اسوأ قرار اتخذه الاخوان الى الان

[raouf]

بعد موضوع تقسيم رئاسة مجلس الشعب والوكيلين

وانا باعتبره امر خاطى

طالعت كل برامج التليفزيون والاخبار كالتالى

حزب المصريين الاحرار يعقد اجتماع طارىء لبجث الرد على البيان واستهجان واسع ينتاب اعضاءه

الهيئة العامة لجزب الوفد تجتمع وبعض الاعضاء زعلانين ان وكيل المجلس من الوفد ويطالبون ان يكون رئيس المجلس من الوفد

هجوم كاسج من الاعلام كله بدون استثناء ان رئيس المجلس من الاخوان

كان الدكتور الكتتانى من اسرائيل ولا معاه الجنسية الامريكية وممسوك فى قضايا تجسس

مش فاهم بصراحة العالم دى عايشة فى الطراوة ولا الوهم ولا ايه ؟

بيفكرونى بالعيال الصغيرة تعمل اللى على مزاجهوم وتجيبه او يقعدوا يعيطوا ويبكوا ويقولونا بابا انت مش بتحبنا على شان ماجبتش اللى عايزينه

شخصا ارفض واكرر ارفض هذا التقسيم

واعنبره تنازل من الاخوان عن حق لهم وخيانة لمن انتخبوهم

لو انتخبت الاخوان يبقى عايز الاخوان يمثلونى مش حد تانى والا كنت انتخبته

وادعوا الاخوان الى ترشيح رئيس لمجلس الشعب

وترشيح وكيلين

وترشيح كل رؤساء اللجان

وترشيح رئيس للجمهورية منهم كمان

واللى مش عاجبه يخبط دماغه فى الحيط كمان

اليس هذا حق دستورى لهم ؟

هل فيها ما يخالف العادة او الشرع او القانون او الدستور ؟

عمرى ما سمعت فى عن اى دولة او فى اى مكان عن حزب فاز فى انتخابات يتنازل للمنافسين عن حقوقه عن

طيب خاطر ومش عاجبهم كمان بجد عندنا عاهات فى مصر

ناس تنادى بالديموقراطية ولا تحترمها

الديمقراطية بالنسبة لهم تحقيق مطلبهم وطموحهم فقط

بجد فى الموضوع ده نفسى اعرف راى الطرف الاخر واقصد به كل من لم ينتخب الاخوان مثلا او يؤيد اى

حزب من المنافسين لهم

طبعا انا مش باقول ينفرد الاخوان بالحكم ولكن على الاقل يكون هناك تقدير لموقفهم واللى بيثبت عدم طمعهم فى

السلطة زى ما المنافسين بيقولوا

انا باتكلم غلط ولا صح

تم تعديل 16 يناير 2012 بواسطة raouf

[الدكتور ياسر]

معك حق يا أستاذ رؤوف ..

اندهشت حين علمت أن وكيل المجلس سيكون من حزب الوفد صاحب التسعة بالمائة من الأعضاء.

ومع ذلك قلت لا بأس إن كان هذا سيخفف من الإحتقان العام ضد التيار الإسلامى ..

وبالرغم من ذلك التنازل من جانب الإخوان والنور ( صاحب ال25 % الذى رضي أن يتساوى بالوفد )

إلا ان هذا لم يعجب أحدا ..

لكن هنقول إيه بس ..

آدى حال الدنيا ..

