نبتدي منين؟

[بنت شعنونة]

لاحظت في الفترة الأخيرة انه كله عاوز يعمل حاجا

عشان نعمل حاجا لازم نعرف البداية تبقى منين؟

واضح اننا جيل اتربى غلط

انهزام

انكسار

استسلام

لقمة العيش

كلالالالالالالام كتيييييييييير كله دنيوي

نسينا فيه ان اخرنا تربة وحساب ملكين!

بالنسبة ليا عاوز اعرف رايكم

نبتدي منين؟

في رايي المتواضع

نبتدي من اللي جايين

احنا خلاص راحت علينا

اعتقد انه اول نقطة نعملها اننا نعلم اولادنا ابتداء من الحضانة الدستور و القانون ولو بصورة مبسطة لححححححد ما ينهوا التعليم المدرسي بتاعهم

اقله الواحد لما يخلص دراسه يبقى عارف ايه قاونين بلده ويعرف يناقش فيها لو جه واحد "حتة عسكري او ظابط" حب يستكرده ويضحك عليه بحكم سلطته

اكتشفت دا في موقف حصل امامي

الظابط حب يضحك فيه على مواطن عادي

لكن الظاهر انه طلع مثقف وعارف "حقوووووقه" كويس اوي ولما اتكلم مع الظابط باقانون الراجل اتلبش وماعرفش يعمل ايه ومشي وسابه!!

معنى كدا اننا لازم نعرف حقوقنا قبل ما نطالب بيها!

تفتكروا نبتدي منين؟ ngh:

[الطاحونة الفكرية]

معاكي حق يا شعنونة

أحنا فعلا أتربينا غلط .

أحنا ضحية تربية جيل منتصف الستينات و اوائل السبعينات

تلك الفترة الكئيبة في اللتي شهدت عدم وجود بنية أساسية

و مشاكل الحروب و عواقب الهزيمة و نشوة الأنتصار

هناك فرق و فجوة كبيرة بين المستوى الفكري بيننا و بين الجيل اللذي يسبقنا

فطلع جيلنا مشتت و مشوه و لكن ما أنا متأكد منه هوة أن أولادنا سيتم تربيتهم و تنشاتهم بصورة أحسن مننا كتير جدا

لأننا أكثر وعيا من السابقين و ندرك جيدا ما جناه آبائنا في حقنا رغما عنهم .

أنا والدي دخل كلية الهندسة و أصبح مهندس بمجموع 65 % أيام لما كانت مناهج الثانوية العامة هيه مناهج تانية أعدادي الأن

و أشترى شقة ب200 جنيه تزوج فيها و بنا نفسه بنفسه

تصوري بيطلب مني أني أبني نفسي و أعتمد على نفسي و اكون بطل زيه من غير مساعدات

هاهاهاهاهاهاهاها .

و مش هتكلم تاني لأني لو اتكلمت هغلط و الادارة هتمنعني من الدخول .

vmp:

أما حته نبتدي منين فهنا المشكلة لأن اللي قبلنا لم يتركوا لنا نقطة نبتدي منها

بل تركوا النهاية مفتوحة فتهنا

أرجو أنك تكوني فهمتي

باي

vmp:

[الطاحونة الفكرية]

و بعدين عايزة تعرفي نبتدي منين أدخلي على موضوعي (( تعالوا نعمل حاجه )) و ياللا نبتدي :angry: vmp:

[kfaya]

شعنونة كتبت :

تفتكروا نبتدي منين؟

للأسف يا شانا خط البداية غير موجود ..... مش واضح .... عليه تراب كتير ...

لما يكون حد معايا و بنتكلم فى اى مشكلة من مشاكل مصر ... ويقارن ما بيننا و بين أى دولة أخرى و يقول .. احنا لسة قدمنا ييجى مية سنة عقبال ما نوصلهم ... أقوله أنا موافق ... بس نكون فعلا ابتدينا فى المية سنة دول .. النهاردة ... السنة دى .. السنة اللى فاتت ..

اللى حاصل اننا لم نبدأ بعد .. و يبدو أننا ما عندناش رغبة للبدء ...

عاجبانا حالة الركود و الشلل دى ...

العالم كله شرقة و غربه ... يسير بسرعة الصاروخ ... تجاوز من عشرات السنين القضايا الخلافية التى مازالت هى محور تفكيرنا و شغلنا الشاغل فى الحياة ..

ماذا نتوقع من أداء من مثل هذا البرلمان ... لسه 50% منه عمال و فلاحين ؟؟؟!!! :angry: ماذا ننتظر من رجالات الدولة بعد أن شاخوا فى مقاعدهم و مازالوا متمسكين بها ..

مش موضوع جيل الستينات و لا السبعينات .... لأ ده جيل الألفين ... و الألفين و عشرة ..

