المملكة العربية السعودية ( التى رأيت ) 1979 - 2011

[melhamy]

الجزء الأول ( ولد لكي يشقى )

فى العشرين من شهر يناير لعام ألف و تسعمائة و تسعة و سبعون ، ولد ( محمد إلهامى ) الأخ الرابع فى عائلة مصرية متوسطة الحال قد أنتقلت للعمل و العيش فى المملكة العربية السعودية فى عام 1970

لأب يعمل موظف فى جامعة الملك سعود ( جامعة الرياض ) فى ذلك الوقت ، ولد محمد بعد وفاة الأخ الأكبر له مباشر ( أسلام) و الاصغر من كلاً من أسامة و أدهم و قد أضطر ولده بتسميته بهذا الأسم خوفاً عليه من الموت هو أيضاً بمجرد وفاة لذا سماه (محمد) + ( إلهامى) وكانت السعودية أيامها فى فترة لا تهتم بها بهذة التفاصيل حتى أن كان الحاج سمانى ( معزة محمد إلهامى )

من المضحك أننى أمتلك 2 شهادة ميلاد واحده 1979 ووواحده 1978 وكلاهما أصلى ومسجل والسبب هقوله لاحقاً

[raouf]

فين الباقى ياحج

[محمد افندى]

كمل منتظرينك

[madey]

تسجيل متابعة

محمد بك الهامى ...منتظرين خبرات السنين

[melhamy]

1984م دخلت المدرسة الأبتدائية وكان عندى 5 سنوات

هو مش علشان أنا كنت الواد الشاطر قد ما كان أبويا و أمى بيشتغلوا و أنا ماكنش ليا مكان أقعد فيه فترة الصبح و كمان هناك الحضانات و الكلام ده فى الفترة دى

طيب حد هيسال ويقول وقبل كده من عمر صفر لعمر 5 سنوات كنت فين يامعلم ، للأسف قعدت 3 سنوات عند أهل أمى بيربونى وأمى وأبويا كان فاكر أنه لما يبعت مصروف لا يقل عن 100 ريال اللى بتساوى نقول أيامها 50 جنية اللى تعادل 500 جنية هو كده لاقى الحل الذكى ، اللى لم يكن يعلمه الحاج أنه بيسر كتير بمعنى ( أستثمر فى أولادك و ظز فى الفلوس ) لكن أيامها الفلوس كان ليها أولويه

نرجع للمدرسة اسم الشهرة بتاعى بقى ( حمادة مشاكل ) أصدقائى من كل الجنسيات ( يمنيه – سودانيين – فلسطنيين – سوريين كله يا معلم )

للأسف المصريين كانوا ومازالوا نوعين اتنين :

النوع الأول : فلاحين من الأقاليم و عيالهم غلابه و هما ناس بيض ومقفولين على نفسهم

النوع التانى : ولاد المدن والسواحليه و عيالهم غلابه برضه و هما ناس شايفه نفسهم و مقفولين على نفسم

مره سألنى واحد سعودى بيقولى ( يا محمد معلش ليش انتم المصريين مو كويسين مع بعض التعامل بينكم مو زين )

رديت و قولت له ( المصررين دول يامعلم ناس عددهم 80 مليون اللى بيتعاملوا مو زين هما أصلا فى مصر ما يبتعاملوا مع بعض الاسكندرانية فى حالهم و الفالاحين فى حالهم و الصعايدة فى حالهم ، أنتم هنا تشوفهم كلهم مصريين لكن هما بيشوفوا بعض حاجة تانية و كمان احنا مش بنحب حد يكون أحسن مننا فلما بنشوف بعض بنتقدم على بعض كل واحد بيبان على أصله إلا من رحم ربى )

عموماً مش ده الموضوع ، الأسبوع كان بيعدى عليا زى الريح من السبت للخميس فى المدرسة لعب و ضرب و كل يوم ( يامصري ... يا بتاع الفول ) وكل يوم أمسك عيل أو اتنين أموت أبوهم

الجمعة دى كان شيئ فى منتهى الجمال أحلى فسحة و مرح

وم الاعدام لأنى كت ساكن بجوار مسجد العيد فى البطحاء بالرياض وكنت بتفرج على الاعدام بعد الصلاة و أروح أتغدى و أرجع على العصر يكون الدم نشف علشان نلعب كورة فى الساحة

[اسامة ابو محمد]

موضوع جميل bv:- يا اخ محمد بيفكرني بايام زمان و مضاربات بعد الدوام bsh:) بس انا كنت في الامارات ... و في طريقي هذه الايام الى السعودية و لكن للعمل و ربنا يستر وما نلجأش للمضاربات اثناء الدوام ...

