"الحض على كراهية النظام"

[Hassan]

" الحض على كراهية النظام "

تهمة غريبة ان دلت على شيء فأنما تدل على الديكتاتورية و الاستبداد و تكميم الافواة..حاجة كدة زى تهمة "معادة السامية".

و بما ان هناك تهمة "الحض على كراهية المظام" فلا بد ان تظهر الى الوجود ايضا تهمة "الحض على حب النظام" فعندما يستغل النظام الحاكم اجهزة الاعلام من تليفزيون و اذاعة و صحف لتجميل نفسة و عمل غسيل مخ للشعب لجعلة يحب النظام رغم مساؤة فهذا فى نظرى جريمة " الحض على حب النظام" و يجب ان يعاقب علها النظام بالحبس و الاقصاء

<_<

كلامى هذا ليس موجة الى البحرين على وجة الخصوص و لكنة خطر على بالى عند سماع الخبر بحبس احد ناشطى حقوق الانسان فى البحرين سنة حبس بتهمة "الحض على كراهية النظام"

[فــيــروز]

و بما ان هناك تهمة "الحض على كراهية المظام" فلا بد ان تظهر الى الوجود ايضا تهمة "الحض على حب النظام"

بالفعل ما خطر على بالى وقت قراءة الموضوع

اذا كان هناك عقوبه للحض على كراهية النظام فهل هناك جائزه على الحض على حبه و الهيام به <_< الى اين يسير العالم العربى فى نشاط تقييف التهم و تفصيلها لاخراس المعارضين؟ stnd::

[المهندس]

بمناسبة هذه التهمة " الأوريجينال" إسمحولى احكي حكاية ظريفة بدل الحكايات التانية أم دم تقيل!

حكاية القرد "اللى مش لابس طاقية"

ـــــــــــــــــــــــــــــــــــــــــــــــــــــــــــــــــــــــــــــ

يحكى أن :

بعد إختفاء الأسود والنمور والفهود صار " الضبع " ملك الغابة ...

وفى يوم من الأيام جاء القرد يبكى إلى بلاط "الضبع " ملك الغابة وهو مهان و مسال الدم ومتورم الوجه والجسم وقال للضبع وهو ينتفض:

- ياصاحب الجلالة ... هل يرضيك أن يحدث لأحد رعاياك هذا ؟

زمجر الضبع غضبا وقال متوعدا :

- مين اللى إتجرأ وعمل فيك كده وهو عارف إنى ملك الغابة ؟

قال القرد :

الذئب يا مولاى !

ولما كان الذئب أحد أتباع الملك الجديد "المخلصين" وشريكه فى الحكم والنظام ....تنحنح الضبع مزمجرا وقال للقرد :

أكيد عملت عمله سوده عشان كده ضربك؟

قال القرد مرتعبا :

أبدا يامولاى ورأسك الغالى ولكنه كلما رآنى صرخ فى قائلا :

" إنت مش لابس طاقيه ليه ؟! " وبدأ فى ضربى قبل أن أفتح فمى ......وتسائل القرد بخباثة مقلبا عينيه فى وجوه الحاضرين :

بذمتك يا مولاى هو فيه قرد بيلبس طاقيه؟

فوجئ الضبع والحاضرين من " الحاشية " بالسؤال ولكنه إستعاد رباطة جأشه بسرعة و نهر القرد قائلا :

غور فى داهية دلوقتى وأنا حاشوف الموضوع ده.

أرسل الضبع فى طلب الذئب .... ولما حضر وإنتهى من السلامات والقبلات ...

قال الضبع "مستفهما بلطف" للذئب:

إيه حكاية القرد معاك؟

قال الذئب :

القرد ده أنا ما بطيقوش .......حتة بتاع لمض كده ولسانه طويل وعمال يتنطط يمين وشمال وفوق وتحت ..... وبصراحة أول ما بشوفه ما بقدرش أمسك نفسى وأنزل فيه ضرب ....

قال الضبع :

- ماشى ... مافيش مانع......إضربهزى ما إنت عايز .... بس إيه حكاية الطاقية دى اللى إنت عايزه يلبسها؟

قال الذئب ضاحكا :

- ماهو لما سألنى أول مرة إنت بتضربنى ليه ... ماعرفتش أقوله إيه ... فرحت قايله أول حاجه جت على بالى ..." إنت مش لابس طاقية ليه؟!"

تبسم الضبع بحنان لصراحة الذئب وقال له:

- لأ يا ديب يا خويا لازم تشوف حجه تانية غير حكاية الطاقيه دى عشان الأمور تبقى ماشيه ..... وبينى وبينك ...هو فيه قرد بيلبس طاقية؟

قال الذئب حائرا بعد فترة تفكير وصمت:

- حجة تانية زى إيه ؟ ... ما هو أنا بصراحة مش عارف!

قال الضبع ضاحكا:

- وهل يفتى والثعلب بمجلسنا ؟ إلحقنا يا وزير!

تبسم الثعلب فى تواضع لإطراء الملك عليه وهز رأسه ثم قام يتبختر فى إتجاه الضبع والذئب وقد إتجهت كل الأبصار إليه.

قال الثعلب موجها كلامه للذئب:

- يا أخى أول ما تشوفه قوله إطلع شجرة التفاح وهاتلى تفاحة ...

ولو جابهالك حمرة إضربه وقوله ماجبتهاش خضرة ليه؟

ولو جابهالك خضرة برضه تضربه وتقوله ماجبتهاش حمرة ليه؟

صفق الجميع إعجابا بدهاء الثعلب وخرج الذئب على عجل للتنفيذ بعد أن أطربته الحجة الجديدة !

بعد بحث قصير وجد الذئب القرد وهو جالس تحت شجرة التفاح - حيث يريده تماما - وهو يلعق جراحه ...وبسرعة وقف أمامه وهو يزمجر بلهجة كلها غضب:

- فز إطلع الشجرة هاتلى تفاحة !

نظر القرد للذئب مستسلما للبلاء الهابط عليه بدون مناسبة ثم قام لينفذ ماطلب منه ولكنه سأل الذئب فجأة:

- عايزها حمرة ولا خضرة

ذهل الذئب من سؤال القرد المفاجئ لثوانى ولكنه إستعاد نفسه بسرعة وبدأ فى ضرب القرد بحنق وغل شديدين وهو يزعق صارخا:

إنت ما بتلبسش طاقية ليه؟!

ــــــــــــــــــــــــــــــــــــــــــــــــــــــــــــــــــــــــــــــــ

ـ

كله يحبك الطاقية على دماغه من باب الإحتياط ....وصباح الفل!

[disappointed]

بمناسبة هذه التهمة " الأوريجينال" إسمحولى احكي حكاية ظريفة بدل الحكايات التانية أم دم تقيل!

حكاية القرد "اللى مش لابس طاقية"

ـــــــــــــــــــــــــــــــــــــــــــــــــــــــــــــــــــــــــــــ

يحكى أن :

بعد إختفاء الأسود والنمور والفهود صار " الضبع " ملك الغابة ...

وفى يوم من الأيام جاء القرد يبكى إلى بلاط "الضبع " ملك الغابة  وهو مهان و مسال الدم ومتورم الوجه والجسم وقال للضبع وهو ينتفض:

- ياصاحب الجلالة ... هل يرضيك أن يحدث لأحد رعاياك هذا ؟

زمجر الضبع غضبا وقال متوعدا :

- مين اللى إتجرأ وعمل فيك كده وهو عارف إنى ملك الغابة ؟

قال القرد :

الذئب يا مولاى !

ولما كان الذئب أحد أتباع الملك الجديد "المخلصين" وشريكه فى الحكم والنظام ....تنحنح الضبع مزمجرا وقال للقرد :

أكيد عملت عمله سوده عشان كده ضربك؟

قال القرد مرتعبا :

أبدا يامولاى ورأسك الغالى ولكنه كلما رآنى صرخ فى قائلا :

" إنت مش لابس طاقيه ليه ؟! " وبدأ فى ضربى قبل أن أفتح فمى ......وتسائل القرد بخباثة مقلبا عينيه فى وجوه الحاضرين :

بذمتك يا مولاى هو فيه قرد بيلبس طاقيه؟

فوجئ الضبع والحاضرين من " الحاشية " بالسؤال ولكنه إستعاد رباطة جأشه بسرعة و نهر القرد قائلا :

غور فى داهية دلوقتى وأنا حاشوف الموضوع ده.

أرسل الضبع فى طلب الذئب .... ولما حضر وإنتهى من السلامات والقبلات ...

قال الضبع "مستفهما بلطف" للذئب:

إيه حكاية القرد معاك؟

قال الذئب :

القرد ده  أنا ما بطيقوش .......حتة بتاع لمض كده ولسانه طويل وعمال يتنطط يمين وشمال وفوق وتحت ..... وبصراحة أول ما بشوفه ما بقدرش أمسك نفسى وأنزل فيه ضرب ....

قال الضبع :

- ماشى ... مافيش مانع......إضربهزى ما إنت عايز .... بس إيه حكاية الطاقية دى اللى إنت عايزه يلبسها؟

قال الذئب ضاحكا :

- ماهو لما سألنى أول مرة إنت بتضربنى ليه ... ماعرفتش أقوله إيه ... فرحت قايله أول حاجه جت على بالى ..." إنت مش لابس طاقية ليه؟!"

تبسم الضبع بحنان لصراحة الذئب وقال له:

- لأ يا ديب يا خويا لازم تشوف حجه تانية غير حكاية الطاقيه دى عشان الأمور تبقى ماشيه  ..... وبينى وبينك ...هو فيه قرد بيلبس طاقية؟

قال الذئب حائرا بعد فترة تفكير وصمت:

- حجة تانية زى إيه ؟ ... ما هو أنا بصراحة مش عارف!

قال الضبع ضاحكا:

- وهل يفتى والثعلب بمجلسنا ؟ إلحقنا يا وزير!

تبسم الثعلب فى تواضع لإطراء الملك عليه وهز رأسه ثم قام يتبختر فى إتجاه الضبع والذئب وقد إتجهت كل الأبصار إليه.

قال الثعلب  موجها كلامه للذئب:

- يا أخى أول ما تشوفه قوله إطلع شجرة التفاح وهاتلى تفاحة ...

ولو جابهالك حمرة إضربه وقوله ماجبتهاش خضرة ليه؟

ولو جابهالك خضرة برضه تضربه وتقوله ماجبتهاش حمرة ليه؟

صفق الجميع إعجابا بدهاء الثعلب وخرج الذئب على عجل للتنفيذ بعد أن أطربته الحجة الجديدة !

بعد بحث قصير وجد الذئب القرد وهو جالس تحت شجرة التفاح - حيث يريده تماما - وهو يلعق جراحه ...وبسرعة وقف أمامه وهو يزمجر بلهجة كلها غضب:

- فز إطلع الشجرة هاتلى تفاحة !

نظر القرد للذئب مستسلما للبلاء الهابط عليه بدون مناسبة ثم قام لينفذ ماطلب منه ولكنه سأل الذئب فجأة:

- عايزها حمرة ولا خضرة

ذهل الذئب من سؤال القرد المفاجئ لثوانى ولكنه إستعاد نفسه بسرعة وبدأ فى ضرب القرد بحنق وغل شديدين وهو يزعق صارخا:

إنت ما بتلبسش طاقية ليه؟!

ــــــــــــــــــــــــــــــــــــــــــــــــــــــــــــــــــــــــــــــــ

ـ

  كله يحبك الطاقية على دماغه من باب الإحتياط ....وصباح الفل!

<_< stnd::

stnd::

القصّة دى بالذات دمّها خفيف جدا و ممكن تتقال كإسقاط عن مواقف سياسية كثيرة

أتذكّر أن ثانى أو ثالث موضوع لى فى هذا المنتدى كان عن التواجد الأمريكى فى الخليج بعد غزو صدّام للكويت حيث قلت أنه لو لم يقم صدّام بغزو الكويت لوجدت أمريكا سبباً آخراً لدخول الخليج بقوّاتها و أوردت هذه القصّة فى هذا السياق ( الموضوع كان إسمه الهيمنة الأمريكيّة...وسياسة لبس الطاقيّة)

ثم قمت بإعادة إنتاج الموضوع بنفس القصّة تحت عنوان "كليلة و دمنة... و صواريخ الصمود" عن تذرّع أمريكا بصواريخ الصمود و أسلحة الدمار الشامل لغزو العراق و كيف أنه ليس المهم هو السبب بل المهم هو الهدف

وهذا إقتباس لهذه القصّة فى ذلك السياق و بإسقاط مختلف ( القصّة "أول سايز" بصراحة... و دى حلاوتها) :

ظل الاسد يتصيد أحد الأرانب فى الرايحه والجايه ويوقفه قائلا : " تعالى هنا ياواد انت"

وعندما يقترب منه الارنب متسائلا عما يريده منه يقوم الاسد بلطمه على وجهه وقفاه وهو يزأر :

"انت مش لابس طاقيه ليه؟"

ولما انتاب الضجر الارنب واحس بقله حيلته وضعفه امام قوة الاسد الغاشمه قام بطلب عقد اجتماع عاجل لهيئه الغابات المتحده لبحث تظلمه من الاسد,فقامت الهيئه بتحويل التظلم لمجلس أمن الغابه الذى يضم الخمس حيوانات دائمه العضويه وهو الذى يضم حيوانات الغابه القويه( وهى النمر والفيل والثور والصقر وبرئاسه الاسد بالطبع)....وعندما عرضت تلك الحيوانات شكوى الارنب هاج الاسد وماج قائلا:

"انا ملك الغابه,انتم عايزين جرابيع الغابه وحيواناتها السكّه التعبانه يبقى ليه صوت قدامنا واللا ايه؟"

وهنا تدخل العقلاء وقالوا له :

"ياسيدى انت ملك الغابه ماقلناش حاجه,لكن مش عايزين الغابه تضج بالشكوى وتثور علينا,عايز تضرب الارنب على قفاه ومستمتع بكده ماشى لكن لازم يكون فيه سبب ومبرر يحفظ ليك شرعيتك امام حيوانات الغابه,يعنى تنده للارنب وتقول له يشتري ليك كيلو تفاح...اذا جابه احمر تضربه على قفاه وتقول له ماجبتوش اخضر ليه...واذا جابه اخضر تضربه على قفاه وتقول له ماجبتوش احمر ليه"

استساغ الاسد الفكره التى ستجعل كل حيوانات الغابه تتعاطف معه وتتفهم ضربه للارنب على قفاه,وفى اليوم التالى اوقف الارنب وطلب منه شراء كيلو تفاح له,ولكن الارنب ظل يفكر قليلا وشك فى الامر ثم نظر بخبث الى الاسد سائلا اياه :

"وانت بقى عايزه احمر واللا اخضر؟"

وهنا بُهِتَ الاسد ولكنه تمالك نفسه واستجمع تركيزه سريعا ليلطم الارنب على وجهه ويضربه على قفاه بل ويزيده شلوتين وهو يزأر فيه :

قلت لى بقى إنت مش لابس طاقيه ليه؟

تم تعديل 21 نوفمبر 2004 بواسطة disappointed

[المهندس]

والله صدفة يامحبط باشا صدقنى ومش قصدى خالص أقتبس منك وما عرفش أصلا إنك كتبت واحدة مشابهة ليها فى تانى مداخلة ليك....

" ومنطقى جدا إنى لو هاراجع مداخلاتك " الأولى " فأنا محتاج خط إنترنت سرعة 100 ميجا على الأقل وحوالى 30 سنة تفرغ <_< !

لأ ... بجد أنا دايما أفتكر النكتة دى (لأنها فعلا أول سايز زى ما إنت قلت) وأول واحد قالهالى كان راجل مستشرق ألمانى إتعرفت عليه زمان فى مكتبة معهد جوتة وكان بيقرا معايا الفلاسفة والشعراء الألمان خصوصا نيتشة وهيجل وجوته وكان بيستغل النكتة دى فى عمل حكايات يشرح فيها منهج وقانون الديالكتيك (الجدل) بطريقة ظريفة .

وعلى العموم ..... كلنا تلاميذك يا محبط بيه....إلا فى حكاية إنك زملكاوى دى ....يا خسارة الحلو مايكملش ....بس كويس عشان متتحسدش ...

أصل زمان إللى كان زيك نبيه كده يا محبط يا صديقى ويتخاف عليه من الحسد كان بيعملوا معاه حاجة من إتنين :

- يا يلغمطوله وشه ويلبسوه فساتين بنات ويسموه إسم وحش ويسيبوه يبرطع فى الشارع ......فلما الناس تشوفوه يصعب عليها وماتحسدوش.....

- يا إما يطلعوه زملكاوى .... stnd:: .... وبرضه الناس لما تعرف يصعب عليها وماتحسدوش..... stnd::

صباح الفل........

[disappointed]

:rolleyes: :o

ما أنا عارف طبعاً إنها صدفة...... هيّه القصّة فى الأساس نكتة مشهورة

و بعدين تلاميذ مين يا عم...إطلع من دول...... ده إنت أستاذ و رئيس قسم و شكلك كده متنكّر

mf( :P

موضوع الزمالك و الحسد ده....ممممممم.......ممممممم...... إنت عارف بقى....فى الزمالك 7 فوائد (من أهمّها إنه أفضل علاج لإنخفاض ضغط الدم)

:o ;)