عرفتوا مين اللى اقترح اسم الجنزورى لرئاسة الوزراء

[raouf]

الان على سى بى سى تم اعلان ان حزب النور هو من رشح الجنزورى وطرح اسمه لرئاسة الوزراء

بصراحة كانت مفاجئة لى

ايه رايكم فى الاعتراف ده ؟

الاعتراف بفم رئيس حزب النور

[ماستر]

مش مصدق, فية حاجة غلط

[se_ Elsyed]

ده على أساس إن حزب النور كلمته مسموعة عند المجلس ؟

او له دلال عليه ؟

طب ما نشوف أي نوري منهم ونوزه عليهم يمكن يقدر يقنعهم إنهم يحلوا عن سمانا ويرجعوا مساكنهم ؟

بغض النظر عن مين إقترح إسم الجنزوري

فأعتراضنا لم يكن على الإسم

لكن إعتراضنا كان على المبدأ

المبدأ اللي حاربنا عشانه كتير وكتبنا عنه كتير والواحد مش عاوز يعمل فيها بطل ويقول وإتحملنا عشان ده كتير

لان الديكتاتور اللي عامل فيها ميت دلوقت أرسى مباديء عفنة في البلد والمباديء دي فرعت وبقت عاملة زي شجرة البلوط ... ومن اهم تلك المباديء هي إسناد الامور لاهل الثقة وليس اهل الخبرة

عشان كده كنا نلاقي كام إسم على الساحة على جميع المستويات هما اللي بيتبادلوا المناصب

فعشان نقوم بثورة والجميع يضحي بالغالي والرخيص ورغم ده كله نبص نلاقي إن نفس المباديء دي لسه موجودة

يبقى لا مؤخذة بقى ده الواحد يولع فيهم

حتى من يقول إنها حكومة مؤقتة ...

وليكن .. ما احنا تفاءلنا خير بعصام شرف .. وبعد كام شهر لقيناه شورابة خرج ... وقولنا مؤقت

وبعدين جه الجنزوري اهو الامور في النازل ... وهايمشي وبرضوا هانقول مؤقتة

خايف يمشي الجنزوري ونفضل برضوا على قديمة ونقول : أصل المرحلة الحالية حرجة ولا نستطيع الدفع بدماء جديدة . المرحلة محتاجه ناس خبرة .. يعني 90 سنة وإنت طالع

[م تيمور المراغي]

هما السلفيين وحزب النور تحديدا كده فيهم تاتش فلوليه على غشوميه مضروبين في الخلاط

[م تيمور المراغي]

حب الحاكم الظالم والدفاع المستميت عنه في حب كل ماهو قديم وتراثي وشائخ ,,

ومحدش يفهم شائخ دي غلط :closedeyes:

[وطني حر]

ترشيح النور افضل من ترشيح الثوار في الميدان ..

اختيار الجنزوري اختيار موفق جدا وهو خير من يستطيع قياده مصر في الفتره القادمــه بعد ان راينا

شفنا كيف الاسماء تتساقط وتعجز عن التقدم للرئاســه . بعض النظر عن المواقف والمبررات .

قبول الجنزوري لرئاسه الوزراء في مثل هذا الوقت يعتبر مخاطره وتحد كبيــر فالرجل مشهود له بالنزاهه والخبره

[م تيمور المراغي]

كانوا خايفين البرادعي ييجي

فوسوس لهم الشيطان يجيبولنا الجنزوري اللي اكيد حيجد هوى في نفوس العسكر وحزب الكنبه وطظين في البلد مش مشكلتهم المهم ان الليبراليين مايمسكوش الحكومة !

[se_ Elsyed]

ترشيح النور افضل من ترشيح الثوار في الميدان ..

اختيار الجنزوري اختيار موفق جدا وهو خير من يستطيع قياده مصر في الفتره القادمــه بعد ان راينا

شفنا كيف الاسماء تتساقط وتعجز عن التقدم للرئاســه . بعض النظر عن المواقف والمبررات .

قبول الجنزوري لرئاسه الوزراء في مثل هذا الوقت يعتبر مخاطره وتحد كبيــر فالرجل مشهود له بالنزاهه والخبره

لو بالمقاييس المصرية ... يبقى فعلاً الراجل نزيه وشريف وخبرة

لكن لو بالمقاييس العالمية العلمية المتعارف عليها .. يبقى الراجل لا يمت للشرف ولا النزاهة ولا للخبرة بصلة

وهاشرح لك إزاي

- إحنا عندنا اللي مش حرامي وما سرقش بيبقى حاجة ما حصلتش وعلى العين والراس .. أضرب لك مثل ؟

بيقول لك اه عبد الناصر كان ديكتاتور وقتال قتله .. لكن شريف وما سرقش البلد ومات على الحديدة

وكأن النموذج الأستاندر لاز ينزل السوق حرامي !!!!! وكأن قتل الالاف وأعتقال مثلهم حاجه كده كأنك بتاكل أيس كريم .. يعني اعمل ده كله بس اهم حاجه ما تمدش إيدك على فلوس حرام

لا يا سيدي أسرق وأنهب وهلب .. بس اعمل حاجه للبلد وخلي الناس تعيش عيشة أدمية

نرجع للاخ الجنزوري ... ليس من النزاهة ولا الخبرة يا عزيزي وطني ان ترى السرقة بعينك ... وتطنش وتقول انا مالي يابا خليني اكل عيش .. او توقيعي .. واخد بالك .. توقيعي يبقى على ورق مشاريع خربت بيت مصر وأرجع أعترف وأقول بعد 10 سنين وبعد خلع المخلوع : ما كنتش اقدر أرفض التوقيع انا كنت عبد المأمور

انا أسف يا بيه

أقول لك حاجه ؟

ممكن انا شخصياُ اعمل كده لو كنت شاب صغير وبأبني حياتي ومش حمل ضربة وعاوز اكون نفسي ولو إنها هاتكون بداية منيلة لحياة منيلة

لكن اكون وزير من السبعينات وأوصل لاعلى المناصب . وأفضل طول عمري اطاطي لاخر عمرى واقول انا عبد المأمور ؟

هاتكون النتيجة إيه ؟

زي ما احنا شايفين .. هاتكون النتيجة |نه يكون كذاب

دي مش شتيمة .. دي حقيقة وبعضمة لسانة حتى الان ..

