسطوانه بيقلبوا بيها دماغنه

هى الضبعه دى مش منشأت عامه ؟!!!

ولا المنشأت العامه دى انحصرت فى حمى وزارة الداخليه والدفاع وماسبيروا ؟

هو ايه الحزن المغلى ده

[shawshank]

هل يستطيع اى متظاهر فى المانيا ( حزب الخضر مثلا ) او امريكا او روسيا

او اى بلد من اكبر بلاد الحريات الى اسوء الديكتاتوريات

ان يقترب فقط و ليس يقتحم من محطة نووية

كلام حضرتك مظبوط وأنا متفق معاه تمامًا.

لكن أنا معلوماتي إن دي ماكانتش محطة نووية. دي فقط الأرض اللي كان مخطط ينشأ عليها محطة نووية. فمش عارف معلوماتي دي صح واللا ايه. وهل الدولة شرعت في الإنشاء وانتهت من القدر اللي ممكن معاه نقدر نقول إنها فعلاً "محطة نووية"؟ مش عارف.

عميق تحياتي لحضرتك

هو نظام اللى يلحق يقعد قبل الثانى !!

سامحني أستاذنا الفاضل/ عصام. مفهمتش معنى كلام حضرتك.