برلمان الثورة المصرية :: متابعة منذ الجلسة الأولى

[م تيمور المراغي]

وإشمعنى مبنى البرلمان اللي حسوا إنه هايخرب وقالوا هانحمية بالروح والدم ؟؟؟

لو هاتقبلوا على أنفسكم تبقوا عساكر أمن مركزي للنظام

يبقى إنزل إحمي ماسبيرو .. وإحمي البنوك اللي عماله تتنهب .. وإنزل إحمي مصانع الأسمنت في سينا اللي متحاصرة بقى لها عدة أيام من البدو وخطفوا النهاردة 25 صيني يعملون هناك بغرض إبتزاز الحكومة .

يا فرحة المجلس العسكري اللي لبس الاخوان في الشعب

ويا فرحة الطرف الثالث الوهمي فينا ....

طظ في مصر

دي ناس بتوع كرسي

وخدوه

انما تقول لي بنوك بتتسرق وحدود بتخترق وخيبر خيبر يا يهود !

بس ناقصهم يونيفورم ازرق زي بتوع كير سيرفيس ,,

مع الدقن كمان حكايه ماقول لكش ,, :happy:

[se_ Elsyed]

ما هو حضرتك لازم نعرف إننا في مرحلة حرية .... وطالما ما فيش عنف ولا تخريب يبقى كل واحد ينزل يقول اللي عاوزه يا فندم ...

أكيد

لكن هناك قلق مبرر عند شباب كثير ان يتكرر سيناريو اندساس من يخرب و يثير المشاكل

لهذا نزلوا لحماية مجلس الشعب

و على ما اعلم هناك مسيرات اخرى الى المجلس لم يحدث معها اي مشاكل او احتكاكات

********

وهانروح بعيد ليه .. إذا كان ده بيحصل يا فندم في قنوات تليفزيونية زي الناس والفراعين وبتوصل بالشتيمة بالام والأب كمان زي ما حصل من توفيق عكاشه والبت اللي معاه ... ما بتعلقيش ليه ؟

ليه الشخصنة طيب؟

كل واحد حر يعلق على ما يريد

يا فندم لا شخصنة ولا حاجه

من يوم 23 وفيه مظاهرات ووقفات كل يوم أمام مبنى البرلمان ... يبقى ليه تنزل الميليشيات دي ويمنعوا أي مصري من الوصول للبرلمان بحجة إن ممكن يحصل تخريب

طب أهو .. اشربوا .. أهو نزل لكم العيال المجانين بتوع الألتراس بالالاف ورايحين يقتحموا الدروع البشرية دي بالرغم من المطر الغزير في القاهرة ...

طب ليه من الاول ما الجيش والشرطة هناك بتسد عين الشمس ... ومحمد محمود مقفول ... والقصر العيني مقفول .. كله بالحواجز والشرطة والجيش ... يبقى كانت ناقصاكم إنتم ؟

على فكرة يا جماعة للمعلومية .... الهوجة والهليلة اللي حصلت وراح ضحيتها 27 مصري في أحداث شارع مجلس الوزرا ... حتى الان الجنزوري يرفض الذهاب لمكتبة هناك ويُفضل التواجد في مبنى وزارة التخطيط بصلاح سالم

[se_ Elsyed]

رصد | القاهرة | مصاب اخر من شباب الاخوان في الاشتباكات امام مجلس الشعب اليوم , ووصول عدد الاصابات الى ما يقرب45 اصابة

وهل سيفرح أي عاقل بإصابة أي حد مهما كان إنتماءه ؟؟؟؟؟؟؟؟؟؟؟؟

كلنا مصريون وكل نقطة دم مصرية تساوي الدنيا كلها

لكن لا داعي للإستفزاز ولا التصعيد ...

ناس رايحه نقول 100 أو 200 ناحية مجلس الشعب .... ليه تصدهم إنت مهما كنت ؟ وهل إنت مدني زيك زينا ولا خلاص أخدت لقب سلطة وقوة شُرطية ؟

[Ahmed Anwer]

قرر شباب مصر الجديدة تكوين لجان شعبية لحماية نائبهم حمزاوي

:)

[نوران]

رصد | نفلا عن الصفحة الرسمية لرئاسة مجلس الوزراء المصرى #RNN

وزارة الصحة:43 مصاب في الاشتباكات التي وقعت أمام مجلس الشعب. تم اسعاف 23 حالة في مكان الحادث من خلال فرق المسعفين العاملة على سيارات

الاسعاف، وتحويل 20 مصاب إلى المستشفيات.

[عماد حمدي]

تدور بعض الإشتباكات الان بين شباب الاخوان والسلفيين اللي نزلوا يحموا البرلمان .. لا أدري ممن !!!!!!! وبين أعضاء من حركتي كفاية و6 إبريل والذين كانوا أتفقوا مسبقاً مع عدد من النواب بمجلس الشعب بان هناك مسيرة سيتم تنظيمها اليوم وسيقوم مندوبون عنهم بتسليمهم طلبات سياسية

ومنعهم شباب الاخوان والسلفيون من الوصول إلى البرلمان وحدثت بعض الإشتباكات بين الجانبين

انا بأستمع لبرنامج الحقيقة لوائل الإبراشي على قناة دريم وكان معه على الخط عدة اعضاء من الحرية والعدالة اللي إتفقوا على إن من حق أي مواطن أني يقابل نواب الشعب وحتى رئيس مجلس الشعب لكن يبقى بمواعيد .. وهو ما فعله المنظمون لتلك المسيرة ...

لكن ما لا أفهمه هو يعني إيه شباب الاخوان والسلفيون ينزلوا يحموا البرلمان ويعملوا دروع بشرية وحواجز امام أي حد حتى لو كانوا بلطجية وجايين يهجموا على البرلمان يولعوا فيه ؟؟؟؟؟؟؟

هو برضوا مش في شرطة وجيش يا جماعة وكانت الدنيا مقلوبة ومليانه الاف من الجنود عشان زيارة رئيس الوزراء للبرلمان وبالتالي أي تجاوز من أي حد مهما كان لابد أن يقابل ضمن منظومة الدولة والقانون ؟

ولا يبقى عندنا ميليشيات مختلفة وتتقلب حرب اهليه

يعني الاقي ميليشيا أخوان

وميليشيا سلفيين

ووميليشيا 6 إبريل

إلخ

انا أسف .. دولة القانون لابد ان تسود ..

ولما نبقى في مظاهرة أو إعتصام يبقى نقول بلاش الشرطة تتدخل عشان ما يحصلش إحتكاك إلا في حالات التجاوز او التخريب ...

لكن امام مؤسسات حيوية لابد ان تكون السيادة للدولة . .. الدولة فقط

لما تكتب حاجة بعد كدة تجيب دليل علي كلامك و تفسره طبقاً للدليل اللي انته جايبة ليه بقا

علشان و لا اقولك إقرا الخبر دا كويس أوي .. لعل و عسى نبطل نفسر ع هوانا بغرض التشويه و خلاص

شباب الإخوان والنور يشتبكون مع 6 أبريل

اشتبك أنصار حزب الحرية والعدالة وحزب النور السلفي مع أعضاء حركة 6 أبريل , في شارع الفلكي امام مقر مجلس الشعب بسبب رفض شباب الإسلاميين وصول مسيرة من حركة 6 أبريل للبرلمان .

أدى ذلك إلى قيام انصار الحرية والعدالة والنور بغلق الشارع لمنع وصول مسيرة حركة 6 أبريل الى المجلس , وبالفعل فور وصول المسيرة حدثت مُشادات بين الطرفين تطورت الى اشتباكات بالأيدي بعد ان قام الاخوان والسلفيون بغلق الشارع بحائط بشري أغلق الشارع تماماً .

وردد شباب الإسلاميين هتافات "ايد واحدة ايد واحدة" قابلها رفع أحذية من قبل أعضاء 6 أبريل الذين رددوا هتافات "ايد وسخة إيد وسخة" , مما جعل انصار الحرية والعدالة والنور يرددون النشيد الوطني.

اقرأ المقال الأصلي علي بوابة الوفد الاليكترونية الوفد - شباب الإخوان والنور يشتبكون مع 6 أبريل

نزلوا عملوا حوائط بشريه .. لان ببساطة أنا مش عارف 6 إبريل جاية تعمل اية و لا ناويه علي اية .

