أمثلة على قلة الذوق

[محمد شلبى]

من 5 ساعات حصلى موقف تحفة هيفضل يحرق دمى 5 سنبن كل لما افتكره

كنت عند واحد صاحبى فى بلد ريفى تبعد عن المنصورة 10 كيلو مشيت من عنده الساعة 9,طبعا مش هااحكيلكوا على الطريق بتاعهم عرضه 2 متر ومكسر وحالته زفت,وممكن تمشى عليه لمدة ربع ساعة لغاية لما تقابلك عربية وكمان ما فيهوش مواصلات من بعد الساعة6

المهم انا مروح ومشغل الاخت نانسى ومزاجى عالى قوى لانى بحب اسوق بالليل,عديت على بلد فى الطريق ولقيت راجل فلاح واقف بشاورلى وكل ما اقرب يلح اكتر لدرجة انى حسيت انه هيرمى نفسه على العربية,قلت اكسب فيه ثواب واوصله فى طريقى ,فتحتله الباب راح داخل وقاعد بكل تناكة ومكلمنيش :huh

قلت لنفسى ما علينا مش مشكلة ,شوية وهوب راحت عربيتى العزيزة عاملاها فى نص الطريق فى حتة كحل,يمين شمال حلفت ما تدور ابدا,صاحبنا تنح وراح نازل من العربية من غير ما يتكلم واول عربية ماشية على الطريق راح مشاورلها وقالى عنئذنك يا بيه,سلامو عليكو ورا راكب فيها,يا ابن ..............

انا سبت العربية وقعدت اكلم نفسى ,ممكن قلة الذوق توصل للدرجة دى؟

ولغاية اوقتى انا متنرفز جدا من الراجل ده وحاسس انى لو شفته هاطبق فى زمارة رقبته

[Lighthouse]

مش فاهمة ايه الحكمة من تغيير العنوان واضافة كلمة امثلة من

العنوان الاول كان افضل

بصراحة بقى

احيانا العناوين التفصيلية زيادة عن اللزوم تجعل الواحد يكسل يقرا الموضوع لانه عرف من العنوان ( التفصيلي جدا ) الموضوع بيتكلم عن ايه .

العنوان الاولاني كان اكثر تعبيرا عن محتوى الموضوع عن هذا العنوان

وشكرا :blink:

[c'est la vie]

صباحاً في احد المواصلات العامه ..اضطر لركوب احدهم دون وجود مكان..اقف بعض الوقت محمله بالكتب وشنطة اليد ..اتهاوى يميناً ويساراً..صعبت علي احد رجال الزمن الماضي والذي تبدو على وجه معالم الزمن والمرض..أخلي لي كرسيه ليقعدنى عليه ..وما أن يشير لي ويقوم ببطيء بجسمه النحيل واقدامه المرتعشه..ارفض الجلوس فمهما كان انا استطيع الوقوف علي قدمي والحمد لله ..ابتسم العجوز واعتذرت..في هذه الوهله ينقض رجل ليجلس علي الكرسي تاركاً العجوز وراء ظهرة..ناظراً لي نظره كأنى الفرصه جاتنى وانا ضيعتها بخيبتى القويه. fsh:: .

قمة قلة الذوق ..

تم تعديل 26 نوفمبر 2004 بواسطة c'est la vie

[بنت شعنونة]

محمد شلبي!!

انا لو مت بالسكتة القلبية يبقى انت السبب mf-: mc:

اولا..عندي ليك خبر مش حلو.. mfb:

واحد بيشاورلك!!

بالليل؟

في الفلاحين..

ركب وما اتكلمش

وبعدها العربية عطلت!!!!!!!!

دا اكيد..

بسم الله الرحمن الرحيم... gt:

اللهم احفظنا يعني :blink:

عفريييييييييييييييييييييييييييييييييييييييييييييتتت :huh:

وزعلان انه مشششششششششيييي!!!!!!!!!!!!

انا لو مكانك اصلي ركعتين شكر لله :D

[أنـفـــال]

السلام عايكم و رحمة الله..

أسوأ مثال على قلة الذوق..

هو ان حياناً..

لما تركن عربيتك في مكان ما

و ترجع تلاقيها مخبوطة او مخدوشة بفعل واحد تاني كان سايق عربيته و اتزنق في عربيتك فقرر انه يضحي بعربيتك انت!

و يمشي..

و ترجع انت بقى..

ممكن تموت عربيتك جديدة نوفي!!

و هو يمشي و بس.. و لا كانه عمل اي حاجة خالص..!

هيجرى ايه لو كان ساب كارت او ورقة على مساحات العربية يقول فيها.. انه اسف و دي نمرته لو طلبت التصليح؟

هيجرى ايه لو ركن سيارته و حاول ايجادك ليعتذر منك؟

انا لما حصل معايا الموقف دة ماكنتش هاطلب فلوس و لا حاجة!!

و لا هاقوله صلحها على حسابك!!

بس كنت عاوزة اسمعه بيقول آسف.. !!

و بس!!

دة اكبر مثال على قلة الذوق!

و عدم الامانة!!

انا اتنرفزت ماكانش لازم تفكروني!! cld:

أنفال