تم تعديل 16 يناير 2012 بواسطة الدكتور ياسر

[آل مصريم]

أتفق معك فى الشكل.... لا فى الموضوع

أقصد إن قضية التقسيم فى المناصب هى قضية شكلية تحدث طوال الوقت فى الدول الديموقراطية عندما لا يجد حزبا بديل للوصول إلى اغلبية بسيطة إلا فى التحالف مع أحزاب أخرى... و ساعتها ممكن يتحالف مع أحزاب صغيرة أيضا و ليس فى حجم الوفد... و مقابل قبول هذه الأحزاب للتحالف... تاخذ بعض المزايا ... كما فى حالتنا هذه... كمناصب فى هيئة مكتب المجلس... أو حقائب وزارية... و لحد هنا كطبيعى شكلا.... لكن

تعالى للموضوع... أكيد ليس مجرد محاولة الوفاق أو التوافق أو الإتفاق .... و ليس مجرد اللعبة السياسية... لكن ما أوقن به هو إن الإخوان و الغالبية من الذين كانوا معارضة سابقا... و أى واعى يعلم إن الحمل ثقيل... و لن يستطيع مخلوق تحمل تبعات الفشل لا قدر الله.. فيلزم تكتلات متعدده و كبيرة لتوزيعه فى حالة ذلك... و فى حالة ما قدر الله التوفيق ((( يارب))) معلوم النجاح يينسب لمين

و الموضوع المهم... إن حتى التحالف القوى المرفض مع القوى الإسلامية الأخرى... مش ممكن لإن تبعاته ... من جهة بعض المواضيع التى نادت بها قوى الإسلام السياسى و المعارضة السابقة و كثير من القوى المهمشة.. سابقا... لا تستطيع مجرد الكلام فيها دلوقت... زى مثلا... أخوانا فى غزة بيتقتلوا... إفتحوا الحدود.. و سيبونا ننننننننننجاهد... و إلفاء إتفاقية السلام... و معاهدة كامب ديفيد... و منع الخمور و التعرى فى الشواطىء و غيرها من الشعارات التى ظاهرها حق و باطنها الله أعلم بيه... طيب زمان كنتوا بتطالبوا... دلوقت يا جماعة الخير بقيتو أغلبيه....حتعملوا إيه... طبعا لازم التحالف مع قوى معارضة لهذه الطلبات... تكون هى شماعة عدم تنفيذها

أرجوا إن كلامى ما يكونش مستفذ لحد... و هذا هو خلاصة ماأعتقده... قد اصيب اواخطىء... لن يجاوب على هذا إلا ما سيحدث فى السنوات القليلة القادمه... و خاصة إن ضرب إسرائيل لغزة سيحدث آجلا او عاجلا... بعد ما إنتهينا من موضوع حرية السياحة الشاطئية... و السايح ياكل و يشرب و يلبس اللى يحبة

للمرة الثانية أرجوا إن لا أكون مستفذا... و أن أكون مجرد محاور

واللى مش عاجبه يخبط دماغه فى الحيط كمان

انا باتكلم غلط ولا صح

طبعا ديه غلط..... مفيش حاجة إسمها يخبط دماغه فى الحيط فى لعبة الديموقراطية... التى تعنى... حكم الشعب... سيادة رئى الأغلبية مع إحترام إرادة الأقلية... موضوع خبط الدماغ لا يفرق حاجة عن المعتقل و زنازين التعزيب و قصف الأقلام و قطع الرقاب... طبعا مش ده اللى الناس وقفوا قدام الرصاص علشان فى الآخر يخدوه... ولا مش معايا

[ريمون]

استاذ رؤوف

الموضوع بسيط و ميستحقش كل ده

فى نوعين من الحكم فى برلمانات الدول الديموقراطيه

نوع المغالبه و نوع التوافق

مثلا فى امريكا الديموقراطيين و الجمهوريين مقطعين بعض فى مجلس الشيوخ و موقفين حال البلد بسبب خناقاتهم حتى التقييم الائتمانى لامريكا

انخفض السنه اللى فاتت من هيئات التقييم بسبب الخناقات السياسيه بتاعت الديموقراطيين و الجمهوريين

على العكس مثلا فى بريطانيا التحالف الحاكم بتاع المحافظين و الاحرار الديموقراطيين ماشى زى الفل و مفيش مشاكل

http://www.commondreams.org/headline/2010/05/12-1

و قرار التحالف الديموقراطى بعدم التفرد بالبرلمان يحسبلهم فى الوقت العصيب اللى بتمر بيه مصر

