سؤالى الى مؤيدى البرادعى ... من هو مرشحكم لرئاسة الجمهورية الان ؟

[capitshino]

طبعا الموضوع باين من عنوانه

سؤال لكل مؤيدى البرادعى .. ممكن اعرف مين مرشحكم فى حالة أن كان قرار الدكتور البرادعى انسحابه من المنافسة

على منصب رئاسة الجمهورية نهائى ؟

[se_ Elsyed]

طبعا الموضوع باين من عنوانه

سؤال لكل مؤيدى البرادعى .. ممكن اعرف مين مرشحكم فى حالة أن كان قرار الدكتور البرادعى انسحابه من المنافسة

على منصب رئاسة الجمهورية نهائى ؟

بسم الله الرحمن الرحيم

مرشحي سيكون صاحب أفضل برنامج إنتخابي .. ادرسه وأقتنع به ...

حتى بالرغم من تأييدي للبرادعي كرجل صاحب فكر وخبرة واهم حاجة اخلاق .... فلو كنت قرات برنامج افضل من برنامجة .. كنت هاغير رأيي وانتخب صاحب البرنامج الأفضل منه .

[عصام أبوالفتح]

الرجل انسحب بالفعل كما علمت .. ولا بديل له ضمن الموجودين على الساحة جميعاً

[محمد عبدالعزيز]

أستوعب الخبر/الصدمة الأول وبعدين أفكر فى مين اللى ممكن أؤيده فى الانتخابات.

[capitshino]

الرجل انسحب بالفعل كما علمت .. ولا بديل له ضمن الموجودين على الساحة جميعاً

افهم من كلام حضرتك انك لن نتتخب احد ؟

[capitshino]

أستوعب الخبر/الصدمة الأول وبعدين أفكر فى مين اللى ممكن أؤيده فى الانتخابات.

اعتقد الصدمة دى اخف من صدمه سقوطه فى الانتخابات

للاسف البرادعى ضيعه بعض من المؤيدين له .

[عصام أبوالفتح]

الرجل انسحب بالفعل كما علمت .. ولا بديل له ضمن الموجودين على الساحة جميعاً

افهم من كلام حضرتك انك لن نتتخب احد ؟

لم يحن الوقت لأى بعد لأى قرار رسمى .. الرجل تم إجباره على اعلان نيته بالاشتراك واجباره على اعلان نيته بالانسحاب

رغم أن السباق لم يبدأ بالفعل !!!!!! ولم تعلن أسماء المرشحين ( اللى مش محتملين )

لذا احتفظ برأيى لحين غلق باب الترشيح الرسمى

[Abu Reem]

اظن ان هناك سؤال مهم جدا وهو

هل اساس اختيارك للرئيس هو برنامجه الانتخابي ؟. أم شخصية الرئيس وتاريخه السابق ومواقفه ؟؟

لأن مسألة البرنامج الانتخابي هذه هي ابسط ما في المسألة ، فأي شخص يستطيع ان يقتبس او يخترع برنامج معتبر

ولكن في واقع الامر هو لن ولا يستطيع تنفيذه

فعمرو موسى مثلا قبل ان يبدأ عمله في جامعة الدول العربية سمعنا منه كلاما نظريا وكانه سيجعل الجامعة مثالا يحتذى ، وفي النهاية وبعد سنوات في منصبه اصبحت اسوأ مما كانت عليه

لذلك هل البرنامج والكلام النظري اهم... ام شخصية المرشح وتاريخه ومواقفه السابقة هي الاهم

[محمد عبدالعزيز]

أستوعب الخبر/الصدمة الأول وبعدين أفكر فى مين اللى ممكن أؤيده فى الانتخابات.

اعتقد الصدمة دى اخف من صدمه سقوطه فى الانتخابات

للاسف البرادعى ضيعه بعض من المؤيدين له .

بالنسبة لى الصدمة مش بالمفهوم ده

ومش صدمة لى إنه يسقط فى انتخابات نزيهة بعد كل التشويه اللى حصل له.

صدمتى إن قراره ده مؤشر بالنسبة لى إن كده محتاجين نعيد من الأول تانى اللى بدأناه من سنة.

