رايكم فى هذا العرض وسوال عن الاستقدام

[مستر طارق]

روحت مقبله مع احد السعودين للعمل كمدرس احياء فى مدرسة التنمية الاهلية بالرياض

العرض 2000 ريال فى الشهر مع وجود سكن وبدل انتقالات وتذاكر الطيران كل عام

انا ساتزوج بعد 8 شهور هل يمكن استقدام زوجتى بعد هذه المده ؟

هل يسمح هذا المرتب باستقدام الزوجه حيثى انى قد قرات انه يجب ان يزيد المرتب عن 3500 ريال

واذا كان لا يسمح هل يمكن اخذ حطاب سورى من الكفيل يفيد ان راتبى يصل ل 3500 هل يوافق ع ذلك ام لا ؟

هل احد منكم سمع عن مدارس التنمية الاهلية بالرياض وهل هى مدارس لها مصدقيه ام لا ؟

[ozoozo]

الاوفيس بوي في شركتنا بياخد 2800 ريال

تم تعديل 20 يناير 2012 بواسطة ozoozo

[مستر طارق]

الاوفيس بوي في شركتنا بياخد 2800 ريال

اذن الامر مختلف بالنسبة للمدرسين اكبر راتب سمعته لمدرس خبره فى السعودية هو 3500 وانا لسه متخرج من سنه ونصف يعنى يعتبر مفيش خبره

هما بينظروا ان المدرسين بيجلهم دروس فبالتالى تكون الرواتب ضعيفه .

هل احد يعرف هذه المدرسة ام لا

وهل انا قادر على الاستقدام بهذا الراتب ام لا ؟

تم تعديل 20 يناير 2012 بواسطة مستر طارق

[مستر طارق]

يا جماعه حد يرد عليا والنبى المدرسة دى حد عرفها ولالا ؟

وكمان هل ينفع الاستقدام على الراتب ده ولا لا ؟

لازم ارد ع المكتب بكره باقصى تقدير

ياريت يجماعه تقولولى؟

[kingsabry]

بيتهيألي الوضع صعب جدا والعرض مش كويس . 2000 دول مش يعملوا حاجه خالص . كمان انت هتيجي على مهنه ايه علشان الاستقدام . ممكن يجيبلك أي مهنه وخلاص وتبقى اتدبست لا استقدام ولا شغل كويس .

ع العموم استخير ربنا ولو انت مش قدامك تثبيت اليومين دول في الحكومه . جرب سنه ومش هتخسر قبل ما تعمل استقدام

بس ما تدفعش كتير للمكتب لان العرض أساسا قليل جدا

[مستر طارق]

بيتهيألي الوضع صعب جدا والعرض مش كويس . 2000 دول مش يعملوا حاجه خالص . كمان انت هتيجي على مهنه ايه علشان الاستقدام . ممكن يجيبلك أي مهنه وخلاص وتبقى اتدبست لا استقدام ولا شغل كويس .

ع العموم استخير ربنا ولو انت مش قدامك تثبيت اليومين دول في الحكومه . جرب سنه ومش هتخسر قبل ما تعمل استقدام

بس ما تدفعش كتير للمكتب لان العرض أساسا قليل جدا

طيب انا روحت مقبلات كتير وتقبلت فى حاجات كتير بس مفيش ولا مره زاد العرض عن 2000 ريال يعنى اكيد مفيش اكتر من كده انا حولت كتير وكان دايما كان اقل وكنت برفض

وده اعلى مبلغ وصلتلوا مش عارف اعمل ايه ؟

المهنه هتكون مدرس مش حاجه تانيه انا اكدت على النقطه دى اوووى فى المقابله ؟

[الفقير الى الله]

اخى العزيز

وفقك الله الى ما تحب وترضى

العرض زى ما قالوا الاخوة الافاضل صغير ولكن فى رايى ان المسالة نسبة وتناسب

يعنى فى واحد ممكن ياخد الالفين دول ويصرف قليل وواحد ياخدهم ويصرفهم او يحوش منهم قليل القليل

الاختيار يرجعلك انتة ويرجع لحسباتك وحسب طريقة معيشتك وطريقة مصروفك

اما عن موضوع الاستقدام بالالفين ريال دول انا اسف اقدر اقولك مش هينفع

انتظر الفرصة اللى تجيلك فيها عرض اكبر عشان تعرف تستقر وحاول تعلى مؤهلاتك

وربنا يوفقك

بس متنسانيش فى الدعاء

[مصراوى للابد]