املى ان الاخوان يتعاونوا مع شباب الثوره و احزابهم زى العدل و الثوره مستمره

احنا فى سنه اولى ديموقراطيه و اتمنى ان العمل السياسى فى مصر يتحلى باسلوب متحضر و وضع مصلحه البلد اولا

[متعب]

ديقراطيه هايله الحقيقه

هى دى الديمقرطيه اقصاء كل التيارات وكل فئات الشعب والسيطرة على كل شىء وال مش عاجبه يخبط دماغه فى الحيط

هو ايه الخلط الغير مفهوم ده

لاء وبتطلب انهم يكون منهم كل شىء من والى واقصاء الدنيا عادى

هى دى الديمقراطيه ومفهومها

مش لما نشوف الاول صلاحيات مجلس الشعب ده ايه وهل من حقه انه يتحدث باسم الشعب او يتنفس حتى

انتوا ارتضيتوا ان يقوم مجلس الشعب بدون اى قواعد ولا قانون ولا صلاحيات

بتتكلموا عن صلاحيات ازاى وانه وانه

ده على اساس ان الاخوان هى ال هتحط صلاحيات البرلمان

الهجوم على مصر بالشكل ده واننا نمارس الدكتاتوريه وننتهك الديمقراطيه ونقصى كل الدنيا وكمان نتهم من ينادوا بالديمقراطيه

ده مش هيمشى فى مصر وواهم ال يفكر ان ده ممكن يحصل فى مصر بعد الثورة ولا حتى قبلها

فاذا كانت الديمقراطيه جريمه للاخوان هما احرار فيما يفهمون بس مش فرض على الشارع انه يفكر بمفهومهم

واى قرار هيطلع فى مجلس الشعب ضد الشعب وارادته هيترموا بره فى الشارع

الشعب انتخب البرلمان عشان يعبر عنه مش عن وجه نظر الاخوان او اى تيار بعينه

فماذا عن تونس الان

على كل على الشعب ان يتحمل نتائج اختياره

[الغريب]

من حق الإخوان أن ترشح ولكن لا يمكن الجزم بالحصول على المنصب الذي ترشح له

لأن الأخوان لا تستطيع الحصول بأصواتها منفردة، فلم يصل تحالف الإخوان إلى نسبة 50%+1 كما تعلم

أضف إلى ذلك أن توافقات الإخوان مع الأحزاب الأخرى كما تعودنا يفوز من وراءه الإخوان ويجعلهم مسيطرين على باقي الأحزاب

تحالف الإخوان مع الوفد مثلا يضع الأخير في خانة التبعية ويؤكد من إنتحاره السياسي المستمر منذ فترة، وفي نفس الوقت يعطي الإخوان أغلبية تستطيع من خلالها تمرير بعض الأمور وأيضا برسيتج جيد من خلال تحالف مع حزب له أسم ليبرالي قديم.

التحالف الأخير من أجل تمرير رئاسة المجلس للإخوان ووكيل للنور ووكيل للوفد، تناغم جيد ، ودعك من حزب كالمصريين الأحرار سترى منه صخب وضوضاء في مثل هذه الأمور.

من وجهة نظري في البرلمان الحالي وفي الفترة الحالية يخسر فقط من يعزف منفردا

تحياتي...

تم تعديل 17 يناير 2012 بواسطة الغريب

[متعب]

من وجهة نظري في البرلمان الحالي وفي الفترة الحالية يخسر فقط من يعزف منفردا

برافو عليك

وده احتمال مليون فى الميه

لان دى عجرفه مش سياسه لان استحواذهم على كل الدنيا سيتحملوا النتايج بمفردهم وكل السلبيات هيشيلوها برده بمفردهم لانهم هما ال اختاروا انهم يقودوها الدنيا

ال بيطغى عليهم فقط هو الانتقام من الشعب المصرى وده فى المقدمه انهم يزلوه تحت مسمى انهم بيزلوا التيارات الاخرى

