برلمان الثورة المصرية :: متابعة منذ الجلسة الأولى

[ام سلمي]

كم انت سليم النية ايها الشعب المصرى

يا ام سلمى الله يكرمك بقى الوزيرة سابت كل اللى وراها و راحت مخصوص لرئيس مجلس الشعب فى مكتبه عشان تقوله انا اسفة

ده على اساس ان اى اسف رسمى يصدر من مكتبها او منها شخصيا من مكتبها غير كافى و بعدين تتاسف للكتاتنى ليه المفروض اعتذار رسمى للحكومة المصرية

بالله عليكم ..؟

لا داعى لتجميل الاكذوبات فهكذا بدانا مع الحزب الوطنى

بالتاكيد الوزيرة كان عندها حاجات اهم من الاعتذار تقولها للكتاتنى عشان تجيله فى التوقيت ده بالذات

و مع تحياتى للاتفاقات الغير معلنة دوما الا التى تنشر بعدها بسنوات فى مذكرات رؤوساء الدول السابقين

يا استاذة مؤمنة الجزء الاول في الخبر الخاص ان السفيرة طلبت التدخل من وزير العدل علشان الامريكان و رفض نواب مجلس الشعب الطلب ده موجود علي

جريدة الاهرام لان رفض النواب تم فعلا في جلسة البرلمان

و فعلا السفيرة بعدها عملت اجتماع مع الكتاتني ، يعني كل الجزء ده ما فيش فيه مجال للكذب

اما بقي كونها اعتذرت في المقابلة ، فانا مش شايفة سبب لتكذيب الخبر ده ، الاصل اننا نصدق الناس في كلامهم

اما كون الاعتذار هو السبب الوحيد للزيارة فالخبر اللي انا حطيته ما قالش كدة ، فقط قال انها قدمت اعتذار اثناء الزيارة

ودي اول مرة تحصل ومن حقنا نفتخر

ده الخبر من جريدة الاهرام

التقى الدكتور محمد سعد الكتاتنى رئيس مجلس الشعب بمكتبه اليوم السفيرة الامريكية بالقاهرة ان باترسون.

كانت الجلسة المسائية التى عقدها مجلس الشعب امس قد شهدت اعتراضا من النواب على خطاب ارسلته باترسون لوزيرالعدل تطالب فيه بالغاء قرار منع سفر عدد من المواطنين الامريكيين الذين يجرى التحقيق معهم على خلفية قضية تمويل عدد من منظمات المجتمع المدنى الموجودة فى مصر.

وصرحت مصادر برلمانية بان لقاء رئيس مجلس الشعب الدكتور محمد سعد الكتاتنى بالسفيرة الامريكية اليوم قد تناول تطورات المرحلة القادمة حيث اطلعها الكتاتنى على طريقة عمل المجلس وتركيبته السياسية حاليا .

وقالت المصادر ان السفيرة ان باترسون قدمت التهنئة للدكتور الكتاتنى على انتخابه رئيسا لمجلس الشعب .

http://www.ahram.org.eg/The-First/News/128544.aspx

تحياتي لحضرتك

[نوران]

رصد | فضائيات | الحياة 1 | عاجل | المجلس الاستشارى يوصى بفتح باب الترشح للرئاسة فى 24 فبراير

[نوران]

رصد | متابعات | نادر بكار عبر فيسبوك : ما نشرته بوابة الأهرام عن اجتماع لجنة الدفاع محض كذب وافتراء.... تأكدت بنفسي من

النائب السيد مصطفي وكيل اللجنة أن اللجنة لازالت منعقدة لم تخرج بيانها بعد ؛ ويستحيل أن توصي بإطلاق النار علي مواطن مصري

أياً كانت الظروف #RNN

[نوران]

رصد | فضائيات | الحياة 1 | عاجل | المجلس الاستشارى يوصى بفتح باب الترشح للرئاسة فى 24 فبراير

رصد | المجلس الاستشاري يوصي بفتح باب الترشح لانتخابات الرئاسة في 23 من فبراير الجاري ويطالب بهيكلة الداخلية وإحالة المحسوبين على النظام السابق للتقاعد #RNN

[se_ Elsyed]

عقد المجلس الاستشارى اجتماعا طارئا اليوم السبت على خلفية أعمال العنف التى شهدها ستاد بورسعيد يوم "الأربعاء" الماضي وأعمال العنف الدائرة حاليا في محيط وزارة الداخلية.

