تعالوا نعمل حاجه صح بقى !!!

[الطاحونة الفكرية]

مساء الخير

أنا عضو جديد بس مش جديد اوي يعني

تقريبا قرأت لكل أعضاء المنتدى و شاركت مشاركات بسيطه

و أستخلصت النتائج الآتية :-

1. المنتدى كمنتدى تنظيم أداري رائع و منسق و سهل الأستخدام

2. معظم الاعضاء ناس محترمة جدا و سعيد جدا بالأنضمام اليهم

3.كلنا مصريين ( يعني ظروف واحدة و مشاكل واحدة و فكر متقارب .

ولكني لاحظت من خلال جولاتي في المنتدى أن كل الموضوعات هي عبارة عن مناقشات فقط

مناقشات مفيدة اه و في مواضيع هامة انا معاكوا

بس مافيش أنتاجية

مشكلتي ان انا عملي شوية

ممكن واحد لوحدة ميقدرش يعمل حاجه

بس لما نكون مجموعه كويسة كدة اكيد ممكن نساعد بعض و نستفيد من بعض مش من خلال الكلام و الدردشة و الهزار فقط

أستفادات مادية و معنوية ايضا .

فكرتي هي :-

كل واحد من الاعضاء يكتب هنا مجال عمله و خبراته و معارفه و تكون دي صفحة للتعارف الجاد بغرض الأستفادة من خبراتنا و علاقاتنا و معارفنا في مجال العمل

يعني حاجه تشبه منتدى لرجال الاعمال مش شرط رجال اعمال كبار أنما من خلاله نستطيع أن احنا نعمل بزنس مع بعض و نفيد بعض في شتى المجالات

و دة بالتالي هيزيد من فعالية الحوار و سيعزز من مكانه المنتدى .

و برده مش هننسى المناقشات ;)

و عشان كدة هبتدي انا الاول .

طارق مصطفى

مدير مبيعات الدهانات البحرية في شركة يوتن للدهانات

و مسئول عن معرض المالتي كلر سيستم في الاسكندرية .

خبرتي كبيرة في مجال الدهانات بجميع انواعها .

أعتقد كدة ان لو فيه عضو عنده مشكله بخصوص الدهانات ممكن يستشيرني

و لو فيه مقاول أو شخص عادي عايز يعرف أيه اللي المفروض يعملة هفيده برضه

و هعمل معاه و هرشده لأختيار الامثل من الناحية الاقتصادية

و المحامي

و الظابط

و المهندس

و دكتور العيون

حتى اللي بيعاني من بطاله

و مهندسة الديكور

كله هيستفيد

اللي موافقني على الفكرة دي ياللا يبتدي معايا

أيد لوحدها متسقفش

مش هنفضل نتناقش و نتناقش و نهمل نفسنا

فكر في نفسك الاول و عالج مشاكلك عشان تعرف تتفرغ للمشاكل العامه و اكيد ساعتها هتعرف تحلها

ياللا بينا نبتدي ؟؟؟

ياللا

vmp:

[بنت شعنونة]

دهااااااااااااانااااااااااااااااااات ;)

احمدكككككككككك ياررررررررررررب

فيه موضوع اسمه تجارب شخصية

في باب موضوعات شخصية

ممكن تساعدنا هناك

ها نستفييييييييييييد جدا fsh::

دا انا ها ارهيييييييك اسأله :angry:

[الطاحونة الفكرية]

دهااااااااااااانااااااااااااااااااات ;)

احمدكككككككككك ياررررررررررررب

فيه موضوع اسمه تجارب شخصية

في باب موضوعات شخصية

ممكن تساعدنا هناك

ها نستفييييييييييييد جدا fsh::

دا انا ها ارهيييييييك اسأله :angry:

أهريني محدش مانعك

بس ليه مشاركتيش معايا و عرضتي خبراتك ؟؟؟؟ vmp:

[الطاحونة الفكرية]

انا شايف ان مافيش حد متحمس

كله خايف

ليه ؟

بسيطة

الأسم :

السن :

مجال العمل :

الخبرات :

تعالوا نجرب هنستفيد والله

vmp:

[Gharib fi el zolomat]

