بعد المجمع العلمى ... محطة الضبعة النوورية

[عصام أبوالفتح]

سامحني أستاذنا الفاضل/ عصام. مفهمتش معنى كلام حضرتك.

أنا اقصد قانون وضع اليد القمئ الغبى الذى لا وجود له فى اى مكان بالعالم سوى مصر

والشرح فى باقى المشاركة وللتوضيح ازيد ما يلى :

اذا كانت الدولة فيما سبق غبية بما يكفى لأن تسمح للبعض بالاستيلاء على ممتلكات الكل

فلا يجب ان نسمح لهذا الغباء ان يستمر بعد الثورة

علمت أنهم قد تصالحوا على أن تبقى البيوت البدوية المبنية ( منعرفش امتى ) داخل ارض المشروع ويسمح بالرعى داخلها مع سحب الجيش واحلاله بالشرطة

معنى كده الشرطة هاتنظم مرور الغنم عبر سور المحطة النووية وهايسمحوا بحرث الارض .. معنى كده زراعة واستيطان .. معنى كده مصادمات عند اى بداية جدية للمشروع والمطالبة بتعويضات من جيوبنا

عرفت قصدى ايه ؟ ... يعنى الحق يا جدع ده الدولة لسه هبله ومبتحميش حاجة

وكده كسبانين كده كسبانين ...

حسبى الله ونعم الوكيل

[نوران]

أشكرك علي أسلوبك الراقي في التحاور مع زملائك في المنتدي

تم تعديل 14 يناير 2012 بواسطة Folana
حذف الاقتباس لحذف الاصل

[ماستر]

أشكرك علي أسلوبك الراقي في التحاور مع زملائك في المنتدي

الاخت الفاضلة نوران,

ربنا يجعلنا دئما عند حسن الظن,

هذا هو المتوقوع والمفروض منا جميعا

[Folana]

تم إعادة فتح الموضوع بعد نقل جميع المداخلات المخالفة والخارجة عن سياق الفكرة الرئيسية للموضوع

إلى موضوع منفصل مغلق ، ليتمكن الجميع من متابعة أسلوب الحوار بين الاخوة الكرام

مداخلات محذوفة

كما نرجو من حضراتكم الالتزام بقواعد الكتابة وعدم تشتيت الموضوع :

7. الإلتزام بعدم تغيير مجري الحوار في الموضوعات او محاولة تشتيت الأفكار التي يناقشها كاتب الموضوع أو تحويل الموضوعات إلي مهاترات شخصية أو إضافة مشاركات لا يقصد الإثراء بها أو الأستفادة وانما فقط لزيادة عدد المشاركات وبالأخص إذا كانت في سياق حوارات جادة.

8. الإلتزام بعدم نشر محتوي أي رسالة خاصة أو مايدور فى المراسلات الخاصة دون موافقة الطرف الآخر، كذلك عدم تحويل الموضوعات الى مناقشات لشخصية الاعضاء ، بل مناقشة للأفكار نفسها ، وأى تجاوز سيتم التعامل معه بكل شدة وحيادية.

9. حيث أن طاقم الادارة ليسوا سوى أعضاء متطوعون قبلوا المساهمة فى إدارة المنتدى لذا يرجى الإلتزام بعدم توجيه اي إهانة او إتهام للإدارة تصريحا أو تلميحا .. و في حالة الاعتراض على أى موضوع أو مداخلة فخاصية التقرير عن المخالفات مفتوحة للجميع و تصل مباشرة الي جميع المشرفين .. أما في حالة الاعتراض على أى تدخل أو إجراء إدارى من أحد المشرفين فيمكن استخدام الرسائل الشخصية لمشرف آخر أو للأدفايزور مباشرة

شاكرين تفهمكم

عن فريق الاشراف

تم تعديل 14 يناير 2012 بواسطة Folana

[eslam elmasre]

الثوار لا علاقة لهم بحرق المجمع العلمي وكل من لديه وثيقة تثبت ذلك عليه بتقديمها للقضاء اولا ثم الى الإعلام ثانيا

لذلك لا علاقة لهم بتعديات المواطنين على محطة الضبعة النووية

بالنسبة للتعدي على مشروع الضبعة فهذا امر يخص المقيمون حول هذه المحطة فهم ادرى بحالهم وقد تكون هناك مخاطر ستترتب على بناء هذه المحطة في هذا المكان السكني ومعروف ان المفاعلات النووية لها من المخاطر ما تضر بسكان المناطق المحيطة بها فقد شاهدنا ما حدث في مفاعل تشرنوبل وما حدث في اليابان من تسربات نووية ادت الى وفاة العديد من سكان المناطق المحيطة ناهيك عن ما تسببه من امراض سرطانية ومفعولها الممتد لعدة سنوات قادمة

