أجازة فى اسكندرية ..

[kfaya]

أجازه في الإسكندرية

قررت هذا العام أن نمضى عطلة العيد في الإسكندرية بالرغم من معارضة الواد خالد ابنى الصغير ( ييجى كدا 11 سنة ) اللي كان مصمم نروح الشاليه في الساحل.. هناك فعلا القرية هادئة و ممكن ركوب العجل بدون خوف و المناظر جميلة ..

أنا بقى ركبت دماغي و صممت على إسكندرية .... طبعا كلمتي هي اللي مشيت ;) بس كان متحفز جدا و ركب العربية على عينه و طول السكة هاتك يا برطمة و زن و انا ولا هنا :angry: .... في الحقيقة بقى أنا ليه أصريت على الإسكندرية ..

أولا .. في الشتاء إسكندرية فعلا تحفة جوها جميل جدا و نظيف ..

ثانيا ... نفسى الولد يطلع بيحب إسكندرية زيي كدا ما أنا بحبها .. على الأقل يعرف أسامى البلاجات و الأحياء المشهورة .. مش معقول أكون أستاذ في إسكندرية و الواد ابني عمره ما شافها ... و زي والدي الله يرحمه ما حبيبنى في إسكندرية و حفظهالى شارع شارع ... نفسي أعمل كدا مع الواد خالد ..

ثالثا ... أنا بحب إسكندرية و لي في كل ركن فيها ذكريات لا تمحى ..

وصلنا حوالي الساعة 11 مساء و فضلت أن أخذ طريق الكورنيش و ليس الطريق الدائري عشان الأولاد يستمتعوا بمنظر الكورنيش بعد التجديدات و التوسعة ..

فعلا نفعت المحاولة الأولى و الجميع انبهر بجمال الكورنيش و اتساعه و إضاءته .. ووصلنا إلى حيث شقتنا في حي ميامى ( على البحر مباشرة عمارة قديمة لكن نظيفة و الأسانسير يعمل الحمد لله بانتظام ) ..

في صباح اليوم التالي أول أيام العيد ... استيقظت مبكرا و خرجت على البلكونه .. المنظر بسم الله ما شاء الله سبحان من صور و أبدع ... السماء و البحر و الشاطئ و طريق الجيش ... تحفة فنية ..

صحيت البيت كله و عملتلهم شاي بلبن و كحك و بسكوت و جلسنا كلنا في الفراندا مستمتعين بالمنظر و الطقس و أول أيام العيد ... كنا قد اتفقنا على تمضية العيد بدون تليفزيون .. شغلنا الراديو و سرحنا في جمال الطبيعة ...

من ضمن الحوافز اللي قدمتها قبل السفر أن الأكل كل يوم هيكون خارج المنزل ..يعنى مفيش مطبخ غير للشاي و القهوة ..

على الساعة 12 لبسنا و يالا على الشارع ... قلت لخالد هاوريك فين كنت بصيف و أنا صغير ... و أخذته حيث كان منزلنا القديم في سيدي جابر ... و شاورت له على البيت ... و محطة القطارات .. و سيدي جابر الشيخ ... و الترام أبو دورين ... و طلعنا على حي سموحة حيث حديقة الحيوان و مدخل طريق القاهرة الزراعي ...

صراحة الولد و إحنا كلنا كنا منبهرين بمستوى النظافة في الإسكندرية .. و دى أكتر حاجة لفتت نظرنا .. رجعنا على الكورنيش و قلنا عايزين نأكل سمك ... قلتلهم هوديكم عند مطعمى المفضل في أبو قير ... يالا بينا .... إلى أبو قير ..

يتبع

[kfaya]

ذهبنا إلى حيث مطعم الزفريون و أنا زبون قديم مستديم هناك و صديق صاحب المحل ( خواجة جريجى ) و كذلك كل الجارسونات ... المحل كان على بعضة .. مفيش ولا ترابيزة فاضيه ... قالوا لي أدينا نصف ساعة واحنا هنحجز لك أول ترابيزة تفضي ... قلت ماشى ..