وأعلن المجلس أنه أوصى المجلس الأعلى للقوات المسلحة بفتح باب الترشح لانتخابات رئاسة الجمهورية في 23فبراير الجاري، واعتقال رموز النظام السابق وخصوصا مسئولى لجنة السياسات بالحزب الوطنى المنحل، وعزل الضباط المحسوبين على النظام السابق، وتشكيل لجنة قومية لإعادة هيكلة وزارة الداخلية، ومحاسبة المتسببين فى أحداث بورسعيد.

اقرأ المقال الأصلي علي بوابة الوفد الاليكترونية الوفد - الاستشارى يوصى بفتح باب الرئاسة 23 فبراير

[Scorpion]

يا سي السيد .. حضرتك نسيت تحط تعليقك عالخبر اللي فات .. يعني ده كويس و الا مش كويس ..

ابتدي أخزن رز و عدس و زيت في اوضة الكرار و الا حتفرج ان شاء الله

[se_ Elsyed]

يا سي السيد .. حضرتك نسيت تحط تعليقك عالخبر اللي فات .. يعني ده كويس و الا مش كويس ..

ابتدي أخزن رز و عدس و زيت في اوضة الكرار و الا حتفرج ان شاء الله

يعني لازم تلف وتدور

رز + عدس + زيت ... ما تقول كشري وتريحنا

تعليقي على الخبر منشان عيونك .... إن ده لا يعدوا كونه كلام في الفسحه .... فالمجلس الأستشاري هو إفتكاسة من إفتكاسات المجلس السمكري .. وكان من الأولى يبقى مستشارية من مجلس الشعب المنتخب الذي عبر عن إرادة الشعب والـ 500 عضو دول بيمثلوا 85 مليون غصب عن التخين ...

أما موضوع فتح باب الترشح يوم 28 فبراير ... دي حاجه كده كأنك ماسك قطارة وبتقطر لواحد هايموت من العطش في بؤه .... والنقط دي مش هاتحوق معاه لأنه بيموت ...

فلماذا لم ينقطونا زيادة ويضعوا جدول زمني للطعون ولإجراءات الترشح وللإنتخاب والإعادة ثم إستلام الجثة من السمكري ؟

ولا دي عاوزه لها مدبحة تانية عشان يقولوا ويريحونا ؟؟؟؟؟؟؟؟

يا عزيزي سنيور جيوفاني ... هي لعبة تكسير عظام بين شعب عظيم يمثله شباب ثائر لا يرضى بالدنية ... وبين عصابة حرامية بتحاول تخرج بأكبر قدر من السبابيب - جمع سبوبة -

وبإذن الله سينتصر الحق .. لان ربنا هو الحق ... والحق مع الشعب

[hanzalah]

وبإذن الله سينتصر الحق .. لان ربنا هو الحق ... والحق مع الشعب

انتصار الثورة مسألة ليست محل شك لانها ثورة حق وتبحث عن العدل وتصمم على الحرية

الاشكالية ان ينفصل السادة في الكراسي المنجده عن نبض الشارع الذي وضعهم على الكرسي

كأن توصي لجنة موقرة من المجلس الموقر سيد قراره ان نبني جدار خرساني حول الداخلية ومن يتعداه نموته

كلام خايب وتافه ولايستحق عناء الاستماع اليه

يعني تمخض الجبان فولد جبناً

وكما قال بلال فضل منذ قليل

حقيقة فيزيائية: يتناسب إرتفاع الجدار الخرساني العازل طرديا مع عرض خيبتك في إدارة شئون البلاد

وإرتفاع فشلك في تحقيق العدل

وعمق خوفك من الثورة

------

شكرا لسيادة النائب جدا

اقعد

اللي بعده

------

وطالما تكلمنا عن الشعب

فهذا الشعب الذي أؤمن به وأفديه بدمي

هذا الشعب الذي سينتصر برغم تفاهة النواب وحقد العسكر وخيانة الداخلية

هذا الشعب الذي رأيته في كنيسة الدوبارة المصرية المسلمة

شكرا شعب مصر

يارب النصر لمصر

[ام سلمي]