في انتظار البقية ...

[melhamy]

الجزء الثانى ( أولاد العائدين من الخارج )

كنا طول السنة زى ما مصريين كتير عايشين فى السعودية على رغيف العيش و التحويش و الشقاء والعناء وكل ما نقول لأبويا ( أيه يا حاج ) مش هتفكرها شوية يقول لنا ( لما ننزل مصر يا أولاد ) ( لما ننزل مصر يا أولاد )

وكنا بنستنى أجازة أخر السنة بفارغ الصبر ، افتكر ايامها ماكنتش بنام من كتير الفرحه كنت بقعد أرتب هدوم السفر اللى هروح بيها المطار و ابويا يقعد يفصل الفلوس المصري عن السعودي و أم تتجهز للهدايا و الملابس اللى هتاخدها معاها لأخواتها و الخناقات بتاعت الوزن و المطار و مين يستاهل ناخد له لهدايا ومين ما يستاهلش

كنا ببنزل على شقة القاهرة ( مدينة نصر -الحى السابع ) و كانت الأنعكاسات النفسية للغربه بتظهر علينا ومن أحنا فى المطار ك

نلاقى نفسنا بنبص على الستات وهى لابسه لبس غير المعتاد و البنات كمان و حتى الرجاله

الرجاله فرحانه و الناس تضحك كأنهم خارجين من السجن

كله كوم ولما نوصل مطار القاهرة كوم تانى

فرحة أهلنا بينا و تهنئتهم لينا ( حمدلله على السلامة ) و أسلوب أمى الغريب ( أصل الولاد كانوا عيانين طول السنة ، وجوزى تبعان جدا ، ومقدرناش نحوش فلوس السنة دى ) وهما أستغفرا الله عملوهم من قله شراء الأكل والشرب طول السنة

نيجى بقى للفسح و الخروج طبعاً بالنسبة ليا أنا وأخواتى كان اللعب مع بنات الجيران اللى محرومين منهم ، وفعلاً أولاد محرومين بيلعبوا مع البنات أنا أيامها كنت فاكر أنى و أنا بلعب كنت بصرخ من فرط الأثارة و الفرحه لدبجة أن البنات ماكنتش عارفه أنا بعمل كده ليه كانوا فاكرين أنى عندى كهرباء زيادة فى المخ و طلع عليا لقب ( محمد الميامها المسروع ) !!!! كانت أيامها السلعوه ما ظهرتش وإلا كانوا سمونى محمد السلعوه

فى سنة 1990 حرب العراق و غزو الكويت قرر الحاج بابا أننا لازم ننزل نعيش فى مصر وهو يعقد يكمل هناك علشان مكافأة نهاية الخدمة و يكون بكده أكمل 25 سنة عمل فى السعودية

نزلت أنا و أمى و اخويا الاكبر من و الأكبر مننا كان فى كلية الدفاع ، أيامها كان لا فى نت ولا بت ولا موبايل و لا أى تكنولوجيا كانت أمى بالكاد تسمع صوت أبويا مرة كل أسبوع وأيامها كان بيروح عند التليفون أبو عملة يغير ريالاتحتى فضة علشان يعمل مكالمة دولى

فى الفترة دى أنا كت فى أولى ثانوى دخلت أول مدرسة مصرية فى حياتى من المضحك أن أسمها كان ( مدرسة الملك فهد الثانوية بنين ) فى مدينة نصر قلت سبحان الله المدرسة الأبتدائى أهداء من ملك مصر للسعودية و المدرسة الثانوى أهداء من ملك اسعودية لمصر كان أيامها ايام الزلازال

فعلاً أولاد المغتربين بيدفعوا الثمن حتى لوأهلهم عملوا أنهم بالعكس قدروا يعيشوا أولادهم فى أحسن مستوى و معيشة !!!!!!

كنت مختلف عن باقى العيال فى المدرسة فى كل حاجة اسلوب اللعب ، التعامل مع زمايلى ، المذاكرة ، الكلام مع المدرسين إلخ

عدت اولى ثانوى و ثانية ثانوى و لقيت نفسى فى ثانوية عامة و أبويا لسه مانزلش برضة

أول مرة فى حياتى أعيد السنة و أرسب كانت ثالثة ثانوى أيامها كان البانجو لسه طالع فى القاهرة 1994 و الحى السابع نااااار و أحنا معانا فلوس ودماغ وكل حاجة جبيت مجموع 85% و جيبت فى الرياضيات صفر علشان العند مع أهلى والدروس الخصوصية

نزل أبويا من السعودية بعد محاولات مميتة من أمى علشان تلحق العيال لا متلحقهمش و لما نزل قرر أننا لازن نتنقل فى الأسكندرية و نسيب القاهرة بمشاكلها و اللى فيها :closedeyes:

[المخنوق دائما]

كمل ..أنا متابع معاك

[تخصص نادر]

تشويق واثارة ومتعة......برجاء المتابعة

[melhamy]

الجزء الثالث ( الصدمة )

مشكلة معظم العائدين من الخارج أنهم أتعودوا على نظام ومره واحده يلاقوا نفسهم عايشين فى نظام تانى تخيلوا من ( بنده - كارفور - الشوي يوم الجمعة ) إلى ( زحمه القاهرة - التوتك توك - أسعار خياليه فى الشراء .... الألف جنية فى مصر بتخلص فى ثوانى و الحل أنك تغير نظامك من الخليج لمصر و ده مش بالشيئ السهل الجامب المادى مش كل حاجة المشكلة فى الصدمة ( الجانب النفسى)

كنا متعودين على العيشة فى نظام الأبيض والأسود مرة واحده يامعلم نزلنا على الملون و مش اى ملون ده متعدد الالوان بمعنى

أحنا عايشين فى مدينة الشطرنج الرجاله لابسة أبيض و الستات لابسة أسود ومرة واحده يامعلم نلاقى نفسنا فى العجمي فى الأسكندرية الشاطى الخاص حيث البكينى و الهوت شورت بصراحة حصلنا تلف فى الخلايا العصبية كنا بنعمل تصرفات غريبة جدا ماعلينا من التصرفات

كون أن الواحد يتعامل مع البنات كانت مشكلة كبيرة جدا لأن الكائنات دى ماكنتش موجودة فى حياتنا الكائن الوحيد الأنثوى فى البيت كانت أمى ( الله يمسيها بالخير ) والأسلوب كمان كان مختلف تماما فا الواحد حاسس أنه ( حزءلقوم ) وبيتعامل مع ( دنيا سمير غانم )

وده كان شكلنا مع البنات مع الشباب أسوء و أضل الواحد كان طيب وعلى نياته جدا بس الحمد لله

الارتباط والحب كان دايماً بالنسبة لينا شيئ مهم جدا والمشكلة اننا كنا ( مسخ ) على راى عادل أمام أغنياء وفقراء فى نفس الوقت أغنياء مادياً و فقراء بالعادة ماهو اسمحوا ليا أقول الحقيقة ( شغل الشحاته بتاع المصريين فى التحويش و التقشف و الفلوس كلهاعبارة عن اصول ثابتة "" شقق - عمارة - "" لكن العادات فى الصرف لسه هيا هيا العيال كانت تاخد مصروف 10 حنية و أحنا ناخد 1 جنيةفا فى المقابل بنلاقى فى فجوة عاطفية بينا و بينا الأصدقاء والحاج الله يبارك له كان مخلى الأقتصاد أقتصاد حرب ياعنى ايه اقتصاد حرب ياعنى تلاقى الصابونة بدون ريحه و الهودم مافيهاش موضة و الاكل اكل جيش

انا دايماً كان ليا راى بيقول خلينا ناخد اجمل حاجة فى كل حاجة ونسيب الوحش بمعنى ( ناخد من السعودية فلوسها ومصر روحها و من لبنان نسوانها هههههههههههه أنا بهزر كل التحيه لأهل لبنان

للاسف أسات الاختيار فى الأرتباط العاطفى كنت بدور على اى بنت والسلام لمجرد بس انى اعرف ايه معنى الأرتباط و دفعت الثمن لأن كل حاجة فى الدنيا بتمشى بنظام و ما بنى على باطل فهو باطل

[engmido]

كمل ولعل الكل يستفيد من تجارب الاخر

[المخنوق دائما]

الراجل ده بيقول كلام زي الفل

بس ياريت تزود مدة المسلسل شويه

[Princesse]

موضوع جميل ..واسلوبك في الكتابة بيخلي الواحد مشتاق يقرأ الباقي

واجمل شئ هو النقد الذاتي لاسلوب حياتك في السعودية ومصر

ياريت تكلمنا اكتر عن السعودية كبلد، الاسواق و اماكن الترفيه، والمدارس والحياة والمجتمع السعودي شايفه ازاي؟

وياريت لو كلمتنا اكتر عن النساء في السعودية عايشين ازاي؟ ومسموح يشتغلوا فين؟ وممكن واحدة تمشي في الشارع لوحدها؟

[اكون او لا اكون]

موضوع جميل ..واسلوبك في الكتابة بيخلي الواحد مشتاق يقرأ الباقي

واجمل شئ هو النقد الذاتي لاسلوب حياتك في السعودية ومصر

ياريت تكلمنا اكتر عن السعودية كبلد، الاسواق و اماكن الترفيه، والمدارس والحياة والمجتمع السعودي شايفه ازاي؟

وياريت لو كلمتنا اكتر عن النساء في السعودية عايشين ازاي؟ ومسموح يشتغلوا فين؟ وممكن واحدة تمشي في الشارع لوحدها؟

بصراحة لو حد مشي في الشارع زي الصورة اللي حضرتك حاطاها دي هتبقي كارثة علي قارة امريكا الشمالية لاحتمالية قيام الحرب العالمية الرابعة بعد ما التالتة تخلص

[Princesse]

موضوع جميل ..واسلوبك في الكتابة بيخلي الواحد مشتاق يقرأ الباقي

واجمل شئ هو النقد الذاتي لاسلوب حياتك في السعودية ومصر

ياريت تكلمنا اكتر عن السعودية كبلد، الاسواق و اماكن الترفيه، والمدارس والحياة والمجتمع السعودي شايفه ازاي؟

وياريت لو كلمتنا اكتر عن النساء في السعودية عايشين ازاي؟ ومسموح يشتغلوا فين؟ وممكن واحدة تمشي في الشارع لوحدها؟

بصراحة لو حد مشي في الشارع زي الصورة اللي حضرتك حاطاها دي هتبقي كارثة علي قارة امريكا الشمالية لاحتمالية قيام الحرب العالمية الرابعة بعد ما التالتة تخلص

كان زمان دا اللبس الرسمي في الاحياء الشعبية ...وكان عادي جدا

دلوقتي حضرتك بتقول ان اللبس دا في امريكا يسبب كارثة وحرب كمان...ليه يعني؟

انا بحب الصورة دي لانها بتعبر عن التراث المصري في الاحياء الشعبية وجمال البنت المصرية

اضف إلى ذلك عبقرية الفنان الي رسم الصورة واستخدام الالوان وحركة اليد ورسم ملامح الوجه بشكل رائع

[اكون او لا اكون]

لا انا مش قصدي امريكا كامريكا

حضرتك سالتي عن السعودية فقلت لك لو حد لبسة الحرب هتوصل لامريكا لو اتلبس في السعودية وانا علي فكرة بحب اللبس دة وعاجبني من زمان وفي الافلام القديمة وشكرا لحضرتك واعتقد فهمتي قصدي