خرجنا من المحل إلى نهاية الشارع حيث يجلس بائعو الرتسه ... و دى بقى أكلتي المفضلة ... جلسنا على سور البحر و طلبت دستتين ريتسة ... الولد البياع جاب صينية كبيرة و ليمون و فضل يفتح و يناولنا .... طبعا خالد بيه قالي إيه القرف ده .. أنا عارف انه بيموت في البطارخ , قلت له دى كلها بطارخ ... و فعلا بدأ يأكلها و حبها موت .. لدرجة انه كان بيمسك الرتسايه بأيده و يطلع البطارخ بالمعلقة بنفسه ..

قلت حلو بداية مشجعة عشان الولد يحب إسكندرية .... دخلنا المطعم كانت الساعة تيجي 3 و كلنا ميتين من الجوع ... قلت له يالا يا خالد عشان نروح ننقى السمك .. و نقينا سمك بوري مشوي سنجارى و بوربون مقلي و جمبري مشوي ... كان معايا الكاميرا فضلنا نتصور جنب تلاجة السمك و مع الخواجة و مع الجرسونات ... فين و فين لما الأكل جه .... المهم اتغدينا و روحنا كانت الساعة تيجى 6 مساء ...

شويه و حضر صديقات بناتي و اخدوهم و نزلوا حيث منزلهم في لوران ... قلت أقعد أنا و الواد خالد عشان ما يزهقش و يقول لى يالا نرجع ... فتحنا اللاب توب و فضلنا ننزل الصور اللي صورناهم بالنهار .. و اكتشفت عنده ميول فوتوغرافية سينمائية .... الولد ابتدا يدور في البرامج و يرص الصور بطرق مختلفة و يفتح و يغمق الألوان .... سيبته و قلت له ربنا معاك ... بعد شويه راح مطلع السيديهات بتاعته و ابتدى يلعب ... عنده لعبه تحفة كلها الآلهة بتاعة اليونان القديمة .. زيوس و بوسيدون ... وبيعمل جيوش و حروب .... ولا رامسفيلد و آبى زيد ... فين الساعة ييجى تلاته لما دخل ينام ..

[Cleo]

أولا .. في الشتاء إسكندرية فعلا تحفة جوها جميل جدا و نظيف

إييييييييه يعنى..... لعلمك بأة مفيش أحلى من الجو فى التجمع الخامس... هواء جاف نقى... ولا رطوبة ولا تلوث :angry:

ذهبنا إلى حيث مطعم الزفريون

يععععععع..... المرة الوحيدة اللى رحنا ناكل هناك كانت حاجة نكد... معندوش غير صنف واحد سمك هو تقريبا الوحيد اللى مبحبوش mfb:

صاحب المحل ( خواجة جريجى )

إففففف... راجل خلقى و كشر أوى... ولله كان هاين عليا أمسك بوريياية من التلاجة و أخبطه بيها على نافوخه من كتر ما حرق دمى يومها... mfb:

نقينا سمك بوري مشوي سنجارى و بوربون مقلي و جمبري مشوي ...

:ph34r: :blink:

يا بخخخخخخخخخخخختك..... (كويس الإيموشنز هنا كلها لونها أصفراوى f((: )

أنا المرة الوحيد اللى رحت مكانش عنده غير سمك بورى بس... وحتى مارضيش يعملهولى سنجارى اللى بحبه و أصر يعمله مشوى بالردة و ده أكتر طريقة للسمك بكرهها... :angry:

ياللا..... ألف هنا و شفا.... :blink:

(يا جماعة و النبى حد يبقى يطمنا على إستاذ كفاية كمان يومين... واجب برضه... ;)

:blink:

[kfaya]

فى ايه يا كليو .... أنا ما صدقت الواد حب أسكندريه , هتعقديه منها تانى ليه ؟؟ ;)

طبعا اللى وداكى أبو قير ضحك عليكى و وداكى مطعم تانى ... بدليل ان زفريون ما بيعملش مشوى بالردة أبدا .... و برهان بقى ؟؟؟ :angry:

ثانيا فعلا الخواجة عصبى فى تعامله مع عماله ... و هذا يضمن مستوى خدمة مرتفع ... و لكنه بشوش جدا مع الزبائن ( بالذات اللى بتعرف جريجى زي حالاتى :ph34r: ..)

