عايز تركن اشترى كارت بـ 11 جنيه !!!!

[a_ragab_itp]

زمان كان الواحد لو عايز ينزل وسط البلد يتمشى شوية كان ينزل ويركن العربية فى أى مكان فاضى وهو بعد ما يتمشى وهو راجع كان يدى للسايس 50 قرش أو جنية لو العملية متيسرة

أما الآن فقد نزلت وسط البلد من قريب اشترى شوية حاجات ففوجئت ان الشوارع تم ملئها بعواميد غريبة وناس لابسين جيلية اصفر غلس جدا وبعد ما ركنت قال لى معاك كارت يا بيه قلتلوا كارت ايه قال لى الركنه بكارت فاشتريته انا قلت هيقولى 3 جنية او خمسة فوجئت انه بـ 11 جنية

المهم لفيت واشتريت شويه حاجات وقعدت على قهوه شربت حجرين معسل ورجعت لقيت الباشا بيقولى ان الكارت فاضل فيه 2 جنية يعنى انا ركنت بـ 3 جنية بدلا من الـ 50 قرش اللى كنت هركن بيها.

السؤال الآن هل هذا الموضوع منطقى لماذا هذا الموضوع ما استفدت انا من النظام الجديد الركنه ام كارت فهم كاتبين على هذا الكارت ان الشركة غير مسئوله عن امان السيارة او المتعلقات الشخصية بداخل السيارة فانا اذا لم استفيد اى شئ من هذا النظام الجديد فلمصلحة من هذا التغيير

والسؤال الأهم هل هذا الموضوع قانونى وماذا سيحدث اذا رفضت اشترى الكارت وطلبت الشرطة لتجبرهم على ان يفكوا الاسر عن سيارتى باعتبارها محتجزة هلى الشرطة هتخليهم يشيلوا يفكوا اسر سيارتى ام ستجبرنى انا على شراء هذا الكارت

أرجو الإجابة فهذا الموضوع منرفزنى جدا ونفسى اخذ موقف فيه لكن مش عارف هتنصف ولا أخد على دماغى

وأسفاه

[Cleo]

أنا لما بحب أنزل زسط البلد بقيت يا إما أخد تاكسى، يا أخد العربية لحد أقرب موقف أوتوبيس مكيف...

الؤكنة فى وسط البلد رخمة جدا... و الونش والمخالفات ما بترحمش..

لو كان ولا بد... أركن فى جراج الأوبرا أضمن و أأمن

[Ahmed Mohsen]

الموضوع ده يا أستاذ رجب بقالو حوالي سنتين أو أكتر .....

وعلي ما أعتقد معترف بيه من الحكومة لأنه كان نشر عنه تحقيق كبير قبل ما يتنفذ في جريدة الأهرام .....

وبعدين يا عم روق ....... يعني هي جت علي دي

تم تعديل 22 نوفمبر 2004 بواسطة Ahmed Mohsen

[عصام]

طالما انت بقى من الناس اللى بتركن وتنزل تاخد حجرين وكوباية شاى ..

يبقى لازم أقابلك :angry:

لا صحيح .. عايز نصيحة؟

لما تنزل وسط البلد إركن فى أى جراج متعدد الطوابق من الموجودة هناك .. وهى كتير بالمناسبة ..

أضمن (احتمالات خبطها بتقل) .. وأرخص بكتير ..