الإسكندرية وصلت العالمية بعد الثورة المصرية

[se_ Elsyed]

شوفتوا الأسكندرية امبارح عامله إزاي في ذكرة 25 يناير

الله أكبر

عشان زهيري أفندي ما يقعدش كل شويه يتنطط علينا بشوية الأيس كريم اللي عندهم في كندا ... لا مؤخذه اهو لا روحنا كندا ولا شوفناها .. لكن علمنا على تلجها ...

ولعلمك يا زهيري وده إنذار اخير ليك ... إحنا مش هانروح كندا ولا هانشوف تلجها .. لكن كندا وتلجها هما اللي هايجولنا .. وفي توك توك كمان

ومش عاوز أحبطك واجيب لك صورة العيال الرجالة أبو احمدات وهما بيتزفلطوا على التلج في سيدي بشر

ولا الـ north pole بقى عندنا يا معلم في أبو قير والبحر بقى كتله تلج :P :P :P

[محمد عبدالعزيز]

يا سى السيد إنت عمال تغيظ زوهيرى واحنا هنا اللى قربنا نتجمد من البرد.

صحيح اللى إيده فى الميه مش زى اللى إيده فى التلج.

بدل ماتقعد تغيظ فى زوهيرى وانت قاعد فى الرياض ومشغل التكييف وعمال تعبى الفلوس فى شولة... ورينا الشجاعة وورينا نفسك فى اسكندرية واتجمد معانا.

حرام عليكم بقى كفاية ماحدش حاسس بينا...

احنا...

احنا...

احنا...

احنا منهارين...

وبالليل بنبقى مليلين

[لونا]

يا سى السيد إنت عمال تغيظ زوهيرى واحنا هنا اللى قربنا نتجمد من البرد.

صحيح اللى إيده فى الميه مش زى اللى إيده فى التلج.

بدل ماتقعد تغيظ فى زوهيرى وانت قاعد فى الرياض ومشغل التكييف وعمال تعبى الفلوس فى شولة... ورينا الشجاعة وورينا نفسك فى اسكندرية واتجمد معانا.

حرام عليكم بقى كفاية ماحدش حاسس بينا...

احنا...

احنا...

احنا...

احنا منهارين...

وبالليل بنبقى مليلين

إحنا آسفين يا اسكندرانية

ما قدرتش أمسك نفسي من الضحك و الله

[ozoozo]

ادي اللي خدناه من الثوره

ماكنا عايشين وعمرنا ماشوفنا تلج ايام حسني

ولسه البلد هاتخرب كمان وكمان

منكم لله يابتوع التحرير

تم تعديل 14 يناير 2012 بواسطة ozoozo

[احمد رضوان]

أكيد مؤامرة من المجلس العسكري لإفساد فاعليات يوم 25 يناير ... لإنه كده ممكن يستخدم مسدسات المية لتفريق المتظاهرين وستكون أشد الماً

[ابراهيم عبد العزيز]

من صفحة الثورة الثانية :

أدى الثورة واللى خدناه من الثورة

:

:

:

... :

:

:

:

:

:

:

:

حرام عليكم سقعتوا البلد

تم تعديل 14 يناير 2012 بواسطة ابراهيم عبد العزيز

[se_ Elsyed]

إخص على الثوار اللي بيتخلوا عن مكتسبات الثورة من أول تلجاية

نفت حركة شباب 6 ابريل الاتهامات التي وجهها المجلس العسكري انها تسببت في موجة البرد والصقيع التى تمر بها مصر حاليا ,, وتؤكد انها بصدد اتخاذ كافة الاجراءات القانونيه ضد كل من يروج لذلك

إيييييييه ولا يوم من أيامك يا حسني ...كان الواحد ياكل أيس كريم من عند عزه في عز طوبة وينزل البحر وهو لابس المايوه و عليه فانلة حملات ... إحنا أسفين يا طوبة ... قصدي يا حسني

[se_ Elsyed]

رسالة لأفراد الأمن المركزى والشرطة العسكرية من دلوقتى بحذرهم ... مسيل للدموع ماشى... خرطوش ماشى...... مطاطى ميضرش متعودين .. إنما رش ميا في الجو ده هتغابى عليكم بجد

أنا باقترح يا جماعة نخلي المظاهرات بتاعت 25 يناير اللي جاية في الصالات المُغلقة ... أيس ثورة يعني .. انا عارف ممكن حد بيننا مش أيس أي ثورة .. لكن لازم نحس ببعض

[se_ Elsyed]

من ضمن الشفرات اللي إكتشفها المجلس العسكري بتتداول بين المخربين :

- الدنيا برد الدنيا برد وعمو سعيد بيقطف ورد ( وجاري القبض على كل من يحمل إسم سعيد لإنه ينوي قطف زهرة شباب مصر من العساكر يوم 25 يناير )