فعلا يومها ماكنش فيه غير بورى و بوربون عشان كان يوم عيد وزحمة و السمك خلص بسرعة ... بس السنجارى بتاعه لا يعلا عليه ..

على فكرة البورى بالرده طعمه حلو قوى بس بيبهدل الأيدين و الهدوم .. يعنى لو حد مسح فمه فى كمه ولا حاجه .. :angry:

[kfaya]

تانى يوم ... كلهم عايزين يروحوا حدائق المنتزه .... في الحقيقة أنا كنت خايف من الزحمة , زي اللي بنشوفها في الحديقة الدولية و حديقة الحيوان في القاهرة أيام الأعياد... بتبقى زي يوم الحشر ... قلت لهم هانبص من بره الأول و نشوف ممكن ندخل ولا لأ .. صراحة كنت واثق من اننا لن نصل حتى لفندق شيراتون .... و ان الشباب اللى بيعيدوا هيقفلوا الكورنيش ..

سبحان الله زي ما نكون عايشين في بلد ثانية مش مصر .... الشوارع فاضية و نظيفة قشطة .. وصلنا فى خمس دقائق ..!!و الغريب و العجيب ان بدل الموظف اللي بيقطع التذاكر ما يجلس في مدخل الحديقة .. ييجى خمسة موظفين كلهم خارج الحديقة فى الشارع و معمول كردون من الحبل الأحمر بتاع التشريفات بجوار الرصيف بطول حوالي 50 متر بحيث تمر من داخله السيارات التي ترغب في الدخول و يتم قطع التذاكر أثناء المرور داخل هذا الممر ... فكرة بسيطة بدون فلسفة و لا تعقيد تمنع التكدس أمام الباب و تعطيل حركة المرور .. و في نفس الوقت تضمن أن كل السيارات ستقطع تذاكر ... حاجة تغيظ لما نكون عارفين مشاكلنا .. و عارفين أفضل سبل علاجها ... و منعملهاش ... دخلنا الحديقة فى أقل من نصف دقيقة

المهم دخلنا حديقة المنتزه العريقة ... و أنا بقى اشتغلت " تور جايد " .. و شرحت لهم قصر المنتزه الملكي و فندق الحر املك و مناسبة بناء فندق فلسطين ... و برج الساعة و أخذنا نتجول في أرجاء الحديقة و نأخذ صور بين الزهور و الميادين .... و الغريب أيضا أن الناس كانت فتحافظ على الحديقة كما لو كانت بتاعتهم ... و لا ورقة و الأرض ... و لا حد جالس على الحشيش ... ولا بيقطع ورد .... تصوروا مفيش ولا طبلة فى الحديقة كلها !!! أبدا ...

قمة الذكاء إيه بقى طبعا الشباب بيحب يلعب كوره .... راحت إدارة الحديقة عامله ملعب كورة قدم و مسور بالشباك في أحد أركان الحديقة حيث كان مليان شباب و ماتشات بدون أى ازعاج لطالبى الهدوء و الأستمتاع ...

كلنا اتبسطنا جدا واخدنا مجموعة ضخمة من الصور فى كل أرجاء الحديقة .. وبعدين الواد خالد راح مفاجئنى أنه عايز يشوف مكتبة الإسكندرية !!! يا ابنى دا أنت بتذاكر بالعافية .. عايز تعمل إيه في المكتبة ؟؟ طبعا أنا فرحت جدا و قلتلهم الأول نروح البيت نفضى الصور على الكمبيوتر و بعدين نروح المكتبة عشان نتصور هناك .. الواد أبهرني تانى و قال لي .. خليك أنت في العربية و أنا هطلع مع أختي مروه انزل الصور و اجيلك على طول ... فعلا هي 10 دقائق و كان نزل .. و يا لا بينا على المكتبة ....

