متابعة فعاليات موجة الثورة الثانية .. 25 يناير 2012

[se_ Elsyed]

فيه معلومات غير موثقة إن رئيس المحكمة الدستورية رفض يستلم سلطات رئيس الجمهورية من المجلس العسكري :)

هوا للدرجة دي أمه داعية عليه اللي هيستلم ؟؟؟

شكل ربك رايدها تروح للبرادعي ,,

نستنى جمعة الغضب ونشوف حترسي على ايه

مع اني عارف اننا لما ننتزعها من انياب العسكر الاخوان حيركبوا عليها ويقبلوها زي عوايدهم ,,

اهدى شويه يا تيمور ده مش شوب عصير بتعزموا بعض عليه وإن ماشربوش مجلس الشعب يبقى بالهنا والشفا على البرادعي أو غيره

إحنا في دولة مش محل عصير

وفي أليات معينة يجب أن تُتبع حتى لو كنا في حالة ثورية

وبالتالي الخروج من هذه الأزمة والوصول لبر الامان وبداية الطريق الصحيح هايكون بتخلي المجلس العسكري عن غباءة وفتح باب الترشح لرئاسة الجمهورية في فبراير بعد إنتهاء إنتخابات البتاع اللي مش عارفين له فايدة وإسمه مجلس الشورى .. وعلى شهر إبريل يبقى عندنا رئيس جمهورية ويروحوا هما لثكناتهم ومش عاوزين نشوف وش حد فيهم تاني

[م تيمور المراغي]

الزوق بتاعكوا ده ما بياكلش مع طنطاوي

لاتشتري العبد الا والعصا معه

ان العبيد لانجاس مناكيد ,,

[أبو محمد]

فيه معلومات غير موثقة إن رئيس المحكمة الدستورية رفض يستلم سلطات رئيس الجمهورية من المجلس العسكري :)

هوا للدرجة دي أمه داعية عليه اللي هيستلم ؟؟؟

يا أستاذ أحمد ..

متابعتى للحوار بتاع تسليم السلطة جابتلى إحساس إن الرياسة دى بنت بايرة بيدورولها على عريس الغفلة

حتى إذا كانت المعلومات "الغير موثقة" دى جاتلك من مصدر "غير موثوق" فأنا مصدقها .. لأن رئيس المحكمة الدستورية بيفهم فى الدستور ومش ممكن يوافق على شئ غير دستورى

الكتاتنى ، ومن قبله الأخوان ، وحزب الحرية والعدالة أعلنوا مرارا إنهم لا يوافقون

البرادعى .. إنسى .. خلاص .. بح ، مع إنه كان أول المحتملين .. بس الظاهر إن فيه حد وعاه على البير وغطاه .. وقاله يا دكتور .. دانتو دافنينه سوا .. جماعتك بيغيروا مواقفهم زى ما بيغيروا شراباتهم .. وحيفضلوا يهتفولك ، وان كسبت الرياسة ، انت عارف اللى حيحصل .. حيبيعوك فى أول محطة .. دانتو دافنينه سوا يا دكتور

يا أحمد بيه .. إنت عارف إنى من أكتر الناس استعجالا لممارسة الديموقراطية والخلاص من الحكم العسكرى اللى شفته 60 سنة صوت وصورة وابيض واسود وبالألوان ..

بس فى نفس الوقت باحب مصر وباخاف عليها .. مش علشانى .. أنا عمرى ورايا .. أنا خايف عليها علشان أولادى وأحفادى اللى عمرهم قدامهم .. مش معقول نصبر ونستحمل 60 سنة وبعدين نعرض بلدنا لمخاطر علشان 60 يوم .. بالذمة ده كلام ؟

اللى مرت عليه كل الأطياف واحتك بيهم يعرف إن فيه ناس أيديولوجيتها هى خلق جو من عدم الاستقرار ودفع المجتمع إلى حافة الهاوية .. هى أيديولوجيتها كده .. قايمة على نظرية الصراع المستمر .. هو ده المناخ اللى بتعيش فيه الناس دى

