اذهب إلى المحتوى
محاورات المصريين

أجازة فى اسكندرية ..

kfaya

بواسطة kfaya
في موضوعات شخصية

 مشاركة

Recommended Posts

kfaya عضو جديد

kfaya

بتاريخ:
  • كاتب الموضوع
بتاريخ:

اقتباس : كليو كتبت ..

إقتباس (kfaya @ Nov 21 2004, 12:12 PM)

على فكرة فى مطعم فى الزمالك أسمه سى السيد ... بيعمل ملوخية بالأرانب تحفة

أبو السيد

بس ايه رأيك فى الملوخية بتاعته ؟؟؟؟ :rolleyes:

رابط هذا التعليق
شارك
  • الردود 65
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

amir عضو جديد

amir

بتاريخ:
بتاريخ:
رجعت امس من الاجازة الجميلة

جبت البسبوسه يا واد يا مزيكا ؟؟

:lol:

يا وطنى : كل العصافير لها منازل

الا العصافير التى تحترف الحريه

فهى تموت خارج الأوطان

ـ نزار قبانى ـ

103.gif

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
على فكرة فى مطعم فى الزمالك أسمه سى السيد ... بيعمل ملوخية بالأرانب تحفة

سأطالب بوقف عضوية أي زميل يتعمد إستفزاز الآخرين ..

يا جدعان لما الأماكن دي في القاهرة وإسكندرية .. اومال انا بأروح فين كل كام شهر ؟!!!!

شكلي كده بأروح جيبوتي وانا مش داري ...

سي السيد ده عنده حمام محشي ؟

واسعاره عامله إيه ؟

يعني حلة ملوخية بالانارب تكلفني في حدود كام ؟

وفين في الزمالك ؟ ( مافيش فرع له في الاهلي ؟ ) :lol:

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
راضي عضو جديد

راضي

بتاريخ:
بتاريخ:
وفين في الزمالك ؟ ( مافيش فرع له في الاهلي ؟ ) 

له فرع في المعادي ينفع :lol:

من عتمة الليل النهار راجع

ومهما طال الليل ها ييجي نهار

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

رجعت امس من الاجازة الجميلة

جبت البسبوسه يا واد يا مزيكا ؟؟

:lol:

:blink: mfb: rs:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

س س كتب :

على فكرة فى مطعم فى الزمالك أسمه سى السيد ... بيعمل ملوخية بالأرانب تحفة 

سأطالب بوقف عضوية أي زميل يتعمد إستفزاز الآخرين ..

يا جدعان لما الأماكن دي في القاهرة وإسكندرية .. اومال انا بأروح فين كل كام شهر ؟!!!!

شكلي كده بأروح جيبوتي وانا مش داري ...

سي السيد ده عنده حمام محشي ؟

واسعاره عامله إيه ؟

يعني حلة ملوخية بالانارب تكلفني في حدود كام ؟

وفين في الزمالك ؟ ( مافيش فرع له في الاهلي ؟ )

يا سي السيد يا خويا انت الأجازة بتاخودها كلها نوم .. و زيارات و عزايم .. :blink:

ما ينفعش ... لازم تنزل تتفاعل مع المجتمع .. mfb:

سيبلى أنت بس نفسك لما تيجى الأجازة الجاية و أنا هغرقك فسح و مطاعم وكل ما لذ و طاب فى المحروسة ...

حتت بقى محدش يعرفها غير العبد لله .. ( سيبينا ناكل عيش يا كليو :lol: )

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

قضيت المساء أنا و خالد في ترتيب البومات الصور و تظبيطها .... و بعد شويه قال لي عن إذنك عايز العب بالجيمز بتاعتى ... البنات خرجوا مع صاحباتهم .. راحوا مول في سموحة معرفش اسمه ايه .... و كلمونا على المحمول وقالوا العشا فروج طازج هيجيبوه معاهم ..... أنا بقى نمت من غير عشاء .. يا دوبك شاي و كحكاية .. الهوى النظيف بيجيب النوم فى خمس دقائق ..