- يا مطرة رُخي رُخي على قرعة بنت اختي ( إيحاءات سافله وناس ما عندهاش ضمير وبتخوض في شعور الناس )

- إنتي يا وليه .. قومي إقفلي الشباك بتاع البلكونه اللي جايب زمهرير ده ( الشباك هنا بيرمز للحرية .. والتلج الساقع هما أعضاء المجلس العسكري .. وكل لبلب بالإشارة يفهمو )

- دفيني بحبك دفيني ده البرد مجمد مصاريني ( دي العيال اللي تحت الخيم في التحرير وبيعملوا قلة أدب ... كله هاييجي وههايتنفخ في س 28 )

- الشعب يريد إسقاط الثلوج

- التلج والبرد .. إيد واحده

- ثوار بردانين .. نزلنا ومش راجعين

[Dreamwithme]

[Om Zayd]

لسة كنت داخلة اطمن على الاسكندرانية

لقيت التصريح ده

التليفزيون المصري ينفى الشائعات ويؤكد إن درجه الحراره 32 ويحث المواطنين على التوجه إلى الشواطىء والحدائق والمتزهزهات العامة ...

طبعا انا مسكتش.. دورت و بحثت و

لقيت الفيديو ده

http://www.youtube.com/watch?v=QM9UyCuA188

بس فيه ناس بتقول انه فوتوشوب

:closedeyes:

[Om Zayd]

يناير 2011 : عيش - حرية - عدالة إجتماعية

يناير 2012 : عيش - حرية - دفاية كهربائية

[عصام أبوالفتح]

سبب إضافى ليزداد عشقى لها أن تغطيها الثلوج عدة أيام بالسنة .. مدينة لا تعرف الملل

[se_ Elsyed]

توفيق أبو بطه ( الأسطورة ) : التلج ده وراه مؤامرة ماسونية صهيونية ستة إبريلية .... يا ناس حرام عليكم بطي هايفطس مني

[se_ Elsyed]

التليفزيون المصري : هذا تحذير ونداء عاجل إلى اهالي مرسى مطروح وسيدي عبد الرحمن ... لقد شوهدت اعداد غفيرة من سيارات النقل الثقيل وهي تعبر بوابة الكارتة محملة بألواح التلج الساقع وتتجه نحو مرسى مطروح .. وعلى اهالي المحافظة الكرام توخي الحذر . .. والله الموفق

[se_ Elsyed]

حركة 6 إبريل تُطلق حملة ضخمة للتوعية بعنوان " ساقعون "

واعضاء الحملة يشكرون الله سبحانه وتعالى إن حركتهم ما جاتش في الشتا ... بذمتكم في جو زي جو شهر إبريل وشم النسيم والدنيا ربيع والجو بديع وكدهوت ؟

[طارق مصرى]

بغض النظر عن كلام الزملاء عن المخططات الصهيوثلجية لكن احب اقولكم ان ده اسمه برد و لم يرقى بعد لدرجة الثلج بتاع ا-زهيرى اللى بيتزحلقوا عليه فى كندا و ده نزل عينا قبل كده فى الرياض و انا صورته

تم تعديل 14 يناير 2012 بواسطة طارق مصرى

[ام سلمي]

الجو لو فضل كده لحد يوم 25 يناير .. الجيش ممكن يفض المظاهرات بإزازتين مية ساقعة

--------------------------------------------

بالنسبه للناس الي كانت ناويه تحرق مصر ...

.

.

.

.

..

.

.

.

ياريت تبداو من دلوقتي عشان كده هنموت من البرد !!

-------------------------------------

أنا طلعت الهدوم الصيفي خلاص

.

.

.

.

.

.

.

.

.

الشتوي مش مكفي

------------------------------------

مين الرخم اللي فتح التكييف على مصر و نسي يقفلة

منقول

تم تعديل 14 يناير 2012 بواسطة ام سلمي

[Howayda Ismail]

تضامنا مع مع الاحداث الجارية

اعلن هنا من اسكندرية

احنا والتلج اصبحنا ايد واحدة

[Howayda Ismail]

دلعك زاد

جميله والله وطول عمرك ملاليه

قالوا عليكى عروسة البحر

وغيرهم قال دى ماريا

... أهلك تحبك وتشتاق لك

زى السمك لو طلعوه من المايه

ف الصيف جمالك شط ورمل ومراكبيه

وشتاكى مطر له ريحه

وذكريات ف القلب مطويه

وسقعه تلم الحبايب

فى قعدة دفا وحب وملاغيه

دلوعه ياحبيبتى يابلدى

ياجميله ياأسكندريه

ولما دلعك زاد فرشتى

بياض التلج ولا أحلى أوروبيه

اسكندرانى