وبما إن الحكاية قربت ، فخلينى أخرج عن تحفظى "شوية" .. أنا شايف إن من يوم ما انتهى شهر العسل بين شباب الثورة والمجلس العسكرى إن فيه مخطط (مش مؤامرة) لدفع مصر إلى حالة زى حالة ليبيا أو سوريا .. فاكر دعاوى "المجلس الرئاسى المدنى" ؟ .. مش بتفكرك بالمجلس الوطنى الليبى ، ومجلس الثورة السورى ؟ .. كفاية كده بقى .. أرجع لتحفظى تانى :P

[م تيمور المراغي]

بس سؤال

ايه الفرق بين اول فبراير و اول يوليو

ليه البعض شايف ان اول يوليو هو الفردوس الاعلى من الجنه كأن كتاب الله قد نزل به

[EsoWay]

للإخوان مش عارف ليه حاسس إنهم عايزين ينزلوا ويخايفين من حاجة مع الميدان ومش معاه

لإن لهم موقفين

الموقع الأول وسط الميدان كأنهم بيسخروا من الثوار وفرد عضلات وعاملين مشاكل والثوار عاملين مشاكل معاهم

والموقف التاني على أطراف الميدان بيحموا الثوار !

متفهمش بقى هما بيجرحوا ويداوو ولا إيه ! صراحة معتش فاهم حاجة من تناقضهم !

كأنهم بيلعبوا على كل الحبال مع الشعب ومع الجيش ومع البرلمان ومع الميدان !

ملهمش موقف واضح ياريت حد يفسرنا اللي بيحصل

تم تعديل 26 يناير 2012 بواسطة EsoWay

[Ahmed Anwer]

بغض النظر عن إننا مفيش أي حل سياسي

و لا مطلب واضح

بس يبقي أكبر مكسب النهاردة إثبات إن الشعب مع الثورة

عشان الواحد كان ابتدي يشك من الكلام بتاع أنتم أقلية و الناس زهقت و بتضربوا في كل حته

و كده ننام مطمنين إن الدنيا هتمشي كويس إن شاء الله

طول ما الشعب موجود و الميدان موجود

[Alshiekh]

للإخوان مش عارف ليه حاسس إنهم عايزين ينزلوا ويخايفين من حاجة مع الميدان ومش معاه

لإن لهم موقفين

الموقع الأول وسط الميدان كأنهم بيسخروا من الثوار وفرد عضلات وعاملين مشاكل والثوار عاملين مشاكل معاهم

والموقف التاني على أطراف الميدان بيحموا الثوار !

متفهمش بقى هما بيجرحوا ويداوو ولا إيه ! صراحة معتش فاهم حاجة من تناقضهم !

كأنهم بيلعبوا على كل الحبال مع الشعب ومع الجيش ومع البرلمان ومع الميدان !

ملهمش موقف واضح ياريت حد يفسرنا اللي بيحصل

ده اسمه مسك العصا من المنتصف

اكبار يقولوا حاجة ويسيبوا اصغار يعملوا عكسها، مشيت يظهروا في الصورة ويقول لك احنا موجودين من البداية ، كلكعت يقولك مالناش دعوة ده اللى عملها الصغا واحنا حنحاسبهم.

سيناريو 25 يناير 2011

[أبو يمنى]

اهدى شويه يا تيمور ده مش شوب عصير بتعزموا بعض عليه وإن ماشربوش مجلس الشعب يبقى بالهنا والشفا على البرادعي أو غيره

إحنا في دولة مش محل عصير

[Alshiekh]

من متابعتي لأحداث اليوم 25 يناير 2012

ومن خلال متابعة أخبار المحافظات وخروج الناس لإثبات أن الثورة مازالت قائمة

ومن خلال متابعتي لنوعيات الناس التي شاركات في المظاهرات اليوم والتي تنوعت مابين سياسيين وأساتذة جامعات إلى أفراد لم يحالفهم الحظ للحصول على أي قسط من التعليم مرورا بكل المستويات الإجتماعية

أستطيع أن أقول أن الشعب المصري مازال يقظا وأنه شعب محترم كل ماينقصه هو الإدارة الجيدة التي تعرف كيف تُخرج منهم طاقات نافعة لهم ولمجتمعهم.

أستطيع أن أقول أن الشعب أراد يبعث للمجلس العسكري ولأعضاء مجلس الشعب وللوزارة ولمن سيأتي بعد ذلك برسالة مفادها " نحن نراقبكم ونحسب عليكم ماتفعلون ، لن تستطيعوا أن تضحكوا علينا من جديد ، خلاص كسرنا قيودنا وعرفنا الطريق للتعامل معكم .