اما محاولة إلصاق كل جريمة تحدث في البلاد للثوار لهي محاولة فاشلة لن تنطلي علي الشعب المصري العظيم

[se_ Elsyed]

الثوار لا علاقة لهم بحرق المجمع العلمي وكل من لديه وثيقة تثبت ذلك عليه بتقديمها للقضاء اولا ثم الى الإعلام ثانيا

لذلك لا علاقة لهم بتعديات المواطنين على محطة الضبعة النووية

بالنسبة للتعدي على مشروع الضبعة فهذا امر يخص المقيمون حول هذه المحطة فهم ادرى بحالهم وقد تكون هناك مخاطر ستترتب على بناء هذه المحطة في هذا المكان السكني ومعروف ان المفاعلات النووية لها من المخاطر ما تضر بسكان المناطق المحيطة بها فقد شاهدنا ما حدث في مفاعل تشرنوبل وما حدث في اليابان من تسربات نووية ادت الى وفاة العديد من سكان المناطق المحيطة ناهيك عن ما تسببه من امراض سرطانية ومفعولها الممتد لعدة سنوات قادمة

اما محاولة إلصاق كل جريمة تحدث في البلاد للثوار لهي محاولة فاشلة لن تنطلي علي الشعب المصري العظيم

كنت فاكر إن الناس فاهمة يعني إيه كلمة " بدو " او يعني إيه مشروع على أي أرض بدوية !!!

طب وهانروح بعيد ليه .. سيبكم من الضبعة ومطروح .. خلونا في مدينة العبور ... والشروق وبدر و6 أكتوبر .. وبالتحديد مشروع إبني بيتك ... وحد يسأل كده : بابا فين؟ قصدي المشروع وصل فين

المشروع يا سادة فشل فشل ذريع لان الدولة حدفت الناس دي بعييييييييييد ورا البراميل في حتت تابعة للمدن دي أينعم لكن متطرفة وفي الهووووووووو

وتخيلوا اللي مسيطر على المناطق دي بعض رعاة الغنم الرحُل اللي مسميين نفسهم بدو ... يعني مش محترمين سوري يعني زي بدو سينا او مطروح كمان اللي لهم بيوت ومكان ثابت ... وغالباً بيبقى دول أقرب للغجر منهم للبدو .. انا شوفت المشهد ده بعيني زمان قبل ما أبيع الأرض بتاعتي في العبور وأكتفي بشقة سكنية فقط بعد ما مواد البناء إتجننت ... واقف انا وأخويا والمهندس والمقاول والناس شغالة عادي وفين ؟ في الحي السادس على الطريق يمكن قدام جهاز المدينة مباشرة إلا وواحد نطع من دول جاي ومعاه سلاحة الشخصي وبيقول لنا : سلام عليكم ... إحنا البدو - بيتكلم بصيغة الجمع كمان - وإحنا اللي بنحمي الأراضي دي وعاوزين حق الحماية .. فكلمة وتلت كده قولت له : شايف الطريق اللي هناك ده ؟ روح إمسك الطريق ده ولو شوفتك هنا تاني ... ما تعرفش هايحصل لك إيه ... وما شوفتش خلقته تاني لأني عارف إننا في العمار مش متطرفين عشان يقدر يستفرد بينا او يفرض علينا إتاوة .. فما بالنا بالشباب الغلابة اللي رموهم في التهلكة فأصبحوا لقمة سائغة في أيدي البدو وولا شافوا إبني بيتك .. ولا يخرب بيتك

والله يا جماعة يمكن قولت لكم إن من 5 شهور تقريباً ... عديل اخويا عقيد قوات مسلحة .. ضاع شقى عمره هو وعائلتة .. فوالدة شخص فاضل وهو وكيل وزارة الاوقاف وداعية إسلامي محترم .. وعندهم حوالي 25 فدان في التل الكبير كانوا عاملين عليهم مزاراع دواجن وبط وحاجات زي دي ... فأستغل البدو فرصة الأنفلات الامني ونزلوا أستولوا على أرضهم المسجلة من سنوات طويلة جداُ بعقود موثقة ... والجيش جامل الراجل وبعت قوات كبيرة بصراحة طردت الناس دي بعد ما اخدوا كله حاجه وخلعوا كل حاجه في المزرعة ... لكن الجيش مش هايقعد على طول هناك .. يوم إتنين الامور تمام .. مجرد ما القوات تمشي .. يروح دول راجعين في لمح البصر باعداد كبيرة وبأسلحة حديثة واحتلال علني