يتبع

[Katamando]

للعلم فقط

أحسن طريقة لأكل البوري هي صينية زيت و ليمون ثم يأتي في الترتيب التالي المشوي بالردة ولا ينصح بالسنجاري في البوري إلا إذا كنت قاهري غشيم أكل سمك فمطاعم الأسماك تتحايل على القاهريين في القاهرة بعمل السنجاري في أسماك البوري الكبيرة لأنها ليست تكون سمكة شايخة يعني عجزت والسنجاري يداوي آثار الزمن

أما السنجاري ينصح به في أسماك أخرى كسمك اللوت أو الوقار

في الأسكندرية يوجد سوق خضار وسمك في كامب شيزار اسمه سوق شيديا أنصح من يعرف مكانه بشراء وطهي السمك من هناك وأكلها في البيت وهذا عن تجربة سنين

واسأل مجرب يا استاذ كفاية

يمكن أيضاً أن تأكل أكلة كباب وكفته والذي منه في قرية عبد الوهاب للمشويات وممكن عند بلبع كمان

وللأكيلة وذوي الذوق الخاص في التمتع بالأكل عليك وعلى سوق الطباخين

ينصح أيضاً بتجربة الشيخ وفيق حيث أحلى رز باللبن والعاشورة وأم على والكسكسى وكلهم بالمكسرات وده في بحري قبل قصر رأس التين بـ 100 متر

ولمن يرغب في أحلى كوب شاي أمام البحر مباشرة ينصح بكافيه لاسيرين في سان جيوفاني موقع رائع جانب كوبري ستانلي

ولعشاق الأكل والمنظر الرائع معاً في آن واحد عليهم بفيش ماركت وهو على البحر مباشرة في بحري في نفس مبنى نادي الكشافة البحرية وتكا جريل

مع امنياتي بقضاء وقت سعيد في بلدي

[فــيــروز]

مستر كفايا مستر كفايا :angry:

مش ممكن تتبنانى اما تيجى تروح اسكندريه تانى !! ;)

انا رحت اسكندريه فى العيد انا كمان بس طريقة حكاياتك خليتنى احس انى كنت فى بنها العسل :angry: كمل كلنا آذان صاغيه :ph34r:

[solimano]

معلش سؤال من واحد قاهرى عشيم وبره مصر من زماااااااان - ايه هو السنجارى ؟ محدش يضحك يا جماعة والله ما اعرفه. انا كنت فاكر انه نوع سمك؟

[نضال المصري]

معلش سؤال من واحد قاهرى عشيم وبره مصر من زماااااااان - ايه هو السنجارى ؟ محدش يضحك يا جماعة والله ما اعرفه. انا كنت فاكر انه نوع سمك؟

نفس السؤال بالظبط

"اسف ان اول مشاركه لي في المحاورات السؤال ده..شكل الواحد من كتر غيبته عن البلد نسي حاجات كتير <_< )

[se_ Elsyed]

معلش سؤال من واحد قاهرى عشيم وبره مصر من زماااااااان - ايه هو السنجارى ؟  محدش يضحك يا جماعة والله ما اعرفه. انا كنت فاكر انه نوع سمك؟

مش إنتوا لوحدكم ... أنا معلوماتي كلها إن قنجاري ده كان راجل مستثمر سوداني جه مصر وعمل مصانع لحوم وإشتهر جامد .. وراحوا حطوه في البلاك ليست وسجنوه وخربوا بيته عشان يبقى عبره لغيرة ..

اما سنجاري فبتوقع إنه يكون اخو الراجل وجاي ينتقم من حكومتنا .

[se_ Elsyed]

إلى الأخ كفايه :

كفايه إستفزاز لزملائك لو سمحت ... انا لسه كنت في إسكندرية هذا لاصيف .. وبعد كلامك ده حاسس إني إنضحك عليه وإن القطر خدني ورماني في نجح ابو شادوف وقالوا لي يالله يا سيد ياللي نازل سيدي جابر ...

تم إغلاق الموضوع بمعرفتي لحين عرضه على الإدارة ولحين إكتشاف حقيقة الناس اللي بينضحك عليهم وياكلوا البلوظه فس أسكندرية ..... هنا القاهرة .