ليس من الحكمه كتابه الاسم الحقيقى

الاسم المستعار احسن

[الطاحونة الفكرية]

ليس من الحكمه كتابه الاسم الحقيقى

الاسم المستعار احسن

مش فاهم وجهه نظرك من كدة

هوا احنا هنخاف من حاجه ؟؟؟ vmp:

واللا بنعمل حاجه غلط ؟

[se_ Elsyed]

ليس من الحكمه كتابه الاسم الحقيقى

الاسم المستعار احسن

مش فاهم وجهه نظرك من كدة

هوا احنا هنخاف من حاجه ؟؟؟ vmp:

واللا بنعمل حاجه غلط ؟

فكرتك ممتزاة جداً جداً

ولكن انا متوقع بإنك لن تجد تحمس من جانب الزملاء في موضوع ذكر الاسماء الحقيقية ( لأسباب امنية ) هذه حقيقة لا يُمكن إنكارها ... وهي مسألة ليست ذات اهمية ..

لكن دعنا نتحدث عن الخبرات العلمية والعملية فهي مهمة جداً جداً وفيها إستفادة للجميع ...

تعالى بقى لتلقيح الكلام ... كان في بعض الزملاء متحمسين لفكرة التنمية البشرية والخبرات العملية وكل واحد قالك ده انا عندي وعندي .. وفجاة إنطفات هذه الشعلة ومش عارف مين اللي دلق عليها ميه .. وفضلنا ننتظر في أي حاجة منهم ولكن عشم المصريين في لحمة السودانيين ... ومنهم لانسلوت اللي عمل لنا البحر طحينة وكان متزعم حزب التنمية الإصلاحي التقدمي الوحدوي ....

عامة أبدا إنت وإحنا وراك يا ريس طاحونة ...

وانا عن نفسي مستعد أشارك بخبراتي المتواضعة في المجال الإداري .

[Merci X]

فعلا , انا كمان عضو جديد .. بس متابع المنتدي من حوالي شهر .. ولاحظت فتح المناقشات في كل حاجه من الاخوه الافاضل ( ما شاء الله) مفيش موضوع لم يفتح او شئ لما يتناقشوا فيه ..

وعموما انا متحمس للفكره دي جدا , بس للاسف انضمامي ليها هيبقي تبع جهه العاطلين <_< :angry: او بمعني اصح .. هبقي في جهه الطلاب ..

وأدي المعلومات

الاسم : عبده عبد الستار .. مصطفي حلموس .. ذكي جمعه .. مش هتفرق

المهنه : طالب في كليه حقوق سنه ثالثه كلاكيت تاني مره

الخبرات : خبره كبيره في الفشل .. بدايه من الثانويه العامه اللي دخلني فيها مجموعي الكبير كليه الحقوقو حتي المرحله الحاليه التي اعاني فيها وسط دراسه الدساتير و النظم الحاكمه ..

يلا يا جماعه .. انا فتحت شهيتكم كلكم .. عايزين بقي نشوف الدكاتره و المهندسين و علماء الذره

ايه مفيش حد ضابط في الموقع .. او شغال في الامن المركزي .. يمكن ينفعنا او نشيله لوقت عوزه :blink:

[disappointed]

أنا أخصائى أمراض باطنيّة و الماجستير بتاعى فى أمراض الغدد الصمّاء و السكّر

طبعاً أنا تحت أمر أى زميل فى أى إستشارة تخص الأمراض الباطنيّة خصوصا "الحتّة" بتاعتى ( السكّر - إضطرابات و أمراض الغدد الصمّاء - السمنه - النحافة - عوائق الإنجاب الناتجة عن إضطرابات الغدد الصمّاء - الضعف الجنسى الناتج عن إضطرابات الغدد الصمّاء ...إلخ..إلخ).... كما يوجد لدى خبرة كبيرة بمناظير الجهازين الهضمى و التنفّسى , وسبق لى العمل لفترة ليست بالقصيرة فى وحدات الغسيل الكلوى و رعاية القلب المركّزة ..مع خبرة مش بطّالة فى مجال العلاج الكيماوى لحالات السرطان (للبالغين فقط)