الراجل ده كان مستوى الأمل عنده أكبر من أى حد فينا لأنه حلم بالتغيير وخلانا كلنا نحلم معاه فى وقت البلد كلها كانت بتجهز إن جمال مبارك يبقى رئيس.

كونه ياخد القرار ده دلوقتى -بعد سنة من بداية الثورة- معناه إن الأمل عنده انعدم فى تحقيق التغيير بالوضع الحالى, وهو ده سبب الصدمة اللى عندى.

معناه إنه عايز يقول: وضعنا دلوقتى زى وضعنا فى يناير 2011.

[سكر]

مرشحي سيكون صاحب أفضل برنامج إنتخابي .. ادرسه وأقتنع به

الانتخاب هيكون بالسى فى مش بالبرنامج الانتخابى دى قناعتى فى الانتخابات

ثانيا انا اويد ونفسى الى يترشح اول مرة بعد الثورة ينص فى الدستور على ان تكون لمدة اربع سنوات فقط يعنى رئيس موقت

بعد البرادعى

حاليا عبد المنعم ابو الفتوح

واتمنى ان يقدم معتز بالله عبد الفتاح كمرشح من جيل الشباب او نبيل العربى ونخلص

مع اعترافى ان منصب رئيس الوزراء لن يكون اقل اميه من منصب رئيس الجمهوريه ان لم يزيد

[moamana]

ابو الفتوح اللى مش هينجح برده

و اللى اعتقد للاسف ان حملات التشويه له ستبدا

فالجميع اعلنها ان استحالة يمسك مصر حد كويس

فلا البلاادعى و لا ابو الفتوح

اللى عندهم وطنية و خبره سياسية واسعة ينفعوا يستميلوهم يبقى بلاش منهم

و الكلام ده من التلات اطراف القوية الجماعات الاسلامية و امريكا و المجلس العسكرى لان التلاتة عايزين شخص موالى لكل واحد فيهم

لو انسحب ابو الفتوح مش هرشح شخص

فابو اسماعيل بلا خبرة و سيكون لعبة فى يد الاخوان

و عمرو موسى و شفيق لعبة فى ايدى المجلس العسكرى و مش هيفرقوا عن مبارك

و العوا اساسا مواقفه مش قوية و لا ثابته و لا خبرة سياسية

حمدين صباحى و ايمن نور كويسين بس محدش فيهم لا بالقوة السياسية و لا الخبرة اللى هتاهلهم لمسك دولة محورية زى مصر

[متعب]

هو مين ال هيرشح مين

انتوا بجد مصدقين حكايه الترشيحات دى

البلد متسلمه على المفتاح والشعب بيلعب فيها دور الكوبارس

تبقى كارثه كمان لو انتوا مصدقين ان الشعب المصرى له اراده واراده شعبيه

الشعب المصرى له مراجيح شعبيه

هو ده النظام القائم

لايعترف بشعب ايا ان كان مواقفه

الباقى ديكور

قول نشوف هما هيسلموها لمين مش هتنتخب مين

ادينا قاعدين جنب الحيط لغايه ما نسمع الظيط

وعلى راى المثل

الباب ال يجيلك منه الريح ملعون ابو ال ركبه

وعلى رآى المثل التانى

من حفر حفره لاخيه يروح يشتكى للبلديه ال خلته يحفرها

وبلاش هأو

تم تعديل 14 يناير 2012 بواسطة زعبله

[capitshino]

هو مين ال هيرشح مين

انتوا بجد مصدقين حكايه الترشيحات دى

البلد متسلمه على المفتاح والشعب بيلعب فيها دور الكوبارس

تبقى كارثه كمان لو انتوا مصدقين ان الشعب المصرى له اراده واراده شعبيه

الشعب المصرى له مراجيح شعبيه

هو ده النظام القائم

لايعترف بشعب ايا ان كان مواقفه

الباقى ديكور

قول نشوف هما هيسلموها لمين مش هتنتخب مين

ادينا قاعدين جنب الحيط لغايه ما نسمع الظيط

وعلى راى المثل

الباب ال يجيلك منه الريح ملعون ابو ال ركبه

وعلى رآى المثل التانى

من حفر حفره لاخيه يروح يشتكى للبلديه ال خلته يحفرها

وبلاش هأو

للاسف يا استاذ زعبلة

انت عايش فى دنيا تانية .