خد عندك

- سيتم إلغاء وزراة الإعلام حيث إن المسمى ده لا يوجد إلا في الدول الشيوعية .. ده على لسانه بعد تولي رئاسة الوزارة ........... هههههههههه وبعديها حصل إيه ؟ كُل عيش يا جدو وخلي اليومين اللي فاضلين لك يعدوا على خير

- سيتم تخيص العديد من مقاعد الوزارات للنساء والشباب خصوصاً .... ههههههههههههههه فعلاً الوزرا بقوا حاجه فظيعة والواحد مش عارف يعد الستات ولا الشباب بصراحة

- تكريماً للشهداء والمصابين .. سيتم إنشاء وزارة مستقلة لرعاية أسر الشهداء ولرعاية المصابين ... وسمعنى يا عم اغنية ماما زمانها جايه

- أنا في إيدي كل صلاحيات رئيس الجمهورية .. أنا حلو .. أنا 100 عتريس في بعض .. مع الإعتذار لفيلم شيء من الرعب

[وطني حر]

لا نستعجل النتائج ...

ان نتحول من مجتمع استبادادي يديره حرامي سعي الي هدم كل القيم والانظمه ودرس الفوضي .........الخ الي مجتمع ديمقراطي حر نزيه يحترم المال العام .... لم ولن يكون من اول خطوه .. فلا اعتقد الرئيس القادم ولا مجلسي الشعب والشوري القادمين قادرين علي ترسيخ تلك الحريه . فسيشهد المجلس ما شهدناه في دول سبقتنا بالحريه . وراينا كيف التراشق بالــــــــــ........ولكن مخاض الحريه شي جميل

عوده علي الدكتور الجنزوري .. رغم ما قيل ويقال عنــه . فراينا بعد ما اقيل الجنزوري من حل محله ؟؟؟ سرقه بلا حياه .

افضل الوحشين

[Abu Reem]

لا نستعجل النتائج ...

ان نتحول من مجتمع استبادادي يديره حرامي سعي الي هدم كل القيم والانظمه ودرس الفوضي .........الخ الي مجتمع ديمقراطي حر نزيه يحترم المال العام .... لم ولن يكون من اول خطوه .. فلا اعتقد الرئيس القادم ولا مجلسي الشعب والشوري القادمين قادرين علي ترسيخ تلك الحريه . فسيشهد المجلس ما شهدناه في دول سبقتنا بالحريه . وراينا كيف التراشق بالــــــــــ........ولكن مخاض الحريه شي جميل

عوده علي الدكتور الجنزوري .. رغم ما قيل ويقال عنــه . فراينا بعد ما اقيل الجنزوري من حل محله ؟؟؟ سرقه بلا حياه .

افضل الوحشين

برافو عليك...الانتقال من حال الى حال ليس سهل ابدا..ولو حاولنا حتى نختار احنا كشعب سنخطيء كما حدث مع عصام شرف

ولو كنا اخترنا شخص اخر لرئاسة الوزراء حتى لو كان شريف 100 % فمكانش هيقدر في الفترة الصغيرة المطلوبة منه انه يفهم البلد كانت ماشية ازاي ومفروض تمشي ازاي خلال الفترة الانتقالية..او كان على الاقل لو شريف 100% كان هيخاف يتحمل مسئولية غضب الثوار

اما الجنزوري فلم يكن لديه ما يخسره..كما ان خبرته كبيرة جدا وارى انه يسير بطريقة جيدة...اما مسألة الامن والاضطرابات فصراحة لو كان نتنياهو هو اللي ماسك رئاسة الوزراء مكانش هيقدر يسطير على الامن

تم تعديل 15 يناير 2012 بواسطة Abu Reem

[eslam elmasre]

هو اي واحد يقول تصريح نصدقه

ولا عشان ده رئيس حزب النور يبقى نبصم على كلامه

[raouf]

مش مصدق, فية حاجة غلط

والله انا اتصدمت لما سمعت الخبر بودنى وكان المذيع خيرى رمضان على سى بى سى

ولما خيرى قاله يعنى انتم اللى اعلنتوه قال ايوه

وقال ايضا احد منسقى حركة البرادعى ان الاخوان لم يعترضوا على تسمية الدكتور البرادعى رئيسا للوزراء

هو راى النور ان كل كتلة كانت بتدعم مرشح فاقترح اسم توافقى وافق عليه معظم القوى والمجلس العسكرى

لو حد يعرف اسم البرنامج نحاول ندور على الفيديو

للاسف انا كنت باقلب بالصدفة

[ماستر]

يظهر يا رؤف ان الايام الى جاية هنشوف حاجات كتير كنا فهمينها غلط,

عامة فى السياسة لا ثوابت ولا يوجد شئ مستبعد والحمد لله الشعب اصبح واعى وبيعرف مين بيعمل اية صح ومين كذاب وافاق والى بينا هو الصندوق الانتخابى كل 4 سنين