اخي العزيز بخصوص خطاب من الكفيل ده سهل ممكن يدهلوك عادي وان شاء الله ال 2000 يكفوك وتحوش منهم كمان ربنا يوفقك

[مستر طارق]

اخي العزيز بخصوص خطاب من الكفيل ده سهل ممكن يدهلوك عادي وان شاء الله ال 2000 يكفوك وتحوش منهم كمان ربنا يوفقك

طيب يا جماعه حد يعرف مرتبات المدرسين هناك فى السهودية كام ؟ لانى قبلت ناس كتير والمرتب لم يزيد عن ذلك

ياريت لو فى حد مدرس يفدنى مرتبه كام وهل فى دروس تعوض ضعف المرتب ام لا ؟

تم تعديل 20 يناير 2012 بواسطة مستر طارق

[AbkaReno]

المدرسين الي اعرفهم اقل راتب معدي 4 الاف ريال

مش عارف ازاي حضرتك هتقبل 2000 ريال

العرض طبعا غير مجدي بصراحه

تم تعديل 21 يناير 2012 بواسطة AbkaReno

[kinglove]

اول حاجه الراتب قليل جدا

وعشان الاستقدام لازم تعرف المهنه اللي جاي فيها للسعوديه وبالنسبة للخطاب سهل يكتب فيه انه راتبك فوق 3500

[عنبو]

الاوفيس بوي في شركتنا بياخد 2800 ريال

خدنى معاك انا بعرف ارص شيشه ولا اجدعها قهوجى

__________________________________________________

العرض قليل جدا جدا جدا جدا ولو معاك استرك هتضطر تستلف كمان الف ريال علشان تكمل الشهر ولو عايش لوحدك يبقى هتوفر فقط 500 ريال لو انت ماسك نفسك انما لو بتحب المصاريف يبقى يادوب ال 2000 ريال تكفيك .

الحياه هنا غاليه فحت يعنى مثلا انت لو حبيت تطلع مع صحابك اقل حاجه هتصرفلك 50 ريال

وربنا يوفقك الى ما فيه الخير

تحياتى

عنبو

[حسام الغرباوي]

الراتب قليل جدا

اعمل حسابك ان ال2000 دول هتصرف منهم من 1000 ل 1500 دا لو هتقعد في البيت

يعني اكلك وشربك ومكالمات تليفون وانترنت ...الخ

مرتبات المدرسين هنا تبدأ من 3000 مع السكن والتنقل

[مستر طارق]

الراتب قليل جدا

اعمل حسابك ان ال2000 دول هتصرف منهم من 1000 ل 1500 دا لو هتقعد في البيت

يعني اكلك وشربك ومكالمات تليفون وانترنت ...الخ

مرتبات المدرسين هنا تبدأ من 3000 مع السكن والتنقل

رحت اشوف العقد

لقيا ان المرتب 2270 ريال متقسم بطريقه عجيبه اووى

1000 ريال راتب اساسى

500 ريال بدل علاج

500 ريال بدل تنقل

270 ريال بدل خبره

ومكتوب فى الاخر باجمالى 2270 ريال كل اول شهر ميلادى

وبعدين بقلب الورقه لقيت فى الصفحه الثانية بند بيقول ان لو المكان اللى هتوفره المدرسة بيبعد اقل من 800 متر عن المدرسة لا يحق صرف بدل الانتقال

وكمان لقيت ان فى اخر السنه فى اجازه مدفوعه الاجر 21 يوم

وان يتم صرف تذاكر ذهاب واياب (برى ) :rolleyes: بقيمه 1000 ريال

المهم انا اكيد رفضت وربنا يعوضنى خير بقى ......ادعولى

[حسام الغرباوي]

لوووووووووووووووول بجد

راتب اساسي 1000 ريال علشان متزدتش طول عمرك

انا يؤسفني اقلك ان الاوفيس بوي في الشركة عندنا بياخد 2200 ريال اساسي + سكن علي الشركة

[حسام الغرباوي]

وبعدين غريبة اوي اوي حكاية بدل علاج 500 ريال دي...هوا انتا رايح تتعالج ولا اية ههههههه

امال التأمين بيتعمل لية

عقد غريب صراحة اول مرة في حياتي اشوف عقد كدا