نبتدي منين؟

[عقل حر]

متيجي كل واحد يحاول يحل مشاكله هوا الاول و بعدين نحل مشاكل المجتمع

vmp:

المشاكل غير قابلة للفصم يا سيدي

المشاكل العامة تؤثر بالضرورة في المشاكل الخاصة

[أنـفـــال]

بسم الله الرحمن الرحيم

السلام عليكم و رحمة الله و بركاته

الأخت الفاضلة بنت شعنونة..

بداية أشكر لك طريقة الجميلة في الطرح..

و اسمحي لي بالأجابة عن سؤالك..

نبتدي منين؟؟؟

نبتدي مننا احنا ...ازاي؟؟

نبتدي بالعودة الحقيقية لسنة رسول الله و للقرآن العظيم..

لو كانت العودة دي جماعية و سبحان الله ، هيبقى سهل اننا نصلح طرق التعليم

و هنربي اولادنا صح لأننا على المنهاج الصحيح ( القرآن و السنة)

و حتى اذا لم تتصلح طرق التعليم..

فاذا استطاع كل منا ان يجلس مع اولاده يومياً حول كتاب الله ساعة واحدة فقط.. لزرع في قلوبهم حب كتاب الله..

و اذا استطعنا ان نعلم اولادنا دينهم و ان نلتزم بطرق التربية الصحيحة في السنة الشريفة.. فسنحقق نتيجة رائعة..

و الامر كله بيدنا نحن..

فقط اذا اردنا..

مع خالص تقديري ..cld:

أنـفــــال

[Salwa]

سلام من عند الله ...

نبتدى منين ؟؟؟

قبل ما نبتدى نعمل اى حاجة لازم نعرف احنا عاوزين نبتدى منين فى ايه ؟؟.....نبتدى منين طريق الاصلاح ...فى كل شئ .

مثلا يعنى طريق الاصلاح فى الاسرة يبتدى لما نشعر اننا مظلومين ومطحونين وكل حياتنا كفاح ونقول ان الطرف الآخر هو السبب دائما ....وفجأة ...نقف ونسأل نفسنا ..مش يمكن احنا السبب ؟؟؟ ونبدأ فى اصلاح ما كنا نعتقد انه صالح وهو فى الحقيقة خطأ ...

مثلا برضه ......كل واحد رايح الظهر يحضر ابنه من المدرسة وشايف زميل له ماشى بملابس مهترئة وماسك الكتب فى ايده بدون شنطة مدرسة .......وينظر عادى جدا ....ولا كأن ده شئ يؤثر فى النفس لكن فقط بالنسبة له يؤثر فى البانوراما اللى حواليه ....يبقى ده اصبح متبلد وصعب تقنعه .....يبدأ منين ؟؟؟

وغيره وغيره وغيره ..........فى التعليم والصحة وكل شئ...

فيه حاجة جميلة جدا جدا جدا بتحصل من زمان .....من سنين ...فى صمت ...(( فى الاسكندرية ))...

كيف بدءوا ؟؟؟....

مجموعة (نساء ورجال ) ..كل فترة يزيدوا ....تقابلوا واتفقوا على بداية عمل شئ مفيد ...نفسيا ومعنويا ( لهم ) ...وماديا وادبيا للآخرين ...

بدءوا فى دراسة احوال الناس فى الاحياء العشوائية بعد تقسيم انفسهم ...مجموعة خاصة بحل المشاكل الاسرية ومجموعة خاصة بمساعدة المرضى ومجموعة تتولى دراسة احوال الناس وتوزيع مبالغ شهرية او مواد تموينية بصفة منتظمة ....مجموعة درست احوال اطفال مدرسة ابيتدائية فى حى شعبى بسيط ...وتطوعوا بتقديم اللبس المدرسى لهم وتطوعوا بعمل ملابس للعيد للبنين والبنات فى احد المصانع الخاصة بعمل الملابس الجاهزة .....مع الخذ فى الاعتبار ان الاموال تؤخذ من كل اصحاب العمل الموسرين وحتى المتوسطى الثراء ...

توجد مجموعة تساعد الأولاد الضعفاء فى بعض المواد المدرسية يساعدوهم باعطاءهم دروس فى منزل احدهم ..

بعد كم من دراسة الحالات يتضح ان .....

توجد مصر اخرى .....

موازية لمصر بلدنا .....

اللى هى الهرم والنيل والأقصر ...وتوزيع الجوائز ....وعاش اللى عاش ...

اللى عاوز يبتدى مش بيقف ويسأل ....ابتدى منين ؟؟؟

ابتدى من اى شئ ...من اى موقع.....من اى مكان .....

كل نقطة هى نقطة بداية ....

يوجد اكثر من80 فى المائة يعيشون تحت خط الفقر ....ده مش كلام ولا تلويث لسمعة مصر ...دى حقائق معروفة ..

80 فى المائة ...سكتوا ...وسمحوا ان عشرين فى المائة يعيشوا وهم اموات كالأحياء ...برضه علشان يعيشوا ..

فيه حكاية مشهورة حصلت من كذا سنة فى اسكندرية برضه ..

وهى ان فى خيام الايواء ....اكل فأر نافوخ طفل كان ينام فى حضن امه فى العراء ....وتحدثت عنها الجرائد ...ووعد المحافظ بايجاد مسكن لهذه السيدة عندما يتم بناء مساكن الايواء ...

وغيره وغيره وغيره ...العن مما كنتم تحكوا عنه فى جزيرة الذهب ....

هذه المجموعة لم تنتظر بناء المساكن ........ساعدوا بدون ضجيج.

فهمتوا قصدى ؟؟؟؟؟

لعلكم وانتم فى منازلكم تقرءون عن مشكلة شاب او امرأة او طفل .وتمصمصون الشفاه او تتعهدون بالمساعدة ....ثم ...تذهبوا لأحد هذه الاماكن وتروا على الطبيعة ظلم الانسان لأخيه الانسان ويصيبكم كم من الاحباط .....كم من الاحباط ....والغيظ ...والألم ..

لايشفيه سوى تقديم كل او اكثر ما تملكون حتى يشعر بعض الناس من هؤلاء .......ببعض الآدمية ....

عاوزة تعرفى حقوقك ياشانا ؟؟؟؟؟؟؟؟؟

صدقينى لما اللى جنبك ياخد حقوقه تلقائى حايوصلك حقك ....

سكوتنا عن اكل حقوق غيرنا ......سكوتنا ...ضيع حقنا ...

معذرة للثرثرة ....