من ناحية أخرى فأنا أعمل منذ عدّة سنوات فى مجال إدارة المستشفيات و المراكز الطبية و التسويق و التأمين الطبّى و تدقيق المطالبات و التقارير الطبّية و تصميم الــ presentations و البروشورات و الفلايرات الدعائية الخاصة بالمشاريع الطبّية الغير تقليديّة ( كالعلاج بالإبر الصينية و الرعاية المنزليّة و رعاية المسنين و خدمات الإستشارات الطبية عبر الهاتف...إلخ إلخ)... فإذا كان لأحد أى إستفسار فيما يخص هذا المجال فأنا بأقول به : Be my guest

بالنسبة لباقى الـــdata الشخصيّة فأعتقد إنها مش حتكون ذات علاقة بالهدف الأساسى من هذا الموضوع الذى أراه مفيداً و عمليّاً ( و أشكر الزميل العزيز الذى فتحه عليه)

ملحوظه : إذا كان هناك لأحد إستفسارات تخص الفنون التشكيليّة فيمكننى طرحها على زوجتى و نقل ردودها إلى صاحب السؤال

[Tafshan]

انا بأشجع العمل الايجابي لكن من غير <_< ما تزعلش مني احنا بنفضفض قوي و طبعاً احنا في بلد الحريات fsh:: .. اسمح لي .. خليني جنب الحيط !!!

انا عندي تجربه عمليه لعمل شئ ايجابي من غير كلابوش :

http://www.egyptiantalks.org/invb/index.ph...=0entry150428

الموضوع ده عباره عن ورشة عمل اعمل Website لخدمة المسلمين في كل مكان في العالم و بدأ فعلاً العمل : ابو نور عرض استضافة الموقع و نشوى عرضت عمل الGrapgics و بالنسبه لي انا سأقوم بأستعراض معلومات عامه مفيده عن دبي بما اني فيها ليتفادى اي وافد جديد المشاكل اللي انا مررت بها عندما جئت لأول مره

يا ريت الكل يشارك في هذا المشروع

[se_ Elsyed]

والعبد الفقير لله س س خبرة في مجال شئون العاملين وقوانين العمل والعمال بالمملكة العربية السعودية .. ومستعد لتقديم الإستشارات المجانية - لأول مره بس - فيما يخُص أي مشاكل لأي زميل معانا هنا ... وكمان من وقت للتاني بانزل إعلانات عن وظايف شركتنا بتطلبها ... ولسه إمبارح منزلين إعلان طالبين فيه مدير مبيعات خبرة لا تقل عن 8 سنوات في الـ IT وعنده إستعداد لإدارة أحد الشركات وتحقيق مبيعات تصل إلى 100 مليون دولار سنوياً والراتب مُجزي جداً والرزق على الله .

[homer]

ممكن اساعد فى فرص التعليم والمنح الدراسية فى امريكا الشمالية وممكن أفتى فى المسائل الاقتصادية وبالذات التجارة الدولية وأسعار الصرف والاستثمار الاجنبى وبادرب كورة للناشئين وباعلم عربى للأجانب وراجع امريكا بعد اسبوعين

بس كده

[الطاحونة الفكرية]

فعلا , انا كمان عضو جديد .. بس متابع المنتدي من حوالي شهر .. ولاحظت فتح المناقشات في كل حاجه من الاخوه الافاضل ( ما شاء الله) مفيش موضوع لم يفتح او شئ لما يتناقشوا فيه ..

وعموما انا متحمس للفكره دي جدا , بس للاسف انضمامي ليها هيبقي تبع جهه العاطلين :lol: :blink: او بمعني اصح .. هبقي في جهه الطلاب ..

وأدي المعلومات

الاسم : عبده عبد الستار .. مصطفي حلموس .. ذكي جمعه .. مش هتفرق

المهنه : طالب في كليه حقوق سنه ثالثه كلاكيت تاني مره

الخبرات : خبره كبيره في الفشل .. بدايه من الثانويه العامه اللي دخلني فيها مجموعي الكبير كليه الحقوقو  حتي المرحله الحاليه التي اعاني فيها وسط دراسه الدساتير و النظم الحاكمه ..