ملخص كلام البلتاجى على قناة سي بي سي

- نظام مبارك الامنى مازال يحكم مصر

- هناك خطه ممنهجة للاشتباكات بين الطرفين عند وزارة الداخليه

- طلبنا تقرير عما يحدث الان بمصر من كلاً من (المخابرات العامه-الامن الوطنى-الامن العام)

وان لم يعطونا تقارير عما يحدث فالجلوس فى البيت اكرم لهم

- سنضغط على المجلس العسكرى ليقوم باقالة النائب العام الذى يحسب على النظام القديم

- سؤال مهم يجب ان نطرحه على وزير الداخليه الحالى هل له كل الصلاحيات داخل الوزاره ام ان الوزاره تدار بمعرفة المجلس العسكرى

- طلبنا من مساعد وزير الداخليه اليوم ان تنفذ لوائح السجون على عصابة طرة ويتم تفريقهم وقطع الاتصال عنهم داخل الزنازين وات يتم نقل المخلوع الى مستشفى السجن واعطاناه مهله 24ساعه للتنفيذ

- لست مع انتقال السلطه الى مجلس الشعب ولا مجلس رئاسى مدنى ولكنى مع انتقالها الى رئيس مدنى منتخب فى اسرع وقت وليكن بعد مجلس الشورى وتكون على التوازى مع لجنة اعداد الدستور

- احنا نازلين الان عند وزراة الداخليه لمناقشة الهدنه معمل كردون حول الوزارة

- حق التظاهر مكفول لكل الشعب سلميا دون المساس الى مؤسسات الدوله

- مازال المجلس العسكرى يلاعبنا بنفس اسلوب مبارك (انا او الفوضى من بعدى )

- ستعيش مصر فى امن وامان رغم كل الضغوط

[محمد عبدالعزيز]

حسبى الله ونعم الوكيل.

يعنى احنا كنا محتاجين اللجنة تجتمع وتناقش وتطلع توصيات عشان تعيد الكلام تانى؟!!!

كل التوصيات دى طلبات قدمها أكثر من نائب وكلنا شاهدنا الجلسة واندهشنا إن كل الطلبات دى تم تجاهل التصويت عليها من قبل رئيس المجلس واكتفى فقط بطلب الاتهام اللى قدمه عصام العريان.

لما هو كلام جميل كده وصفحة حزب الحرية والعدالة بتهلل له والإخوان عاملين بيه فرح وتعالوا شوفوا برلمان الثورة وناقص يقولوا شوبش يا حبايب الثورة....

والله عيب الكلام ده. عيب لما تنعقد جلسة طارئة عشان 75 شاب ماتوا وبعدين يتم تجاهل التصويت على الطلبات دى عشان اللجنة تجتمع وتطلع توصيات وتحكى فى المحكى.

عيب يخلوا الناس تطلع من هدومها وكل واحد له دم وتار يحس إن مفيش حد حيرجعله حقه, وهما على قلبهم مراوح بالشكل ده ويطلعوا بعد 4 أيام يقولوا نفس الكلام اللى اتقال ولسه عاوزين يناقشوه بكره.

حسبى الله ونعم الوكيل.

[Abu Reem]

حسبى الله ونعم الوكيل.

يعنى احنا كنا محتاجين اللجنة تجتمع وتناقش وتطلع توصيات عشان تعيد الكلام تانى؟!!!

كل التوصيات دى طلبات قدمها أكثر من نائب وكلنا شاهدنا الجلسة واندهشنا إن كل الطلبات دى تم تجاهل التصويت عليها من قبل رئيس المجلس واكتفى فقط بطلب الاتهام اللى قدمه عصام العريان.

لما هو كلام جميل كده وصفحة حزب الحرية والعدالة بتهلل له والإخوان عاملين بيه فرح وتعالوا شوفوا برلمان الثورة وناقص يقولوا شوبش يا حبايب الثورة....

والله عيب الكلام ده. عيب لما تنعقد جلسة طارئة عشان 75 شاب ماتوا وبعدين يتم تجاهل التصويت على الطلبات دى عشان اللجنة تجتمع وتطلع توصيات وتحكى فى المحكى.

