أجازة فى اسكندرية ..

[yasovinas]

حمد الله عالسلامة يا عم ياسو وفين الكحك؟ ابعت شوية عالشارقة.

اخر مرة زورت اسكندرية كان سنة 97 واتغديت فى الفيش ماركت اللى فى المنشية. وكان مش بطال أبدا معرفش لسة موجود واللا لسة؟

يا عم ياسو عايزينك فى موضوع بركة السبع

والله انا راجع ومحمل كحك وبسكوت وبتيفور كتيييير ابعت لي بس العنوان ويصلك نصيبك من عينيه

طيب تصدق نسايب اخو مراتي باعتين معايا لبنتهم (عروسه جديده) اكتر من عشرة كيلو كحك اه والله والواد يا عيني هو وهي بس هيخلصوة على العيد الجاي

الفيش ماركت يا عمنا اتنقل بحري جنب التكا جريل فوق نادي الكشافة

موضوع بركة السبع هدور عليه حالا

ايوة جاااااييييييي

[yasovinas]

رجعت امس من الاجازة الجميلة

جبت البسبوسه يا واد يا مزيكا ؟؟

:blink:

البسبوسة جاهزة ومتشاله للناس العسل يا عسل

والله اول ما رحت فطرت في التكا افتكرتك وحكيت للعيال على المنتدى

سي السيد حبيب قلبي والله شكلك كده من المصيفيين اللي بيحلقو لهم على ميامي وخالد بن الوليد وتلبس بنطلون جينو مقطع وفانله داخليه بيضا وشبشب بلاستيك وفي ايدك الشمسية وكرسيين وجارر الواد وامه وراك شايله التاني وتعدوا الشارع على شاطيء ابو هيف تنزل تبلبط شويه على الرمله وتطلع تاكل حلة الملوخيه وتنام

[amir]

البسبوسة جاهزة ومتشاله للناس العسل يا عسل

والله اول ما رحت فطرت في التكا افتكرتك وحكيت للعيال على المنتدى

هى دى جدعنه الاسكندرانيه

شكرا يا ياسو يا عسل

:blink:

[kfaya]

ياسو ..

أنا قضيت أجمل أيام الصيف فى الصغر على شاطئ سيدى جابر حيث خالتى كانت من سكان حى سيدى جابر ( ش ابن ماجد ) ... و كنا بنصيف عندها كل سنة .. الى أن أجرنا شقة فى شارع عبد اللطيف الصوفانى .... ثم بعد ذلك أشترينا شقة فى ميامى ...

ولكن أيام سيدى جابر لا تعوض .... فى أول يوم فى بداية المصيف فى الأسكندرية لازم أركب الترام وأصعد للدور العلوى ... و نروح لغاية محطة الرمل نشترى كلوكلو .. و فشار ... و نكلم بابا من السنترال عشان نطمنه على سلامة الوصول ....

صخور شاطئ سيدى جابر ( خلف كازينو اللا كوريتا ) كان مليان ريتسة ... كنا بصطاد كميات مهولة ...

بحاول أحبب أولادى فى الأماكن اللى أنا بعرفها و بحبها .... مش عارف أنانية ... نظرة ضد سرعة تطور الزمن ....

مش متخيل أزاى أولادى يطلعوا ما يعرفوش محطة الرمل و المنشية و محطة قطارات سيدى جابر و أبو قير ...

على العموم أنا هعمل اللى عليا .. وهما أحرار بعد كدا ..

ملعون أبو الحنين ...

[El-Masri]

الله يكرمكم حد يطمننى.

هوه عبده صواريخ بتاع الفول اللى بحرى لسه فاتح؟

وبرضه حوده جوندر اللى فى الأزاريطه.

طمنونى الله يكرمكم، عشان أنا متغرب بقالى فترة طويلة وعاوز أطمن إن إسكندرية لسه بخير.

[homer]

حمد الله على السلامة يا عم ياسو أتارى الامارات منورة. ان شاء الله دايما عامر ودايما سعيد ودايما صاحب واجب.