الأسئله الصحيحة - فى زواج الصالونات ......

[Lighthouse]

لايوجد افضل من البساطة والتلقائية التي تختصر الطريق

لااعرف صراحة

منذ ان بدأ الموضوع وحكاية الاسئلة والاجوبة تشعرني بأننا في لجنة امتحان وكل واحد لازم يذاكر كويس علشان يجيب مجموع :angry:

الحكاية ابسط من كده

الكلام بيجيب بعضه كما يُقال ;)

واذا حدث القبول تتفتح الموضوعات دون حتى التفكير في اي اسئلة :)

وإذا لم يحدث القبول لو الكل مذاكر المنهج كله لن يتذكر منه اي شيئ :)

[سقراط المصري]

خبره شخصيه

طبيعه عملي بتخليني اقابل شابات في عمر الزهور وعن قرب ولمده طويله.

المهم لما أهلي (حبو يستروني) ويجوزوني لان والدي شافني واد حلو وومقطع السمكه وديلها (كاااااااااان زمان) قام ندا علي وقالي اسمع يابني امامك شهرين تقب وتغطس بعروسه عشان نفرح فيك ;)

المهم قعدت الف حوالين نفسي وادور وافرز واصنف وابرجل واهندس وفي النهايه بعد الشهرين قلت له

مالقيتش B) حد مناسب

المهم الست الوالده الله يمسيها بالخير كانت اثناء الغدا تقعد تكلمني عن الزواج واهميته والاسره والمجتمع والناس وان بنت فلانه كويسه وبنت علانه ادب واخلاق وانا مشغول بحلة الباميه اللي قدامي وعمال اقولها حاضر ماشي طيب ربنا يسهل هدور وهكذا.

في يوم راجع من الشغل وطهقان وحران وزهقان لقيت والدتي (بالتطواطىء مع سبق الصرار والترصد مع ابي) بتقولي

ياله غير هدومك عشان فيه ناس هتشوفك وتعمل عليك كشف هيئه. :)

الله ، هو مين اللي المفروض يعمل للتاني كشف هيئه ، ومين البنت والعائله وشويه اسئله كتير ودا كله وانا حاطط بوزي في حله القلقاس الذي اعشقه (ييييييييييييييييع).

المهم حبيت اهرب من الموضوع قلت طيب مش مغير هدومي ومش غاسل وشي ومش هسرح شعري ، انا راجل محترم مينفعش الكلام ده دا انا سقراط.

طبعاً كانت الكرامه والعزه وخداني والاسلوب مش عاجبني.

المهم رحت وانا مكشر ، دخلت البنت ، سلمت وقعدة على كنبة الانتريه وكان بيننا فازه كبيره مخبيه وشها ، تجيلي يمين اجيلها شمال طول القاعده.

المهم والدها قعد يتكلم عن اجات كتيره من اول الطقس حتى المجاعات في الصومال مروراً بزلزال مصر في التسعينات.

انا قاعد ومتضايق هو انا جاي اشوف العروسه ولا جاي احل مشكله الامم المتحده.

خلصت القعده من غير متكلم مع العروسه ولا اتاكد من ملامح وشها بس الشهاده لله هي عجبتي. :angry: ;) :)

خلص الموضوع وتمت الجوازه .

ومشت الامور والحمدلله.

والحب والعشره ربطوا بيننا.

بس خلاص

سقراط

[se_ Elsyed]

لكن جواز بالشكل دا لا يفرق ابدا عن البيع والشراء والحياه بينهم تصبح بدون طعم او رائحه وتشبه الموت فعلا

بص بقى يا حاج محمد يا أبو زيد .. انا ساكت عليك من ساعة موضوع مترو الانفاق اللي هانستخبى فيه لما يضربونا بالقنابل الهيدروجينية .. لكن تيجي لحد الجواز ومش ممكن أسكت :angry: ;)

- الجوازة هاتبقى بيعة وشرو لو قولنا إن العريس جاي أجازة إسبوع وعايز يخطب ويعقد قران ويتجوز وياخد معاه الجثة وهو ماشي ...