صحيت الساعة سبعة الصبح ... شبعان نوم و أخر فرفشة ... عملت لنفسي شاي بلبن و طلعت على الفرندا .... المنظر أجمل من المناظر بتاعة ويب شوت و المناظر اللي بنحطها على الديسك توب .... سبحانك يا ربى .. شويه المراكب اللي في أخر البلاج ... جزيرة ميامى .. الصخور بتاعة بير مسعود ....قمم قصر المنتزه و أشجار الحدائق .. عمال الشاطئ و هم بينصبوا الشماسي و بيرصوا الكراسي .. اتنين تلاته على أخر المنط بتاع ميامى بيصطادوا سمك بالسنانير .. البحر مفيش فيه و لا نقطة وساخة ولا زبالة و لا أكياس نايلون ... سبحان الله .. الغريب بقى ييجى خمس كناسين ماسكين الرصيف و هاتك يا كنس .. بعد شويه جت عربية فنطاس بخرطوم و هاتك يا رش بعرض الرصيف .. ميه بصابون !!! أي و الله ميه بصابون .... أشي خيال يا ناس .... فينك يا طهطاوى ... صحيت البيت كله وقلت لهم لا يفوتكم هذا المنظر .. عشان تحلفوا إنكم شفتم شوارع وأرصفة الإسكندرية بتغسل بماء و صابون ...

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

نسيت أقولكم اليوم اللى احنا كنا جايين فيه بالليل ... كان فيه ثلاثة عمال معاهم فرشة طويلة و ماسكين يفط الأعلانات اللى على طول الكورنيش غسيل بالفرشة الطويلة و الميه ... قلت للأولاد اللى جدع يطلع لمبه محروقة فى أى أعلان ..... مفيش

الساعة بقت عشرة و نعست وانا قاعد فى الفرنده .. دخلت نمت تانى

الغدا النهاردة كان عند قدورة ... و برضو صاحب المحل و الجارسونات أصحابى لكنه تدهور شوية فى الكام سنة اللى فاتوا ..... لكن برضو قدورة هيفضل قدورة ..

يالا يا ولاد النهاردة هنروح بحرى .. و نشوف قلعة قايتباى و نتغدى سمك ... الواد خالد أول واحد لبس وكان طاير من الفرحة ( الخطة بتاعتى بدأت تأتى اكلها :lol: ) ... ركبنا العربية و هوب على أجمل شارع فى الدنيا ( بلا مبالغة و مع الفارق كورنيش الأسكندرية الأن أجمل من الشانزليزيه .. و أجمل من شوارع برشلونا .. و مرسيليا .. و نابولى ) ... قلتلهم تعالوا نبص على قلعة قايتباى و نتفرج عليها من بره ... لفينا حواليها شوية و أخدنا شوية صور و قعدنا على السور أمام نادى الصيد ..

... العالم جاعت و يالا بينا على قدورة ..

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

أنا عارف ان فى ناس كتير مش بتحب قدورة .. الحكاية بالنسبة لى نفسية و عاطفية .. نوع من الحنين ..الناس من أول الشارع بترحب بيك ... و الكلام الأسكندرانى اللذيذ .. و النداء على الزباين وعلى بعضهم .. جو ممتع جدا ... اسكندرانى على حق .. مكانش زحمة قوى زى الزفريون ... الحاج قدورة جه بنفسه و رحب بينا .. نقينا السمك ... دنيس مشوى زيت و ليمون .. بوربون مقلى .. جنبرى نصفه مقلى و نصفه مشوى ( قدورة أحسن واحد بيعمل جنبرى مقلى فى العالم ) .. مش عارف ليه المكان هنا أصبح غريب شوية على الواحد ..