[فــيــروز]

إيه يا جماعه ما هى باينه اهه زى عين السمس :blink:

السناجارى نوع من انواع السمك مطبوخ بطريقه مختلفه <_<

بيتشوى فى الفرن و يتحط عليه طماطم و بصل :angry: بس الناس هنا بيشكروا فيه كتير خصوصا اننا بنشتريه ايام العمل الطويله .. لكن الحقيقه ليس لى تجارب شخصيه معه والجمبرى إيز ذا بست ksh::

[ragab2]

جلسنا على سور البحر و طلبت دستتين ريتسة

وحتى مارضيش يعملهولى سنجارى اللى بحبه

معلش

واحدة واحدة

الريتسه هى القواقع

ويعنى ايه سينجارى .. سمك مقلى أو صينية

معلش أنا صعيدى وماليش فى السمك كتير

[Farida]

حرام و الله يا استاذ كفايه طيب خاف من العين دى العين فلقت الحجر و النبى ابقى امسك الخشب و انت بتكتب ..انا زى ما أكون باسمع عن مكان تانى غير اسكندريه اللى باموت فيها و باعشقها ......ياريت لو تعمل لنا نشرة صغيره كده على الأماكن فى اسكندريه و المطاعم و الفسح و الذى منه علشان ننبسط احنا كمان لما نروح ...و على رأيى فيروز ينفع تتبنانى انا كمان و خصوصا و انت رايح اسكندريه

[Cleo]

فى ايه يا كليو .... أنا ما صدقت الواد حب أسكندريه , هتعقديه منها تانى ليه ؟؟  <_< 

طبعا اللى وداكى أبو قير ضحك عليكى و وداكى مطعم تانى ... بدليل ان زفريون ما بيعملش مشوى بالردة أبدا .... و برهان بقى ؟؟؟  stnd::

ثانيا فعلا الخواجة عصبى فى تعامله مع عماله ... و هذا يضمن مستوى خدمة مرتفع ... و لكنه بشوش جدا مع الزبائن ( بالذات اللى بتعرف جريجى زي حالاتى  :lol: ..)

فعلا يومها ماكنش فيه غير بورى و بوربون عشان كان يوم عيد وزحمة و السمك خلص بسرعة ... بس السنجارى بتاعه لا يعلا عليه ..

على فكرة البورى بالرده طعمه حلو قوى بس بيبهدل الأيدين و الهدوم .. يعنى لو حد مسح  فمه فى كمه ولا حاجه .. stnd::

هو بعينه بوشه الكشر و نضارته كعب الكباية lo::

[Ahmed Mohsen]

إسكندرية ......... هوه في زي إسكندرية

أحلي أيام وأحلي ذكريات كانت في إسكندرية .......

أحلي فسح وأحلي وقت كانت في إسكندرية ........

إتعلمت يعني إيه حب في إسكندرية ........

واتعلمت يعني إيه حزن في إسكندرية .......

وختاما ..... آخر زيارة ليكي يا إسكندرية .... رحتلك راكب عربيتي ورجعت منك في نفس اليوم شايل العربية علي ونش عشان عملت بيها حادثة

بقالي سنة وتسع شهور ما روحتش إسكندرية

بس برضة بمووووووووووووووووووووووووووووووووووت فيكي يا إسكندرية ونفسي أروحلك بجددددددددد

[kfaya]

الكورنيش مهما أوصفلكم في جمالة مش تصدقوا ..... تحفة , روعة , متعة ... مش متخيل إني شوفت عسكري مرور من كتر ما المرور في انسياب ذاتي و التخطيط صح الصح .... طول السكة فضلت أعمل مسابقة في حفظ ترتيب الشواطئ بدأ من المنتزه .. ثم المندرة ثم العصافرة فميامى فسيدي بشر .. و هكذا حتى وصلنا الشاطبى أخر البلاجات وبعدين محطة الرمل و تمثال سعد زغلول ..و قولت نبذه صغيره عن من هو سعد زغلول ... الجيل ده ما بيقراش .. ثم المنشية و نصب الجندي المجهول ... طبعا فضلت نصف ساعة أشرح ليه أسمه الجندي المجهول ... و بالمرة حكيت حكايات من حرب أكتوبر المجيدة و النصر المبين على الإسرائيليينو جبت سيرة بانوراما حرب أكتوبر اللي في طريق صلاح سالم ... و أن هذا النصب يمثل قبر كل جندي أستشهد في معارك الوطن .....

