ماذا يريد محمد البرادعى؟ ولماذا الإنسحاب من سباق الترشح للرئاسة؟

[عماد حمدي]

المهمة لا تنسابة كدة كلام كويس جداً يا فندم و حضرتك جبتي الخلاصة ..

- وفي رأيي ان الجبن الحقيقي هوه انه يدعي حرصه على مصلحة بلده..ثم ينسحب ..ولم يفكر في من ضحوا بارواحهم فداءا لمصر....

- وبعد ان حاول المسؤولون الامريكيون في الفترة القادمة جس نبض مجلس العسكري في محاولة لفرضه..ووجدوا ان المجلس العسكري..نفض لهم...فتخلى الامريكان عنه كما يتخلوا عن كل خائن يعمل ضد امته وبلده عن طريق تقاريره...المسمومة

الإنسحاب صفه الضعفاء ..

لو كان وطني و شجاع و أملنا في التغيير و و و زي ما بيدعي و اتباعه أيضاً يروجوا له ..

كان بقا وطني كدة يقف صامد و يواجه و يناضل من أجل التغيير ..

كان ينزل الشوارع و الحواري و الميادين و القرى و الأرياف

كان ينزل يحتك بالناس و يسيب اللاب توب شوية

مش ينسحب و يقول اصل مفيش ديمقراطية ههههههههه ..

زي ما أتباع و مؤيدي البرادعي بيتكلموا عن

( حملة التشويه ضد البرادعي .. يبقي برده تتكلموا عن حملة تشويه الإسلاميين )

من بعد إستفتاء مارس ... و برده طلعت ع باطل الحمد لله ياعني

و الشعب قال كلمته

هوه لو كان يخلي تويتر ساعة و لا اتنين بس في اليوم و ينزل يشوف باقي الشعب كان هيبقي فُلّه

في مُخيلته ان الشعب كله قاعد مستني تصريحاته ع تويتر علشان يعمله لايك و شير !

و المرة الوحيدة اللي نزل فيها المناطق العشوائية مع الليثي

يقوم مواطن مصري غلبان يحرجه و يقوله الإخوان معانا ع طول هنا من زمان ع مدار السنة

مش أوقات الإنتخابات بس !

إحنا عايزين واحد مننا عايش نفس عيشتنا داق المر زينا بالظبط

مش واحد قاعد في أمريكا 30 سنة و يوم ما ينزل مصر يدور علي شغل يقولك هبقي رئيس جمهورية !

و برده الكلام مجبش معاه نتيجة !

مرة يترمي بالطوب و التانية تتقاله في وشه عيني عينك بردة مفيش دم

أتباع البرادعي لا يتعدوا 15 % فقط من الشعب المصري و لكم في إنتخابات مجلس الشعب خير بُرهان ع كلامي

لو ضمينا الحرية و العدالة و النور معاهم الأحزاب الإسلامية الصغيرة

يشوفله مشروع حلو كدة و يشغل في الشباب و يساعد في حل البطالة أعتقد هينجح

أو الحكومة تبقي تشوفله وزارة حلوه كدة علشانه

وزارة القوى التويترية الفيسبوكية

[عماد حمدي]

كان فالح يروح كل شوية يراقب على العراق و سوريا..

العراق و سوريا اللي هما المفروض عرب و مسلمين زينا يعني اخوات لينا في الدين و العرق

و لما امريكا قتلت نص مليون عراقي بقنابل عنقودية و اسرائيل قتلت الفلسطينين باسلحة محرمة دوليا

و امتكلت اسلحة دمار شامل ..

مفتحش بوقه بالرغم انه كان في منصب يسمحله ان يفتش على اسرائيل

او على الاقل خالص و ده اضعف الايمان يعني..انه يطلع يقول كلمة الحق

البرادعي وظيفته الرئيسية

كانت منع اي تقدم في مجال الطاقة الذرية و النووية في اي بلد عربي او بلد مسلم

و سكوته على اسلحة اسرائيل و الاسلحة المحرمة دوليا اللي استخدمتها امريكا في العراق

اكبر دليل على انتمائة للغرب مش للعرب

معلش كلنا عارفين ان في حاجة اسمها اتفاقية منع انشار الاسلحة النووية

اللي راح النظام الخائن ووقع عليها و كذلك فعلت العراق و سوريا بينما لم تفعل اسرائيل ذلك

من فضلك يا عمدة بلاش اتهام الرجل اتهامات باطلة

مش معنى ان مختلفة معاه او شيفاه لا يصلح لمنصب ما في فترة معينة

اني اعاديه

و شكرا لك

دا مش إتهام سيادتك . دي حقيقة !

[Abu Reem]

الفاضلة الزهراء

الادلة موجودة وعملت لها موضوع خاص في المنتدى

وهي ايضا تشما تقريره عن مصر الذي حاول يورط فيه مصر ايضا

والتقرير كان من 6 صفحات

والموضوع به اجابة لكل اسئلتك

معلش علشان مشغول حاولي تبحثي عنه

تحياتي

[عماد حمدي]

ياعني حضرتِك بس بتأكديلي أنه دلوقتي قاعد بيلعب بالشباب علشان هما اللي يغيروا و هوه يجي ياكل ع الجاهز مش من المفروض أنه ينزل هوا كمان و يناضل و يكافح و لا هيكتفي يتويتر بس ..