بصراحة لو استمرينا على كدا ... يبقى عليه العوض فى أولادنا و أحفادنا كمان ..

[عصام]

أنا بدأت بالفعل .. :angry:

بدأت بأولادى ..

بدأت أعلمهم الصح والغلط .. ليس من منظورى الشخصى .. ولكن من خلاصة فكر وتربية ودراسة ودين .. وتركيبة معقدة شويتين خدت مجهود منى لكن مش منهم ..

بدات أعلمهم أصول دينهم .. صلاتهم وصيامهم ..إلخ

بدأت أعلمهم ألا يتعالوا على أحد

أن يحترموا الجميع ..

أن الدين أساس الحياة .. لكن بدون تعصب ..

أن العلم والمعرفة أهم شيء فى الدنيا .. وبدات أوفر لهم مصادره ..

أعلمهم الاحترام .. إحترام السن الكبير .. بصرف النظر هو مين أو بيشتغل إيه ..

إحترام الدور .. والطريق

أعلمهم النظافة .. والاهتمام بها ..

النظام ..

ترتيب الأفكار ..

الاعتماد على النفس ..

الرياضة ..

حاجات كتيييييرة جدا .. بدأت أعلمها لهم .. ومعايا أمهم ..

لكنى بدأت ..

الصح إننا نبدأ من الجيل القادم ..

لكن يجب ان نبدأ جميييييعا وفى توقيت متقارب كى تكون النتيجة .. جيل كامل من الشباب الواعى المثقف .. المتطلع للأفضل .. القادر على بناء مستقبل مشرق عجزنا نحن عن بناؤه ولككنا وضعنا له حجر الأساس ..

[amostafa]

أنا حاسس اننا وصلنا لمرحه صعبه اوى ,,,,,مرحله زى السرطان اللى ما ينفعش علاجه ولازم استأصاله عن طريق بترالاعضاء المصابه او اللى فيها شبه اصابه .....

انا بصراحه مش عارف بلدنا موديانا على فيين !!! ساعات اتفائل و سعات اكتر اكتأب لما افكر فى حاله بلدنا ....

يا ترى حال البلد ده وا صل للحكومه؟؟؟ و لا الحكومه نايمه على ودنها و ولا على بلها ؟؟؟ ولا الحكومه عرفه كل حاجه بس مطنيشه لأنها و واثقه فى الشعب المصرى انه وديع بيضرب على افاه و يسقف وولا هايفتح بقه و يقول اى ولا بعد مليون سنه ,وبالتالى سيأين فيها ....

تم التعديل بواسطتى

إسو

تم تعديل 23 نوفمبر 2004 بواسطة esssothegreat

[بنت شعنونة]

يخرب بيت البؤس والشقاااااااااااااء يعني ;)

هوا انا قلتلكم ها تنتهوا فيييييييييييين!!!!!! ;)

دا انا بسألكم نبتدي منيييييييييين :)

الله يكرمك يا اسو يا ابني... انت اللي رفعت معنوياتي..

كلنا محبطين :) معاكوا حق..

لكن افتكروا كدا من سنتين فاتوا..

كنتوا تسمعوا عن عمرو خالد!

بقى امبراطورية وفكر واعادة صحوة جميلة اوي..

اشمعنى!

ليه ما زهقش ومشي؟

هوا ابتدى..

وبقى

ولسا ها يبقى..

وانا كمان ناوية ابتدي

عاوزة اذاكر قانون

بطريقة مبسطة عشان ما عنديش استعداد انه حد يضحك عليا بدعوى انه القانون لا يحمي المغفلين..

اهو

خيط وامشي وراه

اكيد ها اوصل لحاجا..

ايه هيا!!

الله اعلم

صح والا غلط

مش عارفا برضه!؟

بس اكيد ها اوصل لنهاية ما...

بداية تانية..

لو ربنا اراد ليا وكونت اسرة خاصة بيا

ناوية اعمل زي اسوو

بس ها ابتدي اربي نفسي الأول واربي اولادي على حاجات كتيييير بنعملها غلط وعاوزة اصححها..

بس برضضضضضه ها ادرس قانوووووووون B)

تدرسوا معايا؟ :angry:

[Katamando]

هناك مقولة أعتقد أنها أساسية في مثل هذا الأمر وهي

إبدأ بنفسك

وهذا سر كل من حاولوا ونجحوا وأنجحوا ما حولهم فمن يريد حلاُ لما يشكو منه فليبدء بنفسه ليكون قدوة ومثل يحتذى فليس من المعقول ان نطالب بأن يحترمنا الآخرون ونحن لا نحترم أنفسنا ففاقد الشيئ لا يعطيه

مش كده ولا ايه؟

[عصام]

الأخوة الزملاء ..