عندهم واحد جارسون دمه زى العسل .. غاوى بقى ايه ؟؟ يقول مواويل ... لازم أول ما يشوفنى ييجى يقعد جانبى و يقوللى موال و لا اتنين ... سألته فى ايه يا حوده ( أى اسكندرانى ممكن تقول له حوده ) المحل مش متروق ليه .... قال لى المحافظه معكساهم و مش عايزاهم يطلعوا ترابيزات فى الشارع ... و حاجات كدا ... صراحة أنا استغربت جدا .... المدن السياحية ما بتصدق يكون عندهم محل اسمه مشهور و يقدموا له كل الدعم .... ده بيعتبر ثروة للمدينة و بعدين الأكل فى الشارع مش عيب بالعكس .. لو عرفنا ازاى نستغل الأماكن السياحية و نوظفها لخدمة السياح ( جمع سائح .. صح يا ميس لايت ) .... الأكل كان تحفة ... و برضو أكلنا لما فطسنا ..

و خرجنا اتمشينا لغاية عزة بتاع الأيس كريم ... كل واحد اخدله بوله و هاتك يا مشى لغاية بلاج الأنفوشى ... و شوفنا قصر رأس التين اللى خرج منه الملك فاروق و أسرته منفيا من مصر بعد قيام الثورة سنة 52 ... و الأن يستعمل كأحد قصور الرياسة أثناء فترة الصيف .... الحكومه لو ذكية شوية ممكن تسمح بزيارات للقصور الملكية حتى لو فى أماكن محددة داخل تلك القصور .... هتكسب فلوس .. و الناس تستمتع و تعرف تاريخها شوية .. بدل ماهو طول السنة مقفول و بيتصرف عليه الشيئ الفلانى خدمات و حراسات و تجديدات بدون أى عائد ...الهم يا دوبك هما يومين تلاته فى السنة لما يكون فى ضيف فى الأسكندرية ..

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

الواد خالد كان مبهور ... و ابتدى يقول أنا حبيت اسكندرية ( عشان يبسطنى يعنى ) .. و نفسى أتعلم الصيد بالسنارة ... و الغطس بالنضارة ... حسيت بالنجاح و الفخر .. انى استطعت أن اربطه بالمدينة التى ارتبط أنا بها و أحببتها منذ أن كنت طفل ... و لكن منهم لله اللى عدموها و بهدلوها و كرهونا فيها ...

ركبنا العربيه و اخدنا طريق الترام و توغلنا فى أحياء بحرى القديمة حيث العيد على الطريقة المصرية .. أولاد و بنات بملابس جديدة ... عجل .. مراجيح ... و قلت نفسى مادام الدنيا رايقة كدا أدور على بيت سيد درويش ... قمة الموسيقى العربية و مؤسس نهضة مصر الغنائية الحديثة .... بالمرة شرحت محاضرة بسيطة عن سيد درويش و كيف أنه ملحن نشيد مصر الوطنى " بلادى بلادى " .. و كيف غنى لكل طوائف الشعب و عبر عن ألام و أحلام المصريين فى بدايات القرن العشرين ... صراحة وجدت الأولد عندهم فكرة كبيرة عنه بسبب أغانى ايمان البحر درويش و فيلم سيد درويش ...

بعد عدة سؤالات و استفسارات .. وصلنا لشارع ضيق به بقايا أو أطلال منزل قيل لنا هذا هو منزل فنان الشعب سيد درويش .... يا خسارة تاريخك يا مصر ..

رجعنا على شارع الترام الموازى للكورنيش عشان نشوف مسجد ابى العباس المرسى .... و رحعنا تانى مسكنا الكورنيش ... و فضلنا نغنى مع بعض بلادى بلادى ... و بعدين غنيت لوحدى اغنياتى المفضلة للشيخ سيد .... زرونى كل سنة مرة .. و قوم يا مصرى مصر دايما بتنديلك ... خد بنصرى .. نصرى دين واجب عليك ...

العربيه أتقلبت أخر حماس و وطنية و الكل انفعل مع روائع الشيخ سيد .. رحمة الله عليه .

رابط هذا التعليق
شارك
Katamando عضو جديد

Katamando

بتاريخ:
بتاريخ:

للتصحيح

منزل أو بيت سيد درويش موجود في كوم الدكة وليس بحري او الأنفوشي

ويهجرني قال ويقول معلشي

أوري للناس ازاي وشي

هي القسية شوية عليا

يا محاوراتيه

ايه ياللالي

عايزين شوية

ايه يا لالاي

حاجة من اللي هي

ايه يا لالالي

حبة أهات على ليل على عين على ترالالي

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

يا كتماندو يا اخويا أنا يادوبك بعرف الأحياء الشهيرة ....

طبعا أنت اسكندرانى أصيل و تعرف تفرق بين كوم الدكة و بحرى ... كتر خير الدنيا ان فى واحد قاهرى قدر يتوغل فى أعماق الأسكندرية لهذه الدرجة ..

و بعدين اذا كانت الدكك عنكم بالكوم .... و احنا عندنا بالقنطار ( قنطرة الدكة لا مؤخذه ) ... اياك تسألنى دكة ايه ngh:

رابط هذا التعليق
شارك
Cleo عضو جديد

Cleo

بتاريخ:
بتاريخ:
راحوا مول في سموحة معرفش اسمه ايه ....

زهران مول..

أو جرين بلازا

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:
للتصحيح

منزل أو بيت سيد درويش موجود في كوم الدكة وليس بحري او الأنفوشي

مش كوم الدكة دى اللى عند المسرح الرومانى؟؟

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Katamando عضو جديد

Katamando

بتاريخ:
بتاريخ:

كوم الدكة تقع في نطاق حي العطارين والذي يضم أيضاً المسرح الروماني

وسيرة الكوم

في كمان كوم الناضورة وكوم الشقافة ......وميت ابو الكوم

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك
Cleo عضو جديد

Cleo

بتاريخ:
بتاريخ:
وكوم الشقافة

بمناسبة كوم الشقافة...

فيها مقابر رومانية غااااااااااااية فى الروعة والجمال.... محفورة كلها تحت الأرض....

أخر مرة رحتها من حوالى 10-15 سنة و كانت المية الجوفية مبهدلاها... مش عارفة إيه النظام دلوقتى

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
kfaya عضو جديد

kfaya

بتاريخ:
  • كاتب الموضوع
بتاريخ:

كوم الدكة ... كوم الشقافة .... العطارين ... زهران و جرين مول ... مسرح رومانى تحت الأرض .. :lol:

يظهر انى هطلع ما بعرفش حاجة فى اسكندرية .... خلاص كلكم بقيتوا اسكندرانية ؟؟!! ngh:

بس برضو الواد خالد فاكرنى من مواليد اسكندرية و كمان المحافظ يقربلى .. ha)

أنا مفهمة كدا ... اسكندرية الحلة و أنا المغرفة ... أخش يمين أطلع بطاطس .. أخش شمال أطلع لحمة .. :D

رابط هذا التعليق
شارك
Cleo عضو جديد

Cleo

بتاريخ:
بتاريخ:

بس برضو الواد خالد فاكرنى من مواليد اسكندرية و كمان المحافظ يقربلى .. ngh: 

أنا مفهمة كدا ... اسكندرية الحلة و أنا المغرفة ... أخش يمين أطلع بطاطس .. أخش شمال أطلع لحمة .. :lol:

تدفع كام و يفضل السر ده بيننا؟؟؟ ha)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
yasovinas عضو جديد

yasovinas

بتاريخ:
بتاريخ:

كقايه الاسكندرانيه اشتغلوك جامد قوي ودوك البحر ورجعوك عطشان

البيت اللي انت وديت العيال عنده ده الظاهر بيت (ام التيتي )

اكيد ما تعرفهاش

ما علينا شوف يا باشا السيوف دي غرب اسكندريه اخر شارع جميله ابو حريد اللي هو فيه قسم المنتزه

انت بقى كنت بتجيب ريتسا من سيدي جابر اهلا وسهلا انا من اهالي سيدي جابر ولمده عشرين سنة اقامه شبة دائمه على شواطيء سيدي جابر وكليوباترا ايام،،،،

بس يا خسارة راح شاطيء سيدي جابر ضحية طريق الكورنيش الجديد مثله مثل رشدي وكليوباترا واسبورتنج والابراهيميه والشاطبي كلها شواطيء شعبية وجميله راحت فداء للشارع الجديد الجميل والسؤال اللي اتسال في هذا الموضوع "العيال الصيع اللي كانت بتقعد على هذه الشواطيء راحت فين؟"

فعلا مش عارف راحو فين بدور عليهم كل ما انزل اسكندريه مش بلاقيهم وبحس بان ناقصني شيء

Yasso.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] خدنا أجازة
      لو كانوا حلفوا ليا أني هركب أتوبيس 7 ساعات علشان أروح مرسى مطروح مكنتش هصدق.بسمع طول عمرى عن جمالها ومياهعرض المقال كاملاً

      بواسطة News Bot
      كُتب

    • News Bot
      0
      [مجلة صباح الخير]أخدنا أجازة فى أيام ممتازة!
      هذه الحكايات حكايات من وحى خيال الكاتب والرسام وليست لها أى علاقة بالواقع الجميل حكاية أب شايف المصلحة وعارعرض الصفحة

      بواسطة News Bot
      كُتب

    • متبهدل مع كفيلي
      8
      مسافر أو في أجازة ، وجالك إستدعاء جيش ؟؟ .. متخافش .. تعالى أقولك الحل وهتلغيه وتسافر
      بسم الله الرحمن الرحيم السلام عليكم ورحمة الله وبركاته طبعا الموضوع دا مهم جدا وخصوصا للناس اللى بتقع فيه وخصوصا برضه اللي خدموا فى الجيش كجندي بدون مقدمات كتير هندخل فى الموضوع بعض الناس بيكون بيخلص ورق سفر ويفاجىء بجواب استدعاء أو يكون نازل أجازة سعيدة ويفاجىء بشيخ الحارة جايب له جواب استدعاء ظريف ويقولك لازم تستلم ولو مستلمتش هبلغ عنك و .. محكمة الحل بسيط إن شاء الله كالتالي: أولا: افتح صدرك ، وجمد قلبك ومتخافش طالما انت على الله لا تبالي ، استلم الجواب وامضى أيوووووووون ا

      بواسطة متبهدل مع كفيلي
      كُتب

    • عمر المختار
      1
      نزلت من السعودية بعربية أجازة ومرجعتش لظروف أفيدونى أعمل ايه فى العربية
      السلام عليكم. .عندى حالة محتاج رأيكم فيها وياريت عن تجربة ان امكن...الموضوع زميل نزل بعربيته مصر خروج وعودة عادى لمدة شهرين حصلتله ظروف فى مصر منعته من الرجوع للسعودية و كل متعلقاته فى السعودية هيحاول يصرف حد يبعتهاله لمصر ..المشكلة فى العربية اللى معاه فى مصر هى على فكرة ملكه ومفيش عليها أقساط فى السعودية ولا حجوزات ولا اى مشاكل علشان محدش يظن ظن سيء...وضعها ايه بعد انتهاء الشهرين وهى لسه فى مصر يعنى لو اتمسك بيها ايه موقفها فى المرور المصرى..وايه رأيكم فى الآراء دى...يبلغ سرقة عنها ويبيعها خرد

      بواسطة عمر المختار
      كُتب

    • أبو محمد
      139
      يا اسكندرية .. ياللى زاينة البحر الابيض
      يا اسـكندريـة .. يااللي زاينة البحر الأبيض يا نور عينيه .. عالشباب و عليكي يعوّض رأيت مواني .. عن يمين مُلكك وشمالك ماشفت تاني .. فيه أثر من بعض جمالك

      بواسطة أبو محمد
      كُتب

×
×
  • أضف...