ال فى تونس اذكى منهم بكتير لانهم وزعوا المناصب على الكل

[pocy]

من حق الإخوان أن ترشح ولكن لا يمكن الجزم بالحصول على المنصب الذي ترشح له

لأن الأخوان لا تستطيع الحصول بأصواتها منفردة، فلم يصل تحالف الإخوان إلى نسبة 50%+1 كما تعلم

أضف إلى ذلك أن توافقات الإخوان مع الأحزاب الأخرى كما تعودنا يفوز من وراءه الإخوان ويجعلهم مسيطرين على باقي الأحزاب

تحالف الإخوان مع الوفد مثلا يضع الأخير في خانة التبعية ويؤكد من إنتحاره السياسي المستمر منذ فترة، وفي نفس الوقت يعطي الإخوان أغلبية تستطيع من خلالها تمرير بعض الأمور وأيضا برسيتج جيد من خلال تحالف مع حزب له أسم ليبرالي قديم.

التحالف الأخير من أجل تمرير رئاسة المجلس للإخوان ووكيل للنور ووكيل للوفد، تناغم جيد ، ودعك من حزب كالمصريين الأحرار سترى منه صخب وضوضاء في مثل هذه الأمور.

من وجهة نظري في البرلمان الحالي وفي الفترة الحالية يخسر فقط من يعزف منفردا

تحياتي...

انا مع هذا الرأى

[se_ Elsyed]

وادعوا الاخوان الى ترشيح رئيس لمجلس الشعب

وترشيح وكيلين

وترشيح كل رؤساء اللجان

وترشيح رئيس للجمهورية منهم كمان

واللى مش عاجبه يخبط دماغه فى الحيط كمان

حقها ولا مش حقها ؟

حقها طبعاً يا أبو كمال هو حد قال حاجه ...

مرحباً بالفكر الجديد للحزب الوطني

مرحباً بالإقصاء والتكويش ...

بس ده على كده شركات المقاولات هاتشتغل نارررررررر عشان تبني حوائط تكفي 80 مليون مصري عشان يخبطوا راسهم فيها

وبالمرة لازم نضيف حق من حقوق الأخوان بالبرلمان .. وهو إنهم يرشحوا لمصر شعب غيرنا .. يغيروا الشعب بالمرة ويجيبوا شعب حلو وطيب

الغريب يا رؤوف أن نكون ملكيين أكثر من الملك .. وأن نُطبل لناس ممكن يكون عندها خطط إصلاح ونجعل منهم ألهة ونجعل منهم 100 مبارك أخر .. بس شويه شويه لما تعلو مثل هذه الأصوات يبقى لازم هايتحولوا طبعاً

اليس هذا حق دستورى لهم ؟

هل فيها ما يخالف العادة او الشرع او القانون او الدستور ؟

طالما إتكلمنا في دستور وقانون .. يبقى إعرض لنا هذ الحق من الدستور عشان نقتنع

وبمناسبة الدستور .. الرويني رماها لنا إمبارح برضوا بدون ملل وأكد على إن " ليس من حق البرلمان تكوين الحكومة " وبالمناسبة برضوا ولا سحب الثقة من الحكومة .

[احمد رضوان]

وبمناسبة الدستور .. الرويني رماها لنا إمبارح برضوا بدون ملل وأكد على إن " ليس من حق البرلمان تكوين الحكومة "

طيب دي واضحة لإننا في دولة رئااسية وليست برلمانية

وبالمناسبة برضوا ولا سحب الثقة من الحكومة

إنما دي عايزة توضيح يعنى ايه ميقدرش يسحب الثقة من الحكومة لو الحكومة بتهرج ومش قد المسئولية ، ولازمتها ايه مجلس شعب أصلا؟؟ تشريعات ؟؟ طيب ما هي الحكومة ممكن ما تلتزمش بالتشريعات ، ويبقى مجلس الشعب يبل التشريعات ويشرب ميتها ، ويعني اي دور رقابي أصلا في الحالة دي ... ولا دور رقابي وبعد كده يرجع للمجلس يقول له الحكومة وحشة ... إيه الكلام ده