بارك الله فيكم ياشعب مصر وأكمل ثورتكم على خير وبإذن الله ستكون مصر في الصفوف الأولى قريبا.

اللهم بارك في مصر وفي شعبها وولي أمورها خيار أهلها

[ابراهيم عبد العزيز]

واقول للاخ زعبلة والاخ ابراهيم عبد العزيز. مع احترامي لرأيكم

غالبية الناس التي نزلت اليوم لا تريد سوى المضي قدما في الخطوات التي بدأناها بالفعل وفي نفس الوقت لا تمانع في التظاهر من اجل الضغط علئ العسكر في تنفيذ وعده ولبس كما يظن البعض في ان نلعب من اول وجديد

تحياتي

السلام عليكم ورحمة الله وبركاته أخي الفاضل أبو ريم

ما هي الجملة التي وردت في تعليقي يا أخي أبو ريم أقول فيها أننا نريد اللعب (من أول جديد) ؟

لم أقل ذلك

ولكني قلت أن الشعب المصري بحشده اليوم رد على من يروجون بأن الشعب فوض برلمانه وأعطاه صكا على بياض للتصرف ولا يريد الأن ميدان التحرير

رد على من ظلوا يرهبوه من هذا اليوم طوال الأيام الماضية

هذا ما قلته

أود التعليق أيضا يا أبو ريم على ما ورد في تعليق لاحق لك تقول فيه للسيد ماستر : أن خطة الإنتقال التي وافق عليها الشعب كانت كالتالي ( برلمان ثم دستور ثم رئاسة )

إسمحلي أخي هذا غير صحيح

خطة الإنتقال التي إعتمدها الشعب كانت كالتالي ( برلمان ثم رئاسة ثم دستور )

وهذا أخر تصريح للمشتشار طارق البشري :

البشري شدد على أن النصوص التي وضعتها اللجنة الدستورية تحسم بما لا يقبل الجدل "نقل جميع السلطات من المجلس العسكري إلى البرلمان المنتخب والرئيس المنتخب قبل الانتهاء من وضع الدستور الجديد".

وعلق البشري على كلام بعض القانونيين من ضرورة وضع الدستور قبل انتخاب الرئيس بأنه "كلام غير صحيح وفي غيره محله" وان الصواب هو "نتخاب رئيس الجمهورية أثناء عمل الجمعية التأسيسية في وضع الدستور الجديد للبلاد، وليس بعده".

الأن يا أبو ريم قرار المجلس العسكري بتأجيل الرئاسة لما بعد وضع الدستور الجديد يخالف رأي الشعب , فكيف توافقون على ذلك وأنتم دائما تتمسكون برغبة الشعب التي أعلنها في الإعلان الدستوري ؟؟

كيف أفهم وقوقفكم أمام أمام أي طرح للثوار بدعوة أن هذا ( إفتأت على إرادة الشعب )

وفي نفس الوقت تقبلتوا بكل أريحية الإفتأت على رأي الشعب أكثر من مرة منها عندما قرر المجلس العسكري مد العمل بقانون الطوارىء دون الرجوع للشعب على الرغم من إنتهاء مدة الستة أشهر كما نص الإعلان الدستوري ؟؟؟

تقفون ضد أطروحات الثوار بحجة أن هذا ( إفتأت على إرادة الشعب ) , في الوقت الذي لم تتحركوا نفس التحرك أمام قرار المجلس العسكري تقديم وضع الدستور على الإنتخابات الرئاسية بما يخالف الدستوري ولم تتصدوا لهذا الإفتأت على إرادة الشعب

كيف أفهم هذا التناقض ؟؟

تحياتي أخي

تم تعديل 26 يناير 2012 بواسطة ابراهيم عبد العزيز

[عماد حمدي]

أنا عن نفسي مش شايف أي سبب لتأخير فتح باب الترشح للرئاسة إلى منتصف إبريل

طب لو قولتوا البلد هاتبقى مشغولة في إنتخابات مجلس الشورى واللي هاتنتهي منتصف فبراير ...

يبقى نستنى شهرين ليه وأساساً جمع توقيعات تأييد ترشيح المتقدمين لإنتخابات الرئاسة وعرض البرامج هاتاخد وقت ....

