إمتثال ... فى ذمة التاريخ

[عصام]

إلى أن يضع لنا ابن مصر بعض الصور ..

أعتقد أن هذه الصورة هى الأقرب لما آلت إليه امتثال ..

مع العلم .. إن الصورة "تقترب" فقط من امتثال حاليا ..

[disappointed]

و فقدت "دنيا السيّارات" السيّارة "إمتثال"

ورش الميكانيكا تعلن الحداد حزناً على رحيل "السبّوبة" الكبيرة

لقطة من العزاء الذى أقامته جمعيّة السائقات العرب على هامش التجمّع السنوى بالأمس

[disappointed]

مصرع النجمة "إمتثال"

المقرّبون من النجمة الراحلة :

المرحومة صرّحت لنا بشعورها بدنوّ الأجل أكثر من مرّة مؤخّراً

الأسطى "برعى" :

خرجت من الورشة كالعروسة فإغتالها القدر

مشهد من فيلم "أبى فوق الشجرة"... أحد أشهر أعمال النجمة الراحلة

[عصام]

والله أنا باحاول أقرب لكم الصورة ..

وأعتقد إننا بنقرب شوية شوية ..

إعملوا بقى كومباينيشن فى خيالكوا من الصورة اللى فوق والصورة دى كده ..

أهو بنقرب أهو md2:

[Set_Amina]

جاءنا البيان التالي:

ظهر لامتثال أقارب من الدرجة الأولى ويطالبون المدعي ابن مصر بنصيبهم في الميراث وألا .....

md2:

[disappointed]

من يحاسب عامود النور؟؟؟

حتى لا تتكرّر مأساة "إمتثال"

رئيس مباحث أمن الدولة يقوم بتحويل رفات الضحيّة إلى الطبيب الشرعى

الضحيّة تعرّضت للعبث بعدّاداتها بواسطة مجهولين

آخر من شاهد الضحيّة :

كانت مشغولة الذهن و مهمومة لدرجة أنها غادرت البنزينة و خرطوم البنزين فى خزّان وقودها

آخر صورة للضحيّة عند خروجها من البنزينة فى حالة إرتباك قبل الحادث ببضع دقائق

[disappointed]

وفعلها الــمـــوســاد بالتواطؤ مع البيت الأبيض

متى يستفيق العرب من غيبوبتهم و يدركون أبعاد المخطّط الأمريكى/ الصهيونى القذر؟؟؟

"الأسبوع" تتحصّل على الوثائق السرّية الدامغة التى تكشف الحقائق الخافية

"إمتثال".... صرخة تقض مضاجع الأمّة

بقلم / مصطفى بكرى

صورة تحصّلت عليها "الأسبوع" من وثائق سرّية تبيّن عميل الموساد وهو ينقض على الشهيدة "إمتثال"

عملاء الموساد و الـ"سى آى إيه" وهم يقومون بإغراق "إمتثال"

[disappointed]

هل حقّا كان حادث و قضاء و قدر؟؟؟؟

أم أنها كانت مؤامرة على إمتثال؟؟؟

لماذا يصر "إبن مصر" على دفن الفقيدة فى سرّية تامة؟؟؟

هل هناك ما يمكن للتحقيقات أن تفضحه؟؟؟

هل حقّا حزن إبن مصر على إمتثال؟؟؟

أم أنه إستراح من مشاكلها المزمنة؟؟؟؟

ألم تكن إمتثال تسلبه أمواله كل شهر؟؟؟

أم أنه كان يقول ذلك لمنع الحسد؟؟؟

من هى الخليفة المنتظرة لإمتثال؟؟؟

و هل حقا إبن مصر مدكّن على مرسيدس شبح؟؟؟

أم أنه سيقوم بإستنساخ إمتثال أخرى؟؟؟

كل هذه الأسئلة يجيب عليها د/ فيصل القاسم فى حلقة جديدة من برنامج الإتجاه المعاكس

يأتيكم على الهواء من "جراجاتنا" فى مدينة السيّارات

[Farida]

انا اسفه جدا انى لم يسعدنى الحظ بلقاء امتثال و ان كنت واثقه انى قابلتها صدفه اكيد فى مكان ما بس بعد ما محبط ذكر كل ده عايزة اقول لأبن مصر قدر الله و ماشاء فعل و الحمد لله ان السواق كان لسه رايح ياخد البنات و انه ما كنش معاه البنات ....