[hanzalah]

يا استاذ رضوان كلام الرويني واضح

والصورة واضحة لكن الاشكاليه فينا احنا الشعب الطيب الغلبان اللي عاوز يعيش أي عيشه والسلام

إحنا مُصرين ان نرى فقط نور الامل بداخلنا

ونتجاهل الواقع المعيب الذي نعيشه

احباب وانصار المجلس العسكري يقولون كل شيء رائع

انصار واحباب الحرية و العدالة يقولون كل شيء رائع

التفت حولي فلا اجد اي شيء رائع بالمرة

يمكن انا الغلطان

لكن بالله عليك

الواقع الذي نعيشه هو

حرامي مخلوع يهبط بطائرة يوميا في تمثيلية محاكمة هزلية و شباب مكلبشون في أسرتهم في المستشفيات وآخرون يعالجون على البلاط

طيب ننظر لبكرة

تلاقيه أسخم و أنيل

مجلس شعب يعيد انتاج فيلم هزلي لديكور الديمقراطية بدون مضمونها

ثم حكومة يعينها رئيس (عسكري أو مرضي عليه من اسياد البلد) عشان تطلع ميتين ابو الشعب المصري

ولا يملك نواب الشعب يفتحوا بقهم اعتراضا عليها

إنه ليس فقط مجلس منزوع الدسم لا يقدر على سحب الثقة من الحكومة لانك في نظام رئاسي

ولكن مجلس ايضا منزوع الصلاحيات لانه سيكون كباسط كفيه الى الماء ليبلغ فاه

وماهو ببالغه

شكراً

:closedeyes:

[raouf]

وادعوا الاخوان الى ترشيح رئيس لمجلس الشعب

وترشيح وكيلين

وترشيح كل رؤساء اللجان

وترشيح رئيس للجمهورية منهم كمان

واللى مش عاجبه يخبط دماغه فى الحيط كمان

حقها ولا مش حقها ؟

حقها طبعاً يا أبو كمال هو حد قال حاجه ...

مرحباً بالفكر الجديد للحزب الوطني

مرحباً بالإقصاء والتكويش ...

بس ده على كده شركات المقاولات هاتشتغل نارررررررر عشان تبني حوائط تكفي 80 مليون مصري عشان يخبطوا راسهم فيها

وبالمرة لازم نضيف حق من حقوق الأخوان بالبرلمان .. وهو إنهم يرشحوا لمصر شعب غيرنا .. يغيروا الشعب بالمرة ويجيبوا شعب حلو وطيب

الغريب يا رؤوف أن نكون ملكيين أكثر من الملك .. وأن نُطبل لناس ممكن يكون عندها خطط إصلاح ونجعل منهم ألهة ونجعل منهم 100 مبارك أخر .. بس شويه شويه لما تعلو مثل هذه الأصوات يبقى لازم هايتحولوا طبعاً

اليس هذا حق دستورى لهم ؟

هل فيها ما يخالف العادة او الشرع او القانون او الدستور ؟

طالما إتكلمنا في دستور وقانون .. يبقى إعرض لنا هذ الحق من الدستور عشان نقتنع

وبمناسبة الدستور .. الرويني رماها لنا إمبارح برضوا بدون ملل وأكد على إن " ليس من حق البرلمان تكوين الحكومة " وبالمناسبة برضوا ولا سحب الثقة من الحكومة .