عيب يخلوا الناس تطلع من هدومها وكل واحد له دم وتار يحس إن مفيش حد حيرجعله حقه, وهما على قلبهم مراوح بالشكل ده ويطلعوا بعد 4 أيام يقولوا نفس الكلام اللى اتقال ولسه عاوزين يناقشوه بكره.

حسبى الله ونعم الوكيل.

سبحان الله..يعني هي التهمة دلوقت بقت لمجلس الشعب سواء قام بدوره ام لم يقوم

ياعزيزي ، ماهو لازم اللجنة تقدم توصياتها علشان يكون من الممكن التصويت على هذه التصويات لكي يتم اصدار قرار بشأنها... يعني مينفعش ياخدوا اي قرار كده بالبركه ..الا لما يكون فيه توصيات...معروفة...

يعني هذه هي الاجراءات المتبعة...

وصراحة كل ما في التوصيات رائع وجميل...فلننتظر لنرى ماذا سيتم بشانها...

الحقوق لكي تأتي لابد ان تأتي بطريقة مشروعة وإلا اي واحد يستيطع تقديم طعن بعد ذلك في اي شيء ونخرج من هذا كله بدون اي حقوق....

- وبعدين يعني هي الناس اللي عند وزارة الداخلية قدرت ترجع الشهداء اللي ماتوا ..وهل قدرت حتى تقدم المتهمين للمحاكمة..وهل قدرت ان تحقق اي مكاسب لاهالي الشهداء باذن الله ،

- يعني مش لا زم نشوف كل حاجة بتحصل نقول عليها وحشه وخلاص....خلي مجلس الشعب يقوم بدوره الصحيح ونخلي ضغط الثورة المنظمة السلمية يقوم بدوره هو الاخر...

تم تعديل 5 فبراير 2012 بواسطة Abu Reem

[محمد عبدالعزيز]

حسبى الله ونعم الوكيل.

يعنى احنا كنا محتاجين اللجنة تجتمع وتناقش وتطلع توصيات عشان تعيد الكلام تانى؟!!!

كل التوصيات دى طلبات قدمها أكثر من نائب وكلنا شاهدنا الجلسة واندهشنا إن كل الطلبات دى تم تجاهل التصويت عليها من قبل رئيس المجلس واكتفى فقط بطلب الاتهام اللى قدمه عصام العريان.

لما هو كلام جميل كده وصفحة حزب الحرية والعدالة بتهلل له والإخوان عاملين بيه فرح وتعالوا شوفوا برلمان الثورة وناقص يقولوا شوبش يا حبايب الثورة....

والله عيب الكلام ده. عيب لما تنعقد جلسة طارئة عشان 75 شاب ماتوا وبعدين يتم تجاهل التصويت على الطلبات دى عشان اللجنة تجتمع وتطلع توصيات وتحكى فى المحكى.

عيب يخلوا الناس تطلع من هدومها وكل واحد له دم وتار يحس إن مفيش حد حيرجعله حقه, وهما على قلبهم مراوح بالشكل ده ويطلعوا بعد 4 أيام يقولوا نفس الكلام اللى اتقال ولسه عاوزين يناقشوه بكره.

حسبى الله ونعم الوكيل.

سبحان الله..يعني هي التهمة دلوقت بقت لمجلس الشعب سواء قام بدوره ام لم يقوم

ياعزيزي ، ماهو لازم اللجنة تقدم توصياتها علشان يكون من الممكن التصويت على هذه التصويات لكي يتم اصدار قرار بشأنها... يعني مينفعش ياخدوا اي قرار كده بالبركه ..الا لما يكون فيه توصيات...معروفة...

يعني هذه هي الاجراءات المتبعة...

وصراحة كل ما في التوصيات رائع وجميل...فلننتظر لنرى ماذا سيتم بشانها...

الحقوق لكي تأتي لابد ان تأتي بطريقة مشروعة وإلا اي واحد يستيطع تقديم طعن بعد ذلك في اي شيء ونخرج من هذا كله بدون اي حقوق....