دخلنا على ميدان المنشية و حكيت لهم حكاية حادثة إطلاق النار على جمال عبد الناصر في هذا الميدان , و كيف تم استغلال تلك الحادثة في التنكيل بالإخوان المسلمين ...و أن لكل ثورة خطاياها و ضحاياها ... و في منتصف الميدان ينتصب تمثال محمد على فوق الحصان و بالمرة أشرت كدا على خفيف عن عظمة هذا الرجل الداهية باعث نهضة مصر الحديثة .. ووصلنا لزنقة الستات .. و صمموا لازم ندخل زنقة الستات و ليه سموها كدا ؟؟ عشان كانت الدنيا عيد و الشوارع فاضية تمكنا من المرور أمام زنقة الستات ...و قلت لهم هى دى الزنقة ... الستات جوه , عايزين تشوفوهم .... كلهم قالوا لأ ..

جعانيييين.....

[Cleo]

الكورنيش مهما أوصفلكم في جمالة مش تصدقوا ..... تحفة , روعة , متعة  ... مش متخيل إني شوفت عسكري مرور من كتر ما المرور في انسياب ذاتي و التخطيط صح الصح .... طول السكة فضلت أعمل مسابقة في حفظ ترتيب الشواطئ بدأ من المنتزه .. ثم المندرة ثم العصافرة  فميامى فسيدي بشر .. و هكذا حتى وصلنا الشاطبى أخر البلاجات  وبعدين محطة الرمل و تمثال سعد زغلول ..و قولت نبذه صغيره عن من هو سعد زغلول ... الجيل ده ما بيقراش .. ثم المنشية و نصب الجندي المجهول ... طبعا فضلت نصف ساعة أشرح ليه أسمه الجندي المجهول ... و بالمرة حكيت حكايات من حرب أكتوبر المجيدة و النصر المبين على الإسرائيليينو جبت سيرة بانوراما حرب أكتوبر اللي في طريق صلاح سالم ... و أن هذا النصب يمثل قبر كل جندي أستشهد في معارك الوطن .....

دخلنا على ميدان المنشية و حكيت لهم حكاية حادثة إطلاق النار على جمال عبد الناصر في هذا الميدان , و كيف تم استغلال تلك الحادثة في التنكيل بالإخوان المسلمين ...و أن لكل ثورة خطاياها و ضحاياها ... و في منتصف الميدان ينتصب  تمثال محمد على فوق الحصان و بالمرة أشرت كدا على خفيف عن عظمة هذا الرجل الداهية باعث نهضة مصر الحديثة  .. ووصلنا لزنقة الستات .. و صمموا لازم ندخل زنقة الستات و ليه سموها كدا ؟؟ عشان كانت الدنيا عيد و الشوارع فاضية تمكنا من المرور أمام زنقة الستات ...و قلت لهم هى دى الزنقة ... الستات جوه , عايزين تشوفوهم .... كلهم قالوا لأ ..

جعانيييين.....

المادخلة دى بتفكرنى بواحد أعرفه كويس..... <_<

بس بد المشى كل المسافة دى بالعربية.........

بناخدها مشىىىىىىىىىىىى cbyb: cbyb:

[kfaya]

و عندئذ كنا موتنا من الجوع .. أقترحت عليهم أن نأكل عند محمد أحمد .. واحد من أشهر مطاعم الأسكندرية ..منذ بدايات القرن الماضى .. و خوفا من حدوث حركات تمرد و اعتراضات من الواد خالد .. ما قولتش انه مطعم فول و فلافل... يالا خش على محمد احمد .. و اديها فول بالبيض و فول بزيت الزيتون .. و فول بالتقلية .. و طعمية اسكندرانى ... لما فطسنا من كتر الأكل ..هات يا عم سفن و بيبس .. و بعدي أحبس بالشاى المتين

و يالا على المكتبة ..

[Cleo]

بمناسبة المشى فى اسكندرية.....

مرة أخدت كروسفيلد مشيتها من أبو هيف..........

لمحطة الرمل..... <_<

عشان كدة يمكن قررت تتجوز و تخلص من صداقتى للأبد... stnd::