لكن الوضع هنا يختلف .. في حاجة إسمها فترة خطوبة طالت أو قصرت ده يرجع لتفاهم الشاب والفتاة .. ومن خلالها يستطيع كل طرف بذكاءه أن يفهم اللي أمامه .. وإن ما حصلش يبقى كل واحد يروح لحال سبيله ويا دار ما دخلك شر وبأقل خسائر ممكنه ...

يبقى فين البيع والشرا بقى ؟!!

ونخلي بالنا إن مش كل واحد أو واحده يتوفر له الجو اللي بنشوفه في الأفلام واللي خرب عقول الناس عن قصص الحب العُذري وسهر الليالي واللوعة والفراق وبين الاطلال والكلام ده .. إحنا بقينا في زمن عملي يعني بمبدأ " خالتي عندكوا ؟.. لأ ... يبقى سلامو عليكو " كلمتين ورد غطاهم وخلص وإقلب على طول ..

ودي كانت نصيحتي الأساسية لإبني الغالي أرنوب حسين ( حشيش سابقاً ) لما حكى عن نفسه وقال إنه إيموشون فرغلي .. فاكر يا شيشو ( إلا كنت تقصد إيه بكده ؟) وقال إنه عايز يعيش قصة حب قبل الزواج ويقطع نفسه ويقطع حبيبته كمان في نهاية القصة ... وقولت له مرتدياً بيجامة الأب الحنون العاقل ... إنسى يا أرنوب إنت في غربه يابا ومن غير تخطيط ولا تكتكة نصيبك هايجيلك .. وقد كان وفجأة وبدون أي مقدمات لقيناه جوا القفص وزي الفُل والناس كلها فرحانه فيه ...

الجوزا مش كيميا او معركة حربية لابد لها من إستعدادات خاصة .... الموضوع أبسط مما نتخيل " زي شكة الدبوس " واللي مكتوب له حاجة هايشوفها حتى لو عمل فيها روميل او الجوهري أبو خطط دفاعية ...

بس هيه .

[Mohammad Abouzied]

شوف يا سي السيد

الجواز فعلا كيميا لانه فيه تفاعل للعواطف وموضوع اعداد مقابلة بين الراغبين في الجواز يحاول كل فرد فيهم يظهر افضل ما عنده ويداري اسوء ما عنده

دا اسلوب تجارة فعلا

وانا مع المقابله بالصدفه والاعجاب من اول نظرة ودا ممكن يحصل بس نادر

ولكن نروح بعيد ليه ما انت وانا وكل الشباب موجدين في المنتدى وفيه شباب لسه عزاب وبنات لسه انسات

وفيه موضوع مكتوب نعرف بعض اكبر

ليه ميكونش فيه جراءه عندنا وكل واحد يقول على اسمه وعنوانه ويحط صورته كمان وعن طريق المنتدى بيبان كل واحد وافكاره كويس ويمكن التعارف دا يتطور الى مقابلات على البال توك او على المسنجر سواء الياهو او المسن بالصوت والصورة كمان زي ما انا متصل دائما ببنتي وزوجتى هنا على السعودية يويميا لساعات طويله معاهم صوت وصوره

ويمكن يكون فيه استلطاف وزواج ناجح ودا افضل كتير من تجارة الزواج ومعارض صالونات العرض

للعلم اغلب من يزوجون من الامريكان المقيمين هنا في السعودية عن طريق المسنجر

عموما يا جماعة دا رأي انا وبنتي وكل واحد له تفكيره واسلوبه

[amostafa]

"

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُن"

شعنونه و مسلمه سلفيه ,,معنى "الطيبون للطيبات والخبيثون للخبيثات" زى ما قريت لبعض العلماء , ان ربنا بيوجه المجتمع فى الايه دى ,انه يجوز البنات الطيبات للفتيان الطيبين و ليس معناها ان الطيبو ن و الطيبات اوتوماتيك هايتقبلو و يتجوزو !! ,لا مش شرط , بدليل ان ممكن تلاقى امرأة مسلمة بتصلى و بتصوم و و و ..بس لها زوج يشرب الخمرة او يفعل الفواحش ... او العكس.. والله اعلم...

شعنونه ,اسألتك كلها عندى ليها اجابه ما عدا "يعنى ايه زواج؟" ... وقفنى كتيير السؤال دا ... و ملقتلوش اجابه , عامل زى ليه ربنا خلقنا او ليه صلاه المغرب 3 ركعات او يعنى ايه انسان !!!! انتى عندك اجابه ليه ؟؟ (بس مش عيزين فسفسه mc: )

يا ابو زيد انا مع سى السيد و جىجى ,ان مش كل جواز الصالونات بيعه و شروه ,احنا النوع اللى نقصده هو النوع اللى فيه مقابله بين الطرفين و لو فيه ارتياح و قبول مبدأى تيجى الخطوه التانيه (ولو حتى بعد مقابله و اتنين و تلاته) , اللى هيه الخطوبه اللى تستمر الوقت الكافى لغايـــه ما يوصلو للحاله اللى قالت بنت حضرتك عليها اللى هى : ثقه كبيره و معرفه كويسه ..... و لو ما وصلوش للحاله دى خالاص يا دار ما داخلك شر . كأنهم اتنين كانو زمايل ايام الجامعه و كان فى استلطاف , بس انفصلو ....

على فكره انا لو حد كان قالى ايام الجامعه انك هاتتجوز صالونات انا كنت خانقته , انا كنت من انصار افلام الحب الاجنبيه و العشق و سلين ديون "Celien Dion" و ماريه كارى و كنت بحب اى بنت تكلمنى :) ..... وطول عمرى كنت شبه متأكد و مصر على انى هاتجوز بنت هاتعرف عليه فى مكان عام (نادى ولا فى مناسبه و لا زميله و لا ,,,) و يكون بنا نظرات الاعجاب من اول نظره و بعد كده قصه حب و تليفونات و خروج و هيام و.سهر الليالى و بعدين ارتباط لا يحله إلا الموت ..و ...و .. بس زى ما قلت قبل كده الدنيا و الشغل و الحياه و السفر للسعوديه بعد التخرج خلت الواحد ينزل شويه لأرض الواقع و يتحمل مسؤليه نفسه و حياته علشان يبنى نفسه ...و لما الواحد بينغمس فى الحجات دى بينظر لكل حاجه بعد كده بواقعيه اكتر afr2: ....

وبعدين ليه ما نعتبرش قاعده الصالونات دى كأنها قاعده فى نادى او مكان عام , شاب ;) مهتم ببنت و جيه يكلمها و بيحاول يتعرف عليها ,ممكن ميعجبهاش من اول نظره فترفضه :) و ممكن تحس انه محترم و ينفع يكون صديق فا يتكلمو و ممكن هو يحس من كلمها انها مش اللى بيحلم بيها و ممكن بارضو يطلعو متوافقين جدا ...و يتفقو على مقابله تانيه و تالتا و... وبعد كده تلقيهم بيحبو بعض :) ..... مش دا اللى بيحصل فى الحياه العاديه (برا جواز الصالونات ,وفى الاغلب بيكون بعيد عن عين الاهل) و ايه كمان دا هيكون تحت عيون الاهل , يعنى الاحترام مضمون ....

يا ابو زيد , قولى ايه هى الطريقه التانيه لواحد فى وضعى ... ها تقولى الانترنت :o هاقللك فارقت ايه , , ما هى باردو هاتكون بنت معرفهاش ,,,, و بدل ما اقعد معها و اكلمها و اشوفها (فى حاله الصالونات) , فى الشات هاكلمها بس و لو شوفت صورتها مستحيل انها تكون زى ما اشوفها على الحقيقه,,,صح؟ ,, و بعدين فى حاله الصالونات ,على الأقل اهلك بيوفرو عليك معلومات كتيير ممكن ما تظهرش بمجرد الشات (مستوى الاهل , التربيه , السمعه الحسنه ,....)... لو تضمنلى صحه المعلومات دى فى موقع على الانترنت bxg:: للزواج (او بأى وسيله انترنتيه) انا معنديش اى مانع انى ابدأ اتعرف على بنت بهدف الزواج من الانترنت .....

و فكرتك , بخصوص "التعارف" بين شباب و شبات المنتدى , احنا Already بدأنا نتعارف و نعرف افكار بعض من المنتدى و من خلال المواضيع اللى بنشترك فيها .ولا انتا عندك فكره تانيه؟....

جىجى و cleo ... على فكره اسلوب اللف و الدوران دا TECHNIQUE جامد اوى,ممكن بيه , تعرفى حاجات مستحيل اللى اودمك يقلها لك ,بس عن طريق غير مباشر , ., دى بيكون فيها عامل نفسى و حاجات معقده كدا , قريت عن الموضوع دا قبل كدا ,, بس للأسف انا ماليش فى الحجات دى ...و انشاء الله هاعمل زى ما قلتو و ربنا يسهل...

مسلمه سلفيه , انا جبت الدرس من الموقع و هاسمعه النهاره انشاء الله , مع انى عارف هايقول ايه , اصل الناحيه الدينيه فى الزواج معروفه و محفوظه (قول الرسول(صلهم):اظفر بزات الدين تربت يداك ) و دا امر انا اكيد حطو من اولوياتى (انها تكون مسلمه صالحه وبتعمل اللى عليها و اللى يرضى ربنا).

انا معاكى يا ليت هاوس , بس احنا بنتكلم عن الاسأله اللى تبين جوانب شخصيه اللىقدامك , التلقائيه لازم تكون موجوده بس على الاقل رؤوس المواضيع يكون الواحد مزاكرها .... يعنى افرضى ولد اهتمامته الكمبيوتر و نظم المعلومات (مثلا) و البنت لها نفس الاهتمامات ,وراح من غير ما يزاكر (ولا هي) تخيلى القاعده هاتكون ازاى , انا متخيل انهم هايرغو و يتكلمو عن عصر التكنولوجيا و المعلومات و ..و ... و ها تنتهى المقابله ب هما الاتنيين قاعدين على الانترنت ,بيوريها الوب سيت اللى هو عملو ....

و يروح ولا عرف عنها اى حاجا الا انها مهتمه بالكمبيوتر و نظم المعلومات ..... فا لو مزاكر و عارف هو مافروض يعرف ايه , اكيد احسن, صح؟

سقراط !!! ازاى عجبتك rs: !!,و انتا زى ما بتقول <خلصت القعده من غير متكلم مع العروسه ولا اتاكد من ملامح وشها بس الشهاده لله هي عجبتي>

سى السيد , فيين حكايه "إيموشون فرغلي " دى ,يا ريت تبعت اللنك و العنوان على الموقع .....شكرا

تم تعديل 24 نوفمبر 2004 بواسطة amostafa

[Sharkiah]

أوعى بس يحصل لك زى الفيلم بتاع فهمى لمعى نظمى رسمى rs:

[amostafa]

أوعى بس يحصل لك زى الفيلم بتاع فهمى لمعى نظمى رسمى

مع انى مش عارف انهى فيلم بتتكلم عنه ,, بس ربنا يستر :unsure: ادعيلى انتا بس tth: ...

[Sharkiah]

أوعى بس يحصل لك زى الفيلم بتاع فهمى لمعى نظمى رسمى

مع انى مش عارف انهى فيلم بتتكلم عنه ,, بس ربنا يستر :unsure: ادعيلى انتا بس tth: ...

ده الفيلم إللى فيه واحد غلبان ـ ومؤدب وإبن ناس ز يك كده ـ واحد صاحبه رشح له أنه يروح يشوف أخت مراته الكبيره ، إللى كان صاحبه نفسه إنها تتجوز وخلاص بأى طريقه علشان يعرف هو يتجوز أختها الصغيره ، فراح المسكين وأخد معاه الست والدته يشوف العروسه المرشحه ـ لبنى عبد العزيز ـ فلما جت للصالون علشان يشوفها ظهرت شراستها وشخصيتها العدوانيه وفضلت تتحرش بيه لحد ماأخد ديله فى أسنانه ولحق نفسه وهرب

العريس ده فى الفيلم كان إسمه فهمى نظمى لمعى رسمى ، بس إن شاء الله مايحصلكش زيه mc:

[عادل أبوزيد]

تصفحت هذا الموضوع اليوم على خلفية موضوع جديد يحذر فيه الكاتب من زواج الصالونات و عواقبه التى لم يرى منها سوى الجانب الرديء

ما سبق كان إستهلالا لابد منه

هذا الموضوع أتصور أنه من الموضوعات المستديمة و التى يدور حولها النقاش إلى ما شاءالله طالما هناك بنات و أولاد يريدون الزواج.

ترى ما هو الجديد بالنسبة لإختيار شريك الحياة ؟

[الباشمهندس ياسر]

انا برفع الموضوع ده عشان واحد حبيبى نازل اجازة قريب و ناوى يتجوز فيها

[otaka]

اعتقد انه من الأفضل إنك تفكر في الأسئلة اللي انت هتتسئلها . . مثل :

- عندك شقة . . . تمليك والا إيجار . . . فين . . . بإسمك . . .

- عندك عربية . . . نوعها ايه . . . موديل كام . . .

- هتجيب شبكة بكام . . . هتدفع مهر كام . . . . مؤخر كام . . . . هنكتب كذا في القايمة . . .

- هتجهز ايه . . .

:sad: عجبكوا كده . . . . اديني رجعت كشرت تاني . . . .

للاسف الماده طغت على كل شئ انت جبت الخلاصه

[عنبو]

حلال الله اكبر

:happy:

:P

:lol:

[لماضة مصرية جدا]

السلام عليكم و رحمة الله و بركاته

آآآآآآآآآآآآآخ منكو يا عكاريت (جمع عكروت)

و الله انا اكتشفت ان احنا غلابة اوي سواء بنات أو ولاد.... نفسنا نحب و نتحب و نعيش قصة حب و تنجح و نخلف عيال عكاااااااااريت

الحلم البسيط محتاجه نفس بسيطة تقدر تحب و عين تقدر تشوف الحاجة الحلوة في اللي حواليها

مش عارفة اشكركم ازاي علي كبسولة الخبرات دي اللي بجد اسعدتوني بيها جدا

انا كنت من فترة بفكر في جواز الصالونات ده فعلا...

انا مبحبوش خااااااااالص عشان مش بيبقي طبيعي.... و ان كان فيه ناس بتقدر تخليه طبيعي

بلاش تتنشن نفسك و تحس انك رايح تفتح عكا........ انت تصلي استخارة و الله العظيم هتلاقي كل الامور ميسرة خيرا او غيره

خليك بطبيعتك (مش عارفة اسمك ايه) بس شوف يا حسانين......... خليك بطبيعتك بس بلاش تتباسط اوي

و حط في دماغك ان توقعاتك م القعدة دي انك بس تجس النبض.... فيه قبول و لا لا

انا عن نفسي لما بتبقي فيه فرصة بسال كام سؤال كده في الحاجات اللي انا عارفة نفسي بحبها و بحب اعملها.... بس هي البنت عادة ف القعدة مش هتقدر تتكلم كتير

مش كسوف بس عشان كل القاعدين بيبقوا رامين ودنهم و ناقص يجيبوا كيس لب و يقعدوا يتفرجوا

و الله انا كنت بكره نفسي في القعدة دي عشان ببقي عارفة ان اخواتي ورا الستارة هيفطسوا م الضحك

ع العموم انا مستنية حد يخطفني في الصالون..... في المنور..... في الساحة الشعبية و هو بيلعب كورة شراب

ع فكرة يا حسانين (ايو انت ما احنا اتفقنا اني مش عارفة اسمك)

انا بكره اوي حكاية الشاب اللي بياخدها كده كعب داير و يقول عندي 7 مقابلات.... يا واد يا مكوك

خلي الدنيا تمشي علي نار هادية

و الف شكر يا شباب علي كل حد شاركنا بصفحة من حياته و اهتمامه

و انت يا حسانين

هنستني تحكيلنا بقي

انت عملت ايه؟؟؟

ربنا يسعدك

[بنت الشاطئ1]

الصراحة ان معرفة الصالونات ممكن تتطور الى حب حقيقى

اول خطوة فى رأيى وديه مهم لمن هو مغترب

انه يرسل والدته او اخته كزيارة تعارف..لو كان الناس اقاربهم بلاش يفتحوا سيرة الخطوبة ..كأنها زيارة عادية عشان الناس يكونوا على طبيعتهم..ولونها بتكون مفهومة

ممكن الزيارات تتكرر

ولو مش اقارب ممكن تخلى اختك تزورها اكتر من مرة وممكن يخرجوا مع بعض بحيث ان اختك مثلا لو مقاربة ليها فى السن اكيد هيتكلموا ومن خلال الكلام هتعرف شخصيتها ..بحيث انك لما تروح تكون عارف عنها شوية معلومات وده بيوفر وقت

طبعا اول زيارة .. عادى خالص ولا تفكر فى اسئلة ولا حاجة

قولها ازيك يا فلانة باسمها ...ديه مهمة جدا جدا

لو فى الجامعه ..طبعا لازم تكون عارف هى فى اى كلية وفى اى قسم ..تكون عارف مسبقا

تقولها ايه اخبار الجامعة

الدراسة سهلة واللا ايه اخبارها

ناوية تشتغلى ..طب بتحبى الشغل واللا البيت اكتر

لو كانت مخلصة جامعة ..تقولها ..مبسوطة فى شغلك

كل ده كلام عام لأن اكيد المكان هيكون ملغم وابوها قاعد واخوها ويمكن خالها وعمها فبلاش اسئلة خاصة الان

ممكن بعد كدا تبدأ فى الاسئلة الخاصة بس مش بطريقة القاء سؤال وعايز اجابة

ممكن مثلا ..والله انا كنت اقرأ فى كتاب كذا امس ..سمعتى عنه ..طب سمعتى عن مؤلفه

طب انت بتحبى تقرأى لمين

كدا يعنى عشان هى تكون على طبيعتها وكمان تديها فرصة انها تتكلم

مش تكون كل اسئلتك اجابتها بنعم او لا ..يبقى كدا بضيع وقتك

بلاش الاسئلة اللى هى مباشرة زى مثلا عايز تعرف هى بتصلى الصلوات فى اوقاتها

ممكن تقولها .. فى مسجد فى الكلية..طب بتلاقى وقت بين المحاضرات..وبكدا هى هتتكلم ..احسن ما تسأل سؤال يبدأ ب هل

لازم طبعا تكلم الكل مامتها والدها .. كل على حسب مجاله بس ركز عليها هى

ولو عايز تعرف هى ضعيفة واللا لأ ممكن عن طريق الوالدة او اختك وده فى الزيارة الاولى اللى حضرتك مكنتش فيها..عشان تكون رايح وانت عندك ملامح للشخصية

[otaka]

القصه التالبه هى تجربه شخصيه و لا اجبر احدا على الاقتناع بها او اتخاذها منهاجا لحياته فقط اردت عرض الوجه الاخر من القصه

مره من المرات و امام ضغط الاسره المالكه قمت بعمل مناوره بالقوات و ذهبت لاقابل فتاه تم ترشيحها من قبل قياده الاركان

و لانى تربيه انجليز كما يصفنى اهلى فقد صارحت الفتاه قائلا ان هذا النوع من الزاواج ما هو الا شخص يرغب فى شراء حيوان اليف يربيه فى المنزل و غالبا ما يختار الحيوان الاغزر شعرا و الاكثر ملائمه لاحتياجاته

البنت جالها صدمه عصبيه ثم ردت على اننى على حق و ان لو كل الشباب لديهم ما لدى من شجاعه بتسميه الاشياء باسمائها لانصلح حال الدنيا

و بهذا نجى اوتاكا كبير اللصوص من فخ زواج الصالونات

[SoSo R]

القصه التالبه هى تجربه شخصيه و لا اجبر احدا على الاقتناع بها او اتخاذها منهاجا لحياته فقط اردت عرض الوجه الاخر من القصه

مره من المرات و امام ضغط الاسره المالكه قمت بعمل مناوره بالقوات و ذهبت لاقابل فتاه تم ترشيحها من قبل قياده الاركان

و لانى تربيه انجليز كما يصفنى اهلى فقد صارحت الفتاه قائلا ان هذا النوع من الزاواج ما هو الا شخص يرغب فى شراء حيوان اليف يربيه فى المنزل و غالبا ما يختار الحيوان الاغزر شعرا و الاكثر ملائمه لاحتياجاته

البنت جالها صدمه عصبيه ثم ردت على اننى على حق و ان لو كل الشباب لديهم ما لدى من شجاعه بتسميه الاشياء باسمائها لانصلح حال الدنيا

و بهذا نجى اوتاكا كبير اللصوص من فخ زواج الصالونات

مساء الخير يا أستاذ أوتاكا..

بصراحة أنا ذهلت من الرأى اللى حضرتك قلته للبنت...حتى ولو كانت صراحة فهى تخلو من كياسة

حتى لو هدف حضرتك إنك تخلص من الجوازة أو الموقف صعب أو فيه ستريس ..أكيد فيه طرق أكثر دبلوماسية من كدة لأعلان رفضك للموضوع أو للأسلوب

حضرتك بصراحتك دى بتجرح إنسانة مالهاش أى ذنب...غير إنها بتدور على علاقة شرعية..فى إطار محترم

أنا آسفة إنى باقول كدة بس غالبا فى جواز الصالونات أحد الطرفين وغالبا بيكون الرجل مابيراعيش أحاسيس و مشاعر الطرف الآخر أثناء إعلانه الرفض للطرف الآخر...ودة شفته فى تجارب كثيرة لصديقات

تحياتى

سوسورانى

[سكر]

إضافه بسيطة على اراء الاخوة الاعضاء فى جواز الصالونات

اذ كان هناك لك الحق بين القبول او الرفض فى جواز الصالونات وبعد اتمام كافه الامور الحسيه والشاعريه والماليه والملوخيه

تذكر شى اخر قد تنساه فى هذه الزحمة وهى صحه الاولاد

الحياة والمرض بيد الله ولكن الله امرنا بالاخد بالاسباب

عشان انت وزوجتك واولادك لا يعانون فى المستقبل

مثل على ذلك

متكونش اصلا قصير القامة وتتزوج ايضا قصيرة القامة

متكونش تخين وبكرش وتتجوز وحدة سمينه

متكونش نظرك ضعيف شيش بيش وتتجوز وحدة شيش يك

متكنش رفيع تستخبى وراء العصيا وتتجوز عود قصب

وهلما جر على الاقل فيما يمكن ملاحظته بالعين المجردة

وتذكر ان ذلك بعد

اتمام كافه الامور الحسيه والشاعريه والماليه والملوخيه

ملحوظه : انا لا اقصد السخريه من اى انسان مصاب بمرض او له شكل معين ولكن معلةم ان العامل الوراثى شى اساسى

فى تحديد شكل وصحه الاطفال وردى هذا من اجل صحة افضل للاسرة جميعا

[otaka]

القصه التالبه هى تجربه شخصيه و لا اجبر احدا على الاقتناع بها او اتخاذها منهاجا لحياته فقط اردت عرض الوجه الاخر من القصه

مره من المرات و امام ضغط الاسره المالكه قمت بعمل مناوره بالقوات و ذهبت لاقابل فتاه تم ترشيحها من قبل قياده الاركان

و لانى تربيه انجليز كما يصفنى اهلى فقد صارحت الفتاه قائلا ان هذا النوع من الزاواج ما هو الا شخص يرغب فى شراء حيوان اليف يربيه فى المنزل و غالبا ما يختار الحيوان الاغزر شعرا و الاكثر ملائمه لاحتياجاته

البنت جالها صدمه عصبيه ثم ردت على اننى على حق و ان لو كل الشباب لديهم ما لدى من شجاعه بتسميه الاشياء باسمائها لانصلح حال الدنيا

و بهذا نجى اوتاكا كبير اللصوص من فخ زواج الصالونات

مساء الخير يا أستاذ أوتاكا..

بصراحة أنا ذهلت من الرأى اللى حضرتك قلته للبنت...حتى ولو كانت صراحة فهى تخلو من كياسة

حتى لو هدف حضرتك إنك تخلص من الجوازة أو الموقف صعب أو فيه ستريس ..أكيد فيه طرق أكثر دبلوماسية من كدة لأعلان رفضك للموضوع أو للأسلوب

حضرتك بصراحتك دى بتجرح إنسانة مالهاش أى ذنب...غير إنها بتدور على علاقة شرعية..فى إطار محترم

أنا آسفة إنى باقول كدة بس غالبا فى جواز الصالونات أحد الطرفين وغالبا بيكون الرجل مابيراعيش أحاسيس و مشاعر الطرف الآخر أثناء إعلانه الرفض للطرف الآخر...ودة شفته فى تجارب كثيرة لصديقات

تحياتى

سوسورانى

اتفق معك تماما و لا ادافع عن نفسى فى هذا الفعل و لكن تلك كانت تجربه شخصيه و على ما اعتقد ان البنت التى قابلت تغير فكرها عن الزواج بعد لقائى و هذا فى حد ذاته نجاح لفكره التغيير المجتمعى المتبناه من قبلى

قد اكون قاسيا الى حد ما فى تعبيرى عن وجه نظرى و اعلم ان الفتاه لا ذنب لها و انها سليمه النيه و لكن فى بعد الاوقات التغيير يتطلب اخضاع المجتمع لصدمات شديده تجعله يعيد حسباته

اعتقد ان اوتاكا الباحث الاكاديمى قتل اوتاكا الانسان فى ذاك اليوم

[عنبو]

إقتباس(otaka @ Nov 9 2009, 06:30 PM)

القصه التالبه هى تجربه شخصيه و لا اجبر احدا على الاقتناع بها او اتخاذها منهاجا لحياته فقط اردت عرض الوجه الاخر من القصه

مره من المرات و امام ضغط الاسره المالكه قمت بعمل مناوره بالقوات و ذهبت لاقابل فتاه تم ترشيحها من قبل قياده الاركان

و لانى تربيه انجليز كما يصفنى اهلى فقد صارحت الفتاه قائلا ان هذا النوع من الزاواج ما هو الا شخص يرغب فى شراء حيوان اليف يربيه فى المنزل و غالبا ما يختار الحيوان الاغزر شعرا و الاكثر ملائمه لاحتياجاته

البنت جالها صدمه عصبيه ثم ردت على اننى على حق و ان لو كل الشباب لديهم ما لدى من شجاعه بتسميه الاشياء باسمائها لانصلح حال الدنيا

و بهذا نجى اوتاكا كبير اللصوص من فخ زواج الصالونات

طيب ياستاذ اتوكا ممكن تقولنا ازاى الواحد يتزوج او يخطب بالطريقه الاوتاكيه ؟؟ يعنى وجهة نظرك فى التعارف تكون ازاى ؟؟ هل الحب من اول نظره او ايه بالظبط ؟

[بنت الشاطئ1]

كان فى واحدة بتخطب لابنها بس ابنها مصر انه يشوف البنت الاول قبل ما يدخل بيتهم

وفعلا .. البنت راحت لمكان كام متفق عليه وذهبت مع صديقتها وذهب هو ايضا لنفس المكان وعجبته البنت

ولما جه وقت الجد قال لوالدته انا حاسس انى مش هقدر اكمل فى الموضوع ده وحاسس انها نزلت من نظرى لأنها وافقت على هذا اللقاء..مع انهم لم يتكلموا ولا كلمة مجرد انها ذهبت وجلست مع صديقتها وهو جالس على كرسى مقابل لهم طب ده كلام والله ده معناه ايه يا اوتاكا ويا محمد يا عنبى