- وبعدين يعني هي الناس اللي عند وزارة الداخلية قدرت ترجع الشهداء اللي ماتوا ..وهل قدرت حتى تقدم المتهمين للمحاكمة..وهل قدرت ان تحقق اي مكاسب لاهالي الشهداء باذن الله ،

- يعني مش لا زم نشوف كل حاجة بتحصل نقول عليها وحشه وخلاص....خلي مجلس الشعب يقوم بدوره الصحيح ونخلي ضغط الثورة المنظمة السلمية يقوم بدوره هو الاخر...

ده بفرض إن كلامك صحيح وإن لازم لجنة تنعقد وتصدر توصيات...وهى اللجنة دى ماينفعش تنعقد وتجمع الطلبات اللى اتقالت وتطلع بها فى صورة توصيات فى نفس اليوم؟ ولا النواب وراهم حاجة تانية؟

بالعكس بقى... عصام سلطان قال إن دور اللجان معاون فقط, يعنى مش شرط كل القرارات تطلع من اللجان.

لازم يكون فى أداء ثورى عشان نقول ده برلمان ثورة, إنما الأداء بتاع فوت علينا بكره يا سيد ده والختم مش واضح, وأصل جناح النسر الريش بتاعه منتوف, يبقى عليه العوض ومنه العوض.

مش عارف أقول لك إيه بصراحة عن الناس اللى عند وزارة الداخلية, بس أى حد المفروض يحط نفسه مكانهم عشان يعرف هما بيتصرفوا كده ليه, لما يكون فيهم اللى ابنه ولا قريبه ولا صاحبه مات ومش لاقى حد يجيب له حقه بالقانون, يبقى ماحدش يلوم عليه.

ويبقى وقتها اللى عايز ينتظر ينتظر براحته, بس مالوش الحق يلوم على صاحب الحق إنه بيدور على حقه.

[se_ Elsyed]

ضربة معلم للجنة التشريعية اليوم

" تفعيل قانون محاسبة الوزراءة الصادرة سنة 58 "

لا أعتقد إن المحاسبة هاتبقى سياسية .. يعني أو إتخذ قرار بحسن نية وبدراسة مش هايتحاسب عليه إلا لو كان فيه تواطء أو شبهة جنائية ....

أي وزير بعد كده هايحسبها مليون مرة قبل ما يقبل المركز ده

[se_ Elsyed]

تشريعية الشعب توافق على تطبيق قانون محاكمة الوزراء على وزير الداخلية.. وسلطان يفجر مفاجأة ويؤكد سريان قانون 56 الخاص بمحاكمة رئيس الجمهورية.. والخضيرى يرد: "شدوا حيلكم وهاتوا رجل الراجل الكبير"

[abaomar]

ضربة معلم للجنة التشريعية اليوم

" تفعيل قانون محاسبة الوزراءة الصادرة سنة 58 "

لا أعتقد إن المحاسبة هاتبقى سياسية .. يعني أو إتخذ قرار بحسن نية وبدراسة مش هايتحاسب عليه إلا لو كان فيه تواطء أو شبهة جنائية ....

أي وزير بعد كده هايحسبها مليون مرة قبل ما يقبل المركز ده

السلام عليكم

و الله براوه عليك يا س س يا خويا

و ايوه كده يا مجلس ورينا الشغل التمام

..

طبعا انا مش عاوز اسبق الاحداث و لكن حابب اكرر ما قلته من قبل

ستجدون برلمان غير مسبوق فى مصر و الامور ستتغير تماما بس ..شويه صبر يا احمد

شويه صبر يا محمد و يا تيمور

لو بجد عاوزين الامور تظبط سيبوا الناس تشتغل و مش لازم نستعجل

ثقوا ان نواب الشعب جلهم من اصحاب العلم و الخبره

و من ذاق مراره الظلم و الاضطهاد اكثر من تطلب منه ان يعدل

ليس و الله مدحا او تزكيه للاخوان و السلفيين و لكنها الحقيقه التى اراها امام عينى

..

اتركوا فرصه للناس تشتغل و لنهدأ قليلا و نرى

و صدقونى ..ياما فى الجراب يا مجلس :P

تم تعديل 6 فبراير 2012 بواسطة abaomar

[الدكتور ياسر]

أرى أن البرلمان يسير في الطريق الصحيح ..

البرلمان لم يخذل الثورة بل على العكس هو يسلك الطريق القانونى و التشريعى

الذى لن يعطى بإذن الله ثغرة لنقض من فلول النظام او انصاره ممن لا يزالون في السلطة ..

امنحوا البرلمان الفرصة والتفوا حوله .. ولتكن التظاهرات دعما له و ليس تقويضا لأعضائه ..

الأداء الحالى للبرلمان الغير مسبوق سيجبر أى مسئول أن يراجع نفسه كثيرا وكثيرا جدا قبل ان يقبل

المهمة الثقيلة المكلف بها ...

[se_ Elsyed]

إزاي رئيس مجلس الشعب يسمح بالمسخرة والتخريف بتاع بعض المنافقين والمطبلاتية زي مصطفى بكري ده ؟

بكرى: البرادعى يحرّض عملاء الأمريكان

- سمر فواز: منذ 29 دقيقة 47 ثانية

اتهم النائب مصطفي بكري الدكتور محمد البرادعي المدير العام السابق للوكالة الدولية للطاقة الذرية بأنه يحرض عملاء الامريكان والصهاينة فى مصر، موضحا أن هدف التظاهرات الآن هو تدمير الدولة متسائلا: من يقوم بالوقوف وراء هؤلاء؟

وأكد بكري ان صورة مصر فى الخارج الآن فضيحة لصالح عملاء الخارج وعملاء الامريكان والصهاينة الذين يريدون لمصر الخراب، واتهم البرادعي بانه يحرض عملاء امريكا والخارج .

وأكد بكري في كلمته اليوم ان البلطجي الذي يتعدي علي المؤسسات ويقوم بحرقها، لا يستحق أبدا الدفاع بل يجب تفعيل القانون بكل وضوح وصراحة، وأشار إلى ان وزارة الداخلية تواجه حربا ومجلس الشعب لا يملك سوي اللجان والكلمات.

وطالب بكري بأن تمنح وزارة الداخلية حقها الشرعي فى الدفاع الشرعي بمسافة معينة ومن يجتاز المسافة يجب تفعيل القانون، بالاضافة الي قانون تنظيم المظاهرات والاستشهاد بالقانون الامريكي والبريطاني فى صياغته، لتحديد اماكن التظاهرات منعا للفوضي التي تحدث الآن، موضحا ان نواب مجلس الشعب المنتخبين بناء علي شرعية الشعب يخشون الخروج من المجلس من الباب الرئيسي ويقومون بالتسلل عبر الأبواب الخلفية .

اقرأ المقال الأصلي علي بوابة الوفد الاليكترونية الوفد - بكرى: البرادعى يحرّض عملاء الأمريكان

هي بقت كده ؟ أي واحد قاعد على القهوة يتهم حد بدون أدلة وكأنه النائب العام والقاضي والجلاد ؟

[ام سلمي]

إزاي رئيس مجلس الشعب يسمح بالمسخرة والتخريف بتاع بعض المنافقين والمطبلاتية زي مصطفى بكري ده ؟

بكرى: البرادعى يحرّض عملاء الأمريكان

- سمر فواز: منذ 29 دقيقة 47 ثانية

اتهم النائب مصطفي بكري الدكتور محمد البرادعي المدير العام السابق للوكالة الدولية للطاقة الذرية بأنه يحرض عملاء الامريكان والصهاينة فى مصر، موضحا أن هدف التظاهرات الآن هو تدمير الدولة متسائلا: من يقوم بالوقوف وراء هؤلاء؟

وأكد بكري ان صورة مصر فى الخارج الآن فضيحة لصالح عملاء الخارج وعملاء الامريكان والصهاينة الذين يريدون لمصر الخراب، واتهم البرادعي بانه يحرض عملاء امريكا والخارج .

وأكد بكري في كلمته اليوم ان البلطجي الذي يتعدي علي المؤسسات ويقوم بحرقها، لا يستحق أبدا الدفاع بل يجب تفعيل القانون بكل وضوح وصراحة، وأشار إلى ان وزارة الداخلية تواجه حربا ومجلس الشعب لا يملك سوي اللجان والكلمات.

وطالب بكري بأن تمنح وزارة الداخلية حقها الشرعي فى الدفاع الشرعي بمسافة معينة ومن يجتاز المسافة يجب تفعيل القانون، بالاضافة الي قانون تنظيم المظاهرات والاستشهاد بالقانون الامريكي والبريطاني فى صياغته، لتحديد اماكن التظاهرات منعا للفوضي التي تحدث الآن، موضحا ان نواب مجلس الشعب المنتخبين بناء علي شرعية الشعب يخشون الخروج من المجلس من الباب الرئيسي ويقومون بالتسلل عبر الأبواب الخلفية .

اقرأ المقال الأصلي علي بوابة الوفد الاليكترونية الوفد - بكرى: البرادعى يحرّض عملاء الأمريكان

هي بقت كده ؟ أي واحد قاعد على القهوة يتهم حد بدون أدلة وكأنه النائب العام والقاضي والجلاد ؟

لا هو الكتاتني ما سمحلوش ، قاطعه كذا مرة وقال له ما تقولش اسم حد ، يتهيأ لي حتي ما خلاهوش يكمل باقي كلمته

[se_ Elsyed]

نفس المدرسة

نفس المنهج

وزير الداخلية حتى دقائق بيحلف بالطلاق غن ما فيش خرطوش بينضرب على المتظاهرين عند وزارة الداخلية

ومراسل التليفزيون المصري وبالفم المليان قال له يا كذاب في خرطوش .. والدليل أن أول إمس إنضرب في عينه وعينه راحت وقال إن الشرطة هي اللي ضربته

وأمبارح نقيب الأطباء وبنته اللي في منظمة أطباء بلا حدود نزلوا عشان يساهموا في التهدئة .. والشرطة ضربتهم هام الأتنين بالخرطوش

وسعد الكتاتني ناشد الداخلية إنها ما تتضربش خرطوش ..

بعدها بدقائق في جلسة اليوم ومنذ قليل .. رد عليه وزير الداخلية بإن الداخلية لم تستخدم الخرطوش

[se_ Elsyed]

إزاي رئيس مجلس الشعب يسمح بالمسخرة والتخريف بتاع بعض المنافقين والمطبلاتية زي مصطفى بكري ده ؟

بكرى: البرادعى يحرّض عملاء الأمريكان

- سمر فواز: منذ 29 دقيقة 47 ثانية

اتهم النائب مصطفي بكري الدكتور محمد البرادعي المدير العام السابق للوكالة الدولية للطاقة الذرية بأنه يحرض عملاء الامريكان والصهاينة فى مصر، موضحا أن هدف التظاهرات الآن هو تدمير الدولة متسائلا: من يقوم بالوقوف وراء هؤلاء؟

وأكد بكري ان صورة مصر فى الخارج الآن فضيحة لصالح عملاء الخارج وعملاء الامريكان والصهاينة الذين يريدون لمصر الخراب، واتهم البرادعي بانه يحرض عملاء امريكا والخارج .

وأكد بكري في كلمته اليوم ان البلطجي الذي يتعدي علي المؤسسات ويقوم بحرقها، لا يستحق أبدا الدفاع بل يجب تفعيل القانون بكل وضوح وصراحة، وأشار إلى ان وزارة الداخلية تواجه حربا ومجلس الشعب لا يملك سوي اللجان والكلمات.

وطالب بكري بأن تمنح وزارة الداخلية حقها الشرعي فى الدفاع الشرعي بمسافة معينة ومن يجتاز المسافة يجب تفعيل القانون، بالاضافة الي قانون تنظيم المظاهرات والاستشهاد بالقانون الامريكي والبريطاني فى صياغته، لتحديد اماكن التظاهرات منعا للفوضي التي تحدث الآن، موضحا ان نواب مجلس الشعب المنتخبين بناء علي شرعية الشعب يخشون الخروج من المجلس من الباب الرئيسي ويقومون بالتسلل عبر الأبواب الخلفية .

اقرأ المقال الأصلي علي بوابة الوفد الاليكترونية الوفد - بكرى: البرادعى يحرّض عملاء الأمريكان

هي بقت كده ؟ أي واحد قاعد على القهوة يتهم حد بدون أدلة وكأنه النائب العام والقاضي والجلاد ؟

لا هو الكتاتني ما سمحلوش ، قاطعه كذا مرة وقال له ما تقولش اسم حد ، يتهيأ لي حتي ما خلاهوش يكمل باقي كلمته

بس إتقال الإسم يا فندم واللي حصل حصل