العسكري عاوز لنا رئيس " سوتيه " مسلوق يعني

[se_ Elsyed]

أه ما هو مش معقول بعد الاف السنين من الأكل الحمضان .. نيجي إحنا نختار رئيس مسبك يتعب معدتنا

أعلن بالأمس اللوا الفنجري إن تلقي طلبات الترشيح لمنصب رئيس الجمهورية في منتصف إبريل .. حلو كده ؟

- طب وقولنا إن اخر يوليه لازم يبقى عندنا رئيس يحلف اليمين ويستلم عدة الشغل يوم 1-7

تعالوا نحسبها

- 15 إبريل تلقي طلبات الترشيح ... وبالتأكيد يعقبها فترة للطعن على قانونية الترشح لأن الموضوع مختلف تماماً عن مجلس الشعب .. عضو مجلس الشعب لو معاه الكرنية وحضر جلسات وظبط نفسه وأترفع عليه قضية طعن في عضويته . فعادي جداً دلوقت تتلغي عضويتة .... لكن في الرئاسة ما ينفعش .. حلو كده ؟

- طيب مطلوب من كل رئيس يا إما يجمع 30 توقيع من اعضاء مجلس الشعب المنتخبين .. او يجمع 30 الف توقيع من مواطني مصر من 15 محافظة على الأقل .... بالله عليكم ده ياخد قد إيه وقت ؟

- طيب ربنا كرمه وماحدش في البرلمان رضي يعطية صوته وما جمعش 30 توقيع ... فهايضطر يلف كعب داير على المحافظات عشان يجمع 30 الف توقيع .... ماشي ؟

- نقول هاندخل أقل حاجه في منتصف مايو ... بالله عليكم إمتى يقدر يقدم برنامجه للناس ويعمل لقاءات جماهيرة في كل مصر ونشوف مناظرات و و و ...

- وبعدين إمتى هاتحصل الإنتخابات ... وإمتى الإعادة اللي مليون المية هاتحصل بين إتنين من المرشحين ؟

يعني بالمختصر كده .. ليه فتح باب الترشح ما يبقاش في يناير او فبراير عشان يبقى في وقت لوضع ومناقشة برامج إنتخابية مفيدة وما نبقاش متسربعين وإجري يا عم وحوش يا أخ

[م تيمور المراغي]

انا مش عارف الثوار مستعجلين ليه على الرئاسة زي الفرخه اللي عليها بيضه كده !

تريثوا ,,