[disappointed]

محبط نعي شيك ولا احلى من كده اهنيك mc: 

محسوبك حانوتى قديييييييم

:lol: pmp::

:o :rolleyes:

[se_ Elsyed]

بعد النعي الجميل اللي ما حصلش اللي نشره محبط لإمتثال في جميع الصحف ومحطات التلفزة .. جاء دور الزملاء في المحاورات ليقفوا وقفة رجلٍ واحد بجانب أخيهم إبن مصر في محنته .. وليثبتوا له بإننا رجال أفعال لا أقوال ...

بالراحه وواحد واحد يدخل يسلم على أبو إنجي وياخد بخاطره :

حشيش :

عقلي الباطن بيقولي : ادي اللي كان ناقص أروح اعزي في عربية .. والله عال يا جمهورية المحاورات الوطنية .. بكرة قطة إيمي تموت أو الكلبة البلدي اللي عند س س تفيص ويلمونا ويشحنونا في عربيات عشان نروح نعزي

..... على العموم البقية في حياتك يابن مصر وتعيش وتجيب عربيات وموتوسيكلات كمان .

س س : أخي الحبيب أبو إنجي .. لقد كان لي سابق معرفة بإمتثال ...لذا يمكنني ان أقول وأُصدقك القول ... بإنها أي نعم كانت عربية تقرف وأول ما ركبتها كنت هارجع .. لكن أهي كانت شايلانه .. وعلى رأي المثل .. حمارتك العرجا تغنيك عن سؤال س س .. قصدي اللئيم .

عادل أبو زيد : تعرفت على إبن مصر في مطلع الخمسينيات أيام ما كنا منخرطين في صفوف التنظيم الطليعي السري اللي أمة لا إله إلا الله كانت عارفه إنه مش سري إلا أعضاء التنظيم كانوا فاكرينه سري ....

ده كان إستهلال لابد منه ....

وكم كنت أستمتع بإمتطاء إمتثال مع أخينا إبن مصر في رحلاتنا النيلية التي كنا نقوم بها .. حيث إن سيارات زمان كانت برمائية أيضاً .. لذا فقد وقع الخبر علينا وقع الصدمة المؤلمة ... فتثبت يا أخي إبن مصر وأعلم تماماً بإن الإنسان السائر على درب النزاهة لابد له أن يواجه مثل تلك الصعوبات ... فاهمين ولا أقول تاني ...

محمد أبو زيد : أنا قولت له كثير يابن مصر هاتلك عربية جديدة من بتوع اليومين دول مصفحه ومضادة للقنابل النووية ، ماسمعش كلامي .. وعرضت عليه أبيع له فدان طين من اللي عندي برضوا عمل فيها عنده إباء وكبرياء ورفض .. وكانت النتيجة إنه كان هايروح مننا ...

سي فوود : عزيزي إبن مصر ، قال رسول الله صلى الله عليه وسلم " إذا مات أبن آدم إنقطع عمله إلا من ثلاث ....... الأخ سي فوود قبل ما تكمل ، إمتثال دي عربية مش واحده قريبة إبن مصر ...شكراً الإدارة

لايت هاوس : أونكل إبن مصر .. في هذه المناسبة الحزينة والذكرى الأليمة لو سمحت إقبل مني المرثية دي اللي كتبتها مخصوص لإمتثال وبأقول في مطلعها

مانَتْ إمتثالُ فَقَلبي اليومَ مْبلولُ

مُتَيَّمٌ إثْرَها لم يُفْدَ مَكْبولُ

وما أمتثال غَداةَ البيْنِ إذ رَحَلوا

إلاّ أَغَنُّ غَضيضُ الطَّرْفِ مَكْحولُ

وانا متأكدة إن 90 % من السادة الزملاء مش هايفهموا المعنى اللي في بطن الشاعر .. لكن دي ملحوقة .. فهابقى أفسر المعاني الغامضة في باب الأسرة والمطبخ والأطفال اللي بيلعبوا في علب المربى .

فيروز : قبل ما أعزي أو أرقع بالصوت .. الإول لابد أن نتفق على تعريف لمعنى الموت .. وبعدين نعرف معنى إمتثال ... وبعد ده كله نعرف المعنيين على بعض .. وإبقوا قابلوني لو حد عرف حاجة .. لإني انا نفسي مش عارفه .

·شعنونة : أنا قولتتتتتتتتتتتتتتتتتت لككككككككككككككككك مييييييييية مرة سيبك من الهوندا وإشتريلك معايا حتى جيب فور باي فور وأهي إن مانفعتش لمشاويرك الشخصية يبقى ممكن تشغلها على خط فيصل – أرض اللوا ... ماسمعتش كلامي وقولت الهوندا تكسب .... أشرب بقى يا عم ...

محبط : أمممممممممم ... أخي إبن مصر إسمحلي أبعت لك برقية عزاء في شكل موضوع هاسميه " إمتثال واللعب عالحبال " ... وسأتبعه بقصة من نوع الخيال العلمي وهاسميها " إمتثالستان " وهي تدور حول فكرة تخيُل عالم كله عربيات ومافيهوش بني آدميين وبالتالي مافيش ظُلم ولا حروب ولا أهلاوية .. والعربيات كلها هاتبقى أبيض في أبيض وبخطين حمر .. وبناء عليه ممكن نشغلها اجرة أقاليم اهي لونها يدي على كده برضوا .

أحمد محسن : تسمح لي اخي العزيز إبن مصر أفتح موضوع وأسميه " مين ما بيحبش إمتثال " ؟

هاندي كرافت : أخبار حلوه عن إمتثال .... جاء في خبر عاجل منقول عن قناة الجزيرة بإن أحد أفراد المقاومة العراقية الباسلة قد قام بعملية إستشهادية رائعه بإستخدام إمتثال ... اللهم سدد رمي المقاومين .

غريب في الظلمات : آه ما هي كوسه .. وما هو عشان مشرف الكل جاي يعزيه ويواسيه ...إنما لو كانت عربية عضو غلبان زي حالاتي كان الكل قال في داهية ... ماشي يا محاورات إن ماوريتكوا ...

إسو : أدي أخرة اللي ما يسمعش كلام الناس الميكانيكية المتخصصين ... ياما قولت له يابن مصر عربيتك ماشية من غير فرامل .. يرد ويقول لي وهاحتاج الفرامل ليه .. دي بتوقف ببصمة الصوت .. وكانت اخرتها إنها حضنت العامود .

يُتبع

[emmyyy]

ابن مصر ربنا يعوض عليك بB.M.W 745i وتسميها اعتدال

سي السيد بقي حشيش برده هو الي بيقول كده ماشيييييي

حشيش :

إقتباس 

عقلي الباطن بيقولي : ادي اللي كان ناقص أروح اعزي في عربية .. والله عال يا جمهورية المحاورات الوطنية .. بكرة قطة إيمي تموت أو الكلبة البلدي اللي عند س س تفيص ويلمونا ويشحنونا في عربيات عشان نروح نعزي

:P

[سقراط المصري]

الاخ الفاضل ابن مصر

فداك مليون عربيه

انا عارف انك اكبر من انك تزعل على حته حديده بتقول بيب بيب

مادام الصحه موجوده ونفسك على وش الدنيا هتعوضها بإعتدال وام الخير كمان.

سقراط :P :lol: mc: mfb: mf( :o ha)

mf(

[إبن مصر]

عقلى الباطن:

سى السيد شكله فرحان فى امتثال وفيا كمان خصوصا انه اكتشف ان المكيف بتاعها............. ايام ما كان فيها مكيف .. اهى اهى اهى....احسن من اللانسر موديل 2003 الى منجدها خشب حبيبى من مصر ... ماشى ماشى ...

لم اكن أتخيل يا سى السيد انك تستغل احزانى هذا الاستغلال الخبيث كى تنشر قصتك ..

هل اصبحت مشاعر الحزن عندى ماده للسخريه ايها الرفيق العزيز؟؟؟؟

ولكنى اقوى من الاحزان ...

ما حدش يقول امتثال ماتت!!!!!!!!!!!!

امتثال ما ماتتش....

امتثال ما ماتتش....

امتثال عايشه فينا كلنا ..........

معلش مضطر امشى علشان مشاعرى جاشت على نفسى وصعب عليا ...هاروح اخد حبايه الضغط والمهدىء والمدر وراجع لكم.........

[عصام]

امتثال ما ماتتش....

امتثال ما ماتتش....

امتثال عايشه فينا كلنا ..........

:)

حرارته 40 ..

أنا إديت له حقنة مهدئة .. هاينام ..

الرااااحة التااااامة ...

أظن مفهوم ..

السلام عليكم .. nosb: