الي أهالي الرياض الكرام...كله يلحق يستخبي

[Alattar]

استكمالا لمسلسل جو الخيال العلمي..من تأليف أخونا سي السيد

الشتا عندنا بدا بداية صعبة جدا..وبعدين الدنيا هديت شوية..وبعدين بدأ الجو يقلب بحر شوية وقت الظهر كده..وبعدين النهاردة مواقع الطقس والأرصاد جايبة أخبار ان فيه موجة باردة جاية علينا..مش عارف بصراحة جاية منين..بس المهم..ان شكلها حاجة صعبة يعني

دي صورة من موقع هيئة الأرصاد في السعودية

خدوا بالكوا من الدرجات الصغري

و كمان خدوا بالكوا ان لما تبقي درجات الحرارة عندنا كده..غير لما تبقي في مصر كده خالص..لأن البرد هنا برد صحراوي..يعني مفيش حاجة بتنفع معاه نهائيا

ولا دفايات ولا لبس تقيل..حتي لو لبست الدولاب له..البرد بيدخللك بيدخللك من تحت الهدوم كمان

فيه موقع برضه أجنبي بيجيب درجات الحرارة في دول العالم كله..بيقولوا ان في الرياض,,درجة الحرارة هتنزل ان شاء الله خلال الأسبوع ده...لتحت الصفر

كله ياخد باله..أنا مش سئول عن حد..حد ييجي يقوللي أنا سقعان و جايلك ..شغللنا الشواية بتاعتك و الكلام ده..الشواية دي بتاعتي أنا بس...هولع الفحم ان شاء الله في الشواية و أنزل أقعد معاه شوية...

[se_ Elsyed]

ياريت يا عطار .. دي تبقى ليلة وساعتها أذل زهيري اللي معقدني بتلاجة الأيس كريم اللي عايش فيها في كندا

وكمان عشان ماحدش إسكندراني يتنطط علينا ويقول عندنا تلج وإنتو لأ

بص يا معلم .. بقى هلا هلا على الجد ....

واللي يتكسف من بنت خالته ؟

وكدهوت

أنا هاحضر من دلوقت لوحين خشب وأوضبهم عند واحد أويمجي ... وعصايتين بتوع مقشة ... ونطلع أنا وأنت على طريق فهد اللي هايكون كله تلج طبعاً ونتزفلط يا معلم ونعمل سباق تزفلط على التليج

[ozoozo]

في منخفض جوي جاي من الشمال ومتوقع ان تمطر ثلوج في تبوك اول الاسبوع

[م تيمور المراغي]

في منخفض جوي جاي من الشمال ومتوقع ان تمطر ثلوج في تبوك اول الاسبوع

انت في المواقف اللي زي دي كان ليك حل جذري وعبقري يا اوزو قولت لنا عليه السنه اللي فاتت :happy:

[ozoozo]

في منخفض جوي جاي من الشمال ومتوقع ان تمطر ثلوج في تبوك اول الاسبوع

انت في المواقف اللي زي دي كان ليك حل جذري وعبقري يا اوزو قولت لنا عليه السنه اللي فاتت :happy:

مش فاكر:unsure:

[م تيمور المراغي]

في منخفض جوي جاي من الشمال ومتوقع ان تمطر ثلوج في تبوك اول الاسبوع

انت في المواقف اللي زي دي كان ليك حل جذري وعبقري يا اوزو قولت لنا عليه السنه اللي فاتت :happy:

مش فاكر:unsure:

..

ما هي فلسفتكم العميقه في حرق المخازن والمستوعات قبل الجرد مباشرة !!,,

عشان الجرد بيكون اول السنه والدنيا بتكون برد فهايكون السبب التاني عشان ادفي

ما هو سر غرامكم الرهيب بالكبده الجملي!!

عشان بتقرمش ومش مايصه وطريه زي انواع الكبد التانيه

جلست بالايام ( لعلها سنين !!! )

جلست متاملا متفكرا في حكمة القول ,, وبديع الكلم

1- ,,,,,,,,,

لم تثنك آنات المعذبين

لم تلتفت لدموع الحيارى و آهات الثكلى وبكاء الاطفال الملتاعين ,,

بل كنت قويا كالدهر صارما كالسيف

فقط شعرت ببعض البرد ,, فاحرقت الكون كله كي تشعر بالدفء !!