و لما الشباب يخلص المهمة بتاعته ينزل بقا يرشّح نفسه !

بجد حاجة غريبة جداً جداً ياعني

و تقولوا عليه بطل !؟ ههههههههههه

بطل ينسحب من معركة و يضحي بجيشه علشان هوه يعيش .

ياعيني ع البطوله

طيب معملش كدا من الأول لية بقا ؟؟!!

ليه منتظرش وجود ديمقراطية ع حد زعمه و بعد كدة يرشح نفسه

إشمعنه دلوقتي تحديداً في هذا التوقيت

إشمعني قبل 25 يناير يا فندم دي رسالة للحشد شبابه و أتباعه ينزلوا و هوه قاعد مستني الجرسون يجيبلة الأكل لحد عنده

سبحان الله و لا إخوان و لا سلفيين و لا باقي الأحزاب الإسلامية عايزاه

و ضيفي بقا بعض الناس في باقي الأحزاب برده مش مؤيداه

و يقولك سبب إنسحابي مفيش ديموقراطية

لا و حياتك دا انته خفت تتفضح و تشوف الكحكه يوم نتيجة إنتخابات الرئاسة و تعرف انك و لا حاجة

و الله كان نفسي فعلاً يفضل موجود علشان نشوف و مؤيديه نفسهم يشوفوا حجمه الحقيقي ..

تم تعديل 17 يناير 2012 بواسطة omda2006

[moamana]

من غير خناق خالص يا جماعة ايه اللى حصل

الرجل قال انا مش هترشح ممكن يكون جبان و خاف يخسر الانتخابات فعلا و ليه لا

الايام دايما بتورى الحقيقة و نصبر و نستنى و نشوف و زى ما والدته طلعت محجبة و بنته متجوزة مسلم و زى ما كل اللى اتقال عليه طلع كذب بكره تبان الحقيقة و يبان اذا كان صادق ام كاذب

زى ما بان كان ايه الاصلح الدستور اولا و لا الاستقرار اللى احنا مشوفنهوش اولا .....فاكرين

و طبعا بكره لما نعين طرطور سورى قصدى رئيس جمهورية نبقى نفهم و نعرف كويس اوى الحقيقة كانت فين

حد واحد بس يقنعنى ان الاخوان او المجلس العسكرى عايز رئيس وطنى قوى بجد يشاركهم صلاحياتهم و محدش يقولى ان المجلس العسكرى هيختفى من الصورة فجاة بعد تعيين هذا الرئيس

و على العموم انا مش فارقة معاى مين رئيس الجمهورية اللى هيتفقوا عليه لان اى كان اذا كانت نية الاخوان او المجلس العسكرى يصلح البلد مش هيبقى غير واجهة زى الرئيس الامريكى كده و الناس المهم عندها الاحوال تتحسن و بس

و انا متاكدة ان ديه نية الاخوان انهم يصلحوا البلد و ديه مش نية المجلس العسكرى ابدا

[elzahraa]

ياعني حضرتِك بس بتأكديلي أنه دلوقتي قاعد بيلعب بالشباب علشان هما اللي يغيروا و هوه يجي ياكل ع الجاهز مش من المفروض أنه ينزل هوا كمان و يناضل و يكافح و لا هيكتفي يتويتر بس ..

و لما الشباب يخلص المهمة بتاعته ينزل بقا يرشّح نفسه !

بجد حاجة غريبة جداً جداً ياعني

و تقولوا عليه بطل !؟ ههههههههههه

بطل ينسحب من معركة و يضحي بجيشه علشان هوه يعيش .

ياعيني ع البطوله

طيب معملش كدا من الأول لية بقا ؟؟!!

ليه منتظرش وجود ديمقراطية ع حد زعمه و بعد كدة يرشح نفسه

إشمعنه دلوقتي تحديداً في هذا التوقيت

إشمعني قبل 25 يناير يا فندم دي رسالة للحشد شبابه و أتباعه ينزلوا و هوه قاعد مستني الجرسون يجيبلة الأكل لحد عنده

سبحان الله و لا إخوان و لا سلفيين و لا باقي الأحزاب الإسلامية عايزاه

و ضيفي بقا بعض الناس في باقي الأحزاب برده مش مؤيداه

و يقولك سبب إنسحابي مفيش ديموقراطية

لا و حياتك دا انته خفت تتفضح و تشوف الكحكه يوم نتيجة إنتخابات الرئاسة و تعرف انك و لا حاجة

و الله كان نفسي فعلاً يفضل موجود علشان نشوف و مؤيديه نفسهم يشوفوا حجمه الحقيقي ..

رد حضرتك دا يرجعنا للنقطة الاساسية وهى

مش عايزين مخلص

زهئنا من الاب الروحي

و دي دعوة الدكتور البرادعي و هو ليس مخلصا

بل انسان مخلص كان له دور في مناهضة الظلم بالطريقة اللي يقدر عليها

و اي مواطن حتى لو مكنش له دور من حقة يترشح لرئاسة الجمهورية

و من حقة لحظة بداية يناهض فيها الظلم

و اي مواطن من حقة يعبر عن رأيه و يطلع بيانات و يقول اللي هو عايزة

يا جماعة من فضلكم لا افراط و لا تفريط

هو يا اما نقدس الرجل فاطر اني ابين اخطاءه

يا اما نشيطنه فاطر اني افكر الناس بدوره

عايزين نحكم على الرجل بموضوعيه

هو ليس ملاك لكنه ليس شيطان

هو انسان مصري كان له دور

و اكبر دليل على اهميته كمية المداخلات اللي حضرتك

قمت بها لانه لو انسان نكره مكنتش اهتميت

زي ما انا لو مش بقدر فكر حضرتك مكنتش رديت عليك وشرفني الحوار معك

و شكرا لك

[عماد حمدي]

ياعني حضرتِك بس بتأكديلي أنه دلوقتي قاعد بيلعب بالشباب علشان هما اللي يغيروا و هوه يجي ياكل ع الجاهز مش من المفروض أنه ينزل هوا كمان و يناضل و يكافح و لا هيكتفي يتويتر بس ..

و لما الشباب يخلص المهمة بتاعته ينزل بقا يرشّح نفسه !

بجد حاجة غريبة جداً جداً ياعني

و تقولوا عليه بطل !؟ ههههههههههه

بطل ينسحب من معركة و يضحي بجيشه علشان هوه يعيش .

ياعيني ع البطوله

طيب معملش كدا من الأول لية بقا ؟؟!!

ليه منتظرش وجود ديمقراطية ع حد زعمه و بعد كدة يرشح نفسه

إشمعنه دلوقتي تحديداً في هذا التوقيت

إشمعني قبل 25 يناير يا فندم دي رسالة للحشد شبابه و أتباعه ينزلوا و هوه قاعد مستني الجرسون يجيبلة الأكل لحد عنده

سبحان الله و لا إخوان و لا سلفيين و لا باقي الأحزاب الإسلامية عايزاه

و ضيفي بقا بعض الناس في باقي الأحزاب برده مش مؤيداه

و يقولك سبب إنسحابي مفيش ديموقراطية

لا و حياتك دا انته خفت تتفضح و تشوف الكحكه يوم نتيجة إنتخابات الرئاسة و تعرف انك و لا حاجة

و الله كان نفسي فعلاً يفضل موجود علشان نشوف و مؤيديه نفسهم يشوفوا حجمه الحقيقي ..

رد حضرتك دا يرجعنا للنقطة الاساسية وهى

مش عايزين مخلص

زهئنا من الاب الروحي

و دي دعوة الدكتور البرادعي و هو ليس مخلصا

بل انسان مخلص كان له دور في مناهضة الظلم بالطريقة اللي يقدر عليها

و اي مواطن حتى لو مكنش له دور من حقة يترشح لرئاسة الجمهورية

و من حقة لحظة بداية يناهض فيها الظلم

و اي مواطن من حقة يعبر عن رأيه و يطلع بيانات و يقول اللي هو عايزة

يا جماعة من فضلكم لا افراط و لا تفريط

هو يا اما نقدس الرجل فاطر اني ابين اخطاءه

يا اما نشيطنه فاطر اني افكر الناس بدوره

عايزين نحكم على الرجل بموضوعيه

هو ليس ملاك لكنه ليس شيطان

هو انسان مصري كان له دور

و اكبر دليل على اهميته كمية المداخلات اللي حضرتك

قمت بها لانه لو انسان نكره مكنتش اهتميت

زي ما انا لو مش بقدر فكر حضرتك مكنتش رديت عليك وشرفني الحوار معك

و شكرا لك

شكراً يا فندم و جزاك الله خيراً و شرف ليا أنا أن أدخل مع سيادتك في نقاش ..

أرق تحيــاتي

[Alshiekh]

عندما فتحت هذا الموضوع ونقلت فيه رؤية الكاتب الإستاذ / علاء الأسواني، لم يدر بخلدي أن الحوار سيدور حول شخص الدكتور محمد البرادعي مابين متهما له ومشوها لتاريخه وأعماله أو مدافع عنه، بل تخيلت انه سيكون هناك حوار واعي حوال ماكنا نتمناه لمسار الثورة وما أصبحنا عليه الآن.

كنت أتخيل أن موضوع حسني مبارك المقرر على تلاميذ الصف الإبتدائي الذي تم اختتامه بعبارة: «على أن كل هذه المحاولات من الرئيس مبارك لم تكن كافية لإرضاء الشعب فقام بثورة لتغيير النظام» كانت ستثير حفيظة البعض ويتخذها دليل على أن النظام لم يسقط بل أن له من يدافعون عنه داخل أروقة وزارة التربية والتعليم، ولكن هذا لم يحدث.

كنت أظن أن تخبط المجلس العسكري في قيادة سفينة البلاد وانفراده بتوجيهها لوجهة لانعلمها ورفضه لكل الآراء العاقلة ذات الخبرة ، سيكون له نصيب من النقاش والحوار، ولكن ذلك لم يحدث.

كنت أتخيل أن إضطرار المجلس العسكري " لكلفتة " الأمور تحت ضغط المليونيات فقط سيكون محل نظر وحوار، ولكن ذلك لم يحدث.

كنت أظن أن مانشاهده وشاهدناه على الساحة من إهمال متعمد للأمن أو تدخل بقوة وعنف ووحشية غير مبررة ضد الثوار ودلالته على أن مايحدث انما هو مقصود لإخماد روح الثورة مما يستوجب علينا مناقشته ورفضه، ولكن أحدا لم يتكلم عن هذا إطلاقا وكأنما هناك رضا وموافقة على مايحدث.

كنت أظن أن صلاحيات رئيس الجمهورية التي أشاعوا أنها قد منحت لرئيس الوزراء ثبت انها كانت مجرد كلام في الهواء وان الأمر برمته في يد رؤساء الجمهورية الجدد المسمى بالمجلس العسكري ستثير حفيظة المتحاورين فيتحدثون عنها، ولكن للأسف لم يحدث هذا،

ماأراه يوحي إلي أن من هاجموا البرادعي لم يقرأو الموضوع، فقط قرأوا إسم البرادعي في العنوان، ومن ثم شمروا عن سواعدهم وبدأوا الهجوم المقدس .

من يهاجمون البرادعي لكشفه عوار مانحن فيه وعدم قبوله أن يكون " خيال مآته " يداري به سوءة بقايا النظام القديم الذي لايزال يحكم، لن يتوقفوا عن الهجوم عليه تحت أي ظرف.

لك الله يامصر

وبإذن الله بسواعد أبنائك المخلصين الذين لاينتمون إلا للحق والعدل والحرية ستعودي على الطريق الصحيح مهما كانت وعورة الطريق.

[Alshiekh]

المهمة لا تنسابة كدة كلام كويس جداً يا فندم و حضرتك جبتي الخلاصة ..

يبقي كان من الأول بقا خالص ميرشحش نفسه للرئاسة ..

و كان يفضل هوه هوه البرادعي اللي بيطالب بالتغيير ..

يفضل هوه هوه البرادعي اللي بيقول دلوقتي انا هخدم مصر افضل لو انا مش رئيس ..

ياعني بحب انا اللي بيجيب من الاخر إنما أخلق اسباب و مبررات فاضية مش بحب كدة

و كويس ان الشعب واعي و فاهم و عرف يحلل قرار إنسحابة ..

نعمل ايه ياعمدة الشعب قال كده من الاول لما حدفه بالطوب...لكن مفيش دم

قالوا عليهم بلطجية النظام...

واصرار المسئولين عن حملة تلميعه لم يفهموا ذلك...

وأستغرب كثيرًا من محاولة البعض النفخ فى حكاية اعتذار الدكتور محمد البرادعى عن ترشحه

وكأنه كان المرشح الاول مثلا

- مؤيديه مثل الدكتور حسن نافعة ، وحمدي قنديل ، وجورج اسحاق ، تخلوا عنه لما لقواه عايش في البراج العاجي يخاطب الثوار كأنه بيطلب أكل من مطعم دليفري..وعايش على التويتر...ولم ينزل للشعب ويتواضع..

- المهم بيتكلم عن الديموقراطية ولم يحترمها..حتى لو كان في اخطاء بسيطة في الانتخابات فهي كانت على الكل...

بيقول انه لا يستطيع أن يترشح وسط أجواء من الصفقات السياسية والحزبية، وكأن هذه الصفقات اختراع مصرى وليست أحد أهم أدوات العملية السياسية

كل ما في الامر هو ان الانتخابات البرلمانية خذلته وأن السباق الرئاسي

وانه بيستغل ده في التحريض ليوم 25 يناير...عل وعسى...

- وفي رأيي ان الجبن الحقيقي هوه انه يدعي حرصه على مصلحة بلده..ثم ينسحب ..ولم يفكر في من ضحوا بارواحهم فداءا لمصر....

- وبعد ان حاول المسؤولون الامريكيون في الفترة القادمة جس نبض مجلس العسكري في محاولة لفرضه..ووجدوا ان المجلس العسكري..نفض لهم...فتخلى الامريكان عنه كما يتخلوا عن كل خائن يعمل ضد امته وبلده عن طريق تقاريره...المسمومة

دي مداخلة سابقة لك، يعني كنت متوقع انه لن يترشح،

ايه اللي غير الأمور بقى علشان تهاجمه لما انسحب؟ ام انه الكره الأعمى؟ وفرصة لقيت ناس بتحدف طوب تحدف معاهم وخلاص؟

ريح نفسك يا دكتور ياسر

البرادعي مش هيرشح نفسه

ةعلى اي حال كلمته في نظري يعني عادية...وساخذها بحسن النية...لانها كلمة ممكن كلنا نقولها

ولكن قطعا هناك من لا يقبلونها وذلك من مبدأ المعاملة بالمثل فطالما عملوا من الحبة قبة على كلمة يقولها اي احد من المنتمين للتيار الاسلامي

- وبمرور الايام سيتكشف ان د. البرادعي سيتراجع عن الترشح

[aimen]

[Abu Reem]

البرادعي ليس بجبان كما يدعي البعض لكن الجبان هو من يتاجر باهداف الثورة ثم ينقلب عليها دون الشعور بالذنب

الجبان هو من يتنازل عن حق الشعب ويقدم مصالحه على مصالح الشعب ويدوس على الشهداء والثوار ويتهمهم بالخيانة والعمالة وهو اهل لكل ذلك

الجبان هو من يفرح بعظمة تلقى اليه ومن اجلها يوزع اتهاماته لكل من لا يقبل بهذه العظمة مثل

لم يعلق الغير مؤيدين للبرادعي ابدا على قرار انسحابه بل احترموا مؤيديه ولم يسكبوا البنزين على النار

لكن المشكلة في انصاره ومؤيديه عندما يقوموا بتشويه الناجحين في ظل تبريرهم لموقف البرادعي

ما علاقة انسحاب البرادعي بالاساءة الى الاحزاب التي حازت على ثقة الشعب لكي يتم وصفها بالكلام اعلاه

لو نظرنا لما يفعله انصار البرادعي في الصحف والفضائيات من محاولة نشر الاكاذيب حول مجلس الشعب وحول الخطوات تسليم السلطة التي تتم حتى الان بهدوء ودون حروب وصراعات كما كان متوقعا ومحاولة تشويه كل ذلك لان البرادعي انسحب من يرى ذلك سيعرف لماذا يتم الهجوم على افعال البرادعي وليس شخصه

- البرادعي انسحب وانتهى الامر وانتهى دوره ولو كان له ايجابيات في مواجهة النظام السابق فله الشكر على هذا وسنشكره ونغفر له لو تعامل بالمنطق والحكمة مع الواقع الحالي ومع مصلحة ورغبات شعبه كله وليس القلة المقربة منه

[Alshiekh]

حقا

لا كرامة لنبي في قومه

[elzahraa]

عندما فتحت هذا الموضوع ونقلت فيه رؤية الكاتب الإستاذ / علاء الأسواني، لم يدر بخلدي أن الحوار سيدور حول شخص الدكتور محمد البرادعي مابين متهما له ومشوها لتاريخه وأعماله أو مدافع عنه، بل تخيلت انه سيكون هناك حوار واعي حوال ماكنا نتمناه لمسار الثورة وما أصبحنا عليه الآن.

كنت أتخيل أن موضوع حسني مبارك المقرر على تلاميذ الصف الإبتدائي الذي تم اختتامه بعبارة: «على أن كل هذه المحاولات من الرئيس مبارك لم تكن كافية لإرضاء الشعب فقام بثورة لتغيير النظام» كانت ستثير حفيظة البعض ويتخذها دليل على أن النظام لم يسقط بل أن له من يدافعون عنه داخل أروقة وزارة التربية والتعليم، ولكن هذا لم يحدث.

كنت أظن أن تخبط المجلس العسكري في قيادة سفينة البلاد وانفراده بتوجيهها لوجهة لانعلمها ورفضه لكل الآراء العاقلة ذات الخبرة ، سيكون له نصيب من النقاش والحوار، ولكن ذلك لم يحدث.

كنت أتخيل أن إضطرار المجلس العسكري " لكلفتة " الأمور تحت ضغط المليونيات فقط سيكون محل نظر وحوار، ولكن ذلك لم يحدث.

كنت أظن أن مانشاهده وشاهدناه على الساحة من إهمال متعمد للأمن أو تدخل بقوة وعنف ووحشية غير مبررة ضد الثوار ودلالته على أن مايحدث انما هو مقصود لإخماد روح الثورة مما يستوجب علينا مناقشته ورفضه، ولكن أحدا لم يتكلم عن هذا إطلاقا وكأنما هناك رضا وموافقة على مايحدث.

كنت أظن أن صلاحيات رئيس الجمهورية التي أشاعوا أنها قد منحت لرئيس الوزراء ثبت انها كانت مجرد كلام في الهواء وان الأمر برمته في يد رؤساء الجمهورية الجدد المسمى بالمجلس العسكري ستثير حفيظة المتحاورين فيتحدثون عنها، ولكن للأسف لم يحدث هذا،

ماأراه يوحي إلي أن من هاجموا البرادعي لم يقرأو الموضوع، فقط قرأوا إسم البرادعي في العنوان، ومن ثم شمروا عن سواعدهم وبدأوا الهجوم المقدس .

من يهاجمون البرادعي لكشفه عوار مانحن فيه وعدم قبوله أن يكون " خيال مآته " يداري به سوءة بقايا النظام القديم الذي لايزال يحكم، لن يتوقفوا عن الهجوم عليه تحت أي ظرف.

لك الله يامصر

وبإذن الله بسواعد أبنائك المخلصين الذين لاينتمون إلا للحق والعدل والحرية ستعودي على الطريق الصحيح مهما كانت وعورة الطريق.

مع حضرتك ان الحوار تشعب فعلا

لكن اول مداخلة ليا وضحت فيها اعتراضي على عرض الاسواني في موضوع الدستور تحديدا

اتمنى حضرتم ترجعنا لصلب الموضوع بالتعقيب عليها

و تحياتي لك

[مرنو]

تستطيع ان تضع مكان اسم الدكتور البرادعى اى اسم اخر وستكون نفس النتيجة ونفس الاستنتاجات لكل من هو مختلف معنا فى الرأى

[eslam elmasre]

لم يعلق الغير مؤيدين للبرادعي ابدا على قرار انسحابه بل احترموا مؤيديه ولم يسكبوا البنزين على النار

لا

علقوا وقالوا فيه ما قال مالك في الخمر

حتى بص هما قالوا ايه

وأستغرب كثيرًا من محاولة البعض النفخ فى حكاية اعتذار الدكتور محمد البرادعى عن ترشحه

وقالوا ايضا

بيقول انه لا يستطيع أن يترشح وسط أجواء من الصفقات السياسية والحزبية

وقالوا ايضا

- وفي رأيي ان الجبن الحقيقي هوه انه يدعي حرصه على مصلحة بلده..ثم ينسحب

- وبعد ان حاول المسؤولون الامريكيون في الفترة القادمة جس نبض مجلس العسكري في محاولة لفرضه..ووجدوا ان المجلس العسكري..نفض لهم...فتخلى الامريكان عنه كما يتخلوا عن كل خائن يعمل ضد امته وبلده عن طريق تقاريره...المسمومة

يبقى لما نرد على من يهاجمه ونقول لهم بل انتم الجبناء والخونة والماجورين ونقدم ادلتنا على ذلك يصبح هذا اقل ما نفعله لرد الجميل لهذا الرجل

لكن المشكلة في انصاره ومؤيديه عندما يقوموا بتشويه الناجحين في ظل تبريرهم لموقف البرادعي

لحد دلوقتي لم ينجح احد في مدرسة المجلس العسكري

الكل راسب وبالثلث كمان

الا اذا اعتبرت ان الذي ينجح بالغش هو ناجح حقيقي بمجهوده

ما علاقة انسحاب البرادعي بالاساءة الى الاحزاب التي حازت على ثقة الشعب لكي يتم وصفها بالكلام اعلاه

انا حر ياسيدي اقول اللي عايزه زيك بالضبط لما اتهمت البرادعي بالجبن فهذا اقل واجب ان نوضح من هو الجبان الحقيقي

هل من رضى على نفسه ان يكون مجرد دمية في يد الحاكم كمن يرفض او يمتنع ان يكون دمية

هل يتساويان مثلا ؟

اكيد من رضي على نفسه ان يكون العوبة في يد الحاكم هو الجبان الحقيقي

ملحوظة مهمة جدا

لم اعلن مطلقا انني من مؤيدي البرادعي او غيره وليس معني انني قلت رأي ايجابي في شخص انني من مؤيديه لانني في هذه الحالة سأكون مؤيد لاكثر من مرشح

ولانني لم اكون رأيا في مرشح من مرشحي الرئاسة حتى تاريخه

[Abu Reem]

دي مداخلة سابقة لك، يعني كنت متوقع انه لن يترشح،

ايه اللي غير الأمور بقى علشان تهاجمه لما انسحب؟ ام انه الكره الأعمى؟ وفرصة لقيت ناس بتحدف طوب تحدف معاهم وخلاص؟

ريح نفسك يا دكتور ياسر

البرادعي مش هيرشح نفسه

ةعلى اي حال كلمته في نظري يعني عادية...وساخذها بحسن النية...لانها كلمة ممكن كلنا نقولها

ولكن قطعا هناك من لا يقبلونها وذلك من مبدأ المعاملة بالمثل فطالما عملوا من الحبة قبة على كلمة يقولها اي احد من المنتمين للتيار الاسلامي

- وبمرور الايام سيتكشف ان د. البرادعي سيتراجع عن الترشح

طيب كويس انك ملاحظ كلامي عن البرادعي من زمان..واظن لو دورت هتلاقي انني اهاجمه من قبل ان يترشح للرئاسة ومن بعد ما ترشح...

- وكلامي عنه بعد خبر ترشحه لم اقول فيه جديد يعني نفس الكلام اللي ذكرته قبل ذلك..ولو تلاحظ انني لم افتح موضوع بعد انسحاب البرادعي وكان ممكن استغل خبر انسحابه في اثارة انصاره او الشماته منهم ولكن هذا ليس اسلوبي

لكن لما تلاقي كلام زي الموجود في الاقتباسات بالاسفل وهو كلام واضح عبارة عن رمي تهم وتشويه للاخرين وكأن كل من على الساحة من القوى السياسية عملاء وخونه ويجرون وراء المناصب ويعقدون الصفقات ويستغلون جثث الشهداء....

اظن يعني لما يقول كل الكلام ده ويترك السبب الرئيسي وهو ان الناس مش عاوزه البرادعي وتستنكر دوره السابق في الوكالة...و اهتمامه فقط بالرغبات الامريكية...يبقى يستاهل اي هجوم عليه..هو ومن يحذو حذوه في اسلوب التشويه بدون اي دليل

يعني قول اسباب واشرح وامدح زي ما انت عاوز في البرادعي...لكن مفيش داعي تطلع كل اللى حواليك نصابين...وبعد كده لما الواحد يرد...يزعل انصاره....

اقرأ كده هذه الاقتباسات وانت تعرف اني لما قلت أن انصار البرادعي من اهم اسباب انحسار شعبيته كان عندي حق

أجرى المجلس العسكرى انتخابات غير عادلة، أراد بها أن يمنح أغلبية مقاعد البرلمان لجماعات الإسلام السياسى، فسمح لهم بتكوين أحزاب دينية «فى مخالفة صريحة للمادة الرابعة من الإعلان الدستورى الذى وضعه المجلس العسكرى بنفسه»، وشكّل المجلس العسكرى لجنة عليا للانتخابات غضت الطرف عن كل أنواع التجاوزات الانتخابية والسياسية للأحزاب الدينية، بدءا من الدعاية السياسية فى الجوامع، إلى شراء الأصوات، إلى التأثير على الناخبين داخل اللجان وأمامها إلى ملايين الجنيهات التى أنفقها الإخوان والسلفيون دون أى رقابة على تمويلهم من المجلس العسكرى

ورفض أن يعقد الصفقات من أجل الوصول إلى السلطة ولو على جثث الشهداء، كما فعل آخرون..

تم تعديل 18 يناير 2012 بواسطة Abu Reem

[Ahmed Anwer]

البرادعي والأمريكان .. لعبة ورئيس قادم بعد 4 سنوات

حد شاف التقرير ده ؟؟؟

طبعا هوا واضح إنه تقرير هجائصي ممكن يكون الصحفي كتبه في لحظة مخممة

بس فيه حقيقة واحدة فقط

إن أي إنتخابات أو إستفتاء يمكن بعملية حسابية بسيطة تحديد نتيجتها مسبقا

عن طريق إتفاق ( العسكر - مكتب الإرشاد - مشايخ السلفية ) و متجربة

و البصمجية هيروحوا يبصموا عادي

الحل في وجهة نظري إن كل قوي الثورة تلتف حول مرشح واحد صعب التشويه و مقبول شعبيا زي دكتور أبو الفتوح

If Dr. ElBaradei is our Gandhi , we will need to find our Nahru

الضغط من أجل سرعة نقل السلطة فقط غير كافي ، علينا أن نلتف خلف مرشح واحد

و إلا نجحت الخطة و وجدنا رئيس طرطور حتي لو كان غير إسلامي و غير عسكري زي ما الأخوان قالوا ، المهم يكون مقدور عليه

و ما درس الكتاتني دكتور النباتات بدلا من الخضيري فقيه القانون ببعيد علي إعتباره ((مشتل)) الثورة مش برلمان الثورة ههههههه

[Yasser_71]

برشلونة وحمبولا

بعد ظهور الدوري المصري بمستوي ممتاز في الفترة الأخيرة ونظرا لعدد متابعي الدوري المصري في مصر وخارجها قرر فريق برشلونة الاشتراك في الدوري المصري

في البداية هلل الجمهور المصري لهذه الخطوة واعتبروها انتصارا للكرة المصرية نظرا لبطولات برشلونة علي المستوي العالمي كما رحب اتحاد اللعبة بهذه الخطوة واعتبروها انعكاسا لنجاحهم

برشلونة بدأ يخاطب اتحاد الكرة وطلب منه بعض التعديلات في اللوائح... والملاعب وتنظيم دورات وحملات لتوعية أطراف اللعبة المختلفة من حكام ولاعبين وجمهور

اتحاد الكرة وعد انه سيعد لائحة عالمية في خلال ستة شهور حتي يكون جاهزا لبداية الدوري العام القادم

بدأ برشلونة بعمل مباريات ودية وبدأت الناس في مشاهدة كرة مختلفة واستبشروا خيرا في الكرة المصرية

بدأت بعض أطراف اللعبة وخاصة المنتفعين والفهلوية الإحساس بالقلق حيث أحسوا أن دورهم سينتهي وسيبتعد الناس عنهم تدريجيا

بدأت بعض وسائل الإعلام في مهاجمة برشلونة والتشكيك في بطولاته واعتبروها مسروقة وان ريال مدريد كان أحق بها لولا غش وتدليس برشلونة

كمان أخذوا يلوحوا أن برشلونة قادم لتحقيق مؤامرة عالمية بإبعاد الفرق المصرية عن البطولات

قناة الفراعين الرياضية تبنوا خطا معاديا لبرشلونة وسمعت عبارات عن كيف يلعب برشلونة عندنا وهو لا يعرف شيئا عننا ولا يعرف حمبولا كبير مشجعي الدرجة التالتة

مضت خمس شهور واتحاد الكرة لم يقم بوضع اللائحة ولم يعدل شيئا ولم يتبق إلا شهر علي بداية الدوري

بدأ التلويح أن برشلونة سيكون سبب إلغاء الدوري نظرا لتعمده الفوضى وإثارة الأندية والجمهور علي اتحاد الكرة

بدأت القنوات الرياضية في الإشارة أن برشلونة سيتسبب في خسارتها الفادحة وان هذا سيغلق باب رزق للناس الغلابة وأننا نحتاج لدفع عجلة الكرة في هذا التوقيت الصعب

أخيرا قرر برشلونة الانسحاب من الدوري المصري وظهرت المانشتات تقول

انسحاب برشلونة خوفا من انكشافه في الدوري المصري

[Alshiekh]

برشلونة وحمبولا

بعد ظهور الدوري المصري بمستوي ممتاز في الفترة الأخيرة ونظرا لعدد متابعي الدوري المصري في مصر وخارجها قرر فريق برشلونة الاشتراك في الدوري المصري

في البداية هلل الجمهور المصري لهذه الخطوة واعتبروها انتصارا للكرة المصرية نظرا لبطولات برشلونة علي المستوي العالمي كما رحب اتحاد اللعبة بهذه الخطوة واعتبروها انعكاسا لنجاحهم

برشلونة بدأ يخاطب اتحاد الكرة وطلب منه بعض التعديلات في اللوائح... والملاعب وتنظيم دورات وحملات لتوعية أطراف اللعبة المختلفة من حكام ولاعبين وجمهور

اتحاد الكرة وعد انه سيعد لائحة عالمية في خلال ستة شهور حتي يكون جاهزا لبداية الدوري العام القادم

بدأ برشلونة بعمل مباريات ودية وبدأت الناس في مشاهدة كرة مختلفة واستبشروا خيرا في الكرة المصرية

بدأت بعض أطراف اللعبة وخاصة المنتفعين والفهلوية الإحساس بالقلق حيث أحسوا أن دورهم سينتهي وسيبتعد الناس عنهم تدريجيا

بدأت بعض وسائل الإعلام في مهاجمة برشلونة والتشكيك في بطولاته واعتبروها مسروقة وان ريال مدريد كان أحق بها لولا غش وتدليس برشلونة

كمان أخذوا يلوحوا أن برشلونة قادم لتحقيق مؤامرة عالمية بإبعاد الفرق المصرية عن البطولات

قناة الفراعين الرياضية تبنوا خطا معاديا لبرشلونة وسمعت عبارات عن كيف يلعب برشلونة عندنا وهو لا يعرف شيئا عننا ولا يعرف حمبولا كبير مشجعي الدرجة التالتة

مضت خمس شهور واتحاد الكرة لم يقم بوضع اللائحة ولم يعدل شيئا ولم يتبق إلا شهر علي بداية الدوري

بدأ التلويح أن برشلونة سيكون سبب إلغاء الدوري نظرا لتعمده الفوضى وإثارة الأندية والجمهور علي اتحاد الكرة

بدأت القنوات الرياضية في الإشارة أن برشلونة سيتسبب في خسارتها الفادحة وان هذا سيغلق باب رزق للناس الغلابة وأننا نحتاج لدفع عجلة الكرة في هذا التوقيت الصعب

أخيرا قرر برشلونة الانسحاب من الدوري المصري وظهرت المانشتات تقول

انسحاب برشلونة خوفا من انكشافه في الدوري المصري

برشلونة سيظل برشلونة

وسيظل محبي برشلونة يؤيدون برشلونة

ولكن من كشفهم برشلونة بمهارته في اللعب وخطفه للأضواء ونجاحه في إرساء قواعد اللعب النظيف أقلق إتحاد الكرة ومنتفعيه فقرروا محاربته وإبعاده عن الملعب أو يلعب حسب قوانينهم القديمة،

ولأن برشلونة يعرف أصول اللعبة ولايريد أن يشارك في الدوري لمجرد المشاركة أو الحصول على لقب " التمثيل المشارف " ، بل أن برشلونة أحب أن يشارك في الدوري حتي يصلح من أصول اللعبة ومن وضع الدوري.

[محمد عبدالعزيز]

برشلونة وحمبولا

بعد ظهور الدوري المصري بمستوي ممتاز في الفترة الأخيرة ونظرا لعدد متابعي الدوري المصري في مصر وخارجها قرر فريق برشلونة الاشتراك في الدوري المصري

في البداية هلل الجمهور المصري لهذه الخطوة واعتبروها انتصارا للكرة المصرية نظرا لبطولات برشلونة علي المستوي العالمي كما رحب اتحاد اللعبة بهذه الخطوة واعتبروها انعكاسا لنجاحهم

برشلونة بدأ يخاطب اتحاد الكرة وطلب منه بعض التعديلات في اللوائح... والملاعب وتنظيم دورات وحملات لتوعية أطراف اللعبة المختلفة من حكام ولاعبين وجمهور

اتحاد الكرة وعد انه سيعد لائحة عالمية في خلال ستة شهور حتي يكون جاهزا لبداية الدوري العام القادم

بدأ برشلونة بعمل مباريات ودية وبدأت الناس في مشاهدة كرة مختلفة واستبشروا خيرا في الكرة المصرية

بدأت بعض أطراف اللعبة وخاصة المنتفعين والفهلوية الإحساس بالقلق حيث أحسوا أن دورهم سينتهي وسيبتعد الناس عنهم تدريجيا

بدأت بعض وسائل الإعلام في مهاجمة برشلونة والتشكيك في بطولاته واعتبروها مسروقة وان ريال مدريد كان أحق بها لولا غش وتدليس برشلونة

كمان أخذوا يلوحوا أن برشلونة قادم لتحقيق مؤامرة عالمية بإبعاد الفرق المصرية عن البطولات

قناة الفراعين الرياضية تبنوا خطا معاديا لبرشلونة وسمعت عبارات عن كيف يلعب برشلونة عندنا وهو لا يعرف شيئا عننا ولا يعرف حمبولا كبير مشجعي الدرجة التالتة

مضت خمس شهور واتحاد الكرة لم يقم بوضع اللائحة ولم يعدل شيئا ولم يتبق إلا شهر علي بداية الدوري

بدأ التلويح أن برشلونة سيكون سبب إلغاء الدوري نظرا لتعمده الفوضى وإثارة الأندية والجمهور علي اتحاد الكرة

بدأت القنوات الرياضية في الإشارة أن برشلونة سيتسبب في خسارتها الفادحة وان هذا سيغلق باب رزق للناس الغلابة وأننا نحتاج لدفع عجلة الكرة في هذا التوقيت الصعب

أخيرا قرر برشلونة الانسحاب من الدوري المصري وظهرت المانشتات تقول

انسحاب برشلونة خوفا من انكشافه في الدوري المصري

فى الجون ;)

تم تعديل 19 يناير 2012 بواسطة محمد عبدالعزيز