شوف يا ريس

انا مش باطبل ولا بادعم انا باستغرب من موقف الناس

دلوقتى مجلس الشعب ده مين اللى جابه ؟ الشعب

ليه انتخبت الاخوان او غيرهم لانك واثق انهم هايعملوا اللى انت عايزه

طيب اللى انت انتخبتهم دول بيعملوا اللى شايفينه صح ليه الاعتراض ؟

الفكرة مش تكويش الفكرة هى النظام اللى ماشى دلوقتى وهو نظام الصوت العالى

يعنى كل القنوات بدون استثناء شتيمة وقالبينها محزنة علشان الاخوان رشحوا رئيس مجلس الشعب من عندهم رغم انهم الاغلبية

امال ايه المفروض ؟

لو بقى الرئيس من المصريين الاحرار كنت هاتسمع كل ده ؟ بالعكس هتلاقى احلى وصلات مدح

للاسف الاعلام موجه بقيادة فئة واتجاه واحد ومعين وللاسف لا يوجد له منافس

طيب هاديك مثال تانى هافترض جدلا واقول جدا ان 60% من الشعب عايز يعمل ثورة تانية و40% بس واقلية اهم بيقولوا ندى فرصة اننا نمشى على العالن الدستورى ووعد المجلس العسكرى

كل القنوات بدون استثناء الا اللهم تليفزين مصر الحكومى بيدعم راى ال60% ولا يوجد اى قناة تدعم ال40% دول

طيب موقف تانى

اسفرت الانتخابات عن فوز 70% اسلاميين و15% فقط علمانيين

ستجد ان نفس القنوات كلها وبدون استثناء بتهاجم الاسلاميين الاغلبية وبتدافع عن فكر ال15% ولا تظهر ليهم اى سلبية

للاسف قلتها قبل الثورة وهاقولها تانى مشكلتنا فى الاعلام الموجه للاسف

بس واقول بس خلى داعمى الاعلام اللى مستوليين عليه يفوزوا فى اى انتخابات ستكون هذه الانتخابات هى انزه انتخابات فى الدنيا وهى التجربة الديموقراطية الوحيدة فى مصر وكل الانتخابات التى لم يفوزوا بها باطلة وبايظة ومطبخة ومزوة للاسلاميين كمان

صدقنى يا سين سين انا باستغرب من الناس الاقلية التى ترغب فى اخذ حق الاغلبية وفرض رايهم وليس اكثر

[متعب]

صدقنى يا سين سين انا باستغرب من الناس الاقلية التى ترغب فى اخذ حق الاغلبية وفرض رايهم وليس اكثر

دهما ال عاوزين

ههههههههههه

هو مش الشعب انتخب الاخوان

خلاص يشربوا بقه

معاك ياريس ظبطوهم صح

[se_ Elsyed]

وبمناسبة الدستور .. الرويني رماها لنا إمبارح برضوا بدون ملل وأكد على إن " ليس من حق البرلمان تكوين الحكومة "

طيب دي واضحة لإننا في دولة رئااسية وليست برلمانية

وبالمناسبة برضوا ولا سحب الثقة من الحكومة

إنما دي عايزة توضيح يعنى ايه ميقدرش يسحب الثقة من الحكومة لو الحكومة بتهرج ومش قد المسئولية ، ولازمتها ايه مجلس شعب أصلا؟؟ تشريعات ؟؟ طيب ما هي الحكومة ممكن ما تلتزمش بالتشريعات ، ويبقى مجلس الشعب يبل التشريعات ويشرب ميتها ، ويعني اي دور رقابي أصلا في الحالة دي ... ولا دور رقابي وبعد كده يرجع للمجلس يقول له الحكومة وحشة ... إيه الكلام ده

يا أحمد أنا باتكلم عن وضع حالي .... يعني الدستور اللي لسه ماشيين به بيقول كده يا عزيزي

[سكر]

يعنى اروح يا روؤف اضرب دماغى فى الحيط واعيط بقى ولا ايه

انا مش متفق فى الكلام بس انت حبيبى

بس ياعم روؤف انا فى مصر وانت عارف والبنزين والغاز مقطع الشعب انت عارف ان الحركات دى ممكن تهد اجدع مجلس شعب وتخلى رقبته قد السمسمه قدام شعبه

مجلس الشعب الحالى يجب ان يكون اضعف مجلس شعب بعد الثورة بغض النظر عن انه معبر عن الثورة او لا