فبأمن المجلس اللي بيمثل الشعب ، و بعدين يوم المظاهرات و الإعتصامات .. مجبتش سيرة الشرطة و الجيش ليه

مهو هما هما شباب الإخوان اللي كانوا عاملين دروع بشريه لتأمين مداخل و مخارج الميدان

كان ساعتها نقول ليه بيعملوا دروع بشريه و فيه شرطة و جيش !!

كل واحد فينا لازم يحمي بلده ، بطريقة حضارية مش بطريقة ( إيد وسخه إيد وسخه ) زي ما ردد 6 إبريل !!

وإنت لما تتكلم يبقى لازم تتكلم بشكل محترم .. أحسن وأفضل لك

لأني قايل إني كنت استمع لبرنامج الحقيقة على قناة دريم وكان على التليفون عضو الحرية والعدالة وهو رئيس لجنة المواصلات

مرة اخرى خد نفسك شويه قبل ما تكتب بهذا الأسلوب .......

راجع أنت مشاركاتك الأخيرة الموجهه لي الفترة الماضية ..

و سيادتك اللي هتعرف مين فينا اللي ياخد نفس ، المعاملة بالمثل يا فندم ..

و مش ترد علي مداخلاتي بعد كدا انا هنا مش بتعامل مع أعضاء

بتعامل مع مشاركات دون النظر بقا مين اللي كاتبها و أسلوب الشخصنه و خلافة ..

كل هنا عالم إفتراضي ،، أحترم القلم اللي بيكتب فقط

و ليس لي علاقة بالشخص صاحب القلم سنه إية بيشتغل اية منصبة اية

أتعامل مع أقلام و كتابات ..

[aimen]

انسحاب نواب الثورة مستمرة والكتلة ومستقلون اعتراضا على منعهم من التعليق على “كتائب الأخوان” لمنع المتظاهرين

انسحب نواب الكتلة المصرية والثورة مستمرة ومستقلون بعد إلقاء وزير الداخلية لبيانه في الجلسة المسائية اليوم .. اعتراضا على رفض الكتاتني رئيس البرلمان لطلباتهم للحديث عن ما أسموه ميلشيات الإخوان التي منعت المتظاهرون من الوصول لنوابهم .. وممارسات رئيس البرلمان وقيامه بتجاوزهم في الدور وطلباتهم للرد على الجنزوري .

وقال زياد العليمي النائب عن الحزب الديمقراطي الاجتماعي إنهم انسحبوا اعتراضا على منعهم من الكلمة للاعتراض على منع أعضاء الاخوان المواطنين من الوصول لنوابهم .. وأشار العليمي إن رئيس البرلمان في الوقت الذي اتاح لرئيس الحكومة أكثر من ساعة للحديث خارج موضوع الجلسة فإنه قام بتجاوز طلبات عدد من النواب للتعليق عليها وأعطى الكلمة لنواب الحرية والعدالة و النور .. وأضاف العليمي إن ممارسات رئيس الجلسة استمرت في الجلسة التالية وتم منع النواب من الحديث عن المهزلة التي كانت تجري خارج البرلمان ومنع كوادر الإخوان للمتظاهرين من الوصول لنوابهم .. كما تم منعهم من التعليق على كلمة وزير الداخلية والتي برر فيها استمرار الطوارئ وهو ما دفعنا للانسحاب والخروج للوقوف مع المتظاهرين الذين لجئوا إلينا.

وقال النائب البرلماني مصطفي الجندي عضو الهيئة البرلمانية لتحالف الثورة مستمرة أن سبب انسحاب النواب هو توزيع الدكتور سعد الكتاتني رئيس مجلس الشعب المداخلات بين أعضاء حزب الحرية الحرية والعدالة وعدم السماح لهم بالحديث طوال جلسة البرلمان.

وأضاف ” الجندي” لـ” البديل” أن الكتاتني رفض مداخلة عدد من الأعضاء بينهم أعضاء من حزب الحرية والعدالة نفسه – حسب قوله – بسبب اعتراضهم علي ما أسموه بكتائب الجماعة التي أحاطت البرلمان لمنع المتظاهرين لإيصال طلباتهم لأعضاء المجلس وأحداث العنف التي حدثت في هذا الشأن، متوقعا أن يكون الكتاتني أنهي جلسة اليوم مبكرا لهذا الأمر.