الراجل أجر بلطجية عشان لا يفل الحديد إلا الحديد وراح بهم الأرض . ولقوا دول هناك ... البدو نزلوا فيهم ضرب مثل ضرب الكفار كده والراجل إتنقل هو وابوه وأخوه للعناية المركزة بين الحياة والموت

وحتى الان . يبقى الحال كما هو عليه وماحدش قادر يهوب هناك والمشروع راح في داهية

وبالتالي أرض الضبعة او غيرها .. لو الدولة حتى ما اكلتش البدو ودفعت المعلوم .. يبقى لا محطة نووية هاتتعمل .. ولا محطة صرف صحي حتى .. لان البدوي بيعتبر إنه لو عايش في سينا مثلاً وكان بيرعى غنم .. والغنم دي اكلت مره حشائش في قطعة إرض ولو لمرة واحده ... يبقى دي أرضة وارض اجدادة بوضع اليد ... وأسألوا حسن راتب بتاع قناة المحور ومصانع أسمنت سيناء وجامعة سيناء بيعمل إيه هناك عشان يكسب رضاهم عليه

[elzahraa]

اقتحام محطة الضبعة وتفجير منشآت المفاعل النووي بالديناميت.. وسرقتها وتخريبها

عقد محافظ مطروح عصر اليوم اجتماعا طارئا مع القيادات الأمنية والشعبية لمواجهة تداعيات قيام بعض الأهالي باقتحام محطة الضبعة النووية، حيث تم تفجير جميع المنشآت الخاصة بالمفاعل النووي بالديناميت.

كان اللواء طه محمد السيد محافظ مطروح، وصف الوضع بالخطير والسيئ وأن المرحلة التي تمر بها البلاد من أخطر ما يكون بعد أن قام الأهالي منذ مساء الجمعة وحتى عصر اليوم بهدم وتخريب ونهب وسرقة كل ما بداخل منشآت المحطة بعد أن اقتحموها.

وطالب المحافظ كل القيادات الشعبية بالمحافظة بضرورة تضافر الجهود لمواجهة الموقف الهجوم علي منشآت المفاعل النووي من قبل الأهالي وأكد لأعضاء مجلس الشعب أن يبلغوا الأهالي بأن هناك توجها جديدا من الحكومة بصرف تعويضات مالية جديدة للأهالي عن أراضيهم بسعر اليوم، موضحاً أن كل ساعة تأخير في مواجهة تجاوزات الأهالي تزيد من صعوبة وخطورة الموقف.

كما طرح كل من عضوي مجلس الشعب خير الله الزعيري ومنصور قوية فكرة أرض بديلة للمفاعل بعيدة عن الضبعة، حيث أكد لهم المحافظ أن دراسة جدوى أي مشروع جديد غير الضبعة ستكون باهظة التكلفة، كما طالب أعضاء مجلس الشعب المحافظ بضرورة تحديد حزام الأمان النووي وتحديد مساحة معقولة للمحطة إلي تصل مساحتها لأكثر من 45كم2 وهي مساحة مبالغ فيها علي حد وصف الأهالي.

كان أهالي مدينة الضبعة قاموا منذ صباح أمس بهدم سور محطة الضبعة النووية واقتحموا جميع المنشآت الخاصة بهيئة الطاقة النووية وفجروا بعضها بالديناميت بعد انسحاب الجيش من أرض المحطة ودخول قوات الشرطة بدلاً منها لتأمين المنشآت الخاصة بالمفاعل إلا أن الأهالي حسب التقارير الأمنية المتلاحقة قاموا بالاستيلاء عليها بالقوة وهو ما دفع مدير أمن مطروح إلي الانتقال لمحطة الضبعة النووية لمتابعة الموقف بنفسه ولمنع وقوع أية اشتباكات مع الأهالي وقوات الأمن التي تتكون من 3 فصائل فقط.