ليه اضعف عشان الى بعدة لازم يكون اقوى والى بعد الى بعدة اقوى واقوى وهكذا حتى تتم العمليه الديمقراطيه بمررو الوقت

طيب ازاى مجلس الشعب الى جاى يكون اقوى

بالمبادى

يعنى مينفعش كل يوم افتح التليفزيون والجرايد الاقى كلمة تحالف تحالف تحالف

انا مش فاهم تحالف مين وعلى مين هما بتفقوا مع بعض على الشعب ولا ايه

وبعدين هو كله تحالف تحالف مفيش مبادى

مثال صغير قرر الاخوان المسلمون ودة حق اصيل لهم ترشيح الكتاتنى رئيس مجلس الشعب

شى جميل واحلى ما فى ان مش هنشوف فتحى سرور

بس بناء على ايه يعنى نفس طريقه الحزب الوطنى

عشان تكون برلمان قوى لازم تضع شروط وضوابط او دستور مجلس الشعب نفسه (مبادى)

اعرف من خلالها ليه تم ترشيح الكتاتنى بناء على ايه

وليه مش البلتاجى وليه مش عصام العريان

لا كدة لتبقى اسف حزب وطنى وينجح الكتاتنى باصوات جميعا وخلاص

ولما تضع الشروط تبقى خلاصت مش محتاج تحالف وارف وتوزيع تورته وجاتوة

فى شرروط وقبول للمتصب بغض النظر عن انه تبع مين المهم الشروط تنطبق عليه

بس من الاخر لو لم يتم تفعيل اللوحة الالكترونيه فى التصويت وبقى فى مبادى للعمل

يبقى مجلس الشعب دة اونطة

[raouf]

مثال صغير قرر الاخوان المسلمون ودة حق اصيل لهم ترشيح الكتاتنى رئيس مجلس الشعب

شى جميل واحلى ما فى ان مش هنشوف فتحى سرور

بس بناء على ايه يعنى نفس طريقه الحزب الوطنى

طيب ايه الطريقة اللى انت شايفها صح للاغلبية وللحزب الفائز فى النتخابات فى ترشيح رئيس لمجلس الشعب ؟

عشان تكون برلمان قوى لازم تضع شروط وضوابط او دستور مجلس الشعب نفسه (مبادى)

اعرف من خلالها ليه تم ترشيح الكتاتنى بناء على ايه

وليه مش البلتاجى وليه مش عصام العريان

لا كدة لتبقى اسف حزب وطنى وينجح الكتاتنى باصوات جميعا وخلاص

حلو يعنى الاعتراض على شخصة الدكتور الكتتانى مثلا ؟ لان اكيد ولم ولن تحصل ان يرشح اثنين منتمين لنفس الحزب لنفس المنصب او فى نفس الدائرة كمثال ؟ ومين اللى قال ليك ان الامر تعيين مباشر وليس طرح اسماء وانتخابات داخلية داخل الحزب ؟ واختيار مرشحهم لرئاسه البرلمان وده الطبيعى

والطبيعى ان بعض الاحزاب عجبها اختيارهم ووثقوا فى الرجل اللى لا تشوبه شائبة

ولما تضع الشروط تبقى خلاصت مش محتاج تحالف وارف وتوزيع تورته وجاتوة

فى شرروط وقبول للمتصب بغض النظر عن انه تبع مين المهم الشروط تنطبق عليه

لا يوجد برلمان فى العالم بدون تحالفات واتجاهات مختلفة ويمين ويسار ووسط والا يبقى سويقة

بس من الاخر لو لم يتم تفعيل اللوحة الالكترونيه فى التصويت وبقى فى مبادى للعمل

يبقى مجلس الشعب دة اونطة

طبعا يجب ان يكون اول قرار هو اعتماد التصويت الالكترونى داخل المجلس وفى اى انتخابات قادمة