يلا يا جماعه .. انا فتحت شهيتكم كلكم .. عايزين بقي نشوف الدكاتره و المهندسين و علماء الذره

ايه مفيش حد ضابط في الموقع .. او شغال في الامن المركزي .. يمكن ينفعنا او نشيله لوقت عوزه mfb:

كلية الحقوق كلية صعبة و المفروض أنها كانت تبقى من كليات القمة زي زمان عشان مش أي حد يدخلها

هيا سلاح زو حدين لو معاك واسطه كبيرة يبقي ممكن تدخل النيابة و تبقى من صفوة القوم .

لو معاكش يبقى هتكافح شوية و عندك فيلم عادل أمام

(( طيور الظلام ))

أتفرج عليه هيديك دفعة للأمام .

vmp:

[الطاحونة الفكرية]

أنا أخصائى أمراض باطنيّة و الماجستير بتاعى فى أمراض الغدد الصمّاء و السكّر

طبعاً أنا تحت أمر أى زميل فى أى إستشارة تخص الأمراض الباطنيّة خصوصا "الحتّة" بتاعتى ( السكّر - إضطرابات و أمراض الغدد الصمّاء - السمنه - النحافة - عوائق الإنجاب الناتجة عن إضطرابات الغدد الصمّاء - الضعف الجنسى الناتج عن إضطرابات الغدد الصمّاء ...إلخ..إلخ).... كما يوجد لدى خبرة كبيرة بمناظير الجهازين الهضمى و التنفّسى , وسبق لى العمل لفترة ليست بالقصيرة فى وحدات الغسيل الكلوى و رعاية القلب المركّزة ..مع خبرة مش بطّالة فى مجال العلاج الكيماوى لحالات السرطان (للبالغين فقط)

من ناحية أخرى فأنا أعمل منذ عدّة سنوات فى مجال إدارة المستشفيات و المراكز الطبية و التسويق و التأمين الطبّى و تدقيق المطالبات و التقارير الطبّية و تصميم الــ presentations و البروشورات و الفلايرات الدعائية الخاصة بالمشاريع الطبّية الغير تقليديّة ( كالعلاج بالإبر الصينية و الرعاية المنزليّة و رعاية المسنين و خدمات الإستشارات الطبية عبر الهاتف...إلخ إلخ)... فإذا كان لأحد أى إستفسار فيما يخص هذا المجال فأنا بأقول به : Be my guest

بالنسبة لباقى الـــdata الشخصيّة فأعتقد إنها مش حتكون ذات علاقة بالهدف الأساسى من هذا الموضوع الذى أراه مفيداً و عمليّاً ( و أشكر الزميل العزيز الذى فتحه عليه)

ملحوظه : إذا كان هناك لأحد إستفسارات تخص الفنون التشكيليّة فيمكننى طرحها على زوجتى و نقل ردودها إلى صاحب السؤال

شكرا لمشاركتك و اعتقد ان هناك الكثير من الأعضاء اللي هيستفيدوا من خبراتك

تحياتي vmp:

[الطاحونة الفكرية]

انا بأشجع العمل الايجابي لكن من غير  :lol:  ما تزعلش مني احنا بنفضفض قوي و طبعاً احنا في بلد الحريات fsh:: .. اسمح لي .. خليني جنب الحيط !!!

انا عندي تجربه عمليه لعمل شئ ايجابي من غير كلابوش :

<IFRAME WIDTH=550 HEIGHT=400 SRC=http://www.egyptiantalks.org/invb/index.php?showtopic=13137&st=0entry150428></IFRAME>

http://www.egyptiantalks.org/invb/index.ph...=0entry150428

الموضوع ده عباره عن ورشة عمل اعمل Website  لخدمة المسلمين في كل مكان في العالم و بدأ فعلاً العمل : ابو نور عرض استضافة الموقع و نشوى عرضت عمل الGrapgics و بالنسبه لي انا سأقوم بأستعراض معلومات عامه مفيده عن دبي بما اني فيها ليتفادى اي وافد جديد المشاكل اللي انا مررت بها عندما جئت لأول مره

يا ريت الكل يشارك في هذا المشروع

هايل