http://gate.ahram.org.eg/News/160665.aspx

وعلى قناة الحياة كان في كلام عن محطة التحلية في المنطقة

الوضع فعلا كارثي هناك

الدرسات بتاعت المحطة اتصرف عليها كتير وكانت حلم بجد

لكن اغفال عامل واحد و هو تقبل الاهالي للمشروع ممكن يؤدي لكارثة

خاصة ان في من يستطيع استغلال العامل دا لحسابه

غير اصلا ان ايام الثورة تم سرقة ملفات ودراسات الموضوع

الموضوع دا كبير جدا وقوى كتير بتدخل فيه

عمل مشروع نووري في مصر مش بالبساطة دي

[se_ Elsyed]

أحد أعضاء مجلس الشعب عن مطروح بيقترح إختيار أرض تانية يعملوا عليها محطة نووية ههههههههههه

أين هم الأشاوس اللي شمتوا وشجعوا قتل 20 شاب في شارع مجلس الوزراء لمجرد إنهم قافلين الشارع لإنهم مش حاسين بالثورة

أهو إتفرجوا وسمعونا رأيكم عن مهازل تحدث الان من ديناميت وإحتلال وتدمير وماحدش قادر يفتح بؤه

حسبنا الله ونعم الوكيل

[eslam elmasre]

أحد أعضاء مجلس الشعب عن مطروح بيقترح إختيار أرض تانية يعملوا عليها محطة نووية ههههههههههه

أين هم الأشاوس اللي شمتوا وشجعوا قتل 20 شاب في شارع مجلس الوزراء لمجرد إنهم قافلين الشارع لإنهم مش حاسين بالثورة

أهو إتفرجوا وسمعونا رأيكم عن مهازل تحدث الان من ديناميت وإحتلال وتدمير وماحدش قادر يفتح بؤه

حسبنا الله ونعم الوكيل

هما اللي قفلوا ميناء دمياط بردو الثوار

واللي بيقطعو القطارات الثوار

ولا اللي بيوقفو الطرق الثوار

ولا اللي سرقو القمح هما الثوار

طب لو هما كل دول تستكثر انهم يفجروا الضبعة بالديناميت

وماتنساش العماير اللي اتبنت اثناء الثورة هما بردو اللي بنوها

وكمان احتلو الارصفة وعملوها محلات

فاكر يا سي السيد لما فتحت موضوع عن دولة البلطجة اللي احتلو جوانب خط قطار ابو قير وعملوها محلات

تعرف يا سي السيد انهم خلصو القصة دي في اد ايه

هابالغ لو قلت لك ساعة زمن

لدرجة ان البلطجية ما قدروش يخدوا المخلفات خوفا من الجيش والشرطة

حتى المخلفات اللي طلعت ما قدروش يهوبوا ناحيتها وفضلت لغاية ما جاء بتوع الخردة واخدوها

كل حاجة بمزاجهم ولو عايزين حاجة تمشي هايمشوها ولو تقف هايوقفوها

[tarek hassan]

الشائعات لعبت دورا رئيسيا في رجوع المحطة النووية بالضبعة .. والتي جعلت أهل مطروح جميعا يصيبهم الفزع والرعب مما يحدث في سيناء والزعم بهدم البيوت وقتل الأطفال وجمع الأسلحة والتهجير فسارعوا إلى جلسات التصالح اعتقادا منهم أن دورهم هو القادم فذهبوا للجيش قائلين : أنت بابا وأنت ماما وأنت أنور وجدي .... وتوقفت تقريبا كل عمليات البلطجة واغتصاب الأراضي المباعة أو فرض الأتاوى على ملاكها أو إعادة بيع المباع منها ... وقالوا الطيب أحسن بدلا من حدوث عمليات تفتيش عن الأسلحة فأعادوا المحطة وقاموا بترميم مركز الشرطة الذي أحرقوه بأيديهم وانتهت تقريبا فوكوشيما الضبعة من أجل ابتزاز الدولة لمكاسب مادية

مع علمنا إن اللي في القلب في القلب لكن الجبن سيد الأخلاق عند الناس اللي تخاف متختشيش

تم تعديل 4 أكتوبر 2013 بواسطة tarek hassan

[herohero]

انتوا عاوزين الحل من الاخر يعنى

هو اسقاط هذه الدوله عن بكرة ابيها

دوله العسكر لازم تسقط

اذا لم تسقط هذه الدوله فاشربوا بقى للسنين القادمه فوضى

وعشاق العسكر يروحوا هناك عندهم يطوفوا حواليهم بعيد عن مصر . يعملوهم كعبه ليهم ويفكونا