موضوع وموافقة ده انساه لن يجدث ابدا ومتاكد من ذلك

حبيبى غريب ردودى باللون الاحمر

[متعب]

اولا الاخوان عارفه كويس جدا هما نجحوا ازاى فى الانتخابات دى

وعارفين كويس جدا ان الشعب حلق ليهم

بس هما اعتمدوا على التزوير ال كان متفق عليه من قبل

بدليل انهم كانوا بيقولوا على العلن احنا لو رشحنا كلب جربان الشعب هينتخبه

وكان البيج بوص بيقول برده علنا طز فى مصر

اذن عارفين كويس هما نجحوا ازاى فى الانتخابات . بالتزوير طبعا

وقالونا من غشنا فليس منا يعنى الرسول قال كده بس هما معملوش بالرسول عملوا بالبرلمان والاعيبه

فالطبيعى هنا انهم ينتقموا من الشعب فى صورة تيارات مرة علمانيه واخرى لبراليه ومرة اناركيه

ودى الاوصاف ال بيوصفوا بيها الشعب ككل وصنفوه كده لانتقام منه فى المراحل القادمه

صحيح فى جزء اعطاهم صوته بس مش بنفس التوظيف ده . استحاله طبعا

واللعبه اتفأست والبطاقات ال طلعلهم العسكر مازلوا محتفظين بيها لاستخدامها فى انتخابات الشورى والرياسه على نفس السياق

فجزئيه التعالى واخبطوا دماغكم فى الحيط دى عاديه جدا

التقيل جاى ورى

وده نموزج بس

http://www.youtube.com/watch?v=GVPFWMBxkUU

[Abu Reem]

اظن ان افضل شيء يعمله الناس هو الحكم على الشيء بعد ان نرى نتائجه

الكتاتني ، او. كوندليزا رايس المهم النتائج

لكن صدق من قال ان اسوأ ايام الفئة التي كانت تشمت وتشوه التيارات الاسلامية بسبب وبدون سبب هي الايام الحالية خاصة بعد ما وأوا ثقة الشعب فيهم رغم بعض عيوبهم بالاضافة الى سيطرتهم على مقاليد السلطة الفترة القادمة ...

فلذلك من دأبوا على تشويه التيارات الاسلامية نراهم في كل الاماكن يتخبطهم الشيطان من المس وبدأوا يفقدون اعصابهم وتنفلت السنتهم

وهذه الحالة لن تستمر طويلا فلن يلتفت اليهم احد بعد ذلك عندما يبدأ وقت العمل وسنتركهم حتى تأكلهم الحسرة

تم تعديل 17 يناير 2012 بواسطة Abu Reem

[سكر]

فلذلك من دأبوا على تشويه التيارات الاسلامية نراهم في كل الاماكن يتخبطهم الشيطان من المس وبدأوا يفقدون اعصابهم وتنفلت السنتهم

اعلن اعتراضى على هذا الطريقه فى الحوار ووصف اى شى مخالف لما تقوله التيارات الاسلاميه بهذة العبارات

انا كل الى عايز اعرفه

ايه هى معايير الاخوان المسلمين وغير الاخوان المسلمين فى اختيار رئيس مجلس الشعب

هل هو الثقه ام الكفاءة

لو الثقه خلاص خلصت

لو الكفاءة ممكن اعرف ايه هى معايير الكفاءة

[ماستر]

عزيزى رؤف محدش هيخبط راسة فى الحيطة ان شاء الله, احب افكرك بس ان الاخوان لم يحصلوا على اغلبية 50% + 1 بمفردهم لذلك فهم محتجين لاطراف اخرى حتى يحصلوا على اغلبية لذلك وجب على الاخوان ان تتوافق مع باقى القوى وان تترك جرء من التورتة مرغمة على ذلك والحمد لله ان كل الاطرف لديها مشروعها الخاص وهدفها, لذالك ان شاء الله هنلاقى معارضة قوية

تم تعديل 17 يناير 2012 بواسطة ماستر