ومن الاخر ... سمعت في احد البرامج وعاوز اتأكد من الخبر ده إن المستشار محمد عطية وزير التنمية المحلية وفي نفس الوقت هو وزير مجلسي الشعب والشورى نفى تماماً ما قاله الفنجري عن موعد منتصف إبريل ... وهذا ما تأكد في كل تصريحات العسكري اللي بيأكداو بس عن تسليم السلطة ولا توجد أي خطوات او قرارات عن فتح باب الترشح ..

وعاوز كل واحد يسأل نفسه بأمانه بمناسبة الشهر اللي هانضيعة في إنتخابات مجلس الشورى .... إنت مقتنع او مهتم بالمشاركة في إنتخابات مجلس الشورى اللي هاتبدأ بعد يومين دي ؟ ويا ترى عندك فكرة عن مرشحين دائرتك ؟ طب يا ترى سمعت أو قرأت عن برامج المرشحين ؟

شيئ سخيف لما نضيع وقت عشان حاجه هايفة الجميع غير مقتنع بها .. في حين إن امور البلد لن تستقر إلا بعد وجود رئيس منتخب إنتخاب حُر .. وفي رأيي وجود قيادات محلية تنفيذية تعمل على الأرض لتغيير وجه الشارع المصري .

مجلس الشورى ليه دور مهم ، إحنا مش كنا حاسين بدا أيام المخلوع لكن بعد الثورة أكيد هيكون ليه دور ملموس

و يكون فيه تطوير في وظائفة و مهامه ، لذلك أنا واحد من الشعب المصري .. مواطن مصري بسيط

قمت بدور إجابي مش بالمنتدى هنا بس لكن في كل مكان أنا مشترك فيه

و عملت الموضوع دا

كل ما يخص إنتخابات | مجلس الشورى 2012

عرضت فيه مهام مجلس الشورى و اختصاصته و قولت موعد الإنتخابات إمته و الإعادة إمته

و قولت كمان موعده للمغتربين ، هما مرحلتين فقط ، و قولت أول جلسة هتنعقد إمته

مش أنا و لا أنته و لا غيرنا نقول ليه فايدة و لا ملوش

لسبب بسيط نحن مهما تكلمنا في السياسة فمفيش عندنا الخبرة الكافية زي الحكومة

بالقيادة الجديدة أنا واثق ان مجلس الشورى هيكون ليه دور فعال

يبقى نعمل اللي علينا ..

هذا فيما يتعلق بمجلس الشورى أول جلسة هتنعقد يوم 28 فبراير ياعني بعد شهر

ممكن بعدها نفتح الباب للترشح للرئاسة مش نستني لحد منتصف إبريل

و تكون الإنتخابات في يونيه و نلتزم بالجدول الزمني

أصل كلها شهرين مش كتير

لو فتحنا باب الترشح مثلاً بداية من مارس

يكون فيه فترة كافية للتقدم و عمل الدعاية .. الخ

و نحدد ميعاد للإنتخاب و بعد كدة نسلم السلطـــــــــــــة ،،

[عماد حمدي]

العريان ده يروح يتغطه

سلموهالى انا ياعمنا

قولهم كده هنسلم السلطه لزعبله وهنخلع العسكرى

اذا لقيت حد يعترض هتراهن معاك بخمسه جنى

بصراحة لو رئيس مصر هايبقى أسمه زعبله .. لأ ده أنا أكلف نفسي وأروح أرجع مبارك وألصمه وأرجعه تاني إن شالله يحكمنا من على السرير اللي مستلوح عليه ده ..

قال زعبلة قال ؟؟؟

يعني أفتح الجرنان الصبح أقرأ خبر : هذا وقد قام سعادة الرئيس المفدى زعبلة بأفتتاح معهد السنبلاوين للعزف تحت الماء .. وقد كان في معيته السيدة الأولى ام سلحول وأبنيهما حبلص ومنًص .. حفظ الله الزعيم المفدى في حله وترحاله ...