وكفايه كلام عن مصر والصاق وطنيه فى النص والخوف على البلد المزعوم ده

نغمه الصبر على وعلى مش هتاكل تانى تلاتين سنه اذا كان الصبر على العسكر او على البرلمان

والبرلمان حاليا اذا لم يحقق طلبات الثورة كامله فعليه الرحيل فورا وبدون كلام صبرا وشتيلا

وكون ان الشعب هينتظر تانى انهم يدورا على الاصلاح الاقتصادى ال محدش عارف طريقه ده كمان تلاتين سنه

ده كلام مش هياكل بشلن مع الشعب

العدل اساس الملك

مفيش عدل فى فوضى الى مالا نهايه . اقامه العدل تمنع الفوضى

اما حكايه نصبر ونصبر ونصبر

دى يغنيها سبايدر هو عكاشه وحياه اخته مع نفسيهم

طيب متصبروا انتوا على الثورة ولا هو الصبر بس على دوله الدعاره والقواده دى

هتولى مؤسسه فى مصر مش فاسده . واحده بس . مرورا بالازهر نفسه

الثورة قامت عشان اعاده هيكله الدوله كامله مش قامت عشان الشعب يطوف حولين العسكر

ويبقى السؤال

هل ال حصل فى الضبعه حاليا لو حصل فى التحرير كان العسكر سكتوا

الطبيعى لاء طبعا . لان التحرير عليه كخه

وطالما التزموا الصمت يبقى ده مخطط من مخطاطهم وتحت رعايتهم

دول بيضربوا السلميه بالاسلحه المحرمه دوليا . ملتزمين الصمت ليه هنا

مش قادرين يسيطروا على الشويه ال فى الضبعه دول

امال سيطروا على الانتخابات فى جميع ربوع مصر ازاى وحموها من تلاتين مليون فلول على اتباع ليهم !!!!!

يبقى كل ده مدبر منهم لمسلسلات الفزاعات المستمر . واذا فشل بالفعل ومكنتشى تمثيليه يبقى عليه تسليم البلاد فورا نتيجه فشله ويترك البلد لناس تقدر تسيطر عليها

ثورة الجياع قادمه لامحاله اذا استمرت هذه الدوله. قادمه لامحاله .

وكل المؤشرات بتقول ده

وساعتها بقى اى كلام مش هيفيد

يبقى المطلوب حاجه من اتنين لتفادى القادم من غير لف ولا دوران

1. تنفيذ طلبات الثورة كامله والعداله الاجتماعيه بين فئات الشعب

2. يا أما اسقاط هذه الدوله التى فشلت فى تحقيق اهداف الثورة

أختاروا الان

تحياتي واتمنى ان يكون هذا رايك حتى الان ان العدل وتحقيق اهداف الثورة يجب ان يكون المعيار لنجاح النظام

[Alshiekh]

الشائعات لعبت دورا رئيسيا في رجوع المحطة النووية بالضبعة .. والتي جعلت أهل مطروح جميعا يصيبهم الفزع والرعب مما يحدث في سيناء والزعم بهدم البيوت وقتل الأطفال وجمع الأسلحة والتهجير فسارعوا إلى جلسات التصالح اعتقادا منهم أن دورهم هو القادم فذهبوا للجيش قائلين : أنت بابا وأنت ماما وأنت أنور وجدي .... وتوقفت تقريبا كل عمليات البلطجة واغتصاب الأراضي المباعة أو فرض الأتاوى على ملاكها أو إعادة بيع المباع منها ... وقالوا الطيب أحسن بدلا من حدوث عمليات تفتيش عن الأسلحة فأعادوا المحطة وقاموا بترميم مركز الشرطة الذي أحرقوه بأيديهم وانتهت تقريبا فوكوشيما الضبعة من أجل ابتزاز الدولة لمكاسب مادية

مع علمنا إن اللي في القلب في القلب لكن الجبن سيد الأخلاق عند الناس اللي تخاف متختشيش

أثق في كلامك وأنا مغمض

انت عشت وتعيش بين تلك القبائل وتعرف عنهم الكثير.

[tarek hassan]

أثق في كلامك وأنا مغمض

أنت عشت وتعيش بين تلك القبائل وتعرف عنهم الكثير.

شكرا يا أستاذ : محمد على الثقة ... هناك جمل نقلتها عنهم حرفيا مثل جملة اللي في القلب في القلب ... ....

تم تعديل 4 أكتوبر 2013 بواسطة tarek hassan