رُبــاعــيــات قــلــب شــقــى ..

[التونسى]

http://www.youtube.com/watch?v=Lx1oVjfnR9A

((الثالثة عشره))

حبيبتى يا رِقه يا خِفه..يا رمز العِفه..يا أحلى فراشه

بِتهِلِّى .. تِخَلِّى ..الحزن يِوَلِى .. وتِملى الدنيا بَشاشَه

حبيبتى يا سِت الحسن .. يا ست الكُل .. صباحِك فُـل

يا أميره جميله..يامُهرَه أصيله..وبالإحساس جياشه

......... ........ ....... ....... .......

حبيبتى يا رِقه يا خِفه..يا رمز العِفه..يا أحلى فراشه

[التونسى]

((الرابعة عشر))

حاسس بالوِحده معاكى .. قُـربِـك مـش بيـدفينى

وحكون واضح ويـاكى .. م الوَعد ياريت تعفينى

فارقينى خلاص فارقينى .. إنسينى كمان إنسينى

وسيبينى ف حالى سيبينى .. دنا فيا اللى مكفينى

....... ......... ....... .........

حاسس بالوِحده معاكى .. قُـربِـك مـش بيـدفينى

[التونسى]

((الخامسة عشر))

إيدِك .. ف إيدى .. نخطى فوق .. كل الجراح

إيدِك .. ف إيدى .. نسابق الطير .. والـريـاح

وتخيلى .. وكإننا ... ساكنين جزيره .. لوحدنا

وسمانا بـحـر .. وأرضــنا ... حاضنه الصباح

......... .......... ........ .........

إيدِك .. ف إيدى .. نخطى فوق .. كل الجراح

[التونسى]

(( السادسة عشر))

ليه كل مره .. بتشوفينى .. بتفـرحى

وتركزى دايما..ف عينى ..وتسرحى

وِتسَبِـلِى.... وتِتنَهِـدِى .... وتِتدَلَـعِى

كـتـيـر عليا .. الحُب دا .. أنا بَسـتِـحِى

..... ...... ...... ...... .....

ليه كل مره .. بتشوفينى .. بتفرحى

[باهى الطائر الحزين]

هلت النسائم / واشرقت الأنوار

محمود / الحكيم

عودا احمد / من طول إنتظار