هات الخمسه جنىه يا زعبلة بقا :P أهو واحد من عليا القوم إعترض

[ابراهيم عبد العزيز]

وقتها مش حيرفض لما يكون امر واقع

لكن بيني وبينك التفكير دلوقتي مش في اعطائها لمجلس الشعب

نشوة القوة مسيطره على الثوار

وموضوع خطاب الشكر اللي وجهه البرلمان للعسكر خلاهم يقرفوا منه

احتمال يتم التوافق على شخص دكتور برادعي بس لسه مش متأكد

اول ما الاقي اخبار حكتبها هنا ان شاء الله

تيمور,

احظروا الطرح دة ومتخلش غرور العدد يخدكم, اقتراح اسماء معينة سوف يعقد القضية اكثر ولن يحل المشكلة, اختيار اى شخص يجب ان يكون لوظيفتة وليس لشخصة مع احترامنا لدكتور البردعى,

كلامك صحيح يا سيد ماستر وأتفق معك

فكما تفضلتم : إختيار أي شخص يجب أن يكون لوظيفته وليس لشخصه

يا أخي تيمور : طرح أسماء لتولي فترة إنتقالية في هذا التوقيت هو طرح أشبه بالفخ لمحاولة ضرب ما نلمحه من بداية إلتفاف وإصطفاف الناس وراء مطلب نقل السلطة لرئيس مجلس الشعب

الحذر الحذر أخي تيمور من طرح أسماء لتولي الفترة الإنتقالية , فهذه والله فكرة مدسوسة

فمثلا هناك فئة ستطلب أن يتولى البرادعي المسئولية وستراه الأصلح

فئة أخرى ستطلب أن يتولى المستشار ذكريا عبد العزيز المسئولية وستراه الأصلح

فئة أخرى ستطلب أن يتولى الدكتور حسام عيسى المسئولية وستراه الأصلح

وهكذا

فتتشتت الأراء وتتشعب ويفسد الأمر كله

ونحن نتكلم عن دولة يا أخي تيمور

ولو قامت كل فئة بترشيح شخص تراه الأصلح للمسئولية فلن ننتهي مطلقا

سيقول قائل : رئيس البرلمان رفض إستلام السلطة فماذا نفعل ؟؟

أقول إذا رفض رئيس البرلمان إستلام السلطة بعد أن عُرضت عليه , يكون بذلك شباب الثورة قد قاموا بما عليهم حتى لا يلومهم أحد , وأشهدوا عليه التاريخ أنه رفض تولي المسئولية في هذا الظرف الراهن وهذا يكفيه وزيادة

يبدأ بعدها الإنتقال للخيار الثاني

الخيارات المنظمة التي تتفق مع فكر إدارة دولة

تتضح في هذا الجزء الذي أقتبسه من تعليق للأخ ماستر :

خلليك فاكر كويس تسلسل انتقال السلطة طبقا للقوانين المصرية:

1- رئيس مجلس الشعب ويتم الانتخابات الرئاسية بعد 60 يوم

2- رئيس المحكمة الدستورية العليا ويتم الانتخابات الرئاسية بعد 60 يوم

3- تأجيل انتخابات مجلس الشورى وفتح باب الانتخابات لرئاسة الجمهورية فورا وتتم الانتخابات بعد شهر من تاريخة ( طبقا لاستفتاء 19 مارس) ودة اضعف الايمان, ونفس الوقت لو وصلنا ل الا ختيار دة لازم يكون فية مليونية كل جمعة فى ميدان التحرير حتى يتم انتخاب الرئيس ويمشى العسكر

- علشان منلفش فى دوائر مفرغه وفية طرف يرفض او يطلع بكلام من عندة والعسكرى يستغل الفرصة يجب الالتزام بالقانون وعدم طرح اى اسم بعينة وفى نفس الوقت نحافظ على التوافق قدر الامكان

تم تعديل 26 يناير 2012 بواسطة ابراهيم عبد العزيز

[عماد حمدي]

للإخوان مش عارف ليه حاسس إنهم عايزين ينزلوا ويخايفين من حاجة مع الميدان ومش معاه

لإن لهم موقفين

الموقع الأول وسط الميدان كأنهم بيسخروا من الثوار وفرد عضلات وعاملين مشاكل والثوار عاملين مشاكل معاهم

والموقف التاني على أطراف الميدان بيحموا الثوار !

متفهمش بقى هما بيجرحوا ويداوو ولا إيه ! صراحة معتش فاهم حاجة من تناقضهم !