الموضوع جاد جدا .. وهام ..

ويطرح مشكلة وحلول تمسنا جميعا وتمس مستقبلنا ومستقبل اولادنا ..

أرجوا عدم اعتماد السخرية والهزار منهجا ولنطرح أفكارا عملية قابلة للتطبيق بدلا من ذلك ..

المداخلات الخارجة عن الموضوع أو التى تحوى سخرية أو ما شابه سوف تحذف على الفور .. وقد يتعرض صاحبها للإنذارات ..

تحياتى ..

[Set_Amina]

أنا من مؤيدي أن يبدأ الانسان بنفسه ومن ثم سيستطيع بشيء من الوعي والمعرفة أن يربي الجيل الذي يليه تربية مبنية على الحق والعدل، فمن أهم بنود العدل أن أعلم ما هو مطلوب مني تماما مثلما اعلم ما هي حقوقي، وبما ان فاقد الشيء لا يعطيه فمن المهم تعليم الذات أولا

[kfaya]

اسو .. كتماندو .. ست أمينه

جميل طبعا أن يبدأ الأنسان بنفسة , و يربى أولاده على القيم الدينيه و الأنسانية ..

و لكن كيف و اين سيعيشون بعد ذلك .. اليس فى ذلك المجتمع المملوء كذب و خداع و نفاق ..

اليس من الأجدى أن تكون بدايتنا هى للمجتمع ككل ... انا و جيرانى و اصدقائى .. كلنا ..

هكذا نحن نعمق الهوه ما بين مجتمع خمسة أو بحد أقصى عشرة فى المائة .. و باقى الشعب ورائنا بعشرات السنين ..

اليس من الأجدى أن يدرس القانون فى المدارس بدلا من أن يشترى كل واحد كتاب قانون و يقرأه وحده فى منزله ؟؟

اليس من الأجدى أن يحترم حكامنا و كبرائنا القانون .. فيكونوا قدوة لنا .. ؟؟

ما أسهل أن اتقوقع أنا و اسرتى الصغيرة .... وباقى المجتمع يغوص فى الجهل و التخلف و البؤس ..

[عصام]

ما أسهل أن اتقوقع أنا و اسرتى الصغيرة .... وباقى المجتمع يغوص فى الجهل و التخلف و البؤس

للأسف يا كفاية ..

لم يعد أمامى سوى هذا الخيار ..

على الأقل فأنا "ألعب" فى المضمون .. إلى أن يقضى الله أمرا كان مفعولا ..

إما هذا .. وإما فلنظل فى طابور المنتظرين ... والباكين .. والمنوحين .. إلخ

[عصام]

لا أدرى لم وجدت نفسى أبحث عن هذا الموضوع بمجرد فتح المحاورات ..

ألقت شعنونة حجرا فى البركة الراكدة ..

أريد ان نستغل تلك الفرصة ..

أريد أن نتبادل الرأى بهذا الخصوص ..

أريد أن أعرف كيف يعالج كلا منا هذه المشكلة .. وماذا أعد لها وكيف سيغير سواء فى نفسه أو فيمن حوله أو فى البيئة المحيطة به إن استطاع ..

النواح والاستسلام لن يجدى ..

أكاد أجزم بأننا جميعا - وأنا أولكم - مرت بنا تلك اللحظة التى تشعر فيها بالعجز المطلق واليأس .. والإحباط .. وكأنه لن يكون هناك غدا ..

ومنا الكثير - وأنا أحدهم - كتب موضوعات تحتوى فى مضمونها يأسا وإحباطا وانتظارا لغد مجهول .. فيأتى باقى الأعضاء ويهدئون من روعه ويبشرونه خيرا .. ويدعونه للتفاؤل ..

حتى أصبحنا نسير على شكل قطار .. يدور فى دائرة .. !!!

وما أكثر تلك الموضوعات فى المحاورات ..

فلنقتسم تفاؤلنا ..

ولنقتسم حلولنا ..

دعونا نفكر سويا .. ولنكن جادين هذه المرة بعيدين عن التخاذل والاستسلام ..

فلا أنا لن اترك أولادى ينشأون فى الظروف التى نشأت فيها ..

ولا لن أترك لهم ميراثا عظيما من الجهل والتخلف ولأمية

ولن أتركهم عديمى الثقافة لا يدرون ما يحدث حولهم ..

ولن اتركهم إلا بعد ان يكونوا حافظين حقوقهم ..

لن اتركهم إلا ومصيرهم بين أيديهم .. والقرار قرارهم ..

[egyptforever]

انا ايضا اؤيد راي اسو

فليس معنى وجود الكذب و النفاق و الخداع ان نستسلم لما نحن فيه

على الاقل من باب اداء المطلوب منا

فالمجتمع هو اسو و كفايه و سي السيد و ست امينه و شعنونه و كاتماندو

فلابد ان يبدأ كل منا بنفسه

بعد 5 او 10 سنين ممكن الطريقه دي توصل لحاجه

لو كل واحد منا بص على المصاعب اللي هيواجهها ولا زم هتكون في مصاعب مش ممكن هنتقدم خطوه

نعم كفانا بكاء و نواح و استسلام

شبعنا كلمه " ربنا عايز كده "

علشان مستحيل يكون ربنا عايز كده

[بنت شعنونة]

كنت مستنية ايجيبت مخصووووووووووص

طب ايه رايكم نبتدي بداية صغنونة كدا...

عاوزين نعمل حملة للمطالبة بتدريس القانـــــــــــــــــون بشكل مبسط في المدارس

من اول الحضانة لحد الثانوية

اقله هانستفيد منه

احسن من الكيميا و الفيزيا اللي بنمتحنها عشان نرميها لما ندخل الكلية بعد كدا wst::

ايه رايكم في البداية دي.؟

عاجباني والله.. wst::

[بنت شعنونة]

لو عجبتكم الفكرة دي

عندي غيرها كمان

تم تعديل 24 نوفمبر 2004 بواسطة بنت شعنونة

[Lighthouse]

كنت مستنية ايجيبت مخصووووووووووص

طب ايه رايكم نبتدي بداية صغنونة كدا...

عاوزين نعمل حملة للمطالبة بتدريس القانـــــــــــــــــون بشكل مبسط في المدارس

من اول الحضانة لحد الثانوية

اقله هانستفيد منه

احسن من الكيميا و الفيزيا اللي بنمتحنها عشان نرميها لما ندخل الكلية بعد كدا wst::

ايه رايكم في البداية دي.؟

عاجباني والله..

صحيح الالمام بالحقوق والواجبات ضروري وهام

لكن الا تري انه من غير المعقول ان يتم تدريس القانون في المدارس ومن اول الحضانة كمان wst::

إذا كان طلبة الحقوق يتوهون في تفسير المواد القانوينة التي تستخدم في صياغتها جمل تحتاج لاعادة صياغة

اذا تمت الموافقة على هذا الاقتراح فالمطلوب تبسيط مواد القانون حتى يفهمها باقي الناس

الا بالمناسبة

من منا اطلع على مواد الدستور المصري

ثم ان القانون ليس احسن من الكيميا والفيزيا

كل العلوم مهمة لتقدم اي مجتمع يريد ان يرتقي ولاافضلية لعلم على آخر .

المهم تنسيق المواد التي يدرسها الطلاب بشكل يؤهلهم لاستكمال التعليم بشكل مفيد لايعتمد على التلقين والصم وخلاص .

[homer]

واضح ان الناس عايزة تعمل حاجة

لكن المفروض ان الناس تفكر الأول فيما هو ممكن وما هو متاح وسيبكم بأه من حملة للمطالبة بكذا وكذا.

ببساطة كده انت ممكن تعمل ايه عشان تفيد الناس مش تقدر تطالب بأيه

وبعدين يعنى من غير زعل مفيش داعى نخوض فى اللى احنا ما بنفهمش فيه. نسيب التعليم لبتوع التعليم والهندسة للمهندسين والطب للأطباء.

مش كده واللا ايه

وبعدين فيه كذا مشروع تم طرحه فى ياللا نعمل حاجة ومشروع دليل المغتربين فى دبى. دى مشروعات مباشرة تفيد الناس أما حكاية تدريس القانون وتدريس الكمانجة فمعلش يعنى يا دكتورة سيبى العيش لخبازه.

[بنت شعنونة]

لكن المفروض ان الناس تفكر الأول فيما هو ممكن وما هو متاح وسيبكم بأه من حملة للمطالبة بكذا وكذا.

مفيش داعى نخوض فى اللى احنا ما بنفهمش فيه

ى مشروعات مباشرة تفيد الناس أما حكاية تدريس القانون وتدريس الكمانجة

cr((: wst::

ثم ان القانون ليس احسن من الكيميا والفيزيا

ليه؟

طب على الأقل انا سألت سؤال..

فين الأجابة بقى!!

يعني يا استاذ حمو بتقولي اسيب العيش لخبازة..

طب على الأقل فهمني ما هو "العيش" ومين "خبازه"

عشان ابقى فهماك على الأقل!! wst::

تم تعديل 24 نوفمبر 2004 بواسطة بنت شعنونة

[الطاحونة الفكرية]

اكيد كل واحد فينا عنده مشاكل صعبة سواء مع الآخرين او مع نفسه

و عنده مشاكل في التعامل مع الآخرين

متيجي كل واحد يحاول يحل مشاكله هوا الاول و بعدين نحل مشاكل المجتمع

vmp: