ثورة ثورة حتى النصر .. إلغاء حالة الطواريء إعتباراً من الغد

[se_ Elsyed]

مشمش لسه قايل كده دلوقت

[se_ Elsyed]

إيه الصدفة الغريبة دي

القرار هايتنفذ من بكره الصبح

هو بكره إيه في أيام ربنا يا رجالة ؟

هههههههههههههههه

ناس ما بتجيش إلا بالعين الحمرا

[osasaus]

المعلم مشمش مايقلش لأ ابدااااااااا

[elzahraa]

الا في حالة جرائم البلطجة

طب ما هى جريمة البلطجة

و هل التحريض ضمن البلطجة

[الغريب]

أيه شغل الإستغفال ده

هي الموضة اليومين دول "البلطجة" ولا أيه

يعني مبارك كان بيستخدم كلمة "الإرهاب" وطنطاوي غيرها "للبلطجة"

مبارك كان يستثني تنفيذ الطوارئ على الإرهاب ، وطنطاوي يستثنيه على "البلطجة"

بكرة يتغير شعار الشرطة ويرجع زي زمان

بس المرة دي هيكون "الشرطة والشعب ضد البلطجة"

ويتم سحل الشرفاء تحت بند جديد وهو البلطجة

لا شك أننا كلنا ضد البلطجة ، ومشاركتنا جميعا هنا تدعوا للتنكيل بالبلطجية

ولكن بقانون ، وليس بإستثناء مهين ومشين

وبعدين مش في مادة 59 في الإعلان الدستوري بتقول :

ويجب موافقة أغلبية أعضاء مجلس الشعب على إعلان حالة الطوارئ ، وفى جميع الأحوال يكون إعلان حالة الطوارئ لمدة محددة لا تجاوز ستة أشهر ولا يجوز مدها إلا بعد استفتاء الشعب وموافقته على ذلك.

من نفس سيادته بقى هو أعلن الكلام ده من غير ما يرجع لمجلس الشعب اللي المفروض أنتقلت ليه السلطات التشريعية والرقابية

[shawshank]

ويتم سحل الشرفاء تحت بند جديد وهو البلطجة

بتفكرني حضرتك بأغنية سلمى صباحي "اتأملوا الصورة" :

قالوا ع الأصيل بلطجي ... وخونوا الثورجي

واهتموا بأونطجي ... وبلدنا مقهورة

[hanzalah]

في هذا الرابط نتذكر تصريحات المستشار البشري

وكان المستشار طارق البشري قد أعلن أمس أن حالة الطوارئ تعتبر منتهية دستوريا ابتداء من اليوم 20 سبتمبر 2011، ولا يجوز لأي سلطة أن تعمل بقانون الطوارئ إلا بعد استفتاء شعبي على ذلك، حسب نص المادة 59 من الإعلان الدستوري الذي يحكم مصر حاليا

My link

الغريب في الامر ان صبحي صالح وقتها عارض هذه التصريحات وقال

وأوضح صالح أن إعلان تفعيل القانون ليس بحاجة إلى قرار جمهوري، لأن القانون بالفعل موجود ولم يصدر مرسوم بإلغائه، فالقانون لا يلغى إلا بقانون، وهذه قاعدة فقهية، موضحا أنه عند انتهاء فترة مد القانون الحالي في يونيو 2012 سوف نلجأ وقتها إلى الإعلان الدستوري لوقف حالة الطوارئ، فنحن كشعب لا نملك إلا انتظار انتهاء مدته. أما المجلس العسكري فله وحده القرار، إما الإيقاف أو التفعيل،

صباح الشرعية الثورية

لان حكامنا حتى يومنا ناس تخاف متختشيش

وياريت حد يبص ف وش صبحي صالح دلوقت ويحكي لي شاف ايه

[الغريب]

قالك "إلا على حالات البلطجة"

ده على أساس أن فيه بلد في العالم مفيهاش بلطجة ، وبالتالي إستمرار قانون الطوارئ إلى الثورة القادمة يديني ويديك طولة العمر

أنا أقترح إقتراح رائع

نلغي "القانون الجنائي" ونثبت "قانون الطوارئ" ويا دار مدخلك شر

[وطني حر]

ما نعمل قانون للبلطجــه وقانون للاهاب .

وبكدا نخلص من الطواري الي ما لهاش قيمه الا مزيد من الاذلال .

ما هو المتنحي تنحي وقانون الطواري لسا متجدد ؟؟؟

[mamdowh]

قالك "إلا على حالات البلطجة"

ده على أساس أن فيه بلد في العالم مفيهاش بلطجة ، وبالتالي إستمرار قانون الطوارئ إلى الثورة القادمة يديني ويديك طولة العمر

أنا أقترح إقتراح رائع

نلغي "القانون الجنائي" ونثبت "قانون الطوارئ" ويا دار مدخلك شر

معنى كده ان تجار المخدرات براءة :yahoo: :yahoo: .............. هات يا أبنى عدة الشغل smk: smk:

[elzahraa]

قالك "إلا على حالات البلطجة"

ده على أساس أن فيه بلد في العالم مفيهاش بلطجة ، وبالتالي إستمرار قانون الطوارئ إلى الثورة القادمة يديني ويديك طولة العمر

أنا أقترح إقتراح رائع

نلغي "القانون الجنائي" ونثبت "قانون الطوارئ" ويا دار مدخلك شر

معنى كده ان تجار المخدرات براءة :yahoo: :yahoo: .............. هات يا أبنى عدة الشغل smk: smk:

LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL

[ام سلمي]

كلمة المشير طنطاوي في ذكري ثورة يناير

http://www.youtube.com/watch?v=Y_p67YONB_c

[احمد رضوان]

مش ممكن كده

كل ما الواحد يبدأ يهدى ويفكر في حل يخرجنا من الدايرة دي ... تلاقي سوء النيه ظاهر وواضح زي الشمس

الواضح انهم بيحتفظوا بأدوات وأد الروح في الأيام القادمة وحتى نهاية إنتخابات الرئاسة وكله بالقانون ... والشاطر اللى يثبت انه مش بلطجي أصلا لو فيه توصيف للتهمة دي من أساسه ، احنا كده بنلعب على بعض مش بنقرب من بعض وكل ما تتهيأ الظروف للحلول يتصب بنزين على النار ... لأ وبنقول كرامة ... كرامة إيه مع اللى بيحصل ده

أما نشوف مجلس الشعب حيعمل إيه في الحركة المسرحية دي

[se_ Elsyed]

متاكد مليون المية إن الجلسة القادمة سيتقدم مجلس الشعب بتشريع لإلغاء قانون الطواري بُرمته

في اكتر من سيء الذكر زكريا عزمي يقول عليه " قانون سيء السمعة "

عايز تلم البلطجية يا حبيبي .. يبقى محاكمات عاجلة عادلة ناجزة مش تقعد سنين

لكن عاوز تشتغل شغل اليهود وتعمل لي مسمار جحا عشان تمارسوا هواياتكم القذرة في تلفيق التهم للأبرياء ...... هانقول لك ده كان زمان .. كان فيه وخلص .. دلوقت في برلمات وفي ميدان كمان يا حبيبي هايخلوا نهاركم ليل

[se_ Elsyed]

تعريف ظريف قرأته للبلطجة

البلطجه: هى اى تصرف يصدر من شخص او مجموعه افراد, وميعجبش البييه الضابط

[se_ Elsyed]

ولو تلاحظوا إن بلدنا الوحيدة اللي كلمة " عاطل " فيها كلمة تعتبر تُهمة وممكن تلبس فيها قضية

مع إني لو اتخرجت من كلية الطب وما كنتش لسه لقيت شغل .. فبيبقى إسمي عاطل عن العمل ... ومع إني لو كنت وصلت لاعلى الدرجات وتركت عملي ولسه باحث عن العمل .. فبيبقى إسمي عاطل

كذلك سيفعلوا مع تعريف البلطجي ... كل واحد شكله مش عاجبهم .. او بيقول بِم حتى .. هايبقى بلطجي

ولو تلاحظوا كمان إن قانون الطواريء بقى له عقود .. فهل قضى على تجار المخدارت ؟ او البلطجة ؟ او الإرهاب ؟

إذن هي ليست مسألة قوانين على قدر ما هي مسألة تنفيذ القانون بحذافيرة على الجميع بما يحقق العدل .. مهما كان المواطن حتى لو كان الرئيس نفسه ..

[ابراهيم عبد العزيز]

لا أدري لماذا فرحتنا دائما تأتي منقوصة ؟؟

لأول وهلة عندما قرأت عنوان موضوع الأخ سي السيد برفع حالة الطوارىء إعتبار من غدا , إبتهجت كثيرا , ودخلت لأقرأ تفاصيل الخبر لأجد (الإستثناءات المعتادة) التي تُفرغ القرارات من مضمونها

البلطجة تعريفها فضفاض جدا ويتسع لأمور كثيرة حسب الحاجة

فهناك كثير من المواطنين تم محاكمتهم عسكريا بعد ثورة 25 يناير بتهمة البلطجة , وكثير من هؤلاء تجدهم من الشباب ذوي التعليم الجامعي !

والمجلس العسكري عقب ثورة 25 يناير غلظ عقوبة البلطجة في القانون الجنائي بعقوبات قوية , فما الحاجة لإبقاء قانون الطوارىء في جرائم البلطجة طالما أن القانون الجنائي فيه ما يكفي وزيادة للردع ؟؟؟

تم تعديل 24 يناير 2012 بواسطة ابراهيم عبد العزيز