مساعدة - الاستقدام بعد تغيير المهنة بالرياض

[AbkaReno]

تم تغيير المهنة يوم الاربعاء من عامل زراعى الى محاسب عام من الرياض

تم عمل الاستقدام يوم السبت بدون اي مشاكل..

[المحاسب]

عملت استقدام من استقدام الرياض بدون تعب ومغير مهنه حديثا ومفيش اي مشاكل في الاستقدام وكل الكلام اللي بيتقال في المحاورات عن مشاكل لايوجد اي مشاكل واللي عاوز يستقدم لا يسمع الكلام المحبط في المحاورات وهذا والله من شخص استقدم بعد تغيير المهنه

[غريب الخبر]

هل يلزم الشهادة الكرتون للاستقدام ام يكتفى بالشهادة المؤقتة؟

شكرا

تم تعديل 27 فبراير 2012 بواسطة غريب الخبر

[المحاسب]

[quote

يا جماعة انا بعد مغير رحت امس بتاريخ 25/2/2012 الي مكتب الاستقدام ومفيش نص ساعة واعطوني التاشيرة الصفرا ومفيش زحمه السبب في كده انه اغلب اللي مشتركين في المحاورات بيحبطو الانسان لاني كل ما ادخل مكنتش اتوقع اللي يحصل مع انها المرة الاولي التي اتقدم فيها لمكتب الاستقام مع اني لم ادفع الا الرسوم فقط كماانني مستعد لاي استفسارات وعلشان مطولشي الاوراق هي 1 خطاب الكفيل موثق من الغرفة التجارية 2 استمارة معباءة 3 اصل القسيمة وشهادة الميلاد والشهادة الجامعية وموثق من السفارة في مصر بمعني انت جهز وروح وان شاء الله مش هتاخد اكتر من نص ساعة وفيه ناس والله قدامي في عشرة دقائق استلم الورقة الصفرا

[غريب الخبر]

هل يلزم الشهادة الكرتون الاصل للاستقدام ام يكتفى بالشهادة المؤقتة؟

شكرا

تم تعديل 27 فبراير 2012 بواسطة غريب الخبر

[غريب الخبر]

[quote

يا جماعة انا بعد مغير رحت امس بتاريخ 25/2/2012 الي مكتب الاستقدام ومفيش نص ساعة واعطوني التاشيرة الصفرا ومفيش زحمه السبب في كده انه اغلب اللي مشتركين في المحاورات بيحبطو الانسان لاني كل ما ادخل مكنتش اتوقع اللي يحصل مع انها المرة الاولي التي اتقدم فيها لمكتب الاستقام مع اني لم ادفع الا الرسوم فقط كماانني مستعد لاي استفسارات وعلشان مطولشي الاوراق هي 1 خطاب الكفيل موثق من الغرفة التجارية 2 استمارة معباءة 3 اصل القسيمة وشهادة الميلاد والشهادة الجامعية وموثق من السفارة في مصر بمعني انت جهز وروح وان شاء الله مش هتاخد اكتر من نص ساعة وفيه ناس والله قدامي في عشرة دقائق استلم الورقة الصفرا

حضرتك روحت اى مكتب ؟

جدة ولا الرياض ولا الدمام؟

[desertsniper]

تم تغيير المهنة يوم الاربعاء من عامل زراعى الى محاسب عام من الرياض

تم عمل الاستقدام يوم السبت بدون اي مشاكل..

عملت استقدام من استقدام الرياض بدون تعب ومغير مهنه حديثا ومفيش اي مشاكل في الاستقدام وكل الكلام اللي بيتقال في المحاورات عن مشاكل لايوجد اي مشاكل واللي عاوز يستقدم لا يسمع الكلام المحبط في المحاورات وهذا والله من شخص استقدم بعد تغيير المهنه

ياريت تذكروا الكفالة مؤسسة ام شركة ومن اي مكتب تم الاستقدام ويا جماعة لو حد يعرف اى واحد يخلصلنا الموضوع ده يقولنا

[غريب الخبر]

هل يلزم الشهادة الكرتون الاصل للاستقدام ام يكتفى بالشهادة المؤقتة؟

شكرا

[desertsniper]