وأشار ” الجندي” أن الإخوان المسلمين حشدت أعضاءها أمام البرلمان صباح اليوم لعلمها بوصول مظاهرات احتجاجية للمجلس بغرض منع المتظاهرين من تقديم طلباتهم، وتساءل عن دور قوات التأمين من الجيش والشرطة من الأحداث، وسماحها لأعضاء الإخوان بالوقوف لمنع المتظاهرين السلميين من مقابلة نوابهم .

وأكد الجندي أن نواب الثورة مستمرة وآخرون سيتقدمون غدا ببيانات عاجلة لرئيس المجلس بخصوص أحداث اليوم، وتابع” إذا كان الجيش والشرطة عاجزون عن حماية البرلمان فليخبرونا بذلك”.

[عماد حمدي]

غريب جداً اني مشوفتش ولا تعليق لما الثوار ال 100 و لا 200 دول

بصقوا و رفعوا أحذيتهم و توجيه إهانات و استفزازات لشباب الإخوان و مع ذلك كانوا بيقابلواهم بترديد شعار إيد واحدة وابتسامة

و برده الثوار رافعين أحزيتهم و أفعال و إشارات مش مُحترمة

و أصيب في هذه الحادثة 11 فرد منهم واحد شبكيه عينه إتدمرت ..

ليس دفاعاً عن الإخوان او غيرهم

بس عايزين حيادية

مشاركات في مواضيع أخري ، شكراً لشباب الإخوان علي ضرب هدي و سامية و فايزة

موضوع ماذا يحدث أمام ماسبيرو !!!!!

تم تعديل 31 يناير 2012 بواسطة عماد حمدي

[م تيمور المراغي]

غريب جداً اني مشوفتش ولا تعليق لما الثوار ال 100 و لا 200 دول

بصقوا و رفعوا أحذيتهم و توجيه إهانات و استفزازات لشباب الإخوان و مع ذلك كانوا بيقابلواهم بترديد شعار إيد واحدة وابتسامة

و برده الثوار رافعين أحزيتهم و أفعال و إشارات مش مُحترمة

و أصيب في هذه الحادثة 11 فرد منهم واحد شبكيه عينه إتدمرت ..

ليس دفاعاً عن الإخوان او غيرهم

بس عايزين حيادية

مشاركات في مواضيع أخري ، شكراً لشباب الإخوان علي ضرب هدي و سامية و فايزة

موضوع ماذا يحدث أمام ماسبيرو !!!!!

مش من حق الاخوان منع الثوار من التظاهر في اي مكان في مصر

ونصيحه انها ماتتكررش منهم تاني

خليهم عاقلين كده وبكرامتهم احسن ,,

مش كان دايما شعارهم الحنكه والحكمه والتريث !

WWW.youtube.com/watch?feature=player_embedded&v=qrfAol_JJUg

[م تيمور المراغي]

http://www.youtube.com/watch?v=DNAfwoCf0a0

[Om Zayd]

على الهامش

بلدنا بالمصري لما عرض تقرير عن رفض مجلس الشعب للتعدي على سلطته ..اختار ان يبدأ بحمزاوي رغم انه لم يكن اول من تحدث في الموضوع.. و سبقه حسين محمد إبراهيم رئيس الهيئة البرلمانية لحزب الحرية والعدالة

[capitshino]

ايه يا عم تيمور ... انت غيرت ولا ايه

بقيت من دعاة الحرب الاهلية ؟

[Om Zayd]

الخضيري و العليمي على العاشرة مساء

[متعب]

http://www.youtube.com/watch?v=TN3j0mJ0qck

[se_ Elsyed]

إنسحاب شباب الاخوان من أمام البرلمان بعد تزايد كبير لعدد المتظاهرين

طب كان ليه من الأول وتعملوا من نفسكم أعداء ؟

[se_ Elsyed]

لا يصح إلا الصحيح

عصام العريان لمصراوي: حماية مجلس الشعب مسؤولية الجيش والشرطة

http://www.masrawy.com/news/Egypt/Politics/2012/January/31/4774447.aspx

[متعب]

العريان ده يروح يلبس حاجه عشان البرد بس

اولا معروف ان انتماء الاخوان ال بيقولوا عليهم مسلمين دول انتماء من الدرجه الاولى والاخيرة للجماعه وليس لاى شىء اخر

يعنى انتمائهم للجماعه يفوق الله نفسه مش الاسلام

ومفيش حد فيهم بيتصرف من نفسه . استحاله ده يحصل كأ أستحاله السقوط للاعلى

يعنى شباب الاخوان لما يوصلوا بالاعداد دى لمقر مجلس الشعب ده مبرمج واتفاق واوامر عليهم انهم يكونوا متواجدين

واعتقد مفيش حد يختلف فى ده لانها مش حاله فرديه او مجموعه شخصيه

دول كانوا عامليين حائط بشرى

كونه انه يقول انا معرفشى او مشفتش يبقى كده بيضحك على نفسه مش علينا

وانا مش هعيد كلامى ال سبق

بس الهجوم لو عليهم يبقوا ميعرفوش لو لصالحهم يلتزموا الصمت ولا نشوف اى تعليق ايا ان كان

لما لقى الشباب زفتهم زفه ولا الحرميه ال طالعين بسريقه مش من مجلس الشعب لازم يقول كلام من العبط الرسمى ده

وعلى رآى المثل

المضطر يركب التاكسى

[aimen]

لا يصح إلا الصحيح

عصام العريان لمصراوي: حماية مجلس الشعب مسؤولية الجيش والشرطة

http://www.masrawy.c...31/4774447.aspx

النائب عصام سلطان : من حق الشباب المصري كله بما فيه الاخوان النزول لحمايه المنشآت بعدما حدث في مجلس الوزراء والمجمع العلمي و أنا لا ارى في موقف شباب الاخوان أي شئ

عصام سلطان بيقول الشباب اللى كان جاى من جامعة القاهرة كان جاى مشحون وان شباب الاخوان حموا مجلس الشعب من العناصر المندسة

احسن حاجه فى الإنترنت انها لا تنسى

دا غير الكلام اللى البلتاجى عمال بيقوله فى برنامج اخر كلام مع يسرى

البلتاجى: كل المظاهرات التى خرجت منذ أحداث البالون حتى الآن كانت موجهه وهدفها تعطيل مسيرة الديمقراطيه

خلينا نستوضح الأمور ونعرف اد ايه حنخصم من رصيد عصام سلطان ومحمد البلتاجى

[elzahraa]

اللي شوفناه صور شباب الاخوان وهم متعورين ممكن صورة واحدة تأكد ان شباب الاخوان اعتدو على حد؟

كليب البنت واعتداءات العسكر اتنشرت في ثواني مش معقوله محدش هناك كان معاه كاميرا في تلفونه

و بالمناسبة ايه اصل الخبر دا؟

متظاهرو ماسبيرو يحتجزون فتاتين تعديتا بالسب على المتظاهرين

تعدت فتاتان اقتحمتا مقر المعتصمين بماسبيرو، على المعتصمين بسبهم، مما دفع المعتصمين إلى الاعتداء على فتاتين بالضرب، وقد تدخل عدد من المعتصمين وقاموا بأخذ الفتاتين واحتجازهما داخل إحدى خيام الاعتصام.

ومن جانب آخر، قامت فتاة تقود سيارة بمحاولة لتفريق المتظاهرين بسيارتها عن الفتاتين، دون وقوع أى إصابات فى صفوف المتظاهرين، فيما يتعقبها بعض المتظاهرين للإمساك بها، بينما طالبهم زملاؤهم بالعودة إلى مقر الاعتصام وعدم تتبعها بهتافات "ارجع.. ارجع".

وفى السياق ذاته، قام شباب المعتصمين بإغلاق طريق كورنيش النيل المتجهة إلى مناطق شبرا وإمبابة أمام السيارات تماماً، الأمر الذى أدى إلى وجود حالة من الارتباك المرورى بشارع كورنيش النيل.

http://www.youm7.com/News.asp?NewsID=591523

وبردو عايزة تفسير ليه مظاهرة مصرنا خلصت على خير

و كل ما ينزل الالتراس في مظاهرة تقلب اشتباكات

[م تيمور المراغي]

عام 1937 طالب النحاس بالحد من نفوذ الملك على مؤسسات الدولة

وخرج المصريين يهتفون "الشعب مع النحاس" ، فخرجت الاخوان تهتف "الله مع الملك"

فما الجديد ؟!!