2- ,,,,,,,,,

حنانيك سيدي مابالك قد نظرت حتى للطعام نظرة الغضب !!

لم اجد احدا في الدنا يعاير الكبد بقلة الذكوره الا انت

لولاك سيدي

لما استقام المنسم

ولضاع الشرف

ولطغت نون النسوه على كل الوجووود !!!

[engmido]

وسايبنى عمال اقول جايلى عقد فى السعودية

لا يا عم مش مسفر ولا رايح ولا جاى ... مصر هى امى

انتو بتحسسونا انكم فى الاسكيمو .. امال بتروحوا اشغالكم ازاى والعيال بتروح مدارسها ازاى

تم تعديل 20 يناير 2012 بواسطة engmido

[MZohairy]

بنصبح بس

[الغريب]

نفس الموضوع في الكويت

مدير الأرصاد الجوية يتوقع أن تصل الحرارة في السبت والأحد إلى ما دون الصفر

ربنا يستر

تم تعديل 20 يناير 2012 بواسطة الغريب

[م تيمور المراغي]

وسايبنى عمال اقول جايلى عقد فى السعودية

لا يا عم مش مسفر ولا رايح ولا جاى ... مصر هى امى

انتو بتحسسونا انكم فى الاسكيمو .. امال بتروحوا اشغالكم ازاى والعيال بتروح مدارسها ازاى

تعالى جده الجو عندنا روعه

[الغريب]

من غير كلام كتير

[Alattar]

من غير كلام كتير

حتي عندنا يا ريس

الجو فعلا بقي حاجة صعبة أوي..ده انا لما بروح البيت حتي وأقول أعمل لنفسي أكل..أفتح ازازة الزيت..بلاقي الزيت متجمد جوه..بقي عامل زي السمنة بالظبط..بحطه عند الدفاية شوية لحد ما يفك و بعدين أستخدمه..

[Alattar]

أنا هاحضر من دلوقت لوحين خشب وأوضبهم عند واحد أويمجي ... وعصايتين بتوع مقشة ... ونطلع أنا وأنت على طريق فهد اللي هايكون كله تلج طبعاً ونتزفلط يا معلم ونعمل سباق تزفلط على التليج

فين ملل السرير يا ريس اللي قلت هتجيبهم؟..

انت مستني أكتر من كده ايه..ياتلحقني يا ما تلحقنيش..أنا قربت أتجمد..

جيت الشغل لقيتهم بيستهبلوا و مشغلين التكييف المركزي..وبيقولوا عشان السيرفر ما يسخنش..حاجة تغيظ..المهم السيرفر ما يسخنش..واحنا نولع مش مشكلة

[se_ Elsyed]

أنا هاحضر من دلوقت لوحين خشب وأوضبهم عند واحد أويمجي ... وعصايتين بتوع مقشة ... ونطلع أنا وأنت على طريق فهد اللي هايكون كله تلج طبعاً ونتزفلط يا معلم ونعمل سباق تزفلط على التليج

فين ملل السرير يا ريس اللي قلت هتجيبهم؟..

انت مستني أكتر من كده ايه..ياتلحقني يا ما تلحقنيش..أنا قربت أتجمد..

جيت الشغل لقيتهم بيستهبلوا و مشغلين التكييف المركزي..وبيقولوا عشان السيرفر ما يسخنش..حاجة تغيظ..المهم السيرفر ما يسخنش..واحنا نولع مش مشكلة

فكرتني بأوضة الفيران .. أوضة السيرفرات .. يا عطار حتى في عز الصيف بتبقى عامله زي تلاجة اللحمه ... الغريبة إني الاقي عيال شغاله جوه ولابس ربع كم والحياة عادي

ملل السرير عند الخراط بيوضبهم .. وكمان هاجيب منه شنيور يا معلم عشان نقف في وسط طريق الملك فهد ونرخم الأسفلت ونصطاد من تحته بساريا ...