هل يلزم الشهادة الكرتون الاصل للاستقدام ام يكتفى بالشهادة المؤقتة؟

شكرا

الشهادة الكرتون تلزم لخريجي الطب والهندسة فقط غير كده المؤقتة عادي

[غريب الخبر]

هل يلزم الشهادة الكرتون الاصل للاستقدام ام يكتفى بالشهادة المؤقتة؟

شكرا

الشهادة الكرتون تلزم لخريجي الطب والهندسة فقط غير كده المؤقتة عادي

شكرا جزيلا

[fanta]

السلام عليكم,,,

لو سمحتو عندي استفسار !!

انا فلسطيني بوثيقة مصرية ومهنتي مبرمج حاسب الي هل من الممكن اني اعمل استقدام لزوجتي انا اخويا برضه حاول كتير في الموضوع ده ايام ما كان عايز يجيب مراته ومنفعش وفي الاخر عمل زيارة.

بس انا سمعت من كلامكم ان هي بقت سهلة ومتيسرة فهل للفلسطينين برضه كده ولا لسه مقفولةوممنوع ؟؟

يا ريت لو حد عنده اي معلومة يفيدني وشكرا ليكم جميعا...

[fanta]

يا جماعةممكن حد يرد عليااااا ؟؟

[desertsniper]

تم تغيير المهنة يوم الاربعاء من عامل زراعى الى محاسب عام من الرياض

تم عمل الاستقدام يوم السبت بدون اي مشاكل..

عملت استقدام من استقدام الرياض بدون تعب ومغير مهنه حديثا ومفيش اي مشاكل في الاستقدام وكل الكلام اللي بيتقال في المحاورات عن مشاكل لايوجد اي مشاكل واللي عاوز يستقدم لا يسمع الكلام المحبط في المحاورات وهذا والله من شخص استقدم بعد تغيير المهنه

ياريت تذكروا الكفالة مؤسسة ام شركة ومن اي مكتب تم الاستقدام ويا جماعة لو حد يعرف اى واحد يخلصلنا الموضوع ده يقولنا

[AbkaReno]

انا ذكرت ان الي حصل حصل من مكتب الرياض

بخصوص التعديل كان من مزرعة على مؤسسة بنفس سك صاحب المؤسسة

يعني كان هوا عامل زراعى على المزرعة ونقل كفالة على المؤسسة بتاعت نفس الشخص وعدل المهنه

المزرعة بتاعت نفس صاحب المؤسسة

[المحاسب]

يا محمود بك مش قولت لنا عملت اية فى الاستقدام يا اخوانا افيدونا

الرياض

الدمام

جدة

اخبار الاستقدام اية ؟

لسه مفيش اخبار والله يابو حميد منتظر الكفيل يبعتلي خطاب التعريف وطلب الاستقدام ولما يجي هبقي اطلع الرياض واشوف الدنيا فيها ايه

ياعمي روح واعمل استقدام علي مسؤليتي الشخصية انا رحت من شهر وانا مغير مهنه مقالشي تلت التلاته كام بس اهم شيء الشهادة بتاعتك موثقة وكل شيء بعد كده سهل

[المحاسب]

يا محمود بك مش قولت لنا عملت اية فى الاستقدام يا اخوانا افيدونا

الرياض

الدمام

جدة

اخبار الاستقدام اية ؟

لسه مفيش اخبار والله يابو حميد منتظر الكفيل يبعتلي خطاب التعريف وطلب الاستقدام ولما يجي هبقي اطلع الرياض واشوف الدنيا فيها ايه

ياعمي روح واعمل استقدام علي مسؤليتي الشخصية انا رحت من شهر وانا مغير مهنه مقالشي تلت التلاته كام بس اهم شيء الشهادة بتاعتك موثقة وكل شيء بعد كده سهل

الكلام اللي بقولو لك بتاريخ 13/2/2012م وانا في الرياض اغلس مكتب استقدام في المملكه بيشوف الورق ويتاكد من الطلب ويعطيك الورقة الصفرا وانت واقف واياك تسمع 90% من الكلام هنا علشان كل واحد بيقولك اسالك كذااااااااااااااااااااااااااب روح بنفسك وان حد رجعك انا مسؤل

[محمد افندى]

يا محمود بك مش قولت لنا عملت اية فى الاستقدام يا اخوانا افيدونا

الرياض

الدمام

جدة

اخبار الاستقدام اية ؟

لسه مفيش اخبار والله يابو حميد منتظر الكفيل يبعتلي خطاب التعريف وطلب الاستقدام ولما يجي هبقي اطلع الرياض واشوف الدنيا فيها ايه

ياعمي روح واعمل استقدام علي مسؤليتي الشخصية انا رحت من شهر وانا مغير مهنه مقالشي تلت التلاته كام بس اهم شيء الشهادة بتاعتك موثقة وكل شيء بعد كده سهل

الكلام اللي بقولو لك بتاريخ 13/2/2012م وانا في الرياض اغلس مكتب استقدام في المملكه بيشوف الورق ويتاكد من الطلب ويعطيك الورقة الصفرا وانت واقف واياك تسمع 90% من الكلام هنا علشان كل واحد بيقولك اسالك كذااااااااااااااااااااااااااب روح بنفسك وان حد رجعك انا مسؤل

والله انا مقدر شعورك الطيب بس انا اقامتى صادرة من جدة ومليش فرع لا فى الرياض ولا الدمام

وبراجع مكتب استقدام جدة كل اسبوع نفس الكلام اللى معدلين مهنة بيقولو مؤجل اعمل زيارة هى دى الردود والله لو عندك حل ياريت تقولو

[محمد افندى]

يا ريت اللى عمل استقدام من الرياض قريب يقولنا تجربتة اية وشكرا

[محمود الدكر]

الحمد لله يا جماعه انا خلصت الاستقدام امبارح من الرياض 21-03-2012

طبعا التوفيق من عند ربنا اولا واخيرا ولكن كل حاجه ولازم ليها سبب

احكيلكم اللي حصل معايابالظبط عشان الكل يستفاد

خدت بعضي وطلعت عالرياض يوم 20-02-2012 ولما وصلت سجلنا اسامينا بالورقة دخلنا الصبح وكل واحد خد رقمه من الشباك وعشان ياخد رقم لازم يكون معاه طلب الاستقدام مصدق من الغرفة التجاريه وخطاب التعريف من الكفيل مصدق ايضاولو طلب الاستقدام مختوم وموقع من الكفيل فقط مفيش اي مشكله ما دام خطاب التعريف مصدق من الغرفه ودا حصل معايا ولازم يكون معاك اصل الاقامة وخدت رقم

المهم جه دوري دخلت عالشباك الموظف خد الاوراق ورتبهاكالاتي :

طلب الاستقدام بعديه خطاب التعريف ثم صورة الاقامة بعديه صورة الجواز وتاشيرة الدخول طبعا ثم شهادة المؤهل ثم عقد النكاح ثم شهادة ميلاد الاولاد ان وجد

بعد ما بص فالاوراق طلع ملاحظاته علي ورقه صغيره وكتب عليها

1 - نجار مباني ( ودي المهنه اللي انا داخل بيها )

2 - شهادة ميلاد الاطفال غير مصدقه من السفاره السعودية

قلتله طب انا مصدق شهادات الميلاد من الخارجيه المصريه قال لا متنفعش لازم كل الاصول تتصدق من السفاره السعوديه ببلدك وراح مدبس الورقه مع الاوراق بتعتي وقالي ادخل لرئيس القسم ولو اعطاك موافقه تعلالي , دخلت لرئيس القسم بص عالملاحظات اللي كاتبها الموظف وراح حاطط خط تحت عدم تصديق شهادات الميلاد من السفاره السعودية وقالي روح صدق الشهادات الاول من السفاره وبعدين نشوف انت ليك استقدام ولا زيارة طب يهديك يرضيك مدانيش وش وقالي صدق الاوراق الاول وبعدين نشوف . خدت بعضي ومشيت بعد ما اتنرفز عليا من كتر الحاحي وبعت الشهادات علي مصر عشان تصدق من السفاره وقبل ما اكمل اقول ليكوا بعض النقاط الهامه اللي استفدتها من اليوم دا وهي وطبعا بالنسبه لمكتب استقدام الرياض فقط لان كل مكتب وليه نظامه :

** لازم كل اصول شهادات الميلاد وعقد النكاح تتصدق من السفاره والسعوديه ببلدك والخارجية المصريه

** لازم المؤهل يكون مصدق من الخارجية المصرية والسفارة السعودية والملحق الثقافي ولازم الاصول كلها تبقي معاك وانت رايح

** اي مؤهل متوسط ( دبلوم يعني ) ملوش استقدام نهائيا

** يجب ان يتوافق المؤهل العلمي سواء كان مؤهل عالي او فوق المتوسط مع المهنه المعدله ويجب ان تتوافق المهنه المعدله مع نشاط الشركة او المؤسسة والتلاته دول لو اتوافقوا مع بعض ان شاء الله مش هيبقي فيها مشاكل

** لا يهم اذا كان كفيلك مؤسسة ومكتوب في اقامتك اسم الكفيل فلان بن فلان بدون اسم المؤسسه ودي مفيهاش مشكله بالنسبة لمكتب استقدام الرياض

ومن بعض المواقف اللي شفتها هناك

* واحد معدل مهنته الي مهنه اختصاصي تسويق ومؤهله بكالوريوس زراعه اترفض عشان المؤهل مش ماشي مع المهنه

* واحد معدل مهنته الي مهنه اختصاصي تسويق ومعاه ليسانس اداب وكفيله مقاولات اترفض عشان المهنه مش ماشيه مع النشاط

* واحد معدل مهنته الي مهنه محاسب ومعاه دبلوم صناعي اترفض عشان المؤهل متوسط ودي ملهاش علاقه بمكتب العمل يعني مكتب العمل بيعدل المهنه مخلاص بدون ما يدقق بالمؤهل اللي مع الشخص

* واحد مهنته اختصاصي تسويق اصلا ومعاه بكالوريوس صيدله الموظف عمل عليها دايره لكن رئيس القسم وافق له علي الطلب وكتبله لا مانع وكده يبقي خلاص الراجل دا خد استقدام

* واحد معدل مهنته الي مهنة مستشار قانوني ليسانس حقوق ويعمل بمكتب محاماه الموظف كتبها فالملاحظات ورئيس القسم وافق عليهاوكتب لا مانع

* واحد معدل مهنته الي مهنة محاسب عام وناقل كفاله من سنه قبل ما يعدل المهنه ووافق عليه رئيس القسم وكتبله لا مانع

* واحد مهنته فني اتصالات ومعاه مؤهل متوسط اترفض برضه

الخلاصه وهي زي ما قلتلكو المؤهل متوافق مع المهنه والمهنه متوافقه مع النشاط وجميع الاوراق مصدقه من السفاره السعودية يبقي في استقدام ان شاء الله

نرجع لموضوعي

رحت صدقت الشهادات من السفاره السعودية وبعتوهالي وطبعا رئيس القسم كان اتنرفز عليه المره اللي فاتت من كتر الاسئله وكان علم علي طلب الاستقدام ولما زهق مني يوم 20-02 قالي بص انت مالكش استقدام وراح مقطع ورقة الملاحظات وعلم علي الطلب بعلامة زي كلمة لا غيرت انا طبعا الورقه دي بتاعة طلب ااستقدام وعملت واحد جديده عشان لما اروح ميعرفش اني جيتله قبل كده وعلم عليا المهم خدت بعضي ورحت علي الرياض يوم 20-03-2012 وكان اسمي تالت واحد ودي مبتفرقش علي فكره عشان انا لما اترفضت كنت رقم واحد بالكشف المره اللي فاتت , وبعدين دخلنا الصبح كالعاده الموظف قال كله يجهز طلب الاستقدام عالاول ومعاه اصل الاقامه عشان تاخد رقم للشباك خدت الرقم ورحت لنفس الموظف اديته الاوراق وقلتله علي فكره انا جتلك قبل كده وانت رجعتني عشان مكنتش مصدق شهادات الميلاد من السفاره السعودية وخلاص صدقتها والاصول اهه مبصش عليها بصراحه واكتفي انه يبص عالصور اللي انا حاططهاوطلع ورقته وبدا يكتب ملاحظاته عليها وهي بالنسبالي :

1 - نجار مباني

2 - المؤهل محاسبة

وقالي اطلع علي رئيس القسم لو وافقلك عليها هات الورق وتعلالي

طلعت علي رئيس القسم وخليت نفسي السادس او السابع عشان انا عارف الموظف اول ما يقعد والناس بتهجم عليه مزاج امه بيتعكر دخل اول واحد والتاني لقيت مزاجه تمام , دخلت وطبعا دي مبتفرقش الراجل شايف شغله بس انا باخد احتياطاتي , كان اللي قبلي اترفض عشان مؤهله دبلوم , دخلت خد الاوراق بص عالملاحظات اللي كاتبها الموظف قالي وش مهنة مدقق حسابات هذي قلتله مراجع حسابات يا ريس قالي ليش ما سويتها محاسب او محاسب عام قلتله ما هي دي مهنتي اللي انا شغال بيها فعلا قالي اصل المؤهل بتاعك معاك قلتله اه ورحت مطلعهوله ( انا معايا بكالوريوس تجاره - محاسبه ) المهم بص فيه قراه بدقه ومشي صوابعه علي اسمي والمؤهل والشعبة وقلب الشهاده علي ضهرها وقعد يقرا في التصاديق بتاعت السفاره السعودية ويبص عالاختام ولما خلص اداني الاصل وفر في الاوراق يبص عالصور اللي فيها وبعدين راح لاول ورقه وكتب عليها لا مانع طبعا وانا في قمة الذهول ومش مصدق اللي انا شايفه قدام عينيه عملت نفسي اهبل وقلتله شكرا وخدت الاوراق بدون اي تعليق وطيران عالموظف قلتله خد الاوراق انا خدت موافقه والمدير كتبلي لا مانع خد الاوراق بص علي اعتماد رئيس القسم وقالي اجلس انت دلوقتي لغاية ما انده عليك وبصراحه صعبت عليا نفسي وقعدت اعيط من كتر ما انا مش مصدق اني خلاص ربنا فرجهاوان الحلم اللي انا مستنيه من اكتر من خمس سنين خلاص هيتحقق بعد البهدله والحرمان من اعز الاحباب طول السنين دي , المهم نده عليا الموظف واتاكد مني من اسماء عائلتي وفجاه ضغط علي انتر ولقيت الورقه بتطبع واسمي فيها علي الاول ورقم الصادر وتاريخه عرفت ان خلاص الحمد لله ربنا كرمني زي ما كرم ناس كتير فاليوم دا وخدت الورقه الصفرا وسلمت علي ام الموظف وقلتله شكرا , رجعت ورا واتاكدت من البيانات المدخله قبل ما امشي اسم الزوجه وصلة القرابه وجهة الوصول ليها هي والاولاد والحمد لله لقيت كله تمام وخدت بعضي ومشيت , ودي كل القصه وكل الحكايه من البداية للنهاية.

تمنياتي بالتوفيق للجميع

وبعتذر للاخ محمد بك افندي والناس اللي كانت بتتواصل معايا فالفتره دي وانا مردتش عليها والله مكنت عايز اقفلها في وشكوا واجيب ليكوا احباط وكنت مستني لما اخلص خالص واشوف بنفسي ايه اللي بيحصل واحكيلكوا عليه

وعلي فكرة الناس اللي مش هتعرف تخلص في سكك من تحت لتحت بس غاليه شويه بتدخل لها في 12000 ريال سعودي غير الرسوم او اكتر او اقل بس في نفس الرنج وربنا يسهل للجميع

تحياتي

تم تعديل 22 مارس 2012 بواسطة محمود الدكر

[محمد افندى]

الف الف مبروك يا محمود بك

يوصلو بالسلامة ان شاء الله وعقبالنا

ما شاء الله على مجهودك فى سرد كل التفاصيل

وجزيت خيرا