كأنهم بيلعبوا على كل الحبال مع الشعب ومع الجيش ومع البرلمان ومع الميدان !

ملهمش موقف واضح ياريت حد يفسرنا اللي بيحصل

حضرتك لو قريت رساله المرشد العام بخصوص يوم 25 يناير هتعرف بالظبط الدنيا فيها اية

بإختصار شديد فيه حشد للإخوان للتواجد في الميدان

و التقسيمة كالتالي

المنصه في النص

و شباب الإخوان تكوين دروع بشرية علي المنصه

و كمان

تأمين مداخل و مخارج الميدان

ياعني لو بقوا كلهم في النص مع المنصه دا غلط و الميدان كدا مش متأمن

هدف وجود الإخوان في الميدان التأمين لذلك في رسالة المرشد العام قال ان يكون فيه إعتصام رمزي

لحد يوم الجمعه او السبت حسب ما كلمت أخ إخواني أمس

هدف الإعتصام دا زي ما قولت تأمين المديان كاملاً و أعتقد اللي في الميدان حالياً لامس دا كويس جداً

لأن من الممكن دخول عناصر مُخربة وسط الثوار و سيتم إتهام الثوار نفسهم بأنهم مخربين و و و

موضوع التأمين هام جداً و التوزيع و طريقة التوزيع أهم ..

تحيــــــــاتي ،،

[م تيمور المراغي]

ابراهيم عبد العزيز

طرح اسم الشخصية التوافقيه حيكون بعد اصرار الكتاتني ومن بعده رئيس المحكمة الدستورية العليا على رفض استلام السلطة

والاقتراح ده في حد ذاته سيجعل من الصعب بل من المستحيل على اي منهما رفض استلام السلطه

لان الاصرار المريب على الرفض ده والرضى بالبقاء تحت حكم العسكر رغم كل تاريخه المشين خصوصا مع الاخوان ليس له غير معنى واحد ,,

[م تيمور المراغي]

الى كل من لم يؤمن بالموجه الثانيه للثوره

الى كل من يرفض التغير:

كنت أفكر ذات يوم في حيوان الفيل، وفجأة استوقفتني فكرة حيرتني وهي حقيقة أن هذه المخلوقات الضخمة قد تم تقييدها في حديقة الحيوان بواسطة حبل صغير يلف حول قدم الفيل الأمامية، فليس هناك سلاسل ضخمة ولا أقفاص كان من الملاحظ جداً أن الفيل يستطيع وببساطة أن يتحرر من قيده في أي وقت يشاء لكنه لسبب ما لا يقدم على ذلك !

شاهدت مدرب الفيل بالقرب منه وسألته: لم تقف هذه الحيوانات الضخمة مكانها ولا تقوم بأي محاولة ل...لهرب؟

حسناً، أجاب المدرب: حينما كانت هذه الحيوانات الضخمة حديثة الولادة وكانت أصغر بكثير مما هي عليه الآن، كنا نستخدم لها نفس حجم القيد الحالي لنربطها به.

وكانت هذه القيود -في ذلك العمر– كافية لتقييدها.. وتكبر هذه الحيوانات معتقدة أنها لا تزال غير قادرة على فك القيود والتحرر منها بل تظل على اعتقاد أن الحبل لا يزال يقيدها ولذلك هي لا تحاول أبداً أن تتحرر منه ، كنت مندهشاً جداً. هذه الحيوانات –التي تملك القوة لرفع أوزان هائلة- تستطيع وببساطة أن تتحرر من قيودها، لكنها اعتقدت أنها لم تستطع فعلقت مكانها كحيوان الفيل، الكثير منا أيضاً يمضون في الحياة معلقين بقناعة مفادها أننا لا نستطيع أن ننجز أو نغير شيئاً وذلك ببساطة لأننا نعتقد أننا عاجزون عن ذلك، أو أننا حاولنا ذات يوم ولم نفلح .

حاول أن تصنع شيئاً.. وتغير من حياتك بشكل إيجابي وبطريقة إيجابية !

Waled Wahed

[م تيمور المراغي]

سيذكر التاريخ ان المصريين الأقباط خرجوا في الثورة الثانية للمطالبة بمحاكمة قتلة الشيخ عماد ..

بينما الإخوان المسلمين يحتفلون علي المنصات باغاني داليدا و منير و راب..!!”

[م تيمور المراغي]

ليه التيار الاسلامي قسم الشعب الي فصيلين علمانيين واسلاميين

وعلى طول نسمعه يقولوا العلماني علاء الاسواني والعلماني دكتور البرادعي والعلمانيين 6 ابريل ,,

وعمرنا ما سمعنا حد منهم يقول العلماني عمرو موسي أو العلماني أحمد شفيق او العلماني طنطاوي أو العلماني الفريق عنان !!

وظل الفلول والعسكر خارج التقسيمة المصطنعة التي صنعوها !!

اربط كل الخيوط ببعضها وضيف اليها عدم هجوم المجلس العسكري اطلاقا عليهم واصرار التيار الاسلامي المستميت على الخروج الآمن للعسكر وبقائهم في السلطه وقت اطول وانت تشوف الصورة كاملة ,,

[احمد رضوان]

ليه التيار الاسلامي قسم الشعب الي فصيلين علمانيين واسلاميين

وعلى طول نسمعه يقولوا العلماني علاء الاسواني والعلماني دكتور البرادعي والعلمانيين 6 ابريل ,,

وعمرنا ما سمعنا حد منهم يقول العلماني عمرو موسي أو العلماني أحمد شفيق او العلماني طنطاوي أو العلماني الفريق عنان !!

وظل الفلول والعسكر خارج التقسيمة المصطنعة التي صنعوها !!

اربط كل الخيوط ببعضها وضيف اليها عدم هجوم المجلس العسكري اطلاقا عليهم واصرار التيار الاسلامي المستميت على الخروج الآمن للعسكر وبقائهم في السلطه وقت اطول وانت تشوف الصورة كاملة ,,

يا تيمور التقسيمة دي اللى بدأها هم أمن الدولة يوم ما اخترق حساب بنت البرادعي ونشر صورهم الشخصية ، وبعدها بدأت موجة ان ده المنتظر منه لأنه علماني وإنه حيسمح بزواج الشواذ ... يعنى الموضوع بدأ من نظام مبارك لتشويه الرجل

بعد كده احنا اللى أضفنا السيناريوهات المختلفة وعملنا الحبكة الدرامية

الأمر الآخر فيه فرق بين انك تشتغل سياسة وإنك تكون ثائر ... حدد دورك ثائر معناها تضغط تاخد حقك بقوة الإرادة الششعبية ، لكن تشتغل سياسة معناها تتفاوض ومكاسب وتنازلات وقبول أطروحات قد لا تكون مرضية للجميع

احنا ليه مش عايزين نوصل لإن الثورة تتكون من الإثنين ، ولازم التكامل ، التخوين والتخبيط في بعض ... مش بيفيد غير المجلس العسكري

اليوم اثبت ان الشعب فاهم ومع الثورة ... بس كمان مع الإستقرار ومع دعم مجلس الشعب

ياريت نتجمع على ده

الإخوان مجلس الشعب شغالين وشايفين انهم يتفاوضوا ويهادنوا ويكسبوا وقت وارض في الوقت الحالي ... والثوار شاغلين ضغط وحشد وتوعية للشارع .... فيه اجمل من كده ادوات نتحرك بيها للمستقبل في ظل الظروف الحالية ... يا ريت نغير الإطار اللى النظام اللى لسه بيترنح راسمهولنا ونخرج نعمل إطارنا الىىفيه الكل بيتحرك إسلامي إخواني سلفي ليبرالي علماني ... كلنا

صباح الخير .. صباح الثورة

صباح ثورة فيها مصريين من كل الإطياف إيدهم في إيد بعض

صباح مفيهوش فرقه ومفيهوش آسافين تندق بينا من المجلس العسكري

صباح فيه كنيسة الدوبارة بتفتح للمسلمين يتوضوا

صباح فيه قس خارج شايل صورة الشيخ عماد عفت

[احمد رضوان]

صورة لثائرين نازلين يكملوا الثورة .... مش نازلين يحتفلوا إبداً .... مصر كلها نازلة تكمل المشوار وومش ناسية الشهداء ولا المصابين ... مش ممكن شعب بالقوة ده ممكن يخسر

تم تعديل 26 يناير 2012 بواسطة احمد رضوان